ئەسسالامۇ ئەلەيكۇم قېرىنداشلار!
   مەن ئۇيغۇر تورچىلىقىنىڭ تەرەققىياتىنىڭ گۇۋاھچىسى سۈپىتىدە ئەڭ بۇرۇنقى ئۇيغۇر تورلىرى(كاككۇك، تەكلىماكان.....)قاتارلىق تور بەتلەرنىڭ قىزغىن ئىشتىراكچىسى  ئىدىم. ھېلىمۇ ئىسىمدە كاككۇك تورىنىڭ چايخانىىسىدا تۇنجى قېتىم ئۇيغۇر يېزىقىنى كىرگۈزۇپ تورداش قېرىنداشلىرىم بىلەن پاراڭلاشقاندا ، قانچىلىق خوشال بۇلۇپ كەتكەنلىكىمنى تىل بىلەن ئىپادىلەپ بىرەلمەيمەن. نىمىلا بولمىسۇن توربەت يۈزىدە ئۇيغۇرچە كىرگۈزۈپ ئۆز كۆز قاراشلىرىمنى ئۆز ئانا تىلىمدا بايان قىلىدىم ئەمەسمۇ؟!!!
ھازىر بەت يۈزىدە ئۇيغۇرچە كىرگۈزۈش، مۇنازىرلەر ، مۇنبەرلەردە ئۇيغۇرچە يېزىپ ئۇيغۇرچە تەپەككۇر قىلىش ئاساسى جەھەتتىن تۇلۇق ھەل بولدى. بىراق بىزنىڭ ئۇيغۇر تور دۇنياسى بىلەن رىئال تۇرمۇشىمىز ئارىسىدىكى زىدىيەت كۈنسايىن چوڭايماقتا. تورداشلار ھىس قىلدىمۇ بىلمىدىم، بىز مۇنبەردىكى مەردانە ھەم دەبدەبىلىك پاراڭلارنى ئوقۇغاندا ياكى قىلغاندا ئەمەلى تۇرمىشىمىزدا ياكى رىئاللىقىمىزدا ئۆزىمىز دىگەن ئىشلارنى قىلالىدۇقمۇ؟؟ مۇنبەردە چوقان سالالىغاندەك رىئاللىقىمىزدا چوقان سالالىدۇقمۇ؟ ۋاقىتنى بىكار ئۆتكۈمەي ئەھمىيىتى زور ئىشلارنى قىلىمىز دىيىشىپ كۈنكۈنلەپ كومپىيوتېر ئالدىدا ئولتۇرۇپ ۋاقىتنى بىكار ئۆتكۈزمىدۇقمۇ؟مۇنبەردە يولدىن چىققان قىز يىگىتلىرىمىزنى قۇتقۇزىۋالايلى دەپ جېنىمىزنىڭ بارىچە چوقان سېلىپ ،رىئاللىقىمىزدا شۇنداق بالىلارنى كۆرسەك ئۇلاردىن قېچىپ ئۇلارنى كەمسىتمىدۇقمۇ؟ مۇنبەردە قانداقتۇر ئىنكاس يېزىش جەريانىدا شۇنى ھېس قىلدىمكى  تايىنى يوق ئىنكاسلار بەك كۆپ بۇلۇپ كىتىدۇ، دىسىمۇ بولىدىغان دىمىسىمۇ بولىىدىغان گەپلەرنى جېق قىلىمىدۇقمۇ؟ بۇنداق دەپ ئىنكاس يوللىماڭلار دىمەكچى ئەمەسمەن، دىمەكچى بولغانلىرىم ناۋادا سىزگە تىما يارىغان بولسا تىمىدىكى ئۇچۇرلاردىن مۇۋاپىىق پايدىلىنىڭ، چۈشەنمىسىڭىز تىما ئىگىسىدىن سوراڭ، پىكىرىڭىز تىمىدىكى مەنا بىلەن بىردەك بولمىسا دەلىل پاكىت بىلەن رەدىيە بىرىڭ . رىئال تۇرمۇش بىلەن تور دۇنياسىدىكى پەرىقنى تۈگىتىپ تىل بىرلىكى ، دىل بىرلىكى ، تىل ھەركەت بىرلىكى ھاسىل قىلالىساق دىگەن ئۈمۈدتىمەن...............