[ توردىكى<قېرى بويتاقلار> ھىكايىسى





پەرۋىن  

بار دەسمى بىلەن يوق دەسمىدە تىنغۇدەك مادار يوق قەرزگە بۇغۇلۇپ ‹تاش ئورمان› غا ماكانلاشقىلى ھەش-پەش دىگۈچە ئىككى يىل بۇلۇپ قالدى.نامى ئۇلۇغ،سۇپرىسى قۇرۇق بۇ مۇزلىغان تاش ئورماننىڭ كىچىككە ئۆنكۈرىگە كۆنۈپمۇ قالدۇق.بىر بىنانىڭ بىر ئىشىكىدىن كىرىپ-چىقىپ يۈرۈپ يات چىرايمۇ ئىللىقلىشىپ،ئۇنتۇلۇپ قالغان ‹روھسىز ھال سوراش›مۇ باشلاندى ھەم شۇنىڭغا ئەگىشىپ مەھەللىنىڭ ‹داڭدار شەخس›لىرىمۇ كۈندۈلۈك پاراڭ تىزىماتىدىن ئۇرۇن ئالدى .بۇ،‹داڭدار شەخىس›نىڭ بىرسى ئۇدۇل قوشنام ھاشىمكامنىڭ يالغۇز قىزى پەرىدە ئىدى.يېشى يىگىرمە ئالتە-يىگىرمە يەتتە ياشلار چامىسىدا،شۇنداق چىرايلىق يېقىملىق قىز ئىدى. ئىچكىردىكى ئالى مەكتەپتە ئۇقۇغان بولسىمۇ لېكىن بىرەر يىگىت بىلەن ‹رەسمى› ئارلىشىپ باقمىغان(مەھەللىدىكىلەرنىڭ مەخپى ئۇچۇرى) يۈزى توۋەن قىز ئىدى.يەنە بىر ‹داڭدار شەخىس› بولسا ئاستىنقى قەۋەتتىكى ئېزىز شوپۇرنىڭ چوڭ ئوغلى مەردان ئىدى.بۇ يىگىتمۇ ئىنىسىنىڭ بالىسىنى ئەركىلىتىپ ،ئۆدەككە سۇ يۇقمىغاندەك ئۆز خىزمىتى بىلەن ئالدىراش،ئىشتىن چۈشسە بىنانىڭ ئالدىدا ئىنىسىنىڭ بالىسىنى ئۆينۇتۇپ تەڭتۇشلار بىلەن پاراڭلىشىپ تۇراتتى.«يىگىت چوڭ بولسا ئۆيلەنگۈلۈك،قىز بويىغا يەتسە ياتلىق قىلغۇلۇق» . بويىغا يېتىپ ئېشىپ كەتكەن بۇ ‹قېرى بويتاق› لار خۇددى بۇ ئىشتىن بىخەۋەردەك ئۆز ئىشى بىلەن ئاۋارە ئىدى.ئۇلار ئالدىرمىغان بىلەن قوشنىلار ئالدىراپ بىر-بىرسىگە شۇنداق ياراشقان ‹خۇدا قوشقان›لارنى بىر-بىرىگە چېتىپ قۇيۇشنى شۇنداق ئارزۇ قىلاتتى.پاراڭ ئايلىنىپ توي سۆزى كەلگەندە بۇ ئىككى ‹قېرى بويتاق›دىيىشىۋالغاندەك «قانچىنچى ئەسىر بۇ ،چوڭلارنىڭ تونۇشتۇرغان ئادىمى بىلەن توي قىلىدىغان،مۇھەببەت دىگەن رومانتىك بۇلۇشى كېرەك...» دەپ يېقىن كەلتۈرمەيتى.ئەمىليەتتە ئىككىلىسى قارشى تەرەپنى ياقتۇرمايتى.ئانىسى پەرىدەگە مەرداننىڭ گېپى چىقىپ بولغىچە قىز ئانىسىنىڭ سۆزىنىڭ قاپ بىلىگىگە تىپىپلا ئۇجۇقتۇرۋەتەتتى« قارا ئانا،بويى شۇنداق ئىگىز،بەستى ئېيىقتەك ،مېڭىشى دىۋىدەك تۇرسا.ماڭا قارا مەن شۇنداق تال چىۋىقتەك نازۇك تېنىم بىلەن ...كوچىغا چىقىپ قالساممۇ خەق مازاق قىلماسمۇ...بىر ئۇرۇق ،بىر سىمىز...»مەردانمۇ دادىسىنىڭ سۆزىنىڭ بىلىگە تىپىپ.«مۇشۇ باستىم بىلەن بىر ئاۋاق قىز بىلەن توي قىلسام ...خەق نىمە دەيدۇ...ئارقىمىزدىن مازاق قىلىپ كۈلۈشەر بەلكىم...ياق بولمايدۇ...لېكىن يۈزى توۋەن ياخشى قىز ئۇ...» مەھەللىدىكى قۇلۇم-قوشنىلار ‹قېرى بويتاق›لارنىڭ بىھۇدا ئوتۇپ كېتىپ بارغان كۈنىگە ئاھ ئۇرۇپ تۈرلۈك ئاماللارنى قىلىۋاتقاندا بۇ ئىككى ‹قېرى بويتاق› تور دۇنياسىنىڭ تار كوچىسىدا دوقۇرشۇپ قالدى.
مەردان سېپى ئۆزىدىن تور موللىسى ئىدى.كۈندۈزى ئىشخانىدا،ئاخشىمى ئۆيۈدە تورغا چىقىپ ئۆزىنىڭ مىڭ تەستە قۇرۇۋالغان تور بېكىتىنى باشقۇرۇپ كېتىپ باراتتى،گاھىدا كيۇ كيۇسىنى ئېچىپ تور دۇنياسىدىكى مەۋھۈم دوستلىرى بىلەن مۇڭدۇشۇپ قوياتتى.بىر كۈنى مەردانغا بىر ئۇچۇر كەلدى.ئۇچۇر ‹سۇنغان قانات›ئىسىملىك بىر تورداشدىن كەلگەن ئىدى.مەردان مىيىقىدا كۈلۈپ كۇيۇپ ‹سۇنغان قانات›ئىسىملىك تورداشنىڭ دوست بۇلۇش تەلىپىنى قوبۇل قىلىپ ئۇچۇر قايتۇردى.بىرە مىنۇت ئوتمەي ‹سۇنغان قانات›ئىسىملىك تورداشدىن ئۇچۇر كەلدى،« ئەگەر قىز بۇلۇپ قالسىڭىز مىنى ئاۋارە قىلماڭ،مەن سىزنىڭ ‹مۇز دەۋرىگە›قىزىقىپ قالدىم.»مەردان بىر كۆز يۈگۈرتۈپ ،‹سۇنغان قانات›قا ئۇچۇر يوللىدى.« مۇز دەۋرى سۇنغان قانات بىلەن دوست بۇلۇشنى خالايدۇ،سۇنغان قانىتىڭىز مۇز دەۋرىدە مۇزلاپلا قالمىسا،»قارشى تەرەپتىن ئۇچۇر كەلدى،« مۇز دەۋرىڭىزدە ئوت بارمۇ؟» مەردان قارشى تەرەپنىڭ قايتۇرغان ئۇچۇرىنى كۈرۈپ تىزدىن ئۇچۇر قايتۇردى.«ئوت پەقەت مەندىلا بار،لېكىن ئەپسۇنلانغان.پەرىزاتنىڭ كېلىشىنى كۈتۈپ تۇرۇۋاتىمەن.».قارشى تەرەپتىن يەنە ئۇچۇر كەلدى.« سىز ساقلىغان پەرىزات مەڭگۈ كەلمەيدۇ» مەردان تور دۇنياسىدىكى بۇ تورداشنىڭ يۇمۇرستىك پىكرىگە قىزىقىپ قېلىپ ئۇچۇر قايتۇردى.« مەن پەرىزاتنىڭ چۇقۇم كېلىشىگە ئىشىنىمەن»...
‹سۇنغان قانات› پەرىدەنىڭ مۇڭداشقۇدىكى ئىسمى ئىدى.پەرىدەمۇ گاھىدا كىرىپ قوياتتى،لېكىن كيۇ كيۇسىنى ئالدىراپ ئاچمايتى.چۈنكى توردىكى مۇھەببەتنىڭ ساقتا بولدىغانلىغى ئۇنىڭغا ئايان ئىدى.زىرىكىشلىكتە ‹مۇز دەۋرىنى›بىر سىناپ باقماقچى بۇلۇپ ئۇچۇر يوللىۋېدى،ئاقىۋەتتە قارشى تەرەپكە قىزىقىپ قالدى.‹مۇز دەۋرىنى›نىڭ ھەر بىر سۆزى پەرىدەنى قىزىقتۇرۇپ ئۇنىڭ بىلەن ئۇزاق مۇڭدۇشۇشقا سەۋەب بولماقتا ئىدى.
بىر كۈنى كەچتە ‹مۇز دەۋرى›دىن ‹سۇنغان قانات›قا ئۇچۇر كەلدى:
ـ سىز جىبراننىڭ «سۇنغان قانات» دىگەن كىتاۋىنى ئۇقۇغانمۇ؟
ـ ئۇقۇغان،لېكىن كىتاپنى يوقۇتۇپ قويغان.
ـ ئەپسۇس،مەندە بار .سىزگە ئەۋەتىپ بېرەيمۇ؟
- سىزنى ئاۋارە قىلماي
ـ بىز دىيىشىۋالغان.بىر-بىرىمىزنىڭ ئادرىسىنى سوراشمايمىز دەپ.يەنە يادىمدىن چىقىپ قاپتۇ خاتا چۈشۈنۈپ قالماڭ.
ـ سىز مۇھەببەتكە قانداق قارايسىز؟
ـ ھەقىقى مۇھەببەت،ئۇ پۈتۈن ۋۇجۇدنى،روھىيەتنى،كىشىنىڭ رەڭ – تۈسىنى ئىگىلىۋالىدۇ،ئۇنىڭ ئىزھارى شۇ.مۇھەببەت ئىنسانغا بېرىلگەن ئەڭ ياخشى نىمەت.بۇ نىمەتكە يېتىش ئۈچۈن شۇنىڭغا لايىق كۆتۈرۈلۈش،مۇناسىپ بۇلۇش دەرىجىسىگە يېتىش كېرەك دەپ ئۆيلايمەن.
ـ ئېنىقراق دىمەمسىز؟
- مەن بىر نۇرغا ئەپسۇنلانغان،مەن شۇ نۇرنى تۇنجى قېتىم كورگەندە،ئۆزەمنى- ئۆزەم كۈرۈشكە باشلايمەن.سىزمۇ ھەم شۇ.بۇ غەلىتە نۇر ،مۇبارەك نۇر جېنىڭىزغا قاتتىق ئۇيات تۇيغۇسى ئويغۇتىدۇ،جان –جەھلىڭىز بىلەن ئۆزىڭىزنى سۆزلەشكە،بىرو بىلمىگەن ئەيىپلىرىڭىزنى،يوشۇرۇن خاتالىقلىرىڭىزنى يۇيۇشقا تىرىشىسىز.تەبىئىيىتىڭىز مۇلايىملىققا تارتىدۇ.ھىلىقى نۇر دىلىڭىزنى يورۇتقانچە يورۇتۇۋېرىدۇ،بارا –بارا ئىنقىلاپ يۈز بېرىدۇ.سىزمۇ يېڭى بىر پەسىلنى كۆرەلەيسىز.شۇ مۇبارەك نۇر - مۇھەببەتتۇر .
- مىنىڭچە سىز شائېر ياكى يازغۇچى؟
ـ ياق. مەن مۇز دەۋرىدىكى پەرىزاتنى كۈتۈپ تۇرغۇچى...
- سىز كۈتۈشكە بەرداشلىق بېرەلەمسىز؟
- مەن سىزگە بىر شائېرنىڭ بىر شىئېرسىنى ھەدىيە قىلاي:
بۇ ۋاپادار يۈرۈگۈمنى
ئاسراپ دۈشمەن قەستىدىن،
يوشۇردۇم جان ئاغرىسىمۇ
سوڭەكلىرىم ئاستىغا!
...
بۇ ئىككى بويتاق مۇھەببەت توغرىسىدا خېلى ئۇزاق مۇڭداشتى.تۇن يانغانغا بىر –بىرىگە ئامانلىق تىلىشىپ مىڭ تەستە خوشلاشتى.ئەتىسى ئىشخانىدىن تورغا كىرگەن مەردان ‹سۇنغان قانات›نىڭ توردا ئىكەنلىگىنى كۈرۈپ ئۇنىڭ بىلەن يەنە مۇڭداشتى:
ـ توغرا چۈشىنىشىڭىزنى ئۈمۈد قىلىمەن.سىزنىڭ يىگىتىڭىز بارمۇ؟
ـ تاماكا چېكىدىغان،ھاراق ئىچىدىغان،قايسى قىز ئۇچرىسا ھاڭۋېقىپ قاراپ قالىدىغان،ھەم قىزنىڭ ئارقىدىن مەرىشىپ كۈلۈشىدىغان...
ـ مەندىكى كەمچىلىكنى سىز قانداق بىلىسىز‹چاقچاق›
ـ مەن شۇنداق يىگىتلەرگە بەك ئۆچ.
ـ سىزنىڭمۇ قىز دوستتىڭىز يوقمۇ؟
ـ مەن سىزنىڭ،مىنىڭ قىز دوستتۇم بۇلۇپ قېلىشىڭىزنى ئۈمۈد قىلىمەن.
ـ مىنىڭ كەمچىلىگىم بەك جىق،يەنە كېلىپ مەن بەك سەت،كۆرسىڭىز قورقۇپ كېتىسىز.
- سىز مىنىڭ بەستىمدىن قورقمىسىڭىزلا مەن قورقمايمەن.
...
تاش ئورماندا بۇ ئىككى داڭدار شەخىسنى بۇرۇنقىدەك ئۇچراتماق تەس بۇلۇپ كەتكەن ئىدى،چۈنكى ئۇلار بوش ۋاقىت تاپسىلا تور ئالدىدا مۇڭدىشاتتى.مۇڭدۇشۇپ ھارمايتى.بىر –بىرىگە كۆڭلىنى ئىزھار قىلىشتىن قورقسىمۇ ،بىر- بىرسىنىڭ كۆڭلىگە ئازار بىرىپ قۇيۇشنى خالىمايتى.مۇڭداشقانسىرى قەلب سىرلىرى ئۈنچىدەك تۆكۈلۈپ تۇرسىمۇ لېكىن ئۆزلىرىنىڭ بىر بىنانىڭ ئىككىنچى ھەم ئۈچۈنچى قەۋەتتە ئىكەنلىگىنى ھەرگىز بىلمەيتى.مەردان ئۇ قىزنى ئەپسۇنلانغان ئوتنى يالقۇنلۇق ئوتقا ئايلاندۇرغۇچى پەرىشتە دەپ بىلسە،پەرىدە يىگىتنى ،بىلىمى بول،ئەدەبى قابىلىيىتى چوڭقۇر،ئۆزىنى توختاتقان يىگىت دەپ چۈشۈنەتتى.
گۈزەل سىنتەبىرنىڭ بىر كۈنى مەردان قىزنى كۈرۈشۈشكە تەكلىپ قىلدى.قىزمۇ يىگىتنىڭ ئۆزى بىلەن بىر شەھەردە ئىكەنلىگىدىن خوش بۇلۇپ كۈرۈشۈشكە قۇشۇلدى.گەپ قانداق كۈرۈشۈشتە قالغان ئىدى.مەردان قىزغا بىر شائېرنىڭ قىسقا،ئىككى مىسرالىق شىېئرسىنى كۈرۈشۈشتىكى ئالاقە قىلىشنى ئوتتۇرغا قويدى.كۈرۈشۈش مەخپى بەلگىسى بەك ئاددى ئىدى. قىز بىر قۇلىدا كۈنلۈكنى كۆتۈرۋالىدۇ،يىگىت قىزنىڭ ئالدىغا كېلىپ ‹دىلىم كارۋان› دەيدۇ.قىز ئاندىن كىيىن ‹لېۋىم مەنزىل› دەپ جاۋاپ بېرىدۇ.ئورنى بولسا ياشلار باغچىسى،ۋاقتى چۈشتىن كىيىن سائەت تۆتتە، يەنە كولنىڭ قېرىدىكى راۋاق تۈۋىدە.
مەردان كۈرۈشۈش نۇقتىسىغا يېرىم سائەت بالدۇر باردى.كۈرۈشىدىغان يەردىن خېلى يىراقتا ئۆزىنى دالدىغا ئېلىپ راۋاقتىن كۆزىنى ئۈزمەي تۇردى.سائەت تۆت بولاي دىگەندە بىر قىز بىر قولىدا كۈنلۈكنى كۆتۈرۈپ راۋاق تۈيىگە پەيدا بولدى.قىز راۋاقتىكى ئۇرۇندۇقتا ئۆلتۈرۈپ سائەتىگە قاراپ –قاراپ قوياتتى.مەردان بىر –بېسىپ-ئىككى بېسىپ راۋاق تۈۋىگە كەلدى ھەم قىزنى كۈرۈپ چۆچۇپ كەتتى.مەرداننىڭ ئالدىدا باشقا بىرسى ئەمەس پەرىدە تۇراتتى.
پەرىدە مەرداننى كۈرۈپ ھاڭ-تاڭ قالدى .ئىككى بويتاقنىڭ كۆزلىرى بىر- بىرسى بىلەن يەنە ئۇچراشتى.
- پەرىدە،سىز...
- ساۋاقدىشىم بىلەن كۈرۈشكىلى كەلگەن.ساقلاۋاتىمەن...
- سىزچۇ؟ مەردان.
- كۈنلۈك تۇتقان بىر قىز بىلەن كۈرۈشكىلى كەلگەن.
- سىز؟ مۇز دەۋرى...
پەرىدە كۈنلۈكىنى كۆتۈرۈپ مەردانغا قاراشقىمۇ جۈرئەت قىلالماي ئۆزىنى راۋاقتىن سىرتقا ئاتتى...
ـ دىلىم كارۋان
مەردان ،ساردىن ئۈركىگەن چۆجىدەك ئۆزىنى سىرتقا ئاتقان پەرىدەنىڭ ئارقىسىغا قاراپ مەخپى بەلگىنى ئۇقۇدى...
نويابىرنىڭ قۇتلۇق بىر كۈنى تاش ئورماندا كاتتا بىر توي مەرىكىسى بولدى.بۇ توي بىر-بىرسىنى ياراتماي يۈرۈشكەن، دىۋىدەك بەستى بار مەردان بىلەن تال چىۋىقتەك ئەۋرىشىم بوي پەرىدەنىڭ قۇتلۇق تويى ئىدى.
تاش ئورماندا قىزىق پاراڭلار يەنە قىزىپ كەتتى ...

2008-يىل 16- سىنتەبىر شايار  

مەھەللەم:  
http://parwin.salkin.cn/
  

بەك تەسىرلىك يېزىلغان  توردىكى مۇھەببەت خاتىرسى ئىكەن ، «يىگىتنىڭ سەتى يوق ، سۈگەتنىڭ  تۈزى » !!!!

باشقۇرغۇچىلارنىڭ ھىكايىنى بىزەپ قۇيۇشىنى ئۈمۈد قىلىمەن.يوللاش جەھەتتە ياخشى چىقماپتۇ.خەت شەكلى بىلەن خەت رەڭگىنى تۈزەپ قۇيۇشىنى تەۋسىيە قىلىمەن.رەخمەت.
باشقۇرغۇچىلار جاپا چەكتىڭلەر.

قاچان قالغان ھېكايىدۇ بۇ.....................

ئاخىرى توي قىلىپتۇدە    .  

بەك ياخشى بۇلۇپتۇ.

بىز شايارلىقلاردا چىراينى چايغا چىلاپ ئىچكىلى بولمايدۇ دېيدىغان گەپ بار ،،،،،، ھى ھى ،،،، چىراي نۆۋەتنىڭ ئەڭ ئارقىسىدا ،،،،، ئەڭ مۇھىمى ئەخلاق پەزىلەت ،، مېھىر ۋاپا ،،،،

رەخمەت

بۇ ھىكايە تەبى چىقىپتۇ. چ چ دىكى كىشىلەر ئاشۇنداق كۆرىشىدىكەن-دە ! ؟

مىنىڭ باش پىرسۇناژ قىلىۋىتىپسىزىغۇ دوستۇم ~!
ئىسمىم مەردان بولغاچقىمىكىن خۇددى بۇ ھىكايىدىكى مەرداننى دەل ئۆزۇمدەك ھسىل قىلىپ قالدىم.

  بەك ياخشى  ھىكايىكەن

بەك ياخشى چىقىپتۇ بۇ ھېكايە ھەم بەك تەبىئىي  

ئاجايىپ ھە؟  تۇر دۇنياسىدا ماڭا ئادەملەرنىڭ ھەممىسىلا شۇنداق ياخشى ئەخلاقلىق ، بىلىنىدۇ

پەيزى يېزىۋېتىپسىز بۇ ھىكايىنىمۇ...مۇنداقمۇ ھۈنىرىم بار دەڭ.......

ئوخخو  ..........  يازغۇچىلار  كۇندىن كۇنگە كوپىيۋاتىدىغۇ  مۇنبەردە  .    ياخشى  يېزىپسىز  .  تىرىشىڭ .