ياۋرۇپا لوڭقىسىغا قاتنىشىدىغان مۇنەۋۋەر سەپ شەكلى

تۈركىيە

كېلەر يىلى فىرانسىيەدە ئۆتكۈزىلىدىغان ياۋرۇپا لوڭقىسىغا قاتنىشىدىغان 24 كوماندا بارلىققا كېلىپ بولغاندىن كېيىن، ياۋرۇپا لوڭقىسىغا تېخىمۇ ئاز ۋاقىت قالغانلىقىنى كۆرۈۋالغىنى بولىدۇ. ئاخبارات ۋاستىلىرى بۇ نۆۋەتلىك ياۋرۇپا لوڭقىسىغا قاتنىشىدىغان چولپانلاردىن ئەڭ مۇنەۋۋەر سەپ شەكلىنى تاللاپ چىققان بولۇپ، بىزمۇ بۇ سەپ شەكلىنى كۆرۈپ باقايلى.


نويېر، گېرمانىيەلىك بۇ قاپچىقى ھازىرقى ئەڭ قالتىس قاپچىقىنىڭ بىرسى بولۇپ، ئۆتكەن يىللىق دۇنيا لوڭقىسىدا گېرمانىيە كوماندىسى بىلەن دۇنيا لوڭقىسى چېمپىيونلىقىغا ئېرىشكەن، شۇڭا نويېر بۇ سەپ شەكلىگە تاللانغان.


ئاندېرۋېلد: بىلگىيەلىك بۇ مۇداپىيەچى توتتىنھام كوماندىسىنىڭ ئوتتۇرا مۇداپىيەچىسى ھازىرقى پۇتبول دۇنياسىدىكى ئەڭ مۇنەۋۋەر ئوتتۇرا مۇداپىيەچىلەرنىڭ بىرسى، بۇ مۇداپىيەچى دۆلەت كوماندىسىدا ئوڭ مۇداپىيە ئورنىنى ئوينايدۇ، شۇنداقلا ئوڭ مۇداپىيەنىڭ ھۆددىسىدىنمۇ چىقالايدۇ، شۇڭا بۇ توپچىمۇ بۇ سەپ شەكلىگە تاللانغان.


كومپانى: بىلگىيەلىك بۇ مۇداپىيەچىنىڭ سۈرئىتى تىز، مۇداپىيەچىسى قاتتىق، ئۇنىڭدىن سىرت بوشلۇقتىكى توپلارنى بىر تەرەپ قىلىش ئىقتىدارىمۇ يۇقىرى، شۇڭا كومپانىمۇ بۇ سەپ شەكلىگە تاللانغان.


چېللىنى: ئىتالىيەلىك بۇ توپچى بىلەن ئوخشاش ئورۇندا ئوينايدىغان مۇنەۋۋەر توپچىلاردىن پىك بىلەن بوئاتېڭمۇ بار، بىراق بۇ توپچىنىڭ مۇداپىيەدىكى ئىپادىسى تۇراقلىق بولغاچقا، ئىتالىيەلىك بۇ توپچىمۇ بۇ سەپ شەكلىگە تاللانغان.


ئالبا: ئىسپانىيەلىك بۇ توپچىنىڭ سۈرئىتى تىز بولۇپلا قالماستىن مۇداپىيەگە ئاكتىپ قاتنىشىدۇ، شۇنداقلا تىز سۈرئەتتە ئورنىغا قايتىپ مۇداپىيەگە قاتنىشىدۇ، شۇڭا ئۇمۇ بۇ سەپ شەكلىگە تاللانغان.


پوگبا: فىرانسىيەلىك بۇ توپچى دۇنيادىكى ئەڭ مۇنەۋۋەر ئوتتۇرا مەيدان توپچىلىرىنىڭ بىرى، بۇ توپچى ھۇجۇم ھەم مۇداپىيەگە ئاكتىپ قاتنىشىدۇ، شۇڭا بۇ توپچىمۇ بۇ سەپ شەكلىگە تاللانغان.


بۇسكىس: ئىسپانىيەلىك بۇ توپچى ئىلگىرى نۇرغۇن كىشىلەرنىڭ تەنقىد قىلىشىغا ئۇچىرىغان بولسىمۇ، يىقىندىن بۇيانقى ئىپادىسى نۇرغۇن ئادەملەرنى قايىل قىلغان، بۇنىڭدىن سىرت ئۇنىڭ ئورۇن ئېلىشىمۇ ياخشى، شۇڭا بۇسكىسمۇ بۇ سەپ شەكلىگە تاللانغان.


