ئەسسالامۇ - ئەلەيكۇم سەلكىن مۇنبىرىنىڭ ئەزىز مېھمانلىرى ۋە قوللىغۇچىلىرى ،ئالدى بىلەن ھەممىڭلارغا يىتىپ كېلىش ئالدىدا تۇرغان قۇربان ھېيىت مۇناسىۋىتى بىلەن چوڭقۇر سالام يوللايمەن ! ھەممەيلەننىڭ تىنىگە سالامەتلىك، تۇرمۇشىغا بەخت ، ئىشلىرىغا ئۇتۇقلار يار بولسۇن !!
ئەسلى مەقسەتكە كەلسەك ، سەلكىن توربېكىتى قۇرۇلغاندىن بۇيان جەمئىيەتنىڭ ھەر قايسى ساھەلىرىدىكى ئەزالارنىڭ قوللاپ-قۇۋەتلىشى ئاستىدا كىچىكلىكتىن زورىيىپ نۇرغۇنلىغان تورداشلارنى ئۆز ئەتراپىغا يىغدى ، ھەم سەلكىن تور بېكىتىگە ئىخلاس قىلغۇچى تورداشلارنىڭ ئايرىلالماس بىر سۇرۇنى بولۇپ قالدى.شىنجاڭنىڭ ھەر جايلىرىدىن تورغا چىقىۋاتقان تورداشلار ئۆز-ئارا تونۇشۇش ، پىكىرلىشىش،سەلكىن توربېكىتى ۋە مۇنبىرىگە بولغان كۆز قاراشلىرىنى ئوتتۇرغا قويۇش مەقسىتىدە تورداشلار ئۇچرىشىشى ۋە باشقا پائالىيەتلەرنى ئېلىپ بېرىپ ، مەۋھۇم دۇنيادىكى سەلكىنداشلاردىن رىئال دۇنيادىكى سەلكىن قېرىنداشلىرىغا ئايلاندى. سەلكىن شىركىتىدىكىلەر بۇ خىل پائالىيەتلەرگە بەزىدە يىراقتىن تەبرىكلەپ،بەزىلەردە شىركەت خادىملىرى ئۆزلىرى قاتنىشىپ ھەر قايسى ئەزالارنىڭ سەلكىن توربېكىتىگە بولغان پىكىر-تەلەپلەرنى ئاڭلاپ كىلىۋاتىدۇ، ھەم بۇنىڭدىن كىيىنمۇ شۇنداق بولىشىنى ئۈمۈد قىلىمىز . ئەمما ، مۇنبىرىمىزدىكى بىر قىسىم ئۇچرىشىش ، خەيىر - ساخاۋەت ئىشلىرى ۋە باشقا پائالىيەتلەردە بىر قىسىم مەسىلىلەر كېلىپ چىقىپ ، سەلكىن شىركىتىدىكى خادىملارنى ۋە ئىشلاردىن خەۋەردار سەلكىنداشلارنى ئاز - تولا ئەندىشىگە سېلىپ قويدى ، بۇ مەسىلىلەرنىڭ ئالدىنى ئېلىش ۋە تەرتىپلىك بولۇشىغا كاپالەتلىك قىلىش ئۈچۈن تۆۋەندىكىدەك ئۇقتۇرۇش چىقىرىلدى :
1- سەلكىن شىركىتى خادىملىرىنىڭ رۇخسىتى ئېلىنمىغان ياكى ئەمەلىي ئەھۋالى ، مەقسىدى سەلكىن شىركىتى خادىملىرىغا ( شىركەت مەسئۇلى سەلكىنگە ) تەپسىلى تونۇشتۇرۇلمىغان ھەرقانداق مەزمۇندىكى سەلكىن توربېكىتى ئەزالىرىنىڭ تورداشلار ئۇچرىشىشى ، خەيىر - ساخاۋەت پائالىيىتى قاتارلىقلار بىردەك سەلكىن شىركىتى ۋە تور بېكىتى بىلەن مۇناسىۋەتسىز بولۇپ ، سەلكىن شىركىتى ۋە توربېكىتى نامىدا ئېلىپ بېرىشقا بولمايدۇ . مۇشۇنداق ئۇچرىشىش ياكى پائالىيەت جەريانىدا كېلىپ چىققان ھەرقانداق ئاقىۋەتكە شۇ پائالىيەتكە قاتناشقانلار ئۆزلىرى مەسئۇل بولىدۇ .
2-سەلكىن شىركىتى تەكشۈرمىگەن، ئېنىقلىمىغان ئەھۋال ئاستىدا ھەر قانداق شەخىسنىڭ ياكى ئۇرۇننىڭ ، سەلكىن مۇنبىرىدە مۇراجئەتنامە ، ئىئانە توپلاش پائالىيىتى مەزمۇنىدىكى تېمىلارنى يوللىشىغا رۇخسەت قىلىنمايدۇ . تەكشۈرمىگەن ئەھۋال ئاستىدا يوللانغان مۇشۇ مەزمۇندىكى تېمىلارنى تەستىقلىغان ھەر قانداق مۇنبەر باشلىقى ۋە باشقۇرغۇچىنىڭ مۇنبەردىكى ۋەزىپىسى ئېلىپ تاشلىنىدۇ.بۇ خىل مەزمۇندىكى تېمىلارنى يوللىماقچى بولغانلار سەلكىن شىركىتىدىكى خادىملار ( شىركەت مەسئۇلى سەلكىن، شىركەت خادىملىرىدىن ئىشەنچ،خۇشخۇي،ئەلقۇت ) بىلەن ئالاقىلىشىپ، بۇ خادىملار تەپسىلى تەكشۈرگەندىن كىيىن يوللاشقا بولىدۇ .
ئالاھىدە ئۇقتۇرۇلدى !
بارلىق سەلكىن توربېكىتى مۇنبەر باشقۇرغۇچىلىرى ، ئەزالىرى ۋە مېھمانلىرىنىڭ خىزمىتىمىزنى يېقىندىن قوللاپ ، ماسلىشىپ بېرىشىنى ، بايقالغان مەسىلىلەرنى ۋاقتىدا بىزگە ئىنكاس قىلىپ تۇرۇشىنى سەمىمىي ئۈمىت قىلىمىز .
سەلكىن شىركىتى ، سەلكىن تور بېكىتى
2008 - يىلى 11- ئاينىڭ 28 - كۈنى
سەلكىن مۇنبىرى » سەلكىن تورى مۇدىرىيەت ئىشخانىسى » سەلكىن تورى پىكىر ساندۇقى » سەلكىن شىركىتى ، سەلكىن تور بېكىتى ئۇقتۇرۇشى 
