20-ئەسىرنىڭ 90-يىللىرىدىكى 9 نەپەر ئەڭ مۇنەۋۋەر 9-نۇمۇر

فارابى

   
    ھازىرىقى زامان پۇتبولى كۈندىن كۈنگە مۇكەممەللىككە، گۈزەللىككە قاراپ يۈزلىنىۋاتىدۇ. بۇنىڭغا ماس ھالدا مەيلى ھەرقايسى كۇلۇپلارنىڭ مەشقاۋۇللىرى بولسۇن ياكى دۆلەت كوماندىسىنىڭ مەشقاۋۇللىرى بولسۇن، پەقەت توپ كىرگۈزۈشلا ۋەزىپىسىنى ئۈستىگە ئالغان ھۇجۇمچى ئەمەس بەلكى توپ مەيدانىدا ھەرقانداق ئىشنىڭ ھۆددىسىدىن چىقالايدىغان «ساختا 9-نۇمۇر»لارنى  قوبۇل قىلىۋاتىدۇ ۋە يۇقىرى ئىش ھەققى بىلەن يۇقىرى سومما بىلەن سېتىۋىلىۋاتىدۇ. بۇنىڭغا بىرلەشتۈرۈپ ھەم شىددەتلىك ھۇجۇم قىلالايدىغان ھەم يۇقىرى توپ ئۇرۇش ئۈنىمىگە ئىگە يان ھۇجۇمچىلارنى يانداشتۇرۇپ ئىشلىتىپ كوماندىنىڭ ئوت كۈچىنى ئاشۇرۋاتىدۇ.
شۇنداق بولغان تەقدىردىمۇ، يەنە بىر قىسىم توپچىلار خۇددى ئۆزىنى كۆز-كۆز قىلىۋاتقاندەك يۇقىرى تېزلىكى، شىددەتلىك نۇمۇر ئىلىش ئىقتىدارى ئارقىلىق مۇداپىيىچىلەرنىڭ قارا چۈشىگە ئايلىنىپ باشقىلارنىڭ بارىكاللا ئېيتىشىغا مۇيەسسەر بولاۋاتىدۇ.
       بىز ھەممىمىز كىرىستىيانو رونالدۇ، لىئونىل مىسسى، رونى دىگەنگە ئوخشاش چولپانلارنى ياخشى كۆرىمىز، ئۇلارنى مەيداندىكى سېھرىگەر دەپ تەرىپلەشكە بولىدۇ. مەيلى كىم بولىشىدىن قەتئىىنەزەر، قارشى تەرەپ ئۇلارنى بىر چەتكە تاشلاپ قويمايدۇ. لىكىن ئۇلار مەيدانغا چىقتىمۇ ھەرۋاقىت، ھەر سائەت مۇسابىقە نەتىجىسىنى بەلگىلەش ۋە مۇسابىقىنى كونتىرول قىلىش ئىقتىدارنى ھازىرلىغان.
      20 يىلنىڭ ئالدىدا پۇتبول دۇنياسىدىن نۇرغۇنلىغان داڭلىق ھۇجۇمچىلارنى تاللىۋالغىلى بولاتتى. ئۇلار مەيلى بىرلەشمە مۇسابىقە بولسۇ ياكى خەلىقئارالىق مۇسابىقىلەردە بولسۇن بىر رىۋايەت ياراتقان. بۇلارنىڭ ئىچىدە بىر قىسىملىرى دۇنيا لوڭقىسىنى، بىر قىسىملىرى ياۋرۇپا لوڭقىسىنى يەنە بىر قىسىملىرى ئۇزغۇنلۇق لوڭقىسىنى كۆتۈرۈپ باققان. ھەتتا بىر قىسىملىرى مەيلى قايسى كۇلۇپتا بولىشىدىن قەتئىنەزەر ھىچقانداق لوڭقا كۆتۈرۈپ باقمىغان بولسىمۇ، يەنىلا ئۆز كۇلۇپلىرىنىڭ مەستانىلىرىغا خوشاللىق ئاتا قىلغان.


ئەمدى كۆپچىلىككە تونۇشتۇرماقچى بولغانلار، يۇقارقىلارنىڭ ئىچىدىكى 20-ئەسىرنىڭ 90-يىللىرىدىكى ئەڭ مۇنەۋۋەر 9-نۇمۇرلار.

جورجى ۋىئا

     مەيلى قايسى دەۋىرىدە ياشىماڭ سىز پۇتبول مەستانىسى بولغانكەنسىز پۇتبولنىڭ سېھرى كۈچىدىن ھوزۇرلىنىپ كەلدىڭىز ھەم كىلىۋاتىسىز. شۇ دەۋىرلەردە ئىتالىيە بىرلەشمىسىدە كۆزىنى قاماشتۇردىغان نەپىس ھەركەتلىرى بىلەن مەستانىلەرگە زوق ئاتا قىلىپ كىلىۋاتقان داڭلىق توپچىلار ناھايىتى كۆپ بولۇپ، جورجى ۋىئا مانا شۇلارنىڭ ئىچىدىكى بىرى. بۇ لىبىرىيىلىك ئەزىمەت پۇتبول ساھەسىدىكى ھەممە شەرەپلەرگە ئېرىشكەن. پارىژ ۋە موناكودا توپ تەپكەن ۋاقىتلىرىدا فىرانسىيىنىڭ ھۆكۈمىرانىغا ئايلانغان. 1995-يىلى سانسىروغا كەلگەندىن باشلاپ غەلبە تۇغىنى لەپىلدىتىشكە باشلىغان. بەش يىلدا ئۇ 58 توپ كىرگۈزگەن، قارماققا بۇ سان كىشلەرگە ۋاي دىگۈدەك ئەمەس ئىكەنغۇ دىگەندەك تۇيغۇغا كەلتۈرۈپ قويسىمۇ، ئەمما مەستانىلەر بۇ سانغا ئانچە پەرۋا قىلىپ كەتمەيدۇ.چۈنكى ئۇ پۇتبول مەيدانىدا قارشى تەرەپنى ئەڭ جىق ئەخمەق قىلىدىغان ماھىر، كوماندىنىڭ چوڭ مىڭىسى.

روببى فوۋلىر

      يېقىنقى ئون نەچچە يىلنىڭ ئالدى كەينىدە ئەنفىرلىد نۇرغۇنلىغان چولپانلارنى كۈتىۋالدى. مەسلەن: لانىسىت يوھان، داگىلىش، لان رۇش، يوھان ئاندىرىچ، مايكول ئوۋىن، فېرناندو توررس ۋە لۇئىس سۇئارىز دىگەندەك، يەنە سانايدىغان بولساق نۇرغۇنلىرى بار. بىراق ئەسلەشكە تىگىشلىكى «تەڭرى» دەپ ئاتالغان، يۇقىرى دەرىجىدىكى ئالداش تېخنىكىسىغا ئىگە بولغان روببى فوۋلىردۇر.
    مېرسىيسىدېدا تۇغۇلۇپ چوڭ بولغان بۇ كىشى 20-ئەسىرنىڭ 90-يىللىرىدىكى ئەنفىلىدنىڭ خوجا ئاكىسى بولغان، ئۇ قىزىل قوشۇنغا ۋاكالىتەن 10يىل توپ ئويناپ، بارلىقىنى قىزىل قوشۇنغا بېغىشلىغان. ئۇ قىزىل قوشۇن بىلەن بىرلىكتە  بىرلەشمە لوڭقىسى، ئىنگىلاند ئۇيۇشما لوڭقىسى ۋە ياۋرۇپا ئىتتپاق لوڭقىسىنى قولغا كەلتۈرگەن.

پاترىك كىلۇيۋىرت

     گوللاندىيە زىمىنىدىن ئەزەلدىن داڭلىق توپچىلار يىتىشىپ چىققان. 1995-يىلى ماركو ۋان باستىن ئۆزى ئۇزۇن يىل يۈرەك قېنىنى سەرىپ قىلىپ بارلىقىنى بېغىشلىغان يىشىل چىملىقتىن خوشلاشتى. پۈتكۈل گوللاندىيە خەلقى يىشل چىملىقتىكى ئاتامانىدىن ئايرىپ قالغانلىقىدىن قاتتىق قايغۇردى، بىراق قورقمىدى. چۈنكى ۋان باستىننىڭ ئىزىنى بىسىپ يىتىشىپ چىقىۋاتقان، ئاپلىسىن قوشۇنىنىڭ ياش سەركىسى، ئاجاكىس كوماندىسىنىڭ داڭلىق نۇمۇر ئالغۇچىسى پاتىرك كىلۇيۋىرت بار بولۇپ،  بۇنى تەربىيلەپ يىتىشتۈرۈپ چىققىنى  دەل ھازىرىقى قىزل ئالۋاستىنىڭ قوماندانى لۇئىس ۋانگال ئىدى.
    پاترىك كىلۇيۋىرت  گوللاندىيە دۆلەت كوماندىسى بىلەن بىرلىكتە97 مەيدان مۇسابىبقىگە قاتنىشىپ 50 توپ ئۇرغان.  ئاجاكىس كوماندىسى بىلەن بىرلىكتە ئىككى قېتىم بىرلەشمە چىمپىيونى، بىر قېتىم ياۋرۇپا ئۇزغۇنى،  ياۋرۇپا دەرىجىدىن تاشقىرى بىرلەشمىسىنىڭ چىمپىيونى قاتارلىق شەرەپلەرگە ئېرشىپ، كەسپى ھاياتىنىڭ ئەڭ يۇقىرى پەللىسىنى يارتقان. بارسىلونا ھاياتىدا يامان ئەمەس نەتىجە ياراتقان بولسىمۇ، بىراق ئۇ گوللاندىيە خەلىقىنىڭ قەھرمانى، ۋان باستىننىڭ ھەقىقى ئىزباسارى دەپ قارالغان.

ئاندى كول

    مەيلى سىز ئاندى دەڭ ۋە ياكى ئاندىرو دەڭ،  كول بولسا شۇ بىر ئەۋلات توپچىلار ئىچىدە ئەڭ ھوسۇللۇق ھۇجۇمچى. ئۇ ئىنگىلاند دەرىجىدىن تاشقىرى بىرلەشمىسىدە 187 توپ كىرگۈزۈپ، ئىنگىلاند دەرىجىدىن تاشقىرى  بىرلەشمىسى تارىخىدىكى مەرگەنلىك رەت تەرتىۋىدە  ھازىرىقى قىزىل ئالۋاستىنىڭ ھۇجۇمچىسى رۇنىدىن قالسىلا 2-ئورۇندا تۇرىدۇ.
    بۇ ئىنگىلاند توپچىسى  ئارسىنالدا كەسپى ھاياتىنى باشلىغان بولۇپ، فۇلھام ۋە بۇلۇستوك شەھرى كوماندىسى، سېغىزخان نىۋكاستىل ئارلىقىدا چۆرگىلەپ يۈرگەن. سېغىزخانغا ۋاكالىتەن 85 مەيدان مۇسابىقىگە قاتنىشىپ 67 توپ ئۇرۇپ، سېغىزخان مەستانىلىرىنىڭ ئەڭ ياخشى كۆردىغان توپچىسىغا ئايلانغان. ئاخىرىدا قىزىل ئالۋاستىغا قوشۇلۇپ، يورىك بىلەن بىرلىشىپ  قىزىل ئالۋاستىنىڭ ھۇجۇم سېپىدىكى كىشىنىڭ قورققىسىنى كەلتۈردىغان «قوشماق قارا قۇيۇن» گۇرۇپپىسىنى شەكىللەندۈرگەن. ئۇ قىزىل ئالۋاستىغا ۋاكالىتەن ئوينىغان مۇسابىقىسىدە 121 توپ ئۇرۇپ، قىزىل ئالۋاستىنىڭ بەش قېتىم دەرىجىدىن تاشقىرى بىرلەشمىنىڭ چىمپىيونى، ئىككى قېتىم ئۇيۇشما لوڭقىسىنىڭ چىمپىيونى، بىر قېتىم ياۋرۇپا ئۇزغۇنى بولۇشىغا زور كۈچ چىقارغان.  شۇ چاغلار ئالىكىس سېرغا نىسپەتەن بولسۇن ياكى قىزىل ئالۋاستى مەستانىلىرىغا نىسپەتەن بولسۇن ئەڭ گۈزەل چاغلار ئىدى.

فىلىپ ئىنزاگى

       ئەگەر سىز يىراقتىن چىرايلىق ئۇرۇلغان  توپلارنى كۆرمەكچى بولسىڭىز ئۇچاغدا دېققەت نەزىرىڭىزنى باشقا تەرەپكە بۇرسىڭىز بولىدۇ. چۈنكى فىلىپ ئىنزاگىنىڭ بۇنداق توپلارنى ئاندا-ساندا ئۇرغىنىنلا كۆرەلەيسىز. خۇددى ئالىكىس سىر فورگىسىن:« بۇ يىگىت چوقۇم ئوفسايىت سىزىقى ئۈستىگە تۇغۇلغان.» دىگىنىدەك، كۆپىنچە ۋاقىتلاردا ئىتالىيىنىڭ بۇ قاتىل ھۇجۇمچىسىنىڭ قائىدىگەچۈشمەيدىغان شۇنداقلا ئادەمنىڭ ئەقلى يەتمەيدىغان توپلارنى ئۇردىغان « ئوغرى مەرگەن» ئىكەنلىكىنلا بىلىسىز. مەيلى قانداقلا بولمىسۇن، ئەگەر بۇ «سىزىق ئۇستىسى» بولمىغان بولسا، تاغىل ئات يۇۋىنتۇس بىلەن قىزىل قارا قوشۇن مىلاننىڭ دەستە دەستە چىمپىيونلۇق لوڭقىلىرىنىڭ سانى ئاز بولۇش ئېھتىماللىقىنىمۇ چەتكە قاققىلى بولمايتتى.

جىئان پېررى پاپىن

     ياۋرۇپا ئالتۇن توپ ساھىبىلىرىنىڭ بىرى. 80-يىللارنىڭ ئاخىرى 90-يىللارنىڭ باشلىرىدىكى مارسىل كوماندىسىنىڭ بۇ سابىق ھۇجۇمچىسى ئادەمنىڭ ئىشەنگۈسى كەلمىگۈدەك ئىقتىدارنى ھازىرلىغان. مارسىلدا توپ تەپكەن ئالتە پەسىلدە 184 توپ ئۇرغان، ئۇدا 4 پەسىل بىرلەشمىنىڭ چىمپىيونى بولغان. 1992-يىلى مىلانغا يۆتكەلگەن. راستىنى ئېيتقاندا، بۇنىڭ مىلاندىكى ئىپادىسى مارسىلدىكى ئىپادىسىنىڭ يېرىمىچىلىكمۇ بولالمىغان. تولا يارلىنىش بۇ ياۋرۇپا ئالتۇن توپ ساھىبىنى مىلاندا ئۇتۇق قازانغىلى قويمىغان.  ئەڭ ئىچىنىشلىق بولغىنى 92-يىلى مىلانغا يۆتكەلگەن پاپىن 1993-يىلى ياۋرۇپا چىمپىيونلۇق بىرلەشمىسىنىڭ ھەل قىلغۇچ مۇسابىقىسىدە مارسىلغا لوڭقىنى تاتقۇزۇپ قويغان.  ياۋروپا ئالتۇن توپ ساھىبى بولغاندىن كىيىن ئىلگىرىكى ئىپادىسى تاپالمىغان.

گابىرىل بادىستوتا

ئارگىنتىنا چاقماق پالۋىنى،«بادىچە توپ كىرگۈزۈش» ئۇسلۇبىنى ياراتقۇچى.  جەڭ ئىلاھى، ئۆمۈچۈك پالۋان، شىر پادىشاھ قاتارلىق تەخەللۇسلارغا ئىگە. بۇنىڭ ئىچىدە ئەڭ داڭلىق بولغان لەقىمى جەڭ ئىلاھى. فىلورىنسا، رىم ۋە ئىنتىردا توپ تەپكەن.ئارگىنتىنا خەلقى ۋە گۈلسامساق قوشۇنىنىڭ پەخىرلىك ئوغلانى ۋە چوقۇنغۇچىسى. گۈلسامساق قوشۇنىغا ۋاكالىتەن مەيدانغا چىقىپ 207 توپ كىرگۈزگەن. 1996-يىلى ئىتالىيە لوڭقىسىغا ئېرىشكەن. 2001-يىلى بۆرە قوشۇنى رىم كوماندىسى بىلەن بىرلىكتە بىرلەشمىنىڭ چىمپىيونلۇقىغا ئېرىشكەن. ئارگىنتىنا دۆلەت كوماندىسىنىڭ ئەڭ داڭلىق مەرگىنى. ئۇزۇن ئالتۇن چاچلىرى ۋە قاپقا ئالدىدىكى ھەركىتى كىشىنى ئەڭ جەلىپ قىلىغۇچى.  «بادىچە توپ كىرگۈزۈش» ئۇسلۇبىنى تاكى ھازىرغىچە بىر قىسىم توپچىلار دوراپ كىلىۋاتىدۇ ھەم دوراپ بولالمايۋاتىدۇ. ئارگىنتىنا دۆلەت كوماندىسى بىلەن بىرلىكتە 1994، 1998، 2002 -يىلى دۇنيا لوڭقىسىغا قاتناشقان. 94-95 ، 98-99 يىللىق ئىتالىيە بىرلەشمىسىنىڭ مەرگىنى بولغان.

