ھەقىقەت خەۋەرلىرى

ھەقىقەت

ئەسسالامۇ ئەلەيكۇم ، مۇنبەرداشلار!

1.  ئىسپانىيە بىرلەشمىسى جۇغلانما نومۇر تەرتىۋىدە 100نومۇرلۇق ئۆتكەلنى بۇزۇپ تاشلىدى.

بۇ پەسىللىك ياۋروپا چىمپىيۇنلۇق ۋە ياۋروپا ئىتتىپاق (بىرلەشمە) لوڭقىسى مۇسابىقىلىرىدە ئايرىم -ئايرىم ھالدا 8كۈچلۈك رەقىبلەر تاللىنىپ بولۇندى، ئىسپانىيە بىرلەشمىسىگە تەۋە ئالتە كوماندا بۇ كۈچلۈكلەر قاتارىدىن ئورۇن ئالدى(بارسېلونا ،رېئال مادرىد، ئاتلېتىكا مادرىد ، سېۋىللا، ۋېللارىئال، بىلبائو ئاتلېتىكا ). بۇنىڭ بىلەن ياۋروپادىكى ھەرقايسى بىرلەشمىلەرنىڭ جۇغلانما نومۇرىدا ئىسپانىيە بىرلەشمىسى باشقا بىرلەشمىلەردىن زور دەرىجىدە ھالقىپ كېتىشتەك ئەھۋال كېلىپ چىقىپ يېقىنقى بەش مۇسابىقە پەسلىدىكى جۇغلانما نومۇرى  100.73 نومۇرغا يەتتى، ئىككىنچى ئورۇندىكى گېرمانىيە بىرلەشمىسىنىڭ بولسا  78.891 بولدى، ئېنگىلانىد بىرلەشمىسى 74.784 نومۇر بىلەن 3-ئورۇننى ساقلاپ قالدى،  يۇۋىنتۇس، لازىئو كوماندىلىرىنىڭ شاللىنىپ كېتىشى بىلەن ئىتالىيە بىرلەشمىسىنىڭ ئېنگىلانىد بىرلەشمىسىدىن ئۆتۈپ كېتىش پۇرسىتى يوققا چىقىپ  70.439 نومۇر بىلەن داۋاملىق 4-ئورۇندا تۇرۇپ قالدى. پورتۇگالىيە ، فىرانسىيە بىرلەشمىلىرى ئايرىم -ئايرىم ھالدا 5-، 6-ئورۇندا تۇردى.

2. چىلى كوماندىسى تىزىملىكنى ئېلان قىلدى.


چىلى پۇتبولچىلار جەمئىيىتى  ئەڭ يېڭى دۆلەت كوماندا ئەزالىرى تىزىملىكىنى ئېلان قىلغان بولۇپ (18كىشىلىك چەتئەللەردە توپ تىپىۋاتقان ئەزالار) ئۇنىڭ ئىچىدە بارسېلونادىكى كىلاۋدىئو. بىراۋۇ، ئارسېنالدىكى ئالېكىس سانچىز، بايرىندىكى ئارتۇرو. ۋېدال قاتارلىقلار كۆزنىڭ يېغىنى يەيدىغان چولپانلاردۇر، ئۇندىن باشقا ئېنتىردىكى گاراي.مېدىل، ئىسپانىيىكلەر كوماندىسىكى ئېنزو.روكو، فىلورىنسىيەدىن ماتىياس. فېرنەندىز، مارسىلدىكى مائوركىيۇ. ئېسىلا،سېلتادىكى مارسىلو. دىئاس قاتارلىق مۇنەۋۋەر ماھىرلارمۇ بار. چىلى كوماندىسى 24-مارت كۈنى ساھىبخان بولۇپ ئارگېنتىنا كوماندىسى بىلەن بىر مەيدان كەسكىن جەڭ قىلماقچى، بۇ مۇسابىقە دۇنيا لوڭقىسى تاللاش مۇسابىقىسى بولۇپ بۇلتۇرقى ئامېرىكا لوڭقىسى ھەل قىلغۇچ مۇسابىقىسىنىڭ قايتا نامايان بولىشىدەك قىلىدۇ. ئاندىن كېيىن چىلى كوماندىسى مېھمان بولۇپ ۋىنسۇئېلاغا بارىدۇ. بۇ ئىككى مەيدان مۇسابىقە چىلى كوماندىسى ئۈچۈن ئىنتايىن ھالقىلىق مۇسابىقىلەر ھېساپلانماقتا. بىراۋۇ ئۈچۈن ئارگېنتىنا بىلەن بولغان جەڭ ئۇنىڭ چىلى دۆلەت كوماندىسىدىكى 100-مەيدان مۇسابىقىسىدۇر.

