خەلقئارا بىرلەشمە لوڭقىسى (2013-1997)

زەربىدار

  خەلقئارا بىرلەشمە لوڭقىسى دەسلەپكى پادىشاھلىق لوڭقىسى ئاساسىدا بارلىققا كەلگەن ، 1992-يىلى 1-ئايدا سەئۇدى ئەرەبىستاننىڭ رىياد شەھىرىدە تۇنجى نۆۋەتلىك فائىد پادىشاھلىق لوڭقىسى ئۆتكۈزۈلگەن بولۇپ، ھازىرقى خەلقئارا بىرلەشمە لوڭقىسىنىڭ دەسلەپكى ئاساسىنى ياراتقان.

  تارىخى ئارقا كۆرۈنۈشى
  گەرچە بىرلەشمە لوڭقىسى 1997-يىلى FIFA  تەرىپىدىن رەسمىي مۇسابىقە قىلىپ بىكىتىلگەن بولسىمۇ، ئەمەلىيەتتە 1980-يىلىلا دەسلەپكى شەكلى بارلىققا كەلگەن. 1-نۆۋەتلىك ئۇرۇگۋاي دۇنيا لوڭقىسى مۇسابىقىسىنىڭ 50يىللىقىنى خاتىرىلەش يۈزىسىدىن دۇنيا لوڭقىسى چىمپىئون كوماندىلىرى ئۇرۇگۋايغا يىغىلىپ بىر قېتىملىق «كىچىك دۇنيا لوڭقىسى» نامىدىكى دۇنيا چىمپىئونلار ئالتۇن لوڭقىسى مۇسابىقىسى ئۆتكۈزگەن بولۇپ،  بۇنىڭدىن ئۆرنەك ئېلىش ئاساسىدا 1997-يىلى خەلقئارا پۇتبول بىرلەشمىسى رەسمىي مۇسابىقە تۈرى قىلىپ 8دۆلەت  قاتنىشىدىغان،  2 يىلدا بىر نۆۋەت ئۆتكۈزۈلىدىغان قىلىپ بىكىتگەن بولۇپ، 2005-يىلىدىن باشلاپ 4 يىلدا بىر نۆۋەت دۇنيا لوڭقىسىدىن بىر يىل بۇرۇن  ساھىبخان دۆلەتتە ئۆتكۈزۈلىدىغان قىلىپ بىكىتىلگەن.
  
  بىلىۋېلىڭ...

  تۇنجى قالپاق كەيگۈچى
  1997-يىلى چېخلىق ماھىر ۋىلدامىر سمېسىر ئەرەب بىرلەشمە خەلپىلىكى بىلەن بولغان گۇرۇپپا  مۇسابىقىدە 4 توپ ئۇرغان بولۇپ، بىرلەشمە لوڭقىسى تارىخىدىكى تۇنجى قالپاق ئويۇنى ئوينىغان توپچى ھېسابلىنىدۇ.

   ئۇدا چىمپىئون بولغان كوماندا
  بىرازىلىيە كوماندىسى 2005-يىلىدىن 2013-يىلىغىچە ئۇدا 3 نۆۋەت چىمپىئون بولغان بىردىنبىر كوماندا.

  ئەڭ كۆپ ھەل قىلغۇچقا كىرگەن كوماندا
  بىرازىلىيە كوماندىسى 5 قېتىم ھەل قىلغۇچقا كىرگەن.

      ئەڭ كۆپ توپ كىرگەن مۇسابىقە
  2013-يىل ئىسپانىيە بىلەن تاخىتى ئوتتۇرىسىدىكى مۇسابىقىدە جەمئىي 10توپ كىرگەن.

   1992-يىلى ۋە 1995-يىلىدىكى ئىككى نۆۋەتلىك مۇسابىقە پادىشاھلىق لوڭقىسى سۈپىتىدە ئۆتكۈزۈلگەن.








