چۈش ۋە رىئاللىق
/ /wmJ | ئۇ ماختىغىدەك گۈزەللەردىن ئەمەس ئىدى.لېكىن ئۇنىڭ يۈرۈش-تۇرۇشىدا بىرخىل تىل بىلەن ئىپادىلەپ بەرگۈسىز سۈلكەت،ۋۇجۇدىدا ھەقىقى قىز-ئاياللارغا خاس نازاكەت جىلۋىلىنىپ تۇراتتى. ئېرى ئۇنى بەك چىڭ تۇتاتتى،ئۇ بۇنڭدىن ئاغرىنمايتى،ئۇ بۇ ئىشلار شۇنداق بولۇشقا تېگىشلىك دەپ قارايتى،ھەمدە ئۆزىمۇ ئۇقۇشماسلىق سەۋەبىدىن ئۆسەك گەپلەرگە قېلىشتىن ئېھتىيات قىلىپ ئۆزىگە بەك دىققەت قىلاتتى.شۇنداقتىمۇ ئېرى ئۇنىڭ ھەممە ئىشلىرىنى سۈرۈشتۈرۈپ،تېلفۇنلىرىنى ئېچىپ كۆرۈپ،بىرەر ناتونۇش نومۇر بولۇپ قالسا ،سۈرۈشتە قىلاتتى،بەزىدە تېخى ئوغۇرلۇقچە شۇ نومۇرغا تېلفۇنمۇ قىلىپ باقاتتى،بۇ ئىشلارنى ئۇ سېزىپ تۇراتتى،گەرچە ئېرىنىڭ ئۆزىگە ئىشەنمەسلىگى ئۇنى ئازاپلىسىمۇ لېكىن ئۇ بۇنى ئېرىنىڭ ئۆزىنى بەك ياخشى كۆرگەنلىگىندىن دەپ قاراپ بەك ئېغىر ئېلىپ كەتمەيتى.لېكىن ئۇ ئەزەلدىن ئېرىنىڭ يانفۇنىنى ئېچىپ تېلفۇن خاتىرىسى ياكى قىسقا ئۇچۇرلارنى كۆرمەيتى.بىر كۈنى تاسادىپى بىر ئەھۋالدا ئېرىنىڭ تېلفۇن ئۇچۇرلىرىنى كۆرۈپ قالدى.بۇ ۋاقىتلاردا ئۇنىڭ ئېرى كىچىك زېرەك ئىشلىتىپ يانفونىنى ئۆيدە تاشلاپ قويۇپ ئىشلەتمەيۋاتاتتى.بۇنىڭدىن بۇرۇنمۇ ئېرىنىڭ يانفۇنى ئۆيدە قالدىغان ئەھۋاللار بولغان لېكىن ئۇ كۆرۈپ باقايچۇ دەپ ئويلاپ باقمىغان ئىدى.
NoKYHN^*w بۈگۈن ئەسلى ئۇ ئېرى ھەم بالىسىنى يولغا سېلىۋېتىپ،ئۇخلىماقچى بولۇپ ياتقان ئىدى،تۇيۇقسىز يانفۇن سايراپ قالدى،ئۇ ئۇرنىدىن تۇرۇپ يانفۇننى كىيىم ئىشكاۋىدىن تېپىپ چىقتى،ئەسلىدە چۈشلۈك ئۇيقىدىن ئويغىتىدىغانغا تەڭشەپ قويغان قوڭغۇراقكەن.ئۇ يانفۇننى بېسىۋېتىپ جايىغا قويۇپ قويماقچى بولدى-يۇ،بىرخىل قىزىقىش بىلەن قىسقا ئۇچۇرلارنى كۆرۈپ بېقىش ئىستىكى تۇغۇلۇپ قالدى.ئۇ ئاخىرى قوللىرى سەل تىترىگەن ھالدا ئۇچۇرلارنى كۆرۈشكە باشلىدى.ھەدىمەستە ئۇنىڭ كۆزىگە چېلىققىنى ،سىزنى ياخشى كۆرۈپ قالسام ماڭا پەرۋا قىلمايسىز دىگەن مەنىدىكى بىر ئۇچۇر بولدى،بۇ كىم بولغىيدى؟ ئۇ قوللىرى تىترىگەن ھالد داۋاملىق كۆرۈشكە باشلىدى،مۇشۇ نومۇردىن كەلگەن ئۇچۇرلار خېلى كۆپ بولۇپ،رومانتىك لېرىكىلىق شېئىرى ھىسيات بىلەن يېزىلغان مۇھەببەت سېغىنىش ھەققىدىكى قىسقا ئۇچۇرلار ئىدى. ھەتتا سېرىق مەزمۇندىكى ئۇچۇرلارمۇ بار ئىدى. بۇ نومۇر ئۇنىڭغا تونۇشتەك بىلىندى،ئاياللارنىڭ سەزگۈسى ئۇلارنى ئالدىمايتى.ئۇ بىرسىدىن گۇمان قىلدىدە ئۆزىنىڭ يانفۇنىنى ئېچىپ ئۆزى گۇمان قىلغان قىزنىڭ نومۇرى بىلەن سېلىشتۇرۇپ كۆرۈپ بېشى قايغاندەك ئولتۇرۇپ قالدى،ئۇنىڭ چىرايى تاتىرىپ كەتكەن ئىدى.دەرۋەقە بۇ ئۇچۇرلار ئۇنىڭدىن كەلگەن ئىدى.
(>;~ ((2 ئۇ ئۇنىڭ يولدىشى بىلەن بىر ئىدارىدا ئىشلەيتى.ئۇنىڭ يولدىشىنىڭ ئىدارىسىدا بىرنەچچە چوكان بولۇپ ئۇنىڭ يولدىشى ئۇلار بىلەن كۈلكە-چاقچاق بىلەن ناھايىتى قىزغىن ئۆتەتتى.بىللە تاماق يىيىش،بىللە بىر يەرلەرگە بىرىش دىگەندەك ئىشلار بولۇپ تۇراتتى.ئۇ سىرتتا خىزمەت قىلاتتى،بىر ھەپتىدە بىر ئۆيگە قايتاتتى. بەزىدە بۇ قىزغىنلىقلار زىيادە بولۇپ كەتكەندەك ھىس قىلسىمۇ،لېكىن چاندۇرمايتى، ئۆزىگە ئىشىنىپ ئېرىغا ئىشىنىپ ئارتۇقچە ئويلاردا بولۇشنى خالىمايتى .ئۇمۇ ئۇلار بىلەن باردى-كەلدى قىلىشاتتى.لېكىن، ئۇ ئايال ئۇنىڭغا ھال سوراپ ياكى ھېيت-بايراملارنى تەبرىكلەپ قىسقا ئۇچۇر يوللاپ باقمايتى.
b%)a5H( ئۇ ئېرىغا بەك ئىشىنەتتى. ئۇ ئىشەنگەن سۆيگەن ئېرى ئەمدى ئۇنىڭغا ناتونۇش بىلىنىشكە باشلىدى.ئۇنىڭ يۈرىگى مۇزلاۋاتقاندەك قىلاتتى.ئۇ ناھايىتى نازۇك تەبىئەتلىك مۇھەببەتنى ھەممىدىن ئەلا بىلىدىغان قىز ئىدى.ئۇنىڭ دۇنياسىدا پەقەت ئېرىلا بار ئىدى.ئېرىنى ھەتتا ئۇرۇق-تۇققانلىرىدىنمۇ يېقىن كۆرەتتى.ئۇنىڭغا نە خىزمەت نە دوست كېرەك ئەمەستەك ئىدى.توي مۇھەببەتنىڭ قەۋرىسى دىگەنلەرگە ئەزەلدىن ئىشەنمەيتى. ئۇنىڭ بۇ ئىشلارنى بايقاپ ئۆزىنى يوقۇتۇپ قويماسلىغىدىكى سەۋەپ،ئۇنىڭ ئېرى بىلەن بولغان مۇناسىۋىتى بەك ياخشى ئىدى.ئېرى ھەر دائىم ئۇنى سۆيىدىغانلىغىنى بىلدۈرۈپ تۇراتتى.يېنىدا بولمىغان ۋاقتىدا كۈندە نەچچە قىتىم تېلفۇن قىلىپ تۇراتتى،ئۆيدە بولسا كېچىلىرى ئۇخلاۋېتىپمۇ جۆيلىگەندەك «سىزنى سۆيىمەن،سىز مېنىڭ ھاياتىم »دەپ پىچىرلايتى،ئەزەلدىن ئۇنىڭ تېلىفۇنىنى ئالمايدىغان ،ئېتىۋالىدىغان ئىشلارنى قىلمايتى.ئۇ بۇ ئىشلارنى بىر-بىرلەپ كۆڭۈل ئىكرانىدىن ئۆتكۈزدى.ئۇ ئالدىراپ قارار چىقارماسىلىقنى توغرا تاپتى،بۇ ئىشلارنى ئېرىنىڭ ئالدىدا چاندۇرماسلىقنى كۆڭلىگە پۈكتى.
