(مەي) ئىچمىدىم

مۇساجان يۇنۇس زورلىما ساقىي بۇرادەر، تاشلىدىم مەي ئىچمىدىم،       قىلما سۈلھىي قىلما كاجلىق يەنە بىر دەي ئىچمىدىم.      پەش قىلىپ دوسلۇق ۋاپانى ئۇرما گەجگەمگە يېنىك،             باپلىما دوستۇڭنى پۈۋلەپ، مەن مەي ئەمەس، ئىچمىدىم.      ئىچمىدى دەپ رەنجىسەڭمۇ رەنجىگىن مەيلى ئاداش،         ياكى ئاچچىقلاپ جاھاننى بۆك قىلىپ كەي، ئىچمىدىم.  نەسچىلىكنىڭ پاتقىقىغا مەي مېنى كىردى ئېلىپ،         كۆپ ئىچىپ ئۆمرۈم ئۇلىغا يەتتى نەم-زەي ئىچمىدىم.         مەي بىلەن ئەخلاق يولىدىن چەتنىدىم( بولدۇم ساياق)      خىسلىتىمنى، قىممىتىمنى قىلدىما قەي، ئىچمىدىم. مەي ئىچىپ تارتقان ئازاپتا جەملىسەم ئالەمچە بار،               (سۆزلىمەي دىشۋارچىلىقنى بولدى ھەي-ھەي، ئىچمىدىم)     ئىزدىسەڭ سورۇندا شادلىق گەر ماڭا چىن دىل بىلەن،            چال دۇتتار، تەمبۇر، راۋاپ، قالۇن، غېجەك، نەي، ئىچمىدىم. ------------------------------------------------------------ ئاخىرىغا ئازراق قۇرۇق پاراڭ قىستۇرغۇم كېپ قالدى، دەبدەبىلىك سۆزلەرنى تازا بىلىپ كەتمەيمەن، تىلىم چاغلىق...       بەزى دوست-بۇرادەرلىرىمدىن ئاڭلاپ قالىمەن، مۇشۇ سورۇندا ئاۋۇگۇي بىزنىڭ يۈزىمىزنى قىمماي ئىچمەيۋىدى تازا بىر ئادەم قىپ قويدۇق، دەپ . ھەيران قالىمەندە، زادى كىم ئادەم ئىدى يەنە كىملەر ئەمەس.   يەنە يېقىندا بىر گەپ ئاڭلاپ قالدىم ، زەھەرنى زەھەر بىلەن قايتۇرۇش دىگەنلىك: دەرد-ئازاپ ئاچچىق چىدىغۇسىز بولىدۇ، ھاراق(مۇشۇ نەرسىدىن يىراق قىلسۇن) ئاچچىق بۇلىدۇ، ئىككىسى بىرلەشسە دەرد يوقايدۇ. مۇشۇنداق ئۆتكۈر پىكىرلىك كىشىلىرىمىزمۇ باركەن.       قۇرۇق پاراڭ جېق كەتتى ، لېكىن گەپ شۇ ، ئاشۇ نەرسىدىن يىراق تۇرساڭلا ، نى-نى ئېسىل شەربەتلىرىمىز بار ئىچىلمەيدۇ،ئۇنتۇلۇپ كېتىۋاتىدۇ. ئەمما مۇشۇ شەيتاننىڭ ئەشەددىي قىلمىشلىرىدىن بولغان بۇ قىلىق زادى نىمىشقا تۈزەلمەيدۇ؟! يەنە بەزىلەر بار ھاراق بوتۇلكۇسىدىن بېرى كىلەلمەيدۇ يەنە ئۆزىنى مەن مۇسۇلمان دەپ يۈرىدۇ. مۇشۇ مەۋسۇمنىڭ بېشىدا ئايرىدۇرۇمغا چىقىدىغان ئىش بوپ قېلىپ تاكسىغا چىقتىم. خەن شوپۇر ئۇيغۇرلار توغرىسىدا سوراپ، سىلەر ئۇيغۇرلار ھاراق-تاماكىنى چەكلەيسىلەرغۇ، لېكىن يەنە شۇنى قىلىدىغانلار باركەن، نىمىشقا؟ دەپ سوراپ قالدى، ئەمدى مەن نىمە دەپ جاۋاپ بېرەي، ئۇلار ئۇيغۇر ئەمەس دەيمۇ ياكى مۇسۇلمان ئەمەس دەيمۇ؟!  ئامال يوق ...گەپنى باشقا يەگە بۇراپ كەتتىم، مەندە ئۇنداق ھۆكۈم ھوقۇقى يوقدە. لېكىن شۇنداق خىجىل بوپ كەتتىم. مانا خەق بىزنى مۇشۇنداق تونۇيدىكەن. ئۆزىمىزنىڭ ئىززەت،قىممىتىنى ساقلاپ ياشىساق. تامام.

كۆرۈلۈشى:1769

قوشۇلغان ۋاقتى:2012/5/11 13:50:22

يوللىغۇچى ئەزا: