ئاتا-ئانىڭىزنىڭ قانچە جۈپ ئايىقى بار؟

بىر قېتىملىق دەرس ۋاقتىدا، مۇئەللىم بىر ئوقۇغۇچىنىڭ دەرسكە دىققەت قىلماي ئولتۇرغىنىنى بايقاپ قاپتۇ. دەرستىن چۈشكەندىن كېيىن، مۇئەللىم ئوقۇغۇچىدىن نېمە بولغانلىقىنى سورىغاندا ئۇ < بىر جۈپ چىرايلىق ئاياغ ئالغۇسى بارلىقىنى، ئاتا-ئانىسىدىن پۇل سورىسا، ئويلىمىغان يەردىن ئۇلارنىڭ بەرمىگەنلىكىنى، شۇڭا ئۇ ئاچچىقلىنىپ تاماقمۇ يېمەي مەكتەپكە كەلگەنلىكى > نى ئېيتىپتۇ.    مۇئەللىم ئويلانغاندىن كېيىن، ئۇنىڭغا <مەن ساڭا ئائىلە تاپشۇرۇقى بېرىمەن، سەن ئۆيگە قايتقاندىن كېيىن، ئاتا-ئاناڭنىڭ قانچە جۈپ ئايىغى بارلىقىنى سانىغىن، ئاندىن ئەتە ماڭا نەتىجىسىنى دېگىن > دەپتۇ. ئىككىنچى كۈنى، مۇئەللىم ئۇ ئوقۇغۇچىنى كۆرۈپ _ تۆنۈگۈن كەچتە ئاياغلارنى سانىدىڭمۇ يوق؟> دەپ سوراپتۇ. _ سانىدىم . دەپتۇ ئۇ. مۇئەللىم يەنە ئىچكىرلەپ : _ سېنىڭ داداڭنىڭ قانچە جۈپ ئايىغى بار ئىكەن ؟ _ تۆت جۈپ. _ ئاپاڭنىڭ قانچە جۈپ ئايىغى بار ئىكەن ؟ _ ئالتە جۈپ . مۇئەللىم سەل توختىۋالغاندىن كېيىن يەنە: _ سېنىڭ قانچە جۈپ ئايىغىڭ بار ؟ ئوقۇغۇچى يۈزلىرى قىزارغان ھالدا، جىم تۇرۇپ كەتكەندىن كېيىن: _ 12 جۈپ . _ دەپ بوش ئاۋازدا جاۋاب بېرىپتۇ. _ سەن يەنە ئاچچىقلىنامسەن ؟ بۇ چاغدا ئۇ ئوقۇغۇچىنىڭ كۆز چاناقلىرى لىق ياشقا تولۇپتۇ ھەم گېلى بوغۇلغان ھالدا : _ مۇئەللىم، مەن خاتا قىپتىمەن. بىراق مۇئەللىم، سىز بىزنىڭ ئۆيگە بېرىپ باقماي تۇرۇپ، قانداقسىگە ئاتا-ئانامنىڭ ئايىغىنىڭ مېنىڭكىدىن ئاز ئىكەنلىكىنى بىلىۋالدىڭىز ؟ مۇئەللىم چوڭقۇر تىنغان ھالدا: _ئاتا-ئانىنىڭ ئايىغى دائىم پەرزەنتىنىڭكىدىن ئاز بولىدۇ، ھەممە ئائىلە ئوخشاش، پەقەت پەرزەنت بولغۇچىنىڭ پات-پات ساناپ بېقىش ئېسىگە كەلمەيدۇ ، خالاس.

كۆرۈلۈشى:1428

قوشۇلغان ۋاقتى:2012/5/11 14:17:40

يوللىغۇچى ئەزا: