قەدىرلىك دۇستلار  ياخشىمۇسىزلەر ؟!
مەن ئۇزۇندىن  تارتىپ بۇ  سەلكىن  مۇنبىرىنى  قىزىقىپ  كۆرۈپ  كىلىۋاتىمەن .  ئۇزۇندىن  بېرى  ئۆزۈمنىڭ  ئويلىغانلىرىنى  دۇستلار  بىلەن  ئورتاقلىشىشنى ئارزۇ  قىلىپ كىلۋاتقان ئىدىم. 
        مەن  ئۆزۈم  ھاياتنى ،  تۇرمۇشنى قىزغىن سۆيىدىغان بىر  گۈدەك  قىز  ئىدىم ،  لىكىن ھازىر مەندە  ھاياتلىقتىن بىزار  بۇلۇشتەك  بىر خىل ناچار كەيپىيات  شەكىللىنىشكە  باشلىدى.  نىمە ئۈچۈن  دىمەمسىلەر ؟    مەن ئەسلىدە  قەلبىمدە  زور  ئارزۇ - ئىستەكلەرنى  پۈككەن،  كەلگۈسىگە  چوڭقۇر  ئۈمىدلەردە  بولغان  بىر  خۇشال - خورام  قىز  ئىدىم .  تىخى  بىر  يىل ئىلگىرىلا  ئالىي مەكتەپ  ئىمتىھانىغا  جىددىي  تەييارلىق  قىلۋاتقان ئىدىم .  مەن  تىخى  ئۆزۈمنى  چۇقۇم  ئالىي  مەكتەپكە  ئۆتەلەيمەن  دەپ  زور  ئىشەنچتە ئىدىم ،  تەقدىرگە  راستىنلا  بىر  نەرسە  دەپ بولغىلى بولمايدىكەن~~  مەن ئارزۇ  قىلغان ئالىي مەكتەپكە  ئۆتەلمىدىم، ئادەتتكى  مەكتەپكە  ئۆيدىكىلەر  ماڭغۇزمىدى،  ئۆيدە ھەتتا  مىنىڭ  سەۋەبىمدىن ئۇرۇش - جىدەللەرمۇ  كۈپەيدى.  بىر  بەخىتلىك ئائىلىدە  كۆڭۈلسىزلىكلەر كۈپەيدى. شۇنىڭ بىلەن  مەن  كىچىكىمدىن  تارتىپ ئارزۇ  قىلىپ  كىلۋاتقان  ئالىي  مەكتەپتە  ئۇقۇش ئىستىكىمدىن  ۋاز  كەچتىم.  ئۇ چاغدىكى  ھىسياتىمنى مەن ھەرگىزمۇ  ئىپادىلەپ  بېرەلمەيمەن، لىكىن  مەن ئۇزۇنغا  بارماي  ئۆز  كەيپىياتىمنى تەڭشەپ ،  گەرچە  ئالىي  مەكتەپتە  ئوقۇيالمىساممۇ ، چۇقۇم  باشقىچە  چىقىش يولى  تىپىپ تىخىمۇ  ياخشى ، مەنىلىك  ياشىشىم كېرەك  دەپ ئويلاپ  كومپىيوتېر  ئۆگەندىم ، ( ئۆزۈممۇ كومپىيوتېر  كەسپىنى  ياخشى  كۆرەتتىم ) ، ھازىر  خىزمەت  تاپاي دەپ  ئويلىغانتىم ، لىكىن ئالىي مەكتەپتە  ئوقۇمىغانلرنىڭ خىزمەت  تاپمىقى  مىنىڭ  ئويلىغىنىمدىن  بەك  تەس  ئىكەن، ھەتتا  نۇرغۇن  كەمسىتىلىشلەرگە  ئۇچرايدىكەن.  