2007-ﻳﯩﻠﻰ2-ﺋﺎﻳﻨﯩﯔ 10-ﻛﯜﻧﻰ ﺷﯩﻨﺠﺎﯓ ﯞﺍﻗﺘﻰ ﺳﺎﺋﻪﺕ 12:30ﺩﺍ ﺑﯩﺰ ﭼﯜﺷﻜﻪﻥ CA1296-ﻗﯧﺘﯩﻤﻠﯩﻖ ﻧﯚﯞﻩﺗﭽﻰ ﺋﺎﻳﺮﯗﭘﯩﻼﻥ ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺋﺎﻳﺪﯗﺭﻭﻣﯩﺪﯨﻦ ﺑﯘ ﻗﯧﺘﯩﻤﻘﻰ ﺳﻪﭘﯩﺮﯨﻤﯩﺰﻧﯩﯔ ﺑﺎﺵ ﺑﯧﻜﯩﺘﻰ ﺑﻮﻟﻐﺎﻥ ﭘﺎﻳﺘﻪﺧﺖ ﺑﯧﻴﺠﯩﯖﻐﺎ ﻗﺎﺭﺍﭖ ﻳﻮﻟﻐﺎ ﭼﯩﻘﺘﻰ.ﺑﯩﺰ ﺑﯩﺮ ﺋﯩﻜﻜﻰ ﺋﺎﻳﺪﯨﻦ ﺑﯘﻳﺎﻥ ﺗﯜﺭﻟﯜﻙ ﺭﻩﺳﯩﻤﯩﻴﻪﺗﻠﻪﺭﻧﻰ ﺑﯩﺠﯩﺮﯨﭗ ﺗﻪﻕ ﻗﯩﻠﯩﭗ ﺗﯚﺕ ﻛﯚﺯﯨﻤﯩﺰ ﺑﯩﻠﻪﻥ ﻛﯜﺗﯩﯟﺍﺗﻘﺎﻥ ﺑﯘ ﻛﯜﻥ ﺋﺎﺧﯩﺮﻯ ﻛﻪﻟﮕﻪﻥ ﺋﯩﺪﻯ.ﺑﻮﻟﯘﭘﻤﯘ  ﺷﯩﻨﺠﺎﯓ ﺗﻪﯞﻩﺳﯩﺪﯨﻦ ﭼﯩﻘﯩﭗ ﺑﺎﻗﻤﯩﻐﺎﻥ ﻣﻪﻧﺪﻩﻙ ﺑﯩﺮ ﺋﺎﺩﻩﻣﮕﻪ ﺑﯘ ﺳﻪﭘﻪﺭ ﺑﺎﺷﻘﯩﭽﻪ ﮬﺎﻳﺎﺟﺎﻧﻠﯩﻖ ﺗﯘﻳﯘﻟﯩﯟﺍﺗﺎﺗﺘﻰ.ﺋﺎﻳﺮﯗﭘﯩﻼﻥ ﺋﺎﺳﺘﺎ-ﺋﺎﺳﺘﺎ ﻛﯚﺗﯜﺭﯛﻟﯜﺷﻜﻪ ﺑﺎﺷﻠﯩﺪﻯ،ﺗﯘﻧﺠﻰ ﻗﯧﺘﯩﻢ ﺋﺎﻳﺮﯗﭘﯩﻼﻧﻐﺎ ﭼﯩﻘﯩﺸﯩﻢ ﺑﻮﻟﻐﺎﭼﻘﺎ ﮬﻪﻣﻤﻪ ﻧﯧﻤﯩﮕﻪ ﮬﻪﻳﺮﺍﻧﻠﯩﻖ ﺑﯩﻠﻪﻥ ﻗﺎﺭﺍﭖ ﺋﻮﻟﺘﯘﺭﺍﺗﺘﯩﻢ،ﺋﺎﻳﺮﯗﭘﯩﻼﻥ ﺑﯩﺮﺩﻩﻣﺪﯨﻼ ﺋﯜﺭﯛﻣﭽﻰ ﺷﻪﮬﯩﺮﯨﻨﻰ ﻛﻪﻳﻨﯩﺪﻩ ﻗﺎﻟﺪﯗﺭﯗﭖ ﺗﯩﺰﻣﺎ-ﺗﯩﺰﻣﺎ ﺗﺎﻏﻼﺭ ،ﺩﺍﻟﯩﻼﺭﻧﯩﯔ ﺋﯜﺳﺘﯩﺪﻩ ﺋﯘﭼﯘﭖ ﻛﯧﺘﯩﭗ ﺑﺎﺭﺍﺗﺘﻰ،ﺩﻩﺳﻠﻪﭖ ﭘﻪﺳﺘﯩﻜﻰ ﻧﯧﻔﯩﺘﻠﯩﻜﻠﻪﺭﻧﯩﯔ ﻣﻮﺭﯨﻠﯩﺮﯨﺪﯨﻦ ﭼﯩﻘﻘﺎﻥ ﺗﯜﺗﯜﻧﻠﻪﺭﻧﻰ ،ﺋﺎﻧﺪﺍ-ﺳﺎﻧﺪﺍ ﻛﯚﻝ -ﺋﯧﻘﯩﻨﻼﺭﻧﻰ،ﺋﺎﻗﺒﺎﺵ ﺗﺎﻏﻼﺭﻧﻰ ﻛﯚﺭﯛﭖ ﺋﻮﻟﺘﯘﺭﺍﺗﺘﯘﻕ ،ﺑﯩﺮﺩﻩﻣﺪﯨﻼ ﻛﯚﻙ ﻗﻪﮬﺮﯨﮕﻪ ﺋﯚﺭﻟﻪﭖ ﻛﻪﺗﻜﻪﭼﻜﻪ ﭘﻪﺳﺘﯩﻜﻰ ﻧﻪﺭﺳﯩﻠﻪﺭﻧﻰ ﺋﯩﻠﻐﺎ ﻗﯩﻠﻐﯩﻠﻰ ﺑﻮﻟﻤﺎﻳﺘﺘﻰ.ﻳﯧﻨﯩﻤﺪﺍ ﺋﻮﻟﺘﯘﺭﻏﺎﻥ ﻗﯧﺮﯨﻨﺪﺍﺷﻠﯩﺮﯨﻢ ﺑﯩﺮﺩﻩﻡ ﮔﯧﺰﯨﺖ ﻛﯚﺭﮔﻪﻧﺪﯨﻦ ﻛﯧﻴﯩﻦ ﺗﺎﺗﻠﯩﻖ ﺋﯘﻳﻘﯘﻏﺎ ﻛﯧﺘﯩﺸﺘﻰ،ﻟﯧﻜﯩﻦ ﻣﻪﻥ ﺩﯦﺮﯨﺰﯨﺪﯨﻦ ﺳﯩﺮﺗﻘﺎ ﻗﺎﺭﺍﭖ ﻛﯚﻙ ﻗﻪﮬﺮﯨﺪﻩ ﭘﻪﺭﯞﺍﺯ ﻗﯩﻠﯩﺸﻨﯩﯔ ﮬﻮﺯﻭﺭﯨﻨﻰ ﺳﯜﺭﯛﭖ ﺋﻮﻟﺘﯘﺭﺍﺗﺘﯩﻢ.......


ﺗﯚﺕ ﺳﺎﺋﻪﺗﻜﻪ ﻳﯧﻘﯩﻦ ﺋﯘﭼﻘﺎﻧﺪﯨﻦ ﻛﯧﻴﯩﻦ ﺋﺎﻳﺮﯗﭘﯩﻼﻥ ﻛﺎﻧﯩﻴﯩﺪﯨﻦ ﭘﺎﻳﺘﻪﺧﺖ ﺑﯧﻴﺠﯩﯖﻐﺎ ﻳﻪﻧﻪ ﻳﯧﺮﯨﻢ ﺳﺎﺋﻪﺗﻠﯩﻚ ﻳﻮﻝ ﻗﺎﻟﻐﺎﻧﻠﯩﻘﯩﻨﻰ ﺧﻪﻧﺰﯗﭼﻪ،ﺋﯧﻨﮕﯩﻠﯩﺰﭼﻪ ﺋﯩﻜﻜﻰ ﺧﯩﻞ ﺗﯩﻠﺪﺍ ﺋﯘﻗﺘﯘﺭﺩﻯ،ﺷﯘ ﭼﺎﻏﺪﺍ ﭘﻪﺳﻜﻪ ﻗﺎﺭﯨﺴﺎﻡ ﺑﯩﺰ ﺋﺎﻟﻠﯩﺒﯘﺭﯗﻥ ﺑﯧﻴﺠﯩﯔ ﺷﻪﮬﯩﺮﯨﻨﯩﯔ ﺋﯜﺳﺘﯩﺪﻩ ﺋﯘﭼﯩﯟﺍﺗﻘﺎﻥ ﺋﯩﻜﻪﻧﻤﯩﺰ،ﺗﺎﻏﻼﺭﻧﯩﯔ ﺋﺎﺭﯨﺴﯩﺪﯨﻦ ﺳﻪﺩﺩﯨﭽﯩﻦ ﺳﯧﭙﯩﻠﻰ ﺑﯩﺮ ﺗﺎﻝ ﻳﯩﭙﺘﻪﻙ ﻛﯚﺭﯛﻧﯩﯟﺍﺗﺎﺗﺘﻰ،ﻳﺎ ﺋﺎﻟﻼ ﻧﯧﻤﯩﺪﯨﮕﻪﻥ ﭼﻮﯓ ﺷﻪﮬﻪﺭ ﺑﯘ ، ﭘﺎﻳﺘﻪﺧﺖ  ﺑﻮﻟﻐﺎﭼﻘﺎ ﺷﯘﻧﺪﺍﻕ ﭼﻮﯓ ﺑﻮﻟﺴﺎ ﻛﯧﺮﻩﻙ ،ﺋﺎﻳﺮﯗﭘﯩﻼﻥ ﺧﯧﻠﻰ ﺑﯩﺮ ﯞﺍﻗﯩﺘﻼﻏﯩﭽﻪ ﺑﯧﻴﺠﯩﯔ ﺋﺎﺳﻤﯩﻨﯩﺪﺍ ﭘﻪﺭﯞﺍﺯ ﻗﯩﻠﯩﭗ ﺋﺎﺧﯩﺮﻯ ﺋﺎﻳﺪﯗﺭﯗﻣﻐﺎ ﻗﻮﻧﺪﻯ،ﺧﺎﺗﺎﻻﺷﻤﯩﺴﺎﻡ ﺋﺎﻳﺪﯗﺭﯗﻡ ﺑﯧﻴﺠﯩﯔ ﺷﻪﮬﯩﺮﯨﻨﯩﯔ ﺷﻪﺭﻕ ﭼﯧﺘﯩﮕﻪ ﺗﻮﻏﺮﺍ ﻛﯩﻠﻪﺗﺘﻰ.

ﺷﯘﻧﺪﺍﻕ ﻗﯩﻠﯩﭗ ﭘﺎﻳﺘﻪﺧﺘﯩﻤﯩﺰ ﺑﯧﻴﺠﯩﯖﻨﻰ ﺋﺎﻳﺮﯗﭘﯩﻼﻥ ﺩﯦﺮﯨﺰﯨﺴﯩﺪﯨﻦ ﺑﯩﺮﻩﺭ ﻗﯘﺭ ﻛﯚﺭﮔﻪﻧﻼ ﺑﻮﻟﺪﯗﻡ،ﺋﻪﺳﻠﻰ ﭘﯩﻼﻧﯩﻤﯩﺰﺩﺍ ﺑﯧﻴﺠﯩﯖﺪﺍ ﺑﻪﺵ ﺳﺎﺋﻪﺗﺘﻪﻙ ﺗﯘﺭﯗﺵ ﭘﯩﻼﻧﻰ ﺑﺎﺭ ﺋﯩﺪﻯ ﻟﯧﻜﯩﻦ ﺋﺎﻳﺮﯗﭘﯩﻼﻥ ﺋﯜﺭﯛﻣﭽﯩﺪﯨﻦ ﺑﻪﻙ ﻛﯧﭽﯩﻜﯩﭗ ﻳﻮﻟﻐﺎ ﭼﯩﻘﻘﺎﭼﻘﺎ ﺋﺎﻳﺪﯗﺭﯗﻣﺪﺍ  ﺑﯩﺮﻩﺭ ﺳﺎﺋﻪﺗﺘﻪﻛﻼ ﺗﯘﺭﺍﻟﯩﺪﯗﻕ.ﺑﯧﻴﺠﯩﯔ ﺋﺎﻳﺪﯗﺭﻭﻣﻰ ﺋﺎﺟﺎﻳﯩﭗ ﭼﻮﯓ ﺋﯩﺪﻯ . ﻗﯩﺰﯨﻖ ﺋﯩﺶ ﺑﯧﻴﺠﯩﯔ ﺋﺎﻳﺪﯗﺭﻭﻣﯩﺪﺍ ﺳﺎﻗﭽﯩﻼﺭ ﻣﯧﻨﻰ ﺗﯩﺮﻭﺭﭼﯩﻼﺭﻏﺎ ﻳﺎﻛﻰ ﺋﻮﻏﺮﻯ -ﻳﺎﻧﭽﯘﻗﭽﯩﻼﺭﻏﺎ ﺋﻮﺧﺸﯩﺘﯩﭗ ﻗﺎﻟﺪﯨﻤﯩﻜﯩﻦ ﺑﺎﺷﻘﺎ ﮬﻪﻣﺮﺍﮬﻠﯩﺮﯨﻢ ﺑﯩﻠﻪﻥ ﻛﺎﺭﻯ ﻳﻮﻕ  ﺋﯩﻜﻜﻰ ﻳﻪﺭﺩﻩ ﻣﯧﻨﯩﯔ  ﻛﯩﻤﻠﯩﻜﯩﻤﻨﻰ ﯞﻩ ﭘﺎﺳﭙﻮﺭﺗﻠﯩﺮﯨﻤﻨﻰ ﺗﻪﭘﺴﯩﻠﻰ ﺗﻪﻛﺸﯜﺭﺩﻯ ،ﮬﻪﻣﺮﺍﮬﻠﯩﺮﯨﻢ ﻛﯜﻟﯜﺷﯜﭖ ﺳﯧﻨﯩﯔ ﺑﯘﺭﯗﺗﯘﯓ ﺋﯘﻻﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ ﮔﻪﭖ ﺩﯨﻴﯩﺸﺘﻰ....
ﺑﯧﻴﺠﯩﯔ ﺋﺎﻳﺪﯗﺭﻭﻣﯩﺪﺍ ﺷﯩﻴﺎﯕﮕﺎﯓ ﯞﻩ ﺗﺎﻳﻼﻧﺪﻗﺎ ﺑﯧﺮﯨﺸﻨﯩﯔ ﺗﯜﺭﻟﯜﻙ ﺭﻩﺳﯩﻤﯩﻴﻪﺗﻠﯩﺮﯨﻨﻰ ﺑﯩﺠﯩﺮﮔﻪﻧﺪﯨﻦ ﻛﯧﻴﯩﻦ ﻛﻪﭺ ﺳﺎﺋﻪﺕ ﺋﺎﻟﺘﻪ ﺋﻪﺗﺮﺍﭘﯩﺪﺍ ﺑﯧﻴﺠﯩﯖﺪﯨﻦ ﺷﯩﻴﺎﯕﮕﺎﯕﻐﺎ ﻗﺎﺭﺍﭖ ﻳﯜﺭﯛﭖ ﻛﻪﺗﺘﯘﻕ،ﺑﯘ ﭼﺎﻍ ﺋﺎﻟﻠﯩﺒﯘﺭﯗﻥ ﻗﺎﺭﺍﯕﻐﯘ ﭼﯜﺷﯜﭖ ﺑﻮﻟﻐﺎﭼﻘﺎ ﺑﯧﻴﺠﯩﯖﻨﯩﯔ ﻛﯧﭽﯩﻠﯩﻚ ﻣﻪﻧﺰﯨﺮﯨﺴﯩﻨﯩﻤﯘ ﺗﺎﻣﺎﺷﺎ ﻗﯩﻠﯩﯟﺍﻟﺪﯗﻕ، ﺑﯧﻴﺠﯩﯔ ﺷﻪﮬﯩﺮﻯ ﮬﻪﻗﯩﻘﻪﺗﻪﻧﻤﯘ ﭼﻮﯓ ،ﺯﯨﭻ ﮬﻪﻡ ﺭﻩﺗﻠﯩﻚ ﺷﻪﮬﻪﺭ ﺋﯩﻜﻪﻥ.