ئالەن شېر

    90-يىللاردىكى ئالەن شىر بلەكبورىن ۋە سېغىزخان قوشۇنى نىۋكاستىلىنىڭ پەخىرلىك ئوغلانى. ئىنگىلاند دەرىجىدىن تاشقىرى بىرلەشمىسىدە 260 توپ ئۇرغان. ئىنگىلاند دەرىجىدىن تاشقىرى بىرلەشمىسىنىڭ بىرىنچى مەرگىنى. قاتىل ھۇجۇمچى. 5 ياش چېغىدىلا يەسلىدىكى ئوقۇتقۇچىسى كەلگۈسىدە توپ چولپىنى بولىدۇ دەپ باھا بەرگەن تالانىت ئىگىسى. 1996-يىلى ئۆز دۆلىتىدە ئۆتكۈزۈلگەن ياۋروپا لوڭقىسىنىڭ مەرگىنى بولغان. ئىنگىلاند تارىخدىكى ئەڭ قالتىس ھۇجۇمچى. ئالەن شىردىن كىيىن ئىنگىلاند تەۋەسىدىن تېخى بۇنىڭدەك بىر ھۇجۇمچى چىققىنى يوق.

رونالدو

     بىز ھەممىمىز كىرىستىيانو، كىچىك رونالدونى بىلىمىز. دۇنيادا پەقەت بىرلا رونالدو بار ئۇ بولسىمۇ رونالدو لۇئىس دازالىئو دا لىما. بىرازىلىيىلىك 20-ئەسىرنىڭ 90-يىللىرىنىڭ ئاخىرىدىكى دۇنيا پۇتبول ساھەسىدىكى بىر رەقىب چىقمىغان، قاپقاۋۇللارنىڭ قارا چۈشى بولغان، تاشقى پىلانىت ئادىمى دەپ نام ئالغان قاتىل ھۇجۇمچىلارنىڭ بىرى.ئۇ ئەيىنخوۋىن، بارسىلونا، ئىنتىر،  مادىرىد ۋە مىلان قاتارلىق زەردارلاردا ئۆزىنىڭ مەڭگۈلۈك ئەسلىمىسىنى قالدۇرغان. ھەر قايسى بىرلەشمىلەردە 362 توپ؛ سامبا دۆلىتى ئۈچۈن 62 توپ كىرگۈزگەن. ئۇ كەسپى ھاياتىدا بىر قېتىم گوللاندىيە بىرلەشمىسىنىڭ مەرگىنى(1995)؛ ئىككى قېتىم ئىسپان بىرلەشمىسىنىڭ مەرگىنى(1997، 2004)؛ ئۈچ قېتىم دۇنيا پۇتبول ئەپەندىسى(1996،1997،2002)؛ ئىككى قېتىم ياۋروپا ئالتۇن توپ مۇكاپاتى(1997، 2002)، بىر قېتىم جەنۇبى ئامرىكا پۇتبول ئەپەندىسى(2003)؛ ئىككى قېتىم دۇنيا لوڭقىسى چىمپىيونى(1994، 2002)؛ بىر قېتىم ئىسپان بىرلەشمىسىنىڭ چىمپىيونى(2003)؛ 2010-يىلى بىرازىلىيە رىۋايەتلىك گىگانىت چولپىنى  قاتارلىق شەرەپلەرگە ئېرىشكەن. 100مېتىرغا يۈگىرەش تېزلىكى 10سىكىنۇت19 دەقىقە.

