ئىككى خىل كۆرۈنۈش  (نەسىر )  ئاپتۇرى : قەلبىنۇر ئوبۇلھەسەن


كىچە سائەت ئىككى ، جىمى ئەتراپ ئۇيقۇغا كەتكەن . ئەمما ئەر - خوتۇن قوينىڭ ئۆپكىلىرىنى قانسىرىتىش ، قۇيۇش بىلەن ئاۋارە . سۇپىغارەتلىك سىلىنغان يوتقان - كۆرپىدە ئۈچ بالا راھەتلىنىپ ئۇخلىماقتا . ئۇلارنىڭ يىنىدا رەتلىك تىزىلغان كىيىم - كىچەك ، گالىستۇكلار، ئاياغ تەرىپىدىكى شىرەدە دەپتەر - قەلەملەر يىيىلىپ تۇراتتى ....
ئاددى ،ئەمما پاكىز كىيىنگەن بىر ئايال خىرىدارلارغا ئۆپكە - ھىسىپ ساتماقتا . يولدىشى ئەتراپتىكى قەغەزلەرنى يىغىپ ئەخلەت ساندۇقىغا سالماقتا . ئەنە ، رەتلىك كىيىنگەن ئۈچ بالا يۈگۈرۈپ كەلدى :
- ئانا - دادا ، مەن ئىمتىھاندىن يۈز نومۇر ئالدىم .
- ئانا - دادا ، مۇئەللىم مىنى ماختىدى . بالىلار چۇقىرىشىپ ، گۈلگە قونغان كىپىنەكلەردەك ئانىغا يىپىشتى . ئانا چەكسىز بەخىتكە چۆمدى .



قوشنا ئۆيدە ئۇلار ئىچىشمەكتە . شىرەدە خىلمۇ - خىل تائاملار، ئىچىملىكلەر، ئىكراندا ئاجايىپ كۆرۈنۈشلەر . چىراغ نۇرى رۇمكىلاردىكى رەڭگارەڭ ئىچىملىك ۋە ئاياللارنىڭ زىبۇ - زىننەتلىرىگە چۈشۈپ،ئولتۇرۇشنىڭ رۇمانتىكىسىنى تىخىمۇ ئاشۇرغان . چىرايلىرى ئۆپكىدەك ئىسىلگەن ، قىزارغان ئەرلەرنىڭ ئالا - تاغىل ۋاقىراشلىرى بوخچىسىنى مەھكەم قۇچاقلىغىنىچە دالان ئۆينىڭ بۇلىڭىدا ئۇخلاپ قالغان بالىنى پات - پات چۈچىۋىتەتتى .
قۇياش نەيزە بويى ئۆرلىگەن بولسىمۇ ، قاڭسىق ھاراق ھىدى بىلەن تولغان ئۆينىڭ ئىشىك - دىرىزىلىرى ھىم يىپىق ئىدى . ھىلىقى بالا ئۇخلىغان يىرىدىن ئۆ ندەرىگەن پىتى تۇردى - دە ، بوخچىسىنى ئىلىپ مەكتەپكە ماڭدى . ئۇنىڭ بۇرنىغا ناننىڭ مىزىلىك ھىدى ئۇرۇلدى . بالاناۋايخانىنىڭ ئالدىدا توختاپ قالدى ........

2007- يىل 9- ئاينىڭ 23- كۈنى سائەت 10:40 دا شاھدىيار تەرىپىدىن تەھرىرلەندى


[ بۇ يازما شاھدىيار تەرپىدىن 2007-09-24 00:45 دە قاي ]