ئاتۇش لوڭقىسى پۇتبول مۇسابىقىسى ئاياقلاشتى

artuq999

ئاتۇش  شەھەر بويىچە ئۆتكۈزۈلگەن  2016-يىللىق ئاتۇش لوڭقىسىنى تالىشىش پۇتبول مۇسابىقىسنىڭ يېرىم ھەل قىلغۇچ ۋە ھەل قىلغۇچ مۇسابىقىلىرى تۆنۈگۈن ۋە بۆگۈن ئېلىپ بېرىلدى.

تۆنۈگۈن ئېلىپ بېرىلغان يېرىم ھەل قىلغۇچ مۇسابىقىلىرى بۇ قېتىملىق مۇسابىقىدە ئەڭ قىزىغان ۋە ئەڭ كەسكىن ئېلىپ بېرىلغان ئىككى مەيدان مۇسابىقە بولۇپ قالدى.
چۈشتىن بۇرۇن ئا گورۇپپىدىن بىرىنجى بولۇپ چىققان ئازاق كوماندىسى بىلەن ب گورۇپپىدىن ئىككىنجى بولۇپ چىققان ئۈستۈن ئاتۇش كوماندىسى ئوتتۇرسىدا ئوينالدى،ئىككى كوماندىنىڭ كۈچ پەرقى ئاساسىي جەھەتتىن ئوخشاش بولغاچقا مۇسابىقە رېتىمى ناھايىتى تېز،يۇقىرى سەۋىيەدە ئىنتايىن كەسكىن ئېلىپ بېرىلدى.

مۇسابىقە باشلىنىپلا ئىككى تەرەپ كۈچلۈك ھۇجۇم قوزغىدى، ئازاق كوماندىسى ئاۋال بىر توپ كىرگۈزۈپ ئالدىغا ئۆتتى . كىيىنكى مەيدان توشۇپ قوشۇپ بىرىلگەن ۋاقىتتا (يەنى93مىنۇت بولغاندا) ئۈستۈن ئاتۇش كوماندىسىنىڭ ھۇجۇمچىسى ناھايىتى يۇقىرى سەۋىيەدە بوغوزلاش خاراكتىرلىك بىر توپ كىرگۈزۈپ نەتىجىنى تەڭلەشتۈردى.قوشۇپ بىرىلگەن 30مىنۇتتا ئىككى تەرەپ قاتتىق تىركەشكەن بولسىمۇ توپ چۈشمەي 1-1 نەتىجە بىلەن نۇقتا توپ جېڭىگە قەدەم قويدى.ئاخىردا ئۈستۈن ئاتۇش كوماندىسى 5-4 نەتىجە بىلەن ئازاق كوماندىسىنى شاللاپ ھەل قىلغۇچقا كىردى.

چۈشتىن كىيىن ب گورۇپپىدىن بىرىنجى بولۇپ چىققان سۇنتاغ كوماندىسى بىلەن ئا گورۇپپىدىن ئىككىنجى بولۇپ چىققان ج خ كوماندىسى مەيدانغا چۈشتى.
ئاۋال سۇنتاغ كوماندىسى بىر توپ كىرگۈزدى، كىين ج خ كوماندىسىنىڭ 11- نومۇرلۇق ئەزاسى ئارقا-ئارقىدىن 2 توپ كىرگۈزۈپ ئالدىغا ئۆتتى. ئاندىن سۇنتاغ كوماندىسىدىن كاپىتان پەرات نۇقتا توپ كىرگۈزۈپ نەتىجە 2-2 بولدى ،ئاخىردا ج خ كوماندىسىنىڭ ئاساسلىق نۇمۇر ئالغۇچىسى 11-نومۇر بۇ مەيداندىكى 3- توپىنى كىرگۈزۈپ قالپاق ئويۇنى ئوينىدى.كىيىن نەتىجە ئۆزگەرمەي ئاتۇشتىكى چولپانلارنى يىغىۋالغان سۇنتاغ كوماندىسى ئېچىنىشلىق شاللاندى.
بۆگۈن ئەتىگەن سۇنتاغ كوماندىسى بىلەن ئازاق كوماندىسى 3- لىكنى تالىشىپ مۇسابىقىگە چۈشتى .120مىنۇتلۇق مۇسابىقىدە توپ چۈشمەي نۇقتا توپ تىپىشىپ، ئازاق كوماندىسى 4-2 نەتىجە بىلەن غەلبە قىلدى.


چۈشتىن كىيىن ئۈستۈن ئاتۇش كوماندىسى بىلەن ج خ كوماندىسى ھەل قىلغۇچ مۇسابىقە ئوينىدى.
ئۈستۈن ئاتۇش كوماندىسى ئالدىنقى مەيدان كىرگۈزگەن ئىككى توپقا تايىنىپ 2-0نەتىجە بىلەن ج خ كوماندىسىنى يېڭىپ لوڭقا كۆتۈردى.
ھەل قىلغۇچ مۇسابىقە تۆنۈگۈن ئوينالغان يېرىم ھەل قىلغۇچ مۇسابىقىدەك بەك قىزىمىغان بولسىمۇ ،تاماششىبىنلار ناھايىتى كۆپ بولۇپ 25مىڭدىن30مىڭغىچە تاماششىبىن بۇ مەيدان مۇسابىقىنى كۆردى.
بۇ قېتىملىق مۇسابىقىدىكى ئەڭ يارقىن مۇسابىقە ،يېرىم ھەل قىلغۇچتىكى ئىككى مەيدان مۇسابىقە بولۇپ ،دىيارىمىز پۇتبولچىلىقىنىڭ ئەڭ يوقىرى سەۋىيەسىنى نامايەن قىلغان مۇسابىقە بولۇپ قالدى.











بۆگۈن 7:30دا بىرىلىدىغان تەنتەربىيە دۇنياسى پىروگراممىسىنىڭ شىنجاڭ تەنتەربىيەسى سەھىپىسىدە بۇ مۇسابىقە توغرىسىدا خەۋەر بىرىلىدۇ.

artuq999

بۇ قېتملىق مۇسابىقىدە توپچى كىرگۈزۈش ۋە كوماندا چىقىمى ئۈچۈن 550مىڭ يۈەن خەجلىگەن سۇنتاغ كوماندىسى بىلەن ئۆتكەن يىلدىكى چىمپىيۇن ،بۇ قىتىملىق مۇسابىقىدە چىمپىيۇن بولۇش ئىھتىماللىقى ئەڭ يۇقىرى كوماندىلارنىڭ بىرى بولغان ئازاق كوماندىسىنىڭ شاللىنىشى ، بۇ يىلقى مۇسابىقىنىڭ سەۋىيەسىنىڭ تېخىمۇ يۇقىرى كۆتۈرۈلگەنلىكى ۋە رىقابەتنىڭ تېخىمۇ كەسكىنلەشكەنلىكىنى ئىپادىلەپ بەردى.

بەزى خەۋەرلەرگە قارىغاندا كىلەر يىلدىن باشلاپ ھەر قايسى كوماندىلار ئاتۇش سىرتىدىن 1-2گىچە توپچى كىرگۈزۈپ مۇسابىقىگە قاتناشتۇرسا بولىدىكەن.

دىمەك بۇ مۇسابىقىنىڭ يىلدىن-يىلغا سەۋىيەسى يوقىرى كۆتۈرۈلۈپ، دىيارىمىز پۇتبولچىلىقىنىڭ كەسىپلىششىنىڭ مۇقەددىمىسى بولۇپ قالغۇسى.

سالچىلار

پۇتبول دىگەننىڭ سىھىرى كۈچى مانا مۇشۇنداق …

كارۋان10

تەبىركلەيمەن ئۈستۈن ئاتۇش باللىرنى.

halmurat0533

ئادەم دېڭىزى  بوپ  كەتتى  مۇشۇ  ساي  مەيداندا

خانزاد1

مۇبارەك بولسۇن. ئاتۇش خەلقى ھەقىقەتەن پۇتبولخۇمار ئىكەن.

مېھمان

مۇكاپات سوممىسى نەچچە پۇل بولدى،،،   ئۈسناتۇش كوماندىسىغا مۇبارەك،، كىلەر يىلى كۆرىشەيلى ،،،     

zoklan

تاماششىبىنلار ھەقىقەتەن كۆپكەن ، لېكىن مەيدان شارائىتى بەكلا ناچاركەن . قاچانمۇ مەيدان كىرزىسىدىن قۇتۇلارمىز .
تەكلىپ :مۇنبەرنىڭ تور تىلۋىزىيىسىدە پۇتبول دۇنياسى پىروگراممىسىنى ئۇلىنىش قىلىپ قويساڭلار بوپتىكەن .

dolan7

ھەرەمباغ   ب دەرەجىلىك كۇلۇبتىن  بىرنى قۇرۇپ   ساھىبخان مەيداننى   ئاتۇشقىلام   قىلغان  بولسا  ھە  .