خاپا بولماسلىقمۇ بىر خىل پاراسەت

خەلق ئارسىدا ، دەردى يوق ئۆي بولمايدۇ ، دېگەن بىر گەپ بار . بەزى پەرزەتلەر ئۇنداق ياكى بۇنداق سەۋەبلەر ، ئۇنداق ياكى مۇنداق ئىشلارتۈپەيلىدىن ئۆيدىكى چوڭلار بىلەن دەتالاش قىلشىپ ، ئاتا-ئانىسىنى خاپا قىلىپ قويىدۇ . ئائىلىنىڭ ئىناقلىقىغا ، ياشانغانلارنىڭ روھىي ۋە جىسمانىي ساغلاملىقىغا پايدىسىز بولغان بۇنداق ئەھۋالغا دۇچ كەلگەندە ، مېنىڭچە ياشانغانلار ئۈچۈن ئەڭ ئاقىلانە تاللاش خاپا بولماسلىقنى ئۆگىنىۋېلىشتىن ئىبارەت .     1 . ئۆزىنى ئىلمىي ، سالامەتلىككە پايدىلىق بولغان ئۇسۇلدا پىسخىك جەھەتتىن تەڭشەپ تۇرۇشنى ئۆگىنىۋېلىش لازىم .     «ئاچچىق ئەقىلنى كىسىدۇ» ،«ھەممە كىسەل ئاچچىق يۈتۈشتىن باشلىندۇ » دېگەن قايىدىنى تولۇق بىلىش كېرەك . شۇڭا ، ياشانغانلارنىڭ بىرىنچى ۋەزىيپىسى جىسمانىي ۋە مەنىۋى جەھەتتە ساغلام بولۇپ ، ئاخىرقى ئۆمۈرنى ئارامخۇدا ئۆتكۈزۈشتىن ئىبارەت . بۇنى ھەرگىز ئەستىن چىقارماسلىق كېرەك .     2 . خاپىلىق يەتكەندە باشقىلارنىڭ سەۋەنلىكى بىلەن ئۆزىنىڭ ئەخمىقانە قىلمىشىنى جازالاش لازىم .     ھازىر تۇرمۇش ياخشىلنىپ ، يېمەك -ئىچمەك ، كىيىم كىچەكتىن غېمىمىز قالمىدى . كىشلىك تۇرمۇشنىڭ بەخىت-سائادىتى ۋە خوشاللىقىنىڭ  جىقلىقىدا خاپىلىق تارتىپ ئولتۇرۇشقا نەدە ئۇنچىۋالا بىكار ۋاقىت بولسۇن ؟ شۇڭا ، ياشانغانلار ھەرگىز ئۆزىگە ئىش تېپىۋالماي خوشاللىقنىڭ پەيزىنى سۈرىشى لازىم .      3 . پەرزەتلەرنى كۆپرەك چۈشىنىش ، كۆپرەك ئەپۇ قىلىش ، ھاماقەترەك بولىۋېلىش لازىم .      بەزى ئۇششاق- چۈشەك ئىشلاردا ھەدەپ پەرزەتلەر بىلەن دەتالاش قىلىشىۋەرمەي ،ئۇلارنىڭ دېگىنىگە بويسۇنۇپ ، ئىشلارنى كۈلۈپ قويۇپلا ئۆتكۈزىۋىتىش  ، سۈكۈت ئىچىدە ئولتۇرۇپ بىر ياقىلىق قىلىش كېرەك .     4 . خاپا بولماسلىقنى تىرشىپ ئورۇنلاش لازىم .    مەن ھەمىشە «باشقىلار ئاچچىقىمنى كەلتۇرسە خاپا بولماي. خاپىلىق يۈتۈپ كېسەل بولىدىغان ئىشنى ھەگىز قىلمايمەن » دېگەن سۆزلەر بىلەن ئۆزۈمنى ئاگاھلاندۇرۇپ تۇرىمەن .خاپا بولغاندا مۇنداق ئۈچ ئىشتىن ، يەنە باتناش ، قېيداش چالۋاقاشتىن قاتتىق ھەزەر ئەيلەش لازىم  . چۈنكى قېيداش ئادەمنىڭ ئۆزىنى تېخىمۇ خاپا قىلىپ قويىدۇ . باتناش ئادەملەرنى بىر-بىرگە تېخىمۇ قارشى قىلۋىتىدۇ  . شۇڭا ئۆزىنى -ئۆزى ئايىغىنى ياخشى .

كۆرۈلۈشى:836

قوشۇلغان ۋاقتى:2012/5/4 18:49:49

يوللىغۇچى ئەزا: