قەشقەر بىرلەشمىسى8- ئايلانما مۇسابىقە خەۋىرى

بوۋاي

ئەسسالامۇ ئەلەيكۇم . ھەممىڭلارنىڭ ھازىرقى ۋاقتى خەيرىلىك بولسۇن ، بوۋايدىن ھەممىڭلارغا ئوتلۇق سالام .

شىنجاڭ ئۇيغۇر ئاپتۇنوم رايونلۇق مەدەنىيەت ئېدارىسى ، شىجاڭ پۇتبولچىلار بىرلەشمىسى تەستىقلىغان ،  قەشقەر پۇقرالار دوختۇرخانىسى بىلەن قەشقەر جەسۇر ياش - ئۆسمۈرلەر پۇتبول تەربىيلەش بازىسى باش بولۇپ ئۇيۇشتۇرغان ، قەشقەر بىرلەشمىسى يەنى ‹‹ پوقرالار دوختۇرخانىسى جەسۇر لوڭقىسى ›› نى تالىشىش بىرلەشمە مۇسابىقىسىنىڭ 5-ئايلانمىسى ، 2015-يىلى 12-ئاينىڭ 12-كۈنى ۋە 12-ئاينىڭ 13-كۈنلىرى ، قەشقەر جەسۇر پۇتبول مەيدانىدا ئوينالدى  .
ئالدى بىلەن بۇ قېتىملىق بىرلەشمە مۇسابىقىنى ماددى ۋە مەنىۋى جەھەتتىن قوللىغان ئورۇن شەخىسلەرگە ، ھەپتە ئارلىقىدىكى قىممەتلىك ئارام ۋاقتىنى سەرىپ قىلىپ مۇسابىقە ئۈچۈن ئادىل ھەققەنى پۈشتەك چېلىپ كېلىۋاتقان رېپىرلار گۇرپىسىدىكى بارلىق خادىملارغا چىن دىلىمىزدىن رەھمەت ئېيتىمىز . شۇنداقلا ئەزىزانە قەشقەر دېيارىدىكى بارلىق پۇتبول سۆيەر كىشىلەرنىڭ يېراق دېمەي مۇسابىقە كۆرۈش ۋە مەدەت بېرىش ئۈچۈن كېلىپ بەرگىنىگە چوڭقۇر تەشەككۈر ئېيتىمىز .

يۇقارقى سۈرەتتى ئىككى كىشى سولدىكى قارا كېيىملىك كىشى قەشقەر جەسۇر پۇتبول مەيدانىنىڭ قۇرغۇچىسى ، بارلىقى قەشقەر پۇتبولچىلىقىغا ئاتىغان ، ئەزىزانە قەشقەر دېيارىنىڭ پۇتبولچىلىق ئىشلىرىغا ئۈن -تىنسىز تۆھپە قوشۋاتقان ، بۇ قېتىملىق بىرلەشمە مۇسابىقىنى ئۆتكۈزۈشكە ئالاھىدە كۈچ چىقارغان ، ھەمدە ئۆزىنىڭ پۇتبول مەيدانىنى بۇ قېتىملىق مۇسابىقىدە ھەقسىز ئىشلىتىش ئۈچۈن بەرگەن ئەكبەر مۇئەللىم بولىدۇ .
يەنە بىر بارسىلونانىڭ كېيىمىنى كېيىۋالغان كىشى بولسا ، ئەكبەر مۇئەللىمنىڭ يېقىن دوستى جەسۇر پۇتبول مەيداننى قۇرۇشتا زور تۆھپە قوشقان ۋە يېقىندىن ياردەمدە بولغان پۇتبولخۇمار كىشى ، قەيسەر ئېمىن بولىدۇ .


8- ئايلانما مۇسابىقە بۇ قېتىملىق بىرلەشمە مۇسابىقىنىڭ چوڭلار گۇرپىسىنىڭ ئەڭ ئاخىرقى ئايلانما مۇسابىقسى بولغاچقا ،  بۇ قىتىمقى ئايلانمىدا كۆپ قىسىم كوماندىلار ئىنتايىن كەسكىن مۇسابىقىلەشتى . بولۇپمۇ قەشقەر ھۇررا،  داۋايى غىزا، نۇرلۇق، ئەنتەي ، زەپەر ، مۇھەممەت داۋالاش گوروھى، تالماس قاتارلىق كوماندىلارنىڭ مۇسابىقسى ئىنتايىن كەسكىن ئىلىپ بىرىلىپ ، كەڭ تاماششبنلارنىڭ زور ئالقىشىغا سازاۋەربولدى . ئاخىرىدا مۇھەممەت داۋالاش گوروھى كوماندىسى 22 نۇمۇر بىلەن مۇددەتتىن بۇرۇن قەشقەر بىرلەشمىسى چوڭلار گۇرپىسىنىڭ چىمپىيۇنلۇقنى قولغا كەلتۈردى .

ئالدى بىلەن بۇ قېتىملىق بىرلەشمە مۇسابىقىنىڭ چوڭلار گۇرپىسىنىڭ چېمپىيونلىقىنى قولغا كەلتۈرگەن قەشقەر مۇھەممەت داۋالاش گوروھى چىن دىلىمىزدىن تەبرىكلەيمز موبارەك بولسۇن .
قەشقەر مۇھەممەت داۋالاش گوروھى(MHD) خۇسۇسىي ئىگلىكتىكى مۇستەقىل مەبلەغ سىلىنغان خۇسۇسىي كارخانا بولۇپ ، 1993- يىلى ئامبۇلاتۇرىيە شەكلىدە داۋالاش ساھەسىگە كىرگەن ، 20 نەچچە يىلدىن بىرى بىر ئەۋلات مېھرى-شەپقەتلىكلەرنىڭ جاپالىق كۆرۈش قىلىش نەتىجىسىدە داۋالاش، ساقلىقنى ساقلاش، تىببىي تەتقىقات، داۋالاش ئۈسكۈنىلىرىنى ئىشلەپچىقىرىشنى بىر گەۋدە قىلغان چوڭ تىپتىكى داۋالاش گوروھىغا ئايلانغان . گوروھ تارمىقىدا قەشقەر مېھرى-شەپقەت باش دوختۇرخانىسى (ئىككىنجى دەرىجىلىك ئۇنۋىرسال دوختۇرخانا)، قەشقەر مېھرى-شەپقەت 1- تارماق دوختۇرخانىسى( بىرىنجى دەرىجىلىك ئۇنۋىرسال دوختۇرخانا) ئاقتۇ مېھرى- شەپقەت دوختۇرخانىسى  ۋە نۇرسىمان داۋالاش ئۈسكۈنىلىرى چەكلىك مەسئۇلىيەت شىركىتى قاتارلىق 4 تارماق كارخانىسى ، بىر يۇقىرى يىڭى تېببىي تىخنىكا تەتقىقات ئورنى بار.
ھاياتلىقنىڭ سىرى ئۈستىدە ئىزدىنىش ——  مۇھەممەد داۋالاش گوروھىنىڭ مۇقەددەس بۇرچىدۇر !
مۇھەممەت داۋالاش گوروھى كوماندىسىنىڭ ماھىرلىرى قەشقەر جەسۇر پۇتبول مايسىللىرىنى يېتىشتۈرۈش بازىسىنىڭ غوللۇق ماھىرلىرى بولۇپ شەخسى تېخنىكىسىمۇ ئالاھىدە يۇقىرى ، بۇ قېتملىق مۇسابىقىدە تاماششىبىنلارمۇ بۇ ماھىرلارغا يۇقىرى باھالارنى ۋە ئالقىش سادالىرىنى ياڭلارتتى .


12- ئاينىڭ 12- كۈنى ( شەنبە ) كۈنىدىكى مۇسابىقىلەر .

2- دوختۇرخانا كوماندىسى 3-2 ئېبىن سېنا كوماندىسى .
ئەنسار كوماندىسى 1-4 زەپەر كوماندىسى .
MHD داۋالاش كوماندىسى 0-0 تالماس ( چوڭلار )كوماندىسى .
داغدام  كوماندىسى  5-6  تالماس كوماندىسى .
سەبەھ  كوماندىسى  10-4  ئۈمىد كوماندىسى .
شەجەر كوماندىسى 2-3  ئەلنۇرى كوماندىسى .


