ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﯩﯔ ﺋﺎﮬﺎﯓ ﺋﺎﻻﮬﯩﺪﯨﻠﯩﻜﻰ ﮬﻪﻗﻘﯩﺪﻩ ﻗﯩﺴﻘﯩﭽﻪ ﻣﯘﻻﮬﯩﺰﻩ

ﺗﯘﺭﺳﯘﻧﺠﺎﻥ ﺋﺎﺑﺪﯗﻟﻼ

ﺋﯘﻳﻐﯘﺭ ﺧﻪﻟﻘﯩﻨﯩﯔ ﺳﻪﻧﺌﻪﺕ ﺋﯩﺴﺘﯧﺘﯩﻜﯩﺴﻰ ﮬﻪﻗﻘﯩﺪﻩ ﺳﯚﺯ ﺑﻮﻟﺴﺎ، ﻛﯩﺸﯩﻠﻪﺭ ﮬﻪﻣﯩﺸﻪ « ﺋﯘﻳﻐﯘﺭﻻﺭ ﻗﻪﺩﯨﻤﻰ ﭼﯩﻘﻘﺎﻥ ﮬﺎﻣﺎﻥ ﺋﯘﺳﺴﯘﻝ ﺋﻮﻳﻨﯩﻴﺎﻻﻳﺪﯗ، ﺗﯩﻠﻰ ﭼﯩﻘﻘﺎﻥ ﮬﺎﻣﺎﻥ ﻧﺎﺧﺸﺎ ﺋﯧﻴﺘﺎﻻﻳﺪﯗ » ﺩﻩﭖ ﺗﻪﺭﯨﭙﻠﯩﺸﯩﺪﯗ. ﺑﯘ ﺧﯧﻠﯩﻼ ﻣﯘﺑﺎﻟﯩﻐﻪ ﻗﯩﻠﯩﻨﻐﺎﻥ ﺳﯚﺯ ﺑﻮﻟﺴﯩﻤﯘ، ﻟﯧﻜﯩﻦ ﺋﯘ ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﺘﯩﻦ ﺑﻮﻳﺎﻥ ﻧﺎﺧﺸﺎ- ﺋﯘﺳﺴﯘﻟﻐﺎ ﮬﯧﺮﯨﺴﻤﻪﻥ، ﺳﻪﻧﺌﻪﺗﺨﯘﻣﺎﺭ ﺧﻪﻟﻖ ﺋﯩﻜﻪﻧﻠﯩﻜﯩﺪﻩﻙ ﻣﯩﻠﻠﯩﻲ ﺧﺎﺳﻠﯩﻘﻨﻰ ﺋﻮﺑﺪﺍﻧﻼ ﻳﯘﺭﯗﺗﯘﭖ ﺑﯧﺮﻩﻟﻪﻳﺪﯗ. ﺋﯘﻳﻐﯘﻻﺭﻧﯩﯔ ﻣﯩﻠﻠﯩﻲ ﺧﺎﺳﻠﯩﻘﯩﻨﻰ ﺗﻪﺷﻜﯩﻞ ﻗﯩﻠﻐﯘﭼﻰ ﺭﻭﺷﻪﻥ ﺑﻪﻟﮕﯩﻠﻪﺭﻧﯩﯔ ﺑﯩﺮﻯ ﺑﻮﻟﻐﺎﻥ ﺑﯘﻧﺪﺍﻕ ﺳﻪﻧﺌﻪﺗﺨﯘﻣﺎﺭﻟﯩﻖ ﻧﺎﮬﺎﻳﯩﺘﻰ ﻗﻪﺩﯨﻤﻜﻰ ﺩﻩﯞﺭﻟﻪﺭﺩﻩ ﺑﺎﺭﻟﯩﻘﻘﺎ ﻛﻪﻟﮕﻪﻥ.
ﺋﯘﻳﻐﯘﺭﻻﺭﻧﯩﯔ ﺧﻪﻟﻖ ﻧﻪﻏﻤﻪ- ﻣﻪﺷﺮﻩﭘﻠﯩﺮﯨﻨﯩﯔ « 12 ﻣﯘﻗﺎﻡ » ﺷﻪﻛﻠﯩﺪﻩ ﻗﯧﻠﯩﭙﻼﺷﺘﯘﺭﯗﻟﯘﺷﻰ ﺧﻪﻟﻖ ﻧﻪﻏﻤﯩﻠﯩﺮﯨﻨﯩﯔ ﺗﯧﻤﺎﺗﯩﻜﺎ، ﻛﯜﻱ ﯞﻩ ﺑﻪﺩﯨﺌﯩﻴﯩﻠﯩﻚ ﺟﻪﮬﻪﺗﻠﻪﺭﺩﯨﻦ ﻳﯜﻛﺴﻪﻙ ﺩﻩﺭﯨﺠﯩﺪﻩ ﺗﺎﻛﺎﻣﯘﻟﻼﺷﺘﯘﺭﯗﻟﯘﺷﻰ ﺑﻮﻟﯘﭖ، ﺋﯘ ﺧﻪﻟﻘﯩﻤﯩﺰﻧﯩﯔ ﺳﻪﻧﺌﻪﺕ ﺩﯗﺭﺩﺍﻧﯩﻠﯩﺮﯨﻨﯩﯔ ﺟﻪﯞﮬﯩﺮﻯ، ﺷﯘﻧﺪﺍﻗﻼ ﺟﺎﮬﺎﻥ ﻣﻪﺩﻩﻧﯩﻴﻪﺕ -  ﺳﻪﻧﺌﻪﺕ ﺧﻪﺯﯨﻨﯩﺴﯩﮕﻪ ﺳﻮﯞﻏﺎ ﻗﯩﻠﻐﺎﻥ ﺑﯩﺒﺎﮬﺎ ﮔﯚﮬﻪﺭﺩﯗﺭ.
12 ﻣﯘﻗﺎﻡ ﭘﯜﺗﻜﯜﻝ ﺋﯘﻳﻐﯘﺭ ﻧﺎﺧﺸﺎ- ﺋﯘﺳﺴﯘﻝ ﺳﻪﻧﺌﯩﺘﯩﮕﻪ ﻗﺎﺭﯨﺘﺎ ﺋﺎﺳﺎﺳﯩﻲ ﻣﯧﻠﻮﺩﯨﻴﻪ ﺟﻪﮬﻪﺗﺘﯩﻦ ﻳﯧﺘﻪﻛﭽﻰ ﺋﻮﺭﯗﻧﺪﺍ ﺗﯘﺭﺳﯩﻤﯘ، ﻟﯧﻜﯩﻦ ﺋﯘ ﺧﻪﻟﻖ ﺋﯩﭽﯩﺪﻩ ﻣﻪﯞﺟﯘﺕ ﺑﻮﻟﯘﯞﺍﺗﻘﺎﻥ ﺑﺎﺭﻟﯩﻖ ﻛﯜﻱ ﺷﻪﻛﻠﻰ، ﺭﯨﺘﯩﻤﻰ ﯞﻩ ﻛﯜﻱ ﺷﯧﯟﯨﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﯧﻠﯩﭗ ﻛﯧﺘﻪﻟﻤﻪﻳﺪﯗ. ﮬﻪﺭ ﻗﺎﻳﺴﻰ ﺭﺍﻳﻮﻧﻼﺭﺩﺍ ﻗﻪﺩﯨﻤﺪﯨﻦ ﺗﺎﺭﺗﯩﭗ ﺩﺍﯞﺍﻣﻠﯩﺸﯩﭗ، ﺑﯧﻴﯩﺘﯩﭗ ﻛﻪﻟﮕﻪﻥ ﺋﯘﻳﻐﯘﺭ ﺧﻪﻟﻖ ﻧﻪﻏﻤﻪ- ﻣﻪﺷﺮﻩﭘﻠﯩﺮﻯ، ﻧﺎﺧﺸﺎ- ﻗﻮﺷﺎﻗﻠﯩﺮﻯ ﯞﻩ ﺩﺍﺳﺘﺎﻧﻠﯩﺮﯨﺪﺍ ﺑﯩﺮ- ﺑﯩﺮﯨﺪﯨﻦ ﭘﻪﺭﻗﻠﯩﻨﯩﺪﯨﻐﺎﻥ ﻳﻪﺭﻟﯩﻚ ﺋﺎﻻﮬﯩﺪﯨﻠﯩﻜﻠﻪﺭ ﻛﯧﻠﯩﭗ ﭼﯩﻘﻘﺎﻥ. ﻣﯘﺷﯘﻧﺪﺍﻕ ﻳﻪﺭﻟﯩﻚ ﺋﺎﻻﮬﯩﺪﯨﻠﯩﻜﻠﻪﺭﻧﯩﯔ ﮬﯧﺴﺎﺑﻘﺎ ﺋﯧﻠﯩﻨﯩﺸﻰ ﺋﺎﺭﻗﯩﺴﯩﺪﺍ، ﮬﻪﺭ ﻗﺎﻳﺴﻰ ﺟﺎﻳﻼﺭﻧﯩﯔ ﻧﻪﻏﻤﻪ- ﻣﻪﺷﺮﻩﭘﻠﯩﺮﻯ ( ﻧﺎﺧﺸﯩﻠﯩﺮﻯ ) « ﺋﯩﻠﻰ ﺳﻪﻧﯩﻤﻰ (  ﻧﺎﺧﺸﯩﻠﯩﺮﻯ  )»، « ﺗﯘﺭﭘﺎﻥ ﺳﻪﻧﯩﻤﻰ (  ﻧﺎﺧﺸﯩﻠﯩﺮﻯ  )»، « ﻗﯘﻣﯘﻝ ﺳﻪﻧﯩﻤﻰ ( ﻧﺎﺧﺸﯩﻠﯩﺮﻯ )»، « ﻛﯘﭼﺎ ﺳﻪﻧﯩﻤﻰ (  ﻧﺎﺧﺸﯩﻠﯩﺮﻯ  ) ، « ﺋﺎﺗﯘﺵ ﺳﻪﻧﯩﻤﻰ (  ﻧﺎﺧﺸﯩﻠﯩﺮﻯ  ) »، « ﻗﻪﺷﻘﻪﺭ ﺳﻪﻧﯩﻤﻰ (  ﻧﺎﺧﺸﯩﻠﯩﺮﻯ  ) »، « ﺧﻮﺗﻪﻥ ﺳﻪﻧﯩﻤﻰ (  ﻧﺎﺧﺸﯩﻠﯩﺮﻯ  ) »ﺩﻩﭖ ﺋﺎﺗﺎﭖ ﭘﻪﺭﻗﻠﻪﻧﺪﯛﺭﯛﻟﻤﻪﻛﺘﻪ.
ﺑﯘ ﻛﯩﺘﺎﺑﺘﺎ، ﺧﻮﺗﻪﻥ ﺧﻪﻟﻖ ﻧﻪﻏﻤﯩﻠﯩﺮﻯ، ﻣﻪﺷﺮﻩﭖ- ﺳﻪﻧﻪﻣﻠﯩﺮﻯ، ﻧﺎﺧﺸﺎ- ﻗﻮﺷﺎﻗﻠﯩﺮﻯ ﯞﻩ ﻣﯘﺯﯨﻜﯩﻠﯩﻖ ﺩﺍﺳﺘﺎﻧﻠﯩﺮﻯ « ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﻯ » ﺩﯦﮕﻪﻥ ﺋﻮﻣﯘﻣﯩﻲ ﻧﺎﻡ ﺑﯩﻠﻪﻥ ﺋﺎﺗﺎﻟﺪﻯ. ﺑﯘ ﻳﻪﺭﺩﻩ ﺧﻮﺗﻪﻥ ﻧﺎﯨﺸﺎ ﻛﯜﻳﻠﯩﺮﯨﻨﯩﯔ ﺑﻪﺯﻯ ﺋﺎﻻﮬﯩﺪﯨﻠﯩﻜﻠﯩﺮﻯ ﺋﯜﺳﺘﯩﺪﻩ ﻣﯘﻻﮬﯩﺰﻩ ﻗﯩﻠﯩﭗ ﺋﯚﺗﯩﻤﯩﺰ.
1. ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﯩﯔ ﺭﺍﻳﻮﻧﻼﺭﻏﺎ ﺗﺎﺭﻗﯩﻠﯩﺶ ﺋﺎﻻﮬﯩﺪﯨﻠﯩﻜﻰ
ﺑﯩﺰ ﺑﯘ ﻛﯩﺘﺎﺑﻨﻰ ﺗﯜﺯﯛﺵ ﺋﯜﭼﯜﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﻰ ﺗﻮﭘﻼﺵ، ﺭﻩﺗﻠﻪﺵ ﺩﺍﯞﺍﻣﯩﺪﺍ ﺷﯘﻧﻰ ﮬﯧﺲ ﻗﯩﻠﺪﯗﻗﻜﻰ، ﺧﻮﺗﻪﻥ ﯞﯨﻼﻳﯩﺘﯩﻨﯩﯔ ﮬﻪﺭ ﻗﺎﻳﺴﻰ ﻳﯧﺰﺍ- ﻛﻪﻧﺘﻠﯩﺮﯨﺪﻩ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﯩﯔ ﻣﻪﻟﯘﻡ ﺑﯩﺮ ﻳﺎﻛﻰ ﺑﯩﺮ ﻗﺎﻧﭽﻪ ﺗﯜﺭﻟﯩﺮﯨﮕﻪ ﯞﺍﺭﯨﺴﻠﯩﻖ ﻗﯩﻠﯩﭗ ﺳﺎﻗﻼﭖ ﻛﻪﻟﮕﻪﻥ، ﺑﻪﻟﻜﻰ ﺋﯚﺯﯨﻨﯩﯔ ﺋﯩﺠﺎﺩﯨﻲ ﺋﻪﻣﮕﯩﻜﻰ ﺑﯩﻠﻪﻥ ﺑﯘ ﺧﻪﺯﯨﻨﯩﻨﻰ ﺗﻮﻟﯘﻗﻼﭖ ﻛﯧﻠﯩﯟﺍﺗﻘﺎﻥ ﺧﻪﻟﻖ ﺳﻪﻧﺌﻪﺗﻜﺎﺭﻟﯩﺮﻯ ﺑﺎﺭ ﺑﻮﻟﺴﯩﻤﯘ، ﺷﯘﻧﺪﺍﻗﻼ ﻳﻪﻧﻪ ﮬﻪﺭ ﺑﯩﺮ ﻳﯧﺰﺍ- ﻛﻪﻧﺘﺘﻪ ﮬﻪﺭ ﺧﯩﻞ ﻣﻪﺩﻩﻧﯩﻴﻪﺕ- ﺳﻪﻧﺌﻪﺕ ﭘﺎﺋﺎﻟﯩﻴﻪﺗﻠﯩﺮﻯ ﺩﺍﯞﺍﻡ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺭﺍﻳﻮﻧﻼﺭﺩﺍ ﺋﻮﺧﺸﺎﺵ ﺑﻮﻟﻤﯩﻐﺎﻥ ﻧﺎﺧﺸﺎ- ﻛﯜﻳﻠﻪﺭ ﺗﺎﺭﻗﺎﻟﻐﺎﻥ ﯞﻩ ﻳﯧﺘﻪﻛﭽﻰ ﺋﻮﺭﯗﻧﺪﺍ ﺗﯘﺭﯗﭖ ﻛﻪﻟﮕﻪﻥ. ﺑﯘﻻﺭﻧﻰ ﺋﺎﮬﺎﯓ ﭘﻪﺭﻗﻰ ﯞﻩ ﺋﻮﺭﯗﻧﺪﺍﺵ ﯞﺍﺳﺘﯩﺴﻰ ﺟﻪﮬﻪﺗﺘﯩﻜﻰ ﭘﻪﺭﻗﯩﮕﻪ ﺋﺎﺳﺎﺳﻪﻥ، ﺋﯜﭺ ﺗﯜﺭﮔﻪ ﺑﯚﻟﯜﺷﻜﻪ ﺑﻮﻟﯩﺪﯗ.
(1) ﺭﺍﯞﺍﺏ ﻗﻮﺷﺎﻕ ( ﺗﺎﻍ ﻧﺎﺧﺸﯩﻠﯩﺮﻯ ) ﺭﺍﻳﻮﻧﻰ
ﺑﯘ ﺭﺍﻳﻮﻥ ﭼﯩﺮﺍ ﻧﺎﮬﯩﻴﯩﺴﯩﻨﯩﯔ ﻻﯕﺮﯗ، ﻗﺎﺷﺘﯧﺸﻰ، ﻧﯘﺭﻯ، ﺑﻮﺳﺘﺎﻥ ﻳﯧﺰﯨﻠﯩﺮﻧﻰ ﻣﻪﺭﻛﻪﺯ ﻗﯩﻠﻐﺎﻥ ﮬﺎﻟﺪﺍ، ﺧﻮﺗﻪﻥ ﻧﺎﮬﯩﻴﯩﺴﯩﻨﯩﯔ ﻻﯕﺮﯗ، ﻗﺎﺷﺘﯧﺸﻰ ﻳﯧﺰﯨﺴﻰ، ﻛﯧﺮﯨﻴﻪ ﻧﺎﮬﯩﻴﯩﺴﯩﻨﯩﯔ ﺋﺎﺗﭽﺎﻥ ﻳﯧﺰﯨﺴﻰ، ﻧﯩﻴﺎ ﻧﺎﮬﯩﻴﯩﺴﯩﻨﯩﯔ ﻳﯧﻴﯩﻖ ، ﺳﺎﻟﻐﯘﺯﻩﻙ ﻳﯧﺰﯨﺴﻰ ﻗﺎﺗﺎﺭﻟﯩﻖ ﺟﺎﻳﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﻣﯘﻧﺪﺍﻗﭽﻪ ﻗﯩﻠﭗ ﺋﯧﻴﺘﻘﺎﻧﺪﺍ، ﻗﺎﺭﺍ ﻗﯘﺭﯗﻡ ﺗﺎﻍ ﺗﯩﺰﻣﯩﺴﯩﻨﯩﯔ ﺷﯩﻤﺎﻟﯩﻲ ﻳﺎﻧﺒﺎﻏﺮﯨﺪﯨﻜﻰ ﭼﺎﺭﯞﯨﭽﯩﻠﯩﻖ ﺭﺍﻳﻮﻧﻠﯩﺮﻯ ﺑﯩﻠﻪﻥ ﻳﯧﺮﯨﻢ ﺩﯦﮭﻘﺎﻧﭽﯩﻠﯩﻖ، ﻳﯧﺮﯨﻢ ﭼﺎﺭﯞﯨﭽﯩﻠﯩﻖ ﺭﺍﻳﻮﻧﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.
ﺑﯘ ﺭﺍﻳﻮﻧﺪﺍ ﮊﺍﻧﯩﺮ ﺟﻪﮬﻪﺗﺘﯩﻦ ﺋﯧﻴﺘﻘﺎﻧﺪﺍ، ﺋﯚﺯﻯ ﭼﯧﻠﯩﭗ ﺋﯚﺯﻯ ﺋﻮﺭﯗﻧﺪﺍﻳﺪﯨﻐﺎﻥ ﺭﺍﯞﺍﺏ ﻗﻮﺷﺎﻗﻠﯩﺮﻯ ﯞﻩ ﺋﯘﺳﺴﯘﻝ ﺋﺎﺳﺎﺳﯩﻲ ﺋﻮﺭﯗﻧﺎ ﺗﯘﺭﯨﺪﯗ. ﻳﯜﺭﯛﺷﻠﻪﺷﻜﻪﻥ ﻣﯘﻗﺎﻡ، ﻣﻪﺷﺮﻩﭖ ﮊﺍﻧﯩﺮﻯ ﺋﺎﻧﭽﻪ ﺋﻮﻣﯘﻣﻼﺷﻤﯩﻐﺎﻥ. ﺋﻮﺭﯗﻧﺪﺍﺵ ﯞﺍﺳﺘﯩﺴﻰ ﺟﻪﮬﻪﺗﺘﯩﻦ ﺋﯧﻴﺘﻘﺎﻧﺪﺍ ﭘﻪﺩﯨﺴﯩﺰ ﺭﺍﯞﺍﺏ ( ﻗﻮﻳﭽﻰ ﺭﺍﯞﺍﺑﻰ، ﺋﺎﻟﯩﭽﻰ ﺭﺍﯞﺍﺑﻰ ﺩﻩﭘﻤﯘ ﺋﺎﺗﯩﻠﯩﺪﯗ ) ﺋﺎﺳﺎﺳﯩﻲ ﺋﻮﺭﯗﻧﺪﺍ ﺗﯘﺭﯨﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ، ﺩﺍﭖ، ﺩﯗﺗﺎﺭ، ﻧﻪﻳﻤﯘ ﺧﯧﻠﻰ ﺋﻮﻣﯘﻣﻼﺷﻘﺎﻥ. ﺗﯧﻜﯩﺴﺖ ﺟﻪﮬﻪﺗﺘﻪ ﺑﯩﺮﺩﻩﻙ ﺧﻪﻟﻖ ﻗﻮﺷﺎﻗﻠﯩﺮﻯ ﺋﺎﺳﺎﺱ ﻗﯩﻠﯩﻨﯩﺪﯗ. ﻛﯩﻼﺳﺴﯩﻚ ﺋﻪﺩﯨﺒﻠﻪﺭﻧﯩﯔ ﺗﯧﻜﯩﺴﺘﻠﯩﺮﻯ ﺋﺎﻧﭽﻪ ﻛﯚﭖ ﺗﺎﺭﻗﺎﻟﻤﯩﻐﺎﻥ، ﺩﯦﻤﻪﻙ، ﭼﺎﺭﯞﯨﭽﯩﻠﯩﻖ ﺋﺎﺳﺎﺳﯩﻲ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺑﯘ ﺭﺍﻳﻮﻧﺪﺍ ﻣﻪﯞﺟﯘﺕ ﺑﻮﻟﯘﯞﺍﺗﻘﺎﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﻯ ﻣﻪﻳﻠﻰ ﮊﺍﻧﯩﺮ ﻳﺎﻛﻰ ﺋﻮﺭﯗﻧﺪﺍﺵ ﯞﺍﺳﺘﯩﺴﻰ ﺟﻪﮬﻪﺗﺘﻪ ﺑﻮﻟﺴﯘﻥ، ﻳﻪﻛﻜﻪ -  ﻳﯧﮕﺎﻧﻪ ﻳﯜﺭﯛﭖ ﻣﺎﻝ ﺑﺎﻗﯩﺪﯨﻐﺎﻥ ﭼﺎﺭﯞﯨﭽﯩﻠﯩﻖ ﺋﯩﺸﻠﻪﭘﭽﯩﻘﯩﺮﯨﺸﻨﯩﯔ ﺋﺎﻻﮬﯩﺪﯨﻠﯩﻜﯩﻨﻰ ﺋﻪﻛﯩﺲ ﺋﻪﺗﺘﯜﺭﺩﯗ.

