O^Dc&w  
D)RdOldr  
  ئىسيانكار قۇياشقا نىدا قىلدى ... «نىمىشقا كۆزۈڭنى يۇمۇۋالىسەن ؟  بىزنىڭ يولدىن ئېزىپ ،ماڭارغا يول تاپالمايۋاتقانلىقىمىزنى كۆرمەيۋاتامسەن ؟ كۆزۈڭنى ئاچ ! يولىمىزنى يۇرۇق قىل ! ...» ئەمما قۇياشتىن سادا كەلمىدى . قۇياش بولسا بۇلۇتقا بېشىنى قويۇپ ، كۆزىنى يۇمۇۋالغان ئىدى. ئۇنىڭ ئىسيانكارنىڭ سۆزىنى ئاڭلىغۇسى يوقتەك قىلاتتى .كۆزىنى يۇمۇۋالغان قۇياش ئاستىدا زېمىن زۇلمەتتە ئىدى . خىياللار ئەنسىز غەۋغا قىلىشقا باشلىدى .ئىسيانكارنى ئەيىپلەش سادالىرى تۇشما-تۇشتىن ياڭراشقا باشلىدى . بۇ سادالار ئىسيانكارنى تەئەججۈپلەندۈرۈپ قويدى . تۇنجى قېتىم زۇلمەتكە دۇچ كەلگەن خىياللارنىڭ سەپەرگە چىقىشتىن ئىلگىركى غايە ئۈستىدىكى گۈزەل ئارزۇلىرى مانا بىر دەمنىڭ ئىچىدە ئەيىبلەشكە ئۆزگەرگەن ئىدى. ئىسيانكارمۇ خىياللارنىڭ گۈزەل غايىلىرى تۈرتكىسىدە بۇ سەپەرنى خاتىرجەم باشلىغان ئىدى . ئەمما خىياللارنىڭ ئازغىنە ئوڭۇشسىزلىققا ئۇچراپلا شۇنچە تىز ئۆزگۈرۈپ كېتىشىنى ئىسيانكار ئويلاپمۇ باقمىغان ئىدى . خىياللارنىڭ دەسلەپكى مەنزىلگە يىتىشكە بولغان ئىشەنچى، گۈزەل ئارزۇلىرى بىردىنلا  ئۈمۈدسىزلىككە ، قۇرقۇشقا ئۆزگەرگەن ئىدى . چۈنكى ئۇلارنىڭ ئالدىنى زۇلمەت توسوپ قويغان بولۇپ ،زۇلمەتنىڭ كەينىدە نىمىلەرنىڭ بارلىقىنى ئۇلار بىلمەيتتى . ئۇلار زۇلمەتتىن قورقاتتى ، شۇڭا ئۇلار زۇلمەتنى يېرىپ ئۆتۈشكە جۈرئەت قىلالماي زۇلمەت ئالدىدا تەمتىرەپ، زۇلمەت ئالدىغا باشلاپ كەلگەن يولباش ئىسيانكارنى ئەيىبلەشكە باشلىغان ئىدى ... ئىسيانكار بولسا نۇرغۇن ئەيىبلەشلەر ئىچىدىن زۇلمەتتىن چىقىشنىڭ يولىنى ئىزدىمەك بولۇپ خىياللارغا قارىدى ، ئەمما خىياللار پەرۋاسىز ،قورقۇنۇچ ئىچىدە ئىسيانكارنى ئەيىبلەشنى توختۇتىدىغاندەك ئەمەس ئىدى . بۇنداق كىتىۋەرسە خىياللار ئىسيانكاردىن يۈز ئۆرۈپ ئۇنى چۈشكۈنلۈك زىندانىغا تاشلىشى مۇمكىن ئىدى ... y>&V
tN{E  
  ئىسيانكارنى ئەيىبلەۋاتقان خىياللار نەپسى خىياللار توپى ئىدى ، ئەلۋەتتە شەيتان خىياللار توپى ئۇلارغا ھەم نەپەس ئىدى ، قەلىب خىياللار توپى بىلەن ئەقىل خىياللار توپى ئاللى قاچان نەپىس خىياللار توپى تەرپىدىن نەزەر بەنت قىلىنغان بولۇپ ئۇلارنىڭ خىياللىرى ئىتىبارغا ئېلىنمايتتى . ئىتىبارسىز قالغان قەلىب ،ئەقىل خىياللار توپى ئامالسىز نەزەربەنت ئاستىدا ئۇيقۇغا كەتكەن ئىدى... بۇ ئىشلارنى ئىسيانكار بىلمەيتتى . شۇڭا ئىسيانكار مۇشۇنداق مۇھىم پەيتتىمۇ قەلىب ، ئەقىل خىياللار توپىنىڭ «خاتىرجەم » ئۇخلاۋاتقىنىدىن غەزەپلەندى ،  نەپسى خىياللار توپىنىڭ ئۆزىدىن بىردىنلا يۈز ئۆرۈگىنىگە قايغۇردى. چۈنكى بۇيەرگە ئۇلارنى ئىسيانكار باش بولۇپ ئەكەلگەن بولسىمۇ لېكىن ئاساسلىق يولنى نەپسى خىياللىرى كۆرسەتكەن ئىدى  .  ئۆز ۋاقتىدا قەلىب،ئەقىل خىياللار توپىنىڭ نەسىھىتىگە قۇلاق سالماي نەپىس خىياللىرىنىڭ پىكىرىگە بويسۇنغانلىقىغا بولسا ئۆكۈندى. ئۇلارنى بۇنداق قىلار دەپ ئەسلا ئويلاپ باقمىغان ئىدى .ئەمما كىچىككەن ئىدى ، كەينىگە قايتىش مۇمكىنچىلىكى يوق ئىدى . چۈنكى ئۇلار بېسىپ ئۆتكەن يول ئاللىقاچان ئۆتمۈش خىياللرىغا ئايلىنىپ ، تارىخ خىياللار توپىغا قوشۇلۇپ كەتكەن ئىدى . ئالدىدا بولسا زۇلمەت قەدكۆتۈرۈپ تۇراتتى ، ئۇيەرگە قەدەم تاشلاشقا نەپىس خىياللار توپى جان جەھلى بىلەن قارشى ئىدى . چۈنكى ئۇلار ئۇيەرنى ھالاكەت دەپ قارايتتى . ئۇلار مەسئۇلىيەتنىڭ ھەممىنى ئىسيانكارغا ئارتىپ ، ئۆزلىرىنىڭ خاتالىقىنى يۇشۇرۇشقا ئۇرۇناتتى . نەپىس خىياللىرى شەيتان خىياللار توپىنىڭ  ياردىمى بىلەن مەسئۇلىيەتنى ئىسيانكارغا ئارتىپمۇ ئۈلگۈردى . ئەمدى ئىسيانكارنى كۆزدىن يوقاتسا يېپىق قازان يېپىق ھالەتتە قالاتتىدە ، مەسئۇلىيەتتىن تامام قۇتۇلاتتى . نەپىس خىياللىرى ئۆز مەنپەئىتى ئۈچۈن ھەرقانداق ئىشنى قىلىشتىن يانمايتتى ... gx&\Kw6HM  
   خىياللار ئۇنىڭغا تىزدىن باشقا يول تېپىشىنى بولمىسا ئۇنى چۈشكۈنلۈك زىندانىغا تاشلايدىغانلىقىنى ئېيتىشتى ھەم ئۇنىڭ ئۈچۈن مەخسۇس زىندان ياساشقا كىرىشىپ كەتتى ... ئىسيانكار بارلىق ئۈمۈدىنى يەنە قۇياشقا قاراتتى ... « ئى ! قۇياش گەپ قىلساڭچۇ ؟ يولۇمنى يۇرۇق قىلىپ زۇلمەتتىن چىقىشىمغا ياردەم قىل ! »  ... قۇياش  يەنىلا سۈكۈتتە كۆزىنى يۇمۇپ ، بۇلۇتقا بېشىنى قويۇپ تۇراتتى... ئىسيانكار ئاخىرقى رەت  ئۇنىڭغا يىلىندى ، ئەگەر يەنە قۇياشتىن سادا كەلمىسە بارلىق ھوقوقنى نەپىس خىياللار توپىغا بېرىپ چۈشكۈنلۈك زىندانىغا كىرمەكتىن باشقا چارە يوق ئىدى ... « ئى ! قۇياش ... كۆزۈڭنى ئاچساڭچۇ ؟ » ...  ئاخىرى قۇياشتىن سادا كەلدى ، قۇياش كۆزىنى ئاچماي تۇرۇپ ھارغىن ئاۋازدا ...« مىنىڭ نۇرۇم ئالدىڭدىكى زۇلمەتنى يۇرۇتالمايدۇ ، ئامالسىز مەن . كەچۈر ! » ... قۇياش سۆزىنى ئىسپاتلاش ئۈچۈن كۆزىنى ئاچتى ، ئەمما ئۇنىڭ كۆزلىرىدىن چىققان يۇرۇقلۇق راستلا زۇلمەتكە قىلچىلىك تەسىر كۆرسىتەلمىدى ... ئىسيانكار ئۇنىڭغا « ئەمدى قانداق قىلىمەن ؟» دېگەندەك بىچارىلەرچە قاراپ تۇراتتى ... قۇياش كۆزىنى يۇمۇۋېتىپ ...« قۇربانلىق بېرىشىڭگە توغرا كېلىدۇ ... زۇلمەتنى پەقەت سىنىڭ كەسكىن ئىرادەڭلا  يۇرۇتالايدۇ ... ئۈمۈدۋار بولغىنكى زۇلمەتنىڭ كەينىدە چوقۇم يۇرۇقلۇق بار ... » ... ئەمدى ئىسيانكارغا قۇياشنىڭ كېرىكى قالمىغان ئىدى . چۈنكى ئۇ قۇياشنىڭ ئۆزىگە ياردەم قىلىپ زۇلمەتنى يۇرۇتالمايدىغانلىقىنى بىلىپ يەتكەن ئىدى . ENpaaW@!Y  
  ئىسيانكار قۇياشنىڭ سۆزىدىن ئىلھام ئېلىپ خىياللارنىڭ قېشىغا كەلدى ۋە كەسكىنلىك بىلەن ...« يۈرۈڭلا ! زۇلمەتنى كىسىپ ئۆتىمىز ... » خىياللار چوقان كۆتۈرۈپ ئىسيانكارغا ھەيۋە قىلىشقا باشلىدى ... « سەن بىزنى ھالاك قىلاي دەمسەن ! سىنىڭ نىيىتىڭ نىمە دېگەن قارا ... سەن چۈشكۈنلۈك زىندانىغا مەھكۇم ... » خىياللار ئۇنى سۆرەشتۈرۈپ زىندانغا تاشلىدى . زىندان ناھايىتى مۇستەھكەم ئىدى . ئىسيانكارنىڭ بۇيەردىن چىقىپ كېتىشى مۇمكىن ئەمەس ئىدى ... ئىسيانكار نىجادلىق ئىزدەپ تۆت ئەتراپقا قارايتتى . نەپىس خىياللىرى ئۇنىڭغا سوغۇق نەزەردە قارايتتى ، شەيتان خىياللىرى بولسا ئۇنڭغا سەت ھىجايىپ قاراپ تۇراتتى ، قەلىب ، ئەقىل خىياللىرى بولسا يەنىلا شىرىن چۈش كۆرۈپ ئۇخلاۋاتاتتى ، ئۇلار پات يېقىندا ئويغۇنىدىغاندەك ئەمەس ئىدى . قۇياشنىڭمۇ ئۆزىگە ياردەم قىلالمايدىغانلىقىنى ئىسيانكار ئوبدان بىلەتتى ... 23,%=U  
  ئىسيانكار ھەممىدىن ئۈمۈدىنى ئۈزۈپ پۇشايمان قاچىسىدىكى زەھەردەك ئاچچىق نادامەتلەرنى ئىچىشكە باشلىدى ... ئۇ ئۆزى سەۋەبلىك زۇلمەت ئالدىدا قاپسىلىپ قالغانلىقىنى ئويلىسا ئىچى ئاچچىق بولاتتى ،ئىگىسى بولغان تىنىگە يۈز كىلەلمەيدىغاندەك ھىس قىلاتتى ، ئۆزىنى ئىگىسىگە ساتقىنلىق قىلغان خائىن دەپ بىلەتتى . ئۇ شۇلارنى ئويلىسا ھاياتتىن ئۈمۈدىنى ئۈزەتتى ... تۇيۇقسز ئۇنىڭ ئىسيانكار خىيالىدا قۇياشنىڭ « قۇربانلىق بېرىشىڭگە توغرا كېلىدۇ ... » دېگەن سۆزى قۇياشنىڭ كۆزىدەك نۇرلىنىشقا باشلىدى ...