12- ئاينىڭ 13- كۈنى ( يەكشەنبە ) كۈنىدىكى مۇسابىقىلەر :

ئەزىز تەن..ئۈمىد كوماندىسى 3-0 ئەلدىيىك كوماندىسى .
ھەسەن -ھۈسەن كوماندىسى 4-2 چېمپىيون كوماندىسى .
老男孩儿  كوماندىسى 0-5   تەيئەيتەي كوماندىسى .
نۇرلۇق كوماندىسى  7-2  كونا شەھەر ئەنتەي كوماندىسى  .
داۋايى غىزا  كوماندىسى 4-5 قەشقەر ھۇررا  كوماندىسى .
203-قىسىم كوماندىسى 2-2  风雨 كوماندىسى .

8- ئايلانمىدىكى نادىر سۈرەتلەر :

يۇلغۇن

بەك يۇقۇرى سەۋيەدە بولغان ئوخشىمامدۇ بۇ بىرلەشمە

مەشھەر

قەشقەرگە شۇنچە يېقىن تۇرۇپمۇ بېرېشقا ئىمكانىيەت بولماتىدۇ دىسە

كۆسەنى

ھەجەپ تىزلا ئ‍اخىرلىشىپتىمۇ نىمە ؟

بوۋاي

كۆسەنى يوللىغان ۋاقتى  2015-12-15 19:33
ھەجەپ تىزلا ئ‍اخىرلىشىپتىمۇ نىمە ؟

چوڭلار گۇرپىسىنىڭ ئاخىرلىشىپتۇ ..ياشلار گۇپىسىنىڭ ئەمدى ئەۋجىگە چىققىلى تۇردى ...

خانزاد1

شۇنچە يىراقتا تۇرۇپ ، قەشقەر بىرلەشمىسى ئۈچۈن ،كومپىيوتىر ئالدىدا ئۈن تىنسىز جاپا چىكۋاتقان بوۋاي يەنە مۇنبىرمىز ئالى باشقۇرغۇچىسى مۇدىر ۋىراچ تۇرسۇنجان دوختۇرغىمۇ قۇرۇق بولسىمۇ كومپىيوتىر ئىكرانىدا رەھمىتىمىزنى بىلدۈرىمىز

قەشقەرگە كەلگەندە ئايرىن گۆش بىلىسغان پۈتۈن پولودىن ئىككىسى بىلەن مىھمان قىلىمىز.
ئەگەر دوختۇرلارغا گۆش پولو زىيان قىلىدۇ دەپ قالسا ، ھوشۇر ئاخۇن ئۇستامنىڭ 3ئەۋلات ئاتا مىراس تونۇر كاۋاپخانىسىدا 5 زىق تونۇر كاۋىپى بىلەن مىھمان قىلىمەن.

تىما يىزىپ باقمىغان بالىلار بىلمەيدۇ ، مۇشۇنچىلىك تىمىنى پۈتتۈرۈش ئۈچۈنمۇ ئالاھەزەل كەم دىگەندە يىرىم سائەت ۋاقىت كىتىدۇ. تىمىنى يورۇتۇپ كۆرۈنىدىغان قىلىپ قويساق دىگەن ئۈمۈدتە مەن.

ORTON8

جەسۇر پۇتبول كۇلۇبى  قەشقەنىڭ قەيەدىرەك ؟

كارۋان10

ھۇرا يامانچىكتىپتغۇ.داۋايىغىزانى يىڭۋاغاندىنكىئىن.

خانزاد1

ORTON8 يوللىغان ۋاقتى  2015-12-15 20:27
جەسۇر پۇتبول كۇلۇبى  قەشقەنىڭ قەيەدىرەك ؟

قەشقەر كىرەمباغ دوختۇرخانىنىڭ يان تەرپىگە توغرا كىلىدۇ.

ORTON8

ئالمىلىق باغنىڭ تۇيدىكى      ؟

سەۋدايى

ناھايىتى كەسكىن ئېلىپ بېرىلىۋېتىپتۇ بۇ مۇسابىقىلەر ..  خانجاي شاللانغان ئوخشىمامدۇ يوققۇ ھېچ ..

كۆسەنى

بوۋاي يوللىغان ۋاقتى  2015-12-15 16:34
چوڭلار گۇرپىسىنىڭ ئاخىرلىشىپتۇ ..ياشلار گۇپىسىنىڭ ئە ...

چىققىلى تۇردى دىسىلە ھې ھې