ئۈچ بۇرجەكلىك مۇھاببەت

sensiz

مۇكەممەل بولغان ئۈچ بۇرجەكلىك مۇھاببەت، MSN نىڭ سىرىنى يىشىش

MSN توپ تېپىشنى بىلىپلا قالماستىن، ئەڭ مۇھىمى ئۇلار بىرلىشەلەيدۇ!!!!!!!!!!!!!!

MSN كۆپىنچە كىشىلەر نەچچە يىلنىڭ ئالدىدا تاقىلىپ قالغان ئالاقىلىشىش دېتالى دەپ چۈشىنىشى مۇمكىن، بىراق بۈگۈنكى كۈندە مىسسى، سۇيارىس ۋە نېيماردىن تۈزۈلگەن يىڭى بىر گۇرۇپپا MSN دىگەن بۇ سۆزنى قايتىدىن باشقىلارنىڭ يادىغا سېلىشقا باشلىدى.

مىسسى بولسا ئارگىنتىنا دۆلەت كوماندىسىنىڭ دۇنيا لوڭقىسىغا ئېرىشىشتىكى ئارزۇسى، مارادونانىڭ ئىز باسارى . سۇيارىس بولسا ئۇرۇگۋاي دۆلەت كوماندىسىدا كەم بولسا بولمايدىغان ئەزانىڭ بىرى. نېيمار بولسا بىرازىلىيە دۆلەت كوماندىسىنىڭ ئۈمۈد يۇلتۇزى، پۇتبول شاھلىقىنى قايتۇرۇپ ئەكىلشتىكى مۇھىم شەخىس.

بۇ ئۈچەيلەن بارسىلوناغا جەم بولغان شۇ كۈندىن باشلاپ MSN نامى كۆپىنچە كىشىلەرگە ئىلگىركى ئالاقە قورالىنى ئەسلەتتى، ھازىر MSN دىسە كىشىلەرنىڭ بۇرۇن ئويلايدىغىنى ۋاقتى ئۆتۈپ كەتكەن دىتال بولماستىن بەلكى بارسىلونا كوماندىسنىڭ قورقۇنۇشلۇق ھۇجۇم گۇرۇپپىسى بولدى.

ئۈچەيلەندىن تەركىپ تاپقان MSN زادى قانچىلىك قورقۇنۇشلۇق؟ بۇ خۇددى قورقۇنۇشلۇق چۈش ئىچىدە يەنە بىر قورقۇنۇشلۇق چۈش كۆرگەنگە ئوخشاش ئىش. ئۇلارنىڭ ئىپادىسىگە ئىپادىسىگە ھەقىقەتەن كۆز يۇمۇشقا بولمايدۇ.

ئەڭ قورقۇنۇشلۇق بولغىنى بولسا ئۇ ئۈچەيلەندىن خالىغان بىرىنى تارتىپ چىقسىمۇ ئوخشاشلا خەتەرلىك ، چۈنكى ئۇلار ئاللىقاچان بارسىلونا بىلەن بىرىكىپ كەتكەن، ئۇلار مەيدان ئىچىدە سەبداش بولۇپلا قالماستىن مەيدان سىرتىدىمۇ يېقىن ھەمراھلار.

بەلكىم MSN دىگەن بۇ سۆزدىن كىشىلەر بىر مەنانى چۈشىنىشى مۇمكىن يەنى ئۇلار ئۈچىدىكى بىرىكىش بىرلىشىش قاتارلىق ئىشلارنى ئۆگۈنىشى مۇمكىن.

بۇ خۇددى يۈئەن سۇلالىسى دەۋرىدىكى بىر ئايالنىڭ ئىككى لاي قونچاق ياساپ يازغان ‹ سىنىڭ لېيىڭدا مەن بار، مىنىڭ لېيىمدا سەن بار› دىگەن سۆزى ھازىرغىچە ناخشا قوشاق بولۇپ كەلگەندەك بىر ئىش.

گەرچە بۇ 我侬词 ناملىق شىئىردا ئىپادىلەنگىنى ئەر خوتۇن ئوتتۇرىسىدىكى ھىسىياتنى ئىپادىلىسىمۇ، بىراق سىرتتىن قارىماققا MSN نى شۇنىڭغا ئوخشايدۇ دىسە ئاشۇرىۋەتكەنلىك بولمايدۇ.

ئۈچەيلەننىڭ شەخسى مۇناسىۋىتىمۇ ئىنتايىن ياخشى بولۇپ، جەنۇبى ئامرىكىدىن چىققان بۇلارنىڭ ئوخشاشلىقى ئىنتايىن كۆپ، يەنە ئۇلار ياۋرۇپادەك بۇ چوڭ زېمىندا يۇرتداشلىرىنى تېپىۋالغاندەك ھىسىياتتا بولماقتا.

ئۈچەيلەننىڭ بىرلىشىشى قارىماققا بۇرۇنلا ئۇرۇنلاشتۇرۇپ بولغاندەك قىلاتتى، جەنۇبى ئامرىكىدىكى شۇنچە چوڭ قۇرۇقلۇقتا بۇ ئۈچ چولپاننىڭ تۇغۇلغان جايى خەرىتىدىن قارىماققا تۈز بىر سىزىققا ئوخشايتتى.

مىسسى مۇنداق دەيدۇ: بىز ئۈچەيلەننىڭ بىرگە بولىشىمىز بىر بىرىمىزنى تولۇقلايدۇ، شۇندىلا بىز تېخىمۇ كۈچلۈك بولۇپ كېتىمىز............

نېيمار مۇنداق دەيدۇ: بىز ئۈچەيلەن جەنۇبى ئامرىكىدىكى ئوخشىمىغان ئۈچ دۆلەتتىن كەلگەن بولساقمۇ بىراق بىز يېقىن دوسلاردىن، بىزنىڭ مەيدان سىرتىدىكى مۇناسىۋىتمىزمۇ ئىنتايىن ياخشى. بىز ئۈچەيلەن بىرلىكتە توپ تەپكەن ۋاقىت بولسا ئەڭ خۇشاللىق ۋاقىتلار، شۇنداق ئىككى چولپانغا ھەمراھ بولۇش مىنىڭ شەرىپىم.

سۇيارىس مۇنداق دەيدۇ: مەن مىسسى ۋە نېيمار ئۈچەيلەننىڭ مۇناسىۋىتى ئىنتايىن ياخشى، مەيلى مەيدان ئىچى ۋە سىرتىدا بولسا مەن مىسسىغا ھەسەت قىلمايمەن، چۈنكى ئۇ دۇنيادىكى ئەڭ قالتىس توپچى.

ئەلۋەتتە ئۈچەيلەننىڭ بىر بىرىگە مۇشۇنداق باھا بىرىشى ئارتۇقچە، چۈنكى ئۇلارنىڭ توپ تەپكىنىنى كۆرگەن ھەر قانداق ئادەم ئۇلاردىكى بىرلىشش، ماسلىشىش قا قاراپلار بۇنى ھېس قىلالايدۇ.

ئالدىنقى پەسىل MSN گۇرۇپپىسى بارسىلونا ئۈچۈن 122 توپ ئۇردى، بۇ پەسىل بولسا ئۈچەيلەننىڭ ئۇرغان توپ سانى 100 يېتەي دەپ قالدى، ئۇلار ئۆزىنىڭ ئالدىنقى پەسىلدىكى رىكورتىنى يىڭىلىشى پەقەت ۋاقىت مەسلىسى بولۇپ قالدى خالاس.

بۇلارغا ئوخشاش قورقۇنۇشلۇق ھۇجۇم گۇرۇپپىسىدىن دۇنيادىكى ھەر قانداق بىر ۋارتار ئەنسىرمەي تۇرالمايدۇ ئەلۋەتتە.

مىسسىنى مۇداپىئە قىلسا نېيمار توپ ئۇرىدۇ، نېيمارنى مۇداپىئە قىلسا سۇيارىس مەسىلىنى ھەل قىلىدۇ، ئەگەر سۇيارىسنى مۇداپىئە قىلسا ئۇنداقتا مىسسى ئوتتۇرىغا چىقىدۇ، بۇ مەسىلە ھەقىقەتەن مەشقاۋۇللارنىڭ باش ئاغرىقى بولۇپ كەلمەكتە.

پۇتبول مەيدانىدىكى MSN ۋەزىپنى تەڭ بۆلىشىۋالغان بولۇپ، ھەر بىر ئادەم شۇ ھۇجۇمدىكى ئاساسلىق ئەزا، ئۈچەيلەننىڭ يۈگۈرۈش ئورۇن ئېلىشلىرىغا قاراپ تېنى ئايرىم بولغان بىلەن جىسمى بىركەن دەپ قالىسىز.

بۈگۈنكى كۈندە بارسىلونا بىرلەشمىدە بىرىنچى ئورۇندا تۇرماقتا، شۇنى بىلىشىمىز كىرەككى مىسسىدىن باشقا نېيمار ۋە سۇيارىس بولسا ئىلگىرى خان مادرىد كوماندىسىغا ئەڭ يېقىنلاشقان ئىككى توپچى ئىدى.

2013- يىلى نېيمار بارسىلوناغا قوشۇلدى، بۇنىڭ ئالدىدا بىرازىلىيەلىك بۇ يىگىتنىڭ مادرىدقا قوشۇلىدىغانلىقى توغرىسىدىكى خەۋەرلەر ئۈزۈلمەي چىققان ئىدى، لېكىن مىجەزى ئۆزگىچە بولغان شۇ ۋاقىتتىكى مادرىد مەشقاۋۇلى مورىنىئونىڭ قوشىۋېلىش تىزىملىكىگە كىرەلمىگەن.

‹ بىزگە خورازنىڭ لازىمى يوق› مانا بۇ مورىنىئونىڭ سۆزلىرى، شۇنداق قىلىپ بارسىلونا پۇرسەتتىن پايدىلىنىپ نېيمارنى قوشىۋالغان.

سۇيارىسنىڭ ئەھۋالىمۇ نېيمار بىلەن ئوخشۇشۇپ كېتىدىغان بولۇپ ، مادرىدقا قوشۇلۇش توغرىسىدىكى خەۋەرلەر ئۈزۈلمەي چىققان ئىدى، ھەتتا ئىككى تەرەپ توختامغا قول قويسىلا بولاتتى.

بىراق ئادەم چىشلەش ۋەقەسى يۈز بەرگەن دىن كېيىن سۇيارىس مۇسابىقىدىن چەكلىنىش جازاسىغا ئۇچرىدى، فىلورىندىنومۇ سۇيارىستىن ۋاز كىچىپ جامىسنى قوشىۋالدى.

ئۈچەيلەننىڭ تۇنجى قېتىم ئوينىغان مۇسابىقىسى بولسا دۆلەت دېربىسىدىن باشلانغان بولۇپ، چەكلىنىش جازاسى توشۇپ مەيدانغا قايتىپ كەلگەن سۇيارىس نېيمارنىڭ توپ ئۇرىشىغا پاس چىقارغان، گەرچە 3-1 نەتىجە بىلەن مادرىدقا يېڭىلگەن بولسىمۇ بىراق ئۇلارنىڭ تۇنجى مەيداندىكى ماسلىشىشى ئىپادىسى ياخشى بولغان.

شۇنداق قىلىپ ئۈچەيلەننىڭ بىرىكىشى بارغانسىرى ياخشى بولغان، 14-15 مۇسابىقە پەسلىنىڭ ئاخىرىدا ئۇلار ئۈچى توسىۋالغىلى بولمايدىغان ھالەتكە يەتكەن، شۇنداقلا شۇ يىلى ئۇزغۇنلۇق، بىرلەشمە، شاھلىق، ياۋرۇپا دەرىجىدىن تاشقرى لوڭقىسى قاتارلىق لوڭقىلارنى كۇلۇپنىڭ شەرەپ سارىيىغا كۆمىۋەتكەن.

بۇ يىل مىھمان مەيداندا مادرىدنى مەغلۇپ قىلغاندىن كېيىن، بىر توپ كەتكۈزمەي دۇنيا كۇلۇپلار لوڭقىسىغا ئېرىشكەن، يەنە كىلىپ ھازىر كىشىلەر بارسىلونانىڭ ئالدىنقى قېتىم مەغلۇپ بولغان ۋاقتىنى ئۇنتۇپ قالايلا دەپ قالدى.

ئۇلار ئۈچى ھەر مەيدان مۇسابىقىنىڭ غەلبىسىنى قولغا كەلتۈرگەندىن باشقا مەستانىلەرگە ئۇنتۇلماس ئېسىل بولغان تالانتلىرىنى ۋە مۇسابىقىلەرنى سوۋغا قىلىپ كەلمەكتە.

مىسىسنىڭ نوقتا توپ ئارقىلىق پاس چىقىرىشى

سۇيارسىنىڭ ھاۋادا توپ تېپىشى

نېيمارنىڭ نەپىس ھەركەتلىرى

پۇتبول تارىخىدا ھۇجۇم كۈچى كۈچلۈك بولغان گۇرۇپپا كەم بولۇپ باققان ئەمەس، مەسىلەن رونالدو، رونالدىنخو ۋە رىۋالدو   يەنە ھېنتو، پۇسكاش ۋە دىسىتىفانو يەنە ئەڭ داڭلىق بولغان ئۈچ قېلىچۋاز رىجكارد، ۋانباستىن ۋە گۇلىت قاتارلىقلار.

بىراق مىسسى، سۇيارىس ۋە نېيمارلارغا ئوخشاش ئۆز ئارا بىرىكىپ كەتكەن گۇرۇپپا چىقىشى تەس بولغان بىر ئىش .

ئۈچەيلەننىڭ ھېكايىسى بىزگە توپ تېپىشنىڭ قورقۇنۇشلۇق ئەمەسلىكىنى، ئەڭ قورقۇنىشلىقى بولسا توپ تەپكەنلەرنىڭ ئۆز ئارا بىرلىشىشنى ئۆگىنىۋىلىش ئىكەنلىكىنى ئېيتىپ بەردى.

ھازىر نۆۋەتتىكى MSN گۇرۇپپىسىدىن ئۇلارنىڭ بىزگە ئېلىپ كەلگەن پۇتبول ماھارىتىدىن ھۇزۇرلىنىشىتىن باشقا  ئۇلارنىڭ بىرىكىش روھىدىن ئۆگىنىشىمىز كىرەك.


بارسىلونا مەستانىلىرىگە سوۋغا!!!!!

مادرىد77

نادىر تىما بولاپتۇ

ئۇچتىكىن

سەنسىزگە قايىللقىم قوزغاۋىتىدۇ جۇمۇ ڭىھ ڭىھ ،   بۇ ئۈچىگە ھازىر قانداقلا مەدھىيلەشلەر تامامەن ماس كېلدۇ ، ئارتۇق گەپ قىلىش ھاجەتسز !

خانزاد1

نادىر تىما ، ئ‍ىجادى تىما ، ئ‍ۆزگىچە يىزىلغان تىما ·  مانا بۇ ئىتتىپاقلىقنىڭ،  ئۇيۇشۇشچانلىقنىڭ پايدىسى ۋە ئەھمىيتى. سىلەرگە ۋە قابىليىتىڭلارغا قايىل بولماي تۇرالمايمىز.  

muhsin

بىز گە ئەمەسما      

تۇتىيا

ئالدى بىلەن سەنسىز بۇرادەرگە رەھمەت… بۇ ھۇجۇم  گۇرۇپىسى پۇتبولچىلارنىڭ ئۆگىنىش ئۈلگىسى بولسا سەنسىز   ئىناق ئىجىل  مۇنبەر بەرپا قىلىشىمىزنىڭ  ئۈلگىسى…

salqi

نادىر تېما. مادرىتتىمۇ مۇشۇنداق بولۇشىنى ئۈمىد قىلىمەن.

شەپقەت

بۈگۈن خاس نادىر تېما ئۇقۇيدىغان كۈن ئوخشايدۇ، م س ن نىڭ ھەمكارلىشىپ ئۇرغان توپلىرىدىن ئارىيە:

سەلكىن

تىما بەك ئىسىل چىقىپتۇ ، ئاپىرىن!!!!!!!!!

كۆسەنى

ھەقىقەتەن ئىسىل يازما بۇپتۇ ، بۇلارنى ھازىرچە تەرىپلەشكە سۆز تاپالمىدىم ، پەقەتلا دىيەلەيدىغىنىم بۇلار پارچىلانمىغۇچە مادرىتقا كۈن يوق .....

زەردار007

سەنسىز بۇرادەرگە قول قويدۇم،   بەك ياخشى يېزىپسىز بۇ تېمىنى  ،  ھەقىقەتەن ھازىر بۇ ھۇجۇم گۇرۇپپىسىغا گەپ توغرا كەلمەس بوپ كەتتى مېنىڭ ئۈمۈد قىلدىغىنىم بۇ گۇرۇپپىنىڭ ئۇزۇن مەزگىل ھەمكارلىشىشىنى ئۈمۈد قىلمە  ،  نادىر تېمغا بىر بېلەت كەتتى

تۇتىيا

مىسسىنىڭ ئوتتۇرا مەيداندىن ھۇجۇم تەشكىللەپ پاس بىرىشى،ھالقىلىق ۋاقىتلاردا ئىختىيارى توپتىن نۇمۇر ئېلىپ قاتماللىقنى بۇزۇشى،نېيمارنىڭ تېز سۇرئەتتە  بۆسۇپ ئۆتۇش بىلەن بىرگە نەپىس ھەركەتلىرى ،سۇئارىزنىڭ چەكلەنگەن رايون ئىچىدە  پۇرسەت تۇتىشىنىڭ ياخشى بۇلىشى بارسىلونانىڭ  غەلبە قىلىشنىڭ ئاساسى…