)pM(v
\e uZiOe.q[1 ;b ]O5F- -&eMW=
K !Le1 O?p M'z} Rov1 تاغ تەرەپتىن گۈكىرەپ سوقىۋاتقان سوغۇق شامال قەبرىستانلىقتىكى تۇغ_ئەلەملەرنى ئېچىنىشلىق تىتىرتەتتى.بۇ يەرگە كېلىپ قالغان ئادەمنى ئىختىيارسىز قورقۇنۇچ بېسىپ يۈرىكىمۇ ئاشۇ تۇغ_ئەلەملەردەك تىترەپ كېتەتتى.ئاشۇ قەبرىستانلىقتىكى توپا يۆلەپ قويۇلغان قەبرە ئالدىدا بىر ئانا بۇقۇلداپ يىغلىماقتا.يۈرىكىدىكى ھەسرەتلىرىنى ئاشۇ قەبرىگە سىڭدۈرمەكتە.قەبرە ئاستىدا ئۈن_تىنسىز ياتقان ئوغلىغا قەلبىدىكى بارلىق ھىسىياتىنى ئۆكسىگىنىچە بايان قىلماقتا.شامال گۈكىرمەكتە،قاياقتىندۇر لالما ئىتلارنىڭ قاۋىغان ئاۋازى ئاڭلانماقتا...ئانىنىڭ يىغىسى بارغانسىرى كۈچىيىپ كېتىۋاتاتتى،ئۇ گويا يۈرىكىنى بېسىپ ياتقان پۇشايمېنىنى كۆز يېشى بىلەن يۇيۇپ چىقىرۋەتمەكچى بولغاندەك ئۆكسۈپ_ئۆكسۈپ يىغلايتتى.يىراقتىن بالا كۆتىرۋالغان بىر ياش چوكان ئانىنىڭ يېنىغا يېتىپ كەلدى ۋە ئۇنىمىغىنىغا قويماي ئۇنى يۆلەشتۈرگىنىچە قەبرىلەر ئارىسىدىكى تار چىغىر يول بىلەن يۈرۈپ كەتتى.يول ياقىسىدىكى دەل_دەرەخلەرمۇ ئۇلارغا ھىسداشلىق قىلىۋاتقاندەك ئاستا لىڭشىپ تۇراتتى.ئۇلارنىڭ سىماسى بارا_بارا كۆزدىن غايىپ بولدى.
BHQ R.Sq!
y
#HF$y
_! -
t he=8
=lki) U Y 93YNg:_y
ئاۋغۇسىتنىڭ مەلۇم بىر كۈنى شەرىقتىن بالقىغان قۇياش كائىناتقا ئۆزىنىڭ ئالتۇن نۇرلىرىنى سېخىلىق بىلەن چاچماقتا ئىدى.ئۇنۋېرسىتتىكى كۆل بويىدا بىر قىز جىمجىت ئولتۇرۇپ كىتاپ ئوقۇۋاتاتتى.كەينىگە تاشلاپ بىرلا يەردىن بوغۇلغان ئۇزۇن چېچى ۋە ھالرەڭ ئۇزۇن كۆڭلىكى ئۇنى بەئەينى كېپىنەككە ئوخشىتىپ قويغاندى.چىرايى خۇددى قاشتېشىدەك سۈزۈك،قاپقارا كۆزلىرىدىن نۇرلار ياغاتتى.چاقناپ تۇرغان كۆز قارچۇقلىرى كىشىنىڭ يۈرەك تارىنى چېكىپ،كاماندەك قاشلىرى جانلارنى مەھلىيا قىلاتتى.ئارىدىن خېلى ۋاقىت ئۆتكەندىن كېيىن قىز ئوقۇۋاتقان كىتابىنى قاتلاپ ئورۇندۇق ئۈستىگە قويدى_دە چىرايلىق بېشىنى سەل قىڭغايتىپ ئۇزاقتىن_ئۇزاق خىيالغا چۆمدى.دەرەخ شاخلىرىنىڭ ئۇچىدا ئىككى قۇشقاچ تىنماي ۋىچىرلاشماقتا ئىدى.بىر چاغدا قىز ئورنىدىن تۇردى ۋە دەرەخلىك ئارىسىدىكى خىش ياتقۇزۇلغان تار يولدا رېتىملىق مۇزىكا پەيدا قىلىپ ياتاق بىناسى تەرەپكە قاراپ يول ئالدى. i,pc
__ سىزنىڭ...كىتابىڭىز ئۇنتۇلۇپ قالدى! WGy|q{DM3
قىسقا،ئەندىككەندەك ئاۋاز قىزنى توختاتتى.ئۇ نازاكەت بىلەن قايرىلدى،چىرايىغا قىزىللىق تەپتى. X ,
IDqp
__ رەھمەت سىزگە! __ قىز شۇنداق دىگىنىچە يىگىتكە قاراپ كۈلۈمسىرىدىيۇ يىگىتنى نەدىدۇر كۆرگەندەك ھىس قىلدى.يىگىتنىڭ گەدىنىنى يېپىپ تۇرغان قارا چېچى،چېكىلگەن يارىشىملىق بۇرۇتى،چاچراپ تۇرىدىغان قوڭۇر كۆزى،ئۇچۇپ كېتىۋاتقان سانى ئەسلىتىدىغان ئەگمەچ قاشلىرى قىزغا شۇنچىلىك تونۇش بىلىنىۋاتاتتى. J #aavXl
__ سىز قانۇن فاكولتېتىدا ئوقۇيسىز ھە؟ __ دەپ سورىدى يىگىت خۇددى قىزنىڭ خىيالىنى بىلىۋالغاندەك. 2w^'SB4
__ ھەئە،سىز مېنى تونامسىز؟ ?ORHIQS5 9
__ شۇنداق،مېنىڭ بىر يېقىن ئاغىنەم سىلەرنىڭ سىنىپتا ئوقۇيدۇ،شۇنى ئىزلەپ سىنىپىڭلارغا نەچچە قېتىم بارغان،شۇ چاغدا سىزنىمۇ كۆرگەن. 4p?!a f.
ھە...ئەسلىدە يىگىتنىڭ تونۇش چىراي كۆرۈنگېنى بىكار ئەمەسكەندە __ دەپ پىچىرلىدى قىز كۆڭلىدە. YiMsDD(E?
__ ئىسمىڭىزنى بىلسەم بولامدۇ؟ __ دەپ سورىدى يىگىت. gY :z=c_~
__ مېھراي __ دىدى قىز چېچىنى ئۇياتچان قىزلارغا خاس بىر ناز بىلەن تۈزەشتۈرۈپ تۇرۇپ. 8UbEb6&4
__ مېنىڭ ئىسمىم ئادىل،چەتئەل تىللىرى فاكولتىېتىدا ئوقۇيمەن،سىز بىلەن تونۇشقىنىمغا خوشالمەن.__ يىگىت سۆزلىگەچ قىزغا قولىنى ئۇزاتتى،قىزمۇ تارتىنىپقىنە قولىنى سۇندى،ئاشۇ دەقىقىدە قىزنىڭ يۇمشاق ئالقىنىدىن ئاجايىپ بىر ھارارەت تاراپ يىگىتنىڭ يۈرىكىنى جىغىلداتتى.ئۇلار ئەنە شۇنداق تونۇشۇپ قالدى.شۇ ئىشتىن كېيىن ئۇلار پات_پات كۆرۈشۈپ تۇردى.بۇ ھەر ئىككىسىنىڭ ئالى مەكتەپنى پۈتتۈردىغان ئاخىرقى يىلى بولغاچقا ئۇلار ۋاقتىنى ئاساسەن كۈتۈپخانىدا بىرگە دەرىس تەكرارلاش بىلەن ئۆتكۈزۈشتى.شۇنداق قىلىپ ئارىدىن بىر نەچچە ئاي ئۆتتى.ئادىل مېھراينى بارغانسېرى ياخشى كۆرۈپ قېلىۋاتاتتى.ئۇ ئۆز سۆيگۈسىنى ئىزھار قىلىشقا پۇرسەت ئىزدەيتتى.شۇنچە پىنھانلىقتا ساقلاپ كەلگەن،يۈرىكىنىڭ ئەڭ چوڭقۇرلىقىدا تۇرۇۋاتقان تۇنجى سۆيگۈسىنى چىچەكلىتىشنى،ۋايىغا يەتكۈزۈپ ئۇنىڭدىن ھوزۇرلىنىشنى ئىستەيتتى.مېھراينىڭنىڭ ئۆزىگە نىسبەتەن قانداق ھىسىياتتا بولىۋاتقىننى بىلمەكچى بولاتتى،بىراق ئۇنىڭ پەرۋاسىز،سېھرىگەر كۆزلىرىدىن ھىچنىمىنى ھىس قىلالماي قىينىلاتتى.ھەر قېتىم ئېغىز ئاچاي دىگەندە ئۇنىڭ مۇڭ تۆكۈلۈپ تۇرىدىغان كۆزلىرىدىن ئىشەنچىسىنى يوقىتاتتى. !W=0gH
بۈگۈن ئۇلار مۇزاكىرىنى بالدۇرلا تۈگۈتۈپ ئىككىسى تۇنجى رەت تونۇشقان كۆل بويىغا كەلدى.ئاي قاراڭغۇسى،لېكىن يۇلتۇزلۇق كېچە ئىدى.مەيىن شامال يەلپۈپ تۇراتتى.كۆلمۇ جىمجىت ئۇيقۇغا چۆمگەن ئىدى.ئۇلار كۆل بويىدىكى ئۇزۇن تاش ئورۇندۇقتا ئولتۇرۇشتى.خېلى ۋاقىتقىچە ئۈن_تىن چىقارماي كۆلگە قارىشىپ تۇرۇشتى.ئاخىرى ئادىل غەيرەتكە كېلىپ گەپ باشلىدى: VMWRqXJ
