بۇ «يامبۇ» لار كىمگە تەئەللۇق بولىشى كېرەك؟
                                          (ئەمىلىي دېلو مىسالى)

            دەۋاگەر ئابلىكىمنىڭ دادىسى ئابلەتكە يەر ئىسلاھاتى ۋاقتىدا پومىشچېك تەركىبى بېكىتىلگەن، ئۇ ئۆزىگە قالدۇرۇلغان ئاتا- بوۋىسىدىن قالغان يېرىم ئېغىز ئۆينىڭ ئاستىغا 43 يامبۇ كۆمۈپ قويغان. 1982- يىلى ئابلەت قازا قىلغان. 1979- يىلى 4- ئايدا ئابلىكىم بۇ ئۆينى جاۋاپكار ئەسقەر گە سېتىۋەتكەن. شۇنىڭدىن كېيىن ئابلىكىم  ۋە ھەدىسى دادىسىنىڭ ھايات ۋاقتىدا تاپىلىغىنى بويىچە مەزكۇر ئۆينى ئىككى قېتىم كولىغان بولسىمۇ يامبۇلارنى تاپالمىغان. 1986- يىلى ئەسقەر سېتىۋالغان بۇ يېرىم ئېغىز ئۆينى چېقىۋېتىپ يېڭىلىماقچى بولغاندا، ياردەملەشكۈچى تۇرسۇنمەمەت قاتارلىق ئىككى ئادەم ئۆينىڭ بۇلىڭىدىن 43 دانە يامبۇنى قېزىپ چىققان. دەۋاگەر بىلەن جاۋاپكارلار ئوتتۇرىسىدا يامبۇلارنىڭ كىمگە مەنسۇپ ئىكەنلىكى توغرىسىدا ماجرا كېلىپ چىققان. ئابلىكىم 1987- يىلى 5- ئايدا سوتقا دەۋا قىلىپ، ئەسقەرنىڭ يامبۇلارنى قايتۇرۇپ بېرىشىنى تەلەپ قىلغان.

                ئەزىز ئوقۇرمەنلەر بۇ يامبۇ زادى كىمگە تەئەللۇق بولىشى كېرەك؟

    جاۋابىنى بىلىشكە ئالدىرىسىڭىز، تۆۋەندىكى بۇ دېلو توغرىسىدا ئالىي خەلق سوت مەھكىمىسىنىڭ تۆۋەندىكى بىر تەرەپ قىلىش تەستىق جاۋابىغا نەزىرىڭىزنى ئاغدۇرۇڭ.....

        «  بۇ قېزىۋېلىنغان يامبۇلار يامبۇنى كۆمگۈچى ئابلەتنىڭ ئىگىدارلىقىدا بولىدۇ. بۇنىڭغا ئۇنىڭ قانۇنىي ۋارىسلىرى قانۇن بويىچە ۋارىسلىق قىلسا بولىدۇ، يەنى قايتىدىن مۇسادىرە قىلىش يولى ئارقىلىق بىر تەرەپ قىلماسلىق كېرەك.»

        دىمەك بۇ يامبۇلار ئابلىكىمگە تەئەللۇق بولۇش توغۇرلۇق سوت ھۆكۈم قىلغان.

      «ھەق تەلەپكە دائر ئەدلىيىلىك ئىزاھاتلار توپلىمى»(1) 123- بېتىدىن ئېلىندى
                                        شىنجاڭ خەلق نەشرىياتى
                        (يۇقارقى دېلودىكى ئىسىملار ئۆزگەرتىپ ئېلىندى)
               

باي-خېنىم تەھرىرلىدى .ۋاختى 01:12 ئۇتكەندە تەھرىرلەندى .


[ بۇ يازما باي-خېنىم تەرپىدىن 2007-10-16 03:14 دە قا ]