ﺋﺎﻳﺮﯗﭘﯩﻼﻥ ﺷﯩﻴﺎﯕﮕﺎﯕﻐﺎ ﻗﺎﺭﺍﭖ ﺋﯘﭼﯩﯟﺍﺗﺎﺗﺘﻰ،ﺑﯧﻴﺠﯩﯖﺪﯨﻦ ﺷﯩﻴﺎﯕﮕﺎﯕﻐﺎ ﺑﯧﺮﯨﺸﺘﺎ ﺧﯧﻠﻰ ﻛﯚﭖ ﺋﯚﻟﻜﯩﻠﻪﺭﻧﻰ ﺑﯧﺴﯩﭗ ﺋﯚﺗﺴﻪﻙ ﻛﯧﺮﻩﻙ ﺑﯩﺮﺩﻩﻡ -ﺑﯩﺮﺩﻩﻡ ﻣﯩﺠﯩﺮ-ﻣﯩﺠﯩﺮ  ﭼﯩﺮﺍﻗﻼﺭ ﺋﯘﭼﺮﺍﻳﺘﺘﻰ،ﻟﯧﻜﯩﻦ ﻗﺎﻳﺴﻰ ﺷﻪﮬﻪﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﮕﯩﻠﻰ ﺑﻮﻟﻤﺎﻳﺘﺘﻰ.ﺋﺎﻳﺮﯗﭘﯩﻼﻧﺪﺍ ﺑﯩﺮ ﻗﯩﺰﯨﻖ ﺋﯩﺶ ﺑﻮﻟﺪﻯ ،ﺧﯩﺰﻣﻪﺗﺪﯨﺸﯩﻢ ﺷﯘﻧﺪﺍﻕ ﺳﯩﺮﺗﻘﺎ ﻗﺎﺭﺍﭖ ﺋﺎﻳﺮﯗﭘﯩﻼﻧﻨﯩﯔ ﻗﺎﻧﯩﺘﯩﻨﯩﯔ ﺋﯘﭼﯩﻐﺎ ﺋﯘﺭﯗﻧﻼﺷﺘﯘﺭﯗﻟﻐﺎﻥ ﭼﯩﺮﺍﻗﻨﻰ ﻛﯚﺭﯛﭖ ﻗﯧﻠﯩﭗ ﺋﺎﯕﻘﯩﺮﺍﻟﻤﺎﻱ ﻣﻪﻧﺪﯨﻦ ﺳﻮﺭﯨﺪﻯ:ﺋﺎﯞﯗ ﻧﯩﻤﻪ ﭼﯩﺮﺍﻗﺘﯘ ؟ﺋﻪﺟﻪﭘﻤﯘ ﺋﯧﮕﯩﺰﻛﻪﻥ.
ﻣﻪﻥ ﻧﯩﻤﻪ ﺩﻩﻳﺪﯨﻜﯩﻦ ﺩﻩﭖ :ﺋﯘﺩﯨﮕﻪﻥ ﺩﺍﭼﯩﯔ ﻧﯧﻔﯩﺘﻠﯩﻜﯩﻨﯩﯔ ﺗﯚﻣﯜﺭ ﻣﯘﻧﺎﺭﻯ ﺋﯜﺳﺘﯩﺪﯨﻜﻰ ﭼﯩﺮﺍﻕ ،ﺑﯩﺰ ﮬﺎﺯﯨﺮ ﺷﯘﻧﯩﯔ ﺋﯘﺩﯗﻟﯩﺪﯨﻦ ﺋﯚﺗﯩﯟﺍﺗﯩﻤﯩﺰ.
-ﮬﻪ ،ﺋﻪﺳﻠﻰ ﻣﯘﻧﺪﺍﻗﻜﻪﻧﺪﻩ ،ﮬﻪﻗﯩﻘﻪﺗﻪﻥ ﺋﯧﮕﯩﺰ ﻣﯘﻧﺎﺭﻛﻪﻥ ﺟﯘﻣﯘ ﺑﯘ .
ﺑﯩﺮ ﮬﺎﺯﺍ ﺋﯘﭼﻘﺎﻧﺪﯨﻦ ﻛﯧﻴﯩﻦ ﺋﯘ ﺑﯩﺮﺩﻩﻡ ﺋﯘﺧﻼﭖ ﺋﻮﻳﻐﯘﻧﯘﭖ ﺳﯩﺮﺗﻘﺎ ﻗﺎﺭﺍﭖ ﺋﯘ ﭼﯩﺮﺍﻗﻨﯩﯔ ﻳﻪﻧﻪ ﭘﺎﻟﯩﻠﺪﺍﭖ ﺗﯘﺭﻏﺎﻧﻠﯩﻘﯩﻨﻰ ﻛﯚﺭﯛﭖ ﮬﻪﻳﺮﺍﻧﻠﯩﻖ ﺑﯩﻠﻪﻥ: ﺩﺍﭼﯩﯔ ﻧﯧﻔﯩﺘﻠﯩﻜﯩﺪﯨﻦ ﺗﯧﺨﯩﭽﻪ ﺋﯚﺗﯜﭖ ﺑﻮﻻﻟﻤﯩﺪﯗﻗﻤﯘ؟ﺩﻩﭖ ﺳﻮﺭﯨﺪﻯ،ﻣﻪﻥ ﭘﺎﺭﺍﻗﻘﯩﺪﻩ ﻛﯜﻟﯩﯟﯦﺘﯩﭗ ﺋﯘ ﺋﺎﻳﺮﯗﭘﯩﻼﻧﻨﯩﯔ ﻗﺎﻧﯩﺘﯩﺪﯨﻜﻰ ﭼﯩﺮﺍﻕ،ﺑﯘ ﻛﯚﻙ ﻗﻪﮬﺮﯨﺪﻩ ﺗﯚﻣﯜﺭ ﻣﯘﻧﺎﺭ ﻧﯩﻤﻪ ﺋﯩﺶ ﻗﯩﻠﺴﯘﻥ ﺩﻩﭖ ﺑﻪﺭﺳﻪﻡ ﺋﻪﺧﻤﻪﻕ ﺑﻮﻟﻐﺎﻧﻠﯩﻘﯩﺪﯨﻦ ﺟﯩﻠﻰ ﺑﻮﻟﯘﭖ ﻛﻪﺗﺘﻰ ﺋﺎﻳﺮﯗﭘﯩﻼﻥ ﻛﯧﭽﯩﺪﻩ ﺋﯘﭼﻘﺎﭼﻘﯩﻤﯩﻜﯩﻦ ﺑﻪﻛﻼ ﺋﯧﮕﯩﺰﻟﻪﭖ ﻛﻪﺗﻜﻪﻧﺪﻩﻙ ﺑﯩﻠﯩﻨﻪﺗﺘﻰ،ﺩﯦﺮﯨﺰﯨﺪﯨﻦ ﻗﺎﺭﯨﺴﺎﻡ ﻳﯘﻟﺘﯘﺯﻻﺭ ﻳﯧﻨﯩﻤﺪﯨﻼ ﺗﯘﺭﻏﺎﻧﺪﻩﻙ،ﺋﺎﻳﺮﯗﭘﯩﻼﻥ ﺟﻪﻧﻮﭘﻘﺎ ﺳﯜﺭﯛﻟﮕﻪﻧﺴﯧﺮﻯ ﺋﯩﭽﻰ ﺋﯩﺴﺴﯩﭗ ﺑﺎﺭﺍﺗﺘﻰ.ﺑﯩﺮ ﭼﺎﻏﺪﺍ ﺋﺎﻳﺮﯗﭘﯩﻼﻥ ﻛﺎﻧﯩﻴﯩﺪﯨﻦ ﺧﻪﻧﺰﯗﭼﻪ ،ﺋﯧﻨﮕﯩﻠﯩﺰﭼﻪ ،ﺷﯩﻴﺎﯕﮕﺎﯕﭽﻪ ﺋﯜﭺ ﺧﯩﻞ ﺗﯩﻠﺪﺍ ﻳﯧﺮﯨﻢ ﺳﺎﺋﻪﺗﺘﯩﻦ ﻛﯧﻴﯩﻦ ﺷﯩﻴﺎﯕﮕﺎﯓ ﺋﺎﻳﺪﯗﺭﻭﻣﯩﻐﺎ ﻗﻮﻧﯩﺪﯨﻐﺎﻧﻠﯩﻘﯩﻤﯩﺰﻧﻰ ﺋﯘﻗﺘﯘﺭﺩﻯ،ﭘﻪﺳﻜﻪ ﻗﺎﺭﯨﺴﺎﻡ ﺋﺎﻧﺪﺍ -ﺳﺎﻧﺪﺍ ﭼﯩﺮﺍﻗﻼﺭﻧﯩﯔ ﺳﯘﺩﯨﻜﻰ ﻏﯘﯞﺍ ﺷﻮﻟﯩﺴﻰ ﻛﯚﺭﯛﻧﺪﻯ،ﺋﺎﻳﺮﯗﭘﯩﻼﻥ ﭘﻪﺳﻠﻪﭖ ﻗﻮﻧﺎﻱ ﺩﻩﭖ ﻗﺎﻟﻐﺎﻧﺪﯨﻤﯘ ﺑﯩﺰ ﻳﻪﻧﯩﻼ ﺳﯘﻧﯩﯔ ﺋﯜﺳﺘﯩﺪﻩ ﺋﯘﭼﯩﯟﺍﺗﺎﺗﺘﯘﻕ ،ﺗﻮﯞﺍ ﺷﯩﻴﺎﯕﮕﺎﯓ ﺋﺎﻳﺪﯗﺭﻭﻣﻰ ﻗﺎﻧﺪﺍﻕ ﺋﺎﻳﺪﯗﺭﻭﻣﺪﯗ ﺑﯘ ؟ﺳﯘﻧﯩﯔ ﺋﯜﺳﺘﯩﮕﻪ ﻗﻮﻧﻤﺎﺳﻤﯩﺰ ﺩﯨﻴﯩﺸﯩﭗ ﺋﻮﻟﺘﯘﺭﺳﺎﻕ ﺑﯩﺮ ﭼﺎﻏﺪﺍ ﻗﯘﺭﯗﻗﻠﯘﻗﻘﺎ ﭼﯜﺷﺘﻰ،ﯞﺍﮬ..ﻧﯧﻤﯩﺪﯨﮕﻪﻥ ﻧﻪﻡ ﻧﯧﻤﯩﺪﯨﮕﻪﻥ ﺋﯩﻠﻠﯩﻖ ﮬﺎﯞﺍ ﺑﯘ ،ﺋﯜﺭﯛﻣﭽﯩﺪﯨﻦ ﻛﯩﻴﯩﭗ ﻛﻪﻟﮕﻪﻥ ﻛﯩﻴﯩﻤﻠﯩﺮﯨﻤﯩﺰ ﺑﯧﻴﺠﯩﯖﺪﯨﻤﯘ ﺋﺎﻧﭽﻪ ﺑﯩﻠﯩﻨﻤﯩﮕﻪﻥ ﻟﯧﻜﯩﻦ ﺷﯩﻴﺎﯕﮕﺎﯕﺪﺍ ﺋﯧﻐﯩﺮ ﻛﻪﻟﺪﻯ. ﺷﯩﻴﺎﯕﮕﺎﯓ ﺋﺎﻳﺪﯗﺭﻭﻣﯩﺪﺍ ﻛﯩﭽﯩﻜﯩﻤﯩﺰﺩﯨﻦ ﻛﯩﻨﻮﻻﺭﺩﯨﻼ ﻛﯚﺭﯛﭖ ﻛﯧﻠﯩﯟﺍﺗﻘﺎﻥ ﺷﯩﻴﺎﯕﮕﺎﯓ ﺳﺎﻗﭽﯩﻠﯩﺮﯨﻨﻰ ﻛﯚﺭﯛﺵ ﻧﯧﺴﯩﭗ ﺑﻮﻟﺪﻯ،ﻧﯧﻤﯩﺪﯨﮕﻪﻥ ﮬﻪﻳﯟﻩﺕ ﮔﯘﻳﻼﺭﺑﯘ ،ﺋﯘﻻﺭ ﺑﯩﺰﺩﻩﻙ ﺧﻪﻧﺰﯗﻏﺎ ﺋﻮﺧﺸﯩﻤﺎﻳﺪﯨﻐﺎﻧﻼﺭﻏﺎ ﺋﯧﻨﮕﯩﻠﯩﺰﭼﯩﻼ ﺳﯚﺯﻟﻪﻳﺘﺘﻰ،ﺋﯘﻻﺭﻧﯩﯔ ﺋﯚﺯﺋﺎﺭﺍ ﮔﻪﭘﻠﯩﺮﯨﻨﻰ ﺑﯩﺰ ﺗﯘﺭﻣﺎﻕ ﺧﻪﻧﺰﯗﻻﺭﻣﯘ ﭼﯜﺷﯩﻨﻪﻟﻤﻪﻳﺪﯨﻜﻪﻥ.
ﺋﺎﻳﺪﯗﺭﻭﻣﺪﯨﻦ ﭼﯩﻘﯩﭗ ﺳﺎﻳﺎﮬﻪﺕ ﻛﻮﭘﯩﺮﺍﺗﯩﭙﻰ ﺋﻮﺭﯗﻧﻼﺷﺘﯘﺭﻏﺎﻥ ﻣﯩﻨﯩﺒﯘﺱ ﺑﯩﻠﻪﻥ ﻣﯧﮭﻤﺎﻧﺨﺎﻧﯩﻐﺎ ﻗﺎﺭﺍﭖ ﻳﯜﺭﯛﭖ ﻛﻪﺗﺘﯘﻕ ،ﭘﯜﺗﯜﻥ ﻛﯜﻥ ﻳﻮﻝ ﻣﺎﯕﻐﺎﭺ ﮬﻪﻣﻤﯩﺰﮔﻪ ﮬﺎﺭﺩﯗﻕ ﻳﻪﺗﻜﻪﻥ ﮬﻪﻡ ﺗﻮﯓ ﻗﯩﺸﺘﯩﻦ ﺑﯩﺮﺍﻗﻼ ﻳﺎﺯﻏﺎ ﻛﻪﻟﮕﻪﭼﻜﻪ ﺋﯩﺴﺴﯩﻘﺘﺎ ﺗﻪﺭﻟﻪﭖ ﮬﺎﻟﺴﯩﺰﻟﯩﺸﯩﭗ ﻛﻪﺗﻜﻪﻥ ﺋﯩﺪﯗﻕ. ﺋﺎﭘﺘﻮﺑﯘﺱ ﺧﯧﻠﻰ ﺟﯩﻖ ﻛﻮﭼﯩﻼﺭﻧﻰ ﭼﯚﺭﮔﯩﻠﻪﭖ ﺑﯩﺰﻧﻰ ﺷﯩﻴﺎﯕﮕﺎﯕﻨﯩﯔ ﻣﻪﺭﻛﯩﺰﯨﮕﻪ ﺟﺎﻳﻼﺷﻘﺎﻥ ﺟﯩﻴﺎﺧﯘ ﻣﯩﮭﻤﺎﻧﺨﺎﻧﯩﺴﯩﻐﺎ ﺋﯧﻠﯩﭗ ﻛﻪﻟﺪﻯ.
ﺋﻪﺗﯩﺴﻰ ﺳﻪﮬﻪﺭﺩﯨﻼ ﺭﻩﺳﯩﻤﻰ ﺳﺎﻳﺎﮬﯩﺘﯩﻤﯩﺰﻧﻰ ﺑﺎﺷﻠﯩﯟﻩﺗﺘﯘﻕ.ﺳﻪﮬﻪﺭﺩﯨﻜﻰ ﺷﯩﻴﺎﯕﮕﺎﯕﻨﯩﯔ ﮬﺎﯞﺍﺳﻰ ﺷﯘﻧﭽﯩﻠﯩﻚ ﺩﻩﺭﯨﺠﯩﺪﻩ ﺳﺎﭖ ،ﺋﯩﻠﻠﯩﻖ ﺑﻮﻟﯘﭖ ﺋﺎﺩﻩﻣﻨﻰ ﺋﺎﺟﺎﻳﯩﭗ ﺑﯩﺮ ﺧﯩﻞ ﺭﺍﮬﻪﺕ ﮬﯩﺲ ﻗﯩﻠﺪﯗﺭﺍﺗﺘﻰ.ﺑﯘ ﺷﯘﻧﭽﯩﻠﯩﻚ ﭘﺎﻛﯩﺰﻩ ﻳﯘﺭﺕ ﺋﯩﺪﯨﻜﻰ ﻛﻮﭼﯩﻼﺭﺩﯨﻜﻰ ﺧﺎﻟﻐﺎﻥ ﺋﻮﺭﯗﻧﺪﯗﻕ ﻳﺎﻛﻰ ﺭﯨﺸﺎﺗﻜﯩﻼﺭﻧﻰ ﺳﯜﺭﺗﺴﯩﯖﯩﺰ ﻗﻮﻟﻐﺎ ﺗﻮﭘﺎ ﭼﯩﻘﻤﺎﻳﺘﺘﻰ .ﺷﯩﻴﺎﯕﮕﺎﯓ ﻛﻮﭼﯩﻠﯩﺮﯨﺪﺍ ﻗﺎﻻﻳﻤﯩﻘﺎﻥ ﺗﯜﻛﯜﺭﺳﻪ 2000ﻳﯜﻩﻥ ،ﺗﺎﻣﺎﻛﺎ ﭼﻪﻛﺴﻪ 5000-10000ﻏﯩﭽﻪ ﺟﻪﺭﯨﻤﺎﻧﻪ ﻗﻮﻳﯩﺪﯨﻜﻪﻥ،ﺗﺎﻣﺎﻛﺎ ﭼﯧﻜﯩﺶ ﺷﻴﺎﯕﮕﺎﯓ ﻗﺎﻧﻮﻧﯩﺪﺍ ﭼﻪﻛﻠﯩﻨﯩﺪﯨﻜﻪﻥ،ﺗﺎﻣﺎﻛﺎ ﭼﯧﻜﯩﺪﯨﻐﺎﻧﻼﺭ ﻛﻮﭼﯩﻼﺭﻧﯩﯔ ﻣﻪﻟﯘﻡ ﺋﻮﺭﯗﻧﻠﯩﺮﯨﻐﺎ ﺑﯧﻜﯩﺘﯩﻠﮕﻪﻥ ﺗﺎﻣﺎﻛﺎ ﭼﯧﻜﯩﺶ ﺋﻮﺭﯗﻧﻠﯩﺮﯨﺪﯨﻼ ﭼﻪﻛﺴﻪ ﺑﻮﻟﯩﺪﯨﻜﻪﻥ.


ﺋﺎﭘﺘﻮﺑﯘﺱ ﺷﯩﻴﺎﯕﮕﺎﯓ ﻛﻮﭼﯩﻠﯩﺮﯨﻨﻰ ﭼﯚﺭﮔﯩﻠﻪﺷﻜﻪ ﺑﺎﺷﻠﯩﺪﻯ،ﻳﻮﻟﺪﺍ ﺷﯩﻴﺎﯕﮕﺎﯓ ﺳﺎﻧﺎﺋﻪﺕ ﺋﻮﻧﯟﯦﺮﺳﺘﯩﺘﻰ،ﺷﯩﻴﺎﯕﮕﺎﯕﺪﯨﻜﻰ ﺋﻪﯓ ﭼﻮﯓ ﺗﯩﻴﺎﺗﯩﺮﺧﺎﻧﺎ،ﭼﯧﯔ ﻟﯘﯕﻨﯩﯔ ﺋﯩﺸﺨﺎﻧﺎ ﺑﯩﻨﺎﺳﻰ ﯞﻩ ﻟﻴﯘ ﺩې ﺧﯘﺍﻧﯩﯔ ﺭﻩﺳﯩﻤﺨﺎﻧﯩﺴﻰ(ﺑﯘ ﺋﯩﻜﻜﯩﺴﻰ ﺑﯩﺮ ﻳﻪﺭﺩﻩ ﺋﯩﻜﻪﻥ )ﺷﯩﻴﺎﯕﮕﺎﯓ ﭘﻮﺭﺗﻰ ، ﺩﯗﻧﻴﺎﻏﺎ ﺩﺍﯕﻠﯩﻖ ﺋﯩﻜﻜﻰ ﺋﺎﺳﻤﺎ ﻛﯚﯞﺭﯛﻙ ﻗﺎﺗﺎﺭﻟﯩﻘﻼﺭﻧﻰ ﻛﯚﺭﮔﻪﭺ ﻣﯧﯖﯩﭗ ﭼﻴﻪﻥ ﺷﯜﻱ ﯞﻩﻥ ﺩﯦﯖﯩﺰ ﺳﺎﮬﯩﻠﯩﻐﺎ ﻛﻪﻟﺪﯗﻕ.




ﺑﯘ ﺷﯩﻴﺎﯕﮕﺎﯓ ﺑﻮﻳﯩﭽﻪ ﺋﻪﯓ ﮔﯜﺯﻩﻝ ﺩﯦﯖﯩﺰ ﺳﺎﮬﯩﻠﻰ ﺑﻮﻟﯘﭖ ﻧﯘﺭﻏﯘﻧﻠﯩﻐﺎﻥ ﻛﯩﻨﻮ ،ﻧﺎﺧﺸﺎ ﭼﻮﻟﭙﺎﻧﻠﯩﺮﻯ ﯞﻩ ﺩﺍﯕﻠﯩﻖ ﺋﻪﺭﺑﺎﺑﻼﺭﻧﯩﯔ ﺩﺍﭼﯩﻠﯩﺮﻯ ﻣﯘﺷﯘ ﻳﻪﺭﮔﻪ ﺟﺎﻳﻼﺷﻘﺎﻥ ﺋﯩﻜﻪﻥ.

ﺟﯜﻣﻠﯩﺪﯨﻦ ﭼﯩﻴﻪﻥ ﺷﯜﻱ ﯞﻩﻥ ﻳﻮﻟﻰ 99-ﻗﻮﺭﻭ ﭼﯧﯔ ﻟﯘﯕﻨﯩﯔ ،36-ﻗﻮﺭﻭ ﺩﯗﯓ ﺟﯩﻴﻪﻥ ﺧﯘﺍ ﺋﻪﭘﻪﻧﺪﯨﻨﯩﯔ ﺩﺍﭼﯩﺴﻰ  ﺋﯩﻜﻪﻥ،ﺋﯘﻧﯩﯖﺪﯨﻦ ﺑﺎﺷﻘﯩﻤﯘ ﻧﯘﺭﻏﯘﻥ ﻗﻮﺭﻭﻻﺭﻧﻰ ﺗﯘﻧﯘﺷﺘﯘﺭﯗﭖ ﻛﻪﺗﺘﻰ .



ﻗﺎﻟﻐﺎﻧﻠﯩﺮﻯ ﺋﯧﺴﯩﻤﺪﻩ ﻗﺎﻟﻤﺎﭘﺘﯘ .....ﺧﯩﺰﻣﻪﺗﺪﺍﺷﻼﺭ ﺋﯜﺭﯛﻣﭽﻰ ﻗﺎﻧﭽﻪ ﻳﯩﻠﺪﺍ ﺷﻴﺎﯕﮕﺎﯕﻨﯩﯔ ﺳﻪﯞﯨﻴﯩﺴﯩﮕﻪ ﻳﯩﺘﻪﺭ ؟ﺩﻩﭖ ﺗﺎﻟﯩﺸﯩﭗ ﺋﯩﻜﻜﻰ ﻳﯜﺯ ﻳﯩﻞ ﻣﯚﻟﭽﻪﺭﻟﻪﺷﺘﻰ.
ﺗﻮﯞﺍ ﻧﯧﻤﯩﺪﯨﮕﻪﻥ ﮔﯜﺯﻩﻝ ﻣﯘﮬﯩﺖ ،ﻧﯧﻤﯩﺪﯨﮕﻪﻥ ﮬﻪﺷﻪﻣﻪﺗﻠﯩﻚ ﺩﺍﭼﯩﻼﺭ ﺋﯘ ............. ﺭﺍﮬﻪﺕ ﺩﯨﮕﻪﻧﻨﻰ ﻛﯚﺭﯨﺪﯨﻐﺎﻧﻼﺭ ﻛﯚﺭﯨﺪﯨﻜﻪﻥ ﺋﯩﺸﻘﯩﻠﯩﭗ ،ﻳﻮﻟﺪﺍ ﺳﺎﻳﺎﮬﻪﺕ ﻳﯩﺘﻪﻛﭽﯩﺴﻰ ﺑﯩﺰﮔﻪ ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﺳﯚﺯﻟﻪﭖ ﺑﻪﺭﺩﻯ.ﺋﯘﻧﯩﯔ ﺋﯧﻴﺘﯩﺸﯩﭽﻪ ﺷﯩﻴﺎﯕﮕﺎﯕﺪﺍ ﻧﺎﻡ ﭼﯩﻘﯩﺮﯨﺶ ﺋﯜﭼﯜﻥ ﭼﻮﻗﯘﻡ ﭘﻪﯞﻗﯘﻟﺌﺎﺩﺩﻩ ﺋﯩﻘﺘﯩﺪﺍﺭﻯ ﻳﺎﻛﻰ ﺯﻭﺭ ﺋﺎﺭﻗﺎ ﺗﯩﺮﯨﻜﻰ ﺑﻮﻟﯘﺷﻰ ﻛﯧﺮﻩﻛﻜﻪﻥ ،ﻣﻪﺳﯩﻠﻪﻥ ﺩﯗﯓ ﺟﻴﻪﻧﺨﯘﺍﻧﯩﯔ ﺩﺍﺩﯨﺴﻰ ﻧﺎﮬﺎﻳﯩﺘﻰ ﭼﻮﯓ ﺑﺎﻱ ﺑﻮﻟﯘﭖ ﺋﯘﻧﯩﯔ ﺷﻪﺧﺴﻰ ﺑﯩﺮ ﭘﻮﺭﺗﻰ ﺑﺎﺭﻛﻪﻥ،ﺟﺎﯓ ﺑﻮ ﺟﻰ ﺩﯨﮕﻪﻥ ﻧﺎﺧﺸﯩﭽﻰ ﻗﯩﺰﻧﯩﯔ ﮔﻪﺭﭼﻪ ﺑﻪﻙ ﺗﺎﻻﻧﺘﻰ ﺑﻮﻟﻤﯩﺴﯩﻤﯘ ﻟﯧﻜﯩﻦ ﺋﯘﻧﯩﯔ ﺩﺍﺩﯨﺴﻰ ﺷﻴﺎﯕﮕﺎﯕﺪﯨﻜﻰ ﺋﻪﯓ ﭼﻮﯓ ﻗﺎﺭﺍ ﮔﻮﺭﻭﮬﻨﯩﯔ ﺑﺎﺷﻠﯩﻘﻰ ﺋﯩﻜﻪﻥ.ﺷﯘﯕﺎ ﺟﺎﯓ ﺑﻮ ﺟﻰ ﺷﯘﻧﺪﺍﻕ ﺋﺎﺳﺎﻥ ﻧﺎﻡ ﭼﯩﻘﺎﺭﻏﺎﻧﻤﯩﺶ......ﺋﯩﺸﻘﯩﻠﯩﭗ ﺷﻴﺎﯕﮕﺎﯕﻠﯩﻘﻼﺭﺩﺍ ﭘﯘﻝ -ﮬﻮﻗﻮﻗﻘﺎ ﺗﺎﻳﯩﻨﯩﭗ ﻧﺎﻡ ﻗﻮﻏﻠﯩﺸﯩﺶ ﺧﺎﮬﯩﺸﻰ ﺋﯧﻐﯩﺮﻛﻪﻥ.


ﭼﻴﻪﻥ ﺷﯜﻱ ﯞﻩﻥ ﺩﻩ ﺑﯩﺮ ﺋﯩﻜﻜﻰ ﺳﺎﺋﻪﺗﺘﻪﻙ ﺗﺎﻣﺎﺷﺎ ﻗﯩﻠﯩﭗ ﺳﯜﺭﻩﺗﻜﻪ ﭼﯜﺷﻜﻪﻧﺪﯨﻦ ﻛﯧﻴﯩﻦ ﭼﯜﺷﻠﯜﻙ ﺗﺎﻣﺎﻕ ﯞﺍﻗﺘﻰ ﺑﻮﻟﺪﻯ،ﺳﺎﻳﺎﮬﻪﺕ ﻳﯩﺘﻪﻛﭽﯩﺴﯩﻨﯩﯔ ﻳﻮﻝ ﺑﺎﺷﻠﯩﺸﻰ ﺑﯩﻠﻪﻥ ﺑﯩﺮ ﺋﺎﯞﺍﺕ ﻛﻮﭼﯩﺪﯨﻜﻰ ﺋﺎﺷﺨﺎﻧﯩﻐﺎ ﺑﺎﺭﺩﯗﻕ.ﺑﯘ ﺋﺎﺷﺨﺎﻧﺎ ﻳﺎﻛﻰ ﺑﺎﺷﻘﺎﺧﺎﻧﺎ ﺋﯩﻜﻪﻧﻠﯩﻜﯩﻨﻰ ﺑﯩﻠﮕﯩﻠﻰ ﺑﻮﻟﻤﯩﻐﯘﺩﻩﻙ ﺩﻩﺭﯨﺠﯩﺪﻩ ﭘﺎﻛﯩﺰﻩ،ﺋﺎﺯﺍﺩﻩ ﺋﺎﺷﺨﺎﻧﺎ ﺋﯩﺪﻯ.ﻟﯧﻜﯩﻦ ﺧﻪﻧﺰﯗ ﺋﺎﺷﺨﺎﻧﯩﺴﯩﻨﯩﯔ ﺗﺎﻣﯩﻘﯩﻨﻰ ﻗﺎﻧﺪﺍﻕ ﻳﯩﻴﯩﺶ ﻛﯧﺮﻩﻙ؟
ﺑﯘ ﺑﯩﺰ ﺗﯚﺕ ﻣﯩﻠﻠﯩﻨﯩﯔ ﺷﯘﻧﺪﺍﻗﻼ ﺑﺎﺷﻘﯩﻼﺭﻧﯩﯔ ﺑﯧﺸﯩﻨﻰ ﻗﺎﺗﯘﺭﺩﯨﻐﺎﻥ ﻣﻪﺳﯩﻠﻪ ﺑﻮﻟﺪﻯ.ﺳﺎﻳﺎﮬﻪﺕ ﻳﯩﺘﻪﻛﭽﯩﺴﻰ ﺋﺎﺷﺨﺎﻧﺎ ﺧﻮﺟﺎﻳﯩﻨﯩﻐﺎ ﭼﯜﺷﻪﻧﺪﯛﺭﮔﻪﻧﺪﯨﻦ ﻛﯧﻴﯩﻦ ﺑﯩﺰﮔﻪ ﭘﻪﻣﯩﺪﯗﺭ ،ﺗﻪﺭﺧﻪﻣﻪﻙ ﯞﻩ ﺗﯘﺧﯘﻡ ﺋﻪﻛﯩﻠﯩﭗ ﺑﻪﺭﺩﻯ،ﺋﯚﺯﯨﻤﯩﺰ ﺋﯧﻠﯩﯟﺍﻟﻐﺎﻥ ﺗﻪﻳﻴﺎﺭ ﭼﯚﭖ،ﻗﻮﺭﯗﻟﻐﺎﻥ ﮔﯚﺵ ﻗﺎﺗﺎﺭﻟﯩﻘﻼﺭ ﺑﯩﻠﻪﻥ ﺗﯘﻧﺠﻰ ﭼﯜﺷﻠﯜﻙ ﺗﺎﻣﯩﻘﯩﻤﯩﺰﻧﻰ ﺋﻮﯕﯘﺷﻠﯘﻕ ﻳﻪﯞﺍﻟﺪﯗﻕ.
ﭼﯜﺷﺘﯩﻦ ﻛﯧﻴﯩﻨﻜﻰ ﻣﻪﻧﺰﯨﻠﯩﻤﯩﺰ ﺷﻴﺎﯕﮕﺎﯓ ﺩﯦﯖﯩﺰ ﺋﯜﺳﺘﻰ ﺑﺎﻏﭽﯩﺴﻰ ﺋﯩﺪﻯ.ﺗﺎﻣﺎﻗﺘﯩﻦ ﻛﯧﻴﯩﻨﻼ ﺑﯘ ﺑﺎﻏﭽﯩﻐﺎ ﻗﺎﺭﺍﭖ ﻳﻮﻝ ﺋﺎﻟﺪﯗﻕ.ﺑﯘﺑﺎﻏﭽﺎ ﺩﯦﯖﯩﺰ ﺑﻮﻳﯩﻐﺎ ﺟﺎﻳﻼﺷﻘﺎﻥ ﺑﻮﻟﯘﭖ ﺋﺎﺟﺎﻳﯩﭗ ﭼﻮﯓ ﯞﻩ ﮬﻪﺷﻪﻣﻪﺗﻠﯩﻜﻜﻪﻥ.ﺩﻩﺭﯞﺍﺯﯨﺴﯩﺪﯨﻦ ﻛﯩﺮﯨﭗ ﺑﺎﻏﭽﺎ ﺋﯚﺯﯨﮕﻪ ﺑﺎﺭﻏﯘﭼﻪ ﺋﻮﻥ ﻧﻪﭼﭽﻪ ﻣﯩﻨﯘﺕ ﺑﻮﺷﻠﯘﻕ ﮬﺎﺭﯞﯨﺴﯩﺪﺍ ﺋﻮﻟﺘﯘﺭﯨﺪﯨﻐﺎﻥ ﺋﯩﺸﻜﻪﻥ.


ﺷﻴﺎﯕﮕﺎﯓ ﺑﺎﻏﭽﯩﻠﯩﺮﯨﻨﯩﯔ ﺑﯩﺮ ﺋﯧﺴﯩﻞ ﻳﯧﺮﻯ ﺑﯩﺮ ﺑﯧﻠﻪﺕ ﺗﯜﺯﯛﻣﻰ ﺑﻮﻟﯘﭖ ﺋﯩﺸﯩﻜﺘﯩﻦ ﺑﯩﺮ ﺑﯧﻠﻪﺕ ﺋﺎﻟﺴﯩﯖﯩﺰ ﺑﺎﻏﭽﺎ ﺋﯩﭽﯩﺪﯨﻜﻰ ﮬﻪﺭﻗﺎﻧﺪﺍﻕ ﺋﯘﻳﯘﻧﭽﯘﻗﻼﺭ ﮬﻪﻗﺴﯩﺰﻛﻪﻥ.ﺑﯘ ﺑﺎﻏﭽﯩﺪﺍ ﺷﻴﺎﯕﮕﺎﯕﻨﯩﯔ ﮬﻪﻣﻤﻪ ﻳﯧﺮﯨﻨﻰ ﺗﺎﻣﺎﺷﺎ ﻗﯩﻠﻐﯩﻠﻰ ﺑﻮﻟﯩﺪﯨﻐﺎﻥ  ﺗﺎﻏﻨﯩﯔ ﭼﻮﻗﻘﯩﺴﯩﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﭘﻪﻟﻪﻙ ﻣﯘﻧﺎﺭﻯ،ﺩﯦﯖﯩﺰ ﺋﺎﺳﺘﻰ ﺟﺎﻧﻠﯩﻘﻠﯩﺮﻯ ﺩﯗﻧﻴﺎﺳﻰ ﻗﺎﺗﺎﺭﻟﯩﻖ ﻳﯩﮕﯩﺮﻣﻪ ﺧﯩﻠﺪﻩﻙ ﺋﻮﻳﯘﻧﻼﺭﻧﻰ ﺋﻮﻳﻨﺎﭖ ﻗﺎﻧﺪﺍﻕ ﻛﻪﭺ ﺑﻮﻟﯘﭖ ﻛﻪﺗﻜﻪﻧﻠﯩﻜﯩﻨﯩﻤﯘ ﺗﯘﻳﻤﺎﻱ ﻗﺎﭘﺘﯘﻕ.



ﺳﺎﻳﺎﮬﻪﺕ ﻛﻮﭘﯩﺮﺍﺗﯩﭙﯩﺪﯨﻜﯩﻠﻪﺭ ﻛﻪﭼﻠﯩﻚ ﺗﺎﻣﺎﻗﻘﺎ ﺋﻮﺭﯗﻧﻼﺷﺘﯘﺭﻏﺎﻥ ﺑﻮﻟﺴﯩﻤﯘ ﻳﯩﮕﯜﻣﯩﺰ ﻛﻪﻟﻤﻪﻱ ﺋﯚﺯﯨﻤﯩﺰ ﺋﻪﻛﯩﻠﯩﯟﺍﻟﻐﺎﻥ ﻧﻪﺭﺳﯩﻠﯩﺮﯨﻤﯩﺰ ﺑﯩﻠﻪﻥ ﻗﻮﺳﺎﻗﻼﺭﻧﻰ ﺗﻮﻳﻐﯘﺯﯗﺷﺘﯘﻕ.
ﺋﯩﻜﻜﯩﻨﭽﻰ ﻛﯜﻧﯩﺪﯨﻜﻰ ﭘﺎﺋﺎﻟﯩﻴﻪﺕ ﺷﻴﺎﯕﮕﺎﯕﻨﯩﯔ ﺳﻮﺩﺍ-ﺳﺎﺭﺍﻳﻠﯩﺮﯨﻨﻰ ﭼﯚﺭﮔﯩﻠﻪﺵ ﺋﯩﺪﻯ،ﺳﻪﮬﻪﺭﺩﻩ ﺋﺎﻟﺪﻯ ﺑﯩﻠﻪﻥ ﺷﻴﺎﯕﮕﺎﯕﺪﯨﻜﻰ ﺋﻪﯓ ﺩﺍﯕﻠﯩﻖ ﺯﯨﺒﯘ-ﺯﯨﻨﻨﻪﺕ ﺷﻪﮬﻪﺭﭼﯩﺴﯩﮕﻪ ﺑﺎﺭﺩﯗﻕ.ﻣﻪﻥ ﺋﺎﻧﭽﻪ ﻗﯩﺰﯨﻘﻤﯩﻐﺎﭼﻘﺎ ﺋﯘﻧﯩﯔ ﺑﯘﻧﯩﯖﻐﺎ ﻗﺎﺭﺍﭖ ﻗﻮﻳﯘﭘﻼ ﺑﯩﺮ ﭼﻪﺗﺘﻪ ﺋﯘﻻﺭﻧﻰ ﺳﺎﻗﻼﭖ ﺗﯘﺭﺩﯗﻡ،ﺧﯩﺰﻣﻪﺗﺪﺍﺷﻠﯩﺮﯨﻤﻨﯩﯔ ﺩﯨﻴﯩﺸﯩﭽﻪ ﺑﯘ ﻳﻪﺭﺩﻩ ﺯﯨﺒﯘ-ﺯﯨﻨﻨﻪﺗﻼﺭ ﺋﯩﻨﺘﺎﻳﯩﻦ ﺋﻪﺭﺯﺍﻥ ﺑﻮﻟﯘﭖ ﺷﯩﻨﺠﺎﯕﺪﺍ 6000ﻳﯜﻩﻧﮕﻪ ﺳﯧﺘﯩﻠﯩﺪﯨﻐﺎﻥ ﺑﯩﺮ ﺗﺎﻝ ﺋﯜﺯﯛﻙ ﺑﯘ ﻳﻪﺭﺩﻩ 4000ﻳﯜﻩﻧﺪﯨﻦ ﺳﻪﻝ ﺋﺎﺷﯩﺪﯨﻜﻪﻥ.ﺑﯘ ﻳﻪﺭﺩﯨﻦ ﭼﯩﻘﯩﭗ ﺳﺎﺋﻪﺕ ﺷﻪﮬﻪﺭﭼﯩﺴﯩﮕﻪ ﺑﯧﺮﯨﭙﺘﯘﻕ.ﺑﯩﺮﯨﻤﯩﺰ ﺑﯩﺮﻩﺭ ﺋﯩﻜﻜﯩﺪﯨﻦ ﺳﯧﺘﯩﯟﺍﻟﻐﺎﻥ ﺑﻮﻟﺪﯗﻕ .
ﺷﻴﺎﯕﮕﺎﯕﻨﯩﯔ ﻣﺎﻝ ﺳﯧﺘﯩﯟﯦﻠﯩﺶ ﺋﻪﯞﺯﻩﻟﻠﯩﻜﻰ: ﺑﯘ ﻳﻪﺭﺩﻩ ﺳﺎﺧﺘﺎ ﻣﺎﻝ ﺗﺎﭘﻘﯩﻠﻰ ﺑﻮﻟﻤﺎﻳﺪﯨﻜﻪﻥﮬﻪﻡ ﺑﺎﮬﺎ ﺗﺎﻟﯩﺸﯩﺶ  ﻣﻪﯞﺟﯘﺕ ﺋﻪﻣﻪﺳﻜﻪﻥ،ﻟﯧﻜﯩﻦ ﮬﺎﺯﯨﺮ ﺟﯘﯕﮕﻮﺩﯨﻦ ﺳﺎﻳﺎﮬﻪﺗﻜﻪ ﺑﺎﺭﯨﺪﯨﻐﺎﻧﻼﺭ ﻛﯚﭖ ﺑﻮﻟﻐﺎﭼﻘﺎ ﺋﯘﻻﺭﻧﯩﻤﯘ ﺑﺎﮬﺎ ﺗﺎﻟﯩﺸﯩﺸﻘﺎ ﻛﯚﻧﺪﯛﺭﯞﯦﺘﯩﭙﺘﯘ.ﺋﺎﻧﭽﻪ ﻣﯘﻧﭽﻪ ﭼﯜﺷﯜﭖ ﺑﯧﺮﯨﺪﯨﻜﻪﻥ.

ﺷﻴﺎﯕﮕﺎﯕﺪﺍ ﭘﻪﻗﻪﺕ ﺋﯜﭺ ﺧﯩﻠﻼ ﻧﻪﺭﺳﯩﮕﻪ ﭼﯧﮕﺮﺍ ﺑﯧﺠﻰ ﺋﺎﻟﺪﯨﻜﻪﻥ ،ﻳﻪﻧﻰ ﮬﺎﺭﺍﻕ ،ﺗﺎﻣﺎﻛﺎ،ﺑﯧﻨﺰﯨﻦ. ﺑﯘ ﺋﯜﭺ ﺧﯩﻞ ﻧﻪﺭﺳﻪ ﺋﺎﻻﮬﯩﺪﻩ ﻗﯩﻤﻤﻪﺕ ﺑﻮﻟﯘﭖ ﺑﯩﺮ ﻗﺎﭖ ﯞﻩﻥ ﻟﻰ ﺑﺎﯞ ﺗﺎﻣﺎﻛﺎ 28ﻳﯜﻩﻥ(ﺟﯘﯕﮕﻮﺩﺍ 10ﻳﯜﻩﻥ)،ﺑﯩﺮ ﻗﯘﺗﺎ ﺋﯧﺮ ﮔﻮﺗﻮ 45ﻳﯜﻩﻥ(ﺟﯘﯕﮕﻮﺩﺍ 5 ﻳﯜﻩﻥ)،ﺑﯩﺮ ﻛﯩﻠﻮ ﺑﯧﻨﺰﯨﻦ 13ﻳﯜﻩﻥ(ﺟﯘﯕﮕﻮﺩﺍ 6ﻳﯜﻩﻥ ﺋﻪﺗﺮﺍﭘﯩﺪﺍ)ﺋﯩﻜﻪﻥ.ﻧﯧﻤﯩﺪﯨﮕﻪﻥ ﺯﻭﺭ ﭘﻪﺭﻕ ﮬﻪ ،ﻟﯧﻜﯩﻦ ﻣﺎﺷﯩﻨﺎ،ﺳﯩﻔﯩﺮﻟﯩﻖ ﻣﻪﮬﺴﯘﻻﺗﻼﺭ،ﺯﯨﺒﯘ-ﺯﯨﻨﻨﻪﺕ ﻗﺎﺗﺎﺭﻟﯩﻖ ﻧﻪﺭﺳﯩﻠﻪﺭ ﻛﯚﭖ ﺋﻪﺭﺯﺍﻧﻜﻪﻥ،ﺷﻴﺎﯕﮕﺎﯕﻨﯩﯔ ﺋﯩﺴﺘﯩﻤﺎﻝ ﺳﻪﯞﯨﻴﯩﺴﻰ ﺑﯩﺰﻧﯩﯖﻜﯩﺪﯨﻦ ﺯﻭﺭ ﺩﻩﺭﯨﺠﯩﺪﻩﭘﻪﺭﻗﻠﯩﻨﯩﺪﯨﻜﻪﻥ،ﻣﻪﺳﯩﻠﻪﻥ ﺗﺎﻛﺴﯩﻐﺎ ﺋﻮﻟﺘﯘﺭﺳﯩﯖﯩﺰ (ﺗﺎﻛﺴﯩﻼﺭ ﮬﻪﻣﻤﯩﺴﻰ ﺑﯩﺮﺩﻩﻙ ﺑﯧﻦ ﺗﯩﻴﻪﻥ ﻣﺎﺷﯩﻨﯩﻼﺭ)ﻗﻮﺯﻏﯩﻠﯩﺸﻰ 15ﻳﯜﻩﻥ ﻣﻪﻟﯘﻡ ﺋﺎﺭﯨﻠﯩﻘﻘﺎ ﺑﺎﺭﻏﺎﻧﺪﯨﻦ ﻛﯧﻴﯩﻦ ﭼﺎﭘﻠﯩﻨﯩﭗ ﻣﯧﯖﯩﺸﻠﺮﯨﻤﯘ ﺋﺎﺟﺎﻳﯩﭗ ﺗﯧﺰ ﺋﯩﻜﻪﻥ،ﺗﻮﯞﺍ ..ﺑﯩﺰ ﻳﺎﺗﻘﺎﻥ ﻣﯩﮭﻤﺎﻧﺨﺎﻧﯩﺪﯨﻦ ﻣﯩﺪﯗﻥ ﻛﻮﭼﯩﺴﻰ ﺩﯨﮕﻪﻥ ﻣﻪﺭﻛﯩﺰﯨﮕﻪ ﺗﺎﻛﺴﻰ ﺑﯩﻠﻪﻥ ﺑﺎﺭﻏﺎﻧﺘﯘﻕ،ﻳﯧﺮﯨﻢ ﻳﻮﻟﺪﺍ ﻗﺎﺭﯨﺴﺎﻡ 36 ﻳﯜﻩﻥ ﺩﻩﭖ ﺗﯘﺭﺍﺗﺘﻰ ،ﺑﺎﺭﻏﺎﻧﺪﯨﻦ ﻛﯧﻴﯩﻦ ﻗﺎﺭﯨﺴﺎﻡ 86ﻳﯜﻩﻥ ﺩﯨﻤﻪﺳﻤﺎ...ﺑﻪﻝ ﺋﯘﺯﯗﻧﻤﯘ ﻳﻮﻝ ﺋﻪﻣﻪﺳﻜﻪﻧﺘﯘﻕ ﺑﻮﻟﻤﯩﺴﺎ.....[em14]ﺋﯜﺭﯛﻣﭽﯩﺪﻩ ﺋﯜﭺ ﺗﺎﺷﺘﯩﻦ ﺋﺎﻳﺪﯗﺭﻭﻣﻐﺎ ﺑﺎﺭﺳﯩﯖﯩﺰ ﺷﯘﻧﯩﯔ ﻳﯧﺮﯨﻤﯩﭽﯩﻠﯩﻚ ﺑﻮﻻﻣﺪﯨﻜﯩﻦ ﺩﻩﻳﻤﻪﻥ.

ﺷﻴﺎﯕﮕﺎﯕﺪﺍ ﺯﻩﮬﻪﺭﺩﯨﻨﻤﯘ ﻗﯩﻤﻤﻪﺕ ﺑﯩﺮ ﻧﻪﺭﺳﻪ ﺑﺎﺭﻛﻪﻥ ،ﺋﯘ ﺑﻮﻟﺴﯩﻤﯘ ﺋﻮﻟﺘﯘﺭﺍﻕ ﺋﯚﻱ ﺑﻮﻟﯘﭖ ﺷﻪﮬﻪﺭﻧﯩﯔ ﻳﺎﺧﺸﯩﺮﺍﻕ ﻳﯧﺮﯨﺪﯨﻦ ﺑﯩﺮ ﻳﯜﺭﯛﺵ 65ﻛﯟﺍﺩﺭﺍﺕ ﻣﯧﺘﯩﺮﻟﯩﻖ ﺑﯩﺮ ﻳﯜﺭﯛﺵ ﺋﯚﻱ ﺋﯧﻠﯩﺶ ﺋﯜﭼﯜﻥ ﻛﻪﻡ ﺩﯨﮕﻪﻧﺪﯨﻤﯘ 2ﻣﯩﻠﻴﻮﻥ 500ﻣﯩﯔ ﺋﻪﺗﺮﺍﭘﯩﺪﺍ ﭘﯘﻟﯩﯖﯩﺰ ﺑﻮﻟﯘﺷﻰ ﻛﯩﺮﻩﻛﻜﻪﻥ.ﺷﯘﻧﯩﯖﻐﺎ ﻣﺎﺱ ﮬﺎﻟﺪﺍ ﺋﯘﻻﺭﻧﯩﯔ ﻣﯘﺋﺎﺷﯩﻤﯘ ﻳﯘﻗﯩﺮﯨﻜﻪﻥ،ﺋﺎﺩﻩﺗﺘﯩﻜﻰ ﺧﯩﺰﻣﻪﺗﭽﯩﻠﻪﺭﻣﯘ 10000-20000ﻧﻰ ﺋﺎﻟﯩﺪﯨﻜﻪﻥ،ﺋﺎﺩﻩﺗﺘﻪﺷﻴﺎﯕﮕﺎﯕﺪﺍﺑﺎﻻﺑﺎﻗﻘﯘﭼﯩﻼﺭﮬﯩﻨﺪﯨﻨﻮﺯﯨﻴﻪ،ﻣﺎﻻﻳﺴﯩﻴﺎ ﻓﯩﻠﯩﭙﯩﻦ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﻛﯧﻠﯩﺪﯨﻐﺎﻥ ﺑﻮﻟﯘﭖ ﺑﺎﻻ ﺑﺎﻗﻘﯘﭼﯩﻼﺭﻧﯩﯔ ﺋﻪﯓ ﺗﯚﯞﻩﻥ ﻣﯘﺋﺎﺷﯩﻤﯘ ﮬﯚﻛﯜﻣﻪﺕ ﺑﯧﻜﯩﺘﻜﻪﻥ 3800ﻳﯜﻩﻧﺪﯨﻦ ﺗﯚﯞﻩﻥ ﺑﻮﻟﻤﺎﻳﺪﯨﻜﻪﻥ .ﺷﻴﺎﯕﮕﺎﯕﺪﺍ ﻗﻪﺑﺮﯨﺴﺘﺎﻧﻠﯩﻖ ﻳﯧﻨﯩﻐﺎ ﺟﺎﻳﻼﺷﻘﺎﻥ ﺋﯚﻳﻠﻪﺭ ﺋﺎﻻﮬﯩﺪﻩ ﻗﯩﻤﻤﻪﺕ ﺑﻮﻟﯩﺪﯨﻜﻪﻥ،ﺩﺍﭼﺎ ﺳﯧﻠﯩﭗ ﺋﻮﻟﺘﯘﺭﯗﺷﻘﯘ ﭼﯧﯔ ﻟﯘﯓ ﺩﻩﻙ ﺩﺍﯕﻠﯩﻖ ﻛﯩﺸﯩﻠﻪﺭﻻ ﻗﯩﻼﻻﻳﺪﯨﻐﺎﻥ ﺋﯩﺸﺘﻪﻙ ﻗﯩﻠﯩﺪﯗ.ﺷﻴﺎﯕﮕﺎﯕﺪﺍ ﻳﻪﺭ ﺋﯩﻨﺘﺎﻳﯩﻦ ﻗﯩﺲ ﺑﻮﻟﯘﭖ ﻗﯘﺭﯗﻕ ﻳﻪﺭﻟﻪﺭﻧﻰ ﻛﯚﺭﮔﯩﻠﻰ ﺑﻮﻟﻤﺎﻳﺪﯨﻜﻪﻥ.ﺷﻴﺎﯕﮕﺎﯓ ﺋﺎﺭﺍﻝ ﺑﻮﻟﻐﺎﭺ ﻳﻪﺭ ﺗﻪﯞﺭﯨﻤﻪﻳﺪﯨﻜﻪﻥ،ﺷﯘﯕﻼﺷﻘﺎ ﺑﯩﻨﺎ ﺩﯨﮕﻪﻧﻨﻰ ﺋﺎﺳﻤﺎﻥ ﭘﻪﻟﻪﻙ ﺳﯧﻠﯩﯟﯦﺮﯨﺪﯨﻜﻪﻥ .



ﺳﺎﻳﺎﮬﻪﺕ ﻳﯩﺘﻪﻛﭽﯩﺴﯩﻨﯩﯔ ﻳﯘﻗﯩﺮﯨﻘﻰ ﺑﺎﻳﺎﻧﻠﯩﺮﯨﻨﻰ ﺋﺎﯕﻠﯩﻐﺎﭺ ﺋﯘ ﺩﯗﻛﺎﻥ ﺑﯘ ﺩﯗﻛﺎﻧﻨﻰ ﭼﯚﺭﮔﯩﻠﻪﭖ ﻛﻪﭼﻘﯘﺭﯗﻥ ﯞﯨﻜﺘﻮﺭﯨﻴﻪ ﭘﻮﺭﺗﻰ ﻗﺎﺗﺎﺭﻟﯩﻖ ﺑﯩﺮ ﻗﺎﻧﭽﻪ ﺟﺎﻳﻼﺭﻏﺎ ﺑﯧﺮﯨﭗ ﺋﯩﻜﻜﯩﻨﭽﻰ ﻛﯜﻧﯩﻤﯘ ﻛﻪﭺ ﺑﻮﻟﯘﭖ ﻛﻪﺗﺘﻰ. ﺑﯜﮔﯜﻥ ﺑﯩﺰ ﭼﯩﯔ ﻳﻰ ﺩﯨﮕﻪﻥ ﻳﻪﺭﮔﻪ ﺟﺎﻳﻼﺷﻘﺎﻥ ﺷﻴﺎﯕﮕﺎﯕﺪﯨﻜﻰ ﻟﻰ ﺟﯩﻴﻪﻥ ﭼﯩﻴﺎﯓ ﺩﯨﮕﻪﻥ ﺋﻪﯓ ﭼﻮﯓ ﺑﺎﻱ ﺳﺎﻟﺪﯗﺭﻏﺎﻥ ﻣﯩﮭﻤﺎﻧﺨﺎﻧﯩﻐﺎ ﭼﯜﺷﻜﻪﻥ ﺋﯩﺪﯗﻕ ،ﺑﯘ ﻣﯩﮭﻤﺎﻧﺨﺎﻧﺎ ﺷﻴﺎﯕﮕﺎﯓ ﭘﻮﺭﺗﯩﻨﯩﯔ ﻳﯧﻨﯩﻐﺎ ﺟﺎﻳﻼﺷﻘﺎﻥ ﺑﻮﻟﯘﭖ ﺩﯦﺮﯨﺰﯨﺪﯨﻦ ﻗﺎﺭﯨﺴﺎﻕ ﭘﻮﺭﺗﺘﺎ ﻣﺎﻝ ﭼﯜﺷﯜﺭﯨﯟﺍﺗﻘﺎﻥ ،ﻣﺎﻝ ﺑﯧﺴﯩﯟﺍﺗﻘﺎﻥ ،ﻳﻮﻏﺎﻥ-ﻳﻮﻏﺎﻥ ﻛﯩﺮﺍﻧﻼﺭ ﺋﯘ ﻳﻪﺭﺩﯨﻦ ﻳﯘﻟﯘﭖ ﺋﯧﻠﯩﭗ ﺑﯘ ﻳﻪﺭﮔﻪ ﻗﻮﻳﯘﯞﺍﺗﻘﺎﻥ ،ﻣﺎﺷﯩﻨﯩﻼﺭ ﺋﯘ ﻳﺎﻕ -ﺑﯘ ﻳﺎﻗﻘﺎ ﭼﯧﭙﯩﯟﺍﺗﻘﺎﻥ  ﻛﯚﺭﯛﻧﯜﺷﻠﻪﺭﻧﻰ ﻛﯚﺭﮔﯩﻠﻰ ﺑﻮﻻﺗﺘﻰ. ﺑﯘ ﭘﻮﺭﺗﺘﺎ 24ﺳﺎﺋﻪﺕ ﺋﯩﺶ ﺗﻮﺧﺘﯩﻤﺎﻳﺪﯨﻜﻪﻥ.

ﺳﺎﻳﺎﮬﯩﺘﯩﻤﯩﺰ 3-ﻛﯜﻧﯩﮕﻪ ﻗﻪﺩﻩﻡ ﻗﻮﻳﺪﻯ،ﺑﯜﮔﯜﻧﻜﻰ ﺋﻮﺭﯗﻧﻼﺷﺘﯘﺭﯗﺵ ﺋﻪﺭﻛﯩﻦ ﭘﺎﺋﺎﻟﯩﻴﻪﺕ ﺑﻮﻟﯘﭖ ﮬﻪﻣﻤﯩﻤﯩﺰ ﺑﺎﺯﺍﺭ ﭼﯚﺭﮔﯩﻠﻪﺵ ﺋﯜﭼﯜﻥ ﻣﯩﺪﯗﻥ ﺩﯨﮕﻪﻥ ﻛﻮﭼﯩﻐﺎ ﺑﺎﺭﺩﯗﻕ ،ﮬﯩﭽﻜﯩﻢ ﮬﯩﭻ ﻳﻪﺭﻧﻰ ﺑﯩﻠﻤﯩﮕﻪﭺ ﺑﯩﺮ ﻧﻪﭼﭽﯩﮕﻪ ﺑﯚﻟﯜﻧﯜﭖ ﺑﺎﺯﺍﺭ ﭼﯚﺭﮔﯩﻠﻪﺷﻤﯘ ﺋﯩﻨﺘﺎﻳﯩﻦ ﺗﻪﺱ ﻛﻪﻟﺪﻯ.ﻣﯩﺪﯗﻥ ﻛﻮﭼﯩﺴﯩﺪﺍ ﻣﯧﻨﻰ ﺋﻪﯓ ﺟﻪﻟﭗ ﻗﯩﻠﻐﯩﻨﻰ ﮬﻪﺷﻪﻣﻪﺗﻠﯩﻚ ﺳﯧﻠﯩﻨﻐﺎﻥ ﻣﻪﺳﭽﯩﺪ ﺑﻮﻟﺪﻯ.ﺳﺎﻳﺎﮬﻪﺕ ﻳﯩﺘﻪﻛﭽﯩﺴﯩﻨﯩﯔ ﺩﻩﭖ ﺑﯧﺮﯨﺸﯩﭽﻪ ﺑﯘ ﻣﻪﺳﭽﯩﺪ ﻧﻪﭼﭽﻪ ﻳﯜﺯ ﻳﯩﻠﻠﯩﻖ ﺗﺎﺭﯨﺨﻘﺎ ﺋﯩﮕﻪ ﺑﻮﻟﯘﭖ،ﺑﯘﺭﯗﻥ ﺋﻪﺭﻩﺑﻠﻪﺭ ﺩﯨﻦ ﺗﺎﺭﻗﯩﺘﯩﭗ ﻛﯩﺮﮔﻪﻧﺪﻩ ﺳﺎﻟﻐﺎﻧﻤﯩﺶ...

ﭼﯜﺷﻜﯩﭽﻪ ﺑﺎﺯﺍﺭ ﭼﯚﺭﮔﯩﻠﻪﭖ ﺋﯘﻧﻰ ﺑﯘﻧﻰ ﺳﯧﺘﯩﯟﺍﻟﻐﺎﻧﺪﯨﻦ ﻛﯧﻴﯩﻦ ﭼﯜﺷﺘﯩﻦ ﻛﯧﻴﯩﻦ ﺑﺎﺭﻟﯩﻖ ﺋﻪﺯﺍﻻﺭ ﺋﯩﻜﻜﯩﮕﻪ ﺑﯚﻟﯜﻧﺪﯗﻕ.ﻳﻪﻧﻰ ﻳﯧﺮﯨﻤﻰ ﺳﯩﻔﯩﺮﻟﯩﻖ ﻣﻪﮬﺴﯘﻻﺗﻼﺭ ﺑﺎﺯﯨﺮﯨﻐﺎ،ﻳﯧﺮﯨﻤﯩﻤﯩﺰ ﺩﯗﻧﻴﺎﻏﺎ ﺩﺍﯕﻠﯩﻖ ﺑﻮﻟﻐﺎﻥ ﺩﯨﺴﻨﻰ ﺑﺎﻏﭽﯩﺴﯩﻐﺎ ﺑﺎﺭﻣﺎﻗﭽﻰ ﺑﻮﻟﺪﯗﻕ.ﺩﯨﺴﻨﻰ ﺑﺎﻏﭽﯩﺴﻰ ﺩﯗﻧﻴﺎﺩﺍ ﺗﯚﺕ ﺋﻮﺭﯗﻧﺪﺍ ﺑﺎﺭﻛﻪﻥ ،ﺷﻴﺎﯕﮕﺎﯕﺪﯨﻜﯩﺴﻰ ﺷﯘ ﺗﯚﺗﻨﯩﯔ ﺑﯩﺮﻯ ﺋﯩﻜﻪﻥ .ﻣﻪﻥ ﺩﯨﺴﻨﯩﻐﺎ ﺑﺎﺭﯨﺪﯨﻐﺎﻧﻼﺭ ﻗﺎﺗﺎﺭﯨﺪﺍ ﺋﯩﺪﯨﻢ. ﻳﻪﺭ ﺋﺎﺳﺘﻰ ﭘﻮﻳﯩﺰﯨﻐﺎ ﺋﻮﻟﺘﯘﺭﯗﭖ ﺑﯩﺮ ﺋﺎﺩﻩﻡ ﻳﯩﮕﯩﺮﻣﻪ ﻳﯜﻩﻥ ﺷﻴﺎﯕﮕﺎﯓ ﭘﯘﻟﯩﻐﺎ ﺑﯧﻠﻪﺕ ﺋﯧﻠﯩﭗ ﺩﯨﺴﻨﻰ ﺑﺎﻏﭽﯩﺴﯩﻐﺎ ﺑﺎﺭﺩﯗﻕ. ﺑﯘ ﺑﺎﻏﭽﯩﻨﯩﯔ ﺋﯩﺸﯩﻚ ﺑﯧﻠﯩﺘﻰ 280ﻳﯜﻩﻥ ﺋﯩﻜﻪﻥ،ﺩﯦﯖﯩﺰ ﺋﯜﺳﺘﻰ ﺑﺎﻏﭽﯩﺴﯩﻨﯩﯔ 270 ﻳﯜﻩﻧﻜﻪﻧﺘﯘﻕ.ﻛﯚﭘﭽﯩﻠﯩﻚ ﻣﻪﺳﻠﯩﮭﻪﺗﻠﯩﺸﯩﭗ ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ ﺋﯩﻜﻜﯩﺪﯨﻦ ﻛﻪﭺ ﺳﺎﺋﻪﺕ ﺗﻮﻗﻘﯘﺯﻏﯩﭽﻪ ﺑﯘ ﺑﺎﻏﭽﯩﺪﺍ ﺋﺎﻳﻼﻧﻤﺎﻗﭽﻰ ﺑﻮﻟﺪﯗﻕ ،ﻧﯧﻤﯩﺪﯨﮕﻪﻥ ﺋﯘﺯﯗﻥ ﯞﺍﻗﯩﺘﻜﯩﻦ ﺩﯨﺴﻪﻡ ﺑﯘ ﺑﺎﻏﭽﯩﻤﯘ ﺑﻮﺵ ﺑﺎﻏﭽﺎ ﺋﻪﻣﻪﺳﻜﻪﻧﺘﯘﻕ ﺋﻪﺳﻠﻰ.



ﮬﻪﺭﺑﯩﺮ ﺗﯜﺭ ﺋﻮﻳﯘﻧﻠﯩﺮﯨﻨﻰ ﺋﻮﻳﻨﺎﺵ ﻧﻮﻣﯘﺭﻟﯩﺮﯨﻨﻰ ﻛﯚﺭﯛﺵ ﺋﯜﭼﯜﻥ ﺑﯩﺮﻩﺭ ﺳﺎﺋﻪﺗﺘﯩﻦ ﯞﺍﻗﯩﺖ ﻛﯩﺘﻪﺗﺘﻰ.ﺑﯘ ﺑﺎﻏﭽﺎ ﺑﻪﻛﻼ ﺋﺎﺩﻩﺗﺘﯩﻦ ﺗﺎﺷﻘﯩﺮﻯ ﺑﺎﻏﭽﺎ ﺑﻮﻟﯘﭖ ﺑﺎﻏﭽﺎ ﺩﻩﭖ ﺋﺎﺗﯩﻤﺎﻱ <<ﭘﻪﻥ-ﺗﯧﺨﻨﯩﻜﺎ ﺳﺎﺭﯨﻴﻰ>>ﻳﺎﻛﻰ ﺷﯘﻧﯩﯖﻐﺎ ﺋﻮﺧﺸﺎﺷﺮﺍﻕ ﺑﯩﺮﻩﺭ ﻧﺎﻡ ﺑﯩﻠﻪﻥ ﺋﺎﺗﯩﺴﺎ ﺑﻮﻟﻐﯘﺩﻩﻙ.ﺋﯩﭽﻰ ﻣﻪﻧﺰﯨﺮﯨﺪﯨﻦ ﺳﯩﺮﺕ ﭘﯜﺗﯜﻥ ﺋﯩﻠﻐﺎﺭ ﺋﯧﻠﯩﻜﺘﯩﺮﻭﻥ ﺗﯧﺨﻨﯩﻜﯩﺴﻰ.ﺑﯘ ﺑﺎﻏﭽﯩﺪﺍ ﻣﺎﯕﺎ ﺋﻪﯓ ﺗﻪﺳﯩﺮ ﻗﯩﻠﻐﯩﻨﻰ <ﺋﺎﻟﻪﻡ ﺑﻮﺷﻠﯘﻗﻰ ﺳﺎﺭﯨﻴﻰ >ﺑﻮﻟﺪﻯ،ﺑﯘﻧﯩﯔ ﺋﯩﭽﯩﮕﻪ ﻛﯩﺮﯨﭗ ﺑﯩﺮ ﻛﯩﭽﯩﻚ ﺋﯘﻳﯘﻧﭽﯘﻕ ﻣﺎﺷﯩﻨﯩﺪﺍ ﺋﻮﻟﺘﯘﺭﯨﺪﯨﻜﻪﻧﺴﯩﺰ ،ﺑﯩﺮ ﺋﺎﺯﺩﯨﻦ ﻛﯧﻴﯩﻦ ﻣﺎﺷﯩﻨﺎ  ﻣﯧﯖﯩﭗ ﺯﯗﻟﻤﻪﺕ ﺑﯩﺮ ﻗﺎﺭﺍﯕﻐﯘﻟﯘﻗﻘﺎ ﺷﯘﯕﻐﯘﻳﺪﯨﻜﻪﻧﺴﯩﺰ ،ﺋﺎﺳﺘﺎ -ﺋﺎﺳﺘﺎ ﺋﯚﺭﻟﻪﭖ ﻳﯘﻟﺘﯘﺯﻻﺭ ، ﭘﯩﻼﻧﺘﻼﺭ ﯞﻩ ﺋﺎﻟﻪﻡ ﺟﯩﺴﯩﻤﻠﯩﺮﻯ ﺋﺎﺭﯨﺴﯩﻐﺎ ﺑﺎﺭﯨﺪﯨﻜﻪﻧﺴﯩﺰ ،ﺋﯩﺸﻘﯩﻠﯩﭗ ﺳﯩﺰﻧﻰ ﭘﯜﺗﯜﻧﻠﻪﻱ ﺋﺎﻟﻪﻡ ﻛﯧﻤﯩﺴﯩﺪﻩ ﺳﺎﻳﺎﮬﻪﺕ ﻗﯩﻠﯩﯟﺍﺗﻘﺎﻥ ﮬﯩﺴﺴﯩﻴﺎﺗﻘﺎ ﺋﻪﻛﯩﻠﯩﺪﯨﻜﻪﻥ،ﺑﻪﻛﻼ ﭘﯩﭽﻪﺕ،ﻛﻪﭼﻜﯩﭽﻪ ﺋﺎﻳﻠﯩﻨﯩﭙﻤﯘ ﺑﯘ ﺑﺎﻏﭽﯩﻨﯩﯔ ﺑﺎﺭﻟﯩﻖ ﻳﻪﺭﻟﯩﺮﯨﻨﻰ ﺗﯜﮔﯩﺘﻪﻟﻤﻪﭘﺘﯘﻕ...............


ﺷﻴﺎﯕﮕﺎﯓ ﻳﺎﺧﺸﻰ ﺑﯩﺮ ﺳﺎﻳﺎﮬﻪﺕ ﻧﯘﻗﺘﯩﺴﻰ ﺑﻮﻟﯘﭘﻼ ﻗﺎﻟﻤﺎﻱ ﻣﺎﻝ ﺳﯧﺘﯩﯟﺍﻟﯩﺪﯨﻐﺎﻧﻐﯩﻤﯘ ﺋﯩﻨﺘﺎﻳﯩﻦ ﻳﺎﺧﺸﻰ ﺟﺎﻳﻜﻪﻥ،ﺷﻴﺎﯕﮕﺎﯕﻐﺎ ﺑﺎﺭﻣﺎﻗﭽﻰ ﺑﻮﻟﯘﭖ ﻗﺎﻟﺴﯩﯖﯩﺰ ﭘﯘﻝ ﺩﯨﮕﻪﻧﻨﻰ ﺭﺍﯞﯗﺭﯗﺱ ﺋﯧﻠﯩﭗ ﺑﺎﺭﻣﯩﺴﯩﯖﯩﺰ ﺑﻮﻟﻤﺎﻳﺪﯨﻜﻪﻥ.

ﺷﯘﻧﯩﯔ ﺑﯩﻠﻪﻥ ﺷﻴﺎﯕﮕﺎﯕﺪﯨﻜﻰ ﺳﺎﻳﺎﮬﯩﺘﯩﻤﯩﺰﻧﻰ ﻣﯘﯞﻩﭘﭙﯩﻘﯩﻴﻪﺗﻠﯩﻚ ﺋﺎﻳﺎﻏﻼﺷﺘﯘﺭﯗﭖ 4-ﻛﯚﻧﻰ ﺳﻪﮬﻪﺭﺩﻩ ﺗﺎﻳﻼﻧﺪﻗﺎ ﻗﺎﺭﺍﭖ ﻳﻮﻟﻐﺎ ﭼﯩﻘﺘﯘﻕ.ﺑﯘﻗﯧﺘﯩﻢ ﺋﻮﻟﺘﯘﺭﻏﺎﻥ ﺋﺎﻳﺮﯗﭘﯩﻼﻥ ﺑﻪﻙ ﭘﯩﭽﻪﺕ ﺑﻮﻟﯘﭖ ﺋﺎﺳﻤﺎﻧﻐﺎ ﻗﺎﻧﺪﺍﻗﻤﯘ ﻛﯚﺗﯜﻟﯜﭖ ﻛﯩﺘﻪﺭ ﺩﯨﮕﯜﺩﻩﻙ ﺩﻩﺭﯨﺠﯩﺪﻩ ﮬﻪﻳﯟﻩﺕ ﺋﯩﺪﻯ،ﺑﯘ ﺋﺎﻳﺮﯗﭘﯩﻼﻥ ﺑﯩﺰ ﭘﯜﺗﻜﯜﻝ ﺳﻪﭘﯩﺮﯨﻤﯩﺰﺩﻩ ﭼﯩﻘﻘﺎﻥ ﺋﻪﯓ ﻳﺎﺧﺸﻰ ﺋﺎﻳﺮﯗﭘﯩﻼﻥ ﮬﯩﺴﺎﺑﻠﯩﻨﺎﺗﺘﻰ.

ﺷﯘﻧﯩﯔ ﺑﯩﻠﻪﻥ ﺑﯩﺰ ﺷﻪﺭﻗﻰ ﺟﻪﻧﻮﺑﻰ ﺋﺎﺳﯩﻴﺎﺩﯨﻜﻰ ﺩﺍﯕﻠﯩﻖ ﺑﯘﺩﺩﺍ ﺩﯨﻨﻰ ﺩﯙﻟﯩﺘﻰ ﺗﺎﻳﻼﻧﺪﻗﺎ(Thailand) ﻗﺎﺭﺍﭖ ﺋﯘﭼﯘﺷﻘﺎ ﺑﺎﺷﻠﯩﺪﯗﻕ ،ﺑﯘ ﻗﯧﺘﯩﻢ ﯞﻩﺗﯩﻨﯩﻤﯩﺰ ﺟﯘﯕﮕﻮ ﭼﯧﮕﺮﯨﺴﯩﺪﯨﻦ ﭘﯜﺗﯜﻧﻠﻪﻱ ﭼﯩﻘﻘﺎﻥ ﺋﯩﺪﯗﻕ،ﺷﯘﯕﻼﺷﻘﺎ ﺧﯩﺰﻣﻪﺗﺪﺍﺷﻠﯩﺮﯨﻤﯩﺰﺩﯨﻦ ﺑﺎﺷﻘﯩﻼﺭﻏﺎ ﺧﻪﻧﺰﯗﭼﻪ ﺳﯚﺯﻟﻪﺷﻤﯘ ﻣﯘﻣﻜﯩﻦ ﺋﻪﻣﻪﺱ،ﺋﺎﻳﺮﯗﭘﯩﻼﻧﻐﺎ ﭼﯩﻘﻘﺎﻧﻼﺭﻣﯘ ﺳﺎﭘﻼ ﺋﺎﻕ ﺗﻪﻧﻠﯩﻜﻠﻪﺭ ﺑﯩﻠﻪﻥ ﺗﺎﻳﻼﻧﺪﻟﯩﻘﻼﺭ ﺑﻮﻟﯘﭖ ﺋﯘﻻﺭﻧﯩﯔ ﺑﯩﺮﻩﺭ ﺋﯧﻐﯩﺰ ﮔﻪﭘﻠﯩﺮﯨﻨﻰ ﭼﯜﺷﯩﻨﯩﺸﻤﯘ ﻣﯘﻣﻜﯩﻦ ﺋﻪﻣﻪﺱ ﺋﯩﺪﻯ،ﺋﺎﻳﺮﯗﭘﯩﻼﻥ ﻛﺎﻧﯩﻴﻰ ﯞﻩ ﻛﯜﺗﻜﯜﭼﻰ ﻗﯩﺰﻻﺭﻣﯘ ﺋﯧﻨﮕﯩﻠﯩﺰﭼﻪ ﯞﻩ ﺗﺎﻳﻼﻧﺪﭼﯩﻼ ﺳﯚﺯﻟﻪﯞﺍﺗﺎﺗﺘﻰ.ﻛﯜﺗﻜﯜﭼﻰ ﻗﯩﺰﻻﺭﻧﯩﯔ ﮬﻪﻣﻤﯩﺴﻰ ﺗﺎﻳﻼﻧﺪﻟﯩﻘﻼﺭ ﻗﯩﺰﻻﺭ ﺑﻮﻟﯘﭖ ﺋﺎﻟﺪﯨﻨﻘﻰ ﻧﻪﭼﭽﻪ ﻗﯧﺘﯩﻤﺪﯨﻜﻰ ﻗﯩﺰﻻﺭﺩﻩﻙ ﭼﯩﺮﺍﻳﻠﯩﻖ ﺋﻪﻣﻪﺱ ﺋﯩﺪﻯ.ﻳﯧﺮﯨﻢ ﻳﻮﻟﺪﺍ ﺗﺎﻣﺎﻕ ﺗﺎﺭﻗﯩﺘﯩﻠﺪﻯ،ﺑﯩﺰ ﺑﯘ ﺑﯘﺩﺩﯨﺴﻼﺭﻧﯩﯔ ﺗﺎﻣﯩﻘﯩﻨﻰ ﻳﯩﻴﯩﺶ ﻳﯩﻤﻪﺳﻠﯩﻚ ﺗﻮﻏﺮﯨﺴﯩﺪﺍ ﺋﯩﻜﻜﯩﻠﯩﻨﯩﭗ ﺗﯘﺭﺳﺎﻕ ﻛﯜﺗﻜﯜﭼﻰ ﻗﯩﺰ ﻣﯘﺳﯘﻟﻤﺎﻧﭽﻪ ﺋﯩﻜﻪﻧﻠﯩﻜﯩﻨﻰ ﺋﯘﻗﺘﯘﺭﺩﻯ ،ﻗﺎﺭﯨﺴﺎﻕ<< ﮬﺎﻻﻝ >>ﺩﻩﭖ ﺧﯧﺘﻰ ﺑﺎﺭ ﻳﯩﻤﻪﻛﻠﯩﻜﻠﻪﺭ ﺋﯩﻜﻪﻥ.

ﭘﻪﺳﻜﻪ ﻗﺎﺭﯨﺴﺎﻡ ﺋﺎﻧﭽﻪ -ﻣﯘﻧﭽﻪ ﻗﯘﺭﯗﻗﻠﯘﻗﺘﯩﻦ ﺑﺎﺷﻘﺎ ﮬﻪﻣﻤﯩﺴﯩﻼ ﺩﯦﯖﯩﺰ ﺋﯩﺪﻯ. ﺗﯚﺕ ﺳﺎﺋﻪﺗﻜﻪ ﻳﯧﻘﯩﻦ ﺋﯘﭼﯘﭖ ﺑﯩﺰ ﺑﺎﺭﻣﺎﻗﭽﻰ ﺑﻮﻟﻐﺎﻥ ﺗﺎﻳﻼﻧﺪﺗﯩﻜﻰ ﺋﻪﯓ ﭼﻮﯓ ﺋﺎﺭﺍﻝ ﭘﯘﻛﯩﺖ(Phuket) ﺋﺎﺭﯨﻠﯩﻐﺎ ﻳﯧﺘﯩﭗ ﻛﻪﻟﺪﯗﻕ،ﺑﯘ ﺋﺎﺭﺍﻟﻐﺎ ﺋﺎﺳﻤﺎﻧﺪﯨﻦ ﻗﺎﺭﯨﺴﯩﯖﯩﺰ ﺗﯚﺕ ﺋﻪﺗﺮﺍﭘﻰ ﮬﻪﻣﻤﯩﺴﻰ ﺩﯦﯖﯩﺰ ﺑﯩﻠﻪﻥ ﻗﻮﺭﺷﺎﻟﻐﺎﻥ ﻛﯩﭽﯩﻜﻜﯩﻨﻪ ﺑﯩﺮ ﺟﺎﻱ ﺋﯩﺪﻯ،ﭘﯘﻛﯩﺘﻨﯩﯔ ﺋﻪﻣﯩﻠﻰ ﻳﻪﺭ ﻣﻪﻳﺪﺍﻧﻰ ﺳﯩﻨﮕﺎﭘﻮﺭﭼﯩﻠﯩﻚ ﻛﯩﻠﯩﺪﯨﻜﻪﻥ.ﭘﯘﻛﯩﺘﻨﻰ ﮬﯩﻨﺪﻯ ﺋﻮﻛﻴﺎﻥ  ﺋﺎﻧﺪﺍﻣﺎﻥ ﺩﯦﯖﯩﺰﯨﻐﺎ ﺟﺎﻳﻼﺷﻘﺎﻥ ﻣﻪﺭﯞﺍﻳﯩﺖ ﺩﻩﭖ ﺋﺎﺗﺎﭘﻤﯘ ﻗﻮﻳﯩﺪﯨﻜﻪﻥ.
ﺗﻮﯞﺍ ﭘﯘﻛﯩﺖ ﺋﺎﻳﺪﯗﺭﻭﻣﯩﺪﺍ ﺋﺎﻳﺮﯗﭘﯩﻼﻧﺪﯨﻦ ﺑﯧﺸﯩﻤﯩﺰﻧﻰ ﭼﯩﻘﯩﺮﯨﭙﻼ ﺩﻩﮬﺸﻪﺗﻠﯩﻚ ﻣﻪﻧﺰﯨﺮﯨﮕﻪ ﺩﯗﭺ ﻛﻪﻟﺪﯗﻕ ،ﻧﻪﭼﭽﻪ ﻛﯜﻧﻨﯩﯔ ﻳﺎﻗﻰ ﺷﻴﺎﯕﮕﺎﯕﻨﯩﯔ ﻧﻪﻡ ﺳﺎﻟﻘﯩﻦ ﮬﺎﯞﺍﺳﯩﺪﺍ ﻛﯚﻧﯜﭖ ﻗﺎﻟﻐﺎﻥ ﺑﯩﺰﻟﻪﺭﮔﻪ ﻧﯚﻟﺪﯨﻦ ﻳﯘﻗﯩﺮﻯ 32ﮔﯩﺮﺍﺩﻭﺳﻠﯘﻕ ﺗﯧﻤﭙﯩﺮﺍﺗﻮﺭﺍ ﺋﯩﺴﺴﯩﻖ ﻛﻪﻟﺪﻯ.ﻳﻪﻧﻪ ﻛﯧﻠﯩﭗ ﺑﯘﻳﻪﺭﻧﯩﯔ ﺋﺎﭘﺘﯩﭙﻰ ﺋﺎﺩﻩﻣﻨﻰ ﺋﺎﺟﺎﻳﯩﭗ ﭼﺎﻗﯩﺪﯨﻜﻪﻥ،ﺋﺎﺳﻤﺎﻧﻐﺎ ﻗﺎﺭﯨﺴﯩﯖﯩﺰ ﻗﻮﻳﺎﺵ ﺑﯧﺸﯩﯖﯩﺰﺩﯨﻼ ﺗﯘﺭﻏﺎﻧﺪﻩﻙ ﺑﯩﻠﯩﻨﻪﺗﺘﻰ.
ﺋﺎﻳﺪﯗﺭﯗﻡ ﺯﺍﻟﯩﻐﺎ ﻛﯩﺮﯨﭗ ﭘﺎﺳﭙﻮﺭﺗﻠﯩﺮﯨﻤﯩﺰﻧﻰ ﺗﻪﻛﺸﯜﺭﺗﺘﯘﻕ ،ﺋﯘﻻﺭ ﺑﯩﺰﮔﻪ ﭘﯜﺗﯜﻧﻠﻪﻱ ﺋﯩﻨﮕﯩﻠﯩﺰﭼﯩﻼ ﺳﯚﺯﻟﻪﻳﺘﺘﻰ،ﺋﯧﻨﮕﯩﻠﯩﺰﭼﯩﻨﻰ ﺋﯚﺯﻩﻣﻨﯩﯔ ﮬﺎﺟﯩﺘﯩﺪﯨﻦ ﭼﯩﻘﻘﯘﺩﻩﻙ ﺑﻮﻟﺴﯩﻤﯘ ﺋﯜﮔﯩﻨﯩﭗ ﻗﻮﻳﻤﯩﻐﯩﻨﯩﻤﻐﺎ ﭘﯘﺷﺎﻳﻤﺎﻥ ﻗﯩﻠﯩﭗ ﻗﺎﻟﺪﯨﻢ.ﺳﺎﻳﺎﮬﻪﺗﻜﻪ ﭼﯩﻘﻘﺎﻧﺪﺍ ﺑﻪﻛﻼ ﺋﻪﺳﻘﺎﺗﯩﺪﯨﻜﻪﻥ ﺋﻪﻣﻪﺳﻤﯘ .......
ﺷﯘﻧﯩﯔ ﺑﯩﻠﻪﻥ ﺳﺎﻳﺎﮬﻪﺕ ﻛﻮﭘﯩﺮﺍﺗﯩﭙﻰ ﺋﻮﺭﯗﻧﻼﺷﺘﯘﺭﻏﺎﻥ ﺋﺎﭘﺘﻮﺑﯘﺳﻘﺎ ﭼﯩﻘﯩﭗ ﭘﯘﻛﯩﺖ ﺋﺎﺭﺍﻝ ﻣﻪﺭﻛﯩﺰﯨﮕﻪ ﻗﺎﺭﺍﭖ ﻣﺎﯕﺪﯗﻕ،ﺑﯩﺰﻧﻰ ﻛﯜﺗﯩﯟﺍﻟﻐﺎﻥ ﺳﺎﻳﺎﮬﻪﺕ ﻳﯩﺘﻪﻛﭽﯩﺴﻰ ﺧﻪﻧﺰﯗ ﺗﯩﻠﯩﺪﺍ ﺋﯘﻧﻰ-ﺑﯘﻧﻰ ﭼﯜﺷﻪﻧﺪﯛﺭﯛﭖ ﻣﺎﯕﺪﻯ ﻟﯧﻜﯩﻦ ﮬﻪﻣﻤﯩﻤﯩﺰ ﺋﯘﻧﯩﯔ ﮔﻪﭘﻠﯩﺮﯨﮕﻪ ﺩﯨﻘﻘﻪﺕ ﻗﯩﻠﻤﺎﻱ ﺩﯦﺮﯨﺰﯨﺪﯨﻦ ﺑﯘ ﻳﯧﭗ -ﻳﯧﯖﻰ ﻣﯘﮬﯩﺘﻘﺎ ﺯﻩﻥ ﺳﯧﻠﯩﯟﺍﺗﺎﺗﺘﯘﻕ،ﺋﯩﻜﻜﻰ ﭼﯧﺘﻰ ﻗﯘﻳﯘﻕ ﺩﻩﺭﻩﺧﻠﯩﻚ ﺗﺎﺷﻴﻮﻝ ﺑﯩﻠﻪﻥ ﺑﯩﺰ ﮬﺎﺯﺍ ﻣﺎﯕﻐﺎﻧﺪﯨﻦ ﻛﯧﻴﯩﻦ ﻳﻮﻟﻨﯩﯔ ﺋﯩﻜﻜﻰ ﻗﺎﺳﻨﯩﻘﯩﺪﺍ ﺋﺎﻧﺪﺍ -ﺳﺎﻧﺪﺍ ﻛﻮﻛﺎ ﻛﻮﻻﻧﯩﯔ،ﭘﯧﭙﺴﯩﻨﯩﯔ  ﺋﯧﻼﻥ ﺗﺎﺧﺘﯩﻠﯩﺮﻯ،ﺋﺎﮬﺎﻟﯩﻼﺭﻧﯩﯔ ﺋﯚﻳﻠﯩﺮﻯ ،ﺋﯘﻳﻪﺭ-ﺑﯘﻳﻪﺭﺩﻩ ﻛﺎﻟﺘﻪ ﺋﯩﺸﺘﺎﻧﺪﯨﻦ ﺑﺎﺷﻘﺎ ﻛﯩﻴﯩﻢ ﻛﯩﻴﻤﯩﮕﻪﻥ ﺋﺎﺩﻩﻣﻠﻪﺭ ﺋﯘﭼﺮﺍﺷﻘﺎ ﺑﺎﺷﻠﯩﺪﻯ.ﺑﯩﺮ ﻳﻪﺭﮔﻪ ﻛﻪﻟﮕﻪﻧﺪﻩ ﻳﯩﺘﻪﻛﭽﻰ ﺑﯩﺰﻧﻰ ﻣﺎﺷﯩﻨﯩﺪﯨﻦ ﭼﯜﺷﯜﭖ ﺑﻪﻟﮕﯩﻠﻪﻧﮕﻪﻥ ﺟﺎﻳﺪﯨﻦ ﺩﯦﯖﯩﺰﺩﺍ ﺋﯩﺸﻠﯩﺘﯩﻠﯩﺪﯨﻐﺎﻥ ﻗﯘﺗﻘﯘﺯﯗﺵ ﻛﯩﻴﯩﻤﻰ ﺋﯧﻠﯩﺸﻘﺎ ﺑﯘﻳﺮﯨﺪﻯ ،ﺑﯘﻳﻪﺭ  ﺩﯦﯖﯩﺰ ﻗﯩﺮﻏﯩﻘﯩﻐﺎ ﻳﯧﻘﯩﻦ ﻛﯩﭽﯩﻜﻜﯩﻨﻪ ﺑﯩﺮ ﺑﺎﺯﺍﺭ ﺑﻮﻟﯘﭖ ﺑﯘ ﻳﻪﺭﺩﻩ ﺑﯩﺰ ﻛﯚﻳﯜﭖ ﻛﯚﻣﯜﺭﺩﻩﻙ ﺑﻮﻟﯘﭖ ﻛﻪﺗﻜﻪﻥ،ﻣﯘﺳﻜﯘﻟﻠﯩﺮﻯ ﺷﯘﻧﺪﺍﻕ ﺗﻪﺭﻩﻗﻘﻰ ﻗﯩﻠﻐﺎﻥ ،ﺋﺎﺩﻩﻣﮕﻪ ﻗﺎﺭﺍﭖ ﻛﯜﻟﯜﻣﺴﯩﺮﻩﭖ ﺗﯘﺭﯨﺪﯨﻐﺎﻥ ﻧﺎﮬﺎﻳﯩﺘﻰ ﻣﯘﻻﻳﯩﻢ ﭼﯩﺮﺍﻱ ﺑﯩﺮ ﺗﯜﺭﻛﯜﻡ ﺗﺎﻳﻼﻧﺪ ﻛﯩﺸﯩﻠﯩﺮﯨﻨﻰ ﻛﯚﺭﺩﯗﻕ.ﻻﺯﯨﻤﻠﯩﻖ ﻧﻪﺭﺳﯩﻠﯩﺮﯨﻤﯩﺰﻧﻰ ﺋﺎﻟﻐﺎﻧﺪﯨﻦ ﻛﯧﻴﯩﻦ ﻣﺎﺗﻮﺭﻟﯘﻕ ﻗﯧﻴﯩﻘﻘﺎ ﺋﻮﻟﺘﯘﺭﯗﭖ ﺑﯩﭙﺎﻳﺎﻥ ﺩﯦﯖﯩﺰﻏﺎ ﻗﺎﺭﺍﭖ ﻳﯜﺭﯛﭖ ﻛﻪﺗﺘﯘﻕ .