__ مېھراي،سىز ھازىرغىچە بىرەر يىگىتنى چىن كۆڭلىڭىزدىن ياخشى كۆرۈپ باققانمۇ؟ ]JJEz De@,
__ سىزچۇ ئادىل؟ __ قىز يىگىتنىڭ سوئالىغا سوئال بىلەن جاۋاپ قايتۇردى. s71E p
__ شۇنداق ياخشى كۆرۈپ باققان. ] _B 3W{
__ ئارزۇيىڭىزغا يېتەلىدىڭىزمۇ؟ b3u 7wjJ%
__ ياق،تېخى ئۇ قىزغا ئاشكارلاپ باقمىدىم. p
0u
__ مەن تونۇيمەنمۇ؟نىمە ئۈچۈن قىزغا مۇھابىبتىڭىزنى ئىزھار قىلمىدىڭىز؟ fjj`8!
__ تونۇيسىز مېھراي،ئۇ قىز مېنىڭ ئۆزىنى سۆيىدىغانلىغىمنى بىلەمدۇ يوق،ئۇنىسى ماڭا نامەلۇم.ئەمما خېلى ئۇزۇندىن بۇيان ئۇ قىزنى غايىۋانە ياخشى كۆرۈپ كېلىۋاتىمەن. sr
T5U0
__ ئۇ قىزغا كۆڭلىڭىزنى ئاشكارلاشقا جۈرئىتىڭىز يوقكەندە؟ v(.
__ ئۇنداقمۇ ئەمەس،پۇرسەت كۈتتۈم شۇ.ئۇنى قايىل قىلىپ مايىللىقنى قولغا كەلتۈرگەندە ئاندىن ئېغىز ئېچىشنى ئويلاشقانتىم. >&24
DyO+
__ قىزنىڭ مايىللىقىنى سۈكۈتتە تۇرۇپ قولغا كەلتۈرمەن دىسىڭىز ئۇ قىزنى ئۈمۈتسىزلەندۈرۈپ قويىسىز ئادىل،ئوغۇلبالا دىگەن تەشەببۇسكارلىق بىلەن ئۆزىگە بولغان ئىشەنچىسىنى نامايەن قىلىش كېرەكدە. ._&O
مېھراينىڭ سۆزلىرى ئادىلنىڭ ئەسلىدىنلا تىترەپ تۇرغان يۈرىكىنى تېخىمۇ قوزغىتىۋەتتى.بۇ سۆزلەر خۇددى ئۇنىڭغا مەدەت بېرىۋاتقاندەك تۇيۇلدى. قانداق قىلىپ مېھراينىڭ قولىنڭ تۇتۇۋالغىنىنى ئۆزىمۇ سەزمەيلا قالدى. p96Mp[IR
__ بىلسىڭىز ئۇ قىز دەل سىز،سىزنى كۆرگەندىن كۈندىن باشلاپ سىزنى ياخشى كۆرۈپ قالدىم،بارغانسېرى تەلۋىلەرچە ياخشى كۆرۈپ قېلىۋاتىمەن،مۇھابىتىمگە جاۋاپ بېرىڭ مېھراي،مېنى سۆيگۈ قاينىمىدا يالغۇز تاشلىۋەتمەڭ،مەن سىزگە چىن دىلىمدىن شۇنداق ۋەدە بېرىمەنكى ئۆمرۈمنىڭ ئاخىرغىچە بىر سىزنىلا سۆيىمەن...__ ئادىل ھاياجانلانغېنىدىن سۆزىنى داۋاملاشتۇرالمىدى. pG\gG&
__ مەن...مەن... __ مېھراي دۇدۇقلىغىنىچە گەپ قىلالماي قالدى.بىراق ئۇ ئادىلنىڭ ئالقىندا تۇرغان قوللىرىنى تارتىۋالمىدى.مېھراي ئەسلىدە"مەنمۇ سىزنىڭ پاك_سەمىمى قەلبىڭىزنى،ھەققانىيەتنى سۆيىدىغان قەيسەر ئىرادىڭىزنى،ئۆزگىچە خاراكتىرىڭىزنى ياخشى كۆرىمەن" دىمەكچىدى،بىراق قىزلىق غۇرۇرى بۇلارنى دىيىشكە يول قويمىدى.ئۇ پەقەت جاۋاپ تەرىقىسىدە ئادىلغا قاراپ ئىللىق كۈلۈمسىردى.ئۇنىڭ كۆزلىرىدىكى چاقناۋاتقان ئۇچقۇندىن قەلىب نىداسى ئايان بولدى. E
zq1
n
__ رەھمەت مېھراي،رەھمەت!مەن سىزنى چوقۇم بەخىتلىك قىلىمەن! $BmUr*9rvj
ئادىل شۇنداق دىگىنىچە مېھراينى باغرىغا چىڭ باستى.ئۇنىڭ يۈرىكى مېھراينىڭ يۈرىكى ئۈستىدە سوقاتتى.مەڭزىدىكى ئاتەش يۈزلىرىنى ئۆرتەيتتى.دىماقلىرىغا يۈرەكنى مەھلىيا قىلغۇچى خۇش پۇراقلار ئۇرۇلاتتى.مېھراينىڭمۇ يۇمران ۋە ئىللىق ۋۇجۇدى ئادىلنىڭ باغرىدا شىددەتلىك ۋولقان بولۇپ ياناتتى...ئۇلار شۇ تەرىزدە خېلى ئۇزۇن تۇرۇشتى.بىر ھازادىن كېيىن مېھراي ئۇيقۇدىن چۈشەكىگەندەك: 7
^Pj<
__ قايتايلى ئادىل،ياتاقنى تاقايدىغانغا ئازلا قالدى __ دىدى. Skq"|z>z
__ يۇلتۇزلۇق كېچە نەقەدەر گۈزەل ھە!ئىشىنىمەنكى بىزنىڭ كەلگۈسىمىزمۇ مۇشۇنداق گۈزەل بولىدۇ.__ دىدى ئادىل ئاستاغىنە پىچىرلاپ. $A*q\Z
__ ئاللاھ بەختىمىزنى بېرەر ئادىل...__ مېھراي يەنە نىمىلەرنىدۇ دىمەكچىدى،بىراق ۋاقىتنىڭ بىر يەرگە بارغىنىنى ئويلاپ گېپىنىڭ داۋامىنى يۇتۈۋەتتى. ^6P:zwh=
__ چاققان ئادىل،ياتاقنى تاقاشقا ئازلا قاپتۇ،چاپسان قايتايلى.__ دىدى ئۇ نازۇك بىلىكىدىكى سائىتىگە قاراپ.ئۇلار بىر_بىرنىڭ قوللىرىنى مەھكەم تۇتۇشۇپ كۈمۈشرەڭ ئايدىڭلىققا چۆمگەن يولدا گويا بىرى كەينىدىن قوغلاپ كېلىۋاتقاندەك يۈگۈرۈشكىنىچە ياتاق بىناسى تەرەپكە قاراپ يول ئالدى... 1b[1sho
B"yq/AF& !
GYN)9,Z~[
T.>lt8D|-e
. hTItT4:hb
قاينام_تاشقىنلىق سىتودېنىتلىق ھاياتىغا يېڭى مەنا قوشۇلۇپ بۇ ئىككى ياشنىڭ مۇھاببتى تېخىمۇ قويۇقلىشىپ بارماقتا ئىدى.ئۇلار ۋاقىتنى چىڭ تۇتۇپ مەكتەپ پۈتتۈرۈش ئىمتاھانىغا تەييارلىق قىلۋاتاتتى.ئۇلارنىڭ كۈنلىرى ئاساسەن دەرىسخانا،كۈتۈپخانا،ياتاق ئارلىقىدا ئالدىراشچىلىقتا ئۆتۈپ كېتۋاتاتتى.ئۇنۋېرسىتىت ھاياتى ئۇلارغا نۇرغۇن نەرسىلەرنى ھىس قىلدۇردى.كىمكى زامان ئەگلىكىدىن راۋان ئۆتىمەن،ئادەمدەك ياشايمەن دەيدىكەن داۋاملىق ئالغا قاراپ مېڭىشى،توسقۇنلۇقلاردىن،جەبىر_مۇشاقەتلەردىن دادىللىق بىلەن ئۆتىشى كېرەك.ھەش_پەش دىگۈچە ھەر ئىككىسى ئوقۇشنى ياخشى نەتىجىلەر بىلەن تاماملاپ يۇرتىغا قايتىپ كەلدى.ئوقۇغان كەسپىگە ئاساسەن مېھراي ئوتتۇرا سوتقا،ئادىل ساياھەت ئىدارىسغا تەقسىم قىلىندى.ئادىل ئىشقا چۈشۈپ ئۇزۇن ئۆتمەيلا ئۆزىنىڭ تەشكىللەش جەھەتتىكى ماھىرلىقى بىلەن ھەممىنىڭ دىققىتىنى قوزغايدىغان ئىستىقباللىق ياشقا ئايلاندى.بىر كۈنى كەچلىك تاماقتىن كېيىن ئانا_بالا ئىككىيلەن پاراڭلىشىشقا تۇتۇش قىلدى. < @Ym-%
