ئانا يۇرت ئەزىمەتلىرى لۇنىڭدا شەرەپ قۇچماقتا

elqut

ئانا يۇرت ئەزىمەتلىرى لۇنىڭدا شەرەپ قۇچماقتا
غۇلجا شەھەر 12- باشلانغۇچ مەكتەپ «ئانا يۇرت» پۇتبول مايسىلىرىنى تەربىيەلەش بازىسى، يېقىندا 28 نەپەر ياش پۇتبول مايسىلىرىنى تەشكىللەپ، ئىككى كوماندا بولۇپ « 2016- يىللىق لۇنىڭ پۇتبول مەكتىپى مەملىكەتلىك ئۆسمۈرلەر پۇتبول تەكلىپلىك مۇسابىقىسى» غا قاتنىشىش ئۈچۈن شەندۇڭ ۋىيفاڭدىكى لۇنىڭ پۇتبول مەكتىپىگە يېتىپ بارغان ئىدى. ئۇلار 7- ئاينىڭ 14- كۈنىدىن باشلاپ لۇنىڭ پۇتبول مەكتىپىدە مەملىكەتنىڭ ھەر قايسى جايلىرىدىن كەلگەن پۇتبول مەكتەپلىرىنىڭ ئۆسمۈرلەر كوماندىسى بىلەن مۇسابىلەشمەكتە.
7- ئاينىڭ 14- كىچىكلەر كوماندىسى(2007-2008 يىللىقلار)  جاڭ خەن چۈ ۋەنسۇڭ  كوماندىسى بىلەن مۇسابىقىگە چۈشۈپ 0 قارشى 19 نەتىجە بىلەن 19 توپ ئۇرۇپ، يۇقىرى نومۇر پەرقى بىلەن غەلىبە قىلدى.
چوڭلار كوماندىسى (2006-2005 يىللىقلار)  چاڭشا كوماندىسى بىلەن مۇسابىقىگە چۈشۈپ 0 قارشى 10 نەتىجە بىلەن غەلىبە قىلدى.
7- ئاينىڭ 15- كۈنىدىكى مۇسابىقە تېخىمۇ كەسكىن بولدى. ئەتىگەندىلا شەندۇڭ ۋېيفاڭدىكى لۇنىڭ پۇتبول مەكتىپىنىڭ ئاسمىنى قارا بۇلۇتلار قاپلىغان، كىشىنىڭ ئىچىنى سىقىپ، ئۇزۇنغا سوزۇلغان بۇ يامغۇر بارغانسېرى كۈچىيىپ كىشىنى پاراكەندە قىلىۋاتاتتى. ھەي بالىلىرىمىز ئىچكىرىنىڭ نەم ھاۋاسىغا كۆنەلمەيۋاتقىنىنى، بۇ يەرنىڭ سۇ ۋە تۇپرىقىغا ماسلىشالماي بالىلارنىڭ سالامەتلىكى تەسىرگە ئۇچراۋاتقاننى ئاز دەپ، بۇ مۇدھىش يامغۇر ھەجەپ ياغدا!  تېخى بارغانسېرى كۈچىيىپ كېتىپ بارغىنىنى قارىمامسىز؟ ئۇنىڭ ئۈستىگە بۈگۈن چۈشىدىغان ھەر ئىككىلا گۇرۇپپىدىكى كوماندىلار كۈچلۈك رەقىبلەر ، بىرسى چاڭشا دىباڭ كوماندىسى، يەنە بىرى جىنەن پۇتبول باشقارمىسى كوماندىسى.
بىزنىڭ بالىلار توپىلىق مەيداندا مەشىق قىلىپ كۆنگەن، چىملىق مەيدانغا كۆنمىگەن، ئۇنىڭ ئۈستىگە بۇنداق كۈچلۈك يامغۇردا مۇسابىقە ئويناش تەجرىبىسى يوق. قارىمامسىز ماۋۇ ئىشنى! ئىككى كوماندا ئىككى مەيداندا تەڭلا مۇسابىقىگە چۈشىدۇ، تېرىنىردىن باشقا مەدەت بەرگىدەك ھۇرراچىلارمۇ يوق!
لېكىن قەيسەر بالىلىرىمىزنىڭ روھى جۇشقۇن، ئىشەنچىسى تولۇپ تاشقان ئىدى. ئۇلارنىڭ قەلبىدە بىز بۇ يەرگە كەلدۇقمۇ؟ ئاتا- ئانىمىز، يۇرتداشلىرىمىز، ئاداشلىرمىزغا يۈز كېلەلىگۈدەك مۇسابىقە ئوينايمىز! بىز چوقۇم غەلىبە قىلىمىز! ھۇررا ! ھۇررا ! ... دەپ مەيدانغا كىرىپ كېلىۋاتاتتى...
بىچارە سەبىلىرىمىزنىڭ ئارزۇ- ئارمانلىرى رېئاللىققا ئايلىنارمۇ؟ مۇشۇنداق ناچار ھاۋا، مۇشۇنداق ياقا يۇرتتا، نەچچە كۈنلەپ پويىزدا يول بېسىپ كېلىپ بىر كۈن ئارام ئېلىپلا ئەتىسى مۇسابىقىگە چۈشكەن بۇ سەبىلەر بۇ بېسىملارنى يېڭىپ غەلىبە قىلالارمۇ؟ دۇئا قىلماقتىن باشقا ئامال يوق! سەبىلەرنىڭ ئارزۇلىرى چېچەك ئاچسۇن !
