رومان _ < باتۇر تەڭرىقۇت > توغرىسىدا

ھۆرمەتلىك تورداشلار، يېقىندا شىنجاڭ خەلق نەشرىياتى نەشىر قىلغان < باتۇر تەڭرىقۇت > ناملىق رومان كەڭ كىتاپخانىلار بىلەن يۈز كۇرۇشۇدۇ. بۇ روماندىن تۆتى ئەڭ بۇرۇن بىزنىڭ ئائىلىگە يىتىپ كەلدى. چۈنكى روماننىڭ ئاپتورى _ مېنىڭ چوڭ ئاكام ئادىل ئابدۇللا بەگيار.
رومانغا ھېچقانداق بىر كىرىش سۆز ياكى ئاپتۇر ھەققىدە دېگەندەك تەپسىلاتلار بىرىلمىگەن. پەقەت كىتاپنىڭ بېشىدىلا بىر پارچە قىستۇرما رەسىملا بار. مەن ئۆز ئاكامنىڭ يازغان بۇ رومانىنى باشتىن - ئاخىر ئوقۇپ چىقىتىم. شۇندىلا بۇ روماندىن ھەم ئاكامدىن پەخىرلەندىم.
ئاكام _ ئادىل ئابدۇللا بەگيار بولسا سەككىز ئوغۇلنىڭ ئەڭ چۇڭى. ( مەن ئوغۇلنىڭ ئالتىنجىسى) بىز ئەسلى 11 ئوغۇل بولۇپ قەدىرلىك ئانام پەقەت قىز تۇغمىغان ئىكەن. 3 بىر تۇغقىنىمىز ئۆلۈپ كەتكەن (مەدەنىيەت ئىنقىلاۋىدىن بۇرۇن، مەن تۇغۇلماستا) قالغان سەككىز ئوغۇل ئۆم - ئىناق، يار يۈلەكتە بولۇپ ئاللاھنىڭ ئىلتىپاتىدا خاتىرجەم تۇرمۇش كەچۇرۋاتىمىز. شۇ جەرياندا بىزگە يۈرەك ھەم ياردەمدە بولۇپ كېلىۋاتقان مېھرىبان ئاكامنىڭ بۇ تۇنجى رومانىنىڭ مۇۋاپىقىيەتلىك نەشىر قىلىنىشى مېنى ھەم پۇتۇن ئائىلىمىزدىكىلەرنى بەكلا ھاياجانغا سالدى. بۇخىل ھىسسىياتنى بەلكىم سىزلەرمۇ ھىس قىلىپ يىتەلەيسىلەر. ئاكام بولسا قاراقاش ناھىيلىك تەپتىش مەھكىمىسىدە خىزمەت قىلىدۇ. ئۇ بۇ رومانىنىڭ نەشىر قىلىنغانلىقىدىن بەكلا ھاياجانلاندى. چۈنكى، بۇ رومان ناھىيە بۇيىچە نەشىر قىلىنغان تۇجى رومان، شۇنداقلا 2000 يىل بۇرۇنقى تارىخ چىنلىق ۋە بەدىئىيلىك ئاساسىدا ئەكىس ئەتتۇرۇلگەن چوڭ ھەجىملىك بىر تارىخى رومان. رومان 6100 نۇسخان بېسىلىپ ھەرقايسى كىتاپخانىلارغا تارقىتىلىش ئالدىدا تۇرۋاتىدۇ.
مەن بۇ روماننى ئاكامنىڭ يازغانلىقى ئۇچۇنلا كۆككە كۆتۇرمەكچى ئەمەس، بەلكى مەن بىر ئوقۇتقۇچى. بىلىمگە ھېرىسمەن بىر مائارىپچى. شۇنىڭ بىلەن  بۇ روماننى ئوقۇپ خېلى كۆپ ھاياجانغا تولدۇم. كىم ئۆز تارىىخىنى بىلىشكە قىزىقمايدۇ دەيسىلەر!؟ كەڭ تورداشلارنىڭمۇ مۇمكىن بولسا روماننى بىر ئوقۇپ كۇرۇشىڭلارنى، قىممەتلىك تەكلىپ - پىكىرىڭلارنى بىرىشىڭلارنى سەمىمى ئۇمىد قىلىمەن. 
مەن ئائىلەمدىن، ئاكامدىن ئىنتايىن پەخىرلىنىمەن. سىزلەرگىمۇ بەخىت - ئامەت ھەر ۋاقىت يار بولسۇن!

جاپپار ئابدۇللا بەگيار

بۇ تېمىنى فىروزە تەھرىرلىدى


[ بۇ يازما فىروزە تەرپىدىن 2007-10-02 00:53 دە قايت ]