__ ئوغلۇم__ دەپ گەپ باشلىدى ئانا __يۈرۈۋاتقان قىزىڭ بارمۇ؟ =Eq`9,ng
تۇيۇقسىز سورالغان سوئالدىن ئادىل تەمتىرەپ قالدى.ئۇ مۇشۇ كۈنگىچە ئانىسى بىلەن مۇنداق نازۇك مەسىلىلەرنى دىيىشىپ باقمىغاندى.ئادىلنىڭ دادىسى ئۇ تولۇق 2_يىللىققا قەدەم قويغاندىلا تۈگەپ كەتكەندى.ھالا بۈگۈنگىچە ئانىسى ئۇنى ھىچنىمىدىن قىسماي كۆز قارچۇقىدەك ئاسراپ كېلۋاتاتتى.ھازىرقى جەمىيەت شارائىتىدا بىر يالغۇز جاننىڭ مائاشى بىلەن ئىككى ئادەمنى باقماق،يەنە كېلىپ ئالى مەكتەپتە ئوقۇتماق ھەقىقەتەن ئاسان ئەمەس_دە،شۇ سەۋەپتىنمىكىن ئادىل ئانىسىنى بەكمۇ ھۆرمەتلەيتتى،ھەر قانداق ئىشتا ئۇنىڭ ئاغزىغا قارايتتى.بۈگۈن ئانىسى بىلەن ھىسىيات جەھەتتە پاراڭلىشىش ئۇنى تولىمۇ خىجىل قىلدى.ئانا ئوغلىنىڭ ھولۇقۇپ قاراشلىرىدىن،ئوت يانغان كۆزلىرىدىن ھەممىنى چۈشەندى. dm/WIzf4
__ ئۇنداقتا كېلەر شەنبە كۈنى لايىغىڭنى باشلاپ كەل،مەنمۇ كېلىنىم بىلەن بالدۇرراق تونۇشىۋالاي.__ دىدى ئانا ئادىلنىڭ چاچلىرىنى مېھرىبانلىق بىلەن سىلاپ تۇرۇپ.ئانىسىنىڭ سۆزىدىن ئادىل تولىمۇ خوشال بولدى،ھەتتا كۆز ئالدىغا مېھراينىڭ ئاپپاق تويلۇق كۆينىگىنى كىيىپ ئۆزىنى قولتۇقلاپ تۇرغان ھالىتىنى كەلتۈرۈپمۇ ئۈلگۈردى دە ئۆز خىيالىدىن شادلىنىپ كۈلۈپ قويدى. #C!,K rnV
شەنبە كۈنى مېھراي ئىسمىنا قوشۇپ ئىشلىگەن ئىدى،ئۇ ئىشتىن يېنىپ ئۇدۇللا ئادىلنىڭ ئۆيىگە كەلدى.سالام_سائەتتىن كېيىن ئانا چاي دەملەش ئۈچۈن ئاشخانىغا چىقىپ كەتتى.قىز بىر قاراشتىلا ئانىغا ياخشى تەسىر بەردى.قىزنىڭ ئاقكۆڭۈللۈك چىقىپ تۇرىدىغان مۇلايىم چىرايى،گۈزەللىكتە ھىچكىمدىن قېلىشمايدىغان نازۇك بوي_بەستى،گەپ قىلىشتىكى ئۆزىنى تۇتۇۋالغان ئۆزگىچە سۆلىتى ئۇنىڭ ياخشى تەربىيە كۆرگەنلىگىنى نامايەن قىلىپ تۇراتتى."ئوغلۇمنىڭ تەلىيى چىققاندەك تۇرىدۇ،خۇدايىم ئوغلۇمنىڭ تەغدىر_پىشانىسىنى ئوڭ قىلغاي"دەپ ئويلىدى ئانا ئىچىدە.شۇ قېتىملىق تونۇشۇشتىن كېيىن مېھراي بۇ ئۆينىڭ دائىملىق مېھمىنىغا ئايلاندى.ئادىلنىڭ ئانىسىمۇ بۇ قىزنى بارغانچە ياقتۇرۇپ قېلىۋاتاتتى.ئۆيدە ياخشى تاماق ئېتىلگەن كۈنى ئۇ مېھراينى چاقىرتاتتى.ئۇنىڭ كېلىشى بىلەن ئانا_بالا ئىككىيلەنلا تۇرىدىغان بۇ ئۆي قىزغىنلىققا تولاتتى.مېھرايمۇ تۇرمۇشنىڭ دەردىنى ئوبدانلا تارىتقان بۇ جاپاكەش ئانىغا قىزى بولۇشنىڭ تەمىنى تېتىتىپ قويدى.ئارىدىن بىر نەچچە ھەپتە ئۆتكەندىن كېيىن ئۇلار مېھراينىڭ ئۆيىگە ئۇنىڭ ئاتا_ئانىسى بىلەن كۆرۈشۈپ كېلىشىنى پۈتۈشۈشتى.كىممۇ ئويلىغان،ئىككى ياشنىڭ بەخىتسىزلىكى دەل مۇشۇ يەردىن باشلاندى.ئادىلنىڭ ئانىسى بولغۇسى قۇدىسىنىڭ بوسۇغىسىدىن تۇنجى قېتىم ياخشىراق ئاتلاش ئۈچۈن سوۋغا_سالاملارغا خېلىلا بەك ھەرەج تارتتى.مېھراينىڭ ئۆيىدىكىلەرمۇ مېھمانلار ئۈچۈن تۈجۈپلەپ تەييارلىق قىلدى.ئىشىك چېكىلدى.مېھراي ئىشىكنى ئېچىش ئۈچۈن يۈگۈردى.ئانىسىمۇ ئۇن يوقى قوللىرىنى پەرتۇقىغا سۈرىتكېنىچە ئالدىراپ_تېنەپ مېھمانخانا ئۆيگە چىقتىيۇ مېھمانلارنى كۆرۈپ تۇرغان جايىدا قاققان قوزۇقتەك تۇرۇپلا قالدى. I9@&,50
__ سىز... %K0
@o>
__ ئەسلىدە سىز... Q4 `0p G"
ئىككى ئانا خۇددى يادىلىۋالغاندەك مۇشۇ سۆزلەرنى تەكرارلىدى.شۇ چاغدا مېھراينىڭ دادىسىمۇ مېھمانلار بىلەن كۆرۈشۈش ئۈچۈن ئۇلارنىڭ يېنىغا چىقتى _ دە چىرايىنى ھەيرانلىق ئۇچقۇنلىرى قاپلاپ،ئۆسكىلەڭ قاشلىرى لىپىلداپ كەتتى. c]K!=k
__ توۋا...مەن خۇدايىمنىڭ ئالدىدا نىمە يامانلىق قىلغان بولغىيدىم؟!رەقىبلەر تار يەردە ئۇچىرشىپتۇ دىگەن مۇشۇ ئىكەندە،جۈر كېتىمىز! __ئانا شۇلارنى دىگىنىچە ئادىلنىڭ قولىنى تۇتۇپ سىرىتقا سۆرىدى. |:,":S4^
__ نىمە ئىش بولدى ئانا؟نىمە گەپ بولسا چىرايلىق دىمەمسىز،بۇ...بۇ نىمە قىلغىنىڭىز؟ __ ئادىل ھەيرانلىق ئىلكىدە گاڭگىراپلا قالغاندى.مېھرايمۇ نىمە ئىش يۈز بەرگىنىنى بىلىپ بولالماي ھەيران بولاتتى. j$,$65\BkZ
__ بۇلار چىرايلىق گەپنىڭ نىمىلىگىنى بىلمەيدۇ،داداڭنىڭ نىمە سەۋەپتىن تۈگەپ كەتكىننى بىلەمسەن؟كۆز ئالدىڭدا تۇرغان ئاشۇ ۋىجدانسىز،يەنى سېنىڭ بولغۇسى"قېينىئاتاڭ" داداڭنىڭ بېشىغا چىقتى.ئۇ ئىپلاس ئىدارە باشلىقى ۋاقتىدا ئۆزى خىيانەت قىلغان پۇلنى داداڭغا دۆڭگەپ قويغاچقا داداڭ قانۇن ئورگانلىرى تەرىپىدىن توختىتىلىپ قويۇلدى.بىلسەڭ داداڭ بىر ئۆمۈر پاك_دىيانەت بىلەن ياشىغان ئادەم ئىدى.بۇ ئىش ئۇنىڭغا تولىمۇ ئېغىر كەلدى.ئۇ مۇشۇ ئىشتا ئۆزىنى ئاقلىيالماي ئاچچىق يۈتۈپ تۈگەپ كەتتى... __ ئانا شۇلارنى ئارانلا دىيەلىدى ۋە ئادەمنىڭ ئىچىنى ئەزگۈدەك ئاۋازدا ھۆڭرەپ يىغلاپ كەتتى. t FDB:t
__ قالايمىقان گەپ قىلىپ ياخشى ئادەمگە ئۇۋال قىلماڭ،ئۇ ئىشنى ئۆز ۋاقتىدا قانۇن ئورگىنىدىكىلەر تەكشۈرۈپ بىر تەرەپ قىلغان،ھەر كىم ئۆز خاتالىقىغا لايىق جازا تارتىدۇ.__ دىدى مېھراينىڭ دادىسى. Z[(O|c'-
__ مېنى بىلمەيدۇ دەمسەن،ئەينى چاغدا سەن سوتتىكىلەر بىلەن بىرلىشىپ ئاقنى قارا قىلۋەتتىڭ،بىزنىڭ ئادەمنىڭ ئاق كۆڭۈللىكىدىن پايدىلىنپ ئۇنى ئورىغا ئىتتەردىڭ،قاراپ تۇر،بۇ ئىشنىڭ تېخى قىيامەتتە سورىقى بار!__ئانا غەزەپتىن دىر_دىر تىتىرگىنىچە شۇلارنى ئارانلا دىيەلىدى دە ئادىلنىڭ قولىدىن تارىتقىنىچە ئىشىكنى زەرىپ بىلەن يېپىپ بۇ ئۆيدىن چىقىپ كەتتى. lLwS2 j%K`
__ ئانا،ئاچچىقىڭىزنى بېسىۋېلىپ بۇ ئىشنىڭ جەريانىنى ماڭا تەپسىلىرەك سۆزلەپ بېرىڭە؟ئۆز ۋاقتىدا دادامنى تۇيۇقسىز يۈرەك كېسىلى قوزغىلىپ تۈگەپ كەتتى دىگەنغۇ؟بۇ قانداقسىگە... bv)S x+$
__ داداڭ كۆز يۇمۇش ئالدىدا ماڭا شۇنداق نەسىھەت قىلغان__دىدى ئانا تىترەڭگۈ ئاۋازى بىلەن ئادىلنىڭ سۆزىنى بۆلۈپ،__ئۇ سېنىڭ خاتا چۈشىنىپ قېلىشىڭنى،ئامراق ئوغلىنىڭ ئۆزىنى خىيانەتچى دىيىشىنى خالىمايتتى،بىچارە داداڭ،ناھەقچىلىقنىڭ قۇربانى بوپ كەتتى. bCmcm:cBXz
__ لېكىن ئانا مەن مېھراينى چىن دىلىمدىن ياخشى كۆرىمەن،مەن ئۇنى چوقۇم بەخىتلىق قىلىمەن دەپ قەسەم ئىچكەن،ئۇنىڭ ئۈستىگە چوڭلارنىڭ خاتالىقىنى بىزگە چېتۋالسىڭىز توغرا بولمايدۇدە،بەلكىم ئۇ ئىشلارنى سىز خاتا چۈشىنىپ قالغانسىز. vUSS$%3
"چاڭ"قىلىپ تەككەن شاپىلاقتىن ئادىل بىر نەچچە قەدەم سەنتۈرلۈپ كەتتى.ئۇ يۈزىنى سىلىغانچە ئانىسىغا قاراپ تۇرۇپلا قالدى.مۇشۇ كەمگىچە ئانىسى ئۇنىڭغا قاتتىقراق ئاۋازدا ۋاقىراپمۇ باقمىغان،دادىسىدىن كېيىن قېلىپ ھەر قانچە قىيىنچىلىقلارغا دۈچ كەلگەندىمۇ ئۇنى مېھىر_مۇھاببەتتىن،ئىقدىسادتىن قىسىپ باقمىغان،ھەر ۋاقىت ئوغلىنىڭ ئاغزىدىن چىققاننى قىلىپ بېرەتتى.مېھرىبان،مۇلايىم ئانىسىى بۈگۈن ئۇنى ئۇردى.ئۇنىڭ كۆز چاناقلىرىغا لىققىدە ياش تولدى. XS G{h
a
__ ئېسىڭدە بولسۇن،ئەگەر مېنى ئانام دەپ ئويلىساڭ ئۇنىڭ بىلەن بولغان ئالاقەڭنى ئۈز،يەنە ئۇنى ئىزدەيدىكەنسەن مەن سەن بىلەن ئانا_بالىلقتىن كېچىپ كېتىمەن،بەرگەن ئاق سۈتۈمگىمۇ رازى بولمايمەن،داداڭمۇ گۆرىدە تىك ئولتۇرىدۇ.__ ئانا شۇلارنى دىدى دە پۇت_قوللىرى تىترەپ يول ياقىسىدا ئولتۇرۇپ قالدى.شۇ تاپتا مېھراينىڭ ئۆيىدىمۇ جەڭگە_جېدەل ئەۋجىگە چىققان ئىدى. )U}T,EFN
__ دادا،ماڭا راسچىللىق بىلەن جاۋاپ بېرىڭە،بايا ئاڭلىغانلىرىم راسمۇ؟سىز نىمە ئۈچۈن شۇنداق قىلدىڭىز؟__ دىدى مېھراي دادىسىنىڭ كۆزىگە مىقتەك قادىلىپ تۇرۇپ. ~;i3:/f
__ نىمە ئۈچۈن ئۆزۈڭنىڭ دادىسىغا ئىشەنمەيسەن قىزىم؟!ئۇ خوتۇن ئۆز ۋاقتىدىمۇ ئاشۇنداق جىدەل قىلىپ مەركەزگىچە ئەرىز قىپ بارغان،ئۇ يەردىن تەكشۈرۈش ئۆمىگى كېلىپ ھەممە ئىشلارنى ئايدىڭلاشتۇرۇپ كەتكەن،ئۇلار ماڭا قارا چاپلىدى قىزىم،ئۇ ئىشنىڭ مەن بىلەن ھىچقانداق ئالاقىسى يوق.ئۇ ئادەم يۈرەك كېسىلى بىلەن ئۆلۈپ كەتكەن.بۇنى شۇ چاغدا دوختۇرلارمۇ ئېنىقلاپ ئىسپات بەرگەن،ماڭا ئىشەن جېنىم قىزىم،ئۇلارنىڭ ھەممىسى باشقىلار تارقاتقان ئۆسەك سۆز. lx[;~0y0=
دادىسىنىڭ سۆزىنى ئاڭلاپ مېھراينىڭ كاللىسىنى گادىرماچ خىياللار قاپلىدى،زادى كىمنىڭ سۆزىگە ئىشىنىش كېرەك؟... ]=ByOK.=
__ لېكىن مەنمۇ سىلەرگە ئالدىنئالا دەپ قوياي،مەن ئادىل بىلەن توي قىلغىنىم قىلغان،ئوتتۇراڭلاردا نىمە ئىش يۈز بەرگەن بولۇشى بىلەن كارىم يوق.__ دىدى مېھراي كەسكىنلىك بىلەن. M 1Q
G
__ شۇنچە يىل ئالى مەكتەپتە ئوقۇغېنىڭ قۇرىسۇن!ئەمدى ئادەم تېپىلمىغاندەك ئاشۇ خەقنىڭ ئۆيىگە كېلىن بولمىساڭ نىمە بوپتۇ؟!ئۇ خوتۇننىڭ مېنى ھاقارەت قىلغىنى ئاز ئەمەس،ئەڭ ياخشىسى بۇ خىيالىڭنى ھازىرلا يىغىشتۇرۋال!بېشىڭنى تاشقا ئۇرۇپ ئۆلىۋالساڭمۇ بۇ توي ئىشىغا مەن قوشۇلمايمەن.__ دىدى مېھراينىڭ دادىسى زەردە بىلەن. ]6
rJ
__ سەن بىزنىڭ يالغۇز پەرزەنتىمىز،كىچىگىڭدىن سېنى كۆزۈڭگە قاراپ چوڭ قىلدۇق،سېنى تەربىيلەپ چوڭ قىلغۇچە ئاز جاپا تاتمىدۇق،توي ئىشى دىگەن ئوينىشىدىغان ئىش ئەمەس.ئۆمۈرلۈك ئىشىڭدە بولسىمۇ بىزنىڭ رايىمىزغا باق قىزىم.__ دىدى ئانىسى ئۇلاپلا. >/ ] Y>M ~
__ ئىشقىلىپ نىمە دىسەڭلار دەڭلار،مەن ئادىلدىن باشقا ئادەم بىلەن توي قىلمايمەن،ئۇنىڭ ياخشىلىقىنى كېيىن بىلىپ قالىسىلەر،ئۆز قىزىڭلارنىڭ بىر ئۆمۈرلۈك تەغدىرىنى ئۆزۈڭلارنىڭ ئىززەت_ئابرويى تۈپەيلى نابۇت قىلماڭلار،سىلەردىن ئۆتۈنەي...__ ئىچ_ئىچىدىن يوپۇرلۇپ كېلىۋاتقان يىغا تۈپەيلى مېھراي سۆزىنى داۋاملاشتۇرالمىدى. fq$L-v^
__ ئەقلىڭ بارمۇ سېنىڭ؟باياتىنقى گەپ_سۆزلەرنى ئاڭلىدڭغۇ؟بىز قوشۇلغان تەغدىردىمۇ ئۇ خوتۇننىڭ ئەمدى سېنى كېلىن قىلىشى مۇمكىن ئەمەس،ئۆزۈڭنى تولا پەسلەشتۈرمە.__ دىدى ئانىسى تەئەددى بىلەن. E9^tXb{ A
__ ياق،مەن چوقۇم ئادىلنىڭ ئانىسىنى قايىل قىلىمەن! 1OTWqZ4c
__ ئۇخلاپ چۈشۈڭ!بىزلا ھايات بولىدىكەنمىز بۇ تويدىن ئېغىز ئېچىش ئەمدى مۇمكىن ئەمەس.بۈگۈندىن باشلاپ ئۇنىڭ بىلەن كۆرۈشىشىڭگە رۇخسەت يوق! ++LgI3)
ئانىسى شۇنداق دىدى دە گەپ تۈگىدى دىگەندەك قىلىپ ئىچكىركى ئۆيگە كىرىپ كەتتى.مېھراينىڭ يىغىسى بارغانچە كۈچەيدى...