  
   بىرلەشمە لوڭقىسى چىمپىئونلۇق لوڭقىسىنى پالۋانلار لوڭقىسىغا تەقلىد قىلىپ لايىھلەنگەن بولۇپ، ئېگىزلىكى 40سانتىمىتىر، ئېغىرلىقى 10كىلوگرام كېلىدۇ.  1997-يىلى شىۋىتسارىيەدە لايىھلەنگەن.

  1997-يىلى FIFA تەرىپىدىن رەسمىي خەلقئارالىق  مۇسابىقە تۈرىگە كىرىپ،  8دۆلەت قاتنىشىدىغان ھەمدە مۇسابىقە نامىنى بىرلەشمە لوڭقىسىغا ئۆزگەرتىلىپ، ساھىبخانلىق ھوقۇقى ئاسىيا لوڭقىسى چىمپىئونى سەئۇدى ئەرەبىستانغا بېرىلدى. تۇنجى نۆۋەتلىك مۇسابىقىگە 1994-يىللىق دۇنيا لوڭقىسى ۋە 1997-يىللىق جەنۇبىي ئامېرىكا چىمپىئونى بىرازىلىيە، 1995-يىللىق ئوكيانىيە قىتئەسى چىمپىئونى ئاۋستىرالىيە،  1996-يىللىق شىمالىي ئوتتۇرا ئامېرىكا چىمپىئونى مېكسىكا ۋە ئافرىقا چىمپىئونى مېكسىكا كوماندىلىرى،  ياۋرۇپا لوڭقىسى ۋە ئاسىيا لوڭقىسى كۈمۈش شاھى چېخ بىلەن ئەرەب بىرلەشمە خەلپىلىكى كوماندىلىرى تەكلىپ بىلەن قاتناشتى.

  مۇسابىقە 12-دىكابىردىن 22-دىكابىرغىچە ئۆتكۈزۈلدى. ھەل قىلغۇچ مۇسابىقىدەرونالدو ۋە رومارىيونىڭ قالپاق كىيىشى بىلەن،  بىرازىلىيە كوماندىسى 6-0 نەتىجە بىلەن ئاۋستىرالىيە كوماندىسىنى يەر چىشلىتىپ چىمپىئونلۇقنى قولغا كەلتۈردى.  

A گۇرۇپ  سەئۇدى ئەرەبىستان بىرازىلىيە   مېكسىكا ئاۋستىرالىيە
Bگۇرۇپ   ئەرەب بىرلەشمە خەلپىلىكى   چېخ  ئۇرۇگۋاي  جەنۇبىي ئافرىقا
  مۇنەۋۋەر مەرگەن: رومارىيو  (7توپ)

  1999-يىلى  ھەر قايسى قىتئەلەر نۆۋەتلىشىپ ئۆتكۈزىدىغان قىلىپ بىكىتىلگەن بولسىمۇ، ئەمما شۇ نۆۋەتلىك مۇسابىقىگە دۇنيا لوڭقىسى چىمپىئونى فىرانسىيە كوماندىسى مۇسابىقىدىن چېكىنىپ چىقتى، بىرازىلىيە ۋە گېرمانىيە  كوماندىلىرىمۇ ئىككىنچى سەپ ئەزالىرى بىلەن قاتنىشىدىغانلىقىنى بىلدۈردى. مۇسابىقە 25-ئىيۇلدىن 4-ئاۋغۇستقىچە ئۆتكۈزۈلدى. گېرمانىيە كوماندىسى گۇرۇپپىدىن چىقالمىدى. بىرازىلىيە كوماندىسىمۇ ھەل قىلغۇچ مۇسابىقىدە 3-4 نەتىجە بىلەن مېكسىكىغا ئۇتتۇرۇپ چىمپىئونلۇقتىن مەھرۇم قالدى.

  Aگۇرۇپ  مېكىسىكا  بولۋىيە   مىسىر    سەئۇدى ئەرەبىستان
  Bگۇرۇپ   بىرازىلىيە  گېرمانىيە   ئامېرىكا    يېڭى زىللاندىيە

مۇنەۋۋەر مەرگەن: رونالدىنخو 6توپ (بىرازىلىيە)


  2001-يىلى 3-نۆۋەتلىك خەلقئارا بىرلەشمە لوڭقىسى 2002-يىللىق  ياپون-كورىيە ساھىبخانلىقىدىكى دۇنيا لوڭقىسى  دۆلىتىدە 30-مايدىن 10-ئىيۇنغىچە ئۆتكۈزۈلدى. ياۋرۇپا لوڭقىسى چىمپىئونى فىرانسىيە كوماندىسى، شىمالىي ئوتتۇرا ئامېرىكا لوڭقىسى چىمپىئونى كانادا كوماندىسى، ئوكيانىيە لوڭقىسى چىمپىئونى ئاۋستىرالىيە ۋە ئافرىقا لوڭقىسى چىمپىئونى كامېرون قاتارلىق 8دۆلەت قاتناشتى.   بىرازىلىيە كوماندىسى دۆلەت ئىچىدىكى بىر قىسىم ياش ماھىرلارنى قاتناشتۇردى، فىرانسىيە كوماندىسىدىن زىدانى، باتىسلار قاتناشمىغان بولسىمۇ، فىرانسىيە كوماندىسى ھەل قىلغۇچ مۇسابىقىدە 1-0 نەتىجە بىلەن ياپونىيەنى مەغلۇپ قىلىپ، تۇنجى قېتىم دۇنيا لوڭقىسى، ياۋرۇپا لوڭقىسىدىن كىيىن ئۈچىنچى قېتىم خەلقئارالىق مۇسابىقىنىڭ چىمپىئونلوقىنى قولغا كەلتۈردى.

A گۇرۇپ  كورىيە   فىرانسىيە    مېكىسكا   ئاۋستىرالىيە
B گۇرۇپ  ياپونىيە  كانا  بىرازىلىيە   كامېرون  


  2003-يىلى 4-نۆۋەتلىك مۇسابىقە ئالدىنقى نۆۋەتلىك چىمپىئون فىرانسىيەدە 19-ئىيۇندىن 29-ئىيۇنغىچە ئۆتكۈزۈلدى. دۇنيا لوڭقىسى چىمپىئونى بىرازىلىيە، 2002-يىللىق ئوكيانىيە لوڭقىسى چىمپىئونى يېڭى زىللاندىيە، شىمالىي ئوتتۇرا ئامېرىكا لوڭقىسى چىمپىئونى ئامېرىكا ۋە ئافرىقا لوڭقىسى چىمپىئونى كامېرون؛ 2001-يىللىق جەنۇبىي ئامېرىكا چىمپىئونى كولۇمبىيە ، تۈركىيە، بىرازىلىيە، ياپونىيە كوماندىلىرى تەكلىپ بىلەن قاتناشتى.26-ئىيۇدىدىكى مۇسابىقىدە كامېرون كوماندىسى رەقىبىنى شاللاپ ھەل قىلغۇچقا كىرگەن بولسىمۇ مۇسابىقىنىڭ 72-مىنۇتىدا مارك ۋېۋېننىڭ يۈرەك كېسىلى قوزغىلىش سەۋەبىدىن قۇتقۇزۇش ئۈنۈم بەرمەي 28يېشىدا قازا قىلدى. فىرانسىيە كوماندىسى بىرلەشمە لوڭقىسى تارىخىدىكى  ئۇدا ئىككى نۆۋەتلىك چىمپىئونلوقنى قولغا كەلتۈرگەن تۇنجى كوماندا بولدى. تۈركىيە كوماندىسى خەلقئارالىق مۇسابىقىدە دۇنيا لوڭقىسىدىن كېيىن ئۇدا ئىككىنچى قېتىم ئۈچىنچى بولۇشتەك ياخشى نەتىجە ياراتتى.  