ببس7

شۇنداق  بۇ   دۇنيادا  تاقىر  رونالدودىن  پەقەت  بىرسى  بار   چۇنكى   بۇ  دۇنيادا  پەقەت  بىرلا  مودرىچ  بار  بولغىنىدەك    ئادەمنىڭ كۇلكىسى  كېلىپ  قالىدىكەن   ھىھى  ھىھى

german0906

مۇشۇ رونالدونىڭ شۇنچىۋالا چوڭ شەرەپلەرگە ئىرىشىپ،ياۋروپا ئۇزغۇنلۇقىغا ئىرىشەلمىگىنىگە قاتتىق ئىچىم ئاغرىيدۇ مىنىڭ ،ھەي بۇمۇ بىر تەقدىر بولسا كىرەك ……

YARQIN

رونالدودىن بىرسىلا بار ئەمەس بۇ  پەقەت چوڭ رونالدو يەنى كېيىنكى ئىككىسىگە قارىغاندا بۇرۇنراق تونۇلغان رونالدو . قالغان ئىككىسىمۇ چوڭ رونالدودىن بۇرۇن تونۇلغان بولسا ئۇلارمۇ رونالدو دەپلا ئاتىلىۋېرەتتى ، ئىسىم پەرىقلەندۈرۈش ئۈچۈن رونالدىنھو   س رونالدو دەپ ئايرىلغان . مەن پەقەت 7    9    10   مۇشۇ  ئۈچ  نومۇر بىلەن ئايرىمەن ئۈچىنى

aslap

يىڭى ئىسلاھاتنىڭ ئۈنۈمى كۈرلىشكە باشلىدى ...

ئۇزغۇن.

ماۋۇ ئادەممۇ تېما يازىدىكەن ھە تۆۋە

ببس7

ئەجەبا  سۇئارىزدىن  ئادرىيانو  سانچىسلاردىن  نەچچىسى  بولسا  ئەجەبا  پەقەت  بىرلا   ئادرىيانو  ۋە  بىرلا  سانچىس  بار  دىمەيمىزكەن   لېكىن  مۇشۇ  رونالدونىڭ  گېپى  چىقسا  پەقەت  بىرلا  رونالدو  با  دەپ  گەپ  چىقىدىكەن  بۇ  گەپچە  رونالدىنھو بىلەن  س.رونالدونى  كۆرەلمەسلىكمۇ   قانداق  ياكى  تاقىر  رونالدونى  دەپ  رونالدىنھو  بىلەن  س.رونالدونى  چۇشۇرگەنلىكمۇ      

ئەلقۇت

جورجى ۋىئا بىردىن بىر قارا تەنلىك پۇتبول ئەپەندىسى بولغانمۇ.

قەھرى

دۇنيادا  بىرلا  رونالدۇ  بار ،  ئۇ  بولسىمۇ  تاشقى  پىلانىت  ئادىمى  دەپ  نام  ئالغان  بىرازىلىيەلىك ،  بۇ  مۇشۇ  مۇنبەردىكى  بىرسىنىڭ  ئىمزا  سۆزىمىكىن

kuqarim1

توغرا،دۇنيادا بىرلا رونالدو بار ئۇ بولسىمۇ تاقىرباش چوڭ رونالدو دېسە ھەقىقەتەن رونالدىنخو بىلەن يېڭى پۇتبول شاھى كىرىستىيان رونالدونى چۈشۈرگەندەك بىلىنىپ قالىدىكەن ،ھەممىسى بىر بىرىدىن قالتىس ،بىرسىدە يوق ئالاھىدىلىك يەنە بىرسىدە بار تۇرسا نېمىشقا قالغان ئىككىسىنى زولاپ چۈشۈرۈشكە ئورۇندىغاندىمىز

oygandi99

رەھمەت ،مەن بىلمەيدىغان توپچىلارمۇ خىلى باكەن بىلمىگەننى بىلىۋالدۇق .

ئەزمەت7

ئ‍ەھمىيەتلىك  تېما  بوپتۇ ، يۇقىردا  ئ‍ىسمى چىققانلار  ھەقىقەتەن قالتىس توپچىلا ،بولسا  قالتىس 7-نۇمۇر ۋە  10-نۇمۇرنىمۇ  قۇشۇپ  يېزۋىتەلا  مۇئ‍ەللىم …