ﺑﯘ ﯞﺍﻗﯩﺖ ﺷﯩﻨﺠﺎﯓ ﯞﺍﻗﺘﻰ 11 ﺩﯨﻦ ﺋﺎﺷﻘﺎﻥ ﺋﯩﺪﻯ،ﺗﺎﻳﻼﻧﺪﻧﯩﯔ ﯞﺍﻗﯩﺖ ﭘﻪﺭﻗﻰ ﺑﯧﻴﺠﯩﯖﺪﯨﻦ ﺑﯩﺮ ﺳﺎﺋﻪﺕ ﻛﯧﻴﯩﻦ ﺷﯩﻨﺠﺎﯕﺪﯨﻦ ﺑﯩﺮ ﺳﺎﺋﻪﺕ ﺋﯩﻠﮕﯩﺮﻯ ﺑﻮﻟﯩﺪﯨﻜﻪﻥ.ﺩﯦﯖﯩﺰﺩﺍ ﻳﯧﺮﯨﻢ ﺳﺎﺋﻪﺗﺘﻪﻙ ﻳﯜﺭﮔﻪﻧﺪﯨﻦ ﻛﯧﻴﯩﻦ ﻳﯩﺮﺍﻗﺘﺎ ﺑﯩﺮ ﻛﯩﭽﯩﻚ ﺗﺎﻍ ﯞﻩ  ﭼﯩﺮﺍﻳﻠﯩﻖ ﻣﻪﺳﭽﯩﺪ ﮔﯜﻣﺒﯩﺰﻯ ﻛﯚﺭﯛﻧﺪﻯ، ﺧﻪﻧﺰﯗﻻﺭ ﺑﯘ ﻳﻪﺭﺩﻩ ﭼﯩﯔ ﺟﯧﻦ ﺳﻰ ﺑﺎﺭﻛﻪﻥ ﺩﯨﻴﯩﺸﯩﭗ ﺑﯩﺰﮔﻪ ﻗﺎﺭﺍﭖ ﭼﯘﺭﻗﯩﺮﺍﺷﺘﻰ، ﺑﯘ ﺋﻪﺳﻠﯩﺪﻩ ﻣﺎﻻﻳﺴﯩﻴﺎﻟﯩﻖ ﻣﯘﺳﯘﻟﻤﺎﻧﻼﺭ ﺳﺎﻟﻐﺎﻥ ﺩﯦﯖﯩﺰ ﺋﯜﺳﺘﻰ ﺗﯧﺰ ﺗﺎﻣﺎﻗﺨﺎﻧﯩﺴﻰ ﺋﯩﻜﻪﻧﺘﯘﻕ،ﺑﯩﺰﻧﯩﯔ ﺑﯜﮔﯜﻧﻜﻰ ﭼﯜﺷﻠﯜﻙ ﺗﺎﻣﯩﻘﯩﻤﯩﺰ ﻣﯘﺷﯘ ﻳﻪﺭﮔﻪ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯩﻜﻪﻥ،ﺑﯘﻳﻪﺭﮔﻪ ﻛﯩﺮﺳﻪﻙ ﻣﯘﮬﯩﺖ ﺩﯨﮕﻪﻥ ﺷﯘﻧﺪﺍﻕ ﺋﯧﺴﯩﻞ ،ﻛﯜﺗﻜﯜﭼﻰ ﻗﯩﺰﻻﺭﻣﯘ ﺑﺎﺷﻠﯩﺮﯨﻐﺎ ﻳﺎﻏﻠﯩﻖ ﺋﺎﺭﺗﻘﺎﻥ ،ﺋﯩﺸﺘﺎﻥ ﻛﻪﻳﮕﻪﻥ ﺷﯘﻧﺪﺍﻕ ﭘﺎﻛﯩﺰﻩ ﻗﯩﺰﻻﺭ ﺋﯩﺪﻯ.


ﻧﻪﭼﭽﻪ ﻛﯜﻧﻨﯩﯔ ﻳﺎﻗﻰ ﺗﯜﺯﯛﻙ ﺗﺎﻣﺎﻕ ﻳﯩﻴﻪﻟﻤﻪﻱ ﺗﻪﻳﻴﺎﺭ ﭼﯚﭖ ﻳﻪﭖ ﻳﯜﺭﮔﻪﻥ ﺑﯩﺮ ﻧﻪﭼﭽﯩﻤﯩﺰﮔﻪ ﺑﻮﭖ ﺑﻪﺭﺩﻯ ،ﭼﯩﻘﻘﺎﻥ ﺗﺎﻣﺎﻗﻼﺭﻧﯩﯔ ﻛﯚﭘﯩﻨﭽﯩﺴﻰ ﺩﯦﯖﯩﺰ ﻣﻪﮬﺴﯘﻻﺗﻠﯩﺮﻯ ﺑﻮﻟﯘﭖ ﺋﺎﺟﺎﻳﯩﭗ ﺗﯧﺘﯩﭗ ﻛﻪﺗﺘﻰ ،[em50] ﺭﺍﻙ ﺩﯨﮕﻪﻥ ﻧﯧﻤﯩﻨﻰ ﻳﯩﻤﻪﻳﺘﺘﯩﻢ ﺑﯘ ﻳﻪﺭﺩﻩ ﻛﯚﺭﯛﭖ ﺗﺎﺯﺍ ﻳﻪﭘﺘﯩﻤﻪﻥ،ﺷﯘﻧﺪﺍﻕ ﻛﯚﯕﯜﻟﻠﯜﻙ ﻏﯩﺰﺍﻟﯩﻨﯩﭗ ﺑﯩﺮﻩﺭ ﻗﯘﺭ ﺳﯜﺭﻩﺗﻜﻪ ﭼﯜﺷﻜﻪﻧﺪﯨﻦ ﻛﯧﻴﯩﻦ ﻗﯧﻴﯩﻘﻘﺎ ﭼﯩﻘﯩﭗ ﺩﯦﯖﯩﺰﻧﻰ ﭼﯚﺭﮔﯩﻠﻪﺷﻜﻪ ﺑﺎﺷﻠﯩﺪﯗﻕ،ﺋﯩﻜﻜﻰ ﺳﺎﺋﻪﺗﺘﻪﻙ ﭼﯚﺭﮔﯩﻠﻪﭖ ﻗﯩﺮﻏﺎﻗﻘﺎ ﻗﺎﻳﺘﯩﭗ ﭼﯜﺷﺘﯩﻦ ﻛﯧﻴﯩﻦ ﺑﯩﺮ ﻗﺎﻧﭽﻪ ﻳﻪﺭﻟﻪﺭﻧﻰ ﺋﯧﻜﯩﺴﻜﻮﺭﺳﯩﻴﻪ ﻗﯩﻠﯩﭗ ﻛﻪﭺ ﺑﻮﻟﺪﻯ. ﻛﻪﭼﺘﻪ ﭘﯘﻛﯩﺘﻨﯩﯔ ﻛﻪﭼﻠﯩﻚ ﺑﺎﺯﺍﺭﻟﯩﺮﯨﻨﻰ ﺑﯩﺮﻩﺭ ﻗﯘﺭ ﭼﯚﺭﮔﯩﻠﯩﺪﯗﻕ ،ﺑﯘ ﻳﯘﺭﺗﺘﺎ ﮬﺎﯞﺍﻧﯩﯔ ﺋﯩﺴﯩﻘﻠﯩﻘﯩﻐﺎ ﺑﺎﻗﻤﺎﻱ ﺋﯩﺖ ﺩﯨﮕﻪﻧﻨﻰ ﺷﯘﻧﺪﺍﻕ ﺑﯧﻘﯩﯟﯦﺘﯩﺪﯨﻜﻪﻥ ،ﮬﻪﺭ ﻗﺎﻧﺪﺍﻕ ﺑﯩﺮ ﺩﯗﻛﺎﻥ ،ﻳﺎﻛﻰ ﺋﺎﺷﺨﺎﻧﯩﻼﺭﻧﯩﯔ ﺋﺎﻟﺪﯨﺪﺍ ﺋﺎﺯ ﺑﻮﻟﻐﺎﻧﺪﯨﻤﯘ ﺑﯩﺮﺩﯨﻦ ﻻﻟﻤﺎ ﭘﯘﺷﯘﻟﺪﺍﭖ ﻳﺎﺗﻘﺎﻥ ،ﻛﻮﭼﯩﻠﯩﺮﻯ ﻗﺎﻻﻳﻤﯩﻘﺎﻥ، ﺑﯘ ﻳﻪﺭﺩﻩ ﺗﺎﻛﺴﯩﻠﯩﻖ ﻗﯩﻠﯩﺪﯨﻐﺎﻥ ﻣﺎﺷﯩﻨﯩﻼﺭ ﻳﻮﻗﻜﻪﻥ ،ﺗﺎﻛﺴﯩﻼﺭ ﮬﻪﻣﻤﯩﺴﻰ ﺋﯩﻜﻜﻰ ﭼﺎﻗﻠﯩﻖ ﺋﻪﺭﺯﺍﻥ ﭘﯘﻟﻠﯘﻕ ﻣﻮﺗﺴﯩﻜﯩﻠﯩﺘﻼﺭﻛﻪﻥ،ﺑﯘ ﻳﻪﺭﻧﯩﯔ ﻛﻪﭼﻠﯩﻚ ﺑﺎﺯﺍﺭﻟﯩﺮﻯ ﺋﻮﺑﺪﺍﻧﻼ ﻗﯩﺰﯨﭗ ﻗﻮﻳﯩﺪﯨﻜﻪﻥ،ﺑﯘ ﻳﻪﺭﺩﻩ ﺳﺎﻳﺎﮬﻪﺗﭽﻰ ﭼﻪﺗﺌﻪﻟﻠﯩﻜﻠﻪﺭ ﻛﯚﭖ ﺑﻮﻟﻐﺎﭺ ﺑﯩﺮ ﺗﻮﭖ ﺑﻮﻟﯘﭖ ﭼﯚﺭﮔﯩﻠﻪﭖ ﻳﯜﺭﺳﻪﻛﻤﯘ ﮬﯩﭽﻜﯩﻢ ﮬﻪﻳﺮﺍﻥ ﻗﯧﻠﯩﭗ ﻛﻪﺗﻤﯩﺪﻯ ،ﺗﺎﻳﻼﻧﺪ ﺧﻪﻟﻘﯩﻨﯩﯔ 95ﭘﯩﺮﺳﻪﻧﺘﻰ ﺑﯘﺩﺩﺍ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﻐﺎﭼﻘﺎ ﻛﯚﭘﯩﻨﭽﻪ ﺩﯗﻛﺎﻥ ﯞﻩ ﺋﯚﻳﻠﻪﺭﻧﯩﯔ ﺋﺎﻟﺪﯨﺪﺍ ﺑﯘﺗﺨﺎﻧﯩﻨﯩﯔ ﻛﯩﭽﯩﻚ ﻣﻮﺩﯨﻠﻰ ﻗﻮﻳﯘﭖ ﻗﻮﻳﯘﻟﯩﺪﯨﻜﻪﻥ.ﺷﯘﻧﺪﺍﻕ ﻗﯩﻠﯩﭗ ﺑﯩﺮﻩﺭ ﺋﯩﻜﻜﻰ ﺳﺎﺋﻪﺕ ﭼﯚﺭﮔﯩﻠﯩﺸﯩﭗ ﻳﺎﺗﺎﻗﻘﺎ ﻗﺎﻳﺘﺘﯘﻕ،ﻗﺎﻳﺘﺎﺭ ﭼﯧﻐﯩﻤﯩﺰﺩﺍ ﻛﯩﭽﯩﻜﻜﯩﻨﻪ ﺑﺎﺯﺍﺭﺩﺍ ﻛﻪﻟﮕﻪﻥ ﻳﻮﻟﯩﻤﯩﺰ ﺗﺎﭘﺎﻟﻤﺎﻱ ﻗﯧﻴﯩﭗ ﻗﺎﻟﺪﯗﻕ ،ﺷﯘﻧﯩﯔ ﺑﯩﻠﻪﻥ  ﺋﺎﺭﯨﻤﯩﺰﺩﺍ ﺋﯧﻨﮕﯩﻠﯩﺰﭼﯩﻨﻰ ﺋﺎﺯ-ﺗﻮﻻ ﺑﯩﻠﯩﺪﯨﻐﺎﻥ ﺧﯩﺰﻣﻪﺗﺪﯨﺸﯩﻤﯩﺰ ﻣﯩﮭﻤﺎﻧﺨﺎﻧﯩﻨﯩﯔ ﺋﺎﺩﺭﯨﺴﻰ ﺑﯧﺴﯩﻠﻐﺎﻥ ﻛﺎﺭﺗﯩﻨﻰ ﻛﯚﺗﯜﺭﯛﭖ ﺑﯩﺮﺳﯩﺪﯨﻦ ﻳﻮﻝ ﺳﻮﺭﯨﻐﺎﻧﺘﻰ،ﺋﯘ ﺋﺎﺩﻩﻡ ﺋﯘ ﻳﺎﻕ ﺑﯘﻳﺎﻗﻘﺎ ﺑﯩﺮﻩﺭ ﻗﯘﺭ ﻗﺎﺭﯨﯟﯦﺘﯩﭗ ﺗﺎﻛﺴﻰ ﺗﻮﺳﯘﭘﻼ ﻣﯧﯖﯩﯖﻼﺭ ﺩﯨﻤﻪﺳﻤﯘ،ﮬﻪﻣﻤﯩﻤﯩﺰ ﻛﯜﻟﯜﺷﯜﭖ ﺭﻩﮬﻤﻪﺕ ﺩﯨﻴﯩﺸﯩﭗ ﻣﺎﯕﺪﯗﻕ،ﭼﯚﺭﮔﯩﻠﻪﭖ ﻳﯜﺭﯛﭖ  ﭘﯘﻛﯩﺖ ﻣﯩﮭﻤﺎﻧﺨﺎﻧﯩﺴﯩﻨﻰ ﺋﺎﺧﯩﺮﻯ ﺗﯧﭙﯩﯟﺍﻟﺪﯗﻕ.
ﺋﻪﺗﯩﺴﻰ ﺳﻪﮬﻪﺭﺩﯨﻼ ﻳﯩﺘﻪﻛﭽﻰ ﻣﯩﮭﻤﺎﻧﺨﺎﻧﯩﻐﺎ ﻛﯧﻠﯩﭗ ﺑﯩﺰﻧﻰ ﺳﯘ ﺋﯜﺯﯛﺵ ﻛﯩﻴﯩﻤﻠﯩﺮﯨﻤﯩﺰﻧﻰ ﺋﯧﻠﯩﭗ ﭼﯜﺷﯜﺷﻜﻪ ﺑﯘﻳﺮﯨﺪﻯ،ﭼﯜﻧﻜﻰ ﺑﯜﮔﯜﻧﻜﻰ ﺋﺎﺳﺎﺳﻠﯩﻖ ﭘﺎﺋﺎﻟﯩﻴﯩﺘﯩﻤﯩﺰ ﺳﯘ ﺋﯜﺯﯛﺵ ﺋﯩﺪﻯ .ﻣﺎﺗﻮﺭﻟﯘﻕ ﻗﯧﻴﯩﻘﻘﺎ ﭼﯩﻘﯩﭗ ﺑﯩﺮﻩﺭ ﺳﺎﺋﻪﺗﺘﻪﻙ ﻳﯜﺭﮔﻪﻧﺪﯨﻦ ﻛﯧﻴﯩﻦ ﻣﻪﻟﯘﻡ ﺑﯩﺮ ﺋﺎﺭﺍﻟﻐﺎ ﻛﻪﻟﺪﯗﻕ ،ﺋﻪﺗﺮﺍﭘﻘﺎ ﻗﺎﺭﯨﺴﺎﻡ ﻛﯩﻨﻮﻻﺭﺩﯨﻼ ﻛﯚﺭﯨﺪﯨﻐﺎﻥ ﻣﻪﻧﺰﯨﺮﯨﻠﻪﺭ؛ﻛﯚﭘﻜﯚﻙ ﮬﻪﻡ ﺑﯩﭙﺎﻳﺎﻥ ﺩﯦﯖﯩﺰ، ﭼﻮﯓ ﻛﯩﭽﯩﻚ ﻗﯧﻴﯩﻖ ﯞﻩ ﭘﺎﺭﺍﺧﻮﺗﻼﺭ،ﺩﯗﻧﻴﺎﻧﯩﯔ ﮬﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ ﺳﺎﻳﺎﮬﻪﺗﭽﯩﻠﻪﺭ،ﺋﺎﭘﺘﺎﭘﻘﺎ ﻗﺎﻗﻠﯩﻨﯩﭗ ﻳﺎﺗﻘﺎﻥ ﺳﯧﺮﯨﻖ ﭼﺎﭼﻠﯩﻖ ﻗﯩﺰﻻﺭ........ﺑﯩﺰ ﺑﯘ ﻣﻪﻧﺰﯨﺮﯨﻠﻪﺭﮔﻪ ﻗﺎﺭﺍﭖ ﺋﯜﻟﮕﯜﺭﻩﻟﻤﻪﻳﺘﺘﯘﻕ......


