رونالدونىڭ يىمەك ۋە چېنىقىش جەدىۋىلى

پۇتبول

ئادەتتە توپچىلارنىڭ كۈنلۈك يىمەك جەدۋىلى ئاساسەن ئوخشاش بولىدۇ . شۇنداق بولسىمۇ بىز تۆۋەندە ساغلام يىمەك ۋە چېنىقىشنى ئۆزىنىڭ كۈنلۈك تۇرمۇشىنىڭ بىر قىسمى قىلغان ، ئۆزىنىڭ بەدەن سۈپىتىگە ئالاھىدە ئەھمىيەت بېرىدىغان خانلىق مادىرىدنىڭ داڭلىق چولپىنى رونالدونىڭ كۈنلۈك يىمەكلىك ئەھۋالى ۋە چېنىقىش جەدىۋىلىنى كۆرۈپ باقايلى . چېنىقىۋاتقان ياكى ئورۇقلىيالمايۋاتقان قېرىنداشلارغا پايدىسى تىگىپ قالسا ئەجەپ ئەمەس ...

كىشى ئۆزىنىڭ ئەڭ مۇۋاپىق كىلو سانىغا كېلىش ئۈچۈن ، ئەڭ بىخەتەر ، ئەڭ پايدىلىق ئۇسۇل بولسا : يىمەكلىكنى كونتىرول قىلىپ ، بەدەن چېنىقتۇرۇش .
ھەرقايسى ئورۇقلۇتۇش ئېلانلىرىغا ۋە ئورۇقلۇتۇش دورىللىرىغا دىققەت قىلىڭ. دورا يەپ ئورۇقلاش ئىنتايىن خەتەرلىك . بەلكىم سىز دورا يەپ تېزلا ئورۇقلاش مەقسىتىڭىزگە يىتەلىشىڭىز مۇمكىن . بىراق سىزنىڭ تۆلەيدىغان بەدىلىڭىز قەتئىي ئاز بولمايدۇ.

ئورۇقلاش بىر جاپالىق ھەم ئۇزۇن جەريان ، بۇنىڭ ئۈچۈن توختىماي بەدەن چېنىقتۇرۇش بىلەن بىرگە مۇۋاپىق يىمەكلىكنى كونتىرول قىلىش كېرەك . بۇ ئىككىسىنىڭ مۇھىملىق نىسبىتىنى مەن بەدەن چېنىقتۇرۇشقا 3 ئۈلۈش ، يىمەكلىكنى كونتىرول قىلىشقا 7 ئۈلۈش بەردىم.  (بېشىمدىن ئۆتكەن ، كۆرگەن ، ئاڭلىغانلىرىم بويىچە ... )

تەنھەركەتچىلەرگە نىسبەتەن بەدەن ئېغىرلىق ناھايىتى مۇھىم ئورۇن تۇتىدۇ . بولۇپمۇ داڭلىق تەنھەركەت تۈرلىرىدىن بوكسىيور بىلەن پۇتبولدا ئالاھىدە ئىپادىلىنىدۇ . بۇنىڭدا تەنھەركەتچىلەر ئۆزىدىكى ئەڭ تۆۋەن ئېغىرلىق بىلەن ئەڭ كۈچلۈك قۇۋەتنىڭ بىرىكمىسىدىكى ئەڭ مۇۋاپىق نۇقتىنى تاللىشى كېرەك .

پۇتبولچىلارنىڭ بەدەن ئېغىرلىقى مەشقاۋۇللارغا نىسبەتەنمۇ ناھايىتى مۇھىم بولغان بىر نۇقتا . نۇرغۇنلىغان داڭلىق مەشقاۋۇللار ھەتتا بەدىنى ئۆلچەمگە چۈشمىگەن ئېغىرلىقتىكى توپچىلارنى مەشىققىمۇ قاتناشتۇرماي ، يالغۇز مەشىق قىلىشقا ئورۇنلاشتۇرىدۇ . خانلىق مادىرىد توپچىسى كىرىستىيانو رونالدو بولسا ، بەدىنىدە ياغ مىقتىدارى ناھايىتى ئاز پۇتبولچى . شۇڭا ئۇنىڭ ئېغىرلىقى ئۆزىگە بەكلا مۇۋاپىق . يەنە توتىنھام كوماندىسىنىڭ ياش ھۇجۇمچىسى كېيىنمۇ 188 بويى بىلەن 65 كېلو كېلىدۇ . ئۇمۇ ھەم يىنىك ھەم قاۋۇل بولغان بۇنداق بەدەنگە ئېرىشىش ئۈچۈن ئاز ئەجىر قىلمىغان بولىشى مۇمكىن ئەلۋەتتە .

رونالدونىڭ كۈندۈلۈك يىمەكلىك پىروگراممىسى

ئەتىگەندە :

سۈت
3~4 ئەتراپىدا تۇخۇم
1~2 ئەتراپىدا مايسىز قىزارتىلغان نان (بولكا)
يۇلاف ئەزمەسى (ئۇيغۇرچە نېمە دىسەم بولا؟ رەسىمى تۆۋەندە)

چۈشتە :

تۇننۇس بىلىقى
قەھۋە رەڭلىك گۈرۈچ
كۆكتات سالات ۋە بىرقانچە تال زەيتۇن ( قارا تۇرغىنى زەيتۇن)

كەچتە :

ئاق گۆش ( توخو گۆشى ياكى بىلىق گۆشى )
مەرجىمەك شورپىسى (تۆۋەندىكى سۈرەتتىكى شۇ ، تەمى بىزنىڭ ئوماچقا ئوخشايدۇ)
يۇپۇرماق تۈرىدىكى كۆكتاتلار
ھۆل - قۇرۇق مېۋىلەر

خۇلاسە : توخو گۆشى(ئەلۋەتتە سۈنئىي ، توكتىن چىققان توخو ئەمەس) بىلەن بىلىق گۆشى مۇسكۇل چىڭىتىشقا ، بەدەندىكى كېرەكسىز ياغلارنى تازلاشقا ناھايىتى پايدىسى بار. كەسپىي بەدەن چېنىقتۇرىدىغانلارنىڭمۇ بىرىنچى تەۋسىيەسى توخو گۆشى بىلەن تۇخۇمنىڭ ئېقى . ئۇنىڭدىن باشقا مېۋە ۋە كۆكتات دىگەندەكلەرنى قورساق ئېتىلىپ كەتكۈچە يىسىمۇ پايدىسى باركى زىيان قىلمايدۇ  . لېكىن يەنە شىكەر دىگەن بىر نەرسە بار . بۇنىڭغا قەتئىي يېقىن يولاشقا بولمايدۇ . شىكەر مۇسكۇللارنى بوشۇتۇپ ، كىشىنى ھارغىن قىلىپ قويىدۇ . شۇڭا ھەرخىل ئىچىملىك بولۇپمۇ كولا دىگەن نەرسىنى قەتئىي ئىچمەسلىك كېرەك .





چېنىقىش پىروگراممىسى :

دۈشەنبە كۈنى :

ئۆرە تۇرۇپ شىتانكا كۆتۈرۈش 8 قېتىم
ئىگىزگە سەكرەش 10 قېتىم
يىراققا سەكرەش 8 قېتىم
پۇت چىڭىتىش (سۈرەتتىكىدەك) 10 قېتىم

يۇقارقى ھەركەتلەرنى ئارقا ئارقىدىن بىر قېتىمدىن قېلىپ بولغاندىن كېيىن يەنە ئىككى قېتىم جەمئىي ئۈچ قېتىم قىلىسىز .

سەيشەنبە كۈنى :


دەم ئېلىش


چارشەنبە كۈنى :

تاق تورنىك تارتىش 15 قېتىم
قورساق مەشىقى 20 قېتىم (سۈرەتتىكىدەك)
يەر بېغىرلاش 30 قېتىم
توپنى ئارقىغا ئېتىپ قورساق چېنىقتۇرۇش 15 قېتىم
ئۆرە تۇرۇپ شىتانكا كۆتۈرۈش 10قېتىم

يۇقارقى ھەركەتلەرنىمۇ رەت-تەرتىپى بويىچە بىر قېتىم قىلىپ بولغاندىن كېيىن ، يەنە ئىككى قېتىم قىلىمىز.

پەيشەنبە كۈنى :

ئېغىر شىتانكا كۆتۈرۈش 5 قېتىم
200 مېتىر ئارلىققا تېز يۈگرەش

يۇقارقى ھەركەتلەرنىمۇ ئۈچ قېتىم قىلىمىز

جۈمە كۈنى :

بىر قولى بىلەن شىتانكا كۆتۈرۈش 5 قېتىم
پەش سوزۇش 10 قېتىم
پاقىچالاپ ئىگىزگە سەكرەش 12 قېتىم (سۈرەتتىكىدەك)
توپنى ئارقىغا ئېتىپ قورساق چېنىقتۇرۇش 15 قېتىم
تورنىككە ئېسىلىپ تۇرۇپ قورساق قاتلاش 15 قېتىم

بۇلارنىمۇ جەمئىي ئۈچ قېتىم قىلىمىز

شەنبە كۈنى :

دەم ئېلىش


يەكشەنبە كۈنى:

ئارغامچە تاقلاش ( بىر مىنۇت تاقلاپ بىر مىنۇت ئارام ئېلىش شەكلىدە ئون مىنۇت)
50مېتىر ئارلىققا يۈگرەش 3 قېتىم

بۇنىمۇ ئۈچ قېتىم قىلىمىز .