جىنەن پۇتبول باشقارمىسى كوماندىسى بىلەن مۇسابىقە بەكمۇ كەسكىن بولۇۋاتاتتى. ئەزىمەتلەرىمىز بارلىق كۈچى بىلەن تىرىشماقتا، ئۇلار ھەقىقەتەن تىرىشتى. بار كۈچىنى نامايان قىلدى.  لېكىن، ناچار ھاۋا- رايى، يول ئازابىنىڭ قالدۇقلىرى، ئۇلارنىڭ ئۆزىدىكى ئەڭ ياخشى ھالىتىنى نامايان قىلىشقا توسقۇنلۇق قىلىۋاتاتتى. رەقىب كوماندىمۇ بوش كەلمىدى، مىڭ قىلمىسا تەرەققىي تاپقان شەھەرلەردە، يۇقىرى تېخنىكا ۋە ئىلغار شارائىت بىلەن مەخسۇس تەربىيەلەنگەن كوماندىدە! بىزنىڭ توپىلىق مەيداندا، چاڭ توزانغا چومۇلۇپ ئېلىپ بارغان مەشىق شارائىتىمىز قانچىلىك بولماقچىدى دەيسىز!؟
ھەي! نەتىجە 3 قارشى 3 تەڭ بولۇپ قالدى. مۇسابىقە ۋاقتى تۇشاشقىمۇ بارماق بىلەن سانىغىدەكلا ۋاقىت قالدى. گەرچە ئۇتتۇرمىغان بولسىمۇ، بۇ ئەزىمەتلەر ئۈچۈن ھار ئالىدىغان ئىش ئىدى. ئۇلار ئۆيلىرىدىن « بىز چوقۇم غەلىبە قىلىمىز، ھۇررا ، ھۇررا !» دەپ توۋلاپ يولغا چىقىشقان ئىدى. مانا 3 مىنۇت ۋاقىت قالدى. ئۈمىد ئۈزۈلدى. تېرىنىرمۇ جىددىيلەشتى. يۈرەكلەر مۇڭلىنىشقا قاراپ يۈزلەندى...
ھۇررا! ھۇررا! ھۇررا! ھۇررا! ... بالىلار بىردىنلا ھۇررا چۇقانلىرىنى سالدى. توپ كىردى ، يەنە بىر توپ ئۇردۇق! ئاخىرقى مىنۇتلاردا يەنە بىر توپ ئۇردۇق! نەتىجە،نەتىجە 3 قارشى 4! بىز غەلىبە قىلدۇق ! بىز يۇرتداشلارغا يۈز كېلەلىدۇق!
ئامەت كەلسە قوش كەپتۇ دەپ، خۇشاللىق ئۈستىگە خۇشاللىق، يەنە بىر كوماندىدىن خوش خەۋەر، 1 قارشى 6 نەتىجە بىلەن رەقىب كوماندىدىن غالىب كەلدۇق! ھۇررا! ھۇررا!
بۇ قېتىملىق مۇسابىقىگە قاتنىشىش چىقىمىنى شىنجاڭ ئابىدە بىيو پەن تېخنىكا شىركىتى ئالاھىدە قوللاپ ئۆز ئۈستىگە ئالدى. بۇ قېتىم غۇلجا شەھەر 12- باشلانغۇچ مەكتەپ «ئانا يۇرت» پۇتبول مايسىلىرىنى تەربىيەلەش بازىسى  «ئابىدە» پۇتبول كوماندىسى نامىدا مۇسابىقىگە قاتنىشىپ ئانا يۇرت خەلقىنىڭ شىر يۈرەك، باتۇر، قورقماس، ئىتتىپاق روھىنى يەنە بىر قېتىم نامايان قىلدى. شۇنداقلا رايونىمىزنىڭ يېمەك ئىچمەك ساھەسىدە پارلاپ چاقناۋاتقان، نادىر ماركا «ئابىدە» ماركىسىنى يەنە بىر قېتىم پۈتكۈل جۇڭخۇا خەلقىگە نامايان قىلدى.
ھەممىمىز بۇ پۇتبول مايسىلىرىغا، بۇ «ئانا يۇرت» ئەزىمەتلىرىگە، «ئابىدە» ماركىسىنىڭ يەنە بىر قېتىپ جوڭگۈ پۇتبول ساھەسى ئارقىلىق نۇر چىچىپ پۈتكۈل جۇڭگو خەلقىگە بىزنى يەنە بىر نامايان قىلىشىغا تىلەكداش بولايلى!
ئىلى دەريا چوڭ بازىرى تور سودا سۇپىسى
غۇلجا شەھەر ئەلقۇت كىيىم كېچەك مەدەنىيەت تارقىتىش شىركىتى
تاشپولات بىلال ئەلقۇت