(2) ﺋﯘﻧﯩﯟﯦﺮﺳﺎﻝ ﻧﺎﺧﺸﺎ- ﻛﯜﻱ ﺭﺍﻳﻮﻧﻰ

ﺑﯘ ﺭﺍﻳﻮﻥ ﮔﯘﻣﺎ ﻧﺎﮬﯩﻴﯩﺴﯩﺪﯨﻦ ﻧﯩﻴﺎ ﻧﺎﮬﯩﻴﯩﺴﯩﮕﯩﭽﻪ ﺑﻮﻟﻐﺎﻥ ﻳﻪﺗﺘﻪ ﻧﺎﮬﯩﻴﻪ ﺑﯩﺮ ﺷﻪﮬﻪﺭﻧﯩﯔ ﺗﺎﻍ ﺋﺎﻟﺪﻯ ﭼﯚﻛﯜﻧﺪﻯ ﺗﯜﺯﻟﻪﯕﻠﯩﻜﻜﻪ ﺟﺎﻳﻼﺷﻘﺎﻥ ﺑﺎﺭﻟﯩﻖ ﺩﯦﮭﻘﺎﻧﭽﯩﻠﯩﻖ ﻳﯧﺰﺍ- ﻛﻪﻧﺘﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﮊﺍﻧﯩﺮ ﺟﻪﮬﻪﺗﺘﯩﻦ، ﺑﯘ ﺭﺍﻳﻮﻧﺪﺍ ﻣﯘﻗﺎﻡ، ﻧﻪﻏﻤﻪ، ﻣﻪﺷﺮﻩﭖ، ﻣﯘﺯﯨﻜﯩﻠﯩﻖ ﻧﺎﺧﺸﺎ، ﺭﺍﯞﺍﺏ ﻗﻮﺷﺎﻕ، ﻟﻪﭘﻪﺭ ( ﺋﯧﻴﺘﯩﺸﯩﺶ )، ﺋﯘﺳﺴﯘﻝ، ﻣﯘﺯﯨﻜﯩﻠﯩﻖ ﺩﺍﺳﺘﺎﻥ، ﺳﯧﺮﯨﻜﭽﯩﻠﯩﻚ- ﺳﯧﮭﺮﯨﮕﻪﺭﻟﯩﻚ، ﺩﺍﺭﯞﺍﺯﻟﯩﻖ ﻗﺎﺗﺎﺭﻟﯩﻖ ﺋﯘﻳﻐﯘﺭ ﺳﻪﻧﺌﯩﺘﯩﻨﻰ ﺗﻪﺷﻜﯩﻞ ﻗﯩﻠﻐﯘﭼﻰ ﮬﻪﺭ ﺧﯩﻞ ﮊﺍﻧﯩﺮﺩﯨﻜﻰ ﺳﻪﻧﺌﻪﺕ ﺷﻪﻛﯩﻠﻠﯩﺮﯨﻨﯩﯔ ﮬﻪﻣﻤﯩﺴﻰ ﺩﯦﮕﯜﺩﻩﻙ ﺗﺎﺭﻗﺎﻟﻐﺎﻥ. ﺑﯘ ﺭﺍﻳﻮﻧﺪﯨﻜﻰ ﺳﻪﻧﺌﻪﺕ ﺷﻪﻛﯩﻠﻠﯩﺮﻯ ﺑﯩﺮ ﻗﻪﺩﻩﺭ ﺗﻮﻟﯘﻕ ﺑﻮﻟﯘﭖ، ﻗﺎﺭﺍﻗﺎﺵ ﻧﺎﮬﯩﻴﯩﺴﯩﻨﯩﯔ ﻛﯘﻳﺎﻳﯧﺰﯨﺴﻰ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺳﺎﻗﻠﯩﻨﯩﭗ ﻛﯧﻠﯩﯟﺍﺗﻘﺎﻥ « ﭘﯩﺮ ﺋﯘﺳﺴﯘﻟﻰ » ﺗﻪﺗﻘﯩﻘﺎﺗﭽﯩﻼﺭﻏﺎ ﻗﺎﺭﯨﻐﺎﻧﺪﺍ، ﺑﯘﻧﯩﯖﺪﯨﻦ ﺋﯩﻜﻜﻰ ﻣﯩﯔ ﻧﻪﭼﭽﻪ ﻳﯜﺯ ﻳﯩﻠﻼﺭ ﺋﯩﻠﮕﯩﺮﯨﻜﻰ ﺷﺎﻣﺎﻥ ﺩﯨﻨﻰ ﺋﯧﺘﯩﻘﺎﺩﻯ ﺩﻩﯞﺭﯨﻨﯩﯔ ﻣﻪﮬﺴﯘﻟﯩﺪﯗﺭ. ﺋﯘﺯﺍﻕ ﺗﺎﺭﺧﯩﻲ ﺟﻪﺭﻳﺎﻧﺪﺍ ﺗﯧﻜﯩﺴﺘﻠﻪﺭﻧﯩﯔ ﻣﻪﺯﻣﯘﻧﯩﺪﺍ ﺋﯚﺯﮔﯩﺮﯨﺶ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﯘﺳﺴﯘﻝ ﺷﻪﻛﻠﻰ ﺟﻪﮬﻪﺗﺘﻪ ﻳﻪﻧﯩﻼ ﻗﻪﺩﯨﻤﯩﻲ ﺷﻪﻛﯩﻞ ﺳﺎﻗﻼﻧﻐﺎﻥ.
ﺋﻮﺭﯗﻧﺪﺍﺵ ﯞﺍﺳﺘﯩﺴﻰ ﺟﻪﮬﻪﺗﺘﻪ، ﺑﯘ ﺭﺍﻳﻮﻧﺪﺍ ﺩﺍﭖ، ﺩﯗﺗﺎﺭ، ﺗﻪﻣﺒﯜﺭ، ﻏﯧﺠﻪﻙ، ﺭﺍﯞﺍﺏ، ﭼﺎﯓ، ﻗﺎﻟﯘﻥ ( ﻳﯧﻘﯩﻨﻘﻰ ﺩﻩﯞﺭﻟﻪﺭﺩﻩ ﺋﯜﺯﯛﻟﯜﭖ ﻗﺎﻟﻐﺎﻥ ) ﺳﺎﭘﺎﻳﻰ، ﻧﺎﻏﺮﺍ، ﺳﯘﻧﺎﻱ، ﻧﻪﻱ، ﺑﺎﻟﯩﻤﺎﻥ، ﺗﺎﺵ، ﻗﻮﺷﯘﻕ ﻗﺎﺗﺎﺭﻟﯩﻖ ﺋﻪﻧﺌﻪﻧﯩﯟﯨﻲ ﭼﺎﻟﻐﯘ ﻗﻮﺭﺍﻟﻠﯩﺮﻯ ﺑﯩﺮ ﻗﻪﺩﻩﺭ ﺋﻮﻣﯘﻣﻼﺷﻘﺎﻥ. ﻛﯩﻼﺳﺴﯩﻚ ﺋﻪﺩﯨﺒﻠﻪﺭﻧﯩﯔ ﺗﯧﻜﯩﺴﺘﻠﯩﺮﯨﻤﯘ ﺧﻪﻟﻖ ﻧﺎﺧﺸﺎ، ﻗﻮﺷﺎﻕ ﺗﯧﻜﯩﺴﺘﻠﯩﺮﯨﻤﯘ ﺋﻮﺧﺸﺎﺷﻼ ﻛﻪﯓ ﺗﺎﺭﻗﺎﻟﻐﺎﻥ.
ﺑﯘ ﺭﺍﻳﻮﻧﺪﺍ ﺳﯘﻻﻳﻤﺎﻥ ﺋﺎﺧﯘﻥ ﻗﺎﻟﯘﻥ، ﻛﯧﺮﻩﻡ ﺋﺎﺧﯘﻥ ﺳﺎﺗﺎﺭ ﻗﺎﺗﺎﺭﻟﯩﻖ ﯞﺍﻳﯩﻐﺎ ﻳﻪﺗﻜﻪﻥ ﻣﯘﻗﺎﻣﺸﯘﻧﺎﺳﻼﺭ ﻳﯧﺘﯩﺸﯩﭗ ﭼﯩﻘﻘﺎﻥ. ﺧﻮﺗﻪﻥ ﺳﻪﻧﯩﻤﻰ ( ﺑﯘﻧﯩﯔ ﺋﯩﭽﯩﺪﻩ ﻛﯧﺮﯨﻴﻪ ﺳﻪﻧﯩﻤﻰ )، ﻟﻮﭖ ﺳﻪﻧﯩﻤﻰ، ( ﻛﯧﺮﯨﻴﻪ ) ﻟﻪﯕﮕﻪﺭ ﻣﻪﺷﺮﯨﭙﻰ ﻗﺎﺗﺎﺭﻟﯩﻖ ﺭﻩﺗﻠﻪﭖ ﻳﯜﺭﯛﺷﻠﻪﺷﺘﯜﺭﯛﻟﮕﻪﻥ ﺑﯩﺮ ﻗﻪﺩﻩﺭ ﻣﯘﻛﻪﻣﻤﻪﻝ ﺑﻮﻟﻐﺎﻥ ﻣﻪﺷﺮﻩﭖ- ﺳﻪﻧﻪﻡ ﻧﻪﻏﻤﯩﻠﯩﺮﻯ ﺷﻪﻛﯩﻠﻪﻧﮕﻪﻥ.
ﺑﯘ ﺭﺍﻳﻮﻥ ﭘﯜﺗﻜﯜﻝ ﺋﯘﻳﻐﯘﺭ ﻧﻪﻏﻤﻪ- ﺳﻪﻧﺌﯩﺘﻰ ﺑﯩﻠﻪﻥ ﺗﻪﯓ ﻗﻪﺩﻩﻣﺪﻩ ﺋﯩﻠﮕﯩﺮﯨﻠﻪﭖ ﻣﯧﯖﯩﺶ ﺑﯩﻠﻪﻥ ﺑﯩﻠﻠﻪ، ﺋﯚﺯﯨﮕﻪ ﺧﺎﺱ ﺋﺎﻻﮬﯩﺪﯨﻠﯩﻜﻠﻪﺭﻧﻰ ﺳﺎﻗﻼﭖ ﻛﻪﻟﮕﻪﻥ، ﭘﯜﺗﯜﻥ ﯞﯨﻼﻳﻪﺗﻠﯩﻚ ﺧﻪﻟﻖ ﺳﻪﻧﺌﯩﺘﯩﻨﯩﯔ ﺳﻪﯞﯨﻴﺴﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﯞﻩ ﻳﯧﺘﻪﻛﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﺎﻻﮬﯩﺪﯨﻠﯩﻜﻰ ﺑﯩﻠﻪﻥ ﺧﺎﺭﺍﻛﺘﯧﺮﻟﯩﻨﯩﺪﯗ.
(3) ﺋﯚﺗﻜﯜﻧﭽﻰ ﺑﻪﻟﺒﺎﻍ ﺭﺍﻳﻮﻧﻰ

ﺑﯘ ﺭﺍﻳﻮﻥ ﮔﯘﻣﺎ ﻧﺎﮬﯩﻴﯩﺴﯩﻨﯩﯔ ﻗﺎﻏﯩﻠﯩﻖ ﻧﺎﮬﯩﻴﯩﺴﯩﮕﻪ ﭼﯧﮕﺮﺍﺩﺍﺵ ﺑﻮﻟﻐﺎﻥ ﻛﯩﻠﻴﺎﯓ ﻳﯧﺰﯨﺴﻰ ﯞﻩ ﺋﯘﻧﯩﯔ ﺋﻪﺗﺮﺍﭘﯩﺪﯨﻜﻰ ﻗﻮﺷﺘﺎﻍ، ﺑﺎﺷﻠﻪﯕﮕﻪﺭ، ﭘﯧﺸﻨﺎ ﻳﯧﺰﯨﺴﻰ ﻗﺎﺗﺎﺭﻟﯩﻖ ﺗﺎﻏﻠﯩﻖ ﺭﺍﻳﻮﻧﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.
ﺑﯘ ﺭﺍﻳﻮﻧﺪﺍ « ﻛﯩﻠﻴﺎﯓ ﻣﻪﺷﺮﯨﭙﻰ » ﺩﻩﭖ ﺋﺎﺗﯩﻠﯩﺪﯨﻐﺎﻥ 27 ﺋﺎﮬﺎﯕﺪﯨﻦ ﺗﻪﺭﻛﯩﺐ ﺗﺎﭘﻘﺎﻥ ﻣﻪﺷﺮﻩﭖ ﻧﻪﻏﻤﯩﺴﻰ ﺳﺎﻗﻼﻧﻐﺎﻥ. ﺑﯘ ﻗﯧﺘﯩﻢ ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﻰ ﺭﻩﺗﻠﻪﺵ ﺩﺍﯞﺍﻣﯩﺪﺍ ﺑﯩﺰ ﺑﯘ ﺋﺎﮬﺎﯕﻼﺭﺩﯨﻦ ﺑﯩﺮ ﻗﯩﺴﻤﯩﻨﯩﯔ ﺩﻭﻻﻥ ﻣﻪﺷﺮﻩﭖ- ﻣﯘﻗﺎﻡ ﺋﺎﮬﺎﯕﻠﯩﺮﯨﻐﺎ ﻳﯧﻘﯩﻦ ﺋﯩﻜﻪﻧﻠﯩﻜﯩﻨﻰ، ﻳﻪﻧﻪ ﺑﯩﺮ ﻗﯩﺴﯩﻢ ﺋﺎﮬﺎﯕﻼﺭﻧﯩﯔ ﺋﺎﺭﯨﻼﺵ ﻣﯧﻠﻮﺩﯨﻴﯩﺪﯨﻦ ﺗﻪﺭﻛﯩﺐ ﺗﺎﭘﻘﺎﻧﻠﯩﻘﯩﻨﻰ ﮬﯧﺲ ﻗﯩﻠﺪﯗﻕ. ﺑﯩﺰ ﺑﯘ ﻛﯩﺘﺎﺑﻨﻰ ﺗﯜﺯﯛﺵ ﺩﺍﯞﺍﻣﯩﺪﺍ « ﺧﻮﺗﻪﻥ ﺧﻪﻟﻖ ﻧﺎﺧﺸﺎ –ﻛﯜﻳﻠﯩﺮﻯ  » ﻧﯩﯔ ﺋﯚﺯ ﺋﺎﻻﮬﯩﺪﯨﻠﯩﻜﯩﻨﻰ ﮔﻪﯞﺩﯨﻠﻪﻧﺪﯛﺭﯛﺷﻨﻰ ﭼﯩﻘﯩﺶ ﻗﯩﻠﯩﭗ، « ﻛﯩﻠﻴﺎﯓ ﻣﻪﺷﺮﯨﭙﻰ » ﺋﺎﮬﺎﯕﻠﯩﺮﯨﺪﯨﻦ ﺳﺎﭖ ﺧﻮﺗﻪﻥ ﺷﯧﯟﯨﺴﯩﮕﻪ ﺗﻪﯞﻩ ﺑﻮﻟﻐﺎﻥ ﺋﺎﮬﺎﯕﻼﺭﻧﻰ ﺗﺎﻟﻼﭖ ﻛﯩﺘﺎﺑﻘﺎ ﻛﯩﺮﮔﯜﺯﺩﯗﻕ.

2. ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﯩﯔ ﻛﯜﻱ ﺷﻪﻛﻠﻰ ﺟﻪﮬﻪﺗﺘﯩﻜﻰ ﺋﺎﻻﮬﯩﺪﯨﻠﯩﻜﻰ