بەدەن ئېغىرلىقنىڭ ئۆلچىمى مۇنداق ھېسابلىنىدۇ . ئەگەر بىر كىشىنىڭ بوي ئىگىزلىكى 1.82 مېتىر ، بەدەن ئېغىرلىقى 93 كېلوگرام بولسا ، ئۇنىڭ ئېغىرلىق كۆرسەتكۈچى مانا مۇنداق بولىدۇ .

BMI= 93/(1.82)2 = 28       (تىرناق يېنىدىكى 2 دىگەن سان ساننىڭ كىۋادىراتىنى بىلدۈرىدۇ )

يۇقارقى سانى 18.5 دىن 23.9 ئارىسىدا بولغانلار نورمال . 22 ئەڭ ياخشى ھالەت ھېسابلىنىدۇ .

سۈبھى

يامان بالا.ئاجايىپ تىرىشچان.تالانتىغا قارىغاندا تىرىشچانلىقى،جەسۇرلىقى ۋە تىز پۈكمەس روھى ئۆگىنىشكە ئەرزىيدۇ

ELTABER

ۋاييەي چولپان بولۇشمۇ تەس ئىشمۇ بۇ، سەي يەپلا كۇن ئۆتەمدۇ پولو ، كاۋاپ دىگەندەكلەرنى چۈشىگىمۇ ئەكىرمەيدىكەندە بۇ بايقۇش

ELTABER

شۇنداق كۆكتاتلا يەپ 90مىنۇت مۇسابىقە ئوينىسا قۇۋۋەت يىتىشەمدىغاندۇ

turgunjan

تىرىشىپ تۇردىكەن لىكىن

بېرنابۇ7

ELTABER يوللىغان ۋاقتى  2016-8-30 07:32
شۇنداق كۆكتاتلا يەپ 90مىنۇت مۇسابىقە ئوينىسا قۇۋۋەت يى ...

ئۇيەرنىڭ مىۋە كۆكتاتلىرى مايەرنىڭ گۆش كاۋاپلىرىدىن قۇۋۋەتلىك ، خۇددى بۇرۇنقى ۋاقىتلاردىكى زاغرا ئوماچ جىگدە يىگەن ئاتا بوۋىلىرىمىز بىزدىن ساغلام بىزدىن كۈچلۈك بولغانغا ئوخشاش

ئەزمەت7

رونالدونىڭ تىرشچانلىقى  باشقا توپچىلارغا كىچىك ياش ئۆسمۈرلەرگە ھەتتا  پۇتبول  بىلەن مۇناسىۋېتى يوق  كىشلەرگىمۇ  تەسرى بولۋاتىدۇ ،رونالدونىڭ قەيسەر  تىرشچان  جاپا مۇشەققەتكە چىدايدىغان قەتتى  تېز  پۈكمەيدىغان تەرپى  ھەرقانداق ئ‍ادەمنىڭ  ئ‍ۆگنىشىگە ئ‍ەرزىيدۇ …

كۆسەنى

تىمىڭىزغا رەھمەت بەزى ھەركەتلەردىن مەنمۇ ئ‍ۆرنەك ئ‍السام بولغىدەك .....

FaRuH777

رەھمەت پۇتبۇل ئەپەندىم،پايدىلىنىش  قىممىتى زور تىما.

ئاتۇش ئوغلى

رونالدونىڭ چىنىقىش ئوسولىنى بەك ئىغىر دەپ ئويلايتىم ئۇنچە ئەمەسكەنغۇ،لىكىن ئاۋۇ تاماق ئادىتى ھەقىقەتەن ئۈگنىشكە ئەرزىيدىكەن،بىز ئۇيغۇرلاردا تامىقىدا گۈش بولمىسا ئۈزىنى ئادەم قاتارىدا ھىساپلىمايدىغان بىر يامان ئادەت بار، دوختۇرخانىلار قارىساق دوختۇرخانىلار مىللىيلار بىلەن توشۇپ كەتكەن،ھەممىسى قان بىسىم ،دىيابىت،قان قويۇق،نىرۋا بىسىلىش قاتارلىق يۇقىرى ئىنىرگيلىك تاماق سەۋەبىدىن كىلىپ چىققان كىسەللىكلەر،بىر خەلقىرالىق چولپان ئاشۇنداق ئاددى تاماق يەپ مۇسابىقە ئويناپ يۈرگەن يەردە بىز ئۈزىمىزنى ئۈزىمىز كىسەل قىلىپ يۇقىرى ئىنىرگيلىك تاماقلارنى يەپ نىمە قىلامىز دەيمەندە