Aگۇرۇپ  فىرانسىيە    كولۇمبىيە     يېڭى زىللاندىيە      ياپونىيە
Bگۇرۇپ  بىرازىلىيە     كامېرون      تۈركىيە              ئامېرىكا

مۇنەۋۋەر مەرگەن: ھېنرى 4توپ (فىرانسىيە)


  2005-يىلى 5-نۆۋەتلىك مۇسابىقە دۇنيا لوڭقىسى ساھىبخان دۆلىتى گېرمانىيەدە 15-ئىيۇندىن 29-ئىيۇنغىچە ئۆتكۈزۈلدى. بۇ نۆۋەتلىك مۇسابىقىدىن باشلاپ 4 يىلدا بىر نۆۋەت، دۇنيا لوڭقىسىغا بىر يىل بۇرۇن دۇنيا لوڭقىسى ساھىبخانى دۆلىتىدە ئۆتكۈزۈلىدىغان قىلىپ بىكىتىلدى. دۇنيا لوڭقىسى ۋە جەنۇبىي ئامېرىكا لوڭقىسىنىڭ قوش چىمپىئونى بىرازىلىيە، ياۋرۇپا لوڭقىسى چىمپىئونى گىرىتسىيە، ئافرىقا لوڭقىسى چىمپىئونى تۇنىس، ئوكيانىيە لوڭقىسى چىمپىئونى ئاۋستىرالىيە، ئاسىيا لوڭقىسى چىمپىئونى ياپونىيە، شىمالىي ئوتتۇرا ئامېرىكا لوڭقىسى چىمپىئونى مېكسىكا، جەنۇبىي ئامېرىكا لوڭقىسىنىڭ كۈمۈش شاھى ئارگېنتىنا كوماندىسى تەكلىپ بىلەن قاتناشتى. ھەل قىلغۇچ مۇسابىقىدە ئادىرىيانونىڭ ئىككى توپى، كاكا ۋە رونالدىنخونىڭ بىردىن توپى بىلەن 4-1نەتىجە بىلەن ئارگېنىتنا كوماندىسىنى مەغلۇپ قىلىپ چىمپىئونلوقنى قولغا كەلتۈردى.
  
Aگۇرۇپ  گېرمانىيە  ئاۋستىرالىيە   تۇنىس   ئارگېنتىنا
Bگۇرۇپ  بىرازىلىيە  گىرىتسىيە    ياپونىيە   مېكسىكا  

  مۇنەۋۋەر مەرگەن: ئادىرىيانو 5توپ  (بىرازىلىيە)  


  2009-يىلى 6-نۆۋەتلىك مۇسابىقە جەنۇبىي ئافرىقىدا 14-ئىيۇندىن 28-ئىيۇنغىچە ئۆتكۈزۈلدى. دۇنيا لوڭقىسى ساھىبخانى جەنۇبىي ئافرىقا،  2006-يىللىق دۇنيا لوڭقىسى چىمپىئونى ئىتالىيە، 2007-يىللىق ئاسىيا لوڭقىسى چىمپىئونى ئېراق، ئوتتۇرا شىمالىي ئامېرىكا لوڭقىسى چىمپىئونى ئامېرىكا، جەنۇبىي ئامېرىكا لوڭقىسى چىمپىئونى بىرازىلىيە،  2008-يىللىق ياۋرۇپا لوڭقىسى لوڭقىسى چىمپىئونى ئىسپانىيە، ئافرىقا لوڭقىسى چىمپىئونى مىسىر، ئوكيانىيە لوڭقسى چىمپىئونى يېڭى زىللاندىيە كوماندىلىرى قاتناشتى. يېرىم ھەل قىلغۇچ مۇسابىقىدە ئامېرىكا كوماندىسى ئىسپانىيەنى شاللىۋەتتى. ھەل قىلغۇچ مۇسابىقىدە ئامېرىكا كوماندىسى ئىككى توپ ئۈستۈنلۈكتە تۇرۇپ، ئويلىمىغان يەردىن ئۈچ توپ كەتكۈزۈپ چىمپىئونلوقتىن يانداپ ئۆتۈپ كەتتى. بۇ نۆۋەتلىك مۇسابىقىدە جەمئىي 44توپ كىردى.

Aگۇرۇپ  جەنۇبىي ئافرىقا   ئېراق   ئىسپانىيە   يېڭى زىللاندىيە
B گۇرۇپ  بىرازىلىيە   ئامېرىكا   ئىتالىيە  مىسىر

  مۇنەۋۋەر مەرگەن: فابىيانو 5توپ (بىرازىلىيە)


2013-يىلى 7-نۆۋەتلىك بىرلەشمە لوڭقىسى 15-ئىيۇندىن 30-ئىيۇنغىچە بىرازىلىيەدە ئۆتكۈزۈلدى. دۇنيا لوڭقىسى ساھىبخانى بىرازىلىيە، دۇنيا لوڭقىسى ۋە ياۋرۇپا لوڭقىسى قوش چىمپىئونى ئىسپانىيە، ئاسىيا لوڭقىسى چىمپىئونى ياپونىيە، ئوتتۇرا شىمالىي ئامېرىكا لوڭقىسى چىمپىئونى مېكىسكا، ئافرىقا لوڭقىسى چىمپىئونى نېگىرىيە، جەنۇبىي ئامېرىكا لوڭقىسى چىمپىئونى ئۇرۇگۋاي، ئوكيانىيە لوڭقىسى چىمپىئونى تاخىتى ۋە  ياۋرۇپا لوڭقىسى كۈمۈش شاھى ئىتالىيە قاتناشتى. بىرازىلىيە كوماندىسى 5قېتىم ھەل قىلغۇچقا كىرىپ 4قېتىم چىمپىئون بولدى شۇنداقلا ئۇدا ئۈچ نۆۋەت چىمپىئون بولۇپ، فىرانسىيەنىڭ رىكورتىنى بۇزدى.

  بۇ نۆۋەتلىك مۇسابىقىدە يەنە ئوكيانىيەنىڭ يېڭى يۇلتۇز چىمپىئون تاخىتى كوماندىسىنڭ تارىختىن بۇيانقى تۇنجى قېتىم خەلقئارالىق مۇسابىقىگە قاتنىشىشى بولۇپ، نوپۇسى ئىككى يۈز مىڭغا يەتمەيدىغان بۇ ئارال دۆلىتى 2012-يىلى كۈچلۈك يېڭى زىللاندىيەنى ئۇتۇپ، ئوكيانىيەنىڭ چىمپىئونلوقىنى قولغا كەلتۈرگەن بولۇپ،  بىر كەسپىي پۇتبولچىدىن باشقا 22 ئىشتىن سىرتقى ماھىرلاردىن تەشكىللىنىپ كەلگەن بۇ كوماندا گەرچە گەرچە گۇرۇپپا مۇسابىقىسىدە 24توپ كەتكۈزگەن بولسىمۇ  لېكىن دۇنيادىكى پۇتبولچىلار ۋە مەستانىلەرنىڭ ھۆرمىتىگە ئېرىشتى.

  نېگىرىيە بىلەن بولغان تۇنجى مەيدان مۇسابىقىدە رونىيدان تېرىئو تاخىتى كوماندىسىنىڭ تۇنجى خەلقئارالىق توپىنى كىرگۈزدى.

ئىسپانىيە بىلەن بولغان مۇسابىقىدە تاخىتى كوماندىسىنىڭ مەشقاۋۇلى ئىيئوتا« بىز پەقەت مۇسابىقىدىن بەھرىلەنسەكلا مەيلى. ئىسپانىيەدەك كوماندا بىلەن ئويناش بىز ئۈچۈن ئۇنتۇلغۇسىز پۇرسەت ۋە شەرەپ  بىز ئىسپانىيە كوماندىسىنى ھۆرمەتلەيمىز ئەمما كىيم ئالماشتۇرۇپ غەلبىنى تەبرىكلەشتەك ھۆرمەتلەش ئۇسۇلنى خالىمايمىز! چۈنكى ھۆرمەتلەش تىرىشچانلىقتىن كېلىدۇ! »دېگەن.

ئاخىرقى مەيدان گۇرۇپپا مۇسابىقىدە مېرىلىل جەنۇبىي ئامېرىكا چىمپىئونى ئۇرۇگۋايلىق ماھىرنىڭ نۇقتا توپىنى توسىۋىلىپ، پۈتكۈل مەيداندىكى مەستانىلەرنىڭ گۈلدىراس ئالقىشىغا ئېرىشتى مۇسابىقىدىن كىيىن،  كوماندا ئەزالىرى قىلچە قايغۇرماستىن ئەكىسچە خۇشاللىققا چۆمۈپ بىرازىلىيەگە رەھمەت ئېيتىپ خوشلاشتى.


Aگۇرۇپ  بىرازىلىيە  ياپونىيە   مېكسىكا    ئىتالىيە
B گۇرۇپ  نېگىرىيە  ئىسپانىيە   تاخىتى       ئۇرۇگۋاي

مۇنەۋۋەر مەرگەن: تولىس 5توپ (ئىسپانىيە)

كاپىتان10

تىما ئىگىسگە رەھمەت ،جاپا چەكتىڭىز

ۋۇلقان

بىرازىليە ھەجەپ تولا قاتنىشپتىكەن دىسە.

ئامەت

1 مىليارت 300 مىليوندىن ئارتۇق نوپوسى بار دۆلەتنىڭ خەلىقئارا مۇسابىقىدىكى ئۇرغان توپى 0، لىكىن 200مىڭ نوپوسى بار تاخىتى دۆلىتىنىڭ ئۇرغان توپى 1، ھەم پۇتبول مەستانلىرىنىڭ ئالقىشىغا ئىرىشكەن، پەرق نىمىدۇ؟

كاپىتان10

ئامەت يوللىغان ۋاقتى  2016-1-6 18:16
1 مىليارت 300 مىليوندىن ئارتۇق نوپوسى بار دۆلەتنىڭ خەلىق ...

پەرق شۇكى قوللاش،تەرەققي قىلدۇرۇش،مۇنتىزىم تەربىيلەش،

ئامەت

كاپىتان10 يوللىغان ۋاقتى  2016-1-6 18:21
پەرق شۇكى قوللاش،تەرەققي قىلدۇرۇش،مۇنتىزىم تەربىيلە ...

دۆلىتىمىزدە نىمە كەمدۇ؟ پۇل دىسە بار، تەربىيەلەش مەكتەپلىرى بار، كەسپى پۇتبولچى دىسە بار. تاخىتى دۆلىتىنىڭ 1 توپچىسىدىن باشقا ھەممىسى ئىشتىن سىرىتقى توپچىلار تۇرۇپ خەلىقئارا مۇسابىقىگە قاتنىشىش پۇرسىتىگە ئىرشىپتۇ، لىكىن دۆلىتىمىزنىڭ ئاھۋالى بىز كۆرگەندەك.
مەن بۇنى دۆلىتىمىزدە ۋىژدانى بىلەن توپ تىپىدىغانلار يوق دەپ قارايمەن.

باتىستۇتا11

ئامەت يوللىغان ۋاقتى  2016-1-6 18:16
1 مىليارت 300 مىليوندىن ئارتۇق نوپوسى بار دۆلەتنىڭ خەلىق ...

