لاتارىيە ھەۋەسكارلىرىغا تەكلىپ!

بوغدا

     ئۇيغۇر پۇتبول مۇنبىرى ھەممىمىزنىڭ ئىللىق ماكانى، ھەممىمىزنىڭ مۇنبىرى، بىزنىڭ مەنىۋى ئۇزۇق بۈشۈكىمىز!

    كەمىنىنىڭ لاتارىيە ئۇقۇمى باشلانغۇچ سەۋىيەدە بولسىمۇ، ئاز تۇلا قەلەم تەۋرىتىپ باقتىم. مۇنبەرداشلارغا پايدىسى تىگىپ قالسا ئەجەپ ئەمەس.

    ھەممىمىزگە مەلۇم، مۇنبەر لاتارىيەخانىسى بىزنىڭ كوماندىلارغا بولغان چۈشەنچىمىزنى ( ھازىرقى، يېقىنقى ئەھۋالى، جەڭ تاكتىكىسىنى، تارىخى ئۇچرىشى، ئۆچ-ئاداۋەت، يادرولۇق ئەزالار،  يارىدارلار سېپى، مەشقاۋۇل، ساھىپخان، مىھمان مەيدان قاتارلىق نۇرغۇنلىغان مۇناسىۋەتلىك ئۇچۇرلار )، مۇسابىقىنىڭ خارەكتىرى، مۇھىملىق دەرىجىسى قاتارلىق نۇرغۇنلىغان ئۇچۇرلارنى چوڭقۇرلاشتۇرۇپ، بىزنىڭ قىسمەن ھىسسى سىزىمىمىزنى ئارلاشتۇرغان ئاساستا بىزنىڭ مىڭىمىزدە ھۆكۈم قىلىش دەرىجىسىگە كۆتۈرلىش جەريانىدۇر. ئىشىنىمىزكى بىز مۇسابىقىدە تىككەن كوماندا ئۇتۇپ غەلبە قازانسا بىز قەۋەتلا خۇشال بۇلىمىز. ئەمەلىيەتتە بىز لاتارىيە سېتىۋالغان كوماندا يۇقىردا تىلغا ئېلىنغان ئۇقۇملاردىن باشقا يەنە تاشقى مۇھىتنىڭ تەسىرىگە، تەلەي ئامىلىغىمۇ زور دەرىجىدە مۇناسىۋەتلىك بولسىمۇ بىزنىڭ چىرايىمىزدا غەلبە جىلۋىسى ئەكىس ئىتىدۇ.

   لاتارىيە سېتىۋالغۇچىلارغا بولغان تەكلىپ:
1. زىيادە مۇتلەقلەشتۈرۈشتىن ساقلىنىش لازىم. دۇنيادا مەڭگۈلۈك 1-نۇمۇر بولمايدۇ. بۇنى ئىسىڭىزدە چىڭ ساقلاڭ. ئاجىز كوماندا كۈچلۈك كوماندىنى ئۇتىدىغان ئىشلار ساماندا بىر.
2. ھىسسى تۇيغۇدىن ئامال بار ئۈزىڭىزنى تارتىڭ. ئادەم جانلىق بۇلۇش سۈپىتى بىلەن ھىسياتتىن ئايرىلالمايدۇ. بىراق زىيادە ھىسسى سىزىمغا تايىنىش دەل خاتالىقنىڭ باشلىنىشى بۇلۇپ قېلىشى مۇمكىن.
3. قارا قۇيۇق بارلىق لاتارىيەگە قاتنىشىشتىن ساقلىنىش كىرەك. سىزدە بەلگىلىك دەرىجىدە چۈشەنچە بولمىسا، مۇسابىقە ئەھۋالىغا، نەتىجىسىگە بولغان ئەقلى تەپەككۇر ئارقىلىق چىقىرىلغان دەسلەپكى ئۇقۇم بولمىسا، يەنى كوماندىنى چۈشەنمىسىڭىز سېتىۋالمايلا قۇيۇڭ.
4. سوممىسىنى مۇۋاپىق بىكىتىش كىرەك. بار مەغلەغنى غالتەككە چىقىرىش ئاقىلانە تاللاش ئەمەس. مەيلى قانداقلا بولمىسۇن چىقىش ئىشىكى قالدۇرۇڭ. چىكىنىشكە ئۇرۇن قالدۇرۇڭ.
5. باشقىلارغا قارا-قۇيۇق ئەگىشىشتىن ساقلىنىش كىرەك. ھەر كىمنىڭ كۆز قارىشى ئوخشاش ئەمەس. كوماندىغان بولغان چۈشىنىشى ئوخشاش ئەمەس. ئەلۋەتتە ئاتالمىش تاساددىبى نەتىجىلەر پۇتبول مەيدانىدىكى دائىملىق تەبىئەت ھادىسىسىدىن ئىبارەت. باشقىلار تەڭلىشىشىگە تىكسە سىزمۇ تەڭلىشىشىگە تىكسىڭىز بۇلىدۇ. ئەلۋەتتە سىزمۇ تەڭلىشىشى مۇمكىن دەپ قارىغاندا شۇنداق تىكسىڭىز بۇلىدۇ. بىراق قارا-قۇيۇق باشقىلارغا ئەگىشىش توغرا بۇلىشى ناتايىن. مەيلى لاتارىيە شىركىتى بولسۇن، ياكى مۇنبىرمىز لاتارىيەخانىسى بولسۇن مۇسابىقە نەتىجىسىنى تېپىش ھەممىسى ئاسمانغا چىقىشتىنمۇ قىيىن بولغان ئىشلار. ھېچ بىر ئىنسان غەيىپنى بىلمەيدۇ.
6. مۇسابىقە نەتىجىسىنىڭ ئۈچ خىل بۇلىدىغانلىقىنى ئۇنۇتماڭ. مۇسابىقىدە ساھىپخان كوماندا ئۇتۇش. ساھىپخان كوماندا تەڭلىشىش ۋە ساھىپخان كوماندا ئۇتتۇرۇشتىن ئىبارەت ئۈچ خىل مۇسابىقە نەتىجىسى بار. سىزنىڭ پەقەت بىرلا تاللاش يۇلىڭىز بار. دىمەك سىزنىڭ غەلبە قىلىش ئىھتىماللىقىڭىز پەقەت 33 پىرسەنىت!

    مۇنبەرداشلارنىڭ لاتارىيە سېتىۋېلىشىغا پايدىسى تىگىپ قالسا ئەجەپ ئەمەس دەپ قاراپ مۇنبەرگە يوللاندى. مۇنبىرىمىزدىكى لاتارىيە ھەۋەسكارلىرىنىڭ كەمىنىنىڭ ئالى-جوقا سۆزلىرىمگە نىسپەتەن مىنى خىجىل قىلماسلىقىنى ئۈمۈد قىلىمەن. كەمىنىڭ لاتارىيە ئۇقۇمى توغرىسىدىكى ئۇقۇمى باشلانغۇچ سەۋىيەدە. سىزلەرنىڭ تېخىمۇ مول چەشەنچىلىرىڭىز ئارقىلىق تەربىيەلىنىشكە مۇھتاجمەن. لاتارىيە ھەۋەسكارلىرىنىڭ قىممەتلىك پىكىرلىرى ئارقىلىق بۇ چالا-پۇلا يېزىلغان تىمام جۇلالانسا بۇ مەن ئۈچۈن شەرەپتۇر!

بوغدا

    ئەسلىدە  مۇنبەرداشلاردىن مۇنبەر لاتارىيەخانىسىغا بولغان تەكلىپ پىكىرلىرىنى ئاڭلاپ بېقىش نىيىتىدە ئىدىم. ئويلىمىغان يەردىن بۇ تىما پۈتۈپ قالدى. ئەسلى مەقسەت يەنىلا مۇنبەرداشلارنىڭ نۆۋەتتىكى لاتارىيەخانىنى باشقۇرۇش ئىشلىرىغا بولغان پىكىرلىرىنى بىلىپ بېقىش. ئەلۋەتتە خاتاسىنى توغرىلاش، مۇكەممەللەشتۈرۈش.

   تور ئۈزۈلۈش سەۋەپلىك لاتارىيە ئېچىش، نەقلەشتۈرۈش ئىشلىرى ئارقىغا سۈرۈلۈپ كەتتى. مۇنبەرداشلارنىڭ توغرا چۈشۈنىشىنى سورايمەن.

   مۇسابىقە توپتوغرا 2 سائەت ئالدىغا سۈرۈلدى. بىز ھەرقى 6-ۋاقىت رايۇنىدا بولغاچ لاتارىيەخانىدا ئازىراق مەسىلىلەر كۈرۈلگەچ مۇشۇ ئۇسۇلنى قوللانغان. بىراق بىز قىسىم مۇنبەرداشلار ۋاقىت ئالدىغا سۈرۈلگەنلىك سەۋەپ لاتارىيەگە ئىشتىراك قىلالماسلىقى مۇمكىن. ھەتتا لاتارىيە ۋاقتىغا قاراپ مۇسابىقە ۋاقتىنى بىلىدىغانلارمۇ بۇلىشى مۇمكىن.  بۇ مەسىلىنى قانداق ھەل قىلساق بۇلار؟

   ھەر قانداق تەكلىپ-پىكىر بولسا تارتىنماي ئوتتۇرىغا قۇيۇڭلار.

مەشھەر

مەن بىر گەپ قىلاي مۇشۇ ئۇتۇش ھەسسىلىكىگە پىكرېمبا ،مەسلەن  ئارسىنال بىلەن بايرىننىڭ لاتارىيەسى دە  ئارسىنالنىڭكىنى 3دەپ بايرىننىڭكىنى 2دىسەك  مەن بايرىنغا 1000 ياۋرو تىككەن بولسام  بايرىن ئۇتقان بولسا سىلەنىڭ قائىدەڭلا بويچە 1900  ئەتراپىدا ياۋرو كىلدىكە ( باجنى تۇتقان ئاساستا)  بۇ ئىككى ھەسسە اتۇرسا نىمىشقا بىر ھەسسە بويچە ھىسابلايسىلە ، نىمە ئۈچۈن 2900 ئەتراپىدا ياۋرو كەممەيدۇ ، بۇيەردىكى ھەسسىلىك  ماتماتكىدىكى ھەسسىلىك ئەمەسمۇ ، بىر ھەسسە دىگەنلىك  دىرىغا قۇشۇلۇپ كەسە توۈرا بولامدۇ قانداق .

خانزاد1

ئىنكاس تەھرىرلىنىۋاتىدۇ........

ساداقەت

ئۇتۇق ھەسسىلىگىنى ئازىراق تەڭشىسەك دەيمە

HAKKER

ئۇتۇش ھەسسىلىكى بەك تۆۋەن ئىكەن

ئەركزات

مەنغۇ لاتارىيىدە بىرلا ئۇتۇپ باقتىم.  داۋاملىق تەڭلىشىشكە ئېلىۋاتىمەن. كۈچلۈك دىگەن كوماندىنىڭ ئۈتۇش ھەسسىلىكى بەكلا تۆۋەن بولغاچقا، ھەتتا بەزى مۇسابىقىدە تىككەننىڭ يېرىمىمۇ كەلمەيدىغان ئەھۋال مەۋجۈت. مەسلەن بايرېن بىلەن ئارسىنال مۇسابىقىسى ساھىپخان ئۇتۇش ھەسسىلىكى 1.45  مەن 1000 ياۋرو تىكسەم ناۋادا ئۇتسام 1450 ئۇنىڭدىن باج 75 ياۋرونى تۇتىۋالسا....
شۇنىڭغىمۇ تۇتسام چوڭ تۇتاي دەپ تەڭلىشىشكە ئېلىپ يۈردۈم.

ئىلىمخۇمار

مەن  قايسى  بىر  مۇسابىقىگە 3000 ياۋرۇ  تىكسەم  ،ئۇتۇپتىكەنمەن   .  قۇلۇمغا  كەلگىنى  4500 ياۋرۇدەكلا  ،  بۇ  بەك  ئادىل  بولمىدىمۇ  قانداق  مۇشنى  تەڭشىسەك   بولاتتى  ،

قاسساپ

يۇقىرىدىكى   تورداشلار   دىگەندەك    ئاران    بىر    لاتارىيەدە   ئۇتۇپ  خوش  بولساق     ھەسسىلىكى   ئاز    بولغاچقا     ئازراقلا    پۇل   كىلىدىكەن  ،  بولۇپمۇ   بىزدەك    يېڭى  كەلداخۇن    نامراتلارغا   بەكلا   ئۇۋال   بولىدىكەن  ،  بولسا   بۇغدا   باشلىق    مۇشۇ    ئىشنى  بىر    ئويلىشىپ   باقسا  ……  

دېھقان

قاسساپ يوللىغان ۋاقتى  2015-11-8 06:16
يۇقىرىدىكى   تورداشلار   دىگەندەك    ئاران    بىر    لاتارى ...

بولۇپمۇ   بىزدەك    يېڭى  كەلداخۇن    نامراتلارغا   بەكلا   ئۇۋال   بولىدىكەن




بۇ گەپلىرڭىزدىن كۈلمەي تۇرالمىدىم    دېمسىمۇ ئۇتۇش ھەسسىلكى ھەددىن زىيادە تۆۋەنكەن

يۇرتۇم7

كۆپچىلكنىڭ دەۋاتقىنى ئ‍ۇتۇش ھەسسىلىكى  مۇنبەرنىڭ بىريەلىگە كىرسەم توپبىرىش ئ‍ۇقىمى دەپ 1     -1  +دەپ تۇراتتى ھازىرغىچىلىك مەن پەقەت كۆرمىدىمغۇ