27-مارت ئېلىپ بېرىلغان جۇڭگو كەسپىي ۋاسكېتبول بىرلەشمە مۇسابىقىسى(CBA)نىڭ ھەل قىلغۇچ باسقۇچىدىكى مۇسابىقىدە ، شىنجاڭ كوماندىسى قىزىلتاغ تەنتەربىيە سارىيىدا بېيجىڭ كوماندىسىنى كۈتۈۋالدى ، نەتىجىدە ، شىنجاڭ كوماندىسى 87 گە قارشى 102 نەتىجە بىلەن بېيجىڭ كوماندىسنى ئۇتۇپ ، بۇ يىللىق جۇڭگو كەسپىي ۋاسكېتبول بىرلەشمە مۇسابىقىسى(CBA)نىڭ يېرىم ھەل قىلغۇچ مۇسابىقىسىغا كىردى .
مۇسابىقىدە ، شىنجاڭ كوماندىسدىكى كۇنسىي دۇبىنىڭ ئىپادىسى ئالاھىدە ياخشى بولۇپ ، 35 نومۇر ئالدى ، بەش قېتىم گار توپ تالىشىپ ئېلىپ ،11 قېتىم ھۇجۇم پاس بەردى . سىڭگىلتون 18 نومۇر ئېلىپ ، يەتتە قېتىم گار توپ تالىشىپ ئالدى . جاڭ چىڭپىڭ 18 نومۇر ئالدى . باتۇر 12 نومۇر ئېلىپ ، 10 قېتىم گار توپ تالىشىپ ئېلىپ ، يەتتە قېتىم ھۇجۇم پاس بەردى .