3. 8كۈچلۈكلەر چەك نەتىجىسىدە كۆرۈلۈش ئېھتىمالى بار ئىچكى ئۇرۇشلار
1)  ئىسپانىيە ئىچكى ئۇرۇشى
(1)

ئىسپانىيە دېربىسى
رېئال مادرىد بىلەن بارسېلونادىن ئىبارەت ئىسپانىيىنىڭ ئىككى يوغان بۇقىسى ئەزەلدىن چىقىشالمايدۇ، 4-ئاي كىرىشى بىلەن ئۇلارنى بىر مەيدان دۆلەت دىربىسى ساقلاپ تۇرماقتا ، بۈگۈنكى چەك تارتىشتا ناۋادا بۇ بۇقىلار ئۆزئارا ئۇچرىشىپ قالسا توپ مەستانىلىرى ئۈچۈن يەنە قالتىس قىزىغان   ئىككى مەيدان ئېلىشىش مەنزىرىسى نامايان بولغۇسى.


(2) مادرىد دېربىسى[
/color]
ئاتلېتىكا مادرىد بىلەن رىئال مادرىد ئۇچرىشىپ قالسىچۇ؟ 2014-يىلى ئۇزغۇنلۇق ھەل قىلغۇچ مۇسابىقىسدىكى ھاياجانلىق دەقىقىلەر يەنە نامايان بولارمۇ؟ بىر شەھەردىكى قان رەقىبلەرنى ئۇچرىشىپ قالمايدۇ دېگىلى بولمايدۇ.
(3) بارسېلونا بىلەن ئاتلىېتىكا مادرىدنىڭ جېڭى

بۇ ئىككى كوماندا ئۆز بىرلەشمىىسدە ئالدىنقى رەتنى بەرمەي چاپماقتا، ئۇلار ئارىسىدىكى ئىككى مەيدان بىرلەشمە مۇسابىقە تۈگىگەن بولسىمۇ بۇ قېتىم يەنە ئۈسۈشۈپ قالسا بىرلەشمە چوققىسىنى كەسكىن تالىشىۋاتقان ئىككى كوماندىغا نىسبەتەن يېڭى باش ئاغرىقلىرى پەيدا قىلىشى ئېنىق.
2) گېرمانىيە ئىچكى ئۇرۇشى

گېرمانىيە بىرلەشمىسىنى مونۇپۇل قىلىۋالغان بايرىن ئىنتايىن خەتەرلىك ئەھۋالدا  تاغىل ئاتلارنى قانسىرتىپ  8كۈچلۈككە كىرىۋالدى، ئۇلا ربىلەن  بىللە يەنە بۆرە ئىنىدىكىلەرمۇ  بۇ  كۈچلۈك رەقىبلەر قاتارىغا بېسىپ كىردى، چەك تارتىش نەتىجىسىدە تانكىلار بۆرە ئىنىغا بېسىپ كىرىدىغان ۋەزىيەت ئىپەدىلەنسە بۇ ئېنىقلا گېرمانيە ئىچكى ئۇرۇشى بولۇپ قالىدىغاندەك.

