دۇنيا لوڭقىسى 2015- يىللىق جەنۇبى ئامىرىكا سالاھىيەت مۇسابىقىسى

فارابى

       ئەسسالامۇ ئەلەيكۇم ئەزىزلەر، ھەممىڭلارغا كەمىنە فارابىدىن ئوتلۇق سالام.
       دۇنيا لوڭقسى توغرىسىدا بەك توختىلىپ كەتمىسەممۇ، مۇنبەردىكى قېرىنداشلار دۇنيا لوڭقىسى توغرىسىدا مەندىن كۆپ بىلىمگە ئىگە دەپ قارايمەن.
     خەلقئارا پۇتبولچىلار بىرلەشمىسىنىڭ بەلگىلىمىسىدە، دۇنيا لوڭقىسىنى تالىشش پۇتبول مۇسابىقىسىگە پەقەت 32 دۆلەت ۋە رايۇن كوماندىسى قاتنىشىدۇ دەپ بەلگىلەنگەن. لىكىن دۇنيادا 200دىن ئارتۇق دۆلەت ۋە رايۇن بار. ئۇنداقتا، بۇ 32 كوماندا قانداق تاللىنىپ چىقىدۇ؟ بۇنىڭغا نىسپەتەن خەلقئارا پۇتبولچىلار بىرلەشمىسىنىڭ ھەرقايسى قىتئەلەرگە بېرىلىدىغان ئىنىق سان بەلگىلىمىسى بار.
     2018-يىلى روسىيىدە ئۆتكۈزىلىدىغان دۇنيا لوڭقسىنى مىسالغا ئالساق، بېرىلگەن سان تۆۋەندىكىچە: ساھىبخان روسىيە بىر سان؛ ياۋرۇپاغا 13 سان؛ ئافىرىقا بەش سان؛ ئاسىيا 4.5 سان؛ ئوكئانىيە 0.5 سان؛ شىمالى ئامىرىكا كارىپ دېڭىزى رايۇنى 3.5 سان؛ جەنۇبى ئامىرىكا 4.5 سان؛ دىگەندەك.
    بۇيىلدىن باشلاپ 2018-يىلى روسىيىدە ئۆتكۈزىلىدىغان دۇنيا لوڭقىسىنى تالىشش پۇتبول مۇسابىقىسىنىڭ سالاھىيەت مۇسابىقىسى باشلاندى. بولۇپمۇ ئاسىيا ۋە جەنۇبى ئامىرىكا رايۇننىڭ مۇنبەرداشلارنى بەكرەك ئۆزىگە جەلىپ قىلىدۇ.
     يېقىندىن بۇيان مۇنبەردىكى بىر قىسىم قېرىنداشلار جەنۇبى ئامىرىكا سالاھىيە مۇسابىقىسى قانداق بولۇپ كەتتى؟ ئارگىنتىنا شاللىنىپ كەتتىمۇ؟ دىگەندەك سۇئاللار بىر قىسىم ئىنكاسلاردا كۆرۈلدى. مۇنبەردىكىلەرنى ۋاقىپلاندۇرۇش يۈزىسىدىن ئۇشبۇ تىمىنى كۆپچىلىكنىڭ ھوزۇرىغا سۇنماقچى.

     2018-يىلى روسىيىدە ئۆتكۈزىلىدىغان دۇنيا لوڭقىسىنى تالىشش پۇتبول مۇسابىقىسىگە قاتنىشش ئۈچۈن جەنۇبى ئامىرىكا رايۇنىغا بېرىلگەن سان 4.5؛ بۇ 4.5 ساننى تالىشش ئۈچۈن سالاھىيەت مۇسابىقىسىگە قاتنىشىدىغان دۆلەت جەمئىي 10. بۇلار: بىرازىلىيە، ئارگىنتىنا، كولۇمبىيە، ئۇراگۋاي، پاراگۋاي، چىلى، ئىكۋاتور، ۋىنسۇئىلا، بولۋىيە، پىرۇ قاتارلىقلار. بۇ 10 دۆلەت كوماندىسى جەمئىي 90 مەيدان مۇسابىقە ئوينايدۇ. ئەڭ ئاخىرىدا ئالدىنقى تۆتنىڭ ئىچىگە كىرگەن كوماندا بىۋاستە دۇنيا لوڭقىسىنى تالىشش پۇتبول مۇسابىقىسىگە قاتنىشش شەرىپىگە ئېرشىدۇ. بەشىنچى بولغان كوماندا يېرىم بىلەتكە ئېرشىپ، ئوكئانىيە رايونىدىن چىققان كوماندا بىلەن ئاخىرىقى بىر بىلەتنى تالىشىدۇ.
    2018-يىلى روسىيىدە ئۆتكۈزىلىدىغان دۇنيا لوڭقىسىنى تالىشش پۇتبول مۇسابىقىسى جەنۇبى ئامىرىكا سالاھىيەت مۇسابىقىسى 2015-يىلى 10-ئاينىڭ 9-كۈنى باشلانغان بولۇپ، ھازىرىغا قەدەر 20 مەيدان مۇسابىقە ئوينىلىپ بولدى. قالغان 70 مەيدان مۇسابىقە 2016- يىلى ۋە 2017-يىلى ئوينىلىپ، ئەڭ ئاخىرىقى سالاھىيەت مۇسابىقىسى 2017-يىلى 10 ئاينىڭ 11-كۈنى ئاخىرلىشىدۇ.
    تۆۋەندە دېققىتىڭلار 2018-يىلى روسىيىدە ئۆتكۈزىلىدىغان دۇنيا لوڭقىسىنى تالىشش پۇتبول مۇسابىقىسى جەنۇبى ئامىرىكا سالاھىيەت مۇسابىقىسى 2015-يىلى ئوينالغان 20 مەيدان مۇسابىقىسىنىڭ تۈرلۈك خۇلاسىلىرىدا بولسۇن.
    مۇسابىقە ئەھۋالى

    ھازىرىقى رەت تەرتىپى

   باشقا سانلىق مەلۇماتلار

ئارسېنال

ئارگېنتىنادا چولپانلار شۇنچە جىق تۇرۇپ ھۇجۇم كۈچى ئاجىز بوپ قالغىنى قىزىق؟ئادەم جىق يەردە ئېشەك ھارام بوپتۇ دىگەن شۇدە.

جۈمە

ناھايىتى ياخشى ئىشلەپسىز جەدىۋەللەرنى، ئەجىرلىك تېما بولۇپتۇ.

ئۇستا

ماڭا ئاتاپ يازغاندەكلا يېزىپسىز بۇ تېمىنى...........


ئارگېنتىنادا تېخى ئۈمىد باركەن

بىلگىيار

پامپاسلىدا ئۈمىد چوڭ  بۇدۇقى رەقىپلىرى بىر قەدەر ئاجىز

putbol2016

ئارگىنتىنا دا  تىخى ئۈمىد  باركەن

ئۇزغۇن.

جەدىۋەل بەك چىرايلىق ئىشلىنىپتۇ بۇ مۇسابىقىدە ئارگېنتىنا ھەجەپ چاتاق دېسە

ئوغۇزخان

ھاجېم  .  پۇت ساقايغان ئوخشىمامدا

تۇرانى

توقسسسسسسسسسسسان مەيدانمۇ توققۇز مەيدانمۇ ؟؟؟؟؟

سەۋدا

بىر كوماندا 9مەيدان، ھەر بىر ئايلانما بەش مەيدان مۇسابىقە، جەمئىي توققۇز ئايلانما، شۇنداق بۇلغاندا جەمئىي 45مەيدان مۇسابىقە بۇلىدۇ.

ئالىمجان

ئارگىنتىنادا ئۇمۇد باركەن ، 2018- يىلى چىمپىيون بولىشىنى ئۇمۇد قىلمەن.