ﺧﻮﺗﻪﻥ ﻧﺎﺧﺸﯩﻠﯩﺮﻯ ﻛﯜﻱ ﺷﻪﻛﻠﻰ ﺟﻪﮬﻪﺗﺘﯩﻦ ﺑﯩﺮ ﻗﻪﺩﻩﺭ ﺋﯘﻧﯩﯟﯦﺮﺳﺎﻟﯩﻘﻘﺎ ﺋﯩﮕﻪ ﺑﻮﻟﯘﭖ، ﻳﺎﯞﺭﯗﭘﺎﻧﯩﯔ 12 ﺗﺎﯞﯗﺷﻠﯘﻕ ﺳﯩﺴﺘﯧﻤﯩﺴﯩﻐﺎ ﺗﻪﯞﻩ ﮬﻪﺭ ﺧﯩﻞ ﻛﯜﻳﻠﻪﺭ ﯞﻩ ﻣﯩﻠﻠﯩﻲ ﺋﺎﻻﮬﯩﺪﯨﻠﯩﻚ، ﻣﺎﻛﺎﻥ ﺋﺎﻻﮬﯩﺪﯨﻠﯩﻜﻰ ﺋﻪﻛﯩﺲ ﺋﯧﺘﯩﺪﯨﻐﺎﻥ ﻣﯩﻠﻠﯩﻲ ﻛﯜﻱ ﺷﻪﻛﯩﻠﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﮬﻪﻣﺪﻩ ﺋﯘﻳﻐﯘﺭ 12 ﻣﯘﻗﺎﻣﯩﺪﯨﻜﻰ ﻛﯜﻱ ﺷﻪﻛﯩﻠﻠﯩﺮﯨﻨﯩﯔ ﮬﻪﻣﻤﯩﺴﻰ ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﺋﺎﮬﺎﯕﻠﯩﺮﯨﺪ ﻣﻪﯞﺟﯘﺕ. ﺑﯘﻧﯩﯔ ﺋﯩﭽﯩﺪﻩ ﺧﻮﺗﻪﻧﻨﯩﯔ ﻳﻪﺭﻟﯩﻚ ﺋﺎﻻﮬﯩﺪﯨﻠﯩﻜﻰ ﺑﯩﺮ ﻗﻪﺩﻩﺭ ﺭﻭﺷﻪﻥ ﺋﻪﻛﯩﺲ ﺋﻪﺗﻜﻪﻥ ﮔﺎﺭﻣﻨﯩﻴﯩﻠﯩﻚ ﻛﯜﻱ ﺳﯩﺴﺘﯧﻤﯩﺴﻰ ﯞﻩ ﺗﻪﺑﯩﺌﯩﻲ ﭼﻮﯓ- ﻛﯩﭽﯩﻚ ﻛﯜﻳﻠﻪﺭ ﺑﯩﺮ ﻗﻪﺩﻩﺭ ﻛﯚﭖ.
ﺧﻮﺗﻪﻥ ﺧﻪﻟﻖ ﻧﺎﺧﺸﯩﻠﯩﺮﯨﺪﺍ ﻛﯚﭖ ﺋﯘﭼﺮﺍﻳﺪﯨﻐﺎﻥ ﮔﺎﺭﻣﻮﻧﯩﻴﯩﻠﯩﻚ ﻛﯜﻳﻠﻪﺭ:
(1) ﮔﺎﺭﻣﻮﻧﯩﻴﯩﻠﯩﻚ ﭼﻮﯓ ﻛﯜﻱ- ﺋﺎﺩﻩﺗﺘﻪ ﻛﯚﭖ ﺋﯘﭼﺮﺍﻳﺪﯨﻐﺎﻥ ﺑﯩﺮ ﺧﯩﻞ ﻛﯜﻱ ﺷﻪﻛﻠﻰ ﺑﻮﻟﯘﭖ، ﻳﺎﯞﺭﯗﭘﺎﻧﯩﯔ ﺋﺎﻛﻮﺭﺩ ﻗﺎﺋﯩﺪﯨﺴﻰ ﺑﻮﻳﯩﭽﻪ ﺋﺎﺳﺎﺳﯩﻲ ﺋﺎﯞﺍﺯ ﺋﯜﺳﺘﯩﺪﻩ ﺑﯩﺮ ﺋﯘﭼﻠﯘﻕ ﭼﻮﯓ ﺋﺎﻛﻮﺭﺩ ﺗﻪﺷﻜﯩﻞ ﻗﯩﻠﻐﯘﭼﻰ ﺋﺎﯞﺍﺯﻻﺭﺩﯨﻦ ﺷﻪﻛﯩﻠﻠﯩﻨﯩﺪﯗ. ﺋﯘ ﺗﯚﯞﻩﻧﺪﯨﻜﻰ ﻓﻮﺭﻣﯩﻼ ﺑﻮﻳﯩﭽﻪ ﺷﻪﻛﯩﻠﻠﯩﻨﯩﺪﯗ:

DO   RE   MI   FA  SOLb  LA   SI   DO
I      II    III    IV   V   VI   VII     I


( ﺋﯩﻜﻜﻰ ﭘﯜﺗﯜﻥ ﺑﯩﺮ ﻳﯧﺮﯨﻢ، ﺑﯩﺮ ﭘﯜﺗﯜﻥ، ﺑﯩﺮ ﻳﯧﺮﯨﻢ، ﺑﯩﺮ ﺋﺎﺭﺗﺘﯘﺭﯗﻟﻐﺎﻥ، ﺑﯩﺮ ﻳﯧﺮﯨﻢ )
ﺑﯘ ﻛﯜﻱ ﺷﻪﻛﻠﯩﻨﯩﯔ ﺋﻪﯓ ﺭﻭﺷﻪﻥ ﺋﺎﻻﮬﯩﺪﯨﻠﯩﻜﻰ V ﺩﻩﺭﯨﺠﻪ ﺑﯩﻠﻪﻥ VI ﺩﻩﺭﯨﺠﯩﻨﯩﯔ ﺋﺎﺭﯨﻠﯩﻘﻰ ﻛﯩﭽﯩﻚ ﺋﯩﻜﻜﻰ ﮔﺮﺍﺩﯗﺱ، VI ﺩﻩﺭﯨﺠﻪ ﺑﯩﻠﻪﻥ VII ﺩﻩﺭﯨﺠﯩﻨﯩﯔ ﺋﺎﺭﯨﻠﯩﻘﻰ ﺋﺎﺭﺗﺘﯘﺭﯗﻟﻐﺎﻥ ﺋﯩﻜﻜﻰ ﮔﯩﺮﺍﺩﯗﺱ ﺑﻮﻟﻐﺎﻧﻠﯩﻘﯩﺪﺍ.
(2) ﮔﺎﺭﻣﻮﻧﯩﻴﯩﻠﯩﻚ ﻛﯩﭽﯩﻚ ﻛﯜﻱ- ﻣﯘﮬﯩﻢ ﯞﻩ ﺋﺎﺩﻩﺗﺘﻪ ﻛﯚﭖ ﺋﯩﺸﻠﯩﺘﯩﻠﯩﺪﯨﻐﺎﻥ ﺑﯩﺮ ﺧﯩﻞ ﻛﯜﻱ ﺷﻪﻛﻠﻰ. ﻳﺎﯞﺭﯗﭘﺎﻧﯩﯔ ﺋﺎﻛﻮﺭﺩ ﻗﺎﺋﯩﺪﯨﺴﻰ ﺑﻮﻳﯩﭽﻪ ﺋﺎﺳﺎﺳﯩﻲ ﺋﺎﯞﺍﺯ ﺋﯜﺳﺘﯩﺪﻩ ﺑﯩﺮ ﻛﯩﭽﯩﻚ ﺋﯘﭼﻠﯘﻕ ﺋﺎﻛﻮﺭﺩ ﺗﻪﺷﻜﯩﻠﻠﯩﮕﯜﭼﻰ ﺋﺎﯞﺍﺯﻻﺭﺩﯨﻦ ﺗﻪﺭﻛﯩﺐ ﺗﺎﭘﯩﺪﯗ. ﺑﯘ ﺗﯚﯞﻩﻧﺪﯨﻜﻰ ﻓﻮﺭﻣﯩﻼ ﺑﻮﻳﯩﭽﻪ ﺗﯜﺯﯛﻟﯩﺪﯗ.

LA    SI    DO   RE   MI     FA#  SOL  LA
I    II    III    IV    V    VI    VII    I  


( ﺑﯩﺮ ﭼﻮﯓ، ﺑﯩﺮ ﻛﯩﭽﯩﻚ، ﺋﯩﻜﻜﻰ ﭼﻮﯓ، ﺑﯩﺮ ﻛﯩﭽﯩﻚ، ﺑﯩﺮ ﺋﺎﺭﺗﺘﯘﺭﯗﻟﻐﺎﻥ، ﺑﯩﺮ ﻛﯩﭽﯩﻚ .)
ﺧﻮﺗﻪﻥ ﺧﻪﻟﻖ ﻧﺎﺧﺸﯩﻠﯩﺮﯨﺪﺍ ﻛﯚﭖ ﺋﯘﭼﺮﺍﻳﺪﯨﻐﺎﻥ ﻛﯜﻳﻠﻪﺭﺩﯨﻦ ﻳﻪﻧﻪ ﻟﯩﺪﯨﺴﻜﻰ ﻛﯜﻱ ﺷﻪﻛﻠﻰ، ﺋﯩﺌﻮﻧﯩﺴﻜﻰ ﻛﯜﻱ ﺷﻪﻛﻠﻰ، ﺋﺎﺭﯨﻼﺷﻤﺎ ﻟﯩﺪﯨﺴﻜﻰ ﻛﯜﻱ ﺷﻪﻛﻠﻰ، ﺋﻪﺋﻮﻟﯩﺴﻜﻰ ﻛﯜﻱ ﺷﻪﻛﻠﻰ، ﻓﯩﺮﯨﮕﯩﺴﻜﻰ ﻛﯜﻱ ﺷﻪﻛﻠﻰ ﻗﺎﺗﺎﺭﻟﯩﻘﻼﺭﻣﯘ ﺑﺎﺭ. ﺑﯘﻧﯩﯖﺪﯨﻦ ﺳﯩﺮﺕ ﺩﻭﺭﯨﺴﻰ ﻛﯜﻱ ﺷﻪﻛﻠﯩﻤﯘ ﺑﯩﺮ ﻗﻪﺩﻩﺭ ﻛﯚﭖ ﺋﯘﭼﺮﺍﻳﺪﯗ. ﺋﯘﻧﯩﯔ ﺗﯜﺯﯛﻟﯜﺷﻰ ﺗﯚﯞﻩﻧﺪﯨﻜﻰ ﻓﻮﺭﻣﯩﻼ ﺑﻮﻳﯩﭽﻪ ﺑﻮﻟﯩﺪﯗ.

LA  bSI   DO   RE  bMI    FA   SOL  LA
I     II    III    IV   V     VI   VII    I


( ﺑﯩﺮ ﻛﯩﭽﯩﻚ، ﺋﯩﻜﻜﻰ ﭘﯜﺗﯜﻥ، ﺑﯩﺮ ﻛﯩﭽﯩﻚ ﺋﯜﭺ ﭼﻮﯓ. )
ﺑﯘ ﻛﯜﻱ ﺷﻪﻛﻠﻰ ﯞﻩ ﻳﺎﯞﺭﯗﭘﺎ ﺋﺎﻛﻮﺭﺩ ﻗﺎﺋﯩﺪﯨﺴﻰ ﺑﻮﻳﯩﭽﻪ ﺋﺎﺳﺎﺳﯩﻲ ﺋﺎﯞﺍﺯ ﺋﯜﺳﺘﯩﺪﻩ ﺑﯩﺮ ﺋﯘﭼﻠﯘﻕ ﻛﯩﭽﯩﻚ ﺋﺎﻛﻮﺭﺩ ﺗﻪﺷﻜﯩﻞ ﻗﯩﻠﻐﯘﭼﻰ ﺋﺎﯞﺍﺯﻻﺭﺩﯨﻦ ﺷﻪﻛﯩﻠﻠﯩﻨﯩﺪﯗ. ﺑﯘ ﺧﯩﻞ ﻛﯜﻱ ﺷﻪﻛﻠﯩﺪﯨﻜﻰ ﺋﺎﮬﺎﯕﻼﺭ ﻛﯩﺸﯩﮕﻪ ﻧﺎﮬﺎﻳﯩﺘﻰ ﻟﯩﺮﯨﻚ ﺗﯘﻳﻐﯘ ﺑﯧﺮﯨﺪﯗ. ﺑﯘ ﻛﯜﻱ ﺷﻪﻛﻠﯩﻨﯩﯔ ﺋﻪﯓ ﺋﺎﺳﺎﺳﻠﯩﻖ ﺋﺎﻻﮬﯩﺪﯨﻠﯩﻜﯩﻨﯩﯔ ﺑﯩﺮﻯ I ﺩﻩﺭﯨﺠﻪ ﺑﯩﻠﻪﻥ II ﺩﻩﺭﯨﺠﯩﻨﯩﯔ ﺋﺎﺭﯨﻠﯩﻘﻰ ﻛﯩﭽﯩﻚ ﺋﯩﻜﻜﻰ ﮔﺮﺍﺩﯗﺳﻠﯘﻕ ﻣﯘﻧﺎﺳﯩﯟﻩﺗﺘﻪ ﺑﻮﻟﯘﭖ، ﺋﺎﮬﺎﯓ ﺭﺍﯞﺍﺟﯩﺪﺍ ﻗﺎﻳﺘﯩﺶ ﻳﯚﻧﯩﻠﯩﺸﯩﺪﻩ ﺗﻮﻧﯩﻜﯩﻐﺎ ﻗﺎﻳﺘﯩﺶ ﺑﯩﺮ ﻗﻪﺩﻩﺭ ﺟﯩﺪﺩﯨﻲ ﺑﻮﻟﯩﺪﯗ. ﺑﯘ ﮬﺎﻝ ﮬﯧﺴﺴﯩﻴﺎﺕ ﺋﯩﭙﺎﺩﯨﺴﻰ ﺟﻪﮬﻪﺗﺘﻪ ﻗﯩﻠﯩﯟﺍﺗﻘﺎﻥ ﺋﯩﺸﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺋﺎﺧﯩﺮﻻﺷﻘﺎﻧﻠﯩﻘﯩﺪﻩﻙ ﺗﯘﻳﻐﯘ ﺑﯧﺮﯨﺪﯗ.
(3) ﺧﻮﺗﻪﻥ ﺧﻪﻟﻖ ﻧﺎﺧﺸﺎ ﺋﺎﮬﺎﯕﻠﯩﺮﯨﺪﺍ ﻛﯚﭖ ﺋﯘﭼﺮﺍﻳﺪﯨﻐﺎﻥ ﻛﯜﻱ ﺷﻪﻛﯩﻠﻠﯩﺮﯨﻨﯩﯔ ﺑﯩﺮﻯ ﺑﻮﻟﻐﺎﻥ ﺗﯚﯞﻩﻧﺪﯨﻜﻰ ﻛﯜﻱ ﺷﻪﻛﻠﯩﻤﯘ ﺧﻮﺗﻪﻥ ﺧﻪﻟﻖ ﺋﺎﮬﺎﯕﻠﯩﺮﯨﻨﯩﯔ ﺋﺎﻻﮬﯩﺪﯨﻠﯩﻜﻠﯩﺮﯨﺪﯨﻦ ﺑﯩﺮﻯ ﺑﻮﻟﯘﭖ، ﺋﯘﻧﯩﯔ ﺗﻪﺷﻜﯩﻠﻠﯩﻨﯩﺶ ﻓﻮﺭﻣﯩﻼﺳﻰ ﺗﯚﯞﻩﻧﺪﯨﻜﯩﺪﻩﻙ ﺑﻮﻟﯩﺪﯗ:

RE   bMI  #FA  SOL  LA   bSI  #DO  RE
I     II    III    IV   V   VI   VII    I


(ﺑﯩﺮ ﻛﯩﭽﻰ، ﺑﯩﺮ ﺋﺎﺗﺘﯘﺭﯗﻟﻐﺎﻥ، ﺑﯩﺮ ﻛﯩﭽﯩﻚ، ﺑﯩﺮ ﭼﻮﯓ، ﺑﯩﺮ ﻛﯩﭽﯩﻚ، ﺑﯩﺮ ﺋﺎﺗﺘﯘﺭﯗﻟﻐﺎﻥ ، ﺑﯩﺮ ﻛﯩﭽﯩﻚ )
ﺑﯘ ﺧﯩﻞ ﻛﯜﻱ ﺷﻪﻛﻠﯩﻨﯩﯔ ﺋﺎﻻﮬﯩﺪﯨﻠﯩﻜﻰ I   II    III    IV ﺩﻩﺭﯨﺠﯩﻠﻪﺭ ﯞﻩ V   VI   VII ﺩﻩﺭﯨﺠﯩﻠﻪﺭ ﺋﺎﻳﺮﯨﻢ- ﺋﺎﻳﺮﯨﻢ ﮬﺎﻟﺪﺍ ﺑﯩﺮ ﮔﯘﺭﯗﭘﭙﺎ ﺗﻪﺳﯩﺮﯨﻨﻰ ﺑﯧﺮﯨﺪﯗ. ﻛﯩﭽﯩﻚ ﺋﯩﻜﻜﻰ ﮔﯩﺮﺍﺩﯗﺳﻼﺭ ﯞﻩ ﺋﺎﺭﺗﺘﯘﺭﯗﻟﻐﺎﻥ ﺋﯩﻜﻜﻰ ﮔﯩﺮﺍﺩﯗﺳﻼﺭ ﺑﯘ ﻛﯜﻱ ﺷﻪﻛﻠﯩﻨﯩﯔ ﺋﺎﻻﮬﯩﺪﯨﻠﯩﻜﯩﻨﻰ ﺑﻪﻟﮕﯩﻠﯩﮕﻪﻥ ﺑﻮﻟﯘﭖ، ﺋﺎﺭﺗﺘﯘﺭﯗﻟﻐﺎﻥ ﺋﯩﻜﻜﻰ ﮔﯩﺮﺍﺩﯗﺳﻼﺭ ﺋﺎﮬﺎﯓ ﺭﺍﯞﺍﺟﻠﯩﻨﯩﺸﯩﻨﻰ ﺑﻪﻟﮕﯩﻠﯩﻚ ﮬﺎﻟﺪﺍ ﺗﯩﺰﻟﯩﻜﺘﻪ ، ﻛﯩﭽﯩﻚ ﺋﯩﻜﻜﻰ ﮔﯩﺮﺍﺩﯗﺳﻼﺭﻧﯩﯔ ﺑﯩﺮ- ﺑﯩﺮﯨﮕﻪ ﺗﻪﻗﻘﺎﺯﺍﻟﯩﻖ ﺑﯩﻠﻪﻥ ﺋﯧﻐﯩﺸﻰ ﺋﺎﮬﺎﯕﻨﯩﯔ ﺭﺍﯞﺍﺟﯩﻨﻰ ﻣﯘﻗﯩﻤﻼﺷﺘﯘﺭﯗﭖ، ﺑﯩﺮ- ﺑﯩﺮﯨﻨﻰ ﺗﻮﻟﯘﻗﻼﭖ ﺗﯘﺭﯨﺪﯗ. ﺑﯘ ﺧﯩﻞ ﻛﯜﻱ ﺷﻪﻛﻠﻰ ﺧﻮﺗﻪﻥ ﺗﺎﻍ ﻧﺎﺧﺸﯩﻠﯩﺮﻯ ﺋﯩﭽﯩﺪﻩ ﮔﻪﯞﺩﯨﻠﯩﻚ ﺑﻮﻟﯘﭖ، ﺋﺎﮬﺎﯕﻰ ﺭﺍﯞﺍﻥ، ﻳﯘﺭﯗﻕ ﺗﻪﺳﯩﺮ ﺑﯧﺮﯨﭗ، ﻗﯘﻣﻠﯘﻕ ﻛﺎﺭﯞﺍﻧﻠﯩﺮﻯ ﺳﺎﻟﻤﺎﻕ ﺳﯜﺭﺋﻪﺗﺘﻪ ﺋﺎﻟﻐﺎ ﺋﯩﻠﮕﯩﺮﯨﻠﻪﯞﺍﺗﻘﺎﻧﻠﯩﻘﯩﻨﻰ ﺋﻪﺳﻠﯩﺘﯩﺪﯗ. ﺷﯘﯕﺎ، ﻛﻮﻣﭙﻮﺯﯨﺘﻮﺭﻻﺭ ﻳﯩﭙﻪﻙ ﻳﻮﻟﯩﺪﯨﻜﻰ ﻛﺎﺭﯞﺍﻧﻼﺭﻧﯩﯔ ﺳﻪﭘﻪﺭ ﮬﺎﻟﯩﺘﯩﻨﻰ ﻛﯚﭖ ﮬﺎﻟﻼﺭﺩﺍ ﺑﯘ ﺧﯩﻞ ﻛﯜﻱ ﺷﻪﻛﻠﻰ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﻪﺷﻨﻰ ﻳﺎﺧﺸﻰ ﻛﯚﺭﯨﺪﯗ.
ﺋﯘﻧﯩﯖﺪﯨﻦ ﺑﺎﺷﻘﺎ، ﺧﻮﺗﻪﻥ ﺧﻪﻟﻖ ﺋﺎﮬﺎﯕﻠﯩﺮﯨﺪﺍ ﺋﺎﺩﺩﯨﻲ ﻛﯜﻱ ﺋﯚﺯﮔﯩﺮﯨﺸﻠﯩﺮﯨﻤﯘ ﻛﯚﺯﮔﻪ ﭼﯧﻠﯩﻘﯩﭗ ﺗﯘﺭﯨﺪﯗ. ﺑﯘ ﺋﻪﮬﯟﺍﻝ ﺋﺎﮬﺎﯕﻼﺭﻧﯩﯔ ﮬﯧﺴﺴﻴﺎﺗﯩﺪﺍ ﻧﺎﮬﺎﻳﯩﺘﻰ ﻳﺎﺧﺸﻰ ﺭﻭﻝ ﺋﻮﻳﻨﺎﭖ، ﻣﯘﮬﯩﻜﯩﻠﯩﻖ ﺋﻮﺑﺮﺍﺯ ﻳﺎﺭﯨﺘﯩﺸﺘﺎ ﺗﯧﻜﯩﺴﺘﺘﯩﻜﻰ ﻳﺎﻟﻘﯘﻧﻠﯘﻕ ﺋﯩﭙﺎﺩﯨﻨﻰ ﻣﯘﺯﯨﻜﯩﻠﯩﻖ ﺗﯩﻞ ﺋﺎﺭﻗﯩﻠﯩﻖ ﻛﯜﭼﻪﻳﺘﯩﭗ ﺋﯩﭙﺎﺩﯨﻠﻪﺵ ﺟﻪﮬﻪﺗﺘﻪ ﻧﺎﮬﺎﻳﯩﺘﻰ ﻳﺎﺧﺸﻰ ﺋﯜﻧﯜﻡ ﻳﺎﺭﺍﺗﻘﺎﻥ.
ﻳﯘﻗﯩﺮﯨﺪﺍ ﺋﻮﺗﺘﯩﺮﻏﺎ ﻗﻮﻳﯘﻟﻐﺎﻥ ﻣﻪﺳﯩﻠﯩﻠﻪﺭ ﺋﯘﻳﻐﯘﺭ 12 ﻣﯘﻗﺎﻣﻰ ﯞﻩ ﺋﯘﻳﻐﯘﺭ ﺧﻪﻟﻖ ﺋﺎﮬﺎﯕﻠﯩﺮﯨﻨﯩﯔ ﮬﻪﺭ ﻗﺎﻳﺴﻰ ﻣﺎﻛﺎﻥ، ﺯﺍﻣﺎﻥ ﺗﯜﺳﻠﯩﺮﯨﻨﯩﯔ ﮬﻪﻣﻤﯩﺴﯩﮕﻪ ﺳﯩﯖﮕﻪﻥ ﺑﻮﻟﯘﭖ، ﺧﻮﺗﻪﻥ ﺧﻪﻟﻖ ﺋﺎﮬﺎﯕﻠﯩﺮﯨﺪﺍ ﺑﯩﺮ ﻗﻪﺩﻩﺭ ﻛﯚﭖ ﺋﯘﭼﺮﺍﻳﺪﯨﻐﺎﻥ ﺑﻮﻟﻐﺎﭼﻘﺎ ﺋﻮﺗﺘﯘﺭﯨﻐﺎ ﻗﻮﻳﯘﭖ ﺋﯚﺗﺘﯜﻕ. ﺋﻮﻗﯘﺭﻣﻪﻧﻠﻪﺭﻧﯩﯔ ﭘﺎﻳﺪﯨﻠﯩﻨﯩﺸﯩﻨﻰ ﺳﻮﺭﺍﻳﻤﯩﺰ.
3. ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﯩﯔ ﺭﯨﺘﯩﻢ ﺋﺎﻻﮬﯩﺪﯨﻠﯩﻜﻰ

ﺭﯨﺘﯩﻢ -  ﻣﯘﺯﯨﻜﯩﺪﺍ ﺋﻪﯓ ﻣﯘﮬﯩﻢ ﺋﺎﻣﯩﻠﻼﺭﻧﯩﯔ ﺑﯩﺮﻯ. ﺋﯘ ﺋﺎﯞﺍﺯﻻﺭﻧﻰ ﺗﻪﺷﻜﯩﻠﻠﻪﭖ ﻣﯘﺯﯨﻜﯩﻠﯩﻖ ﺧﯘﺳﯘﺳﯩﻴﻪﺕ ﭘﻪﻳﺪﺍ ﻗﯩﻠﻐﯘﭼﻰ ﺋﺎﻣﯩﻠﺪﯗﺭ. ﺭﯨﺘﯩﻢ ﭘﻪﻗﻪﺕ ﻣﯘﺯﯨﻜﯩﻐﯩﻼ ﺧﺎﺱ ﺋﻮﻗﯘﻡ ﺑﻮﻟﻤﺎﺳﺘﯩﻦ ﺑﻪﻟﻜﻰ ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺷﺘﯩﻜﻰ ﺑﺎﺭﻟﯩﻖ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺗﻪﺷﻜﯩﻠﻠﯩﻨﯩﺸﻰ ﯞﻩ ﺋﯧﻘﯩﻤﻐﺎ ﺳﯩﯖﺪﯛﺭﯛﻟﮕﻪﻥ ﮬﺎﻟﻪﺕ ﻳﯚﻧﯩﻠﯩﺸﯩﻨﻰ ﺋﯩﭙﺎﺩﯨﻠﻪﻳﺪﯨﻐﺎﻥ ﻓﻮﺭﻣﯩﻼﺩﯗﺭ. ﺑﯩﺰ ﺑﯘ ﻳﻪﺭﺩﻩ ﺳﯚﺯﻟﻪﯞﺍﺗﻘﺎﻥ ﺭﯨﺘﯩﻢ ﺋﯘﻗﯘﻣﻰ ﻣﻪﻧﻪ ﺟﻪﮬﻪﺗﺘﯩﻦ ﺷﯘ ﺋﯩﺠﺘﯩﻤﺎﺋﯩﻲ ﺗﯘﺭﻣﯘﺷﺘﯩﻜﻰ ﺭﯨﺘﯩﻢ ﺋﻮﻗﯘﻣﻰ ﺑﯩﻠﻪﻥ ﺋﻮﺧﺸﺎﺵ ﻣﻪﻧﯩﺪﯨﻜﻰ ﺳﯚﺯ ﺑﻮﻟﯘﭖ، ﺋﯘ ﻣﯘﺯﯨﻜﺎ ﺋﻪﺳﻪﺭﻟﯩﺮﯨﻨﯩﯔ ﺳﯜﺭﺋﯩﺘﯩﻨﻰ ﯞﻩ ﺩﻭﻟﻘﯘﻧﻠﯩﺮﯨﻨﻰ ﺋﯩﭙﺎﺩﯨﻠﻪﻳﺪﯨﻐﺎﻥ ، ﺷﯘﻧﺪﺍﻗﻼ ﻣﯘﺯﯨﻜﯩﻠﯩﻖ ﺋﻮﺑﺮﺍﺯ ﻳﺎﺭﯨﺘﯩﺸﻘﺎ ﺧﯩﺰﻣﻪﺕ ﻗﯩﻠﯩﺪﯨﻐﺎﻥ ﺑﻪﻟﮕﯩﻠﯩﮕﯜﭼﻰ ﺋﺎﻣﯩﻠﺪﯗﺭ.
ﺭﯨﺘﯩﻢ ﻣﯘﺯﯨﻜﯩﺪﺍ ﺋﻪﯓ ﺋﺎﺳﺎﺳﻠﯩﻖ ﺋﺎﻣﯩﻼﺭﻧﯩﯔ ﺑﯩﺮﻯ، ﺋﯘ ﺋﻮﺧﺸﯩﻤﯩﻐﺎﻥ ﺋﺎﯞﺍﺯﻻﺭﻧﻰ ﺗﻪﺷﻜﯩﻠﻠﻪﺵ ﺋﺎﺭﻗﯩﻠﯩﻖ ﺋﺎﮬﺎﯕﻨﻰ ﺷﻪﻛﯩﻠﻠﻪﻧﺪﯛﺭﯨﺪﯗ. ﺷﯘﯕﺎ، ﻣﯘﺯﯨﻜﺎ ﺋﯩﺠﺎﺩﯨﻴﯩﺘﯩﺪﻩ ﺭﯨﺘﯩﻢ ﺋﯩﺠﺎﺩﯨﻴﯩﺘﻰ ﺋﻪﺳﻪﺭﻧﯩﯔ ﮬﻪﻗﯩﻘﯩﻲ ﺋﯩﺠﺎﺩﯨﻴﻪﺕ ﺋﺎﺳﺎﺳﯩﺪﯗﺭ. ﺭﯨﺘﯩﻢ ﺋﯩﺠﺎﺩﯨﻴﯩﺘﻰ ﺋﺎﯞﺍﺯﻻﺭﻧﻰ ﺗﻪﺷﻜﯩﻠﻠﻪﺵ ﺋﯩﺠﺎﺩﯨﻴﯩﺘﻰ ﺑﻮﻟﯘﭖ، ﭘﻪﻗﻪﺕ ﺭﯨﺘﯩﻢ ﺋﺎﺭﻗﯩﻠﯩﻘﻼ ﺋﺎﮬﺎﯕﻼﺭ ﺑﯩﺮ- ﺑﯩﺮﺳﯩﮕﻪ ﺋﻮﺧﺸﯩﻤﯩﻐﺎﻥ ﮬﺎﻟﻪﺗﺘﻪ ﺗﻪﺳﯩﺮ ﺑﯧﺮﯨﭗ ﺷﯧﯟﯨﮕﻪ ﺋﯧﺮﯨﺸﺘﯜﺭﮔﻪﻥ ﻣﯘﮬﯩﻢ ﺋﺎﻣﯩﻠﻼﺭﻧﯩﯔ ﺑﯩﺮﻯ. ﺋﯘﻧﯩﯔ ﺋﺎﺳﺎﺳﻠﯩﻖ ﺋﺎﻻﮬﯩﺪﯨﻠﯩﻜﻰ – ﺋﺎﯞﺍﺯﻻﺭﻧﻰ ﺗﻪﺷﻜﯩﻠﻠﯩﮕﯜﭼﻰ ﺭﯨﺘﯩﻢ، ﺋﯘﺩﺍﺭﻧﯩﯔ ﺭﺍﯞﺍﻥ، ﺟﯘﺷﻘﯘﻥ ﺑﻮﻟﻐﺎﻧﻠﯩﻘﯩﺪﺍ، ﺑﻮﻟﯘﭘﻤﯘ ﺧﻮﺗﻪﻥ ﺧﻪﻟﻖ ﺋﺎﮬﺎﯕﻠﯩﺮﯨﻨﯩﯔ ﺭﯨﺘﯩﻢ ﺋﺎﻻﮬﯩﺪﯨﻠﯩﻜﯩﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ ﺋﺎﻣﯩﻠﻼﺭﻧﯩﯔ ﺑﯩﺮﻯ ﻛﻪﺳﻤﻪ ﺋﯘﺩﺍﺭﻻﺭ ﺑﯩﺮ ﻗﻪﺩﻩﺭ ﻛﯚﭖ، ﺋﺎﺩﻩﺗﺘﻪ ﻛﻪﺳﻤﻪ ﺋﯘﺩﺍﺭﻻﺭ ﻣﯘﺯﯨﻜﯩﻠﯩﻖ ﺋﯩﺠﺎﺩﯨﻴﻪﺗﻠﻪﺭﺩﻩ ﮬﯧﺴﺴﯩﻴﺎﺗﻨﻰ ﻳﯘﻗﯩﺮﻯ ﺩﻭﻟﻘﯘﻧﺪﺍ ﻛﯚﺗﯜﺭﯛﺵ ﺋﯜﭼﯜﻥ ﻗﻮﻟﻠﯩﻨﯩﻠﻐﺎﻥ . ﺑﯘ ﺧﯩﻞ ﻛﻪﺳﻤﻪ ﺋﯘﺩﺍﺭﻻﺭ ﺧﻮﺗﻪﻥ ﺧﻪﻟﻖ ﺋﺎﮬﺎﯕﻠﯩﺮﯨﻨﯩﯔ ﺗﯧﺘﯩﻚ، ﺟﯘﺷﻘﯘﻧﻠﯘﻗﻨﻰ ﯞﻩ ﻳﻪﺭﻟﯩﻚ ﺳﯚﺯ ﺷﯧﯟﯨﺴﯩﺪﯨﻜﻰ ﭼﯜﺭﯛﻙ ﮬﺎﻟﯩﺘﯩﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ.
4. ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﻰ ﺷﯧﯟﻩ ﺋﺎﻻﮬﯩﺪﯨﻠﯩﻜﻰ

ﻧﺎﺧﺸﺎ ﺑﻮﻟﺴﺎ ﺋﺎﺩﻩﺗﺘﯩﻜﻰ ﺳﯚﺯ- ﺋﺎﮬﺎﯕﻼﺭﻧﯩﯔ ﻗﺎﻧﻮﻧﯩﻴﻪﺗﻠﯩﻚ ﮬﺎﻟﺪﺍ ﻣﯘﺑﺎﻟﯩﻐﻪ ﻗﯩﻠﯩﻨﯩﺸﯩﺪﯗﺭ. ﺷﯘﯕﺎ، ﮬﻪﺭ ﻗﺎﻳﺴﻰ ﻣﺎﻛﺎﻥ ﯞﻩ ﺯﺍﻣﺎﻧﺪﯨﻜﻰ ﺋﺎﮬﺎﯕﻼﺭﻧﯩﯔ ﺷﯧﯟﯨﺴﻰ ﺑﯩﺮ- ﺑﯩﺮﯨﺪﯨﻦ ﭘﻪﺭﻗﻠﻪﻧﮕﻪﻥ. ﺋﯘﻳﻐﯘﺭﻻﺭﻧﯩﯔ ﮬﻪﻣﻤﯩﺴﻰ ﺋﻮﺧﺸﺎﺷﻼ ﺋﯘﻳﻐﯘﺭ ﺗﯩﻠﻰ ﺑﯩﻠﻪﻥ ﺳﯚﺯﻟﯩﺸﯩﺪﯗ. ﻟﯧﻜﯩﻦ ، ﮬﻪﺭ ﻗﺎﻳﺴﻰ ﻳﯘﺭﺗﻼﺭﻧﯩﯔ ﺳﯚﺯ ﺋﺎﮬﺎﯕﻰ ﯞﻩ ﺷﯧﯟﯨﺴﯩﺪﻩ ﮬﯧﻠﯩﮭﻪﻡ ﺑﻪﺯﻯ ﺋﻮﺧﺸﯩﻤﺎﻳﺪﯨﻐﺎﻥ ﭘﻪﺭﻗﻠﻪﺭ ﻣﻪﯞﺟﯘﺕ. ﺑﯘ ﮬﻪﺭ ﻗﺎﻳﺴﻰ ﻳﯘﺭﺗﻼﺭﻧﯩﯔ ﻣﯘﺯﯨﻜﯩﻠﯩﻖ ﺋﺎﮬﺎﯕﻠﯩﺮﯨﻨﯩﯔ ﺷﯧﯟﻩ ﺋﺎﻻﮬﯩﺪﯨﻠﯩﻜﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﺎﻣﯩﻠﻼﺭﻧﯩﯔ ﺑﯩﺮﻯ. ﺷﯘﯕﺎ ، ﺋﯘﻳﻐﯘﺭ 12 ﻣﯘﻗﺎﻣﻰ ﯞﻩ ﺋﯘﻳﻐﯘﺭ ﺧﻪﻟﻖ ﻧﺎﺧﺸﺎ- ﻣﯩﺰﯨﻜﯩﻠﯩﺮﯨﻤﯘ ﺋﯩﻠﻰ ﺧﻪﻟﻖ ﻧﺎﺧﺸﯩﻠﯩﺮﻯ، ﻗﻪﺷﻘﻪﺭ ﺧﻪﻟﻖ ﻧﺎﺧﺸﯩﻠﯩﺮﻯ، ﻛﯘﭼﺎﺭ ﺧﻪﻟﻖ ﻧﺎﺧﺸﯩﻠﯩﺮﻯ ﻗﺎﺗﺎﺭﻟﯩﻖ ﻣﺎﻛﺎﻥ ﺋﺎﻻﮬﯩﺪﯨﻠﯩﻜﯩﻨﻰ ﯞﻩ ﻗﻪﺩﯨﻤﻜﻰ ﺯﺍﻣﺎﻥ، ﻳﯧﻘﯩﻨﻘﻰ ﺯﺍﻣﺎﻥ، ﮬﺎﺯﯨﺮﻗﻰ ﺯﺍﻣﺎﻥ ﻧﺎﺧﺸﺎ- ﺋﺎﮬﺎﯕﻠﯩﺮﯨﻨﯩﯔ ﺗﯩﭙﯩﻚ ﭘﻪﺭﻗﯩﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ.
5. ﺧﻮﺗﻪﻥ ﺧﻪﻟﻖ ﻧﺎﺧﺸﺎ -  ﻛﯜﻳﻠﯩﺮﯨﻨﯩﯔ ﻗﯘﺭﯗﻟﻤﺎ ﺋﺎﻻﮬﯩﺪﯨﻠﯩﻜﻰ

ﺧﻮﺗﻪﻥ ﺧﻪﻟﻘﯩﻨﯩﯔ ﺭﺍﯞﺍﺏ ﺑﯩﻠﻪﻥ ﺋﻮﺭﯗﻧﺪﯨﻠﯩﺪﯨﻐﺎﻥ ﻧﺎﺧﺸﺎ- ﻗﻮﺷﺎﻗﻠﯩﺮﻯ ﻛﯩﺘﺎﺑﯩﻤﯩﺰﺩﺍ ﻣﻪﻟﯘﻡ ﺳﺎﻟﻤﺎﻗﻨﻰ ﺋﯩﮕﯩﻠﯩﺪﻯ. ﺑﯘﻧﺪﺍﻕ ﺑﻮﻟﯘﺷﻰ ﯞﯨﻼﻳﯩﺘﯩﻤﯩﺰﻧﯩﯔ ﺭﺍﯞﺍﺏ ﻗﻮﺷﺎﻗﻠﯩﺮﻯ ﻛﯚﭖ ﺗﺎﺭﻗﺎﻟﻐﺎﻥ ﺭﺍﻳﻮﻧﻠﯩﺮﻯ ﺋﺎﺳﺎﺳﻪﻥ ﺗﺎﻏﻠﯩﻖ ﻳﯧﺰﯨﻼﺭ ﺑﻮﻟﯘﭖ، ﺑﯘ ﺟﺎﻳﺪﯨﻜﻰ ﺧﻪﻟﻖ ﺋﺎﻣﻤﯩﺴﻰ ﭼﺎﺭﯞﯨﭽﯩﻠﯩﻖ ﺑﯩﻠﻪﻥ ﺗﯩﺮﯨﻜﭽﯩﻠﯩﻚ ﻗﯩﻠﯩﺪﯗ. ﺑﯘﺭﺍﻳﻮﻧﻼﺭﺩﯨﻜﻰ ﭼﺎﺭﯞﯨﭽﯩﻼﺭ ﻧﺎﺧﺸﺎ- ﻗﻮﺷﺎﻕ ﺋﻮﺭﯗﻧﺪﺍﺷﺘﺎ ﭼﺎﻟﻐﯘ ﻗﯩﻠﯩﺪﯨﻐﺎﻥ ﻗﻮﻳﭽﻰ ﺭﺍﯞﺍﺑﯩﻨﯩﯔ ﺗﯜﺯﯛﻟﯜﺷﻰ ﺑﯘ ﺋﺎﮬﺎﯕﻼﺭﻧﯩﯔ ﺋﺎﻻﮬﯩﺪﯨﻠﯩﻜﯩﻨﻰ ﺑﻪﻟﮕﯩﻠﯩﮕﻪﻥ. ﺑﯘ ﺭﺍﯞﺍﺑﻨﯩﯔ ﻗﯘﺭﯗﻟﻤﯩﺴﻰ ﺋﯚﺯﮔﯩﭽﻪ ﺑﻮﻟﯘﭖ، ﺷﻪﻛﯩﻞ ﺟﻪﮬﻪﺗﺘﯩﻦ ﻗﻮﺭﺳﺎﻕ ﻗﯩﺴﻤﻰ ﺋﺎﺩﻩﺗﺘﯩﻜﻰ ﺭﺍﯞﺍﺑﺘﯩﻦ ﭼﻮﯓ، ﺩﻩﺳﺘﻪ ﻗﯩﺴﻤﻰ ﻗﯩﺴﻘﺎ، ﻗﯘﻻﻕ ﻗﯩﺴﻤﻰ ﺑﺎﺷﻘﺎ ﺭﺍﯞﺍﺑﻼﺭﻏﺎ ﺋﻮﺧﺸﯩﺸﯩﭗ ﻛﯧﺘﯩﺪﯗ. ﺋﯧﻠﯩﭗ ﻳﯜﺭﯛﺷﻜﻪ ﺋﻪﭘﻠﯩﻚ، ﺟﻪﻣﺌﯩﻲ 5 ﺗﺎﺭ ﺳﯧﻠﯩﻨﯩﭗ 3 ﺋﺎﯞﺍﺯﻏﺎ ﺗﻪﯕﺸﯩﻠﯩﺪﯗ. ﻳﻪﻧﻰ g,a,d ﺩﯨﻦ ﺋﯩﺒﺎﺭﻩﺕ ﺑﻮﻟﯘﭖ g ﺗﺎﺭﯨﺴﻰ ﺗﯘﻣﺮﺍﻕ ﺑﯩﺮ ﺗﺎﻝ ﺋﯜﭼﻪﻱ ﺗﺎﺭ، a ﯞﻩ d ﺗﺎﺭﯨﻠﯩﺮﻯ ﺋﺎﺩﻩﺗﺘﯩﻜﻰ ﺩﯗﺗﺎﺭ ﺋﯩﺸﻠﯩﺘﯩﺪﯨﻠﯩﻐﺎﻥ ﺋﯩﻨﭽﯩﻜﻪ ﺗﺎﺭ ﺑﻮﻟﯘﭖ، ﻗﻮﺵ ﺳﯧﻠﯩﻨﺪﯗ. ﺩﻩﺳﺘﯩﺴﯩﮕﻪ ﺋﺎﯞﺍﺯ ﺋﻮﺭﻧﻰ ﺑﯧﻜﯩﺘﯩﻠﮕﻪﻥ ﭘﻪﺩﻩ ﻗﻮﻳﯘﻟﻤﺎﻳﺪﯗ. ﺋﺎﺩﻩﺗﺘﻪ ﻛﯚﭖ ﺋﯩﺸﻠﯩﻨﯩﺪﯨﻐﺎﻥ ﺋﺎﯞﺍﺯ ﺩﺍﺋﯩﺮﯨﺴﻰ:
G    a    b    c    d    e    f    g    a
ﻻﺭ ﺑﻮﻟﯘﭖ، ﺋﺎﻻﮬﯩﺪﻩ ﺋﻪﮬﯟﺍﻟﺪﺍ ﻳﯘﻗﯩﺮﯨﻐﺎ ﻗﺎﺭﯨﺘﺎ ﺋﺎﺯﺭﺍﻕ ﻳﯘﻗﯩﺮﯨﻼﭖ ﭼﯧﻠﯩﺸﻘﺎ ﺑﻮﻟﯩﺪﯗ. ﻛﯚﭖ ﮬﺎﻟﻼﺭﺩﺍ ﺑﯘ ﺭﺍﯞﺍﺑﻨﻰ ﭼﺎﻟﻐﯘﭼﻰ ﭼﺎﺭﯞﯨﭽﯩﻼﺭ ﻗﯘﺭﯗﻕ ﺗﺎﺭ ﯞﻩ ﻗﯘﻻﻕ ﻳﯧﻨﯩﺪﯨﻦ ﻗﻮﻟﻨﻰ ﺑﻪﻙ ﻳﯚﺗﻜﯩﻤﻪﻱ ﭼﺎﻟﯩﺪﯗ. ﭘﺎﯞﯗﺯﻻﺭﺩﺍ ﺋﺎﺩﺩﯨﻲ ﭘﺎﯞﯗﺯﻻﺭﻧﻰ ﭼﺎﻟﻐﺎﻧﺪﯨﻦ ﺑﺎﺷﻘﺎ ﮬﺎﻟﻼﺭﺩﺍ، ﻧﺎﺧﺸﯩﻐﺎ ﺋﻪﮔﻪﺷﻜﻪﻥ ﺋﺎﺳﺎﺳﺘﺎ 3 ﺗﺎﺭﯨﺪﯨﻦ ﭘﺎﻳﺪﯨﻠﯩﻨﯩﭗ ﺗﻪﯕﻜﻪﺵ ﻗﯩﻠﯩﺶ ﺷﻪﻛﻠﯩﺪﻩ ﺋﻮﺭﯗﻧﺪﺍﻳﺪﯗ.
ﺋﺎﺩﻩﺗﺘﻪ ﻳﺎﻏﺎﭺ ﺯﻩﺧﻤﻪﻙ ﺑﯩﻠﻪﻥ ﭼﯧﻠﯩﻨﯩﺪﯗ، ﺗﻪﯕﻜﻪﺵ ﻗﯩﻠﻐﺎﻥ ﯞﺍﻗﯩﺘﺘﺎ ﻣﯧﻠﻮﺩﯨﻴﯩﻠﯩﻚ ﺗﻪﯕﻜﻪﺵ ﺋﺎﺳﺎﺱ ﻗﯩﻠﯩﻨﯩﺪﯗ.
ﻗﻮﻳﭽﻰ ﺭﺍﯞﺍﺑﻨﯩﯔ ﺑﯘ ﺋﺎﻻﮬﯩﺪﯨﻠﯩﻜﻰ ﺧﻮﺗﻪﻥ ﺗﺎﻍ ﻧﺎﺧﺸﯩﻠﯩﺮﯨﻨﯩﯔ ﺭﯨﺘﯩﻤﻰ ﺷﻮﺥ ، ﻣﯩﻠﻮﺩﯨﻴﯩﺴﻰ ﺋﺎﺩﺩﯨﻲ، ﻳﯧﻘﯩﻤﻠﯩﻖ ﺑﻮﻟﯘﺷﺘﻪﻙ ﺋﯚﺯﮔﯩﭽﯩﻠﯩﻜﯩﻨﯩﯔ ﺋﺎﺳﺎﺳﻰ ﺑﻮﻟﯘﭖ، ﺗﺎﺷﺘﯩﻦ- ﺗﺎﺷﻘﺎ ﺋﯘﺭﯗﻟﯘﭖ ﺋﯧﻘﯩﯟﺍﺗﻘﺎﻥ ﺳﯜﺯﯛﻙ ﺑﯘﻻﻕ ﺳﯘﻟﯩﺮﯨﺪﻩﻙ ﺭﺍﯞﺍﻥ ﻣﯧﻠﻮﺩﯨﻴﯩﺴﻰ ﺑﯩﭙﺎﻳﺎﻥ ﻳﺎﻳﻼﻗﻼﺭﻧﯩﯔ ﮔﯜﺯﻩﻝ ﻣﻪﻧﺰﯨﺮﯨﺴﯩﻨﻰ ﺋﻪﺳﻠﯩﺘﯩﺪﯗ. ﺗﺎﻍ ﻧﺎﺧﺸﯩﻠﯩﺮﻯ ﻗﯘﺭﻭﻟﻤﺎ ﺟﻪﮬﻪﺗﺘﯩﻦ ﺋﺎﺩﺩﯨﻲ، ﺋﺎﺳﺎﺳﻪﻥ ﺑﯩﺮ ﺑﯚﻟﻪﻙ ﺋﺎﮬﺎﯓ ﺷﻪﻛﻠﯩﺪﻩ ﺑﻮﻟﺴﯩﻤﯘ، ﻟﯧﻜﯩﻦ ﻛﯩﺸﯩﮕﻪ ﻣﯘﺳﺘﻪﻗﯩﻞ، ﻣﯘﻛﻪﻣﻤﻪﻝ ﺋﺎﮬﺎﯓ ﺗﯘﻳﻐﯘﺳﻰ ﺑﯧﺮﯨﺪﯗ.
ﭼﯩﺮﺍ ﻧﺎﮬﯩﻴﯩﺴﯩﻨﯩﯔ ﺗﺎﻏﻠﯩﻖ ﻳﯧﺰﯨﻠﯩﺮﯨﻨﻰ ﺋﺎﺳﺎﺱ ﻗﯩﻠﻐﺎﻥ، ﺭﺍﯞﺍﺏ ﻗﻮﺷﺎﻕ ﺭﺍﻳﻮﻧﻠﯩﺮﯨﺪﺍ ﺋﯩﺠﺎﺩ ﻗﯩﻠﯩﻨﯩﭗ ﺗﺎﺭﻗﯩﻠﯩﭗ، ﺑﯧﻴﯩﭗ ﻛﯧﻠﯩﯟﺍﺗﻘﺎﻥ ﺧﻪﻟﻖ ﻧﺎﺧﺸﺎ- ﻗﻮﺷﺎﻕ ﺋﺎﮬﺎﯕﻠﯩﺮﻯ ﺋﯩﻨﺘﺎﻳﯩﻦ ﻣﻮﻝ، ﻣﯧﻠﻮﺩﯨﻴﯩﺴﻰ ﺋﺎﺩﺩﯨﻴﺮﺍﻕ ، ﺭﯨﺘﯩﻤﻰ ﺷﻮﺥ، ﻛﯚﭘﯩﻨﭽﻪ ﮬﺎﻟﻼﺭﺩﺍ ﺋﺎﯞﺍﺯ ﺩﺍﺋﯩﺮﯨﺴﻰ ﺗﺎﺭ، ﻛﯩﺸﯩﮕﻪ ﺋﯩﻨﺘﺎﻳﯩﻦ ﻳﯧﻘﯩﻤﻠﯩﻖ ﺷﯘﻧﺪﺍﻗﻼ ﻳﯧﯖﯩﻠﯩﻖ ﺗﯘﻳﻐﯘﺳﻰ ﺑﯧﻐﯩﺸﻼﻳﺪﯗ.
ﺑﯘ ﺭﺍﻳﻮﻧﺪﯨﻜﻰ ﺧﻪﻟﻖ ﺋﺎﮬﺎﯕﻠﯩﺮﯨﻐﺎ ﻏﻪﺭﺏ ﻣﯘﺯﯨﻜﺎ ﺋﺎﻣﯩﻠﻠﯩﺮﻯ ﻗﯩﻠﭽﻪ ﺗﻪﺳﯩﺮ ﻛﯚﺭﺳﻪﺗﻤﯩﮕﻪﻥ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺋﯘﻳﻐﯘﺭ ﻧﺎﺧﺸﺎ- ﻣﯘﺯﯨﻜﯩﻠﯩﺮﯨﻨﯩﯔ ﮬﻪﺭ ﻗﺎﻳﺴﻰ ﺷﯧﯟﻩ ﺭﺍﻳﻮﻧﻠﯩﺮﯨﻨﯩﯔ ﺋﺎﻻﮬﯩﺪﯨﻠﯩﻜﯩﻤﯘ ﺋﺎﺳﺎﺳﻪﻥ ﺗﻪﺳﯩﺮ ﻗﯩﻠﻤﯩﻐﺎﻥ ( ﺋﺎﺭﻟﯩﺸﯩﭗ ﻗﺎﻟﻤﯩﻐﺎﻥ ) ﺑﻮﻟﯘﭖ، ﻗﻪﺩﯨﻤﻜﻰ ﺋﺎﮬﺎﯕﻠﯩﺮﻯ ﮬﺎﺯﯨﺮﻏﯩﭽﻪ ﺳﯩﺴﺘﯧﻤﯩﻠﯩﻖ ﯞﻩ ﭼﻮﯕﻘﯘﺭ ﺗﻪﺗﻘﯩﻖ ﻗﯩﻠﯩﻨﻤﯩﻐﺎﻥ. ﺑﯘ ﺋﺎﮬﺎﯕﻼﺭﻧﻰ ﺗﯧﺨﯩﻤﯘ ﺋﯩﻠﮕﯩﺮﯨﻠﯩﮕﻪﻥ ﮬﺎﻟﺪﺍ ﺗﻮﭘﻼﺵ ﯞﻩ ﺗﻪﺗﻘﯩﻖ ﻗﯩﻠﯩﺶ ﺑﯩﺰﻧﯩﯔ ﮬﺎﺯﯨﺮﻗﻰ ﺯﺍﻣﺎﻥ ﺳﻪﮬﻨﻪ ﺳﻪﻧﺌﯩﺘﯩﻤﯩﺰﻧﻰ ﭘﯜﺗﻤﻪﺱ- ﺗﯜﮔﻤﻪﺱ ﻣﯘﺯﯨﻜﺎ ﺑﺎﻳﻠﯩﻘﻰ ﺑﯩﻠﻪﻥ ﺗﻪﻣﯩﻦ ﺋﯧﺘﯩﺪﯗ.
