بوۋامنىڭ ھېكايەتلېرى
   بەزىدە بوۋامغا قاراپ توۋا دەپمۇ قالىمەن.تۈزۈك ساۋادى چىقمىغان ئادەم ھېكايە دېگەننى ئالامەت سۆزلەيتتى.ئەلۋەتتە چوڭلار ھېكايە سۆزلەشكە بەك ئۇستا.ئەمما بوۋامدەك ھىكايە سۆزلەيدىغان ئادەمدىن بىزنىڭ يېزىدىن پەقەت بىرسىلا بار.شۇڭلاشقىمىكىن ئىچى پۇشۇپ قالغان قالغان چوڭلار،نامازدىن يېنىپ مەسچىت ئالدىدا بىر پاراڭغا چۈشسە شۇ پاراڭ بىلەن يەنە بىر نامازنى ئۇلايتتى.بوۋام مەسچىتتىن باشقا جامائەتتىن كېيىنراق چىقاتتى.چۈنكى ئۇ ئۇلۇغ ئاللاھتىن گۇناھىنىڭ مەغپىرىتىنى تىلەپ ئۇزاق دۇئا قىلىدۇ.بالدۇر چىققان جامائەت بولسا تۆت-بەشەيلەن يىغىلىپ بۇرۇنقى ئىشلاردىن سۆزلەپ كېلىپ گېپىنى ئېراق،پەلەستىن،ئامىرىكىغا ئۇلاپ بولاتتى.ھەيران قالماڭ،سىز بىز مەملىكەت خەۋىرى ۋە خەلقارا خەۋەرلەرنى كۆرمىگەن بىلەن چوڭلار بەزىلېرى تېلۋىزور كۆرۈپ،يا بولمىسا ھېجىلەپ گېزىت ئوقۇپ بولسىمۇ بۇنداق خەۋەرلەرنى بىلىۋالاتتى دە،پاراڭغا چۈشكەندە قېتىپ-قوشۇپ بىلگىنىنى سۆزلەيتتى.بەزى كىشىلەر ناماز ئوقىمىسىمۇ شۇپاراڭلارغا مەھلىيا بولۇپ،جامائەت نامازدىن چۈشكىچە مەسچىت ئالدىدىكى يەرگە كېلىپ بولاتتى.مەسچىتنىڭ ھۆرمىتىدىنمۇ بۇ پاراڭلار شۇنداق ئۇزۇنغا سوزىلسىمۇ ئىس-تۈتەكسىز پاراڭ بولاتتى.مەنمۇ كۆپ ھاللاردا مەسچىتنىڭ ئالدىغا جامائەتتىن بۇرۇن ئوينىغان بولۇپ ئۈنۈپ بولاتتىم.جامائەت نامازدىن چىقىشى ھامان يېنىغا بېرىۋالاتتىم.ئەمما گەپ قىلىشتىن ئەيمىنىمەن.چۈنكى كىچىك بالىدە.گەرچە چوڭلارنىڭ دېگەن گەپلېرى مەن ئوقىغان گىزىتتىكىدەك تەپسىلىي بولمىسىمۇ ئەمما چوڭ ئىشلانى يەنىلا ئوخشاش سۆزلەيتتى.چوڭلار پارىڭىنى بىريەرگە ئۇلاپ بولغاندا بوۋام ئالدىرىماي چىقاتتى دە،توپقا قوشۇلۇپ ئولتۇراتتى.باشقىلار بوۋام چىققان ھامان پارىڭىنى توختىتىپ بوۋامغا قارايتتى يۇ،بوۋامدىن گەپ چىقمىغاندىن كېيىن يەنە باشقا پاراڭغا چۈشەتتى.بوۋام بولسا كېلىپلا پاراڭغا چۈشمەستىن ئاۋۋال نېمە تېمىدا پاراڭ بولىنىۋاتقانلىقىنى زەن قويۇپ ئاڭلايتتى،ئاندىن پاراڭ تېمىسىغا ئائىت ھىكايە ھەققىدە باش قاتۇرۇپ بولۇپ،ئاندىن ئالدىرىماي سۆزلەيتتى.