پەرىق شۇكى يىقىلىپ چۈشۈپ بەدىنى ئازىراق سۈرلۈپ كەتسە قاننى كۆرۈپ كىيىن ھەرگىزمۇ جېننى تىكىپ ئوينىماسلىق ، يېڭلىشنى چوڭ بىلمەسلىك قاننى چوڭ بىلىش ، يەنە بىر تەرەپ بولسا پۈتۈن ۋۇجۇدى بىلەن مۇسابىقە ئويناپ يىقىلىشتىن ، يارلىنىشتىن قورقىماي  مەغلۇپ بولۇشتىن قورقۇش . ھەممىس دىگەنلىك ئەمەس كۆپىنچىسى شۇنداق  بىخەتەرلىك بىرىنجى مۇسابىقە نەتىجىسى مۇھىم ئەمەس مانا بۇ دۆلتىمىزنىڭ شۇئارى!!!!

ئامەت

باتىستۇتا11 يوللىغان ۋاقتى  2016-1-6 18:36
پەرىق شۇكى يىقىلىپ چۈشۈپ بەدىنى ئازىراق سۈرلۈپ كەتسە  ...

يەنە ۋىژدانى بىلەن توپ تىپىدىغانلار يوق دەپمۇ قارايمەن.

باتىستۇتا11

ئامەت يوللىغان ۋاقتى  2016-1-6 18:38
يەنە ۋىژدانى بىلەن توپ تىپىدىغانلار يوق دەپمۇ قارايم ...

2002-يىلقى دۇنيا لوڭقىستىكى ، 2008 -يىلقى ياۋرۇپا لوڭقىستىكى تۈركىيە دۆلەت كوماندىسى ، 2014-يىلقى دۇنيا لوڭقىسىدىكى ئالجىريە دۆلەت كوماندىسى تېخنىكىسى بىلەن ئەمەس ۋېجدانى بىلەن ئوينىغان كوماندىلار  .

سايرام22

مەنمۇ تاختىنىڭ غەيرىتىگە قول قويغان    پۈتۈن بىر دۆلەت كوماندىسىدا ئاران بىر كەسپى پۇتبولچى تۇرۇپ يەنە ئ‍وكانىيە چىمپىيۇنى بولغىنىغا ھەيران قالدىم

ئامەت

باتىستۇتا11 يوللىغان ۋاقتى  2016-1-6 18:43
2002-يىلقى دۇنيا لوڭقىستىكى ، 2008 -يىلقى ياۋرۇپا لوڭقىست ...

تۇركىيە بۇ نۆۋەتمۇ ۋىژدانى بىلەن توپ ئوينىيامۇ؟ ئۇ ۋاقىتتا كوماندىدا ھىچكىشى چىقىلالمايدىغان خاقاش شۇكۇر بارتى، بۇ قىتىم بۇلارنىڭ ئىتتىپاقلىقنى ئىشقا ئاشۇرۇپ بىر مەخسەتتە كوماندا ئۈچۈن كۈچ چىقىرىشقا سەۋەپ بولدىغان شەخىس كىمدۇ؟ ئاردا تۇرانمۇ؟

orkax1208

ئامەت يوللىغان ۋاقتى  2016-1-6 18:16
1 مىليارت 300 مىليوندىن ئارتۇق نوپوسى بار دۆلەتنىڭ خەلىق ...

ئ‍ەڭ مۇھىمى تۇپچىلاردا ۋەتەنپەرۋەلىك رۇھى كەمچىل، يەنە بىرسى ئ‍ۆزىنى بىغىشلاش رۇھى… تىخىمۇ ئ‍ىچكىرلىسەك بەدەن قۇرۇلمىسىمۇ بار… بۇ ئ‍ىلگىرى cctv-5 تەنتەربىيە قانىلىنىڭ رىياسەتچىلىرىنىڭ دىگەن گەپلىرى ئ‍ىدى… شەخسى مەنپەئەتى ئ‍ۆچۈن توپ تىپىش دىگەندەكمۇ قىلىۋاتاتتى…