ﺷﯘﻧﺪﺍﻕ ﻗﯩﻠﯩﭗ ﮬﻪﻣﻤﯩﻤﯩﺰ ﺳﯘ ﺋﯜﺯﯛﺵ ﻛﯩﻴﯩﻤﻠﯩﺮﻯ ﯞﻩ ﻗﯘﺗﻘﯘﺯﯗﺵ ﻛﯩﻴﯩﻤﻠﯩﺮﯨﻨﻰ ﻛﯩﻴﯩﭗ ﺳﯘ ﺋﯜﺯﯛﺷﻜﻪ ﺑﺎﺷﻼﭖ ﻛﻪﺗﺘﯘﻕ،ﺷﯘ ﭼﺎﻏﺪﺍ ﺗﯘﻳﯘﻗﺴﯩﺰ ﺋﯜﺭﯛﻣﭽﯩﺪﯨﻜﻰ ﻗﺎﺭﺍ ﻗﯩﺶ ﻳﺎﺩﯨﻤﻐﺎ ﻛﯧﻠﯩﭗ ﻗﺎﻟﺪﻯ ،ﻧﯧﻤﯩﺪﯨﮕﻪﻥ ﺯﻭﺭ ﭘﻪﺭﻕ ﺑﯘ ،ﺑﯩﺮﺳﯩﺪﻩ ﺯﯨﻤﯩﺴﺘﺎﻥ ﻗﯩﺶ،ﻳﻪﻧﻪ ﺑﯩﺮﺳﯩﺪﻩ ﺗﻮﻣﯘﺯ ﻳﺎﺯ......ﺧﯘﺩﺍﻳﯩﻤﻨﯩﯔ ﻗﯘﺩﺭﯨﺘﻰ ﺋﯘﻟﯘﻍ ﮬﻪ !....
ﺩﯦﯖﯩﺰ ﺳﯜﻳﻰ ﺷﯘﻧﭽﯩﻠﯩﻚ ﻳﯩﻠﻤﺎﻥ ﺑﻮﻟﯘﭖ ﭼﯜﺷﯩﯟﺍﻟﺴﺎ ﺋﺎﺩﻩﻣﻨﯩﯔ ﭼﯩﻘﻘﯘﺳﯩﻤﯘ ﻛﻪﻟﻤﻪﻳﺘﺘﻰ ،ﺑﯩﺮ ﺋﯩﻜﻜﻰ ﺳﺎﺋﻪﺕ ﭼﯚﻣﯜﻟﺪﯗﻕ ،ﻣﻪﺧﺴﯘﺱ ﺋﻪﺳﯟﺍﺏ ﺑﯩﻠﻪﻥ ﺩﯦﯖﯩﺰ ﺗﯧﮕﯩﻨﻰ ﺗﺎﻣﺎﺷﺎ ﻗﯩﭙﺘﯘﻕ ﭼﯜﺵ ﺑﻮﻟﺪﻯ ،ﭼﯜﺷﻠﯜﻙ ﺗﺎﻣﯩﻘﯩﻤﯩﺰ ﺩﯗﻧﻴﺎﻏﺎ ﺩﺍﯕﻠﯩﻖ ﮔﯜﺯﻩﻝ ﺋﺎﺭﺍﻝ ﭘﻰ ﭘﻰ(PhiPhiIsland) ﺋﺎﺭﯨﻠﯩﻐﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﯩﺪﻯ،(ﭘﻰ ﭘﻰ ﺋﺎﺭﯨﻠﻰ ﭼﻮﯓ ﭘﻰ ﭘﻰ ﻛﯩﭽﯩﻚ ﭘﻰ ﭘﻰ ﺩﻩﭖ ﺋﯩﻜﻜﯩﮕﻪ ﺑﯚﻟﯜﻧﯩﺪﯨﻜﻪﻥ) ﺗﺎﻣﺎﻗﺘﯩﻦ ﻛﯧﻴﯩﻦ ﻳﻪﻧﻪ ﺑﯩﺮ ﻧﻪﭼﭽﻪ ﻛﯩﭽﯩﻚ ﺋﺎﺭﺍﻟﻼﺭﻧﻰ ﭼﯚﺭﮔﯩﻠﻪﭖ ﺑﯜﮔﯜﻧﻤﯘ ﻛﻪﭺ ﺑﻮﻟﺪﻯ.
ﺋﻪﺗﯩﺴﯩﺪﯨﻜﻰ ﭘﺎﺋﺎﻟﯩﻴﻪﺕ ﭼﻮﯓ ﭘﻰ ﭘﻰ ﺋﺎﺭﯨﻠﻰ، ﺷﻪﻥ ﺧﯘ ﺋﺎﺭﯨﻠﻰ،ﻣﻰ ﻳﯚ ﺋﺎﺭﯨﻠﻰ.....ﻗﺎﺗﺎﺭﻟﯩﻖ ﺑﯩﺮ ﻧﻪﭼﭽﻪ ﺋﺎﺭﺍﻟﻼﺭﺩﺍ ﺩﻩﻡ ﺋﯧﻠﯩﺶ ﯞﻩ ﺳﯘ ﺋﯜﺯﯛﺵ ﺋﯩﺪﻯ.ﺳﻪﭘﯩﺮﯨﻤﺪﯨﻜﻰ ﺋﻪﯓ ﺋﯧﭽﯩﻨﯩﺸﻠﯩﻖ ﺋﯩﺶ ﻣﯘﺷﯘ ﻳﻪﺭﺩﻩ ﻳﯜﺯ ﺑﻪﺭﺩﻯ،ﻣﻪﻥ ﺗﯘﺭﭘﺎﻧﻨﯩﯔ 40-50 ﮔﯩﺮﺍﺩﻭﺳﻠﯘﻕ ﺋﺎﭘﺘﺎﭘﻠﯩﺮﻯ ﻛﯚﻳﺪﯛﺭﻩﻟﻤﯩﮕﻪﻥ ﺗﯧﺮﯨﻨﻰ ﺗﺎﻳﻼﻧﺪﻧﯩﯔ ﺋﺎﭘﺘﯩﭙﻰ ﻛﯚﻳﺪﯛﺭﻩﻟﻪﻳﺘﺘﯩﻤﯘ ﺩﻩﭖ ﺋﻮﻳﻼﭖ ﺑﺎﺷﻘﯩﻼﺭ 30ﻧﻪﭼﭽﻪ ﮬﻪﺳﺴﯩﻠﯩﻚ ﺋﺎﭘﺘﺎﭘﺘﯩﻦ ﻗﻮﻏﺪﯨﻨﯩﺶ ﻣﺎﻳﻠﯩﺮﯨﻨﻰ ﺳﯜﺭﺳﻪ  ﻣﺎﻳﻤﯘ ﺳﯜﺭﻣﻪﻱ ﺋﻮﻳﻨﺎﻗﺸﯩﭗ ﻳﯜﺭﯨﯟﯦﺮﯨﭙﺘﯩﻤﻪﻥ .ﺋﻪﺳﻠﯩﺪﻩ ﺋﺎﭘﺘﺎﭖ ﭘﯜﺗﯜﻥ ﺑﯩﺮ ﻗﺎﺕ ﺗﯧﺮﻩﻣﻨﻰ ﭘﯩﺸﯘﺭﯗﭘﻼ ﻗﻮﻳﯘﭘﺘﯩﻜﻪﻥ ﺋﻪﻣﻪﺳﻤﯘ ،ﺋﯘ ﻛﯜﻧﻰ ﺑﯩﻠﯩﻨﻤﯩﺪﻯ ﻛﯩﻴﯩﻨﻜﻰ ﺑﯩﺮ ﻧﻪﭼﭽﻪ ﻛﯜﻥ ﺩﻩﺭﺩﯨﻨﻰ ﻳﻪﺗﻜﯜﭼﻪ ﺗﺎﺭﺗﺘﯩﻢ.ﻛﯩﻴﯩﻢ ﻛﯩﻴﺴﻪﻣﻤﯘ ﺋﯧﭽﯩﺸﯩﭗ،ﺋﻮﻟﺘﯘﺭﯗﭖ ﻗﻮﭘﺴﺎﻣﻤﯘ ﺋﯧﭽﯩﺸﯩﭗ ﻛﯚﺭﮔﯜﻟﯜﻛﯜﻣﻨﻰ ﻛﯚﺭﺩﯛﻡ.ﺗﺎﻳﻼﻧﺪﻧﯩﯔ ﺋﺎﭘﺘﯩﭙﯩﻐﺎ ﮬﻪﺭﮔﯩﺰ ﭼﺎﻗﭽﺎﻕ ﺋﯩﺸﻠﯩﻤﯩﮕﯜﺩﻩﻙ...ﺑﺎﺭﺳﺎﯕﻼﺭ ﭼﻮﻗﯘﻡ ﺩﯨﻘﻘﻪﺕ ﻗﯩﻠﯩﯖﻼﺭ
ﺷﯘ ﻛﯜﻧﻰ ﺩﯦﯖﯩﺰ ﺋﺎﺳﺘﯩﻨﻰ ﻛﯚﺭﯛﺵ ﺋﻪﺳﯟﺍﺑﯩﻨﻰ ﺗﺎﻗﺎﭖ ﺩﯦﯖﯩﺰ ﺋﺎﺳﺘﻰ ﺟﺎﻧﻠﯩﻘﻠﯩﺮﯨﻨﻰ ﺑﻪﻙ ﭘﻪﻳﺰﻯ ﺗﺎﻣﺎﺷﺎ ﻗﯩﻠﺪﯗﻕ،ﻣﻪﻥ ﺗﺎﺯﺍ ﻛﯚﺭﯨﯟﯦﺘﯩﭗ ﻗﺎﺭﯨﺴﺎﻡ ﻛﯚﺯﻯ ﭘﺎﻟﺪﯨﺮﻻﭖ ﺗﯘﺭﯨﺪﯨﻐﺎﻥ ،ﺑﻪﺩﻩﻧﻠﯩﺮﯨﺪﻩ ﻛﯩﺮﭘﯩﻨﯩﯖﻜﯩﺪﻩﻙ ﺑﯩﺮﻧﯩﻤﯩﻠﯩﺮﻯ ﺑﺎﺭ ﺑﯩﺮ ﺟﺎﻧﻠﯩﻖ ﻳﯘﻟﯘﻗﺘﻰ ،ﺋﯘﻧﯩﯔ ﻟﯩﻐﯩﻠﺪﺍﭖ ﺗﯘﺭﯗﺷﯩﺪﯨﻦ ﺑﻪﻙ ﻳﯘﻣﺮﺍﻥ ﻧﯩﻤﯩﻤﯩﻜﯩﻦ ﺩﻩﭖ ﻗﯩﺰﯨﻘﯩﭗ ﺗﯘﺗﯘﭖ ﺑﺎﻗﺎﻳﭽﯘ ﺩﻩﭖ ﻗﯘﻟﯘﻣﻨﻰ ﺷﯘﻧﺪﺍﻗﻼ ﺋﺎﭘﯩﺮﯨﯟﯨﺪﯨﻢ ،ﺋﻮﺗﺘﯘﺭﺍ ﺑﺎﺭﻣﯩﻘﯩﻤﻐﺎ ﺋﯜﭺ ﻳﯩﯖﻨﯩﺴﯩﻨﻰ ﭘﺎﺗﯘﺭﯗﭘﻼ ﻗﻮﻳﺪﻯ،ﻗﺎﻥ ﺩﯨﮕﻪﻥ ﭼﯩﻘﯩﯟﺍﺗﯩﺪﯗ،ﺋﺎﻏﺮﯨﯟﺍﺗﯩﺪﯗ،ﺩﻩﺭﮬﺎﻝ ﻗﯩﺮﻏﺎﻗﻘﺎ ﭼﯩﻘﯩﭗ ﻳﯩﺘﻪﻛﭽﯩﮕﻪ ﻛﯚﺭﺳﻪﺗﺴﻪﻡ ﺑﯘ ﺯﻩﮬﻪﺭﻟﯩﻚ ﻧﻪﺭﺳﯩﻜﻪﻧﺘﯘﻕ ﺋﻪﻣﻪﺳﻤﯘ،ﻣﻪﻥ ﺑﯩﻠﻪﻥ ﻗﻮﺷﯘﻟﯘﭖ ﺋﯜﭼﯩﻤﯩﺰ ﺑﯘ ﻧﻪﺭﺳﯩﮕﻪ ﺋﯚﺯﯨﻤﯩﺰﻧﻰ ﭼﺎﻗﺘﯘﺭﯗﭖ ﻛﻪﭘﺘﯘﻕ،ﺷﯘ ﻳﻪﺭﻧﻰ  ﺗﺎﻳﺎﻕ ﺑﯩﻠﻪﻥ ﭼﯧﻜﯩﭗ ﺯﻩﮬﻪﺭﻧﻰ ﺗﺎﺭﯨﺘﯩﯟﻩﺗﺴﻪ ﮬﯩﭽﻨﯩﻤﻪ ﺑﻮﻟﻤﺎﻳﺪﯨﻜﻪﻥ......ﭘﯜﺗﯜﻥ ﻛﯜﻥ ﺳﯘ ﺋﯜﺯﯛﺵ ،ﺗﯜﺭﻟﯜﻙ ﺳﯘ ﺋﯜﺳﺘﻰ ﺋﯘﻳﯘﻧﻠﯩﺮﯨﻨﻰ ﺋﻮﻳﻨﺎﺵ،ﺩﯦﯖﯩﺰ ﺳﺎﮬﯩﻠﯩﺪﺍ ﺋﺎﺭﺍﻡ ﺋﯧﻠﯩﺶ ﺑﯩﻠﻪﻥ ﺋﯚﺗﺘﻰ ،ﺋﻪﺗﯩﺴﻰ ﭘﯘﻛﯩﺖ ﺑﻮﻳﯩﭽﻪ ﺋﻪﯓ ﭼﻮﯓ ﺋﯜﻧﭽﻪ ﻣﻪﺭﯞﺍﻳﯩﺖ ﺑﺎﺯﯨﺮﻯ،ﺗﯩﻤﺴﺎﻕ ﺗﯧﺮﯨﺴﻰ ﯞﻩ ﺑﯧﻠﯩﻖ ﺗﯧﺮﯨﺴﻰ ﻣﻪﮬﺴﯘﻻﺗﻠﯩﺮﻯ ﻣﻪﺭﻛﯩﺰﻯ ﻗﺎﺗﺎﺭﻟﯩﻖ ﺑﯩﺮ ﻗﺎﻧﭽﻪ ﺟﺎﻳﻼﺭﻧﻰ ﭼﯚﺭﮔﯩﻠﻪﭖ ﻛﻪﭺ ﺑﻮﻟﺪﻯ.



ﭘﯩﻼﻥ ﺑﻮﻳﯩﭽﻪ ﻛﻪﭺ ﺳﺎﺋﻪﺕ 10 ﻧﯩﯔ ﺋﺎﻳﺮﯗﭘﯩﻼﻧﯩﺪﺍ ﭘﯘﻛﯩﺘﺘﯩﻦ ﺗﺎﻳﻼﻧﺪﻧﯩﯔ ﭘﺎﻳﺘﻪﺧﺘﻰ ﺑﺎﯕﻜﯘﻙ(Bangkok) ﺷﻪﮬﯩﺮﯨﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﺘﯘﻕ.ﺑﺎﯕﻜﯘﻛﻨﯩﯔ ﻛﯧﭽﯩﻠﯩﻚ ﻣﻪﻧﺰﯨﺮﯨﺴﯩﺪﯨﻨﻼ ﺋﺎﻧﭽﻪ ﺗﻪﺭﻩﻗﻘﻰ ﻗﯩﻠﻤﯩﻐﺎﻥ ﻳﯘﺭﺕ ﺋﯩﻜﻪﻧﻠﯩﻜﻨﻰ ﻛﯚﺭﯛﯞﺍﻟﻤﺎﻕ ﺗﻪﺱ ﺋﻪﻣﻪﺱ ﺋﯩﺪﻯ،ﺑﯘ ﺷﻪﮬﻪﺭﻧﯩﯔ ﻛﯧﭽﯩﻠﯩﻚ ﻣﻪﻧﺰﯨﺮﯨﺴﯩﻨﻰ ﺑﯧﻴﺠﯩﯖﻨﯩﻜﯩﮕﻪ ﺳﯧﻠﯩﺸﺘﯘﺭﯗﺵ ﻣﯘﻣﻜﯩﻦ ﺋﻪﻣﻪﺱ ﺋﯩﺪﻯ.


ﺋﺎﺩﻩﻣﮕﻪ ﺑﯩﺮ ﺧﯩﻞ ﻗﺎﻻﻳﻤﯩﻘﺎﻥ ﺗﯘﻳﻐﯘ ﺑﯧﺮﻩﺗﺘﻰ.ﻛﯧﻠﯩﭙﻼ ﺑﺎﯕﻜﯘﻙ ﺋﺎﻳﺪﯗﺭﻭﻣﯩﺪﺍ ﺳﺎﻳﺎﮬﻪﺕ ﻛﻮﭘﯩﺮﺍﺗﯩﭙﯩﺪﯨﻜﯩﻠﻪﺭﻧﯩﯔ ﻛﯜﺗﯩﯟﯦﻠﯩﺸﯩﻐﺎ ﻣﯘﻳﻪﺳﺴﻪﺭ ﺑﻮﻟﺪﯗﻕ.ﻛﺎﺗﺘﺎ ﻣﯩﮭﻤﺎﻧﺨﺎﻧﯩﺪﯨﻦ ﺑﯩﺮﺳﯩﮕﻪ ﭼﯜﺷﯜﭖ ﺋﺎﺭﺍﻡ ﺋﺎﻟﻐﺎﻧﺪﯨﻦ ﻛﯧﻴﯩﻦ ﺋﻪﺗﯩﺴﻰ ﺑﺎﯕﻜﯘﻛﺘﯩﻜﻰ ﺳﺎﻳﺎﮬﯩﺘﯩﻤﯩﺰﻧﻰ ﺑﺎﺷﻠﯩﯟﻩﺗﺘﯘﻕ.ﻳﻮﻝ ﺑﻮﻳﻰ ﻳﯩﺘﻪﻛﭽﻰ ﺗﺎﻳﻼﻧﺪﻧﻰ ﺗﯘﻧﯘﺷﺘﯘﺭﻏﺎﭺ ﻣﺎﯕﺪﻯ.ﺗﺎﻳﻼﻧﺪ 700ﻳﯩﻠﺪﯨﻦ ﺋﺎﺭﺗﯘﻕ ﺗﺎﺭﯨﺨﻘﺎ ﺋﯩﮕﻪ ﭘﺎﺩﯨﺸﺎﮬﻠﯩﻖ ﺩﯙﻟﻪﺕ ﺑﻮﻟﯘﭖ ، ﺋﻮﻣﻮﻣﻰ ﻳﻪﺭ ﻛﯚﻟﯩﻤﻰ 510000ﻛﯟﺍﺩﯨﺮﺍﺕ ﻛﯩﻠﻮﻣﯩﺘﯩﺮ ﻛﯧﻠﯩﺪﯨﻜﻪﻥ ،30ﻧﻪﭼﭽﻪ ﻣﯩﻠﻠﻪﺕ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺑﻮﻟﯘﭖ ﺗﺎﻳﻼﻧﺪ ﻣﯩﻠﻠﯩﺘﻰ 40 ﭘﯩﺮﺳﻪﻧﺘﻨﻰ ،ﻻﯞﺯﯗ ﻣﯩﻠﻠﯩﺘﻰ 30 ﭘﯩﺮﺳﻪﻧﺘﻨﻰ ﺋﯩﮕﯩﻠﻪﻳﺪﯨﻜﻪﻥ .ﺋﻮﻣﻮﻣﻰ ﻧﻮﭘﻮﺳﻰ63ﻣﯩﻠﻴﻮﻥ 80ﻣﯩﯔ،ﻧﻮﭘﻮﺳﻨﯩﯔ 95ﺑﯩﺮﺳﻪﻧﺘﻰ ﺑﯘﺩﺩﺍ ﺩﯨﻨﯩﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻜﻪﻥ.ﺗﺎﻳﻼﻧﺪﺗﺎ ﺋﯩﻠﻠﯩﻖ ﭘﻪﺳﯩﻞ،ﻳﺎﻣﻐﯘﺭﻟﯘﻕ ﭘﻪﺳﯩﻞ،ﺋﯩﺴﺴﯩﻖ ﭘﻪﺳﯩﻞ ﺩﻩﭖ  ﺋﯜﭺ ﭘﻪﺳﯩﻞ ﺑﻮﻟﯩﺪﯨﻜﻪﻥ ،ﺋﻪﯓ ﺗﯚﯞﻩﻥ ﺗﯧﻤﭙﯩﺮﺍﺗﻮﺭﯨﻤﯘ ﻧﯚﻟﺪﯨﻦ ﻳﯘﻗﯩﺮﻯ 18 ﺩﯨﻦ ﺗﯚﯞﻩﻥ ﺑﻮﻟﻤﺎﻳﺪﯨﻜﻪﻥ،4-ﺋﺎﻱ ﺋﻪﯓ ﺋﯩﺴﺴﯩﻖ ﺑﻮﻟﯘﭖ ﻣﯘﺷﯘ ﭼﺎﻏﺪﺍ ﺋﻮﻗﯘﻏﯘﭼﯩﻼﺭ ﺗﻪﺗﯩﻠﮕﻪ ﻗﻮﻳﯘﻟﯘﭖ ﺑﯧﺮﯨﻠﯩﺪﯨﻜﻪﻥ .ﺗﺎﻳﻼﻧﺪﻟﯩﻘﻼﺭ ﺳﻮﻏﯘﻗﺘﯩﻦ ﺩﻩﮬﺸﻪﺕ ﻗﻮﺭﻗﯩﺪﯨﻜﻪﻥ،ﺋﺎﯞﯗ ﺋﯩﻠﻠﯩﻖ ﭘﻪﺳﻠﯩﺪﻩ ﺳﻮﻏﯘﻗﻨﻰ ﺋﯚﺗﻜﯜﺯﻩﻟﻤﻪﻱ ﺑﻪﻙ ﻗﯩﻴﻨﯩﻠﯩﭗ ﻛﯧﺘﯩﺪﯨﻜﻪﻥ ﺗﯧﺨﻰ،1-ﺋﺎﻳﻼﺭﺩﺍ ﺋﯜﺭﯛﻣﭽﯩﮕﻪ ﺋﻪﻛﯩﻠﯩﭗ ﻗﻮﻳﺴﺎ ﻗﺎﻧﺪﺍﻕ ﻗﯩﻼﺭﻛﯩﻦ ﺗﺎﯓ. ﺑﯘ ﺧﻪﻕ ﺳﯘﻏﯩﻤﯘ،ﭼﺎﻳﻐﯩﻤﯘ ،ﺳﯜﺗﻜﯩﻤﯘ ﻣﯘﺯ ﺳﯧﻠﯩﭗ ﺋﯩﭽﯩﺸﻜﻪ ﺋﺎﻣﺮﺍﻗﻜﻪﻥ،ﻗﻪﺗﺌﯩﻴﻼ ﻗﯩﺰﯨﻖ ﭼﺎﻱ ﺋﯩﭽﻤﻪﻳﺪﯨﻜﻪﻥ.
ﺑﯩﺰ ﺋﻪﯓ ﺋﺎﯞﯞﺍﻝ ﺑﺎﯕﻜﯘﻙ ﺧﺎﻥ ﺋﻮﺭﺩﯨﺴﯩﻐﺎ(Grand Palace in Bangkok)ﻛﻪﻟﺪﯗﻕ،ﻳﯧﺮﯨﻢ ﺳﺎﺋﻪﺗﺘﻪﻙ ﺳﺎﻗﻼﭖ ﺋﻮﺭﺩﺍ ﺋﯩﭽﯩﮕﻪ ﻛﯩﺮﯨﭗ ﺗﺎﻣﺎﺷﺎ ﻗﯩﻠﯩﺸﻨﻰ ﺑﺎﺷﻠﯩﯟﻩﺗﺘﯘﻕ. ﺑﯘ ﺧﺎﻥ ﺋﻮﺭﺩﯨﺴﻰ ﺑﺎﯕﻜﯘﻛﻨﯩﯔ ﻣﻪﺭﻛﯩﺰﯨﮕﻪ ﺟﺎﻳﻼﺷﻘﺎﻥ ﺑﻮﻟﯘﭖ1784-ﻳﯩﻠﻰ ﻗﯘﺭﯗﻟﻐﺎﻥ ﺋﯩﻜﻪﻥ، ﺋﻮﻣﻮﻣﻰ ﻛﯚﻟﯩﻤﻰ210000ﻛﯘﯞﺍﺩﯨﺮﺍﺕ ﻣﯧﺘﯩﺮ ﻛﯧﻠﯩﺪﯨﻜﻪﻥ.
ﺑﯘ ﻳﻪﺭﺩﻩ ﺑﯩﺰ ﺋﯧﺴﯩﻞ ﻧﻪﻗﯩﺸﻠﻪﻧﮕﻪﻥ ﻧﯘﺭﻏﯘﻥ ﭼﻮﯓ ﻛﯩﭽﯩﻚ ﺋﯩﻤﺎﺭﻩﺗﻠﻪﺭﻧﻰ ﺋﻮﺭﺩﺍ ﺳﺎﻗﭽﯩﻠﯩﺮﯨﻨﻰ ﻛﯚﺭﺩﯗﻕ.




