ئاۋۇستىرالىيەلىك بىر مۇسۇلمان قىزنىڭ بايانى

ناھايىتى شەپقەتلىك ۋە مېھرىبان اللە نىڭ ئىسمى بىلەن باشلايمەن.


مەن ئاۋۇستىرالىيەنىڭ جەنۇبى قىرغىقىدىكى بىر كاتولىك ئائىلىسىدە چوڭ بولدۇم. ئىتالىيە قان سېستىمىسىدىن بولغانلىقىمىز ئۈچۈن پەقەتلا ئىسلام ۋە مۇسۇلمانلار بىلەن ئۇچرىشىپ باقمىغان. مەندە ئىسلامغا نىسبەتەن ئازراقمۇ چۈشەنچە يوق ئىدى. مەن چوڭ بۇلۇپ ئائىلەمدىكىلەرگە ئۇلارنىڭ كاتولىك سالاھىيىتى توغۇرىسدا سۇئال قوياتتىم. لېكىن ئېرىشىدىغان جاۋابىم ‹ئىتالىيەلىكلەرنىڭ ھەممىسى كاتولىك، بىزمۇ ھەم مەڭگۈ كاتولىك› دېگەن جاۋاپ بۇلاتتى. ئاتا- ئانىمىز ئەگىشىۋاتقان ئىشلارغا ئەگىشىۋاتىمىز، لېكىن ئۇلارنىڭ قىلىۋاتقانلىرى توغۇرمىدۇ دەپ ئويلاپ كېتەتتىم.

15 ياشقا كىرگەندە اللە قا بولغان ئىتقادىم خېلىلا كۈچەيگەن ئىدى. دائىم ئانام بىلەن ھەرھەپتىدە يەكشەنبىلىك يېغىلىشلارغا بېرىپ تۇراتتىم. لېكىن مەن ئەيساغا ئىبادەت قىلىشتا مۇجمەللىكنى بايقىدىم. ئانامدىن ئەيسا بىلەن خۇدانىڭ ئوتتۇرسىدىكى پەرىقنى بىلىش ئۈچۈن نۇرغۇن سۇئاللارنى سوراشقا باشلىدىم. لېكىن ئۇنىڭ جاۋاپلىرى مىنى قەتئى رازى قىلالمىدى.

16 ياشقا كىرگەندە توي قىلدىم. 21 لەرگە كىرگەندە ئىككى ئوغلۇم بولدى. شۇندىن كېيىن اللە نىڭ ئىرادىسى بىلەن بىر مۇسۇلمان كىشى بىلەن ئۇچراشتىم. شۇندىن بېرى ئۇنىڭ دوستلىرى ۋە يېڭىدىن مۇسۇلمان بولغان ھىجاپلانغان ھەمشىرلىرىمىزنى ئۆز ئىچىگە ئالغان مۇسۇلمان كېشىلەر بىلەن باردى- كەلدى قىلىشقا باشلىدىم. ئۇ ماڭا نوكىمبا مۇسۇلمان ياشلار مەركىزىدىكى نۇرغۇن مۇسۇلمان ھەمشېرىلەرنى تۇنۇشتۇرۇپ قويدى . ئۇلار ماڭا قۇرئان كەرىمنى ئوقۇپ چۈشىنەلمىگەن جايلارنى ۋە نۇرغۇن ئىشلارنى چۈشۈنۈشلۈك قىلىپ چۈشەندۈرۈپ قويدى. مەن بىر ھەمشىرىمىزدىن ناماز ئوقۇشنى ئۈگىتىدىغان بىر كىتاپنى ئارىيەت ئالدىم، ھەمدە كۈندە بەش ۋاقىت ناماز ئوقۇشنى ئويلىدىم.

ئايلار مۇشۇ ئۇسۇلدا ئۈتەتتى. بىر كۈنى ئانام ئۆيۈمدىكى ئىسلامى كىتاپلارنى كۈرگەندىن كېيىن ئىنتايىن خاپا بۇلۇپ كەتتى. چۈنكى ئۇ ئۆزىنىڭ كاتولىك ئىتقادى بىلەن چوڭ بولغان قىزىنى نۇرغۇن دىنلار ئىچىدىن ئىسلامغا قىزىقىپ قالغانلىق سەۋەبى بىلەن خاراپ بولدى دەپ قارايتتى. (چۈنكى بىرەرسى مىنىڭ ئىسلامغا كىرگەنلىكىمنى ئاڭلىسا نىمە ئۈچۈن باشقا دىنغا كىرمەي ئىسلامغا كېرىدۇ؟ دېيىشى مۇمكىن ئىدى) ئانامغا، مەن دىنىمنى ئۈزگەرتسەم مىنى ھېچنىمە قىلالمايدىغانلىقى ئىنىق ئىدى. لېكىن مەن ئۇنىڭ قىزى بۇلالمايتتىم.

ئۇنىڭ ئۈستىگە مىنىڭ ئىتقادىم بارغانچە چىڭىۋاتاتتى. چىن دىلىمدىن ئىسلامى ھاياتتا ياشاشنى ئۈمۈد قىلاتتىم. لېكىن شۇنداق قىلىش ئۈچۈن ئىككى پەرزەنتىمنى ئىسلامى ھايات بىلەن مۇسۇلمان قىلىپ تەربىيلەپ چىقىشىم كېرەك ئېدى. ئىسلامنى پەقەت بىر دىنلا دەپ بەرپا قىلماي ھاياتنىڭ مۇكەممەل يولى دەپ بەرپا قىلىشىم كېرەك ئېدى.

(يىگانە اللە ئانامنى ماڭا تېخىمۇ يېقىن قىلىپ بەرگەي ئامىن)

ئىسلامى بىلىمىمنىڭ چوڭقۇرلىشىغا ئەگىشىپ ھەممىنى ياراتقۇچى اللە نى رازى قىلىش كېرەكمۇ؟ ياكى ئاتا- ئانامنى رازى قىلىش كېرەكمۇ؟ دېگەننى ئويلىدىم. ئىككىلىنىپ قالدىم، ئاتا- ئانامنىڭ سۆزىگە كىرىپ ئاتا- ئانامنى رازى قىلىشىم كېرەكمۇ ياكى ئۈزۈم تاللىغان ھاياتنىڭ توغرا يولىنى تاللىشىم كېرەكمۇ؟ ئاخرى مەن رەھىم- شەپقەتلىك، ئۇزۇقلاندۇرغۇچى، قۇۋۋەتلىگۈچى، ھەق ۋە راست بولغان اللە نىڭ يولىنى تاللىدىم.

2000-يىلى 4- ئاينىڭ29- كۈنى تاللىغان يولۇمنى رەسمى ئۇقتۇرۇش ئۈچۈن، ھىجاپ كەيدىم. شۇ كۈندىن باشلاپ دوستلىرىمنىڭ، ئۇرۇق- تۇققانلىرىمنىڭ سۆزلىرىگە قۇلاق سالمىدىم. مەن ئۈزۈمنىڭ توغرا قلىغانلىقىمغا ئىشنەتتىم. ھىجاپ كەيگەندىن باشلاپ ھاياتىم اللە نىڭ ياردىمى بىلەن ئاسانلىشىپ ماڭدى. مىنىڭ مۇسۇلمان دوستلىرىمدىن بىرسى ماڭا (ئىمان) دەپ ئىسلامى ئىسىم تاللاپ بەردى.

بالىلىرىمغا ئىسلامى ئىسىم قويۇشنى قارار قىلدىم. ئىسمى: تارىق ۋە بىلال بولدى. مۇسۇلمان بۇلۇش سۈپىتىم بىلەن باشقىلارنىڭ قۇرقۇتۇشلىرىدىن غالىپ كەلدىم. ئىشلىرىمدا ۋە قارارلىرىمدا پەقەت اللە دىنلا قورۇقتۇم.

ئانامغا تېلفۇن قىلىپ ھىجاپ كەيگەنلىكىمنى ئېيتىپ قويدۇم. دەسلەپتە ئۇ ئىشەنمىدى، ئۇ ماڭا ئەگەر ئۇ مىنى ھىجاپلانغان ھالەتتە كۆرۈپ قالىدىغان بولسا ھىجاپنى يىرتىۋېتىدىغانلىقنى ئېيتتى. بىرەر ھەپتە ئۆتكەندىن كېيىن ئۇ مىنىڭ راست سۆزلىگەنلىكىمنى بىلدى. ھەمدە ئۇنىڭ ئۆيىگە ئىككىنجى قەدەم باسماسلىقىمنى، مىنى قىزىم دەپ ئىتراپ قىلمايدىغانلىقىنى ئېيتتى. بۇ مىنىڭ ھاياتىمدىكى ئەڭ ئېغىر ۋاقىت بولدى.

مەن اللە نىڭ ئانامنىڭ ماڭا تېخىمۇ يېقىن قىلىپ بېرىدىغانلىقىغا ئىشىنىمەن. بىر نەچچە ئايدىن كېيىن مەن نامازىمدا اللە غا يىغلاپ ئانامنىڭ ماڭا مىنىڭ ئىشلىرىمغا رازى بۇلۇپ تېلفۇن قىلىشىنى تىلەپ دۇئا قىلدىم. ئەتىسى اللە دۇئايىمنى ئىجابەت قىلىپ ئانام ماڭا تېلفۇن قىلدى. اللە غا شۈكرى . اللە ھەممە ئىشنى باشقۇرغۇچىدۇر!.

كىيىن يەنە ئىقىتسادى قىيىنچىلىققا ئۇچرىدىم. ئاندىن اللە غا ئەھۋالىمنى ياخشىلاپ بىرىش ئۈچۈن دۇئا قىلدىم. ئەتىسى مەن بىر پۇل چېكىنى تاپشۇرۇپ ئالدىم. شۇندىن بېرى اللە نىڭ بۇيرۇقىغا ئەگەشمەسلىككە ھېچ قانداق بانا يوق بولدى. شۇندىن بېرى ياخشىلىق بىلەن يامانلىق ئوتتۇرسىدا كۈرەش قىلدىم.

بالىلىرىمنى يەسلىگە ئېلىپ بېرىش جەرىيانىدا نۇرغۇن ھەمىشىلەر بىلەن ئۇچراشتىم. ئۇلاردىن ئىككىسى بىلەن ئىنتايىن يېقىن بۇلۇپ كەتتىم. بۇلۇپمۇ ئانام مەندىن تانغان ۋاقىتتا، ئۇلار ماڭا ياردەم قىلاتتى ھەمدە ماڭا تەسەللى بىرەتتى. بەش ياشلىق ئوغلۇمغا ئەرەبچە دەرىس ئۈگەتتىم. ئۇ نۇرغۇن بىلىملەرنى ئۈگەندى. ئۇنىڭغا قۇرئاننى قانداق يادلاشنى ئۈگەتتىم. ئىنشا اللە بالىلىرىم ھاياتنىڭ توغرا يولى بولغان ئىسلامنى ئۈگۈنۈپ چوڭ بۇلىۋاتىدۇ.

مانا ئىسلامنى قۇبۇل قىلپ ئىككى يىل بولدى، ھازىر مەن باشقىلارنى ئىسلامغا دەۋەت قىلالايمەن.

بىر كۈنى ئەتتىگەن سودىلىق قىلىش ئۈچۈن چىقتىم. پۇل ئېلىش ئورنىدا بىر قىز مۇلازىمەت قىلدى. ئۇ مەندىن ‹سىز ئىسلامنى قۇبۇل قىلدىڭىزمۇ؟› دەپ سورىدى. مەن شۇنداق دەپ جاۋاپ بەردىم. ئۇمۇ ئۆزىنىڭ اللە قا ئىشىنىدىغانلىقىنى ھەمدە ئىسلامغا كېرىشنى ئويلاۋاتقانلىقىنى ئېيتتى. بىز ئالاقە قىلىپ تۇردۇق. مەن ئۇنىڭغا ئىسلامنى چۈشىنىشى ئۈچۈن قۇرئان كەرىم، دىنى كىتاپ ۋە ئۈن – سىن لىنتىلرىنى بەردىم. شۇنىڭ بىلەن بىرگە ئۇنىڭ بىلەن يېقىن ئۆتۈپ قولۇمدىن كېلىشىچە ياردەم ۋە پىكىرلەرنى بەردىم.

ئالتە ئايدىن كېيىن ئۇ ماڭا تېلفۇن قىلىپ مىنىڭ ئۇنى مەسچىتكە ئېلىپ بېرىشىمنى ھەمدە رەسمى ھالدا ئىمان ئېيتىدىغانلىقىنى ئېيتتى. مەن اللە نىڭ مىنى ئۇنىڭ يىتەكچىسى قىلغانلىقىدىن ئىنتايىن خوشال بولدۇم. اللە غا شۈكرى ئۇ ھازىر مۇسۇلمان بولدى.

مەن ھەركۈنى مۇشۇ ھەق دىندا ئويغانغانلىقىم ئۈچۈن شۈكرى ئېيتىمەن. ئىسلام بولسا تىنىچلىق دىنى مەيلى قايسى مىللەتىن بولسۇن، بارلىق ئىنسانلارغا ياخشىلىقنى خالايدىغان دىن. غەيرى مۇسۇلماننى ئىسلامغا يىتەكلەش نىمە دېگەن شەرەپلىك. اللە غا شۈكرى مەن بۇ ئۇلۇغ ۋەزىپىنى ئورۇنلىدىم. بۇ مىنى ئىسلام يولىدا كۆپرەك دۇئا قىلىشقا ئىلھاملاندۇردى. يەنە باشقا مۇسۇلمانلارنى كۈچلۈك ئىلھاملاندۇرىمەن.

ئۇلۇغ اللە بىزنى مۇھەممەد ئەلەيھىسسالامنىڭ يولىغا ئەگىشىش نىسىپ قىلسۇن ئامىن!
مەنبە نور ئىسلام

بۇ يازمىنى چايان-شاھ تەستىقلىدى. 2007-10-08 . 15:48.


[ بۇ يازما چايان-شاھ تەرپىدىن 2007-10-08 15:48 دە قا ]