   ـ ئۈلۈشكۈن دەپ گەپ باشلىدى بىر ئۆمۈر تۆمۈر بىلەن ھەپىلەشكەن ھېزىم  تۆمۈرچى،ئېشىكىمگە نا قاقتۇرغىلى(يەنى ئات-ئېشەكلەرنىڭ پۇتىغا تۆمۈردىن قىلىنىدىغان تاقا)ئاپىرىپ قارىسام ئەخمەت باركەن،شۇنۇڭغا قاقتۇرۇپ كېلىپ،تۆنۆگۈن بىركۈن ماڭغان ئېشىكىمنىڭ پۇتى بۈگۈن قارىسام قاناپ كېتىپتۇ،بىچچارە يەرگە تۈزۈك دەسسەپمۇ تۇرالمايدۇ.بۈگۈنكى ھۈنەرۋەنلەرگە ئىنساپ تىلىمىسەك بىكار بولۇپ كېتىپتۇ.ھەممىسى پۇل،پۇل دەپلا ئىشلەيدىكەن،ئاستا قاراپراق قاق دەپ تۇرسام يەنە قىڭغىر قېقىپ قويۇپتۇ تاقىنى.
   ـ ئىنساپ؟ بۇزادى قانداق نېمە؟ سۆز باشلىدى بوۋام ـ ئىنسان پەيدا بولغاندىن باشلاپ ئىنساپ،ئىنساپ دەپلا كېلىۋاتىمىز،ئەمما ئىنساپنىڭ زادى قانداق ئۇقۇملىقىنى بىز نېمىشقىمۇ ھازىرغىچە چۈشەنمەيدىغانمىز؟
   مەن ئا كۈنى بىر كىتاپ كۆرسەم ئۇنۇڭدا مۇنداق بىر ھىكايە باركەن:بۇرۇن بىر دېڭىزغا يېقىن بىر مەملىكەتتە بىر تۆمۈرچى بار بولۇپ،ئۇنۇڭ سوققان تۆمۈرلېرى ھەممىدىن مۇستەھكەم ئىكەن.ئەمما ئۇ باشقىلارنىڭ نەسىھىتىنى قوبۇل قىلمىغاچقا ھەم ئاغزىدا گېپى بولمىغاچقا سودىسى تۈزۈك يۈرۈشمەيدىكەن.تاپقان پۇلى بولسا ئاران-ئارانلا ئۆيىنى باقالايدىكەن.باشقىلار ئۇنى مەسخىرە قىلىپ سەن بەك يوۋاش دەپتۇ،ئەمما ئۇ بۇنۇڭغا قىلچىلىك پىسەنت قىلماي،كۆرگەن كۈنىگە شۈكرى قىلىپ،تۆمۈرنى بۇرۇن قانداق سوققان بولسا يەنىلا شۇنداق سوقىۋېرىپتۇ.بىر قېتىم ئۇ سوققان پاخوتقا ئىشلىتىغان يوغان تۆمۈر زەنجىر بىر پاراخوتقا ئاساسىي زەنجىر قىلىپ ئىشلىتلىپتۇ.ئەمما شۇنچە يىل ئۆتكەن بولسىمۇ يەنىلا بۇ زەنجىرنى رەسمىي ئىشلىتىدىغان پۇرسەت چىقماپتۇ.بىر كۈنى تۇيۇقسىز بۇ پاراخۇت دېڭىزدا بوراندا قاپتۇ،پاراخوتتىكىلەر نەچچە زەنجىرنى سۇغا تاشلاپ بېقىپتۇ،ئەمما بۇ زەنجىرلەر خۇددى قەغەزدىن ياسالغاندەك بوراندا ھەرقاياقلارغا ئۇچۇپ كېتىدىكەن.يەنە ئامال قىلمىغاندا بوران پاراخوتنى خادا تاشقا ئاپىرىپ پارچە-پارچە قىلىۋېتىدىغان ئەھۋال كېلىپ چىقىدىكەن،بۇ چاغدا قېرى پاراخۇت باشلىقى ھېلىقى ئاساسىي زەنجىرنى ئېسىگە ئېلىپ،دەرھال ئۇ زەنجىرنى سۇغا تاشلاشنى بۇيرۇپتۇ.پۈتۈن پاراخوتتىكى نەچچە يۈز ئادەمنىڭ ھاياتى ۋە پاراخوتتىكى يۈكلەر مۇشۇ زەنجىرگە قاراشلىق قاپتۇ.زەنجىر سۇغا تاشلانغاندىن كېيىن خۇددى دېڭىزدىكى قاتتىق تاشلاردەك مەزمۇت ھالدا پاراخوتنى تۇتۇپ تۇرۇپتۇ.بوران ئۆتۈپ ئۆتۈپ كەتكەندىن كېيىن پاراخوتتىكىلەر خۇشاللىق ھەم تەسىرلەنگىنىدىن يىغلىۋېتىپتۇ. مانا بۇ ئىنساپ.ئويلاپ بېقىڭلار! شۇ زەنجىر بولمىغان بولسا نەچچە يۈز ئادەمنىڭ ھاياتى بوراندا نابۇت بولاتتى.ھەممىنى بىلىپ تۇرغۇچى ئاللاھ قانچىلىك ساۋاپلارنى بۇ كىشىگە بەرگەنلىكىنى بىر ئۆزى بىلىدۇ.بىز دەيمىز بىر ئادەمنىڭ ھاياتىنى قۇتقۇزسا جەننەتكە كىرىدۇ دەپ.تۇرمۇشتىكى شۇنچىلىك كىچىك ئىشلارنى ئىنسابىمىز بىلەن قىلساق ھەرگىزمۇ بىزنى يولدىن ئاداشتۇرمايدۇ.
   ـ ھېزىماخۇن دېگەندەك ئېشەك گەرچە ھارام بولسىمۇ ئۇنۇڭغا ئارتۇقچە ئازار بېرىش بىزنى بەزىدە دوۋزاققا باشلايدۇـ بىر چىنە ئاچچىق دەملەنگەن چاينى ئىچىپ بولغان بوۋام گېپىنى داۋاملاشتۇردى.مەسىلەن ئېلىپ ئېيتايلۇق،بىر ئادەم شۇنداق ئوۋ ئوۋلاشقا ھەۋەس قىلىدىكەن،ھەرقېتىم بىكار بولسىلا باشقا جايلارغا ساياھەتكە چىققاچ ئوۋ ئوۋلاپ كېلىدىكەن.بىزيىلى بۇ كىشى نەۋرە ئۇكىسىنىڭ تەلىپى بويىچە ئۇنى ئەگشتۈرۈپ بىر ئىپتىدائىي ئورمانلىققا ئوۋ ئوۋلاشقا كەپتۇ.بۇ ئىپتىدائىي ئورمانلىق ناھايىتى چوڭ بولۇپ،ئادەتتە كىشىلەر بۇ ئورمانلىقنىڭ ئىچكىرىسىگە كىرمەي،ئازراق كىرىپلا ئوۋ ئوۋلاپ يىنىپ چىقىدىكەن.بۇ ئاكا-ئۇكىمۇ ئورمانلىققا ئازراق كىرىپلا شۇ يەرگە چىدىر تىكىپ جايلىشىپتۇ.يەنىمۇ ئىچكىرلەپ كىرىشكە پېتىنالماپتۇ.چۈنكى بۇ ئورماندا دائىم يولۋاس،بۆرە قاتارلىق يىرىتقۇچ ھايۋانلار پەيدا بولۇپ قالىدىكەن.بۇلار ئىككى كۈن تۇرۇپ ھېچنىمە ئوۋلىيالماپتۇ.ئۈچۈنچى كۈنى ئەتتىگەندە بىر تاغ توخوسىنى ئوۋقىلىپتۇ.بۇلار توخۇنى تازىلاۋاتسا نېرىراقتا بىر ياۋاتوشقان قاراپ تۇرغۇدەك،شۇنۇڭ بىلەن دەرھال مىلتىقى ئېلىپ ياۋاتوشقاننى قوغلاپتۇ.قوغلا-قوغلا بولماي ئاخىرى قايتىپ كېتىشكە مەجبۇر بولغان بۇ ئاكا-ئۇكا شۇنچە ماڭسىمۇ چىدىرىغا يېتىپ كېلەلمەپتۇ.ئاخىرى ھېس قىپتۇكى يولدىن ئاداشقانىكەن.كومپاسنىمۇ چىدىرىدا ئۇنتۇپ قاللغان بولۇپ توشقاننى قوغلاپ ماڭغاندا پەقەت بىر سومكىلىنىلا ئېسىپ ماڭغانىكەن.شۇنۇڭ بىلەن بۇلار سومكىسى ئاختۇرۇپ ئېلىۋالغان ئىككى بوتۇلكا سۇنى تېپىپتۇ ۋە شۇنۇڭ بىلەن ئىككى كۈن مېڭىپتۇ،ئەمما بۇ ئورماننىڭ ھېچلا بىر بېشى چىقىدىغاندەك ئەمەس.شۇنۇڭ بىلەن ئۈچۈنچى كۈنى بۇلار سەھەر تۇرپ،قۇياشتىن جەنۇپنى پەرىق ئېتىپ،جەنۇپقا قاراپ مېڭىپتۇ.چۈنكى نىشان ئوچۇك بولمىسا بۇ ئورماندا ئۇلارنىڭ قالغىنى قالغان ئىكەن.ئۇلار ماڭا-ماڭا سۈيىمۇ ناھايىتى ئاز قاپتۇ،بۇ چاغدا دەرەخ تۈۋىدە يىقىلىپ قالغان بىر بوۋاينى ئۇچرىتىپتۇ.شۇنۇڭ بىلەن ئاكىسى ئۇنى قۇتقۇزماقچى بولغاندا ئىنىسى ئۇنى توختىتىپ تۇرۇپ:
   ـ سەن سۇنى بۇ كىشىگە بەرسەڭ بىز قانداق قىلىمىز؟ئۇنۇڭ ئۈستىگە بۇ ئادەم ياخشى ئادەممۇ ياكى ئەسكى ئادەممۇ بىلگىلى بولمايدۇ،سەن دېھقان بىلەن يىلاننىڭ ھىكايىسىنى ئاڭلىمىغانمۇ؟ ئەگەر بىز بۇئادەمنى قۇتقۇزىۋالساق بىزنى ئۆلتۈۋەتسىچۇ؟ شۇڭا ياخشىسى مېڭىۋېرەيلى دەپتۇ.
ئاكىسى ئويلاپ باقسا ئىنىسىنىڭ گېپىمۇ توغرا.شۇنۇڭ بىلەن بوۋاينى يەنە جايىغا ياتقۇزۇپ قويۇپ،ئىنىسى بىلەن مېڭىپتۇ،مېڭىپتۇيۇ قەدىمى بارغانسېرى ئاستىلاپ كېتىپتۇ.ئىنىسى چۈشەنمەي بېشىنى بۇراپ قارىغىنىدا ئاكىسى:
   -مەن ھەرقانچە خىيال قىلساممۇ يەنىلا شۇ بوۋاينى قۇتقۇزمىسام بولمىغۇدەك،بولمىسا بۇ ئورماندىن چىقىپ كەتكەن تەغدىردىمۇ مېنىڭ ۋىجدانىم مېنى بىر ئۆمۈر ئازاپلايدۇ.
   -ئەمىسە ئۆزۈڭ بېرىپ قۇتقۇز،مەن سۈيۈمنى ئېلىپ كېتىۋېرەي.مېنىڭ بىكاردىن-بىكارلا جېنىمنى سەپ بەرگىم يوق دەپ ئاكىسىغا قاراپمۇ قويماي ئالدىغا قاراپ مېڭىۋېرىپتۇ.
  ئاكىسى كەينىگە قايتىپ ھېلىقى بوۋاي بار جاينى ئىزدەپ تېپىپ ئۇ بوۋايغا قۇتىسىدىكى سۇنى ئىچكۈزۈپ ھوشىغا كەلتۈرۈپتۇ.بوۋاي ھوشىغا كېلىپ بۇ بالىغا رەھمەت ئېيتىپتۇ.بۇ بالىنىڭ بىر جاننى قۇتقۇزغانلىقى دېمەي تۇرايلى،بۇ بوۋاينىڭ دىيىشىچە ئۆزى بۇ ئورماندا كومپاس ئىشلەتمەي ماڭالايدىغان بىردىنبىر ئادەم ئىكەن.بۇ ئورماننىڭ ھەربىر تۈپ گىياسى بۇ بوۋايغا تونۇش بولۇپ،ئىلگىرى نۇرغۇن قېتىم ئىكىسپىدىتسىيە ئەترىتى ۋە جۇغراپىيىۋى تەكشۈرۈش ئەترەتلېرىگە يول باشلىغانىكەن.شۇنۇڭ بىلەن بۇ بوۋاي بۇ يىگىتنى باشلاپ ئورماندىن ئەچىقىپ قويۇپتۇ.ئەمما بۇ يىگىت شۇ ۋاقىتتىن باشلاپ نەۋرە ئىنىسىنى ئۇچرىتىپ باقماپتۇ.
   مانا قاراڭلار!ھەرقانداق كىشى ئىنساپ ۋە ۋىجدانىنى يوقاتماي،شۇ نى قىبلىنامە قىلىپ يول ماڭىدىكەن،ھەرگىزمۇ يولدىن ئاداشمايدۇ.ھازىر بىزدە ئىنساپ قالمىغىلى تۇرىۋاتىدۇ.ئىنساپ دېگەن خىلمۇخىل بولىدۇ.نېمىشقا؟ چۈنكى ئادەملەر ئۆزىگە قىبلىنامە قىلىدىغان ئىنساپمۇ ھەرخىل بولىدۇ.ھەممە كىشى ئۆز خىلى ۋە ئۆز ئەھۋالىغا قاراپ ئىنساپنى ھەرخىل يوللار،تۈرلۈك-تۈمەن ئۇسۇللار ئارقىلىق قىلىدۇ.مەسىلەن ئېلىپ ئېيتايلۇق سىلەرمۇ ئاڭلىغان ھېيتەم باي دەپ يېزىمىزدىكى بۇرۇن ئۆتكەن بىر باينى.بۇ بايزە ئاڭلىشىمچە شۇنداق سېخىي ئىكەن.پۇل تاپسا ئوندىن ئالتىسىنى كەمبەغەللەرنى قوللاش،مەكتەپ،مەسچىت سېلىش،يول ياساش،كۆۋرۈك سېلىش قاتارلىق ئىشلاغا ئىشلىتىدىكەن.ئەمما تاپقان پۇلىنى شۇنچە ئىشلىتىپ تۇرسىمۇ،يەنىلا كۈندىن-كۈنگە پۇلى كۆپىيىۋېرىدىكەن.بىر كۈنى بۇنۇڭغا ئەقلى يەتمىگەن خوشنىلېرى بايدىن سوراپتۇ:
   ـ باي ئاكا!بىز كۆرمۈدۇق ئەمەس،نۇرغۇن ئىشلېرىڭىزنى كۆردۇق،بىزگە بىلدۈرمەيمۇ قىلىۋاتىسىز،بىلدۈرۈپمۇ قىلىۋاتىسىز ياخشى ئىشلارنى،پۇلنى شۇنچىلىك خەجلىسىڭىزمۇ ئازلايدىغاندەك ئەمەس پۇلىڭىز.قانداق ئامال ئىشلىتىۋاتىسىز؟
ھېيتەم باي دەپتۇكى:
   -سىلەرمۇ قىززىق كەنسىلەر،مەن پۇل تاپسام توختىماي ئاللانىڭ خەزىنىسىگە توشۇدۇم،ئەمما ئاللاھ بايلىققا موھتاج بولمىغاچقا خەزىنىسىكى بايلىقنى يەنە ماڭا قايتۇرۇپ بېرىدۇ.سىلەر ئويلاپ بېقىڭلار،مېنى مەرد دەيسىلەر مەن جىنىمدا ئاللانىڭ خەزىنىسىگە ھالىمغا چۇشلۇق جىڭلاپ مال-دۇنيا تۆكسەم،مەندەك مىليون ئادەمنىڭ مەرتلىكىگىمۇ سېلىشتۇرغۇلى بولمايدىغان سېخىي زات ئاللاھ ئەلۋەتتە ماڭا تاغار-تاغارلاپ جىڭلىماي مال دۇنيا بېرىدۇ.ئاللاھنىڭ پۈتمەس خەزىنىسىگە مەن ئېرىشكەچكە مانا مۇشۇنداق خەجلىسەممۇ تۈگىمەيدۇ.
   خۇلاسە كالام!قېنى ئويلاپ باقايلى،ھازىرقى بايلار نېمە قىلىۋاتىدۇ؟ پۇل تاپسا رېستىرامۇ رېستۇران،شەمۇشە ھاراق ئىچىپ ئوينايدۇ.ئەتراپىمدىكىلەرنىڭ ھالى نېچۈك دەپ قويمايدۇ.دىققەت قىلدىڭلارمىكى ھەر قېتىم مەسچىتكە كۆمۈر لازىم بولغاندا بايلار نۆۋەتلىشىپ كۆمۈر ئەكىرىدۇ،ئەكىرىدىيۇ ئۆز خوشنىسىنىڭ كۆمۈر ئالالماي قىشتا ئوتۇن قالاپ ئولتۇرغىنىنى بىلسىمۇ پىسەنىت قىلمايدۇ.ئىنساپ بۇ كىشىلەر ئارىسىدىكى بىرخىل ئىللىقلىق ھېس قىلدۇرىدىغان ئاجايىپ بىر كۈچلۈك قورال.ئىشىنىمەنكى مەسچىتكە ئۆچۈرەتتە تۇرغاندىن مەسچىتكە بېرىدىغان كۆمۈرنى شۇ كۆمۈر ئالالمايۋاتقان خوشنىلارغا بەرسە ھەممىنى ئادىل ھەم كۆرۈپ تۇرغۇچى ئۇلۇغ ئاللاھ مەسچەتكە بەرگەن نەرسىسىدىن نەچچە ھەسسە ئارتۇق ساۋاپ بېرەتتى.نېمىشقا مەكتەپلەرگە شۇنداق ئۆچىرەت بىلەن نەرسە بېرىدىغان ئادەم يوق؟
   ئىنساپنى ھەممە ئادەم قىلالايدۇ.ھەممە ئادەمدە ئىنساپ بار.پەقەت بۇ ئىنساپنى ئىشلىتىش ئىشلەتمەسلىك،قانچىلىك ئىشلىتىش،قانداق ئىشلىتىش جەھەتتىنلا ئوخشىماسلىق بار خالاس.كېشىلەردىكى ئىنساپنى نېمە بىلەن ئۆلچەيدۇ؟ئەلۋەتتە..................
   بۇ چاغدا ئەزان ئاۋازى ئاڭلىنىپ ھەممەيلەن نامازغا ئالدىراپ قوپۇشتى.

