ئەسسالامۇ ئەلەيكۇم سەلكىن ئەھلى،
مەن يېقىندا << كۆكتات بىلەن كېسەل داۋالاش>>دېگەن كىتابنى سېتىۋالغان ئىدىم،شۇڭلاشقا سىلەر بىلەن تەڭ پايدىلىنىش مەقسىتىدە بۇ يەرگە يوللاپ قويدۇم ،ۋاقتىم چىقسىلا قالغانلىرىنى تولۇقلاپ يوللايمەن.

زۇكام -يۇقىرى نەپەس يوللىرى يۇقۇملىنىشتىن كېلىپ چىقىدىغان بىر خىل يۇقۇملۇق كېسەللىك بولۇپ،بىر قەدەر تېز باشلىنىدۇ،بۇرۇن پۈتىدۇ،بۇرۇندىن سۇ ئاقىدۇ،يۇتقۇنچاق قىچىشىدۇ،ئاۋاز پۈتىدۇ
ياكى يۆتىلىدۇ ،سەل قىزىيدۇ،ماغدۇرسىزلىنىدۇ،ئىشتىھا تۇتۇلىدۇ،پۈتۈن بەدەن تېلىپ ئاغرىيدۇ.
1-رېتسىپ

تەركىبى:خام زەنجىۋىل 15 گىرام،سۇڭپىياز 6 تال ،تۇرۇپ بىر تال
ياساش ئۇسۇلى:ئالدى بىلەن تۇرۇپنى پاكىز يۇيۇپ يالپاقلاپ ،توغراپ،300 مىللىمىتىر سۇغا سېلىپ 200مىللىمىتىر قالغۇچە قاينىتىپ،ئاندىن خام زەنجىۋىل بىلەن سۇڭپىيازنى پاكىز يۇيۇپ،ئۇششاق چاناپ سېلىپ،100 مىللىمىتىر قالغۇچە قاينىتىپ تەييارلىنىدۇ.
شىپالىق رولى:ئۆپكىنى ياخشىلاپ زۇكامغا مەنپەئەت قىلىدۇ.
ئىشلىتىش ئۇسۇلى:سۈيىنى ئىچىپ ،تۇرۇپنى يەپ يوتقان يېپىنىپ يېتىپ تەرلىنىدۇ.
2-رېتسىپ

تەركىبى:سامساق بىر باش
ياساش ئۇسۇلى:سامساقنى ئېزىپ سۈيىنى چىقىرىپ ،ئۇنىڭغا 10 ھەسسە سۇ قوشۇپ تەييارلىنىدۇ.
شىپالىق رولى:قىزىتما قايتۇرىدۇ،بەلغەم بوشىتىدۇ،زۇكامغا پايدا قىلىدۇ.
ئىشلىتىش ئۇسۇلى:كۈندە 2~3 قېتىم بۇرۇنغا تېمىتىلىدۇ.
3-رېتسىپ

تەركىبى:يىسۋىلەك غولىدىن بىر دانە،خام زەنجىۋىل 3 پارچە،قارا شېكەر 60 گىرام
ياساش ئۇسۇلى:يىسۋىلەك غولى بىلەن خام زەنجىۋىلنى پاكىز يۇيۇپ ،توغراپ،قاينىتىپ،پىسەپلىرىنى سۈزۈۋېتىپ،قارا شېكەر قوشۇپ تەييارلىنىدۇ.
شىپالىق رولى:زۇكامغا مەنپەئەت قىلىدۇ.
ئىشلىتىش ئۇسۇلى:قىزىق پېتىچە ئىچىپ تەرلىنىدۇ،ئىچىپ بولغاندىن كېيىن شامالداپ قېلىشتىن ساقلىنىش كېرەك.
4-رېتسىپ

تەركىبى:بەسەي 100 گىرام،باش پىياز 2 تال،زەنجىۋىل 20 گىرام
ياساش ئۇسۇلى:يۇقىرقىلارنى پاكىز يۇيۇپ،توغراپ ،سۇدا قاينىتىپ،پىسەپلىرىنى سۈزۈۋېتىپ تەييارلىنىدۇ.
شىپالىق رولى:زۇكام دە كاناي ياللۇغىغا پايدا قىلىدۇ.
ئىشلىتىش ئۇسۇلى:ئىلمانراق ھالەتتە مۇۋاپىق مىقداردا ئىچىلىدۇ.
5-رېتسىپ

تەركىبى:قىزىلمۇچ 30 گىرام ،ماش بىلەن سامساق مۇۋاپىق مىقداردا
ياساش ئۇسۇلى:قىزىلمۇچنى پاكىز يۇيۇپ ،ماش ۋە سامساق بىلەن قاينىتىپ ،قىزىلمۇچ شورپىسى تەييارلىنىدۇ.
شىپالىق رولى:زۇكامغا پايدا قىلىدۇ.
ئىشلىتىش ئۇسۇلى:يۇقارقىلار بىر قېتىمدىلا ئىچىلىدۇ.
6-رېتسىپ

تەركىبى:سۇڭپىياز 4 تال ،زەنجىۋىل 2 پارچە
ياساش ئۇسۇلى:سۇڭپىيازنىڭ ئېقىنى زەنجىۋىل بىلەن قاينىتىپ پىپەسلىرى سۈزۈۋېتىلىپ تەييارلىنىدۇ
شىپالىق رولى:سوغۇقتىن بولغان زۇكامغا پايدا قىلىدۇ
ئىشلىتىش ئۇسۇلى:قىزىق پېتى بىرلا قېتىمدا ئىچىۋېتىلىدۇ
7-رېتسىپ

تەركىبى:سامساق 3 باش
ياساش ئۇسۇلى:سامساقنى ئاقلاپ ،ئېزىپ ،سۈيىنى چىقىرىپ تەييارلىنىدۇ.
شىپالىق رولى:يۇقۇملۇق زۇكامنىڭ ئالدىنى ئالىدۇ
ئىشلىتىش ئۇسۇلى:سامساق سۈيىگە 10 ھەسسە سۇ قوشۇپ ،كۈندە بىر قېتىم بۇرۇنغا تېمىتىلىدۇ.

مەنبە:<<كۆكتات بىلەن كېسەل داۋالاش>>

زۇكام بوپ قالسام سىناپ كورەي ،،،،،،،، خۇدايىم ساقلىسۇن ھەر بەندىسىنى ھەر خىل چوڭ كىچىك ئۇششاق چوڭ ھەر خىل ھەر تىپتىكى كىسەللەردىن .............
رەھمەت ياخشى تىما يوللاپسىز ئاللاھ مۇبارەك تىنىڭىزنى سالامەت قىلغاي

مەنمۇ بۇرۇن بىر تىۋىپتىن ئازراق ئاڭلىغان ناھايتى ياخشى قىپسىز مۇنبەرگە يوللاپ.

مەندەك دۇرا ئۇكۇلدىن قورقىدىغان ئادەم ئۈچۈن چوڭ ياخشى ئىشتىن بىرنى قىپسىز مانا ،  ئەجەپ خوش بوپ كەتتىم ، ئەمدى زۇكام بوپ قالسام مۇشۇ ئۇسۇللار بۇيىچە داۋالىنىپ باقاي جۇمۇ،،،

ئەھمىيەتلىك مەزمۇنلادىن بىزنى خەۋەردار قىلغىنىڭىزغا رەھمەت،سىز يەنە يوللاپ تۇرسىڭىز ياق دىمەيمىز جۇمۇ!...

سامساقنىڭكىدىن باشقا ھەممىسى بولدىكەن سىناپ باقساق بولىغۇدەك . لىكىن سامساق سىلىنغان ھەر قانداق نەرسە بىلەن خوشۇم يوق .

مەن بۇنىڭدىن بۇرۇن خەۋەردار بولغان ئىدىم . بۇگۈن قايتا بىلۋالدىم رەخمەت سىزگە.