umut00

مۇبارەك بولسۇن ئەزمەتلەر

جۇرئەت829

قۇربانتاي  مۇئەلللىم  ئىلىپ  بارغان  ئۇخشىمامدۇ

يۇرتۇم7

تۆۋە بىزنىڭ كىچىك باللار ھەممىنى سۈر توقاي قىپ كىتىپ بارىدۇ ، لىكىن ياشلاردا ئۇلارنىڭ كىچىلىكىدىن ئەسەرمۇ يوق ، ئامەت يار بولسۇن ئەزمەتلەر

كەۋسەر

مۇبارەك بولسۇن ئوماقلار ، غەلبە شاتلىقى داۋاملىق يار بولسۇن ! چوڭ گۇيلار ئۆسمۈرلەردىن ئازراق ئۈلگە ئېلىپ ياخشى نەتىجىلەرنى يارىتىڭلار ...

aslap

كىچكلەرنىڭ نەتىجىسى ياخشى چۇڭلار بەك چاقنىيالـماۋاتىدۇ ، ئارلىقتتا بىر ئۈزلۈپ قىلش بار ..

muzappar.0998

مۇبارەك بولسۇن ئەزمەتلەر ، ئاپرىن سىلەرگە قالتىس ئىش بوپتۇ، 0دە 19. 0دە 10......تازا ئىشتاھاسى ياخشى ئىكەن .

KAROL:

قالتىس  ناھايتى  ھاياجانلاندىم  قالتىس  كىچىك ئەزمەتلەر.

كۆسەنى

ئ‍ابىدە سودا سۈيى ئ‍ىچىپ بەرسىڭىز توپنى ئ‍اشۇنداق كۆپ ئ‍ۇرالايسىز

EZNA

غەيرەت قىلىڭلار....ئامەت يالسۇن !