مۇنداق مەكتەپ مۇدىرلىرىمۇ بار

     بۇ مۇدىر شىخەنزىدىكى مەلۇم بىر ئوتتۇرا مەكتەپنىڭ مۇدىرى ئىدى. ئۇ تولىمۇ سالاپەتلىك، ئاۋازى ياڭراق مۇدىر ئىدى. ئۆزى ئايال بولغىنىغا قارىماي، جۈرئەتلىك، باشقۇرۇشقا ماھىر ئىدى. بۇ تەرەپلىرى مەندە زور تەسىر قالدۇرغان ئىدى. بولۇپمۇ ئالدىنقى كۈنىدىكى ئىش مېنى بەكمۇ تەسىرلەندۇردى.
   ئالدىنقى كۈنى مەكتىپىمىزدىكى بىر ئوقۇغۇچى كىسەل بولۇپ قېلىپ، مۇدىر مېنىڭ دوستۇمنى  ئۇ ئوقۇغۇچىنى دوختۇرغانىغا ئاپىرىشقا بۇيرۇپتۇ. شۇ كۈنى 6- سائەتتە دوستۇمنىڭ   دەرسى بار ئىكەن. مۇدىر ئۇ دەرسنى ئۆزەم ئۆتىمەن دەپتۇ. شۇ كۈنى چۈشتە دوستۇم ماڭا تىلىفۇن قىلىپ، دەرسنى ئۆتۈپ قويۇشۇمنى ئېيتتى. ھەم مەكتەپ مۇدىرىنىڭ ئۆزىنىڭ ئۆتمەكچى بولغانلىقىنىمۇ دەپ بەردى. مەن مەكتەپ مۇدىرىنىڭ « دەرسنى مەن ئۆتىمەن » دېگەن سۆزىدىن بەكمۇ ھەيران قالدىم . 6-سائەتلىك دەرس ۋاقتىمۇ بولدى. مەنمۇ تەييارلىق قىلىپ كەلگەن ئىدىم. كىم ئويلىغان دەيسىز. مەكتەپ مۇدىرىمۇ كەلدى. ئۇ ماڭا بۇ دەرسنى مەن ئۆزۈم ئۆتىمەن دېدى، مەكتەپ مۇدىرىنىڭ بۇ پۇزىتسىيى مېنى بەكمۇ تەسىرلەندۈردى، مەن ئۇنىڭغا بولدى، مۇدىر مەن ئۆتەي، دېسەممۇ ئۇ ئۇنىماي سىزنىڭمۇ خىزمىتىڭىز بار، سىزنىڭ ۋاقتىڭىزنى ئالساق بولمايدۇ. بۇ دەرسنى ئۆزۈم ئۆتەي دەپلا، سىنىپقا كىرىپ كەتتى. ئىشخانىغا بارغۇچە مەكتەپ مۇدىرىنىڭ بۇ خىل ئىستىلى مېنى چۇڭقۇر ئويغا سالدى. ئۇ ئەمەلىيەتتە باشقا ئوقۇتقۇچىغا ئورۇنلاشتۇرسىمۇ بولاتتى، ئىلمىي بۆلۈمگە ھاۋالە قىلسىمۇ بولاتتى. ئەمما، ئۇ ئۆزى كىردى. ھەيران قالدىم،  ھەم بۇ ئوتتۇرا مەكتەپنىڭ شىنجاڭدىكى نوقتىلىق ئوتتۇرا مەكتەپ، مائارىپ نازارىتى تەرىپىدىن دۆلەت دەرىجىلىك نوقتىلىق ئوتتۇرا مەكتەپ قىلىپ كۆرسىتىلگەنلىكىگە قىلچە ھەيران قالمىدىم. قانداق مەكتەپ مۇدىرى بولسا شۇنداق مەكتەپ بولىدىكەن. ئوقۇتقۇچىلار بايرىمى كۈنى مەكتەپ مۇدىرى مەكتەپتىكى شەھەر، ئاپتۇنۇم رايۇن،دۆلەت دەرىجىلىك شان-شەرەپلەرگە ئىرىشكەن ئوقۇتقۇچىلارنىڭ ئىسىمىنى ئوقۇپ ئۆتتى. بۇ ئوقۇتقۇچىلارنىڭ سانى خېلى بار، يەنە كىلىپ ھەممىسى بىرىنچى، ئىكككىنچى دەرىجىلىك مۇكاپاتلار ئىدى، يەنە كېلىپ، بۇ يىل 7-ئايدا ئۆتكۈزۈلگەن بىئولوگىيە يازلىق لاگىر پائالىيىتىدە مەكتىپىمىزنىڭ ئوقۇتقۇچىسى ئاپتۇنۇم رايۇن بويىچە بىرىنچى دەرىجىلىك مۇكاپاتقا ئىرىشىپتۇ. دەل مانا مۇشۇنداق مەكتەپ مۇدىرى بولغاچقا، مەكتەپ شان-شەرەپكە ئىرىشىدىكەن ئەمەسمۇ!
          مەن ئويلايمەن، بۇ دېگەن بىر ئوبراز قۇرۇلۇشى، ئۆزى ئۆلگە بولۇش دەپ ئاتىلىدۇ. مانا مۇشۇنداق بىر ئوبراز قۇرۇلۇشى بولغاندا ئوقۇتقۇچىمۇ تەرەققىي قىلىدۇ، مەكتەپمۇ تەرەققىي قىلىدۇ. ئوقۇغۇچىمۇ تەرەققىي قىلىدۇ. بۇ جەھەتتىكى تەرەققىيات ئارقىلىق نەپكە ئىرىشىدىغىنى ئوقۇغۇچى،ئوقۇتقۇچىدۇر. پۈتكۈل مائارىپ سۈپىتىگە تەسىر كۆرسەتكىلى بولىدۇ.
           تېخى تۈنۈگۈن بولغان ئىشنى دېمەيسىز، ھەر پەيشەنبە كۈنى چۈشتىن كېيىن مەكتەپنىڭ ئوقۇتقۇچىلار پائالىيىتى بار. مەكتەپنىڭ تەنھەرىكەت زالىدا ھەممە ئوقۇتقۇچى ئۆزى ياقتۇرىدىغان تەنھەرىكەت تۈرى بىلەن شوغۇللىنىدۇ. پائالىيەت ئاخىرلاشقاندىن كېيىن  ھەممىمىز ئوپچە مەكتەپ ناخشىسى ئۆگىنىمىز. مەكتەپ  مۇدىرى ئۆزى باشلامچى بولۇپ ئوقۇپ كەتتى. ھەر قېتىملىق پائالىيەتكە تولۇق قاتنىشىدۇ. ناخشىنى شۇنداق ياخشى ئوقۇيدىكەن. مەكتەپ مۇدىرى ئۆزى باشلامچى بولۇۋاتقان يەردە باشقا ئوقۇتقۇچىلار قانداقمۇ تىرىشچانلىق كۆرسەتمىسۇن!
       مەن ئويلايمەن، ھەربىر مەكتەپ مۇدىرىدا مۇشۇنداق روھ بولۇشقا تىگىشلىك، مۇشۇنداق ئىستىل بولۇشقا تىگىشلىك، مۇشۇنداق ئەمەلىي ھەرىكەت بولۇشقا تىگىشلىك.
      بۈگۈن ئەتىگەن سەھەردە، تەنھەرىكەت مەيدانىدا مەكتەپ مۇدىرىنى يەنە كۆردۈم، شىنجاڭ تولۇقسىز سىنىپلىرىنىڭ ئوقۇغۇچىلىرى گىمناستىىكا ئويناۋاتقان ئىدى، ھەر كۈنلۈك دىجۇرنى ئوقۇتقۇچىمۇ بار. مەكتەپ مۇدىرىمۇ بار. ئوقۇغۇچىلار ئارىسىدا. بۇ خىل ئىستىل بىلەن روھنى باشقا مەكتتەپ مۇدىرلىرى بىلەن سېلىشتۇرىدىغان بولساق، نۇرغۇن ئىشلارنى بايقايمىز. كاللىمىزغا نۇرغۇن سوئاللار كىلىدۇ. كونىلار توغرا دەپتىكەن، ئادەم بىلىملىك بولغانسىرى كەمتەر كىلىدۇ،دەپ. ئاپتۇنۇم رايۇن دەرىجىلىك نوقتىلىق ئوتتۇرا مەكتەپ، دۆلەت دەرىجىلىك نوقتىلىق ئوتتۇرا مەكتەپ قىلىپ كۆرسىتىلگەن مۇشۇنداق بىر مەكتەپتە مانا مۇشۇنداق بىر مەكتەپ مۇدىرى بار ئىكەن! .