E*
lqC h قانداق قىلىش كېرەك؟ ئۇ ئايال گەرچە ئۇنىڭدىن چىرايلىق بولمىسىمۇ لېكىن ئەرلەرگە سۆز تاشلاپ تۇرىدىغان ئالاھىدىلىگى بار ئىدى،بەلكىم شۇ يەرلىرى ئۇنىڭدىن ئارتۇق بولسا كېرەك. ئۇ ئېرىنىڭ ئۇ ئايالغا قانداق چىرايلىق ئۇچۇرلارنى يوللىغىنىنى بىلمەيتى،ئەلۋەتتە بۇنداق چىرايلىق ئۇچۇرلارنى كۆرسە بىر ئەركىشىگە تەسىر قىلماي قالمايتى.قىزلار كىچىگىدىن شېرىن-شېكەر سۆزلەرنى ئاڭلاپ چوڭ بولىدۇ.گەرچە ئۇلار شېرىن سۆزلەرگە ئامراق بولسىمۇ،ئۆزىنىڭ سۆيگىنى بار ھالەتتە ئۇ سۆزلەرگە ئاسانلىقچە ئېرىپ كەتمەيدۇ.ئۇ ئېرىنىڭ بىر قېتىم ئۇنىڭغا
OKf/ [hyu بىز مۇشۇنداق ئۇچۇرلارنى ئىۋەتىشمەيدىكەنمىز-ھە دىگىنىنى ئەسلەپ قالدى.ئۇلار پەقەت ‹سىزنى سېغىندىم›،‹سىزنى سۆيىمەن›دىگەندەكلا ئۇچۇرلارنى ئىۋەتىشەتتى.ئۇ ئېرىنىڭ بۇ گېپىنىڭ ئىچىدە گەپ بارلىغىنى ئەمدى ھىس قىلغاندەك بولدى.
9]7^/g *! شۇ ۋاقىت ماي بايرىمى بولۇپ،ئۇنىڭ يۇرتىدىن تۇققانلىرى كەلدى،ئېرى بولسا ئاتا-ئانىسىنى يوقلاپ يۇرتىغا كەتتى.ئۇنىڭ كۆڭلى شۇنداق پەرىشان بولسىمۇ ھەدىلىرىگە چاندۇرمىدى،ئۇ ئىچىدە بەلكىم ئىېرىممۇ ئاشۇنداق شېرىن-شېكەر سۆزلەرگە مۇھتاج بولسا كېرەك،مەن ئۇنىڭ بۇ ئېھتىياجىنى قاندۇرالمىدىممۇ قانداق دەپ ئويلىدى،ھەمدە ئېرىغا كۈندە ئاشۇنداق تەييار مۇھەببەتلىك ئۇچۇرلارنى ئىۋەتىپ تۇردى.ئېرى سەل ھەيرانلىق ھىس قىلدىمۇ قانداق،تېلىفۇن قىلىپ،‹ئەجەپ ئۇچۇر يوللاپ كېتىپسىزغۇ،مەن بىلەن قايتىدىن مۇھەببەتلىشىۋاتامسىز›دەپ چاقچاق قىلدى.ئۇ ‹ھەئە سىزنى سېغىنىپ شۇ›دەپ قويدى.بايراممۇ ئۆتۈپ كەتتى،ئېرى يەنە يانفۇننى ئۆيدە تاشلاپ قويدى،ئۇ يەنە ئېچىپ كۆردى،ئۇ يەنە ئۇچۇر قىلغان بولۇپ،بىر تالاي گەپلەردىن كېيىن،‹سىىز يېىنمدا بولمىسىڭىزمۇ سىزنى ئۇنتۇپ قالمىدىم ›دەپتۇ.مانى كۆرۈڭ،بىر ھەپتىلىك بايرامدا يولدىشى يېنىدا باشقا بىرىنى سېغىنىپ يۈرۈپتۇ-دە ئۇ.