« توغرا قۇربانلىق بېرىشىم كېرەك ، قۇربانلىقىم بەدىلىگە سەۋەنلىكىمنىڭ ئورنىنى تولدۇرشۇم كېرەك . ئۆزۈمنىڭ ئىگەمگە سادىق ئىكەنلىكىمنى قۇربان بېرىش ئارقىلىق ئىسپاتلاپ بېرىشىم كېرەك ... » ئىسيانكار شۇلارنى ئويلاپ خىياللارغا شۇنداق دېدى ...« خىياللار ! سىلەر بۇيەردە يۈرۈپ بەك توڭلاپ كەتتىڭلار ... ئىسىنىۋالغۇڭلار يوقمۇ ؟ »  زۇلمەت ئالدى ھەقىقەتەن سوغۇق ئىدى ، خىياللار بۇيەردە توڭۇپ كەتكەن بولسىمۇ لېكىن ئىسىنغۇدەك بىرەرنەرسە تاپالماي سۇغۇقتىن تىترەپ يۈرىشەتتى . ئىسيانكارنىڭ بۇ سۆزى ئۇلارغا تولىمۇ ياقتى .... « ئەلۋەتتە ئەمما بۇيەردە ئىسسىنغۇدەك نەرسە يوق . ھەممىنى قىلغان سەن ! ...» خىياللار ئىسيانكارغا يەنە تاپا-تەنە قىلىشقا باشلىدى ... ئىسيانكار ئاخىرى قەتئى نىيەتكە كەلدى . ئۇ ئۆزىگە ئوت قويۇش ئارقىلىق زۇلمەتنى يورۇتماقچى ئىدى . ئۇ ئۆزىنىڭ زۇلمەتنى يۇرۇتالايدىغانلىقىنى باشتىلا بىلەتتى ، ئەمما زۇلمەتنى يۇرۇتۇش ئۈچۈن قۇربانلىق بېرىشكە توغرا كەلگەنلىكى ئۈچۈن . ئۇ بۇ ئىشنى باشتىن ئاياغ پىنھان تۇتۇپ باشقا زىخمۇ كۆيمەيدىغان، كاۋاپمۇ كۆيمەيدىغان ئاماللار بىلەن زۇلمەتتىن قۇتۇلماقچى بولغان ئىدى . زۆرۈر تېپىلسا قۇياشتىنمۇ پايدىلانماقچى ئىدى ... ئەمما ئۇنىڭ بارلىق پىلانى تەقدىر تەرپىدىن رەت قىلىندى. قۇياشتىن كۈتكەن ئۈمۈدىمۇ سۇغا چىلاشتى ... ئەمدى ئۇنىڭ ئالدىدا قۇربانلىق بېرىشتىن باشقا يول قالمىغان ئىدى . ئۇ ئاخىرى قۇربانلىق بەرمەكچى بولدى ، لېكىن ئۇ قۇربانلىق بېرىشقا تۇلۇق رازى ئەمەس ئىدى .قۇربانلىق بېرىش ئۇنىڭ زىنداندىن ، زۇلمەتتىن قۇتۇلۇشنىڭ ئاخىرقى ئامالى ئىدى ... ئەگەرئۇ يەنە خىياللارغا بوي سۇنسا چۈشكۈنلۈك زىندانىدا مەڭگۈ ئاغرىقسىز ئازابقا مۇپتىلا بولاتتىدە ، ئىگىسى تەننىڭ ھالاك بولۇشىنىڭ سەۋەبكارى بولۇپ قالاتتى ... ئۇ ئىگىسىنىڭ ھالاك بولىشىنى خالىمايتتى ... ئۇ ئىگىسىگە تولىمۇ سادىق ئىدى ...  ئاخىرى ئىسيانكار خىيال باشقا خىياللاردىن غالىب كەلدى ... ئۇ قۇربانلىق بېرىش يولىنى تاللىدى ... T;xHIg4
 
   « مەن ئۆز تىنىمغا ئوت ياقىمەن ...سىلەر ئوتتىن چىققان ئىسسىقلىق بىلەن سوغۇقتىن پاناھلىنىسىلەر ... » ئۇ مۇشۇ سۆزلەربىلەن زىنداندىن چىقىپ ئۆزىگە ئوت يېقىۋالماقچى ئىدى . ئەگەر زېمىننى يۇرۇتىمەن دېسە نەپس خىياللىرىنىڭ قارشى تۇرىدىغانلىقىنى بىلەتتى ... نەپىس خىياللىرى ئىككىلىنىپ قالدى . ئۇلار ئىسيانكارغا ھەرقانچە ئۆچلۈك قىلسىمۇ ئەمما ئۇنىڭ ئۆلۈشىنى خالىمايتتى . نەپىس خىياللىرى ئۇنچىۋالا رەھىمسىز ئەمەس ئىدى . ئەمما شەيتان خىياللىرىغا بولسا بۇ پىكىر تولىمۇ ياقتى . چۈنكى ئۇلار ئوتقا ئامراق ئىدى ... ئوتنى كۆرسە خوشال بولاتتى ... ئۇلار نەپىس خىياللىرىنىڭ پىكىرىنى ساقلاپ تۇرمايلا ... « بولىدۇ ..بولىدۇ ... ئەمىسە تىنىڭگە تىز ئوت ياق ! بىز بەك توڭلاپ كەتتۇق ... مۇشۇ ئىشڭ سەۋەبلىك گۇناھىڭنى يۇيۇۋال ...» ئۇلار ئىسيانكارغا قاراپ سەت ھىجايىپ تۇراتتى ... نەپىس خىياللىرى شەيتان خىياللىرىنىڭ سىزغان سىزىقىدىن چىقالمايتتى . چۈنكى شەيتان خىياللىرى نەپىس خىياللىرىغا جاپادىن قورقۇش ، راھەتكە بېرىلىش خاراكتىرى ئاتا قىلغان ئىدى  ... نەپىس خىياللىرى شەيتان خىياللىرى ئالدىدا ئۆزلىرىنى قەرىزداردەك ھىسابلاپ ئۇلارنىڭ پىكىرىنى يىرالمايتتى . يىگەننىڭ تىلى تۇتۇق ئىدى ... $a)JCErN  
   ئۇلار ئىسيانكارنى زىنداندىن چىقاردى ... ئىسيانكار ئۆزىگە ئوت يېقىشقا تەمشىلىۋېتىپ قەلىب ، ئەقىل خىياللىرىغا قاراپ قويدى . ئۇلار بۇ چاققا ئۇيقۇدىن ئويغانغان ئىدى. چۈنكى ئۇلار مۇھىم پەيتنىڭ يىتىپ كەلگەنلىكىنى بىلگەن ئىدى ، ئەمما ئۇلار باشتىن ئاياغ سۈكۈتتە ئىسيانكارغا بىرخىل ئىچ ئاغرىتىش نەزىرىدە قاراپ تۇراتتى .چۈنكى ئۇلار ئىسيانكارنىڭ ئۆز سەۋەنلىكى تۈپەيلى مۇشۇ كۈنگە قالغانلىقىنى بىلەتتى شۇنداقتىمۇ ئۇنىڭ ئاخىرى بۇ يولنى تاللىغانلىقىغا ئاپىرىن ئوقۇشتى . بەزى نەرسىلەرگە قۇربانلىق بەرمىسە ئېرىشكىلى بولمايدىغانلىقىنى ئۇلار ئوبدان بىلەتتى . ئىسيانكار ئۇلارغا سوغۇق نەزەردە قاراپ قويدى ( ئۇ ئۇلارنىڭ مۇھىم پەيتتە سۈكۈتتە تۇرۋالغانلىقىدىن نارازى ئىدى، بەلكىم ئۇلارنىڭ ياردىمى ئاستىدا قۇربان بېرىشتىن قۇتۇلۇپ قالارمەن دەپمۇ ئويلىدى . ئەمما ئۇلارنىڭمۇ ئۇنىڭ قۇربان بېرىشىنى كۈتۈۋاتقانلىقىنى ئۇ بىلمەيتتى )  ئۇئۆزىگە ئوت ياقتى  ... ئوت ئاستا- ئاستا ئۇنىڭ بەدىنىگە تۇتاشتى ... يۇرۇقلۇق بىلەن تەڭ ئىسسىقلىق تارقىلىشقا باشلىدى ... نەپىس ،شەيتان خىياللىرى ئىسسىقلىقنى كۆرۈپ خوشال بولدى . يۇرۇقلۇقنىڭ زۇلمەتنى يۇرۇتۇشىنى خالىمايتتى . قانداقلا ئۇسۇل بولمىسۇن زۇلمەتكە قەدەم قويۇشتىن قورقاتتى . زۇلمەتنىڭ كەينىدە ھالاكەت بار دەپ قارايتتى ...  ئەمما زۇلمەت يۇرۇسا ئۇلار زۇلمەتكە كىرمەي ئامالى يوق ئىدى ، چۈنكى ئۇلارنىڭ زۇلمەتتىن باشقا يولى يوق ئىدى. كىرمەسلىككىمۇ سەۋەب تاپالمايتتى ... قەلىب ،ئەقىل خىياللىرى يۇرۇقلۇقنى كۆرۈپ خوشال بولدى ... يۇرۇقلۇقنىڭ تىزرەك زۇلمەتنى يۇرۇتۇشىنى كۈتۈۋاتاتتى . ze-TBh/  
    تۇيۇقسىز كۈتۈلمىگەن بىر ئىش يۈز بەردى ... نەپىس خىياللىرى لاۋۇلداپ كۆيۈۋاتقان ئىسيانكارغا ئۆزىنى ئېتىشقا باشلىدى ... ئۇلار بەك توڭلاپ كەتكەچ تىزراق ئىسسىنىۋېلىش ئۈچۈن شۇنداق قىلغان ئىدى ... ئەمما ئۇلار ئىسيانكارغا بەك يېقىن تۇرۋالغاچ ئۇنىڭ بىلەن بىرگە كۆيۈشكە باشلىدى ، نەپىس خىياللىرىنىڭ ھالاكىتىنى كۆرگەن شەيتان خىياللىرى ئۇلارنىڭ نالە پەريادلىرىغا قاراپمۇ قويماي تېكىۋەتتى ... يالغۇز ئىسيانكارنەپىس خىياللىرى بىلەن قوشۇلۇپ تېخىمۇ كۈچلۈك كۆيۈشكە باشلىدى ... كۈچلۈك ئوت ئەتراپقا كۈچلۈك يۇرۇقلۇق ۋە ئىسسىقلىق تارقىتىۋاتاتتى ... يۇرۇقلۇق بىلەن زۇلمەت يۇرۇپ كەتتى . قەلىب ، نەپىس خىياللىرى ئىسيانكارغا رەھمەت ئېيتىشقىنىچە يۇرۇق زۇلمەتكە قەدەم قويدى.ھەممە ئىشقا چات كېرىۋالىدىغان قاشاڭ نەپىس خىياللىرى ئاساسەن ھالاك بولغان ئىدى . ساق قالغان بىر تۈركۈم نەپىس خىياللىرى بېشىنى تۆۋەن سېلىشقنىچە قەلىب ، ئەقىل خىياللىرىنىڭ كەينىدىن جىنايەتچىلەردەك سۈكۈتتە مېڭىۋاتاتتى  ... ئۇلارغا يىراقتىن مەڭگۈلۈك يۇرۇقلۇق قۇچاق ئېچىپ تۇراتتى ... ئىسيانكار ئاخىرى كۆيۈپ تۈگىدى . زېمىن ئۇنىڭ كۈلىنى شامالدا توزۇتۇپ ، ئۇنىڭ ئاخىرقى ئىزنالىرىنىمۇ يوقىتىۋەتتى... زۇلمەت يەنە قاراڭغۇلۇققا چۆمدى . ئەمما خىياللار خاتىرجەم ھالدا يولىنى داۋاملاشتۇرىۋەردى .چۈنكى ئۇلار زۇلمەتنىڭ كەينىگە يۇشۇرۇلغان يۇرۇقلۇقنىڭ سىماسىنى  ئىسيانكارنىڭ ياردىمىدە كۆرۈپ بولغان ئىدى ... ئۇلار يۇرۇقلۇققا قاراپ ئۈمۈد بىلەن يۈرۈپ كەتتى... ۋاقىتنىڭ ئۆتۈشى بىلەن ئىسيانكارمۇ خىياللارنىڭ ئىسىدىن كۆتۈرۈلدى ... ئۇلار غايىلىرىنىڭ بۇسۇغۇسىغا قەدەم قويغاندا بولسا ... « بۇنىڭغا بىز ھەقلىمىز ، چۈنكى بىز نۇرغۇن جاپا مۇشەققەتلەر بىلەن غايىمىزگە يەتتۇق ...» دەپ ئۆزلىرىدىن ئىپتىخارلىناتتى ... كۈلگە ئايلانغان ئىسيانكارنى بولسا ئۇلار ئاللى قاچان ئۇنتۇپ كەتكەن ئىدى ..... r|u6OF>  
                   ئەلۋىدا ئىسيانكار ...سەن توغرا قىلدىڭ ....... !!! Vq?8u/  
  

