ئەسسالامۇ ئەلەيكۇم، سەلكىنداشلار!
ئەمدى بۇ مۇنبەرگە كىرمەسلىكنى قارار قىلدىم!
سەۋەب، سەۋەب ناھايىتى ئاددىي، چۈنكى مەن بۇ مۇنبەرگە مەيىن شامالدىن تارتىپ تەرەققى قىلىپ ھازىرقى سەلكىنگىچە بولغان ئارىلىقتا ئاز دېگەندە 4 قېتىمدىن ئارتۇق تىزىملاتتىم. بۇنىڭمۇ سەۋەبى ناھايىتى ئاددى، ئىنكاسلارغا قارىتا سىياسەتكە، ھازىرقى ۋەزىيەتكە قارىتا سۆز قىلىش، مۇنبەرنىڭ داۋامى ئۈچۈن قىلغان سۆزلىرىم ئۈچۈن دائىم چەكلەندىم. ئاددى مىسال شۇكى : سەلكىن مۇنبىرى » دۇنياغا نەزەر » گېروزىيە جەنۇبى ئوسستىغا ۋەدە بەردى ( بۇ تىمىدىكى koknoor ھازىرقى مەن ئىدىم ).
1- بولۇپ ئاتا تۈرك نامىدا تىزىملىتىپ توردىكى يالىڭاچ ئۇيغۇر قىز- ئاياللىرى توغرىسىدا ماقالە يوللىدىم. ماقالىگە بېرىلگەن ئىنكاسقا نىسبەتەن يەنە شۇ سىياسەت توغرىلىق ئازراق چۈشەنچە بېرىپ، ئىنكاستا پەيدا بولغان قىلىشقا تېگىشلىك بولمىغان ھەرىكەت ۋە دېيىشكە تېگىشلىك بولمىغان ئىنكاسلارنى توختىتىش ۋە ئۆچۈرۈشكە دەۋەت قىلىپ ئىنكاس يازدىم. چەكلەندىم.
2- قېتىم كۆك ئوغلى نامىدا تىزىملىتىپ، يەنە شۇ ئاقساقاللىقىم تۇتتى بولغاي، مۇنبەردە سىياسىيغا چېتىلىدىغان سۆز قىلماسلىقنى ئەسكەرتكەنلىكىم ئۈچۈن چەكلەندىم.
ئەمدى، ئۆزۈم تىما يېزىپ، ئۆزۈم كىرەلمەيدىغان ھالەتكە يەتتىم.
نېمە ئۈچۈن؟ نېمە ئۈچۈن؟ نېمە ئۈچۈن؟
مەن يەنە نېمە دەپ سەلكىنگە قايتا- قايتا تىزىملاتقۇدەكمەن؟؟؟؟؟؟ باشقۇرغۇچىلارغا مۇنبەر باشلىقلىرىغا خەت يازدىم، ئۇچۇر يوللىدىم، چۈشەندۈردۈم ھەم چۈشەندۈرۈش تەلەپ قىلدىم. چۈنكى سەلكىن مەن ئۈچۈن ھەممە نەرسە تېپىلىدىغان «تاللا بازىرى» ئىدى. خالىغان مۇھتاجلىقلىرىم مۇشۇ يەردىن ھاسىل بولاتتى. مەيلى ئىتىقاد ياكى پەن- تېخنىكا بېلىملىرى بولسۇن، ھەممىسى مۇشۇ يەردە ئىدى. بىلىم ئىزدەپ ئىنتىلغا كىرەتتىم. ئىدىيەمدىكى توقۇنۇشنى يېشىش ئۈچۈن سەلكىننى ئىزدەيتىم.
شەبنەم، دىيارىم، خوتەن قاشتېتىشى ... دېگەندەكلەرگە مەن پەقەت تىزىملىتىپلا قويغان، ماقالە يېزىشقىمۇ خوش ياقمايتى. ئايلاپ- يىللاپ ئېچىپ بېقىشقىمۇ خوش ياقمايتى. كومپيۇتېر ئالدىغا كەلسەملا سەلكىن مۇنبىرىنى ئاۋال ئاچاتتىم. تەشنالىقلىرىم ئۈچۈن مەنبە ئىزدەيتىم. بۇ يەردىن قانماي چىكەتكەن ۋاقتىم يوق ئىدى.
ئەپسۇس، مىڭ ئەپسۇس!
ئەمدى بۇ مۇنبەرگە قايتا كىرمەسلىكنى قارار قىلدىم. ئويلىنىپ قالدىم. مەن نېمە دېگەن؟
- تورداشلار، ئىنكاسقا دىققەت قىلايلى، مۇنبەر بۇندىن كىيىنمۇ بىزنىڭ تەشنالىقنى قاندۇرغۇچى بۇلىقىمىز، ئۇنى ھېچنىمىگە ئەرزىمەس بىر نەچچە ئېغىز گەپ بىلەن كۆمۈپ قۇرۇتىۋەتمەيلى! ...
مەن قايسى گەپنى خاتا قىپتىمەن؟ دېگەنلىرىمنىڭ قايسى بىرى ھەقىقەت ئەمەس!
مانا ئەمدى 4- قېتىملىق قايتا تىزىملىتىشتا يوللىغان ماقالەم « 'قۇرئان مەخلۇق' سۆزى قانداق پەيدا بولغان؟» دېگەن ماقالەمنىمۇ كۆرەلمەيمەن. يېزىلغان ئىنكاسنى تېخىمۇ كۆرەلمەيمەن. كۆڭلۈمدىكى تۈگۈننى تېخىمۇ يېشەلمەيمەن. نېمە ئۈچۈن شۇنداق بولىدۇ؟؟؟؟
بوپتۇ، ھەر كىمنىڭ سۆزلەش يولى، ئىپادىلەش شەكلى ئوخشىمايدۇ. مەقسەت ئوخشاشقۇ- ئاخىر!
بۇ ئىنكاسىممۇ بىردەمدىلا بىر يەرگە بارىدۇ، چەكلىنىدۇ، ئاخىرىدا يوقايدۇ. مەنمۇ شۇنىڭ بىلەن بىللە مۇنبەردىن يوقىلىمەن.
ئەمما، مۇشۇ مۇنبەرگە كىرىش جەريانىدا مەيلى ئىنكاس قالدۇراي ياكى قالدۇرماي، شۇنچە ۋاقىتتىن بېرى مەن ۋە مەندەك ئىنتىلغۇچىلار ئۈچۈن مەنپەئەت بەرگەن ۋە يوقاتقۇسىز ئىسپاتلار بىلەن كۆڭۈللەرنى قايىل قىلىدىغان ماقالىلەر ئارقىلىق كۆڭۈللەردىكى تۈگۈنلەرگە جاۋاب ئەيلىگەن ئەشۇ بىلىملىك سەلكىنداشلارغا رەخمەت!