ئۇنىڭ ئوغىسى قاينىدى،بوپتۇ ئۇلارنىڭ ئوتتۇرىسىدا ھىچقانداق ئىش يوقمۇ دەيلى،بۇ توپ تارقىتىدىغان ئۇچۇرلارمۇ دەيلى،لېكىن شۇنداق لايىغىدا ئىۋەتىلىدىكىنە بۇ ئۇچۇرلار؟بۇنداق ئۇچۇرلار قىزلار ئارا ئىۋەتىلسىمۇ كۆڭلى تارتقان ئادەمگە ئىۋەتىلىدۇ،ئادەتتىكىدەك ئارىلاشقان بىرىگە بۇنداق ئۇچۇر يوللىسىڭىز باشقىلار سەل ھەيرانلىق ھىس قىلىشى مۇمكىن.ئۇ ئەمدى ئۇ بۇ ئىشنى توسمىسا بولمايدىغانلىغىنى ھىس قىلدى. ئۇ بۇ ئىشلارغا سۈكۈت قىلىپ بىر كۈنى ئۆزىنى بىلىۋالار،ئۇنىڭمۇ ئائىلىسى بالىسى بولغانكىن دەپ يۈرسە،ئۇنىڭ بۇ ئالىجاناپلىغى ئۇلارنىڭ ئالدىدا ئەخمەقلىق بولۇپتۇ-دە.ئېرى بىلەن چوقۇم چىرايلىق سۆزلىشىش كېرەك،لېكىن ئېرى بىلەن سۆزلىشىش ئارقىلىقلا بۇ ئىشنى ھەل قىلىپ كەتكىلى بولمايتى.ئېرى ئۇ ئايالغا ‹خوتۇنۇم ئۇچۇرلىرىڭىزنى كۆرۈپ قاپتۇ ئەمدى ماڭا ئۇنداق ئۇچۇر يوللىماڭ› دىيەلمەيدۇ،بىر ئەر ئۆزىگە شۇنچە ئېتىۋار بىلەن قارىغان ئايالنىڭ كۆڭلىگە ئازار بېرەلمەيدۇ،ئوغۇل بالىلىق قىلىپ ئەرلىگىگە ئېلىپ بولسىمۇ ئۇنداق دىيەلمەيدۇ.شۇنداق قىلىپ ئۇچۇرلار داۋاملىشىدۇ،ۋاقىت ئۇزىرىغانسېرى ئۇچقىندىن يانغىن چىقىدۇ.ئۇ ئايالنى توسۇش كېرەك.ئۇ پۇرسەت تېپىپ ئۇ ئايال بىلەن كۆرۈشتى ھەمدە چىرايلىقچە سۆزلەشتى.ئۇنىڭغا ئۆزىنىڭ بىر تاسادىپى پۇرسەتتە ئۇنىڭ ئېرىغا يوللىغان ئۇچۇرلىرىنى كۆرۈپ قالغانلىنى ئېيتتى.ھەمدە ئۇ ئۆزىنىڭ ھەرگىز يات ئەرلەر بىلەن ئۇنداق ئۇچۇرلارنى يوللاشمايدىغانلىغىنى،ئېرىنىڭمۇ بۇنداق قىلىشىغا بەكمۇ قارشى ئىكەنلىگىنى،شۇڭا بىر ئايال كىشىنىڭ بۇنداق قىلمىشلىرىنى ئەقلىگە سىغدۇرالمايدىغانلىنى ئېيتتى.ھەمدە ئۇنىڭ بۇنىڭدىن كېيىن دىققەت قىلىشى كېرەكلىگىنى ئەسكەرتتى.ئۇ ئايال ئۆڭۈپ-تاتىرىپ تۇرۇپ، ئۇنىڭغا بۇ ئۇچۇرلارنى قىزىقچىلىق قىلىپ يوللاپ قويغانلىغىنى،بۇنداق ئۇچۇرلارنى خالىغان ئەرلەرگە يوللاۋېرىدىغانلىغىنى ئېيتتى. ئاخىرىدا ئۇنىڭدىن كەچۈرۈم سورىغان بولدى.كېيىن ئۇ ئېرى بىلەنمۇ سۆزلەشتى،ئېرى قىزىرىپ كەتتى،بەكمۇ ئوڭايسىزلانغانلىغى چىرايىدىن چىقىپ تۇراتتى.ئۇنىڭغا چۈشەندۈردى،بۇنى پەقەت بىر ئۇچۇر دەپلا بىلىڭ،ھىچقانداق ئىش يوق،مەن سىزنى سۆيىمەن.دىدى.ئۇ ناھايىتى سوغۇققانلىق بىلەن:
N86Hn]# -ئۆزىڭىز بىلىسىز مەن قالايمىقان ئەر كۈنلەيدىغانلاردىن ئەمەس.سىلەر توغرىلىق ئۆسەك سۆزلەرنى ئاڭلىمىدىممۇ ئەمەس،لېكىن مەن سىزگە ئىشىنىپ ئۇ سۆزلەرگە پەرۋا قىلماي يۈردۈم،يېقىنچىلىغىڭلارنىڭ چەكتىن ئېشىپ كەتكەنلىگىنى سەزمىدىممۇ ئەمەس،ئىچىمدە بىلىپ يۈردۈم.ئەمدى بەس،ئۆزىڭىز دىققەت قىلارسىز-دىدى.ئېرى ئۇنى قۇچاقلاپ،جېنىم خوتۇنۇم بۇ نازۇك جىسمىڭىز بىلەن بۇ ئىشلارنى قانداقمۇ ئىچىڭىزگە سىغدۇرۇپ يۈرگەنسىز،مېنى كەچۈرۈڭ!-دىدى.ئۇنىڭ ياشلىرى ئۈنسىز تاراملاپ تۆكۈلدى.
L^0jyp ئۇ بۇ بىر ئۇچۇرغۇ خالاس،دىگەن گەپكە ئىشەنمەكچى بولدى،ئۇلار ئوتتۇرىسدا باشقا ئىش بولمىسىمۇ، ئۇلار ئۇچۇر ئارقىلىق كۆڭۈل خوشى قىلىپ يۈرىشتى،بىر-بىرسىنى مېنى ياخشى كۆرىدۇ دەپ زوقلىنىپ يۈرۈشتى بۇ ئېنىق ئىدى،ئۇنىڭغا قىلمىش جەھەتتىكى ئاسىلىقتىن ھىسسىيات جەھەتتىكى بۇنداق ئاسىلىق بەكرەك ئېغىر كەلدى. ئۇ بىر ئىستاكان مۇز سۈيى ئىچىۋالغاندەك بۇلۇپ قالدى،ئۇ بۇ سۇنى ئاستا-ئاستا ئىسسىتىشى كېرەك.ئۇنىڭ ئاياللىق غۇرۇرى ئېغىر زەربىگە ئۇچرىغان ئىدى. ئۇ خۇددى شېرىن چۈشتىن ئويغانغاندەك بولۇپ قالدى،ئۆزىنى بىر نەچچە كۈن ئىچىدىلا 10 نەچچە ياش قېرىپ كەتكەندەك ھىس قىلىپ قالدى.دىمىسىمۇ ئۇنىڭ پىسخىك يېشى ئۇ ئېرى بىلەن مۇھەببەتلەشكەن 20 ياش ۋاقتىدا توختاپ قالغان ئىكەن. قېنى ئۇنىڭ شېرىن چۈشلىرى،يۈرەك قېنىنى سەرپ قىلىپ ئاسراپ كەلگەن مۇھەببىتى،ئۇنىڭ پاك ئەقىدىسى...
GQ[\R&]q< ئۇ بۇ دۇنياغا شۇنچىلىك سەبىلەرچە قاراپتۇ.شېرىن چۈش ئىلكىدىكى ئۇ قانداق بەختلىك ئىدى-ھە!ئەمما بۇ چۈش ئەمدىلىكتە بەربات بولغان ئىدى. ئۇ ئەمدى چۈشەندى،رىئال تۇرمۇش چۆچەكلەردىكى شاھزادە بىلەن مەلىكىنىڭ ھىكايىسى ئەمەسكەن.
#cmj?y() ئېرى بىلەن تونۇشقاندىن تا ھازىرغىچە بولغان ھەممە ئىشلار ئۇنىڭ كۆڭۈل ئىكرانىدىن بىر-بىرلەپ ئۆتۈشكە باشلىدى.شۇنىڭدىن باشلاپ ئۇنىڭ دۇنياسىدا پەقەت ئېرىلا بار ئىدى،ئۇ ئېرىغا بارلىغىنى بېغىشلىدى،ئېرىنىڭ كەمچىللىكلىرىدىن تارتىپ ھەممىنى قوبۇل قىلدى،قېيناتا-قېينئانىلىرىنى ئۆز ئاتا-ئانىسىدەك كۆردى،ئائىلىسى پەرزەنتى ئۈچۈن غايە-ئارزۇلىرىدىن ۋاز كەچتى.ئۇ بارلىغىنى ئېرىنىڭ بىر ئېغىز سىزنى سۆيىمەن دىگەن سۆزىگە قۇربان قىلىشقا تەييار ئىدى،ئۇ ئېرىنى سۆيەتتى،ئۇنىڭ كۆڭلىنى ئۇتۇش ئۈچۈنمۇ ئىزدىنەتتى،ئېرىنىڭ كۆڭلنى تۇتۇپ تۇرۇش ئۈچۈن كۆپ تىرىشتى.لېكىن ئۇ پانى ئالەمدىكى ھاۋايى-ھەۋەسنىڭ چېكى يوقلىغىنى بۇ دۇنيادىكى ئادەملەرنىڭ ئاچكۆزلىگىنى نەدىن بىلسۇن؟بەزى ئەرلەرنىڭ ئاچكۆزلىگى ھەرخىل ئىرق،ھەرخىل ياش،ھەرخىل مىجەزدىكى ئاياللار بىلەن ئۇچرىشىپ بېقىش بولسا،بەزى ئاياللارنىڭ ئاچكۆزلىگى ئۆزىنى بارلىق ئەرلەرنىڭ ياخشى كۆرىدىغانلىغىغا ئۆزىنى ئىشەندۈرۈش ئىدى.
UCq+F96j خەير ئۇ بۇ ئىشلارغا كۆزىنى يۇمىۋەتتى،ئۇ بۇ ئىشلارنى ئۆزىنىڭ ئېرىنى بەكلا ئۆز مەيلىگە قويۇپ بەرگەنلىگىدىنمۇ كۆردى،ئۇ بىر كىتاپتا كەڭ قۇرساق ئاياللار ئەرلەرنى يامان ئۈگۈتۈپ قويىدۇ دەپ ئوقىغان ئىدى.شۇڭا ئۇلارنى مۇۋاپىق تىزگىنلەپمۇ تۇرۇش كېرەككەن.ئۇ ئەخلاق-پەزىلەتلىك بولۇپلا قالماي يەنە ناھايىتى ئەقىللىق ئىدى ،شۇڭا ئۇ ئېرىنىڭ ئالدىدا يىغلاپ-قاقشاپ ياقىسىغا ئېسىلىپ جىدەلمۇ قىلىپ كەتمىدى،باشقا ئاياللاردەك ئېرىغا ئۇ ئايالنى پاسكىنا دەپ تىللاپمۇ بەرمىدى.سىرتقا چىقىپ باشقىلارغا دەپمۇ يۈرمىدى.ئۇ بۇ ئىشلارنى ھەتتا يېقىن دوستلىرىغىمۇ دىمىدى.ئېرى ئۇنىڭ ئالدىدا تەمتىرەيتى ئۇنىڭ كۆڭلىنى ئېلىشقا تىرىشاتتى،‹ئۇ دىگەن ئۇنداق تۇرسا مۇنداق تۇرسا مەن ئۇنى ياخشى كۆرەتتىممۇ›دىگەندەك گەپلەرنى قىلغاندا سۆزلەشتىن توختۇتۇپ قويدى.
U9;AU] A شۇنداق قىلىپ بۇ ئىشلار تېنچقىنە ئۆتۈپ كەتكەن بولدى.ئۇ ھېلىقى ئايال بىلەن يەنىلا سالام-سائەت قىلىپ،بار تاۋىغىم يان تاۋىغىم قىلىپ ئۆتىۋەردى.
+:^ tppg بەلكىم بۇ ھىكايە ئاخىرلاشقاندۇ،ياكى ئاخىرلاشمىغاندۇ.ئۇنىڭ بۇنىڭدىن كېينكى تۇرمۇش يولىدا شۇنداقلا ھەممىمىزنىڭ ھايات يولىدا بۇنداق خىرىسلار يوق دەپ كىم ئېيتالايدۇ؟
WO
'33Q( مەنبە:قەلەم
[ بۇ يازما قوزام تەرپىدىن2008-12-23 11:32دە قايتا تە ]