قورقۇپلا كەتتىمما ئۆلدىدىسە       

دانكونىڭ ھىكايسىدىن ئىلھام ئالغان ئوخشىمامسىز پەخىر ئۇكام ؟بەك ياخشى چىقىپتۇ جۇما

قورقۇپ كىرىپتىمەن تېخى،......

ئۇ ھەقىقەتەن ئامالسىز قاپتۇ..يورۇقلۇق كۆمۈلگەن قاراڭغۇ زۇلمەت،ئېغىر ئۇھسىنىشلار، تىڭىرقاشلار، زارقىش ۋە ئىنتىلىشلەر...ھەممىسى بىر كىچىك دائىرە ئىچىدە ئۆز كۈچىنى كۆرسىتىپتۇ.. > Zo_-,  
ئەمما ئىسىيانكارنىڭ  شۇ دەقىقتىكى تاللىغان يولى ئاقىلانە بوپتۇ.. بەلكى كۆپ كىشىلەر بۇنداق قىلىشنى بىلمەسلىكى ۋە ياكى جۈرئەت قىلالماسلىقى مۇمكىن...ئۇنىڭ ئۆلىمى بىلەن ئۇخلاپ ياتقان ئەقىل-ئىدراك نېرىپلىرى زۇلمەت رۇجەكلىرىدىن يورۇقلۇق كۆرەلەپتۇ ئەمەسمۇ....

?ASAR   YAHXI  YEZILIPTU....  OZINGIZ  YAZDINGIZMU YA.........

مەن  ئورۇن ئىلىپ قوياي.

ئاخىرقى ھىساپتا ئۇ نىمنى ېسپاتلىغان بۇلدى ؟؟؟

ھەي...ياخشى تەسىرات

ياخشى يېزىپسىلە ....

ئاھاي    ئادەمنى  شۇنداقمۇ  قورقاتقان بامۇ    ئىسىيانكار ئۆلدى  دىسە  مەن تېخى  ئەمدى  بۇ مۇنبەردىن ۋىدالاشقان  ئوخشايدۇ  دەپقاپتىمەن   _
 h\wH;  
fnV^&`
BB  
بەك ياخشى يېزىپسەن  پەخىركا  

پەخىركا سىلە زادى گۇڭگا ئادەمكەن سىلە جۇمۇ . شېرىڭلىمۇ گۇڭگا ، ھېكايەڭلىمۇ گۇڭگا   a?#v,4t^  
  

بۇ  تىماڭنى شىئىر  قىلىپ يىزىۋالغان بولساڭ قەتئى چۈشەنمەيتىم، مىنى چۈشەنسۇن دەپ نەسىر  شەكىلدە يىزىپسەن  ھە؟ iU3GUsPy  
Ww8<f$  
چۈشەندىم، ئادەم ھەرقانداق مۈشكىلاتقا دۇچ  كەلگەندە ياراتقۇچى ئاللاھنىڭ ئۆزى  بىلەن بىللە ئىكەنلىكىگە ئىشىنىشى ھەمدە ئەقىل ئىشلىتىپ يىقىلغان يەردىن دەس تۇرۇشقا جۈرئەت قىلسىلا  قايتا يىقىلمايدىغان بولالايدىغانلىقىنى دىمەكچىغۇ سەن ماڭا؟

ھەي  ئىدىرىسجان  سەن  چوڭ بوپسەن  جۇمۇ     مۇشۇ تىمىنى  چۈشەنگەندىكىن     

يۈرەك قارتلا قىلىپ قالدىغۇ. XiP xg[;  
قارىسام ھىكايىدەك نەسىردەكلا ئۇزۇن بىرنەرسە ......... خۇداغا شۈكرى ئۆلۈم توغرىلىق ھېچنىمە يوق. K^H{B& b8  
ئىنكاسنى يېزىۋېتىپ يۈرەك سەل جايىغىرەك چۈشسۇن ، ئالدىرىماي ئوقۇي بۇ تىمىنى. نادىرلانغىنىغا قارىغاندا چوقۇم بەلەن نەرسە.