- تىزىملاتقان
- 2007-5-21
- ئاخىرقى قېتىم
- 2013-1-12
- ھوقۇقى
- 1
- جۇغلانما
- 701
- نادىر
- 1
- يازما
- 700
|
پۇتبول بەلكىم دۇنيادىكى سېھرىي كۈچى ئەڭ زور تەنھەرىكەت بولسا كېرەك . دۇنيا لوڭقىسى پۇتبول مۇسابىقىسىنى كۆرۈدىغان پۇتبول تاماشىبىنلىرىنىڭ سانى ئادەمنى ھەيران قالدۇرىدۇ ؛ بۇ مەزگىلدە نۇرغۇن دۆلەتلەرنىڭ باشلىقلىرى ۋە ھۆكۈمەت كاتتىۋاشلىرى سىياسىي بىلەن كارى بولماي ، پۇتبول كۆرگىلى دۆلىتىدىن ئايرىلىدۇ ؛ نۇرغۇن دۆلەتلەرنىڭ مۇھىم يىغىنلىرى ئوتتۇرىدا توختىتىلىدۇ ؛ مىنىستىرلار يىغىن مەيدانىدا خاتىرجەم ھالدا تېلېۋىزور كۆرۈشىدۇ ؛ ھەتتا بىرازىلىيىدەك پۇتبول دۆلەتلىرىدە ئورگانلار بىردەك ئىش بېجىرمەيدۇ ، مەكتەپلەر دەرس توختىتىدۇ ، مۇسابىقىنى كۆرمىگەنلەر خىزمەت ۋە دەرس تاشلىغانلىق بىلەن بىر تەرەپ قىلىنىدۇ ، ئۆز كوماندىسىغا پايدىلانغىلى بولغىدەك پىكىر بېرەلىگەنلەر بىردەك مۇكاپاتلىنىدۇ ؛ ماجرا رايونلىرىدا ھېچقانداق زوراۋانلىق ۋەقەلىرى يۈز بەرمەيدۇ ، ئىككى تەرەپ ئىختىيارىي ھالدا ئۇرۇش توختىتىدۇ ؛ ئاتاكىدىكى جەڭچىلەر تېلېۋىزور سىمىنى تانكا ياكى قورال ماشىنىلىرىنىڭ توك ساندۇقلىرىغا ئۇلاپ قويۇپ ، بەھوزۇر توپ كۆرۈشىدۇ ..............
پۇتبول نېمە ئۈچۈن شۇنداق سىرلىق جەلىپ قىلىش كۈچىگە ئىگە ؟ نۇرغۇن پىسىخولوگىيە ۋە تەنتەربىيە ئىلمى مۇتەخەسسىسلىرى مۇنداق دەپ قارىماقتا : پۇتبول كىشىلەرنىڭ شادلىق ئىزدەش ۋە تەسىرلىنىشىگە بولغان تۈپ ئېھتىياجىنى قاندۇرالايدۇ . پۇتبول مۇسابىقىسىدە ئىككى تەرەپنىڭ تالىشىدىغىنى تېرىدىن ياسالغان يۇمۇلاق نەرسە بولسىمۇ ، ئەمما ئۇ ئىنسانلار ئارىسىدىكى نۇرغۇن مەنپەئەت خاراكتېرلىك تالىشىش پائالىيەتلىرىنىڭ بىر خىل تەقلىدى ۋە كىچىكلىتىلىشى بولۇپ ، ئۇ شادلىققا ، ئىجادىيلىققا ، كۈرەشچانلىققا تولغان سېھرىي كۈچى ئەڭ كۈچلۈك ئويۇن . دۇنيادا باشقا تەنتەربىيە پائالىيەتلىرىنى ئۇنىڭغا سېلىشتۇرغىلى بولمايدۇ .
پۇتبول مۇسابىقىسى يەنە بىر خىل قايناق ھېسسىيات گۈزەللىكىگە ئىگە . پۇتبولچى يۈگۈرەۋاتقان چاغدا سۈرئىتى يۈز مېتىرغا يۈگۈرۈش مۇسابىقىسىدىكىدەك يۇقىرى بولىدۇ . سەكرىگەندە ئىگىزگە سەكرەش ماھىرلىرىدەك بوشلۇقتا تۇرىدۇ . سوقۇلۇشقاندا زەيتۇن توپ ۋە مۇز توپ مۇسابىقىسىدىكى كۈچ ۋە سوقۇلۇشنى كۆرگىلى بولىدۇ . ھەممە پۇتبول چولپانلىرىنىڭ روشەن خاس ئالاھىدىلىكلىرى ۋە ئۇلارنىڭ پۈتۈن كۈچى ، زېھنى بىلەن ھاۋادا توپ ئۈسىدىغان ، بوشلۇقتا توپ تېپىدىغان غالىبانە ، جەلىپكار ھەرىكەتلىرى توپ مەستانىلىرىغا تېخىمۇ زور شادلىق ئېلىپ كېلىدۇ .
پۇتبول تاماشىبىنلارنىڭ ئادالەتنى ياقلاش ئارزۇسىنى قاندۇرىدۇ . ئىنسانىيەت ئۆزىنىڭ مەۋجۇدلىقى ۋە تەرەققىياتى ئۈچۈن ئەتراپىدىكى بارلىق نەرسىلەرنى چۈشىنىشنى ئىزدەيدۇ . كىشىلەرنىڭ ئادالەتنى ياقلاش ئىقتىدارى قىزىقىشىنى ، ئويلىنىشىنى ، بىلىش ئىستىكىنى ئۆز ئىچىگە ئالغان بولىدۇ . دەرۋەقە ، كىشىلىك رىقابەت تولىمۇ كۈچلۈك ، بەزىدە ناھەقچىلىقمۇ بولۇپ قالىدۇ . ئەمما ، پۇتبول بىر خىل ساپ ھەم گۈزەل بولغان ئادىل رىقابەت ، ئەزالار ھەممىسى ئاڭلىق ھالدا قائىدىگە رېئايە قىلىدۇ . تالىشىش توپقىلا قارىتىلغان بولۇپ ، ھەرگىزمۇ ئادەمگە قارىتىلغان ئەمەس . شۇڭا ، تۇرمۇشتا دائىم ناھەق مۇئامىلىگە ئۇچراپ تۇرىدىغان تاماشىبىنلار پۇتبول مۇسابىقىسىدىن ئۆزلىرى ئىزدەۋاتقان تەسىرلىك تۇيغۇنى تاپالايدۇ .
پۇتبول مۇسابىقىسى يەنە بىر خىل مۇشەققەت گۈزەللىكىنى شەكىللەندۈرىدۇ ، پۇتبولچىلار پەقەت پۇتى بىلەنلا ئوينايدىغان توپ بولۇپ ، بۇمۇ بىر قىيىنچىقتۇر . ۋاراتارغا توپ ئۇرغاندا 10 نىڭ 8 - 9 ئى قۇرۇق كېتىدۇ . بەزىدە ئىككى تەرەپ 90 مىنۇت ئېلىشىپمۇ نەتىجە يەنىلا 0 : 0 بىلەن تاماملىنىدۇ . بۇ خىل مۇشەققەتلىك توپ كىرگۈزۈش مۇساپىسى ئىنتايىن چوڭقۇر ھەم تەسىرلىك بولغان گۈزەل تۇيغۇ بېرىدۇ ، ئۇ كىشىلىك ھاياتتىكى مۇشەققەتلىك مۇساپىنى كۆرسىتىپ بېرىدۇ . |
|
يوللىغان ۋاقتى 2007-6-22 23:16:12