ZE: {S!w
^gdKj; v#1
mjvC&@Gb
$P~b@^c
'4\6
كۈز كېلىپ دەرەخلەر سارغايدى.يىراقتا قاخشال دەرەخ غېرىبانە شاخلىرىنى ئېگىپ تۇراتتى.دەرەختىن غازاڭلار چۈشىۋاتىدۇ.يوللاردا غازاڭ،ئۆگىزلەردە غازاڭ.غازاڭلار _ ئۇ يىغا.تولغىنىپ يىغلىغان،ئاچچىق نىدا قىلغان،غەزەپلىك خورسىنغان يىغا.ئۇ ئۆزىدەك قورۇلغان،تىترگەن يۈرەكتىن چىققان.ئۇ زىمنگە قونالمىغان،تاغلارغا ھاپاشلىنالمىغان،دەريالارغا سىڭەلمىگەن يىغا.ئەنە،غازاڭلاردا ئارىدىكى ئىككى كىشىلىك ئورۇندۇقتا مۇڭغا چۆككەن،قەلبى ئۈمۈتسىزلىككە تولغان ئىككى ياش ئولتۇرىدۇ. MC/C#2h
__ئانامغا قانچە خىزمەت ئىشلىسەممۇ كار قىلمىدى مېھراي،ئۇ مېنى بىزنىڭ بىر شىرەم تۇققىنىمىزنىڭ قىزى بىلەن توي قىلىشقا قىستاۋاتىدۇ.لېكىن مېنىڭ سىزدىن باشقا ھىچقانداق ئايال زاتىنى ياخشى كۆرىشىم مۇمكىن ئەمەس.قانداق قىلشنى بىلمەي بېشىمنىڭ ئىچىمۇ،تېشىمۇ قاتتى.تىزراق بىر ئامال تاپساق بولاتتى. ;#$bqefQx]
ئادىلنىڭ سۆزلىرىنى ئاڭلاپ مېھراي بېشىنى شاققىدە كۆتۈردى_دە،ياشقا تولغان كۆزلىرى بىلەن ئادىلغا مەيۈس نەزەر تاشلىدى. ;jkMW19
__ مەنمۇ سىزدىن باشقا ھىچكىمنى بۇنداق ئوتلۇق ھىسىيات بىلەن سۆيەلمەيمەن.بۇنى سىزمۇ بىلىسىز،بىز بىر ئامال قىلىپ ئانىڭىزنى قايىل قىلايلى،تۇنجى سۆيگۈمىزنىڭ بۇنداقلا ۋەيران بوپ كېتىشىگە قاراپ تۇرساق بولمايدۇ ئادىل. }VR6
-ao
__ بىز كېتەيلى مېھراي،يىراق_يىراقلارغا كېتەيلى،ھازىر بىز ئۈچۈن بىردىن_بىر چىقىش يولى مۇشۇ...__ ئادىل ئاچچىق خۇرسىنغېنىچە شۇنداق دىدى. :@9<#%P]T
__ بىزغۇ قېچىپ بەختىمىزنى تاپارمىز،لېكىن سىزنىڭ ئانىڭىزچۇ؟ئۇنى ئاشۇنداق يەككە_يىگانە تاشلاپ كېتىشكە كۆزىڭىز قىيامدۇ؟مېنىڭ ئاتا_ئانامچۇ؟ئۇلار نىمە بوپ كېتەر... R"Z
__ ئەمسە بىزچۇ؟مۇشۇنداقلا بولدى قىلامدۇق؟مەن سىزدىن ئايرىلسام ياشىيالمايمەن مېھراي،بىز يەنە ئويلىشىپ باقايلى،بەلكىم بىرەر ئامال تېپىلىپ قالار. KP ?0F Rmk
ئادىل بۇ سۆزلەرنى مېھرايغا دەۋاتىدۇ دىگەندىن كۆرە ئۆز كۆڭلىنى بەزلەۋاتىدۇ دىگەن تۈزۈكرەك ئىدى.شۇ تاپتا ھىچقانداق ئامال قالمىغانلىغىنى ھەر ئىككىسى بىلەتتى.ھەر ئىككىسى تۇيۇقسىز بىر مۆجىزە يۈز بېرىپ ئۆزلىرنڭ بۇ قىيىنچىلىقتىن قۇتۇلۇپ كېتىشىنى ئۈمۈت قىلاتتى.تا بۈگۈنگىچەئادىل ئانىسىغا نەچچە يۈز قېتىم يىغلاپ تۇرۇپ يالۋۇردى،ئانىسىنىڭ ئالدىدا تىزلىنىپ تۇرۇپ تويغا رازىلىق بېرىشىنى ئۆتۈندى.لېكىن ئانا ھەرگىز قوشۇلمىدى.تېخى ئۈلۈشكۈنلا ئانىسى ئۇنىڭغا:"ئەگەر بۇ ئىشنى يەنە تىلغا ئالىدىغان بولساڭ مەنمۇ داداڭنىڭ يېنىغا كېتىمەن،ئۆزۈڭ يالغۇز قالغان چېغىڭدا نىمە قىلساڭ قىل"دەپ تەھدېت سالدى.يەنە تېخى ئۇنى مۇشۇ ئاينىڭ ئاخىردا ھېلىقى تۇققىننىڭ قىزى بىلەن توي قىلىشقا قىستىدى.ئەگەر ئادىل بۇ تويغا رازىلىق بەرمىسە ئۇنىڭ بىلەن ئانا_بالىلىق مۇناسىۋېتىنى ئۈزگەنلىگىنى جاكارلارمىش.ئادىل بۇ گەپلەرنى مېھرايغا دىيەلمىدى.مېھرايمۇ بۇ ئىشنى دەپ ئۆيىدىكىلەر بىلەن نەچچە قېتىم سوقۇشتى.ئانا_بالا ئوتتۇرسىدىكى پەدىشەپنى قايرىپ قويۇپ ئادىلغا تەگمىسە ئۆلۈۋالدىغانلىقىنى ئېيتىپ پوپوزا قىلدى.لېكىن بۇلارنىڭ ھىچقانداق پايدىسى بولمىدى.ھەر ئىككى ئۆيدىكى چوڭلارنىڭ پوزىتسىيىسى شۇنچىلىك كەسكىن ئىدى.ئەجىبا ئۇلارنىڭ مۇھاببىتى مۇشۇنداقلا بەربات بولارمۇ؟ئۇلار ئۆمۈرلۈك ئىناق ئائىلە قۇرۇشقا قەسەم ئىچىشمىگەنمىدى؟قېرىپ ئۆلگىچە ئايرىلماي بىرگە ياشاش توغرۇلۇق شىرىن خىياللارنى سۈرۈشمىگەنمىدى؟...دەرەخ تۈۋىدە تەنھا ئورۇندۇق،ئۇنىڭ ئەتراپىدا غازاڭ،غازاڭ ئاستىدا بىر جۈپ ئاياق ئىزى.غازاڭ باسقان يولدىن مۇڭلۇق بىر ناخشا كېلىۋاتىدۇ.غازاڭ باسقان يوللار باھارنى سېغىنىۋاتىدۇ،قايتىدىن بۈك_باراقسان ياشىرىشنى ئويلاۋاتىدۇ.سارغايغان يوللار بىر جۈپ يۈرەكنىڭ تىنىقىنى،بىر جۈپ ئاياقنىڭ تېۋىشىنى كۈتۈۋاتىدۇ.گۈزەل كۈيلەرنى،تاتلىق تۇيغۇلارنى ھەم شېرىن ئەسلىمىلەرنى ئويلاۋاتىدۇ.ئاھ غازاڭلار،غازاڭلار!
0W<w/: 9
s-^K`#X.h?
Qdxo8 TY`
*H&!vY2@
@@' A!oS
2Dx[ =6v
&!>*hy~ [
S+SuyP'j
بۈگۈن ئادىلنىڭ تويى.ساھىپخانلار مېھمانلارنى كۈتۈش بىلەن ئاۋارە ئىدى.تويغا كەلگەن مېھمانلارنىڭ ھەممىسى قىز_يىگىتكە مەڭگۈ ئىناقلىق ۋە بەختىيارلىق تىلەشتى.ئارقىدىن بىر شائىر سەھنىگە چىقىپ ئۇزۇندىن_ئۇزۇنغا سوزۇلغان تەبرىك شېئىرىنى ئوقۇپ ئۆتتى.ئاندىن كەچلىك مۇراسىمنىڭ رەسمى باشلانغانلىغى ئېلان قىلىنىپ ناخشا_مۇزىكىلار ئەۋجىگە چىقتى.مېھمانلار خۇددى شۇنىلا كۈتۈپ تۇرۇشقاندەك جۈپ_جۈپ بولۇشۇپ تانسا ئۇسۇللارغا چۈشۈپ كەتتى.رېستۇراندىكى ھەممەيلەن شۇنچىلىك خوشال(پەقەت ئادىلدىن باشقا).ئاپپاق توي كۆينىگى كىيىۋالغان كېلىنچەكمۇ ئىللىق جىلمىيىپ تەبەسسۇم ئىلكىدە ئولتۇرىدۇ.ئارىلاپ_ئارىلاپ ئادىلغا نىمىلەرنىدۇر دەۋاتىدۇ.بىراق ئادىلنىڭ قۇلىقىغا ھىچقانداق ئاۋاز كىرمەيتتى،ئۇ قىزنىڭ نىمە دەۋاتقانلىغىنى بىلىشكىمۇ ھەپسېلىسى يوق ئىدى.شۇ تاپتا ئادىل يارلانغاندەك ھالسىز ھەم ھارغىن ئولتۇراتتى.ئۇنىڭ خىياللىرى يەنە ئىختىيارسىز ئالى مەكتەپتىكى چاغلارغا يۆتكەلدى،كۆز ئالدىدا مېھراينىڭ سىماسى لەيلەپ تۇراتتى.ئىككىسى بىرگە ئۆتكۈزگەن كۈنلەر ئەمدىلىكتە بىر چۈشكە ئايلىنىپ قالغان ئىدى.لېكىن ئۇ شۇنداق ساپ،گۈزەل،شىرىن چۈش!ئادىلنىڭ كۆڭلى بۇزۇلۇپ،قەلبىدە ھەسرەت ئوتلىرى يېنىپ كەتتى.ئۇنىڭ نەزەرىدە ھاياتنىڭ ئەمدى ھىچقانداق قىممىتى قالمىغان ئىدى.ئاشۇ مىنۇتلاردا مېھرايمۇ ئۆز ھوجىرسىغا بېكىنىۋېلىپ قاتتىق ئازاپ ئىلكىدە ئولتۇراتتى.ئۇنىڭ قولىدا ئادىل بىلەن يۈرگەن چېغىدا يازغان كۈندىلىك خاتىرە،مېھراي خاتىرىنى ۋاراقلاپ ئولتۇرۇپ تېخىمۇ كۆڭلى يېرىم بولدى ۋە خاتىرگە قايسىدۇر بىر كىتاپتىن كۆرگەن مۇنۇ قۇرلارنى كۆچۈرۈپ قويدى:"...خۇدادىن تىلىدىم:ماڭا بەرگەن بالايىڭنى كۆتۈر،مېنى قۇتقۇز ۋە ماڭا ئاتا قىلغان سائادىتىڭىنى ئارتۇق كۆرمە!ھاياتنىڭ ۋە مۇھاببەتنىڭ تەمىنى تېتىتىپ قويۇپ كەينىدىن يىغلىتىش،ھەسرەت_نادامەت بىلەن ئۆلتۈرۈش ئۇلۇغ شەنىڭگە ياراشماس!يىغلىدىم_قاخشىدىم.داد_پەرىياد چەكتىم.مەن بىر گۇناھسىز،بىغۇبار ياش بولۇش سۈپىتىم بىلەن،قەلبىمنىڭ ساپلىقى،ۋىجدانىمنىڭ ئاقلىغى بىلەن ساڭا سېغىنىپ،ساڭا ئۈمۈد باغلاشنى بىلگەندىن كېيىن مېنى جانسىز ياغاچ پارچىسىدەك كۆرۈپ يېرىپ قالاش،سېنىڭ ئادالىتىڭ بىلەن چىقىشالماس...ۋاقىردىم،چاچلىرىمنى يۇلدۇم.بىر زەئىپ جىگەرنىڭ يارىلار بىلەن چىرىپ كېتىشىنى،بىر زەئىپ روھنىڭ ھۇزۇرۇڭغا مەزلۇم بولۇپ كېلىشىنى سېنىڭ مەرھېمىتىڭ قوبۇل قىلالماس!سېنىڭ خەزىنىلىرىڭدە يارىنى ساقايتىدىغان دورا يوقمۇ؟كېسەللىككە شىپا بولىدىغان داۋا يوقمۇ؟مېنى ساقايىت.روھىمغا شىپا بەر،يارامغا دورا تاپ..."مېھراي مۇشۇ قۇرلارنى ئارانلا يېزىپ تۈگىتەلىدى.كۆز ئالدىدا يەنىلا ئادىل بىلەن بىرگە يۈرگەن كارتىنىلار...ئۇ كۆزلىرىنى يۇمۇۋالدى.ئاندىن يوتقانغا پۈركىنىپ يۈرىكىدىن ئېتىلىپ چىققان دەرىد_ئەلىمىنى باسالماي يىغلاشقا باشلىدى.مېھراي مۇھاببەت ئالىمىدە ھچقانداق نەرسىگە ئىگە بولالماي يىقىلىپ چۈشتى.ئۇنىڭ قۇلاقلىرىدا بۇ يىقىلىشنىڭ بورىنى گۈكىرەپ ئۇچۇپ،كۆزلىرىنى تەغدىرنىڭ ئىس_تۈتەكلىرى قاپلىدى..ئاھ!تۇرمۇشتا ئۆزىگە تەئەللۇق بولمىغان بىرەرىنى سۆيۈشتەك مۇھاببەتنىڭ ئازابى نىمە دىگەن يامان ھە! _FUP1
/9
تويدىن كېيىن خېلى ۋاقىتقىچە ئادىل ئايالىنىڭ چىرايىغا قارىمىدى.يېنىغا يېقىن يولىمىدى.ئادىلنىڭ ئايالى يېرىم كېچىدە ئۇشتۇمتۇت ئويغىنىپ كېتىپ قالسا ئادىلنىڭ دەرىزە ئالدىدا بىر رومكا ھاراقنى كۆتىرۋالغان،پۇقىرتىپ تاماكا چېكىپ ئولتۇرغان ھالىتىنى كۆرەتتى.ئۇ شۇ ھالەتتە سائەتلەپ ئولتۇراتتى.بۇنداق چاغلاردا ئادىلنىڭ ئايالى قاپقارا تورۇسقا قاراپ يېتىپ تارىتقان ھەممە خورلۇقىنىڭ دەردىنى كۆزىدىن ئالاتتى.ئالدىنىقى ھەپتە چوڭ ئۆيگە پەتىلەپ بارغاندا ئانىسىغا دەردىنى تۆكۈپ يىغلىغاندى.بىراق شۇ چاغدا ئۇنىڭ ئانىسى چاك_چاك يېرىلىپ كەتكەن قوللىرى بىلەن قىزىنىڭ چاچلىرىنى سىلاپ تۇرۇپ؛"سەۋىر قىل قىزىم،ئۇلار دىگەن ئەر خەق،بىز بولساق خوتۇن كىشى.بىزنىڭ پىشانىمىزگە پۈتۈلگىنى سەۋرى_قانائەت،سەۋرى قىلساڭ غورىدىن ھالۋا پۈتىدۇ..."دىگەندى.ئۇ ھازىرمۇ ئانىسىنىڭ ئاشۇ سۆزلىرىنى ئەسلەپ ئۆزىگە تەسەللى بەردى.بۇ بەخىتسىز ئايال ئادىلنىڭ مۇشۇنداق تۇرقىنى كۆرۈپ ئىچىدە ئوتتەك بىر نەرسە لاۋۇلداپ ياناتتى.تامىقى قۇرۇپ نەپسى بوغۇلاتتى.ئۇ ئۆزىنىڭ بارلىق مۇھاببىتى ھەم ياشلىقى بىلەن ئۇنى بەخىتلىك قىلىشنى،ئۇنىڭ دەرىدلىك قەلبىگە ھەمدەم بولۇشنى ئىستەيتتى.ئۇنىڭ ئاستا_ئاستا بۇرۇنقى سۆيگىنىنى ئۇنتۇپ رىئاللىقنى ئېتراپ قىلىشىنى ئۈمۈد قىلاتتى.ئادىلنىڭ ئازاپلىق روھى ھالەتتىن ئۈزۈپ چىقىشنى تىلەيتتى.ئايالىنىڭ قانداقمۇ چىداپ شۇنچە ۋاقىتنى ئۆتكۈزگېنىگە ئادىلنىڭ ئۆزىمۇ ھەيران ئىدى.ئۇنىڭغا ۋە ئۆزىگە ئىچى ئاغرىيتتى.بىر كۈنى يېرىم كېچىدە ئادىل غەرىق مەس ھالەتتە ئۆيگە قايتىپ كەلدى،سىرىتتا شاقىراپ يامغۇر يېغۋاتاتتى،ئادىلنىڭ پۈتۈن ئۈستىبېشى چىلىق_چىلىق ھۆل بوپ كەتكەندى.ئايالى ئۇنىڭ كىيىملىرىنى يۆتكەپ قويماقچى بولۇپ مايكىسىنى تارىتقۇشلىۋىدى،ئادىل ئايالىنى مەھكەم قۇچاقلىۋالدى.ئۇ ئايالىنىڭ چاچلىرىنى سىلىغېنىچە مېھراينىڭ ئىسمىنى چاقىراتتى،ئاللىنىمىلەرنىدۇر دىگىنىچە ئايالىنى سۆيەتتى،ئۇنىڭ يۈزلىرى نەملەنگەن بولۇپ كۆز يېشىمۇ ياكى يامغۇر سۈيىمۇ بىلىپ بولمايتتى... EZsP FKo-
or I] E.[?
{[ev3 nVl
#:xpK= [
6* lO;
"dVC:h!%_
بۈگۈن مېھرايغا چاي ئىچۈرۈلدى.ئىككى ئۆيدىكى چوڭلار يېقىن ئەل_ئاغىنىلەردىن ئىدى.مېھرايغا دادىسى بىلەن ئانىسى نۆۋەتلىشىپ خىزمەت ئىشلەش ھەم ياخشى _يامان ۋاستىلەر ئارقىلىق تەھدېت سېلىشلار نەتىجىسىدە قىزنىڭ رازىلىقىنى ئالدى.ھازىر ئۇنىڭ ئۈچۈن كىم بىلەن توي قىلىش بەرىبىرغۇ؟!ئۇنىڭ يۈرىكى ئاللىبۇرۇن ئۆلگەن،ئۆلگەن يۈرەكتە مۇھاببەت نىمە قىلسۇن!ئۇ ھازىر پۇت_قولى باغلانغان قويغا ئايلانغان ئىدى.ئالدىنقى ھەپتە ئادىل ئۇنى ئىزدەپ ئىدارىسغا باردى.يىغلىدى،قاخشىدى،ئۇنىڭسىز ياشاشقا كۆنەلمىگەنلىگىنى،ئۇنىڭدىن ئۆزىنى ساقلاپ تۇرۇشنى،ھازىرقى ئايالى بىلەن پات ئارىدا ئاجرشىپ كېتىدىغانلىغىنى ئېيتتى.مېھرايمۇ ئادىلنى ئۇنتالمىغاندى،ئۇنىڭ ئۈچۈنمۇ ھەر كۈنى ئادىلنى ئويلاش ھاياتىنىڭ بىردىنبىر تەسەللىسى ئىدى.ئادىلنىڭ سۆزلىرىنى ئاڭلاپ مېھراينىڭ كۆڭلىدە ئاجىزانە بىر ئۈمۈد پەيدا بولغان،سولاشقان غۇرۇرى بىلىنەر_بىلىنمەس بىر خىل ھاياجان بىلەن جانلىنىشقا باشلىغاندى.ئۇ يىغلىۋەتمەسلىك ئۈچۈن چىشلىرىنى چىشلىۋالدى.ئۇنىڭغا شۇ چاغدا ئادىلغا دەردىنى تۆككۈسى كېلەتتى.داۋاملىق چۈشلىرى بۇزۇلۇپ ئۇخلىيالمىغانلىقىنى،كېچىلەرنى قاتتىق ئازاپ ئىچىدە ئۆتكۈزگەنلىگىنى،قەلبىدىكى سۆيگۈ ئاتەشلىرىنىڭ تېخىچە ئۆچمەيۋاتقانلىغىنى...ئادىلغا ئېيىتقۇسى كېلەتتى.بىراق ئادىل ھازىر بۇرۇنقى ئادىل ئەمەس،ئۇنىڭ نىكاھلاپ ئالغان ئايالى ئۆيىدە يولدېشىنىڭ كېلىشىنى كۈتۈپ تۇرىدۇ...مېھراي خوشلىشىدىغان چاغقىچە ھىچنىمە دىمىدى،ھەممە گەپلەرنى ئىچىگە يۇتۇۋەتتى.ئەي خۇدا!ئىنسانلارغا بەرگەن سەۋىر_تاقىتىڭ نىمە دىگەن چەكسىز ھە!... 4L=F`Ie
