ئەڭ يېڭى پۇتبول مۇسابىقە خەۋىرى

ot0997

تۇنجى نۆۋەتلىك«ئامانەت قەرىز-كوپراتىۋى لوڭقىسىنى تالىشىش» ئۆسمۈرلەر پۇتبول مۇسابىقىسى 6-ئاينىڭ 13-كۈنى ئۆتكۈزۈلمەكچى.


ئۇچتۇرپان ناھىيىلىك ئامانەت قەرىز كوپراتىۋىنىڭ مۇدىرى مەھەممەت ساۋۇت 2008-يىللىق بېيجىڭ ئولىمپىك تەنھەرىكەت يىغىنىنى كۈتىۋېلىش شۇنداقلا ئۇزۇندىن بۇيان ئۆزىنى قوللاپ كېلىۋاتقان مۇئامىلىدارلىرىغا رەھمەت ئېيتىش يۈزسىدىن بۇيىلدىن باشلاپ ھەريىلى ناھىيىمىزدە «ئامانەت قەرىز-كوپراتىۋى لوڭقىسىنى تالىشىش»ئۆسمۈرلەر پۇتبول مۇسابىقىسى ئۆتكۈزۈپ بەرمەكچى .بۇ مۇسابىقىگە قاتناشقان 4كوماندىدىكى بارلىق تەنھەركەتچىلەرنىڭ كىيىم -كىچەك ۋە مۇسابىقىگە كىتىدىغان بارلىق خىراجىتىنى ھەمدە مۇكاپات سوممىسىنى ئامانەت قەرىز -كوپراتىۋى ئۆز ئۈستىگە ئالغان.

مۇسابىقىگە قاتنىشىدىغان كوماندىلار :
ئۇچتۇرپان ناھىيىلىك 1-باشلانغۇچ مەكتەپ پۇتبول كوماندىسى.
ئۇچتۇرپان ناھىيىلىك 2-باشلانغۇچ مەكتەپ پۇتبول كوماندىسى.
ئۇچتۇرپان ناھىيىلىك 3-باشلانغۇچ مەكتەپ «مۆلجەر تاغ » پۇتبول كوماندىسى.
ئۇچتۇرپان ناھىيىلىك 4-باشلانغۇچ مەكتەپ پۇتبول كوماندىسى.
مۇسابىقە ۋاقتى:
2007-يىل6-ئاينىڭ13-كۈنىدىن16-كۈنىگىچە،ھەركۈنى چۈشتىن كىيىن سائەت 3تە باشلىنىدۇ.
مۇسابىقە ئورنى:
ئۇچتۇرپان ناھىيىلىك تەنتەربىيە مەيدانى.

مەن بارلىق تورداشلارنى ۋاقىت چىقىرىپ مۇسابىقە كۆرگىلى كىلىشكە تەكلىپ قىلىمەن.چوقۇم مۇسابىقە قىزىپ كىتىدۇ.
مانا ئوغۇل بالا چىنگۇڭ ئۆزەم بىر قوللۇق كۈتىمەن .
ھەمدە ھەممەيلەننىڭ مەن تۇتقان «مۆلجەر تاغ » كوماندىسىنىڭ چىمپىيون بولىشىغا مەدەت بىرىشىنى ئۈمۈت قىلىمەن. .
بىزنىڭ كىچىك ئەزمەتلەر بوش كەلمەيدۇ.
ھۆرمەت بىلەن :ئوت ئەپەندىدىن بارلىق تورداشلارغا .(بولسا ھەربىرىڭلارغا بىر پارچىدىن باغاق يازسام بولاتتى ئەمما ئۇنى بوشو قىلىپ بەرمەيدىكەن ، جىق چىقىمدار بولۇپ كىتىدىغان ئوخشايمەن )
مۇسابىقە ھەققىدىكى يېڭى ئۇچۇرلارنى داۋاملىق يوللاپ تۇرىمەن

luisfigo

ئوينايدىغان كوماندا بەك ئازىكەن !!!
كۆلىمى كېچىك بۇلۇپ قالامدۇ !!!

intezar11

ياخشى خەۋەر ئىكەن!!!!

ot0997

بۇگۈن چۈشتىن كىيىن ئۆتكۈزۈلگەن مۇسابىقىدە بىرىنچى مەيداندا 1-باشلانغۇچ مەكتەپ تۇمشۇقتاغ پۇتبول كوماندىسى بىلەن 4-باشلانغۇچ مەكتەپ بىرلەشمە(4-،6-،باشلانغۇچ مەكتەپ) پۇتبول كوماندىسى مۇسابىقىلەشتى،بۇمۇسابىقىدە نەتىجە 6:1بولۇپ تۇمشۇقتاغ كوماندىسى ئۈستۈنلۈكتە .
ئىككىنچى مەيدان مۇسابىقە 2-باشلانغۇچ مەكتەپ چوققا پۇتبول كوماندىسى بىلەن 3-باشلانغۇچ مەكتەپ مۆلجەرتاغ پۇتبول كوماندىسى مۇسابىقىلەشتى.بۇمەيدان مۇسابىقە ناھايتى قىزىغان بولۇپ ئالدىنقى يېرىم مەيدان مۇسىبىقە نەتىجىسى 1:0 بولۇپ ئاخىرلىشىپ بىزنىڭ كوماندا كەينىدە قالدى ،بىراق كىيىنكى يرىم مەيدان مۇسابىقە باشلىنىپ 5مىنۇت ئۆتەر ئۆتمەيلا بويى 120 سانتىمىتىر كىلىدىغان 9نومۇرلۇق ھۇجۇمچى تۇرغۇن بىرتوپ ئۇرىۋەتتى ،شۇنىڭ بىلەن كوماندىدىكىلەر قايتىدىن روھلىنىپ بەك كەسكىن مۇسابىقىلەشتى.دەل 15مىنۇت بولغاندا تۇرغۇن يەنە بىر توپ ئۇردى شۇنىڭ بىلەن مۇسابىقە نومۇرى 2:1 بولۇپ ئالدىغا ئۆتتۇق ، مۇسابىقە ئاخىرلىشىدىغانغا 10 مىنۇت قالغاندا بىر نوقتا توپ تىپىش پۇرسىتى كەلدى بىزگە، بۇ توپنى كاپىتان ، 7-نومۇرلۇق ماھىر   ئېزىز ۋاراتارغا ئۇرىۋەتتى ،شۇنىڭ بىلەن مۇسابىقە ئاخىرلاشقىچە توپ ئۇرۇلمىدى.چوققا كوماندىسى ئۇتتۇرىۋەتكەن بولسىمۇ ناھايتى جان تىكىپ ئېلىشتى. 2-باشلانغۇچ مەكتەپ خەنزۇ مەكتەپ بولغان بىلەن مۇسابىقىگە قاتناشقانلارنىڭ ھەممىسى ئۇيغۇر بالىلار ئىكەن.
شۇنداق قىلىپ بۈگۈنكى مۇسابىقە بىزنىڭ غەلبىمىز بىلەن ئاياغلاشتى،
ئەتە بىرىنچى مەيدان مۇسابىقە بىرلەشمە كوماندا بىلەن چوققا كوماندىسى،ئىككىنچى مەيدان مۇسابىقە تۇمشۇقتاغ كوماندىسى بىەلەن مۆلجەر تاغ كوماندىسى ئوتتۇرسىدا ئوينىلىدۇ.
تورداشلارنىڭ مۆلجەرتاغ كوماندىمىزنىڭ غەلبە قىلىشىغا مەدەت بىرىشىنى ئۈمۈت قىلىمەن.
ئەتە يەنە مۇسابىقە نەتىجىسىنى خەۋەرقىلىپ قويىمەن.