مەن ئۆز- ئۆزۈمگە  چۇقۇم  قەيسەر ، ئۈمىدۋار  بۇلۇشۇمنى  ئەسكەرتىپ تۇرساممۇ  ، ھازىر  يەنىلا  بەرداشلىق  بېرەلمەي قىلۋاتىمەن .  ھەتتا  باشقا  دۇستلىرىم  بىلەن  ئالاقە  قىلغۇممۇ  كەلمەيدىغان  بۇلۇپ قالدىم ، خۇددى  باشقىلار  مىنى ئالىي مەكتەپتە  ئوقۇمىدى دەپ  كەمسىتۋاتقاندەك ، مەسخىرە  قىلۋاتقاندەك  ھىس قىلدىغان  بۇلۇپ قەلدىم ، ئالىي مەكتەپتە  ئوقۇۋاتقان ساۋاقداشلىرىمنىڭ  تىلغۇنىنى  قۇبۇل قىلغاندىن كىيىن ، ئۆكسۈپ - ئۆكسۈپ  يىغلاپ كىتىمەن . بۇ يىل  قىشلىق تەتىلدە  ساۋاقداشلار  يىغىلىشى  ئۆتكۈزگەن ئىدۇق ،  ئۇلانىڭ  كۆپىنچىسى داڭلىق ئالىي مەكتەپلەردە  ئوقۇۋىتىپتۇ ، مەن  گەرچە ئۇلار  ئۇچۈن شۇنچىلىك خۇشال  بولغان بولساممۇ ،  لىكىن كۆڭلۈم  شۇنچىلىك يېرىم بولدىكىن ، كىچىچە  تۇيدۇرماستىن يىغلاپ  چىقىپتىمەن ، ئۇ  كۈننى مەڭگۈ  ئۇنتىيالمايمەن ،  ئالىي  مەكتەپتە  ئوقۇش ئارزۇيۇم  كۈچلۈك بولغاچقىمۇ  ، ھازىر  بۇ  مەغلۇبىيتىمدىن  بەكلا روھىي بىسىم ھىس قىلۋاتىمەن ،  << ئالىي مەكتەپ >> دىگەن بۇ  گەپنى ئاڭلاپ  قالساملا  ئىنتايىن  ئازاپلىنىپ كىتىمەن ،يۈرىكىمنى خۇددى پىچاق بىلەن تىلغاندەكلا . گەرچە  كۆڭلۈم شۇنچىلىك  يېرىم  بولسىمۇ ، ئائىلەمدىكىلەرنى  خاتىرجەم  قىلىش ئۈچۈن يالغاندىن  خۇشال  يۈرۈيمەن ،  بۇ  ئازاپلىرىمنى  دۇستلىرىمغىمۇ ئېيتقۇم  كەلمىدى ، چۈنكى مەن  بارلىق كىشىلەرنىڭ مىنى خۇشال -  خورام قىز  دەپ  ئويلىشىنى  خالايمەن . مىنىڭ غۇرۇرۇم  باشقىلارنىڭ مىنى  كەمسىتىشىنى كۆتۈرەلمەيدۇ.  مەن خۇددى ھەممە نەرسەمدىن ئايرىلىپ  قىلۋاتقاندەك ، بارلىق ئارزۇ - ئىستەكلەر مەندىن  يىراقلىشۋاتقاندەك ھىسياتقا  كىلىپ قالدىم .  بارلىق  تورداشلارنىڭ مەندەك  بىر  سىڭلىڭلارغا  يول كۆرسىىتىشىڭلارنى ،  مەسلىھەت  بېرىشىڭلارنى سورايمەن!    مەن زادى قانداق  قىلسام  بۇلار ؟    مەنمۇ  جەمئىيەتتن بىر كىشىلىك ئورۇنغا  ئىگە  بۇلالامەنمۇ ؟    مەن قانداق قىلسام  روھىي ئازاپتىن  قۇتۇلامەن؟