   مەنبە:بۇ تېمىدىكى ھىكايىلەر ‹كىچىك ھىكايەتلەردىن چوڭ ھەقىقەتلەرنى چۈشۈنۈش›ناملىق كىتاپتىن ئۆزگەرتىپ تەرجىمە قىلىنغان.قالغان تەسۋىرلەر ئاساسەن يېزىمىزدىكى شۇ خىلدىكى كۆرۈنۈشلەردىن  تاللاپ ئېلىنغان.

رەخمەت تىمىڭىزغا
خىزىر سۈپەت چوڭلىرىمىزنىڭ ئالتۇن بۇيى ئامان بولسون

چۇڭلارنىڭ ئىش ھەركەتلىرى ، گەپ سۆزلىرى ھەقىقەتەن ئۇرۇنلۇق

    ئىنسابنىڭ نىمە ئىكەنلىكى شۇنداق ئاددىي مىساللار ئارقىلىق ئەكىس ئەتتۈرۈپ بىرىپتۇ  ، دىمىسىمۇ ، ئىنساب بولغانسىرى ئادەمنىڭ ۋۇجۇدى ساپلىشىدۇ ،  ئىمانى رۇسلىشىدۇ ، قەدىمى تىزلىشىدۇ ، قولى ئۇزۇرايدۇ .
       بايلىق تىلىگىچە ئىنساب تىلە ....

ئىنساپ:ئۇ ئىنسان روھىدىكى مۇكەممەللىكنىڭ،سەمىيمىيلىكنىڭ ئەمەللىرىدە چاقنىشى بولسا كىرەك،مەن ئۇنى يارالغۇچىنىڭ ياراتقۇچىغا بوللغان تەستىقى ۋە شۇ ئاساستا تەرتىپلىگەن تۇرمۇش تەپسىلاتلىرى دەپ چۈشۈنىمەنكەن،ئەڭ مۇكەممەل ئىنساپ ئەشۇ بولسا كىرەك.........

vajap payzi kirixturupsiz rahmat sizgga

   ئەجرىڭىزگە رەھمەت!<كىچىك ئىشلاردىن چوڭ قائىدىلەرنى چۈشۈنۈش >دىگەن كىتاپتا نۇرغۇن ياخشى ھىكايەتلەر سۆزلىنىدىغان ئوخشىمامدۇ،ھەقىقەتەن ياخشى ھىكايەتنى يوللاپسىز!
   يەنە كىلىپ «ئانا قۇشى» ھەدىنىڭ تېمىلىرىنىىلا ئەمەس،ئىنكاسلىرىنى كۆرسىمۇ كىشىگە ئاجايىپ پاساھەتلىك،يىنىك تۇيغۇ بېرىدۇ دىسە..........

مۇشۇنداق كىرىشتۇرۈپ نادىر ئەسەر يېزىشنى ماڭىمۇ ئۈگىتىپ قويمامسەن.
ياخشى يېزىلغان چاچما ماقالىكەن !  

ئىنساپ ھەققەتەن ئىنساننى پاكلاشتۇرىدىغان خىسلەت!..ھەممە خۇشاللىق ئاشۇ ئىنساپ -ھىدايەتتىن كىلىدۇ!.تىمىڭىزغا رەھمەت!.

ئىنساپ-كۆپ قىسىم ئادەم ئىنتىلىدىغان لېكىن ئىجرا قىلمايدىغان خىسلەت....
ئۇزۇن بۇپتىكەن نادىر تىماڭلىنى كۆمىگىلى......كۆپ رەھمەت.

ئنساپ !

ئەڭ ئاددى جاۋاپ ؛.
ئىنساپ _________اللا  بەرگەنگە شۈكىرى قانائەت  قىلىش ؛

ئىنساپ----------بىز كىمگە ، ۋە قايسى جەھەتىن بۇلسۇن ئالدى بىلەن  ئىنساپ  ئاندىن ئىمان تىلەيمىز ئەمەسمۇ .................رەخمەت تىمىڭىزغا

ئىنساپ  ھەممىمىزگە ئاشۇ ئىنساپ تالىق بولسۇن.

«كىچىك ھېكايەتلەردىن چوڭ ھەقىقەتلەرنى چۈشۈنۈش»قۇ دەيمەن،كىتاب ئىسمى تازا ياخشى تەرجىمە قىلىنمىدىمۇ قانداق؟