| ئومۇمى يازمىسى: |
ھوقۇق چېكى: 1 |
| جۇغلانمىسى: 1982 |
تۆھپىسى: سەر |
|
بۇ يازمىنى ئاخىرىدا isyanqi تەھرىرلىگەن. ۋاقتى 2015-11-18 18:31
2018-يىللىق دۇنيا لوڭقىسى ئالدىن تاللاش مۇسابىقىسىنىڭ بىر قانچە مەيدان مۇسابىقىسى بۈگۈن ئەتىگەن ئېلىپ بېرىلغان بولۇپ، تەپسىلاتى تۆۋەندىكىچە:
كولۇمبىيە 0 — 1 ئارگىنتىنا
شىنجاڭ ۋاقتى بۈگۈن سەھەر سائەت 02:30 دا ئېلىپ بېرىلغان جەنۇبى ئامىرىكا قىتئەسى رايونى دۇنيا لوڭقىسى ئالدىن تاللاش مۇسابىقىسىنىڭ بىر مەيدان مۇسابىقىسىدە كولۇمبىيە دۆلەت كوماندىسى ساھىبخان بولۇپ ئارگىنتىنا دۆلەت كوماندىسىنى كۈتىۋالدى. ئالدىنقى مەيدان مۇسابىقىنىڭ 20-مىنۇتدا ئارگىنتىنا كوماندىسىدىن بىگلىيا بىر توپ ئۇردى. كىيىنكى مەيدان مۇسابىقىدە ھەر ئىككى تەرەپ توپ ئۇرالماي ئەڭ ئاخىرىدا ئارگىنتىنا مېھمان مەيداندا 0—1 نەتىجە بىلەن غەلبە قىلدى.
بىرازىلىيە 3 — 0 پېرۇ
شىنجاڭ ۋاقتى بۈگۈن سەھەر سائەت 06:00 دا ئېلىپ بېرىلغان جەنۇبى ئامىرىكا قىتئەسى رايونى دۇنيا لوڭقىسى ئالدىن تاللاش مۇسابىقىسىنىڭ يەنە بىر مەيدان مۇسابىقىسىدە بىرازىلىيە دۆلەت كوماندىسى ساھىبخان بولۇپ پېرۇ دۆلەت كوماندىسىنى كۈتىۋالدى. ئالدىنقى مەيدان مۇسابىقىنىڭ 22 مىنۇت بولغاندا ۋېليەننىڭ پاس چىقىرىش بىلەن دوگىلاس كوستا بىر توپ ئۇردى. كىيىنكى مەيدان مۇسابىقىدە 58 مىنۇت بولغاندا دوگلاس كوستانىڭ پاس چىقىرىشى بىلەن ئاگۇستو بىر توپ ئۇردى. بۇ ئۇنىڭ بىرازىلىيە دۆلەت كوماندىسىدىكى تۇنجى توپى بولۇپ قالدى. 77 مىنۇت بولغاندا دوگلاس كوستا يەنە بىر توپ ئۇرۇپ بىرازىلىيە كوماندىسى 3—0 نەتىجە بىلەن غەلبە قىلدى.
ئۇراگىۋاي 3 — 0 چىلى
شىنجاڭ ۋاقتى بۈگۈن سەھەردە ئېلىپ بېرىلغان جەنۇبى ئامىرىكا قىتئەسى رايونى دۇنيا لوڭقىسى ئالدىن تاللاش مۇسابىقىسىنىڭ بىر مەيدان مۇسابىقىسىدە ئۇراگىۋاي دۆلەت كوماندىسى ساھىبخان بولۇپ چىلى دۆلەت كوماندىسىنى كۈتىۋالدى. گۇدىن، پېرېيرا ۋە كاسېرىسلارنىڭ بىردىن توپ ئۇرۇشى بىلەن ئۇراگىۋاي كوماندىسى ئالدىنقى يىللىق جەنۇبىي ئامىرىكا چېمپىيۇنى چىلى كوماندىسىنى مەغلۇپ قىلدى.
ئاۋىستىرالىيە 4 — 0 بېنگال
2018-يىللىق دۇنيا لوڭقىسى ئاسىيا رايونى ئالدىن تاللاش مۇسابىقىسىنىڭ بىر مەيدان مۇسابىقىسىدە ئاۋىستىرالىيە دۆلەت كوماندىسى بىلەن بېنگال كوماندىسى مۇسابىقىلەشتى. مۇسابىقە باشلىنىپ 6 مىنۇت بولغاندا ئاۋىستىرالىيە كوماندىسىدىن كاھىل بىر توپ ئۇردى. 32 ۋە 37 مىنۇت بولغاندا كاھىل يەنە ئىككى توپ ئۇرۇپ قالپاق ئويۇنى ئوينىدى. 43 مىنۇت بولغاندا جېدناك بىر توپ ئۇردى. كىيىنكى مەيدان مۇسابىقىدە ھەر ئىككى تەرەپ توپ ئۇرالماي مۇسابىقە ئاۋىستىرالىيەنىڭ غەلبىسى بىلەن ئاياقلاشتى.
جۇڭگو شىياڭگاڭ 0 — 0 جۇڭگو
شىنجاڭ ۋاقتى 17-چىسلا كەچ سائەت 18:00 دە ئېلىپ بېرىلغان 2018-يىللىق دۇنيا لوڭقىسى ئاسىيا رايونى ئالدىن تاللاش مۇسابىقىسىنىڭ بىر مەيدان قىززىق نوقتىلىق مۇسابىقىسىدە دۆلىتىمىز شىياڭگاڭ كوماندىسى بىلەن دۆلىتىمىز كوماندىسى ئوتتۇرسىدا ئېلىپ بېرىلدى. بۇ مەيدان مۇسابىقىدە دۆلىتىمىز كوماندىسى قاتتىق تىرىشىپ، كۈچەپ ئوينىغان بولسىمۇ تەلەي كەلمەي، كىرگەن توپمۇ ھېساب قىلىنماي ئىككى تەرەپنىڭ تەڭلىشىپ قېلىشى بىلەن مۇسابىقە ئاياقلاشتى. دۆلىتىمىز كوماندىسى گورۇپپىدا داۋاملىق 3-ئۇرۇندا تۇردى.
قاتار 3 — بوتان
شىنجاڭ ۋاقتى بۈگۈن سەھەردە ئېلىپ بېرىلغان 2018-يىللىق دۇنيا لوڭقىسى ئاسىيا رايونى ئالدىن تاللاش مۇسابىقىسىدە قاتار كوماندىسى بىلەن بوتان كوماندىسى مۇسابقىلەشتى. نەتىجىدە قاتار كوماندىسى 3 توپ ئۇرۇپ غەلبە قىلدى ھەم 6 مەيدان مۇسابىقىنىڭ ھەممىسىدە تولۇق غەلبە قىلىپ گۇرۇپپىدىن بىرىنچى بولۇپ چىقتى.
ياپونىيە 2 — 0 كامبودژا
ياپونىيە كوماندىسى بىلەن كامبودژا كوماندىسى ئوتتۇرسىدىكى مۇسابىقىدە ئالدىنقى مەيداندا ھەر ئىككى تەرەپ توپ ئۇرالمىدى. كىيىنكى مەيدان مۇسابىقىنىڭ 51 مىنۇت بولغاندا كامبودژا كوماندىسى ئۆزىگە بىر خائىن توپ ئۇردى. 91 مىنۇت بولغاندا خوندا بىر توپ ئۇرۇپ ياپونىيە كوماندىسى غەلبە قىلدى.
كورىيە 5 — 0 لائوس
كورىيە كوماندىسىدىن سۈن شىڭمىن 2 توپ ئۇردى. ئومۇمىي نەتىجىدە كورىيە كومانىدىسى 5 توپ ئۇرۇپ قارشى تەرەپنى قىرغىن قىلدى.
ئەرەب بىرلەشمە خەلىپىلىكى 2 —1 مالايسىيا
ئەرەب بىرلەشمە خەلىپىلىكىدىن ئۆمەر دۇنياۋى بىر توپ ئۇردى. مالايسىيا بىر توپ قايتۇرۋالدى.
|
|
ئاندرويىدتا يېزىلغان
ۋاقتى: 2015-11-18 18:31:05
تېما كۆتۈرۈش
تېما چوققىلاش
تېما تاقاش
变色卡
ئىگىسى