سىڭلىم ئالى مەكتەپتە ئوقۇش چوقۇم ھەممە ئادەمنىڭ چىقىش يولى ئەمەس ،ئالى مەكتەپتە ئوقۇمايمۇ نۇرغۇن چىقىش يولىنى تاپقىلى بولىدۇ.مەنمۇ ئالى مەكتەپ ئوقۇپ خىزمەتكە ئورۇنلاشقان لىكىن خىزمىتىم بىلەن كەسپىم بىر بىرىگە ئازراقمۇ ماس كەلمەيدۇ.ھەممىنى 0دىن باشلاپ باشقىدىن ئۈگەندىم،ئالى مەكتەپتە قۇرۇق ئەسقاتمايدىغان نەرسىنى ئۈگەنگىچە ئوزىڭىز ياخشى كۆرىدىغان ئەمىلى نەرسىنى ئۈگەنگىنىڭىز ياخشى ،ئۈمۇتسىزلەنمەڭ تىرىشسىڭىزلا چوقۇم چىقىش يولىنى تاپالايسىز .

ئەگەر ئۆزىڭىز ياقتۇرغان ئالى مەكتەپتە ئوقىغىڭىز بولسا قايتىدىن ئىمتاھان بەرسىڭىز
بولىدىغۇ........ئوقۇش پۇلى سەل قىممەت ئەمدى..........
ئوقىغىڭىز كەلمىسە بىر ئىشنى ۋۇجۇدقا چىقىرىشقا تىرىشىڭ.............
شۇنىڭ بىلەن بىللە كۆڭلىڭىزدىكى بارلىق ئوي-خىياللارنى ئۇنتۇپ كېتىڭ.....................

ئالى مەكتەپتە  ئوقىمىسىمۇ ئۆزنىڭ تەغدىرنى  بەلگىلىيەلەيدۇ  <<ئادەمنى  غەم قېرتىدۇ،ئۈمىت ياشارتىدۇ>>قەيسەر  بۇلۇڭ  كۈنلەنىڭ بىردە  ساۋاقداشلىرىڭىزدىنمۇ  ياخشى  تۇرمىشقا  ئېرشىشىڭىز مۇمكىن.....ئەگەر خالىسىڭىز  مەن ياردەم قىلاي     

  سىڭلىم  مەن  سىزنىڭ  ھازىرقى ھىسياتىڭىزنى  چۈشۈنۈپ تۇرۇپتىمەن  ، چۈنكى  مىنىڭ بېشىمدىمۇ  شۇنداق ئىشلار  بولغان . مەنمۇ ئۆزەمىنىڭ  ھازىرغىچە  بولغان ھاياتىمدىكى خاتالىقنىڭ بەك كۆپلۈكىدىن
قاتتىق  ئېچىنىمەن . لكىن ئادەم  قىيىنچىلىققا  بوي ئەگمەسلىك  كىرەك ئىكەن. چۈنكى  بىز  دۇنياغا  ،قىيىنچىلىق تۇسالغۇلارغا  بوي ئەگمەسلىك  .  سەۋر قىلىش  .ئاخىرغىچە  تىرىشىش ئۈچۈن كەلگەن .

    ئەگەر قەتئىي نىيەتكە كەلسىڭىز ھەرقانداق ئىشنى ۋۇجۇتقا چىقارغىلى بولىدۇ.<< قىيىن ئىش يوق ئالەمدە ئىرادىلىك ئادەمگە >>. ئەتىكى قۇياش تېخىمۇ پارلاق.

ئۆزلۈكىدىن ئۈگۈنۈپ ئىمتىھان بىرىشكە  تىزىملىتىپ  دىپلوم  ئېلىڭ .  ئالى  مەكتەپتە  ئۇقۇيدىغانلار  5يىل ۋاقىت ، نۇرغۇنلىغان  ئىقتىساد  سەرىپ  قىلىپ قانچىلىك  ئىش قىلالىشى  خۇدانىڭ ئۆزىگە مەلۇم .
  سىز كومپىيۇتېر  ئۈگۈنىۋېتىپسىز ،شۇنىڭ بىلەن بىرگە  بىرەر  تىلنى قۇشۇمچە قىلىپ  2-3 يىل تىرىشچانلىق كۆرسىتەلىسىڭىزلا  ئالى  مەكتەپتە  ئۇقۇۋاتقان  دوسلىرىڭىزغا  قارىغاندا  قىسقا ۋاقىت  ۋە  ئاز ئىقتىساتتا ئۇلاردىن كۆپ نەتىجىگە  ئېرىشەلەيسىز  . يەنىلا ئۆزىڭىز  تىرىشمىسىڭىز  بولمايدۇ.

  مەن سىزگە ۋە  مۇنبەردىكى  بارلىق دوسلىرىمغا شۇنداق بىر جۈملىنى سوغا  قىلاي .
دوستىمىزمۇ  ئۆزىمىز ،دۈشمىنىمىزمۇ ئۆزىمىز .    ئۆزىمىزگە پەقەت ئۆزىمىزلا ياردەم قىلالايمىز . ئۆزىڭىزنى سۈيۈڭ . ئۆزىمىزنى سۈيەيلى .

  رەھمەت سىلەرگە !  بۇ  گەپلەر  ماڭا  زور  ئىلھام ھەم  مەدەت  بولدى . 
  مەن  چۇقۇم  بەل  قۇيۋەتمەي  تىخىمۇ    تىرىشىمەن !

<< روناق >> ياخشىمۇسىز !    سىز  ماڭا  قانداق  ياردەم  قىلماقچى ؟  ئويلىغانلىرىڭىزنى  دەپ  باققان  بولسىڭىز !

چۇقۇم ئالى مەكتەپتە ئۇقۇش كىرەكمۇ ؟ سىز بۇ قۇرلارغا قاراڭ :ئادەم داڭلىق مەكتەپلەردە ئۇقىمىسىمۇ بولىدۇ ،لىكىن ئۈگەنمىسە بولمايدۇ .ئادەمدە داڭلىق مەكتەپلەرنىڭ دىپلومى بولمىسىمۇ بولىدۇ ،لىكىن بىلىم بولمىسا بولمايدۇ !  ئالى مەكتەپكە ئۇتەلمىگەنلىكىز سىزنىڭ مەغلۇپ بولغىنىڭىزنى بىلدۈرمەيدۇ. سىز ئۈزىڭىزگە مۇنداق دەپ تەسەللى بىرىڭ.ئالى مەكتەپتە ئۇقىمىساممۇ يەنىلا ئۈگىنىپ ئالى مەكتەپنى پۈتتۈرگەنلەردىن چوڭ ئىشلارنى قىلىمەن !  جەمىيەت ئادىل تارازا ،سىز جەمىيەتكە قاراڭ نۇرغۇن ئالى مەكتەپ ئۇقۇغۇچىلىرى نىمە ئىشلارنى قىلىپ يۈرۇيدۇ. سىزنىڭ بىلىمىڭىز ھەرگىز ئالى مەكتەپتە ئۇقۇش بىلەن ئۆلچەنمەيدۇ.
مەن تۇلۇقسىزنىلا پۈتتۈرگەن لىكىن ئۈزۈمگە يۇقۇرى ئولچەملەرنى قۇيۇپ تىرىشتىم .مانا ھازىر باشقىلار مەندىن سىز قايسى ئالى مەكتەپنى پۈتتۈرگەن،كومپىيۇتىر كەسپىدە قانچە يىل ئۇقىغان دىيىشىدۇ .
مىنىڭ نەزىرىمدە ئالى مەكتەپلەردە پۇل تۈلەپ ،ۋاقىت ئىسراپ قىلىپ ئۇقۇشنىڭ ھاجىتى يوق. بۇ بىر ئىسراپچىلىق خالاس.  جەمىيەت ،تۇرمۇش ئەڭ ياخشى مەكتەپ ،سىز بۇ يەردە ساختىلىق قىلالمايسىز،كۈندىلا ئىمتىھان ئېلىنىپ تۇرىدۇ .
مەكتەپ پۈتتۈرگەنلەرگە قاراڭ ئۇلارغا ئاتا -ئانىسى يەنە 80-90مىڭ يۈەن ئارقا ئىشىك قىلىپ ئايلىقى 1-2مىڭ يۈەنلىك خىزمەتكە ئۇرۇنلاشتۇرۇشقا باش قاتۇرىۋاتىدۇ.

يۇقۇردىكى بالىلارنىڭ ھەممىسىلا شۇنداق ياخشى تەكلىپلەرنى بىرىپتۇ،سىڭلىم،بۇ تەكلىپلەرنىڭ ھەممىسىلا ئىنتايىن ياخشى تەكلىپلەركەن..........،سىزنىڭ مۇشۇ مەزگىلىڭىز  ئۆزىڭىزگە ئەڭ مۇھىم بولغان پىسخىكىلىق تۇرغۇنلۇقنى ھاسىل قىلىدىغان مەزگىلىڭىز بولۇپ،سىز بۇ خىل زىددىيەتلىك روھى ھالىتىڭىزنى مۇۋاپىق ھالەتتە تەڭشىمەيدىكەنسىز،بۇنىڭدىن كىيىنكى ھاياتلىق سەپىرىڭىزدە ئۇچرايدىغان تالاي كۆڭۈللىك،كۆڭۈلسىز ئىشلارغا نىسبەتەن ،توغرا بىر تەرەپ قىلالايدىغان قابىلىيەتنى يىتىلدۈرىشىڭىز تېخىمۇ تەسكە توختايدۇ...سىز ھازىر ئۆزىڭىزنىڭ تۇرمۇش ئەھۋالىنىڭ مۈمكىنچىلىكىگە ئاساسەن،نىجات ئەپەندىنىڭ پىكرىنى ئويلىشىپ بېقىڭ،(چۈنكى ئېڭىڭىزدا «دىپلوم»مەسىلىسى بار ئەمەسمۇ؟)شارائىتىڭىز ئۇنىڭغا يار بولمىغۇدەك بولسا،ئەڭ ياخشىسى« yengi-yol»نىڭ پىكرى ناھايىتى ئورۇنلۇق پىكىركەن .مۇشۇ ھەقتە ئۆزىڭىزگە ئىشەنچ تۇرغۇزسىڭىزلا سىزدە يەنە نۇرغۇنلىغان ئىمكانىىيەتلەر بار بولغان بولىدۇ، سىز بۇلار ئاساسىدا ئۆزىڭىزگە ماس كەلگۈدەك بىرەرسىنى تاللىۋالالايسىز...لىكىن گەپ سىزنىڭ رىياللىقنى تولۇق ھىس قىلغان ئاساستا قوبۇل قىلىشىڭىزدا............دىققەت قىلىڭكى،سىز بۇ قىيىنچىلىقنى يېڭىيالايسىز...ئەسلىدە لىكىن، ئىرىشەلمىگەننى ئۆزىڭىزگە بېسىم قىلىۋالىدىكەنسىز، بۇ قىيىنچىلىقلار سىزنى يېڭىۋېلىشى مۇمكىن.........

ئالى مەكتەپ قالپىقىنى مودا قىلۋالماي بىلىم ئىگەللەش كىرەك ھەر بىر كۇننى چىڭ تۇتۇپ ئۇگۇنۇش زورۇردۇر ، جەمىيەتتە ئەمىلىيەت بىلەن نەزىريەنى بىرلەشتۇرۇپ ئۇگۇنۇش چىنىقىش پۇرسىتى بار ، ئەڭ موھىمى ئۇزۇڭۇزگە ئىشەنگەن ھالدا تىرشىڭ ! باشقىلار سىزنى ھەرگىز كەمسىتمەيدۇ ، شۇنداقلا سىزنى باشقىلارنىڭ ھىچقانداق كەمسىتىش ھوقۇقى يوق !
ئوزۇمنى ئىلىپ ئىيىتسام مەن ئاران ئوتتۇرا مەكتەپكىچە ئوقۇيالىغان . لىكىن سىنىپ بويىچە ئەڭ ياخشى ئەلاچى ئۇقۇغۇچى ئىدىم . ئويۇم يىزىدا بولغاچقا تۇرمۇش بىسىمى تۇپەيلىدىن ئوقۇيالمىغان . بىر تەرەپتىن دىھقانچىلىق قىلىپ بىر تەرەپتىن بىلىم ئالغاچ بۇ جەمىيەت قوينىغا كىرىپ كەتتىم . ھازىر ...............................................ئىشلىرىم شۇنداق ياخشى

تۇلۇق كورسقا ئېسىلۋالماي ،  مەخسۇس كۇرسلارنىمۇ ئويلاپ قويۇڭ ، ھازىر دۆلىتىمىزدە كەسپىي مائارىپنى زور كۈچتە تەرەققىي قىلدۇرۋاتىدۇ ، نۇرغۇنلىغان ئىدارە-ئورگان  ، كارخانىلاردا ئەمەلىي كەسىپىي ھۈنەر بىلەن شۇغۇللىنالايدىغان ئادەملەر ئىنتايىن كەمچىل ، تۇلۇق كورسنى پۈتتۈرۈپ كەلگەنلەر بىر قورساق نەزەرىيەدىن باشقا ھىچنىمىسى يوق ، نەزەرىيەسى شۇنداق پۇختا ، قولىغا بىر ئىشنى بېرىپ قىلىپ باق دىسە  ھاڭۋېقىپ تۇرغان، بۇنداق مىساللار نۇرغۇن....