بېل: ۋېلىشلىق بۇ توپچى تۇغما پۇتبول ئىقتىدارىغا ئىگە، ئەگەر ئۇنى يۈگۈرۈشكە سالسا ھارماي بىر كۈن يۈگۈرىيەلەيدۇ، شۇنداقلا ۋېلىش كوماندىسىنىڭ قەھرىمانى، شۇڭا بېلمۇ بۇ سەپ شەكلىگە تاللانغان.


توماس موللېر: گېرمانىيەلىك بۇ توپچىنىڭ دۆلەت كوماندىسىدىكى توپ كىرگۈزۈش ئۈنىمىدىن ئۇنىڭ قانچىلىك قالتىس ئىكەنلىكىنى كۆرۈۋالغىنى بولىدۇ، ئۇنىڭدىن باشقا مۇسابىقىدە ئاسانلىقچە توپتىن ۋاز كەچمەيدۇ، شۇنداقلا ئورۇن ئېلىشى ناھايىتى ياخشى. موللېرنىڭ ھازىرقى ئىپادىسى ئۇنىڭ بۇ سەپ شەكلىگە كىرىشىگە تولۇق ماس كېلىدۇ.


لەيۋەندوۋىسكى: پولشالىق بۇ توپچى ھەر تەرەپتىن تولۇق يېتىلگەن، ئۇنىڭدىن باشقا دۆلەت كوماندىسى ۋە بايرىندىكى توپ كىرگۈزۈش ئۈنىمىمۇ ناھايىتى يۇقىرى، شۇڭا ئۇمۇ بۇ سەپ شەكلىگە تاللانغان.


كىرىستىيانو رونالدو: پورتۇگالىيەلىك بۇ چولپاننىڭ ئىپادىسىگە گەپ كەتمەيدۇ. رونالدونىڭ نەچچە يىلدىن بىرى ئىپادىسى تۇراقلىق بولۇپ كېلىۋاتىدۇ، شۇنداقلا دۆلەت كوماندىسىنىڭ ئەڭ ئاساسلىق توپچىسى، شۇڭا رونالدومۇ بۇ سەپ شەكلىگە تاللانغان.

سايرام22

قالتىس سەپ شەكىلىكە زاپاسلىرغا كىمنى تىزغاندۇ

adil

ئىنىم ئالبانى ئاكتىپ مۇداپىيىگە قاتنىشىدۇ، يەنە تىزلا ئورنىغا قايتىدۇ دەپ يېزىپ قويۇپسەن، تەھرىرلەپ قوي، ئاكتىپ ھۇجۇمغا قاتنىشىدىغان بالا بۇ .

جامىس

سەپ شەكلىدە سويوققۇ ، ئ‍وتتۇرا مەيداندا جامىس بۇپ كەتكەن بولسىزە ھا ھا ھا

_CHAMPIONS_

جامىس يوللىغان ۋاقتى  2015-11-24 14:44
سەپ شەكلىدە سويوققۇ ، ئ‍وتتۇرا مەيداندا جامىس بۇپ كەتك ...

جامىس قانداق بۇلۇپ بۇ سەپ شەكلىگە كىرەلىسۇن،.

PiReZiDent

جامىس يوللىغان ۋاقتى  2015-11-24 14:44
سەپ شەكلىدە سويوققۇ ، ئ‍وتتۇرا مەيداندا جامىس بۇپ كەتك ...

جامىس  يا  ياۋروپا  لوڭقىسىقا  قاتناشمىسا  ئۇ جەنۇبىي ئامرىكىلىق  تۇسا

جانۇزاي

مۇشۇ ئ‍اردىۋىلىردىغا ئ‍ارسىنال ئ‍ەينى چاغدا بىر كۈچەپ باقمىدى

_CHAMPIONS_

پوقبانى بارسىلونا سېتىۋالسا ياخشى بۇلاتتى

قاسساپ

بېلنىڭ   كىرگىنىگە   ھەيرانمەن  ……    تاللاش  مۇسابىقىلىرىدە  توپ  كىرگۈزگەن   بىلەن  ،  كۈچلۈك   كوماندىلارغا   دۇچ  كەلگەندە    يوقاپ  كىتەمدىكى  دەيمەن  ……    ئىۋۇ   لېۋانتوۋىسكىمۇ   شۇ  ……

orkax1208

مۇشۇ سەپ شەكلى بىلەن بىر كولۇپ قۇرغىلى بولسا، …ئ‍ىسىت دەپلا قالغىدەككە ئ‍ەمەسمۇ…

يۇرتۇم7

بىلنى ناھايتى قىززىق سۈپەتلەپسىلە ھۇ ھا ھا ھا ھا ھا ھا ھا ھا ھا ھا