ئون ئايدىن بۇيان ماھىرەنىڭ ئانىسى بۇسارىگۈلىنڭ يۈرىكى خۇددى پىچاقتا تىلغاندەك پارە-پارە بولۇپ كەتتى، چۈنكى ئاق قان كېسىلى تۈپەيلىدىن، ئۇنىڭ قىزى ماھىرەنىڭ بۇرنى، قولى ،چىشى ھەر كۈنى قاناپ، قاتتىق ئازابىلىماقتا ئىدى.
ئەمدىلا سەككىز ياشقا كىرگەن ماھىرە بەكمۇ ئوماق چوڭ بولغانىدى. ماھىرەنى كۆرگەن ھەر قانداق ئادەمنىڭ بۇ نارەسىدە قىز غا مەستلىكى كېلەتتى، ئەمما بۇ يىل قىشتىن باشلاپ شۇم خەۋەر ماھىرەنىڭ ئاتا-ئانىسىنى قاتتىق ئەلەمگە سالدى. ماھىرە ئاق قان كېسلىگە گىرىپتار بولۇپ قالغانىدى! ئەر-خوتۇن ئىككىيلەن كۆز ياشلىرىنى سۈرتىۋېتىپ: <مەيلى نېمە كەتسە كەتسۇن، قىزىمىزنى دوختۇرخانىدا داۋالىتىپ ھاياتىنى قۇتقۇزۇۋالايلى> دەپ قىزىنى ئۈرۈمچىگە ئەكېلىپ، ئاپتونوم رايونلۇق خەلق دوختۇخانىسغا ياتاققا ئالدۇردى. ھازىر ماھىرەنىڭ ئۆسۈۋاتقان مەزگلى بولغاچقا، ئۇنىڭ يېلىكىنى ئالماشتۇرسىلا ھاياتىنى قۇتقۇزۇۋالغىلى بولاتتى، ئەمما يىلىك ئالماشتۇرۇشقا كېتىدىغان 300 مىڭ يۈەننى گۈما ناھىيسىدەك نامرات ناھىيىدىن كەلگەن بىر دېھقان قانداقمۇ غەملىيەلسۇن؟!
ئۇلارنىڭ كۆز ئالدىدا ئەمدىلا يانغان ئۈمىد نۇرى ئۆچمەكتە ئىدى ......

لېكىن ئۇلار يالغۇز قالمىدى ، چۈنكى ئۇلار ئۇيغۇر ، بىزمۇ ئۇيغۇر ! شۇ ئۇيغۇر يىگىتلىرىمىزدىن بولغان شىنجاڭ «6شەھەر» (SIX CITY ) رەپ گۇرىپىسى ئورۇندىن دەس تۇرۇپ ، مۇشۇ ئۇماق سىڭلىمىزنى قۇتۇلدۇرۇش مەقسىتىدە ، بارلىق رەپ ساھەسىدىكى سەنئەتچى قېرىنداشلىرىنى قۇزغۇتۇپ ، بىر مەيدان « ھايات بىر ئۈمىد » ئىئانە توپلاش سەنئەت كېچىلىكى ئۆتكۈزمەكچى ، ئەلۋەتتە بۇ ئۇيغۇر يىگىتلىرىمىزنىڭ ناتۇنۇش يات بىر ئۇيغۇر قىزىنى قۇتۇلدۇرۇش سېپىگە بىزدەك مىللەت سۆيەر ئۇيغۇرلار قاراپ تۇرمايدۇ ، بىزمۇ مۇشۇ سەپنىڭ ئالدىدا مىڭىشىمىز كېرەك ، شۇڭا ھەرقانداق ئىچى قاينايدىغان ، ئۆزىنى ئۇيغۇر دەپ قارايدىغان ھەر بىر كىشىنىڭ شۇ سەنئەت كېچىلىگە داخىل بولۇشىنى ، بارالمىغانلارنىڭ شۇ ئۇماق قىزنى قۇتۇلدۇرالايدىغان ئازغىنە كۆڭلىنىڭ شۇلارنىڭ قولىغا تەككۈزىشىنى ئۈمىد قىلىمەن !

« قۇم يىغىلسا تاغ بولۇر ، ئەل يىغىلسا باغ »

شۇ ناخشا كېچىلىكىنىڭ تەشۋىقات ۋارىقى :


ۋاقتى :2008يىلى12-ئاينىڭ 6 -كۈنى شىنجاڭ ۋاقتى 3 دە

ئورنى : ئۈرۈمچى جۇڭسەن يولى شىنجۇڭ تىياتىر خانىسى ( 中山路中泉广场 يېنىدا )

بىلەت باھاسى : 20 يۈەن ( بىلەتتىن چۈشكەن پۇلنى ئىئانە پۇلى قىلىنىدۇ ، ئۇنىڭدىن كۆپ بېرىدىغانلار بىلەت ئالماي كىرسىڭىز بولىدۇ ، چۈنكى بىز سىزنىڭ ۋىجدانلىق ئىكەنلىكىڭىزگە ئىشىنىمىز )

بىلەت زاكالەت قىلىش تىلفۇن نۇمۇرى : 13999123609 15199192696

15199117949 3241911


ئۇيۇن قويىدىغان ئۆمەكلەر :

SIX CITY


NAWA نىڭ رىياسەتچىسى -- زۇلپىقار


غەرپچە ئۇسۇل پىشۋاسى -- يۈسۈپ


ياش مۇزىكانىت _- پەرھات


2008-يىللىق كوچا ئۇسۇلى چىمپيۇنى --- DSP


hip hop ئۇسۇل گۇرۇپپىسى _ US


ياش rap ناخشا گۇرۇپپىسى __ جىن چىراق


ئەڭ يېڭى hip hop ناخشا گۇرۇپپىسىى _ H-Bomb

ھەقىقى  ياخشى ئىش مۇنداق بولىدۇ

ياردەم قۇلۇڭلارنى سۇنۇپ قۇيۇڭلار ئاقكوڭۇل ئىنسانلار ، كىشىنىڭ كىشىدە قالمايدۇ .

ئاقسۇدا بولغان بولسا چۇقۇم باراتتىم جۇما

مەن بىلەن كىم بارىدۇ !!!!!!!!!!!!!!!!!!