ئەتىسى مېھراي ئادىلنىڭ ئايالى قىلغان قىسقا ئۇچۇرنى تاپشۇرۋالدى.ئۇنىڭ دىيىشىچە ئايالى ئادىل ئىككىسىنىڭ كۆرۈشكەنلىگىنى بىلىپ قاپتۇمىش،ھازىر ئۆزىنىڭ قوسىغىدا بارمىش...ئاخىردا يەنە نىمە گەپلەر بولۇنغانلىغى مېھراينىڭ يادىدا يوق.ئۇنىڭ مېڭىسى ۋىڭىداپ ئاغرىيتتى،يۈرىكىگە زىخ سانجىغاندەك ئېچىشىپ كېتۋاتاتتى...بىر ھازادىن كېيىن ئۇ ئۆزىنىڭ ھازىرقى ھالىتىگە كۈلگۈسى كەلدى،توي قىلغاندىن كېيىن پەرزەنىتلىك بولۇش ناھايتتى نورمال ئىشقۇ.ئۇ ئاشۇنداق دەپ ئۆز_ئۆزىنى بەزلىدى.لېكىن يۈرىكى قاتتىق ئاغرىپ كېتۋاتاتتى.ئەمدى ئادىلنىڭ ئاجىرشىمەن دىگىنى مۇمكىن ئەمەس ئىشكەن.قارىغاندا تەغدىرگە تەن بەرمەي ئامال يوق ئوخشايدۇ. 4WB
?&c
شۇنداق قىلىپ مېھراينىڭ توي كۈنىمۇ بېكىتىلدى.بۈگۈن تويلۇق چۈشكەن رەسىملەر چىققان ئىدى.مېھراي ئىشتىن يېنىپ تويلۇق رەسىملەرنى ئېلىپ چىقتى.جازىغا ئېلىنغان 24 سۇڭلۇق سۈرەتتە دولقۇنسىمان بۈدرە چېچى ئۆزىگە قەۋەتلا ياراشقان،كېلىشكەن بىر يىگىت قىزنىڭ مۈرىسىنى تۇتۇپ كۈلۈپ تۇراتتى.قىز ئاپپاق كۆڭلەك كىيىپ پەرىشتىلەرگە ئوخشاپ قالغاندى،ئەمما قىزنىڭ كۆزىدىن مۇڭلۇق بىر ئۇچقۇن يېنىپ تۇراتتى.مېھراي رەسىمگە قاراپ چۈشىنىكسىز كۈلۈمسىرەپ قويدى_دە،بېكەتكە كېلىپ ئاپتۇۋۇز ساقلاپ تۇردى.ئاخشامدىن بېرى ياغقان قار شىۋىرغانغا ئايلانغاندى.دەل_دەرەخ ۋە ئۆگىزلەردە بوران دەھشەتلىك گۈكىرەيتتى.مېھراي ئۇچىسىدىكى قارلارنى چۈشۈرۈش ئۈچۈنمۇ ياكى ئىسسىنىش ئۈچۈنمۇ ئاياقلىرىنى يەرگە ئۇرۇپ قويدى.ئاشۇ چاغدا ئالدىدا بىر ماشىنا توختاپ ماشىنىدىن ئادىل بېشىنى چىقاردى،ۋە بۇيرۇق تەلەپپۇزدا:__ماشىنىغا چىقىڭە __ دىدى.مېھراي چۆچۈپ كەتتى.ئۇ بۈگۈن ئادىلنى ئۇچرىتارمەن دەپ ئويلاپمۇ باقمىغان ئىدى.مېھراي بۇ يەردە تارتىشىپ تۇرۇشنىڭ پايدىسى يوقلىغىنى بىلىپ ماشىنىغا چىقتى.ئۇ خۇددى ئوغىرلىق قىلىپ تۇتۇلۇپ قالغان ئادەمدەك قولىدىكى سۈرەت جازىسىنى ھەدەپ كەينىگە يوشۇراتتى.ئۇنىڭ بۇ ھەركىتى ئادىلنىڭ دىققتىنى قوزغىدى. Iy]e\~J8h
__ نىمە ئۇ قولىڭىزدىكى؟ 2RtAX^-
__ ھىچنىمە!بولدى ماشىنىڭىزنى ھەيدەڭ.__ دىدى مېھراي. [<+' .~I
__ ئەكىلىڭە كۆرۈپ باقاي،رەسىمدەك قىلىدۇغۇ،كىمنىڭ رەسىمى ئۇ؟__ئادىل شۇنداق دىگىنىچە رەسىملەرنى مېھراينىڭ قولىدىن ئېلىۋالدى.ماشىنىنى يولنىڭ چېتىگە توختۇتۇپ قويۇپ رەسىمگە تىكىلىپ قارىدى_دە چىرايى شۇ ھامان ئۆزگىرىپ كەتتى.ئۇ گەپ _ سۆز قىلماي يانچۇقىدىن بىر تال تاماكىنى چىقىرىپ تۇتاشتۇردى ۋە ئاچچىق بىلەن نەچچىنى شورىۋەتكەندىن كېيىن بۇرۇلۇپ مېھراينىڭ چىرايىغا قارىدى. 8ZF"p &C=
__ بەللى...مۇنداقمۇ يېڭىلىقلار بار دەڭ تېخى،مەن بىلمەي يۈرۈپتىمەن ئەمەسمۇ.مەن ئالدىنقى قېتىم كۆرۈشكەندە سىزنى ساقلاپ تۇرۇڭ،مەن چوقۇم ئاجىرشىمەن،ھەممە ئىشنى يېڭىدىن باشلايلى دىسەم گەپ قىلماي ئولتۇراتتىڭىز ئەسلىدە مۇشۇ يىگىتكە تارتىشىپتىكەنسىزدە!__ دىدى ئادىل تىترەپ تۇرۇپ. f_PM 4$
O
__ قالايمىقان بىلجىرلىماڭ!مەن ئۇ چاغدا بۇ بالىنىمۇ تونۇمايتىم، بۇ توي ئىشىنى چوڭلار قارار قىلدى.مەن نىمىمۇ دىيەلەيتىم؟!ئۇنىڭ ئۈستىگە سىزنىڭ ئايالىڭىز ھازىر ئىككى قاتكەن،مۇشۇنداق شارائىتتا ئۇنى تاشلىۋېتىش مەسئۇليەتسىزلىك بولمامدۇ؟!ئەمدى بولدى قىلايلى ئادىل. sR7{+"1
مېھراي ئۆكسۈپ يىغلىغىنىچە ماشىنىدىن چۈشۈپ كەتتى.شۇ ئەسنادا ئۇنىڭغا بولغۇسى يولدېشىدىن تېلفون كەلدى ۋە مېھراينىڭ ئۇنىمىغىنىغا قويماي ئۇنى ئالغىلى كەلمەكچى بولدى.ئادىل مېھراي چۈشۈپ كەتكەندىن كېيىن يۈزىنى ماشىنىڭ رولىغا يېقىپ ھۆڭرەپ يىغلاپ كەتتى،ئۇ مېھرايغا چىدىمايۋاتاتتى،ئۇنىڭ باشقا يىگىت بىلەن توي قىلماقچى بولغىنىنى ئىدىيىسىدىن ئۆتكۈزەلمەيۋاتاتتى.ئۇ تا بۈگۈنگېچە مېھراينى يۈرىكىنىڭ چوڭقۇر قاتلىمىدىن سۆيۈپ كەلگەندى،ئۇنى ئۇنتۇلمىغاندى.ئەجىبا ئىككىسىنىڭ ئايرىلغىنى ئۆزگەرمەس ھەقىقەت بولۇپ قالغانمىدۇ؟!بىر ھازادىن كېيىن ئادىل بېشىنى كۆتۈردى.يولنىڭ ئۇدۇلىدا مېھراي بىر يىگىت بىلەن پاراڭلىشىپ تۇراتتى.يىگىت مېھراينىڭ قولىدىكى سۈرەتنى ئالدى ۋە ئۇنى مۈرىسىدىن تۇتۇپ تۇرۇپ بىر نىمىلەرنى دىدى.ئاندىن ماشىنا توسۇش ئۈچۈن چوڭ يولغا چىقپ ماڭدى.ئادىل بۇ مەنزىرىنى كۆرۈپ چىدىيالمىدى.قەلبىدە ئۈمۈتسىزلىك ھۆكۈم سۈرەتتى.يۈرەكلىرىدىن قان تېمۋاتاتتى.ئۇنىڭ كۆز ئالدىدا مېھراي ئىككىسىنىڭ بىرگە ئۆتكەن گۈزەل كۈنلىرى خۇددى كىنو لېنتىسىدەك بىر_بىرلەپ زاھىر بولىۋاتاتتى،شۇلارنى ئويلىغانچە ھاياجانلىنىپ كونتىروللىقىنى يوقىتىپ قويۋاتاتتى.ئۇ تۇيۇقسىز ئاچقۇچىنى بۇراپ ماشىنىنى ئوت ئالدۇردى،ئۇنىڭ كۆزلىرىدە ئادەمنى شۈركەندۈردىغان سوغۇق بىر نۇر يالتىراپ تۇراتتى. fR@1Ie/h:
__ مېنى كەچۈرۈڭ مېھراي،مەندىن رازى بولۇڭ. بىز بىر_بىرىمىزنى شۇنچىلىك ياخشى كۆرۈپ تۇرۇپ بىرگە بولالمىدۇق،ئەمدى ئۇ دۇنيادا كۆرۈشەيلى!...__ ئادىل ئۆز_ئۆزىگە شۇنداق پىچىرلىغىنىچە مېھراي بىلەن يىگىتىنى زەرىپ بىلەن سوقتى،ئاندىن ماشىنىنى يول بويىدىكى سىتولبىغا سوقتى... g(s$
.Uh8Cf
H V.3O8
akeC%&]^
/90FraKT`
ئادىل كۆزىنى ئېچىپ ئۆزىنى تاملىرى ئاپئاق ئاقارتىلغان يورۇق بىر ھوجرىدا كۆردى.پۈتۈن بەدىنى چىڭقىلىپ ئاغرىۋاتاتتى.كاللىسىمۇ ئىشلىمەيتتى.ۋۇجۇدى قاتتىق ھارارەت ئىچىدە قالغاندەك،گاھ ئاق چاچلىق دوختۇرنىڭ تومۇرىنى تۇتىۋاتقانلىغى،گاھ سۇلغۇن چىراي سېستىرانىڭ ئەتراپىدا يۈرگەنلىگىنى سېزىپ تۇراتتى.دوختۇر ئادىلنىڭ سالامەتلىگى ھەققىدە قىسقىچە مەلۇمات بەردى: `q& N fd
__ئوڭ قولىڭىز سۇنۇپ كېتىپتۇ،ئوقرەك سۆڭىكىڭىزگە دەز كېتىپتۇ...ھادېسدە ساق قالغىنىڭىزنىڭ ئۆزى ئاجايىپ بىر كارامەت بوپتۇ.ئۆزىڭىز ساغلام بولغاچقا ئۇزۇنغا قالماي ئەسلىگە كەپ بولىسىز،يەنە بىر ئايغا قالماي سەللىمازا ساقىيىپ كېتىشىڭىزدە گەپ يوق.خۇدايىم ئۇ قىزغا جەننەت ئاتا قىلسۇن!سىزگىمۇ سەۋىر تىلەيمەن! 2fV \d?SB
ئادىل شۇ ھامان يۈزىنى قوللىرى بىلەن توسۇۋالدى.گويا بېشىغا ئاسمان دۈم كۆمتۈرەلگەندەك بولدى.باشلىرى گاڭگىراپ،بەدەنلىرى كۆيۈشۈپ تۇرغان جايىغا يىقىلدى.ئادىل قانچىلىك ۋاقىت ھوشسىز ياتقىنىنى ئۆزىمۇ بىلمەيتتى.ئېسىگە كەلگىنىدە دوختۇر ۋە ئانىسى بېشىدا ئۆرە تۇراتتى. N)[wH;ya+