ﻛﻪﻳﻨﯩﺪﯨﻦ ﺋﯘ ﺋﯩﺒﺎﺩﻩﺗﺨﺎﻧﺎ ﺑﯘ ﺑﯘﺗﺨﺎﻧﯩﻼﺭ،ﻣﯩﯟﻩ ﭘﯩﺸﺸﯩﻘﻼﭖ ﺋﯩﺸﻠﻪﺵ ﺯﺍﯞﯗﺗﻰ ﻗﺎﺗﺎﺭﻟﯩﻘﻼﺭﻧﻰ ﻛﯚﺭﯛﭖ ﻛﻪﭺ ﺑﻮﭘﺘﯘ.ﻳﻮﻟﺪﺍ ﻳﯩﺘﻪﻛﭽﻰ ﻗﯩﺰ ﺑﯩﺰﺩﯨﻦ ﺳﻮﺭﺍﭖ ﻗﺎﻟﺪﻯ:
-ﺑﺎﯕﻜﯘﻛﻨﯩﯔ ﻧﯧﻤﯩﺴﻰ ﺩﺍﯕﻠﯩﻖ ﺑﯩﻠﻪﻣﺴﯩﻠﻪﺭ؟
-ﺭﯦﻦ ﻳﺎﯞ ﺳﻰ(ﺋﯘﻳﻐﯘﺭﭼﻪ ﻧﯩﻤﻪ ﺩﻩﻳﺪﯨﻐﯩﻨﯩﻨﻰ ﺑﯩﻠﻪﻟﻤﯩﺪﯨﻢ) ﺩﺍﯕﻠﯩﻖ ﺩﻩﭖ ﺟﺎﯞﺍﭖ ﺑﻪﺭﺩﯗﻕ.
ﺋﻪﺳﻠﯩﺪﻩ ﺑﺎﯕﻜﯘﻛﻨﯩﯔ ﻗﺎﺗﻨﺎﺵ ﻗﯩﺴﺘﺎﯕﭽﯩﻠﯩﻘﻰ ﺋﻪﯓ ﺩﺍﯕﻠﯩﻘﻤﯩﺶ،ﺑﯩﺮ ﻣﺎﺷﯩﻨﺎ ﺗﻮﺳﯘﻟﯘﭖ ﻛﻪﺗﺴﻪ  ﺑﯩﺮﻩﺭ ﻳﯧﺮﯨﻢ  ﺳﺎﺋﻪﺗﻠﻪﺭ ﺗﯘﺭﻣﯩﻘﻰ ﮬﯩﭽﻘﺎﻧﭽﻪ ﮔﻪﭖ ﺋﻪﻣﻪﺳﻜﻪﻥ.ﺑﻮﻟﻤﯩﺴﯩﻐﯘ ﺑﺎﯕﻜﯘﻛﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺋﯜﺭﯛﻣﭽﯩﭽﯩﻠﯩﻚ ﻛﯚﺭﻣﯩﮕﻪﻧﺘﯩﻢ.
ﺋﯩﻜﻜﯩﻨﭽﻰ ﻛﯜﻧﻰ ﺗﺎﻳﻼﻧﺪﺗﯩﻜﻰ ﺋﻪﯓ ﺋﯧﭽﯩﯟﯦﺘﯩﻠﮕﻪﻥ ﺋﺎﻻﮬﯩﺪﻩ ﺭﺍﻳﻮﻥ ﭘﺎﺗﺎﻳﺎ(patayya)ﻏﺎ ﺑﺎﺭﺩﯗﻕ،ﺑﯘ ﺑﯩﺮ ﻳﯧﺮﯨﻢ ﺋﺎﺭﺍﻝ ﺑﻮﻟﯘﭖ ﺗﻪﺭﻩﻗﻘﯩﻴﺎﺗﻰ ﺑﺎﯕﻜﯘﻛﻨﯩﻤﯘ ﺑﯧﺴﯩﭗ ﻗﻮﻳﻐﯘﺩﻩﻙ ﺋﯩﻜﻪﻥ.ﺗﺎﻳﻼﻧﺪﻧﯩﯔ ﯞﻩﻛﯩﻞ ﺧﺎﺭﺍﻛﺘﯩﺮﻟﯩﻚ ﭘﯜﺗﯜﻥ ﺋﯘﻳﯘﻥ ﺗﺎﻣﺎﺷﯩﻠﯩﺮﻯ ﻣﯘﺷﯘ ﻳﻪﺭﮔﻪ ﻣﻪﺭﻛﻪﺯﻟﻪﺷﻜﻪﻥ ﺋﯩﻜﻪﻥ.ﺑﯩﺰﻧﻰ ﺋﯜﺭﯛﻣﭽﯩﺪﯨﻦ ﺋﯧﻠﯩﭗ ﻣﺎﯕﻐﺎﻥ ﺳﺎﻳﺎﮬﻪﺕ ﻳﯩﺘﻪﻛﭽﯩﻤﯩﺰ ﺗﺎﻳﻼﻧﺪﺗﺎ ﻳﯧﺰﺍ ﺋﯩﮕﯩﻠﯩﻜﻰ ﺗﻪﺭﻩﻗﻘﻰ ﻗﯩﻠﻤﯩﻐﺎﻥ،ﺳﺎﻧﺎﺋﻪﺗﻤﯘ ﺷﯘ،ﺳﺎﻳﺎﮬﻪﺗﭽﯩﻠﯩﻜﻰ ﻧﯩﺴﺒﻪﺗﻪﻥ ﻳﺎﺧﺸﻰ،ﻛﯚﯕﯜﻝ ﺋﯧﭽﯩﺶ ﺗﯩﭙﯩﺪﯨﻜﻰ ﻣﯘﻻﺯﯨﻤﻪﺗﻠﯩﺮﻯ ﺩﯗﻧﻴﺎﺩﺍ ﺋﺎﻟﺪﯨﻨﻘﻰ ﺋﻮﺭﯗﻧﺪﺍ ﺗﯘﺭﯨﺪﯗ ﺩﻩﭖ ﺑﻪﺭﮔﻪﻧﺘﻰ ،ﺩﻩﺭﯞﻩﻗﻪ ﺷﯘﻧﺪﺍﻗﻜﻪﻥ.ﺗﻪﺑﺌﻰ ﻣﻪﻧﺰﯨﺮﯨﺴﻰ ﮬﻪﻗﯩﻘﻪﺗﻪﻥ ﮔﯜﺯﻩﻟﻜﻪﻥ ،ﻟﯧﻜﯩﻦ ﺗﯜﺯﯛﻙ ﺗﻪﺭﻩﻗﻘﯩﻴﺎﺕ ﻳﻮﻕ،ﮬﺎﺯﯨﺮ ﺳﺎﻳﺎﮬﻪﺗﭽﯩﻠﯩﻚ ﺧﯧﻠﻰ ﺟﯘﺵ ﺋﯘﺭﯗﭖ ﺭﺍﯞﺍﺟﻠﯩﻨﯩﯟﯦﺘﯩﭙﺘﯘ.


ﭘﺎﺗﺎﻳﺎﺩﺍ ﺋﯩﻜﻜﻰ ﻳﯧﺮﯨﻢ ﻛﯜﻥ ﺗﯘﺭﺩﯗﻕ،ﺑﯘ ﺟﻪﺭﻳﺎﻧﺪﺍ ﺟﯘﯕﮕﻮﻟﯘﻕ ﺑﯩﺮ ﺑﺎﻱ ﺋﺎﭼﻘﺎﻥ ﻳﺎﯞﺍﻳﻰ ﮬﺎﻳﯟﺍﻧﻼﺭ ﺑﺎﻏﭽﯩﺴﯩﻐﺎ ﻛﯩﺮﯨﭗ ﭘﯩﻞ ،ﺗﯩﻤﺴﺎﻕ،ﻳﯩﻠﭙﯩﺰ،ﻳﻮﻟﯟﺍﺳﻼﺭﻧﯩﯔ ﺋﯘﻳﯘﻧﻠﯩﺮﯨﻨﻰ ﻛﯚﺭﺩﯗﻕ ﮬﻪﻡ ﺭﻩﺳﯩﻤﮕﻪ ﭼﯜﺷﺘﯘﻕ،56 ﻗﻪﯞﻩﺗﻠﯩﻚ ﺑﯩﻨﺎﻧﯩﯔ ﺋﯚﮔﺰﯨﺴﯩﺪﯨﻦ ﻳﺎﻧﺘﯘ ﺗﺎﺭﺗﯩﻠﻐﺎﻥ ﭘﻮﻻﺕ ﺳﯩﻢ ﺋﺎﺭﻗﯩﻠﯩﻖ ﺳﯧﺮﯨﻠﯩﭗ ﭼﯜﺷﺘﯘﻕ ،ﺗﺎﻳﻼﻧﺪ ﺑﻮﻳﯩﭽﻪ ﺋﻪﯓ ﺩﺍﯕﻠﯩﻖ ﺭﯦﻦ ﻳﺎﯞﻻﺭﻧﯩﯔ ﺳﻪﻧﺌﻪﺕ ﻛﯧﭽﯩﻠﯩﻜﯩﻨﻰ ﻛﯚﺭﺩﯗﻕ.


ﺗﻮﯞﺍ ﺋﻮﻏﯘﻟﺒﺎﻻ ﺩﯨﺴﻪ ﺋﺎﺩﻩﻣﻨﯩﯔ ﺋﯩﺸﻪﻧﮕﯜﺳﻰ ﻛﻪﻟﻤﯩﮕﯜﺩﻩﻙ ﻗﯩﺰﻻﺭ ﻧﻮﻣﯘﺭﻻﺭﻧﻰ ﻛﯚﺭﺳﻪﺗﺘﻰ.ﺗﺎﻳﻼﻧﺪﺗﺎ ﺟﯩﻨﺲ ﺋﯚﺯﮔﻪﺭﺗﯩﺶ ﮬﯩﭽﻘﺎﻧﺪﺍﻕ ﺋﻪﻳﯩﺐ ﺋﯩﺶ ﮬﯩﺴﺎﺑﻼﻧﻤﺎﻳﺪﯨﻜﻪﻥ،ﭘﻪﻗﻪﺕ ﭘﯘﻝ ﺗﺎﭘﻘﯩﻠﻰ ﺑﻮﻟﺴﯩﻼ ﮬﯩﭽﻜﯩﻢ ﺋﯘﻧﻰ ﭼﻪﻛﻠﯩﻤﻪﻳﺪﯨﻜﻪﻥ،ﻗﺎﻧﻮﻧﺪﯨﻤﯘ ﭼﻪﻛﻠﻪﻧﻤﻪﻳﺪﯨﻜﻪﻥ .ﮬﻪﺗﺘﺎ ﺑﻪﺯﻯ ﻛﯩﺸﯩﻠﻪﺭ ﺋﻮﻏﯘﻝ ﺑﺎﻟﯩﻠﯩﺮﯨﻨﻰ ﻛﯩﭽﯩﻜﯩﺪﯨﻦ ﺑﺎﺷﻼﭖ ﻗﯩﺰﺑﺎﻻ ﻣﯩﺠﻪﺯ ﻗﯩﻠﯩﭗ ﻣﻪﺧﺴﯘﺱ ﺭﯦﻦ ﻳﺎﯞ ﻗﯩﻠﯩﭗ ﺗﻪﺭﺑﯩﻴﻠﻪﭖ ﭼﯩﻘﯩﺪﯨﻜﻪﻥ،ﺭﯦﻦ ﻳﺎﯞﻻﺭ ﭘﯜﺗﯜﻥ ﺧﯩﻤﯩﻴﯩﻠﯩﻚ ﺩﻭﺭﯨﻼﺭ ﺑﯩﻠﻪﻥ ﻳﺎﺷﯩﻐﺎﭼﻘﺎ ﺋﻪﯓ ﺋﯘﺯﯗﻥ ﺋﯚﻣﯜﺭ ﻛﯚﺭﮔﻪﻧﻠﯩﺮﻯ 40ﻳﯩﻞ ﺋﯚﻣﯜﺭ ﻛﯚﺭﯨﺪﯨﻜﻪﻥ.
ﺋﯘﻧﯩﯖﺪﯨﻦ ﺑﺎﺷﻘﺎ ﺗﺎﻳﻼﻧﺪ ﻣﯩﻠﻠﯩﺘﯩﻨﯩﯔ ﻣﯩﻠﻠﻰ ﺋﻪﻧﺌﻪﻧﯩﻠﯩﺮﻯ ﻣﯘﺟﻪﺳﺴﻪﻣﻠﻪﻧﮕﻪﻥ ﭼﻮﯓ ﺗﯩﭙﺘﯩﻜﻰ ﺳﻪﻧﺌﻪﺕ ﻛﯩﭽﯩﻠﯩﻜﯩﻨﻰ ﻛﯚﺭﺩﯗﻕ.ﺋﯘ ﺑﻪﻛﻤﯘ ﭼﻮﯓ ﺗﯩﻴﺎﺗﯩﺮﺧﺎﻧﺎ ﺋﯩﺪﯨﻜﻰ ﺳﻪﮬﻨﯩﮕﻪ ﮬﻪﺗﺘﺎ ﺑﯩﺮ ﻗﺎﻧﭽﻪ ﭘﯩﻠﻼﺭﻧﯩﻤﯘ ﺋﯧﻠﯩﭗ ﭼﯩﻘﯩﭗ ﻧﯘﻣﯘﺭﻏﺎ ﻗﺎﺗﻨﺎﺷﺘﯘﺭﺩﻯ.

ﺋﯘﻧﻰ-ﻛﯚﺭﯛﭖ ﺑﯘﻧﻰ ﻛﯚﺭﯛﭖ ﺳﺎﻳﺎﮬﯩﺘﯩﻤﯩﺰ 10-ﻛﯜﻧﯩﮕﻪ ﻗﻪﺩﻩﻡ ﻗﻮﻳﺪﻯ،ﻗﺎﻳﺘﯩﺪﯨﻐﺎﻥ ﯞﺍﻗﺘﯩﻤﯩﺰﻣﯘ ﺑﻮﻟﯘﭖ ﻗﺎﻟﻐﺎﻥ ﺋﯩﺪﻯ.ﺑﯩﺰ ﺑﯜﮔﯜﻥ ﭘﺎﺗﺎﻳﺎﺩﯨﻦ ﺑﺎﯕﻜﯘﻛﻘﺎ ﻗﺎﺭﺍﭖ ﻣﺎﯕﺪﯗﻕ ،ﮬﻪﻣﺪﻩ ﺯﻩﮬﻪﺭﻟﯩﻚ ﻳﯩﻼﻥ ﻳﯧﺘﯩﺸﺘﯜﺭﯛﺵ ﯞﻩ ﺩﻭﺭﺍ ﻳﺎﺳﺎﺵ ﻣﻪﺭﻛﯩﺰﻯ ،ﺗﯧﺮﻩ ﺧﯘﺭﯗﻡ ﻣﻪﮬﺴﯘﻻﺗﻠﯩﺮﻯ ﻣﻪﺭﻛﯩﺰﻯ ،ﻳﻪﻧﻪ ﺑﯩﺮ ﻗﺎﻧﭽﻪ ﺋﯩﺒﺎﺩﻩﺗﺨﺎﻧﺎ ،ﺑﯘﺗﺨﺎﻧﯩﻼﺭﻧﻰ ﭼﯚﺭﮔﯩﻠﻪﭖ ﻛﻪﭺ ﻗﯩﻠﺪﯗﻕ.ﻣﺎﯞﯗ ﻳﯩﻼﻥ ﺩﯗﻧﻴﺎﻏﺎ ﺩﺍﯕﻠﯩﻖ ﻛﯚﺯﺋﻪﻳﻨﻪﻛﻠﯩﻚ ﻳﯩﻠﻪﻥ ﺑﻮﻟﯘﭖ ﭼﯧﻘﯩﯟﺍﻟﺴﺎ ﺋﯜﭺ ﻣﯩﻨﯘﺗﺘﺎ ﺟﺎﻧﻨﻰ ﺋﺎﻟﯩﺪﯨﻜﻪﻥ.



ﺑﯩﺰ ﭼﯩﻘﯩﺪﯨﻐﺎﻥ ﺋﺎﻳﺮﯗﭘﯩﻼﻥ ﻛﯩﭽﻪ ﺳﺎﺋﻪﺕ ﺋﯩﻜﻜﯩﻨﯩﯔ ﺑﻮﻟﻐﺎﭼﻘﺎ ﻳﯩﺘﻪﻛﭽﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺑﺎﯕﻜﯘﻛﺘﯩﻜﻰ ﺷﻪﺭﻗﻰ ﺋﺎﺳﯩﻴﺎ ﺑﻮﻳﯩﭽﻪ ﺋﻪﯓ ﭼﻮﯓ ﻛﻪﭼﻠﯩﻚ ﺑﺎﺯﺍﺭﻧﻰ ﺑﯩﺮ ﻗﺎﻧﭽﻪ ﺳﺎﺋﻪﺕ ﭼﯚﺭﮔﯩﻠﻪﭖ ﺋﯜﻟﮕﯜﺭﺩﯗﻕ.ﺷﯘﻧﯩﯔ ﺑﯩﻠﻪﻥ ﻛﯩﭽﻪ ﺳﺎﺋﻪﺕ ﺋﯩﻜﻜﯩﺪﻩ ﺋﺎﻧﺎ ﯞﻩﺗﯩﻨﯩﻤﯩﺰ ﺟﯘﯕﮕﻮﻧﯩﯔ ﭼﯩﯖﺪﯗ ﺷﻪﮬﯩﺮﯨﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﺘﯘﻕ.ﻧﻪﭼﭽﻪ ﻛﯜﻧﺪﯨﻦ ﺑﯧﺮﻯ ﺗﺎﻳﻼﻧﺪﻟﯩﻘﻼﺭﻏﺎ ﻳﺎ ﺗﯩﻠﯩﻤﯩﺰﻧﻰ ﺋﯘﻗﺘﯘﺭﺍﻟﻤﺎﻱ ،ﻳﺎ ﺗﺎﻣﺎﻗﻠﯩﺮﯨﻨﻰ ﻳﯩﻴﻪﻟﻤﻪﻱ ﺋﯩﭽﯩﻤﯩﺰ ﺳﯩﻘﯩﻠﯩﭗ ﻛﻪﺗﻜﻪﭼﻜﻪ ﺟﯘﯕﮕﻮ ﺗﻪﺭﻩﭘﻜﻪ ﺋﯘﭼﯩﺪﯨﻐﯩﻨﯩﻤﯩﺰﻧﻰ ﺋﻮﻳﻼﭖ ﺧﯘﺷﺎﻝ ﺑﻮﻟﯘﺷﺘﯘﻕ.ﻣﻪﻧﻐﯘ ﺗﺎﻳﻼﻧﺪﺗﺎ ﺑﺎﺷﻘﺎ ﺗﯩﻠﻨﻰ ﺋﯘﻗﺘﯘﺭﺍﻟﻤﯩﻐﺎﻧﺪﯨﻜﯩﻦ ﺋﯘﻳﻐﯘﺭﭼﯩﻼ ﺳﯚﺯﻟﻪﭖ ﺗﯘﺭﯨﯟﺍﻟﺪﯨﻢ،ﺋﺎﺧﯩﺮﻯ ﺋﯧﻠﯩﻜﺘﯩﺮﻭﻧﻠﯘﻕ ﮬﯩﺴﺎﺑﻼﺵ ﻣﺎﺷﯩﻨﯩﺴﻰ ﺑﯩﻠﻪﻥ ﺳﻮﺩﯨﻠﯩﺮﯨﻤﯩﺰﻧﻰ ﭘﯘﺗﺘﯘﺭﯗﺷﺘﯘﻕ.
21-ﭼﯩﺴﻼ ﺳﻪﮬﻪﺭﺩﻩ ﺳﯩﭽﯘﻩﻥ ﺋﯚﻟﻜﯩﺴﯩﻨﯩﯔ ﻣﻪﺭﻛﯩﺰﻯ ﭼﯩﯖﺪﯗﻏﺎ ﭼﯜﺷﺘﯘﻕ،ﺑﯘﻳﻪﺭﺩﻩ ﺑﯩﺮ ﻛﯜﻥ ﺗﯘﺭﯗﭖ ﺋﯘ ﻳﻪﺭ ﺑﯘﻳﻪﺭﻟﯩﺮﯨﻨﻰ ﭼﯚﺭﮔﯩﻠﻪﭖ ﺧﻮﺗﻪﻧﻠﯩﻚ ﻛﺎﯞﺍﭘﭽﻰ ﺑﺎﻟﯩﺪﯨﻦ ﺑﯩﺮﻧﻰ ﺗﯧﭙﯩﭗ ﻛﺎﯞﺍﭖ ﻳﻪﭖ ،ﺗﯘﯕﮕﺎﻧﻨﯩﯔ ﺋﺎﺷﺨﺎﻧﯩﺴﯩﺪﺍ ﻟﻪﻏﻤﻪﻥ ﻳﻪﭖ ﻛﻪﭺ ﻗﯩﻠﺪﯗﻕ.ﺗﻮﯞﺍ ﭼﯩﯖﺪﯗ ﺩﯨﮕﻪﻧﺪﻩ ﻧﯩﻤﺎﻧﺪﺍﻕ ﺟﯩﻖ ﺋﺎﺩﻩﻡ ﺑﯘ ،ﻧﻪﮔﯩﻼ ﺑﺎﺭﺳﺎ ﻗﯘﺭﯗﺗﺘﻪﻛﻼ ﺋﺎﺩﻩﻡ......ﺷﯘﻧﺪﺍﻕ ﻗﯩﻠﯩﭗ ﺋﻪﺗﯩﺴﻰ ﭘﯜﺗﯜﻥ ﺳﻪﭘﯩﺮﯨﻤﯩﺰﻧﻰ ﺗﺎﻣﺎﻣﻼﭖ ﭼﯩﯖﺪﯗﺩﯨﻦ ﺋﯜﺭﯛﻣﭽﯩﮕﻪ ﻗﺎﻳﺘﯩﭗ ﻛﻪﻟﺪﯗﻕ.
ﮬﻪﻱ ...ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺩﻭﺳﺖ-ﺑﯘﺭﺍﺩﻩﺭﻻﺭ ﻛﯚﻳﯜﭖ ﻗﺎﺭﯨﺪﺍﭖ ﻛﻪﺗﻜﻪﻥ ﺑﯩﺰﻟﻪﺭﮔﻪ ﮬﻪﻳﺮﺍﻥ ﻗﯧﻠﯩﺸﺘﻰ،ﺋﯩﻜﻜﻰ ﻛﯜﻥ ﺩﻩﻡ ﺋﯧﻠﯩﭙﻼ ﺧﯩﺰﻣﻪﺗﻜﻪ ﻛﯩﺮﯨﺸﯩﭗ ﻛﻪﺗﺘﯘﻕ،ﺗﯘﺭﻣﯘﺵ ﻳﻪﻧﻪ ﺑﯘﺭﯗﻧﻘﻰ ﺋﯩﺰﯨﻐﺎ ﭼﯜﺷﯩﯟﺍﻟﺪﻯ.