جىمجىت تۇرار چەكسىز بىر قۇملۇق،
نىممەتلەرگە تولغان زىمىندا.
ئاڭلىنىدۇ مۇقام ساداسى،
قۇياش كۈلگەن سۈزۈك ئۇپۇقتا،

يۇلغۇن بىلەن بىزەلگەن ماكان،
قوينىدا كۆپ تارىخ سىرلىرى.
كىروراندەك شەھەرنى تۇغۇپ،
قالدى ئۇندا بۇۋام ئىزلىرى.

ياشايدىكەن شۇ توغراقلىرىڭ،
باغرىڭدا شاد نەچچە يۈز مىڭ يىل.
سۈيى ئەلۋەك، خەلقى مىېھرىبان،
سۈيىنىدۇ سەندىن ھەربىر دىل.

توغراپ سۆزلەپ نۇرغۇن ھىكايە،
يۇلغۇن بىلەن قىزاردى دالا.
قەھرىماننىڭ داستانى پۈتۈپ،
تاشلارغىچە ئۇيۇلدى يازما.

كولدۇرماما ئاسقان تۈگىلەر،
ئېچىپ قويدى يىپەك يولىنى.
مەھمۇد بۇۋام، يۇسۇپ خاس ھاجىپ،
يەرشارىغا سۆزلەر ئۇيغۇرنى.

گۈزەل دەيدۇ پارىزنى ھەممە،
تەڭ قىلماسمەن تەكلىماكانىم.
قۇم- تۇپاڭنى سۈرتۈپ كۈزۈمگە،
كۆكسىمگە گۇل قىساي ماكانىم.

تەكلىماكان ئېھ ئانا ۋەتىنىم،
سىنىڭ بىلەن تۇتاشتۇر غۇرۇر.
بىزنى بېقىپ ئۆستۈردۈڭ ساغلام،
شۇڭا يەنە پەخىرلىك ئۇيغۇر.

مەنبە: ئۆز قەلبىم

تەكتى_ماكان
قۇمنىڭ ئاستىدا ۋەتەن بار،،،،،ھەقىقى ئۇيغۇر بار

قەلىمىڭىز خېلى پىشىپقاپتۇ مەزمۇنىمۇ جايىدا  پىكىرلىرڭىز ئۇچۇق چۇشنۇشلۇك ئەدەمنىڭ كوڭلىگە ياقىدىغان  ئۇبدان شىېر يازدىكەنسىز  ھارمىغايسىز يەنە يىزىپ تۇرۇڭ سىزگە ئۇتۇق تىلەيمەن

سەمىمى تەكلىپ ئەسىرىڭىزنى قايتا ئۇقۇپ   ئازراق تۇزتۇپ قۇيۇشنى لايىق تاپتىم

يۇلغۇن بىلەن بىزەلگەن ماكان،
قوينىدا كۆپ تارىخ سىرلىرى.
كىروراندەك شەھەرنى تۇغۇپ،
قالدى ئۇندا بۇۋام ئىزلىرى.

مۇشۇ شىېردىكى  3مىسرا  مەزمۇن جەھەتتىن سەل باغلاشماي قاپتۇ ئوزىڭىز قايتا ئويلۇنۇپ باقارسىز
ئىملا . توغراپ ئەمەس توغراق . كولدۇر ماما  ئەمەس كولدۇما .پارىز ئەمەس پارىژ . بۇنىڭدىن كىيىن تېخىمۇ تىرشىشىڭىزنى ئۇمىت قىلمەن