ئەجەپ ياخشى مۇدىر ئىكەن ، بۇنىڭغا ئوخشاش مۇدىرلارنىڭ يىتىشىپ چىقىشىغا  ئۆزى ئۈلگە  بولىدۇ كىيىنكىلەرگە......

سۇنىڭ بېشى سۈزۈك بولسا ئايىقىمۇ سۈزۈك بۇلىدۇ!

ئۇنداق ئادەملەر ئوننىڭ ئىچىدىن بىرسى چىقىدۇ.

ھۆرمەتلەشكە  ھەقىقەتەن  ئەرزىيدىغان  مۇدىركەن .

ئىشقىلىپ بۇنداق مۇدىرلار ئازجۇما ھازىر `~

پاھ..........
بىز قاچانلىققىمۇ مۇشۇنداق مۇدىرغا ئېرىشەرمىزكىن تاڭ....
دىلسۆيەر سەلكىنداش سىز شىخەنزىلىككەنسىزدە   ........................

راس   دىگەندەك  بۇنداق  مۇدىرلار  ئاز  جۇما  ھازىر  جەمىيتىمىزدە،،،،،،،،،،،،

بۇنى ساپا دەمدۇ ؟

ھەقىقەتەن ماختاشقا ئەرزېگۇدەك،   بىزنىڭ مۇدېرمۇ شۇنداق بولسىچۇ؟

مۇشۇنداق ئوقۇتقۇچىللىرىمىز كۆپەيسە مىللى مائارىپىمىزمۇ ياخشى تەرەقى قىلغان بولاتتى

بىزنىڭ مۇدىرلار ھە دېسىلا ئەرلەر بۇرۇت قويساڭ بولمايدۇ، دوپپا كىيمەيسەن(نامازغا بارغاندىن باشقا چاغدا)، ئاياللار ياغلق چىگمەيسەن، ئوقۇغۇچىلار باش كىيىم كىيسە بولمايدۇ دەپ مۇستەبىتلىك قىلغىنى قىلغان. جەنۇبىي شىنجاڭدىكى يېزا ئوقۇتقۇچىلىرىنىڭ ھال كۈنى بەك تەس جۇما...

ياخشى مۇدىرىكەن بۇنداق ياخشى مۇدىرلاردىن ئاز بەكمۇ ئاز چىقىدۇ جۇمۇ
ھازىرقى مۇدىرلار ھارام يىيىشنلا ئويلايدۇ  

بەك ياخشى مۇدىركەن ئۇ!!