__ سىز بەك ھاياجانلانماسلىقىڭىز كېرەك،ئارتۇق خىيال قىلماي ياخشى داۋالىنىڭ__ دوختۇر شۇنداق دىگىنىچە ئىشىكنى يېپىپ چىقىپ كەتتى.ئانىسى كۆزلىرىدىن تارام_تارام ياش تۆككىنىچە ئوغلىنى چىڭڭىدە قۇچاقلىدى دە: 8L)F:=
__ جېنىم ئوغلۇم،ئۆزەڭنى بېسىۋال،ئۆلگەننىڭ كەينىدىن كەتكىلى بولمايدۇ،مېنىمۇ ئويلاپ قوي__ دىدى. 6UP(W6
__ بولدى سۆزلىمەڭ،دەل سىز بىزنى ۋەيران قىلدىڭىز،ئەمدى ماڭا بۇنداق گەپلەرنى قىغۇچى بولماڭ!مېھراينى مەن ئۆلتۈردۈم،ئەسلىدە ئۇنىڭ بىلەن تەڭ ئۇ دۇنياغا سەپەر قىلماقچىدىم،ماڭا ۋاپا قىلمىغان دۇنيانى تاشلاپ كەتمەكچىدىم،قانداق بولۇپ مەن ساق قالغاندىمەن...ئۇنى بۇ دۇنيادا ھايات دەپ بىلگەنلىگىم ئۈچۈن بارلىق دەرىد_ئەلەم ۋە ئازاپلارغا بەرداشلىق بېرىپ كەلگەندىم،ئۇنىڭ نەپسى توختىغان ۋە قارا تۇپراققا ئايلانغان بولسا بولسا ماڭا بۇ ھاياتنىڭ نىمە كېرىكى؟!... ;wo9$:_Z8G
__ ئۇنداق دىمە جېنىم بالام،مەن جېنىمنى تىكىپ بولسىمۇ سېنى ئاخلاپ چىقىمەن،قانچىلىك پۇل خەجلسەم مەيلى... Xe?\=
__ بولدى قىلىڭ!__ ئادىلنىڭ ۋاقىرغان ئاۋازى بالنىسىتنى كۆتۈرۋەتتى.ئادىلنىڭ كۆز ياشلىرى سەلدەك ئېقىۋاتاتتى.ئانىسىمۇ چاچلىرىنى يۇلۇپ نالە_پەرياد قىلىپ يىغلايتتى. o9*15AN
بۈگۈن ئوچۇق سوت ئېچىلدى.سوت زالىغا ئادەملەر لىق تولغان ئىدى.بۇنىڭ ئىچىدە مېھراي ۋە ئادىلنىڭ ئۇرۇق_تۇققانلىرى،ئۇلارنىڭ دوسىت بۇرادەرلىرى ۋە ۋەقەنىڭ تەپسىلاتىغا قىزققان سىرىتتىن قاتناشقۇچىلارمۇ بار ئىدى.زال ۋاراڭ_چۇرۇڭغا تولغاندى،سوتنىڭ نەتىجىسى ھەققىدە ھەر كىم ھەر نىمىلەرنى دەپ پەرەزلىرىنى سۆزلىشەتتى.سوتچىلارنىڭ زالغا كىرىپ كېلىشى بىلەن زال سۇ قۇيغان قازاندەك جىمىپ كەتتى.ھەممە ئادەم ئۆز ئورنىدا ئورۇن ئالغاندىن كېيىن سوتنىڭ رەسمى باشلانغانلىغى ئېلان قىلىندى ۋە سوت تەرتىۋى بويىنچە ھەيئەت ئەزالار تونۇشتۇرۇلدى.ئاندىن تەپتىش خادىم مەيدانغا چىقىپ جىنايەت گۇماندارىنى ئەيىپلەش سۆزىنى ئوقۇپ ئۆتتى.ئارقىدىن تەپتىش جىنايەت گۇماندارىدىن سوئال سوراشنى باشلىۋەتتى.بىراق ئادىل ھىچقانداق سوئالغا جاۋاپ بەرمەي ھاڭۋېقىپ تۇراتتى.ئۇنىڭ چاچ_ساقاللىرى ئۆسۈپ كەتكەن،كۆزلىرى يىغىدىن قىزارغان بولۇپ چىرايىدىن قاتتىق ئازاپلىنىۋاتقانلىغى چىقىپ تۇراتتى.ئادىل تەپتىشنىڭ ئارقا_ئارقىدىن سورىغان بىر مۇنچە سوئاللىرنىڭ بىرىگىمۇ جاۋاپ بەرمىدى. E aX>H T
__ ئادىل،سەن قەستەن بىر ئادەمنىڭ ئۆلۈشى ۋە يەنە بىر ئادەمنىڭ يارلىنىشىغا سەۋەپچى بولدۇڭ.بىزنىڭ قولىمىزدا پاكىت تولۇق،سەن تېنىۋالىمەن دىگۈچى بولما! __ دىدى تەپتىش خادىم كەسكىنلىك بىلەن.دەل شۇ چاغدا ئادىلنىڭ بوش ئەمما قەتئىلىك چىقىپ تۇرغان ئاۋازى ئاڭلاندى. 70 ]nK=:
__ شۇنداق،مېھراينى مەن ئۆلتۈدۈم.مەن جىنايەتچى،مېنى مېھراينىڭ يېنىغا بارغىلى قويۇڭلار،ئۇ مېنى بەك ساقلاپ كەتمىسۇن... =dq,7
6k
ئادىل تەپتىشنىڭ كېيىنكى سوئاللىرىنىڭ ھەممسىگە خۇددى يادىلىۋالغاندەك ئاشۇ بىر سۆزنىلا تەكرارلايتتى.زالدا كۇسۇرلىشىشلار باشلاندى.شۇ چاغدا باش سوتچى سوتنىڭ ۋاقتىنچە توختىتىلغانلقىنى ئېلان قىلدى.بارلىق تەپتىش خادىملىرى سوت زالىنىڭ يېنىدىكى ئىشىخانىغا كىرىپ كەتتى. yRsg0 8T
ۋاقىت ئاستا_ئاستا ئۆتۈۋاتاتتى.ئولتۇرغانلار تاقەتسىزلىنىپ كېتىۋاتاتتى.ئۇلار سوت ھۆكۈمىنى تىزراق ئاڭلاشقا ئالدىرايتتى.ئارىدىن ئالاھىزەل بىرەر سائەت ئۆتۈپ سوت خادىملىرى زالغا قايتا كىرىپ كېلىشتى.ئەتراپنى بىر خىل جىددى كەيپىيات قاپلىغان ئىدى.باش سوتچى گېلىنى قىرىپ قويۇپ ھەممەيلەننى تەققەززا قىلغان ھۆكۈمنى ئوقۇشقا باشلىدى: z\ p69Q
__ جۇڭخۇا خەلىق جۇمھۇريىتى جىنايى ئىشلار قانۇنى بويىنچە ئادىلنىڭ قەستەن ئادەم ئۆلتۈرۈش جىنايىتى ئۈچۈن ئۆلۈم جازاسى بېرىلدى!... +OJid=
ھۆكۈمنى ئاڭلىغان ئادىلنىڭ ئانىسى جايىغىلا يىقىلىپ چۈشتى.
{5p+ ;(~I
B }.
\^6
R]X#Dy\ 8
wR CPTbC0
|h$>T}Q0
w
s?{(Zl
Z| QZ1N I
سىرىتتا بوران چىقماقتا.دەرىزىلەرگە ئۇششاق قارلار ئۇرۇلاتتى.ئىگىز دەرەخلەرنىڭ گۈكىرىشى غەلىتە ئاۋازلارنى پەيدا قىلاتتى.دوختۇرخانىنىڭ تۇغۇت بۆلىمىدە ئادىلنىڭ ئايالى تولغاقتىن مىڭ ئۆلۈپ_مىڭ تىرىلىپ ياتاتتى. 4%5^x6{
__ يەنە بىر ئاز غەيرەت قىلىڭ،بىردەم چىداڭ!__ تۇغۇت بۆلىمىدىن دوختۇرنىڭ دەممۇ دەم مەدەت بەرگەن ئاۋازى كېلىپ تۇراتتى.ئارىدىن ئۇزۇن ئۆتمەي بىر بوۋاقنىڭ ئىڭڭەلەپ يىغلىغان ئاۋازى ئاڭلاندى. p"GW+^+
__ مۇبارەك بولسۇن!قىزكەن!__ دوختۇرنىڭ سۆزىنى ئاڭلىغان ئايال پۈتۈن كۈچىنى يىغىپ بېشىنى كۆتۈرۈپ بوۋاققا قارىدى. :(bQ1{w|:
دەل شۇ چاغدا تاغ تەرەپتىكى قەبرىستانلىقتىكى يېڭىدىن توپا تاشلانغان قەبرە ئالدىدا جامائەت ئولىشىپ تۇراتتى.مۇڭلۇق خەتنە_قۇرئاننىڭ ئاۋازىدىن ئىخىتىيارسىز كۆزگە ياش كېلەتتى.ئەتراپتا زومچەك_زومچەك قورقۇنۇچلۇق قەبرىلەر،تاغ_چوققىسىدىكى قىش ياز ئېرىمەيدىغان قارلار،قاياقتىندۇر كۆتۈرلىۋاتقان ئىس_تۈتەكلەر بىرلىشىپ تېخمۇ ئېچىنىشلىق مەنزىرە ھاسىل قىلغاندى.ئادىلنىڭ ئانىسى قەبرىگە ئۆزىنى تاشلاپ ئۆكسۈپ_ئۆكسۈپ يىغلايتتى.شامال گۈكىرمەكتە،ئانىنىڭ يىغىسى بارغانچە كۈچەيمەكتە.مەيلى،يىغلىۋالسۇن،قانغۇچە يىغلىۋالسۇن.يۈرىكىدىكى بارلىق ئازاپلىرىنى كۆز يېشى ئارقىلىق يۇيۇپ چىقىرۋەتسۇن!
9, Sb!jQ
Qg{`XmU9
S!J9b&^
}p|.?Kg(M 
bQ)]5 (A*
Yl4M@
]
نەرگىزە
2009_يىل.27_مارىت
[ بۇ يازمانەرگىزەتەرپىدىن2009-03-28 07:18دە قايتا تە ]
