خىجىللىق

     دوستۇم ئادىلنىڭ <<128>>دىسكۇ كۇلۇبىدا ئۆتكۈزۈلىدىغان ئولتۇرۇشقا كىچىكىپ قالماسلىق ئۈچۈن ،ئالدىراپ كىيىنىپ ، ۋىلسېپىتىمنى قۇيۇندەك چاپتۇرۇپ ماڭدىم . ئەمدىلا چوڭ يولغا بۇرۇلۇپ تۇرىشىمغا ، 50نەچچە ياشلار چامىسىدىكى بىر مومايغا سۇقۇلۇپ يىقىلىپ چۈشتۈم .
    ئورنىمدىن تۇرۇپ كىيىملىرىمدىكى توپا -چاڭلارنى قاققاچ مومايغا ئاچچىقىم كىلىپ سەت بىرنى ئالايدىم .
   - ئادەم ئالدىرغاندا ، ماۋۇ قېرىنىڭ كاساپىتىدىن ...
  بىردەمدىلا ئەتراپقا بىرمۇنچە كىشىلەر يىغىلىپ ،ھەممىسى ماڭا ئەيىبلەش نەزىرى بىلەن قاراشقا باشلىدى . ئارىدىن بىر قىز چىقىپ ،مىشىلداپ يىغلاۋاتقان موماينى يۆلەپ ئورنىدىن تۇرغۇزدى .
  - ماۋۇ قېرىنى ئەمدى نىمە دەي ، ئادەمنى يىقىتىۋىتىپ يەنە خىيالىدا يوق يىغلاۋاتقىنىنى كۈرۈڭ ...
  - شۇنداقتىمۇ بۇنچىۋالا قىلىپ كەتمىسىڭىز بۇلاتتى ،-دېدى بايىقى قىز ئوتتۇرغا چۈشۈپ .
  - قىزىق ...سىزنىڭچە قانداق قىلسام بۇلاتتى ،- دېدىم مەنمۇ تەرىمنى تۈرۈپ .
  - قېرى ئايالكەن ئەمەسمۇ ؟-دېدى قىز .
  - قېرى بولسا مىنىڭ نىمە كارىم ؟ قېرى بولغاندىكىن گۆرىدە ياتماي ، بۇ يولدا نىمە بار ؟...
  - قانداق بالىسىز ؟ ئۇنداقمۇ دەپ كەتمەڭ جۇمۇ . سىزنىڭمۇ ئانىڭىز باردۇ ؟!
توپلىشىپ تۇرغان كىشىلەر تۇشمۇ -تۇشتىن كىلىپ مىنى ئەيىبلەپ كىتىشتى . ئاچچىقىمدا يېرىلغۇدەك بولۇپ كەتتىم . << تېخى ماۋۇ بىرسىنىڭ قانداق بالىسىز ؟ دىگەن گىپىنى كۈرۈڭ . مەن بىلەن نىمە كارى بۇ توڭ سويمىنىڭ ...>> ئىچىمدە شۇنداق دەپ قىزغا تازا بىرنى ئالايدىم .
- نىمە ؟ مىنىڭ ئانامنى چىشلەپ تارتىدىغانغا نىمىتىڭ سەن ،-دېدىم ئۆزەمنى تۇتىۋالالماي ،- مىنىڭ ئانامچۇ قارا ، سەندىن ياش !
ئۇ گىپىمنى ئاڭلاپ ماڭا غەززەپ بىلەن قارىدى -دە ، يۈزلىرىنى ئەتكىنىچە كىشىلەر ئارىسىدىن چىقىپ كەتتى .
- قىز بالىغىمۇ مۇشۇنداق گەپ قىلغان بارمۇ ؟
- تازىمۇ بىر نامەرد نىمىكەن !
...
ئەتراپتىكى كىشىلەرنىڭ مىنى ئەيىبلەشلىرىگە قۇلاقمۇ سالماستىن تىترەپ ، يىغلاپ تۇرغان مومايغا يەنە بىرنى ئالىيىپ قويدۇم -دە ، ۋىلسىپىتىمنى تارتىپ كىشىلەر ئارىسىدىن چىقىپ كەتتىم .
   ئولتۇرۇش بەك قىزىپ كەتتى . ئەسەبىي چېقىراپ ئوتتۇرغا چۈشۈپ بەدەنلىرىمنى قالايمىقان ئېتىپ دىسكۇ ئويناۋاتسام ،تېلفۇنۇم تۇيۇقسىز سايراپ قالدى . تېلفۇننى ئىنىم سۇلتان ئۇرغان ئىكەن ، ئانامنىڭ دوختۇرخانىدا يېتىپ قالغانلىقىنى ئېيتىۋىدى ، كاللامدىن تۈتۈن چىقىپ كەتتى .
- ئانا ، نىمە بولدىڭىز ؟- دېدىم كارۋاتتا ياتقان ئانامغا قاراپ ئىشىكتىن كىرە -كىرمەستىنلا .
- كەلدىڭمۇ بالام ،-دېدى ئانام بېشىنى سەل كۆتۈرۈپ ،-ئەنسىرگۈدەك بىر ئىشمۇ يوق ئىكەن ،بايا نەرسە كىرەك سېتىۋىلىش ئۈچۈن بازارغا چىقىپ ،ئۆزەمچىلا بېشىم قېيىپ يىقىلىپ چۈشۈپتىمەن . تەلىيىمگە بىر قىز ئۇچراپ دوختۇرخانىغا ئېلىپ كەلدى . ئۆزىمۇ مۇشۇ دوختۇرخانىدا سېستىرا ئىكەن .
- باشقىچە ئۆزگىرىش يوقتۇ ، ئانا ؟ -دېدىم يەنىلا خاتىرجەم بۇلالماي .
- ئەنسىرمە بالام ، قېرىغاندا ئادەم شۇنداق بوپ قالىدىكەن ،-ئانام شۇنداق دەپ تۇرىشىغا بىرقىزنىڭ :
- بايا بىرسىمۇ مىنى قېرىتىپ ئانا قىلىۋالدى .سۆزلەپ بەرسەم كۈلۈپ كىتىسىز ... -دىگەن ئاۋازى ئاڭلاندى .
تۇيۇقسىز ئاڭلانغان بۇ ئاۋازدىن چۆچۈپ ئارقامغا قاراپلا قېتىپ تۇرۇپ قالدىم .
- سىز ...؟- قىز مىنى كۈرۈپلا بىردىنلا تۇرۇپ قالدى .
- بۇ مىنىڭ ئوغلۇم ،-دېدىم ئانام ئىشىك تۈۋىدە تېخىچە ھاڭۋېقىپ قاراپ تۇرغان سىستىرا قىزغا مىنى تۇنۇشتۇرۇپ .
شۇ تاپتا پۈتۈن ۋۇجۇدۇمنى خىجالەتچىلىك خۇددى تاغدەك بېسىۋالغان ئىدى .

دۇنيا مېھرى - مۇھەببەت بىلەن گۈزەلدۇر. كىشىلەر ئوتتۇرىسىدىكى كىچىككىنە ئىشلارنىڭمۇ كۈنلەرنىڭ بىرىدە بىزگە زور ساۋاق ھەم تەربىيە بولىدىغانلىقى تەكىتلەنگەن بۇ ھېكايىڭىز ئاددىي تىللار بىلەن بايان قىلىنىپ ھېلىلا قوپال مۇئامىلە قىلغان يىگىتنىڭ ھەقىقەتنى تونۇغان چاغدىكى «خىجىل بولۇش»ى بىلەن ئاخىرلىشىپ بىزدەك قېنى قىززىق ياشلارغا چوڭلارنى ھۆرمەتلەش، ئەدەپ - قائىدىلىك بولۇش لازىملىقى ئاددىي مىسال بىلەن سۆزلەندى، دەپ قارايمەن.

تەكلىپ: ئاخىرىدىكى «سېستىرا قىزغا تىكىلىپ قاراپ تۇرۇپلا قالدىم» بىلەن «قىزغا تىكىلىپ قارىيالمىدىم» دېگەن ئىككى جۈملىنى مەنتىقە، ھېسسىيات جەھەتتىن باغلاش ئۈچۈن ئازراق تۈزىتىش كىرگۈزۈپ باققان بولسىڭىز. . .

ئازراق كوتۇلداپ قالدىم، توغرا چۈشىنىڭ.

خاتا سۆزلىرىمنى تۈزىتىپ بەرسەڭلار خۇش بولىمەن!

ھىكايىڭىز ياخشى چىقىپتۇ.  چوڭلارنى ھۆرمەتلەش كىرەك.

بۇ ھىكايىڭىز  بەكمۇ  ياخشى  چىقىپتۇ  ؛چوڭلارنى  ؛ياشانغانلارنى  ھۆرمەتلەيلى  ؛ بۇئالەم ئۆتنە
ئالەم . بىزنىڭ  ئاتا  ئانىمىزنىڭ  ھەم  بىزنىڭ  ئالدىمىزغىمۇ  كەپ  قالمىسۇن  بۇنداق  ئىشلار ...
رەھمەت  سىزگە  ؛ مۇشۇنداق  ياخشى  تىمىلارنى  داۋاملىق  يوللاپ  تۇرۇڭ  .

  قەلىمىڭىز  پەقەتلام  ھىرىپ  قالمىسۇن ............

ئۆزىنىڭ ئانىسىنى تونۇمامدۇ؟

ھېكايىڭزىنىڭ بېشىنى ئۇقۇۋېتىپ،سىزنى تېخى نىمانداق بىر ئۆكتەم نىمىدۇ دەپ ئويلىغانىدىم . ھەنىم  بولسا، ئەڭ  ئاخىرىدا خىجىل  بۇلۇشنى  بىلىپسىز ...  
بىزمۇ  مۇشۇ ياش  پېتى تۇرۇۋەرمەيمىز ، قېرىيمىز  ئەمەسمۇ ....

ئۈزۈمچى :
سىزنىڭ ئەسەرگە بەرگەن پىكرىڭىزنى كۈرۈپ ناھايىتى خۇرسەن بولدۇم .
مەن بۇ ئەسەرنى ئەتىگەن تورغا بىۋاستىلا يازغان بولغاچقا ، سىز دىگەن نۇقتىلارغا دىققەت قىلماپتىمەن .  راستنلا قارىمۇ -قارشىلىق ئىپادىلىنىپ قالىدىكەن . مەن تۈزىتىپ قويدۇم . سىزنىڭ بۇندىن كىيىنمۇ تەنقىدىي -پىكرىڭىزنى ئايىماسلىقىڭىزنى ئۈمۈد قىلىمەن .

ياخشى يىزىلغان تىما!چوڭلانى ھۆرمەت قىلايلى!

قاشتىشى مۇنبىردىكى بىر شىئېرىڭز ماڭا بەكلا ياراپ قالغانىدى.
بۇنىمۇ ياخشى يىزىپسىز.
تىلى يەڭگىل، مەنسى چۇڭقۇر چىقىپتۇ. ئۈزۈمچى تۈزىتىش بەرگەندىن كىيىن تىخمۇ مۇكەممەل بولغاندەك ھىس قىلدىم.
ھەجەپ ماختىۋاتتىما سىزنى؟

    ۋاھ ،يەنە بىر ھېكايە يىزىپسىزدە  ، بۇنىڭدىمۇ ، ئاددىي بىر ئىش ئارقىلىق چۇڭقۇر بىر ھەقىقەتنى چۈشىنىۋالغىلى بولىدىكەن ،  سىزنىڭ قەلىمىڭىزگە قايىلمەن جۇمۇ ، ئۈزۈمچىگە شاگىرتلىققا كىردىڭىزمۇ يە؟ تۆت كۈندە ئۇنىڭدىن ئىشىپ كىتەمسىز تىخى ، «بالدۇر چىققان قۇلاقتىن ،كىيىن چىققان مۇڭگۈز ئىشىپ چۈشۈپتۇ »دەپ گەپ بارغۇ ..ھى ھى  
      

ھىكايىڭىز تىلى ئاددى ، مەزمۇنلۇق چىقىپتۇ ، ئاتا ئانىلارنى ھۆرمەتلەش كىرەك ، شۇنداقلا باشقىلارنىمۇ ئاتا ئانىنى ھۆرمەتلىگەندەك ھۆرمىتىنى قىلىش كىرەك.
دۇنيا ھەقىقەتەن مىھرى مۇھەببەت بىلەن گۈزەلدۇر .

ھىكايىلىرىرىڭىز بارغانچە ياخشى چىقىۋاتدۇ،غەيرەت قىلىىڭ.

يانغىن دوستۇم بارغانسىرى ياخشى ئەسەرلەرنى مەيدانغا كەلتۈرىۋاتىسىز جۇمۇ..
قەلىمىڭىزگە بەرىكەت تىلەيمەن......
-------------
بۇ ھىكايىدىن<<ئالدىرىماڭ يارەي..سىزگىمۇ بارەي..>>دىگەن بۇ سۆزنى كۆرىۋالغىلى بولىدۇ

ئالامەت ئىش بوپتۇ.