ئىككى دەردمەن

ئەر خوجايىن ئايالىنىڭ ئايال خىزمەتكارنى تىللىغانلىقىنى كۆرگەندىن كىيىن، خىزمەتكارغا تەسەللى بىرىپتۇ:
- خاپا بولما، بىز ئىككىيلەننىڭ تەقدىرى ئوخشاش ئىكەن.
-ئەپەندىم، سىزنىڭ قانداقمۇ مىنىڭ بىلەن ئوخشاش بولسۇن، مەن ئايالىڭىزدىن قورقمايمەن، مەن ئەتىدىن باشلاپ ئىشلىمەيدىغانلىقىمنى ئۇنىڭغا ئىيتتىم، سىزمۇ شۇنداق دىيىشكە پىتىنالامسىز؟


ئوخشاش دەرد

بىر ئادەم بۇلاڭچىغا ئۇچراپ قىلىپ يالۋۇرۇپ كىتىپتۇ.
- سىز جىمى پۇلۇمنى ئىلىۋالسىڭىز، ئايالىمغا نىمە دەيمەن، ئۇ مىنىڭ بۇلاڭچىغا ئۇچراپ قالغانلىقىمغا ھەرگىز ئىشەنمەيدۇ.
قاراقچى ئاچچىق كۈلۈپ دەپتۇ.
-سەن ئايالىمنى مىنىڭ ھىچنەرسە بۇلىمىغانلىقىمغا ئىشىنىدۇ دەمسەن؟


تۇيۇقسىز خوش قىلىۋىتىش


يۈزىنى ساقال بىسىپ كەتكەن بىر ئەر ئايالىنى تۇيۇقسىز خوش قىلىۋىتىش ئۈچۈن ساقال - بۇرۇتىنى پاكىزە قىردۇرۇپ يىرىم كىچىدە ئاستا ئايالىنىڭ يوتقىنىغا كىرىپتۇ.
ئايالى گاراڭ ھالەتتە ئويغىنىپ، ئۇنىڭ يۈزىنى سىلاپ بىقىپتۇ - دە، چۈچىگەن ھالدا دەپتۇ:
- قەدىرلىكىم، سەن تېخىچە يىنىمدىمۇ؟ ئىرىمنىڭ كىلىدىغان ۋاقتى بولدى، تىز كەتكىن!


ئەسلىدە مۇنداقكەن - دە

بىر خانىم ئىرىمنىڭ ئاشنىسى بار دەپ گۇمانلىنىپ بىر خۇسۇسى رازۋىدكىچىنى ئۇنىڭ يۈرۈش - تۇرۇشنى تەكشۈرۈپ بىقىشقا ياللاپتۇ. ئۇزۇن ئۆتمەي، رازۋىتكىچى خانىمغا دوكلات قىپتۇ.
- بۈگۈن چۈشتىن كىيىن ئىرىڭىز بىر ھۈسىن تۈزەش ئورنىغا باردى، كىيىن يەنە بىر ئاياغ دۇكىنى ۋەبىر كىيىم دۇكىنىغا كىردى.
-بۇ ئەبلەغ ئۇ يەرلەردە نىمىش قىلىدىكىنا؟
-مىنىڭ بىلىشىمچە ئۇ سىزنى پايلاپ يۈرگەنىكەن.


سۈت ساتقۇچى ئەر


بىر ئەر سەپەردىن قايتىپ كەپتۇ. ئۇ ئايالىنىڭ ئالا كۆڭۈللۈك قىلىپ قويۇشىدىن ئەنسىرەيدىكەن. شۇڭا بىنا باشقۇرغۇچىدىن سوراپتۇ.
-ئايالىمنى بىركىم ئىزدەپ كەلمىگەندۇ؟ مەسىلەن : سىز تونۇمايدىغان كىشىلەر ياكى باشقا كىشىلەر؟
-ياق ئەپەندىم، پەقەت بىر سۈت ساتقۇچى ئالدىنقى كۈنى كەلگەنىدى.
-مۇنداق دەڭ، ئۇنداق بولسا خاتىرجەم بولدۇم
-بىراق . . . . ئۇ تا ھازىرغىچە ئۆيىڭىزدىن چىقمىدى!


تىلى باشقا، دىلى باشقا


ئىككى پىرىستان ئىشچىسى دەم ئىلىش ۋاقتىدا بىللە ئولتۇرۇپ غىزالىنىپتۇ. بىرەيلەن ئاۋال ئىغىز ئىچىپتۇ.
- ئاغىينە، سەن چىچى مايلىشىپ تۇرىدىغان، خام سىمىز ئايالنى ياخشى كۆرەمسەن؟
يەنە بىرى پىۋىنى ئوتلاپ بولۇپ جاۋاپ بىرىپتۇ.
-ھەر گىز ياخشى كۆرمەيمەن.
-ئۇنداقتا، بۇرنى پاناق، پىت كۆز ئايال كۆڭلۈڭگە ياقامدۇ؟
-بۇنداق ئايالدىن ئىنتايىن بىزارمەن.
- ئاغزى پۇرايدىغان ئايالچۇ؟
-بۇندىقىدىن خۇدايىم ساقلىسۇن.
شۇ سۆزدىن كىيىنلا ئاۋال سۆزلىگەن ئىشچى يەنە بىرىنىڭ گىلىغا ئىسىلىپتۇ:
-شۇنداق تۇرۇقلۇق نىمىشقا مىنىڭ ئايالىمنىڭ كەينىگە كىرىۋالىسەن؟