3) بايۋەتچىلەرنىڭ ئېلىشىشى


يېقىنقى يللاردىن بۇيان ئوتتۇرا شەقتىن كېلىۋاتقان ماي پۇراپ تۇرغان ياۋرولارنىڭ كۈچى بىلەن ئېنگىلانىد ۋە فىرانسىيىدە ئىككى يېڭى زەردار باش كۆتۈرۈپ چىقماقتا، شەھەرلىكلەر تۇنجى قېتىم ياۋروپا ئۇزغۇنلۇقتا 8كۈچلۈككە قەدەم ئالدى، پارىژمۇ كۆك ئارمىيىنى قوش بوغۇزلاپ بۇ سەھنىگە قىستىلىپ كىرىپ يامان ئەلپازى بىلەن باشقىلارغا ھومايماقتا. بىراق بۇ تۇپرىقى ئوخشاش ئىككى يېڭى زەردار بالدۇرلا تۇتىشىپ قىلىپ ئاغزى-بۇرنى قان بولۇشۇپ كەتسە كۆرەڭ تاماشا، ۋۇججۇن ..نېمە -دېگەن ئېسىل -ھە!!

ھەممىڭلارنىڭ تېنىغا سالامەتلىك ، ئىشلىرىغا ئوڭۇشلۇق تىلەپ، ھەقىقەتتتىن
شۇ مۇسابىقىلەرنى كۆرۈشكە نېسىپ قىلغاي!

2016-يىل 18-مارت ئۆرە تۇرۇپ يېزىلدى كومنىڭ تاختىسىنى قاتتىق مۇشلاپ.

شەپقەت

ياۋروپا دېربىسى بايرىن بىلەن خان مادرىد چۈشۈپ قاپتۇ

مۇھەممەت0999

بارسېلونا، مادرىد، بايرىن، كىچىك مارىد ، پارىژ قاتارلىق كۇماندىلار ئ‍ويلاۋاتىدۇ   بىزگە بېفىنكا چىقسا بۇلاتتى دەپ   .....  بېفىنكا  دەيدۇ  قايسىڭ كەلسەڭ بەرىبىر   ...

مۇھەممەد0999

كۈچلۈكلەر  ئۇچىرشى  قاچانمۇ  باشلار  بۇلارنىڭ  ئويونىنى

بوپتىلا

بۇ يىلقى چىمپىيون يەنىلا .....

ئويچان

دۇنيا  دىربىيسى بەيرىن بىلەن بارسېلۇنا تۇتۇشسا ئەڭ قىززىيدۇ .......................

orkax1208

چېلى دۆلەت كوماندىسىنىڭ ئ‍ەمەلىي كۈچى خىلى كۈچلۈككەن، گۇرۇپپىدىن چىقىشىدا گەپ يوق ئ‍وخشايدۇ… 8 كۈچلۈكلەر ئ‍ۇچۇرشىدا قىززىغان، ئ‍ىسىل مۇسسابىقىلەر بىزنى ساقلاۋاتقان ئ‍وخشايدۇ. بىزمۇ مۇنبەردە ئ‍ىناقلىق ئ‍اساسىدا تەمكىن مۇنازىرلىشىپ كۆرۈشكە ئ‍ىدىيە جەھەتتە تەيارلىق كۆرسەك بولغىدەك.

سەلكىن

بەيرىن - بىنفىكا
بارسا - شەھەر
مادىرىت- بۆرە قەلئەسى
پارىژ - ئاتلىتكا

باتىستۇتا11

بايۋەتچىلەرئېلىششى دىگەن خەتنى كۆرۈپ كۈلۈپ تاشلىدىم ،پەيزى ئەمىلى  قويۇلغان ئىسىم بوپتۇ .

تەجەللى

ھەقىقەت خەۋەرلىرى دىسە تىما ئىگىسىنى ھەقىقەتكە قايىتقان چىغى دەپتىمەن .

باتىستۇتا11

ئىسپاندا  بۇرۇن مادىرت  بىلەن بارسىلونا كۈچلۈك دەۋالىتى ،  كىيىن 1 نى قېتىپ  3 دەيدىغان بولغان  مۇنبەردە ، مانا ئەمدى پۈتۈن ياۋرۇپادىكى  16 كۈچلۈكىنىڭ  6 سى   ئىسپاندىنلام چىقىپ قالدى ،  دىمەك دۇتتار كىمنىڭ !!!!!!

turgunjan

تىما  ئ‍ىسىل  چىقىپتۇ  
كىم  بۇ  ھەقىقەت  دىگەن