ﻳﯘﻗﯩﺮﯨﺪﺍ ﻛﯚﺭﺳﯩﺘﯩﭗ ﺋﯚﺗﻜﯩﻨﯩﻤﯩﺰﺩﻩﻙ، ﺋﯘﻧﯟﯦﺮﺳﺎﻝ ﻧﺎﺧﺸﺎ- ﻛﯜﻱ ﺭﺍﻳﻮﻧﻠﯩﺮﯨﺪﺍ ﺳﻪﻧﺌﻪﺕ ﺋﻪﺳﻪﺭﻟﯩﺮﯨﻨﯩﯔ ﮊﺍﻧﯩﺮﻯ ﺑﯩﺮﻗﻪﺩﻩﺭ ﺗﻮﻟﯘﻕ، ﺋﯘﻳﻐﯘﺭ ﭼﺎﻟﻐﯘﻟﯩﺮﯨﻨﯩﯔ ﮬﻪﻣﻤﯩﺴﻰ ﺩﯦﮕﯜﺩﻩﻙ ﺋﻮﻣﯘﻣﻼﺷﻘﺎﻥ. ﺷﯘﻧﺪﺍﻗﺘﯩﻤﯘ ﮬﻪﺭ ﻗﺎﻳﺴﻰ ﺟﺎﻳﻼﺭﺩﺍ ﻳﻪﻧﻪ ﺋﯚﺯﯨﮕﻪ ﺧﺎﺱ ﺑﻪﺯﻯ ﺋﺎﻻﮬﯩﺪﯨﻠﯩﻜﻠﻪﺭ ﺳﺎﻗﻼﻧﻐﺎﻥ.
ﻛﯧﺮﯨﻴﻪ ﻧﺎﮬﯩﻴﯩﺴﯩﺪﻩ ﻧﻪﻏﻤﻪ -  ﻣﻪﺷﺮﻩﭖ، ﻧﺎﺧﺸﺎ -  ﻛﯜﻱ ﺋﻪﺳﻪﺭﻟﯩﺮﻯ ﻛﻪﯓ ﺗﺎﺭﻗﺎﻟﻐﺎﻥ، ﺑﯘﻻﺭ ﺋﯩﭽﯩﺪﻩ ﺭﻩﺗﻠﻪﭖ، ﮔﯘﺭﯗﭘﭙﯩﻼﻧﻐﺎﻥ ﻧﺎﺧﺸﺎ- ﻛﯜﻳﻠﻪﺭ ﺧﯧﻠﻰ ﻛﯚﭖ، ﺋﯘﻻﺭﻧﯩﯔ ﻗﯘﺭﯗﻟﻤﯩﺴﻰ ﻣﯘﻛﻪﻣﻤﻪﻝ، ﻛﯚﭖ ﺋﯚﺯﮔﯩﺮﯨﺸﻠﯩﻚ، ﺷﯘﻧﺪﺍﻗﻼ ﺋﺎﮬﺎﯕﻠﯩﺮﻯ ﺋﯚﺯﮔﯩﭽﻪ ﺑﻮﻟﯘﭖ، ﺳﻪﯞﯨﻴﺴﻰ ﺑﯩﺮ ﻗﻪﺩﻩﺭ ﻳﯘﻗﯩﺮﻯ.
ﻟﻮﭖ ﻧﺎﮬﯩﻴﯩﺴﯩﺪﻩ ﺗﺎﺭﯨﺨﺘﯩﻦ ﺑﻮﻳﺎﻥ ﻧﺎﻏﺮﺍ، ﺳﯘﻧﺎﻱ، ﻧﻪﻱ ﻗﺎﺗﺎﺭﻟﯩﻘﻼﺭ ﺗﻮﻱ- ﺗﯚﻛﯜﻥ ﯞﻩ ﻣﻪﮬﻪﻟﻠﯩﯟﻯ ﻣﻪﺷﺮﻩﭘﻠﯩﺮﯨﺪﻩ ﻧﺎﺧﺸﯩﻐﺎ ﺗﻪﯕﻜﻪﺵ ﻗﯩﻠﯩﻨﯩﭗ ﺋﻮﺭﯗﻧﺪﯨﻠﯩﺪﯗ. ﺑﯘ ﺧﯩﻞ ﺷﻪﻛﯩﻞ ﻣﻪﺷﺮﻩﭖ ﻛﻪﻳﭙﯩﻴﺎﺗﯩﻨﻰ ﻳﯘﻗﯩﺮﻯ ﺋﻪﯞﺟﯩﮕﻪ ﭼﯩﻘﯩﺮﯨﺪﯗ. ﻣﻪﺷﻪﭘﻠﻪﺭﺩﻩ 8 ﺩﯨﻦ 10 ﻏﯩﭽﻪ ﻧﺎﻏﺮﺍ- ﺳﯘﻧﺎﻱ ﭼﺎﻟﻐﯘﭼﯩﻼﺭ ﺑﯩﺮ ﮔﯘﺭﯗﭘﭙﺎ ﺑﻮﻟﯘﭖ ﻣﻪﺷﺮﻩﭖ ﻗﯩﻠﯩﺪﯗ. ﺑﯩﺮ ﻧﺎﻏﺮﯨﭽﻰ ﻛﯚﭖ ﺑﻮﻟﻐﺎﻧﺪﺍ ﻳﯘﻗﯩﺮﻯ- ﺗﯚﯞﻩﻥ ﺗﻪﯕﺸﻪﻟﮕﻪﻥ ﻧﺎﻏﺮﯨﺪﯨﻦ 5 ﻧﻰ ، ﺋﺎﺯ ﺑﻮﻟﻐﺎﻧﺪﯨﻤﯘ 2- 3 ﻧﺎﻏﺮﯨﻨﻰ ﭼﺎﻟﯩﺪﯗ. ﺑﯘ ﻣﻪﺷﺮﻩﭘﻠﻪﺭﻧﯩﯔ ﻧﺎﻏﺮﺍ- ﺳﯘﻧﺎﻱ ﻧﻪﻏﻤﯩﺴﯩﻨﯩﯔ ﺩﺍﻏﺪﯗﻏﯩﺴﻰ ﭘﻪﻟﻪﻛﻜﻪ ﻳﯧﺘﯩﭗ ﻛﯩﺸﯩﻨﻰ ﺋﺎﺟﺎﻳﯩﭗ ﮬﺎﻳﺎﺟﺎﻧﻐﺎ ﺳﺎﻟﯩﺪﯗ. ﺋﺎﮬﺎﯕﻠﯩﺮﯨﻨﯩﯔ ﺭﯨﺘﯩﻢ ﯞﻩ ﻳﯜﺭﯛﺷﻰ ﻣﯘﺷﯘ ﺧﯩﻞ ﺷﻪﻛﯩﻠﮕﻪ ﻣﺎﺱ ﮬﺎﻟﺪﺍ ﺋﯚﺯﯨﮕﻪ ﺧﺎﺱ ﺋﺎﻻﮬﯩﺪﯨﻠﯩﻜﻜﻪ ﺋﯩﮕﻪ.
ﻗﺎﺭﺍﻗﺎﺵ ﻧﺎﮬﯩﻴﯩﺴﻰ ﯞﯨﻼﻳﻪﺕ ﺑﻮﻳﯩﭽﻪ ﺋﻪﯓ ﭼﻮﯓ ﻧﺎﮬﯩﻴﻪ ﺑﻮﻟﯘﭖ، ﻣﯘﺯﯨﻜﯩﻠﯩﻖ ﺩﺍﺳﺘﺎﻧﻼﺭ ﺋﻪﯓ ﻛﯚﭖ ﺗﺎﺭﻗﺎﻟﻐﺎﻥ، ﺑﯘ ﺩﺍﺳﺘﺎﻧﻼﺭ ﺭﺍﯞﺍﺑﻨﯩﯔ ﺗﻪﯕﻜﯩﺸﯩﺪﻩ ﺋﻮﺭﯗﻧﺪﯨﻠﯩﺪﯨﻐﺎﻥ ﺑﻮﻟﯘﭖ، ﺧﻪﻟﻖ ﺋﯩﭽﯩﺪﻩ ﺗﺎﺭﻗﯩﻠﯩﭗ ﻳﯜﺭﮔﻪﻥ ﺩﺍﺳﺘﺎﻥ- ﺭﯨﯟﺍﻳﻪﺗﻠﻪﺭ ﺧﻪﻟﻖ ﻣﯘﺯﯨﻜﺎ ﭘﯧﺸﯩﯟﺍﻟﯩﺮﯨﻨﯩﯔ ﺋﺎﮬﺎﯓ ﺳﯧﻠﯩﺸﻰ ﺑﯩﻠﻪﻥ ﺗﯧﺨﯩﻤﯘ ﻳﯘﻗﯩﺮﻯ ﺟﻪﻟﯩﺐ ﻗﯩﻠﯩﺶ ﻛﯜﭼﯩﮕﻪ ﺋﯩﮕﻪ ﺑﻮﻟﻐﺎﻥ . ﺑﻪﺯﻯ ﺩﺍﺳﺘﺎﻧﻼﺭ ﺭﯨﺘﯩﻢ ﯞﻩﻣﯧﻠﻮﺩﯨﻴﻪ ﺟﻪﮬﻪﺗﺘﯩﻦ ﮔﻪﺭﭼﻪ ﺩﯦﻜﻼﻣﺎﺗﺴﯩﻴﯩﮕﻪ ﺋﻮﺧﺸﺎﭖ ﻛﻪﺗﺴﯩﻤﯘ، ﺋﻮﺭﯗﻧﺪﯨﻐﯘﭼﯩﻼﺭ ﺋﯚﺯﻟﯩﺮﯨﻨﯩﯔ ﮬﯧﺴﺴﯩﻴﺎﺗﻠﯩﺮﯨﻨﻰ ﻳﯘﻏﯘﺭﯗﺵ ﺟﻪﺭﻳﺎﻧﯩﺪﺍ ﺷﻪﻛﯩﻠﻠﻪﻧﮕﻪﻥ ﻗﻮﺷﯘﻣﭽﻪ ﺳﯚﺯ- ﺋﯩﺒﺎﺭﯨﻠﻪﺭ ﮬﻪﻣﺪﻩ ﺋﺎﺭﯨﻠﯩﻘﻼﺭﻏﺎ ﻗﯩﺴﺘﯘﺭﯗﻟﻐﺎﻥ ﺋﺎﺩﺩﯨﻲ، ﺋﻪﻣﻤﺎ ﻳﯧﻘﯩﻤﻠﯩﻖ ﻣﯧﻮﻟﻮﺩﯨﻴﯩﻠﻪﺭ ﺩﺍﺳﺘﺎﻥ ﻣﻪﺯﻣﯘﻧﯩﻨﻰ ﻣﯘﺯﯨﻜﯩﻠﯩﻖ ﭘﯩﻜﯩﺮ ﺑﯩﻠﻪﻥ ﺗﻪﻣﯩﻦ ﺋﯧﺘﯩﭗ، ﻛﯩﺸﯩﮕﻪ ﭼﻮﯕﻘﯘﺭ ﮬﺎﻳﺎﺟﺎﻥ ﺑﻪﺧﺶ ﺋﯧﺘﯩﺪﯗ.
ﮔﯘﻣﺎ ﻧﺎﮬﯩﻴﯩﺴﯩﻨﯩﯔ ﻛﯩﻠﻴﺎﯓ ﻳﯧﺰﯨﺴﯩﺪﯨﻦ ﺗﯧﭙﯩﻠﻐﺎﻥ ﻳﻪﺭﻟﯩﻚ ﻣﻪﺷﺮﻩﭖ ﺋﺎﮬﺎﯕﻠﯩﺮﻯ ﻣﯧﻠﻮﺩﯨﻴﻪ ﯞﻩ ﺭﯨﺘﯩﻢ ﺟﻪﮬﻪﺗﺘﻪ ﺑﯩﺮ ﻗﻪﺩﻩﺭ ﺋﺎﻻﮬﯩﺪﯨﺮﻩﻙ ﺑﻮﻟﯘﭖ، ﺋﺎﻻﮬﯩﺪﯨﻠﯩﻜﻰ ﯞﻩ ﺭﯨﺘﯩﻢ ﺋﺎﮬﺎﯓ ﻳﯜﺭﯛﺷﻰ ﯞﻩ ﺭﯨﺘﯩﻢ ﺋﺎﻻﮬﯩﺪﯨﻠﯩﻜﻰ ﺑﯩﺮ ﻗﻪﺩﻩﺭ ﻗﻪﺩﯨﻤﯩﻲ ﺗﻪﺳﯩﺮ ﺑﯧﺮﯨﺪﯗ. ﻳﻪﺭﻟﯩﻚ ﭘﯘﺭﯨﻘﻰ ﺑﯩﺮ ﻗﻪﺩﻩﺭ ﻛﯜﭼﻠﯜﻙ،ﺋﯘﻧﯩﯖﺪﯨﻦ ﺑﺎﺷﻘﺎ ﮔﯘﻣﺎ ﻧﺎﮬﯩﻴﯩﺴﯩﺪﯨﻜﻰ ﻧﻪﯞﺋﺎﺑﺎﺕ ﺗﺎﺟﯩﻚ ﻣﯩﻠﻠﯩﻲ ﻳﯧﺰﯨﺴﯩﺪﯨﻦ ﺷﯘ ﻳﻪﺭﺩﯨﻜﻰ ﺗﺎﺟﯩﻚ ﺧﻪﻟﻘﻰ ﺋﯚﺯﻯ ﺋﯩﺠﺎﺩ ﻗﯩﻠﻐﺎﻥ ﺗﺎﺟﯩﻚ ﺧﻪﻟﻖ ﻧﺎﺧﺸﺎ- ﺋﺎﮬﺎﯕﻠﯩﺮﯨﺪﯨﻦ ﺑﯩﺮ ﻧﻪﭼﭽﯩﺴﻰ ﻛﯩﺘﺎﺑﻘﺎ ﻛﯩﺮﮔﯜﺯﯛﻟﺪﻯ. ﺑﯘ ﺋﺎﮬﺎﯕﻼﺭﻣﯘ ﺗﺎﺟﯩﻚ ﺧﻪﻟﻘﯩﻨﯩﯔ ﺭﺍﯞﺍﻥ، ﺷﻮﺥ ﺋﺎﮬﺎﯕﻠﯩﺮﯨﺪﯨﻦ ﺑﻮﻟﯘﭖ، ﻣﯧﻠﻮﺩﯨﻴﻪ ﺟﻪﮬﻪﺗﺘﻪ ﺋﯚﺯﮔﯩﭽﻪ ﺋﺎﻻﮬﯩﺪﯨﻠﯩﻜﻜﻪ ﺋﯩﮕﻪ.  
ﺑﯘ ﻗﯩﺴﻘﺎ ﻣﺎﻗﺎﻟﯩﺪﻩ ، ﺧﻮﺗﻪﻥ ﺧﻪﻟﻖ ﻧﺎﺧﺸﺎ- ﻛﯜﻳﻠﯩﺮﯨﻨﯩﯔ ﺑﺎﺭﻟﯩﻖ ﺋﺎﻻﮬﯩﺪﯨﻠﯩﻜﻠﯩﺮﯨﻼ ﺑﺎﻳﺎﻥ ﻗﯩﻠﯩﻨﺪﻯ. ﺑﻪﺯﻯ ﻗﺎﺭﺍﺷﻼﺭﺩﺍ ﻳﯧﺘﻪﺭﺳﯩﺰﻟﯩﻜﻠﻪﺭﻧﯩﯔ ﺑﻮﻟﯘﺷﻰ ﺗﻪﺑﯩﺌﯩﻲ. ﻛﯩﺘﺎﺑﺨﺎﻧﻼﺭﻧﯩﯔ ﺗﻪﻧﻘﯩﺪﯨﻲ ﭘﺎﻳﺪﯨﻠﯩﻨﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ.