رافائىل،ئىلھاملار توپ ئۇردى،شىنجاڭ ئاخىرىدا غەلبە قىلىدى

qimbulak

چىمبۇلاق تەنتەربىيىسى مۇخبىرى نۇرمۇھەممەد پىدا خەۋىرى :  2015- يىللىق جوڭگۇ ئا دەرىجىلىكلەر بىرلەشمە مۇسابىقىسى 30- ئايلانمىسى يەنى ئەڭ ئاخىرىقى بىر ئايلانما مۇسابىقىسىدە شىنجاڭ تەڭرىتاغ يىلپىزى پۇتبول كۇلۇبى ئۈرۈمچىدە يەنى ساھىبخان مەيداندا گۈيجۇ جىچېڭ كوماندىسىنى كۈتىۋالدى .




شىنجاڭ تەڭرىتاغ يىلپىزى پۇتبول كۇلۇبىنىڭ بۇ مۇسابىقىدىكى رەقىبى بولغان گۈيجۇ جىچىڭ كوماندىسىدا  شىنجاڭدىن چىققان تالانتلىق پۇتبول ماھىرى ئىلھام ئىمىنجان گۇيجۇ كوماندىسىنىڭ يارىرولۇق ماھىرلىرىدىن بىرى بولۇپ  ب دەرىجىلىكلەر بىرلەشمىسىدىن تارتىپ مۇسابىقە ئويناپ ئا دەرىجىلىكلەر  بىرلەشمىسگىچە گۈيجۇ كوماندىسىغا ئالاھىدە تۆھپىلەرنى قوشۇپ كەلگەن . ئۇنىڭ شىنجاڭدىمۇ نۇرغۇن مەستانلىرى بار بولۇپ بۇ قېتىملىق مۇسابىقىگە نۇرغۇنلىغان تاماشىبىنلار ئىلھامنى كۆرۈش ئۈچۈن ئالاھىدە كەلگەن ئىدى .





مۇسابىقە باشلىنىپلا  شىنجاڭ كوماندىسى بىر توپ كىرگۈزۈپ ئۈستۈنلۈكنى ئىگىلىدى ، توپ كىرگۈزگىنى بولسا بىرازىلىيىلىك ماھىر رافائىل ئىدى ، ئۇنىڭ بۈگۈنكى ئىپادىسى ئالاھىدە ياخشى بولۇپ يەنە ئارقا - ئارقىدىن ئىككى توپ كىرگۈزۈپ قالپاق ئويۇنى ئوينىدى . دانالاخ يوق بولغاندىن كېيىن كوماندىدىكى نۇمۇر ئالىدىغان ماھىر بولۇپ قالغان رافائىل ھۇجۇملارغا ئاكتىپ قاتنىشىپ شاۋكەت يالقۇن بىلەن خېلىلا يۇقىرى سەۋىيىلىك پاسلىشىپ مەستانىلەرنىڭ ئالقىشىغا ئېرىشتى ، گۈيجۇ كوماندىسىنىڭ 17- نۇمۇرلۇق ماھىرى ئىلھام مۇداپىيەچىنىڭ سەۋەنلىكىدىن پايدىلىنىپ ناھايىتى تېز سۈرئەتتە ھالقىپ ئۆتۈپ ۋاراتارغا بىر توپ كىرگۈزۈپ نەتىجىنى 3:1 قىلىپ ئۆزگەرتتى .


كىيىنكى يىرىم مەيدان مۇسابىقىدە شىنجاڭ كوماندىسىدىن توڭ شىياۋشىڭ بىر توپ كىرگۈزۈپ نەتىجىنى 4:1 قىلىپ ئۆزگەرتتى .  مۇسابىقە ئاخىرلىشاي دىگەندە گۈيجۇ جىچىڭ كوماندىسىنىڭ چەتئەللىك ماھىرى بىر توپ كىرگۈزۈپ نەتىجىنى 4:2 قىلىپ ئۆزگەرتتى ، مۇسابىقە غەلبىك ئاياغلاشتى ، شىنجاڭ تەڭرىتاغ يىلپىزى پۇتبول كۇلۇبىنىڭ بۇ پەسىللىك ئەڭ ئاخىرىقى بىر مەيدان مۇسابىقىسى غەلبە بىلەن ئاخىرلىشىپ مەستانىلەرنىڭ كۆڭلىدىكىدەك ئىش بولدى .


كۇلۇب تەرەپ ئەڭ ئاخىرىقى بىر مەيدان مۇسابىقىنى پۈتۈنلەي ھەقسىز قىلىۋەتكەن بولسىمۇ ئەمما مۇسابىقە ۋاقتىنىڭ 12:00 يەنى ئۈرۈمچىنىڭ دەل چۈشلۈك دەم ئېلىش ۋاقتىغا توغرا كەلگەچكىمىكىن ۋە ياكى نۇرغۇنلىغان تاماشبىنلار خەۋەرسىز قالدىمۇ ئەيتاۋۇر مەيدانغا 4200 دىن ئارتۇق تاماشىبىن كېلىپ مۇسابىقە كۆردى ، ئەمما  كۆرۈرمەنلەرنىڭ قىزغىنلىقى ئالاھىدە يۇقىرى بولۇپ ھەممەيلەن قىزغىن كەيپىياتتا باشتىن ئاخىرى ئالقىش ھۇررا سادالىرى ئىچىدە مۇسابىقىنى ئاياغلاشتۇردى .


بۈگۈن تاماشىبىنلارنى يەنە بىر خۇشھال قىلىدىغان ئىش بولسا شىنجاڭ تەڭرىتاغ يىلپىزى پۇتبول كۇلۇبىدىكى يەرلىك توپچىلىرىمىزدىن مۇستافا ، شاۋكەت يالقۇن ، ئابدۇلئەزىز قاتارلىقلار ئاساسلىق ئەزا بولۇپ مەيدانغا چۈشتى ، كىيىنكى يىرىم مەيداندا ئەخمەت ۋە سالىخان قاتارلىق توپچىلىرىمىزمۇ مەيدانغا چۈشۈپ ھەقىقىي شىنجاڭ كوماندىسىغا تېخىمۇ ئوخشايدىغان  كوماندا بولۇپ مەيدان كەيپىياتىنى تېخىمۇ يۇقىرى كۆتۈردى .


شىنجاڭ تەڭرىتاغ يىلپىزى پۇتبول كوماندىسى بۇ يىللىق مۇسابىقە پەسلىدە 10 مەيدان ئۇتۇپ 9 مەيدان تەڭلىشىپ 11 مەيدان ئۇتتۇرۇپ جەمئىي 43 توپ كىرگۈزۈپ 51 توپ كەتكۈزۈپ قويغان بولۇپ بىرلەشمىدە 8- ئورۇندا تۇرۇپ ئۇتۇقلۇق ھالدا دەرىجە ساقلاپ قالغان ۋە ئالدىنقى مۇسابىقە پەسلىدىكىدىن 2 دەرىجە ئۆرلىگەن .


بىز شىنجاڭدىكى بارلىق مەستانىلەر شىنجاڭ تەڭرىتاغ يىلپىزى پۇتبۇل كۇلۇبىنىڭ كىلەركى مۇسابىقە پەسلىگىچە كەمچىللىكلەر ۋە يىتەرسىزلىكلەرنى تولۇقلاپ تېخىمۇ يۇقىرى سەۋىيىدىكى ۋە يەرلىك توپچىلارنى ئاساس قىلغان ھەقىقى شىنجاڭ كوماندىسى بولۇپ قېلىشىنى ۋە تېخىمۇ ياخشى نەتىجىلەرنى قازىنىشىنى ئۈمىد قىلىمىز !

سۈرەت ۋە سىنلىق ماتىرىياللارنى چىمبۇلاق شىركىتى ئوپىراتورىلىرىدىن : ئىزھار تاي ، ئابدۇسالام ئابابەكرى قاتارلىقلار تەييارلىغان .

بابۇر4

بۈگۈن باللارنى مەقسەتلىك سالدى مۇشۇ تىرنىر تىزراق يوقالسا بولاتتى،

يۇرتۇم7

ئاخىرى ئ‍اساسلىق بولۇپ ئ‍ۇيناپتۇ  بىرمەيداننى
بىزنىڭ باللىنى سالسا مۇشۇنداق بولىتتى ئ‍ەينا
شىفىلىدنىمۇ مۇشۇنداق يەڭگەن

karatulpar67

يىلپىزلارنىڭ ئىشلىرى بۇ پەسىل مۇۋاپىقىيەتلىك ئاخىرلىشىپتۇ.كىيىنكى پەسىل قاچان باشلىنىدۇ؟

مەشئەل520

مۇبارەك بولسۇن يىلپىزلارغا،كىلەركى پەسىل دەرىجە ئ‍ۆرلەش نىسىپ بۇلۇپ قالا

تۆگىچاق

مۇبارەك بولسۇن  ، ئەزمەتلىرىمىز  ئاساسلىق بۇلۇپ ئوينىسا  مەيدان ئىچى ۋە تېشى  باشقىچە  قىزغىنلىققا  تولىدۇ .    بۇندىن كىيىنمۇ  ئاساسلىق ئويناپ  مەيداندىن  ئوت چىقىرىڭلا  ئەزىمەتلە .

جانۇزاي

چىمبۇلاق ئ‍ەپەندى نىمە ئ‍ۈچۈن شىنجاڭ تىلۋىزىيىسى  پۇتبول دۇنياسى پىروگىراممىسىنى توختىتۋەتتى ؟ تىمىغا مۇناسىۋەتسىز سۇئال بوپ قالدى ئ‍ۆزرە

LM10

لىجۈن  يوقالمىسا  قەتئى  كۆرمەيمەن  بۇلارنىڭ   مۇسابىقىسىنى……   زادى  مۆرىمەسدىن  قوقمىسا   بولمايكەن  ……       

LM10

جانۇزاي يوللىغان ۋاقتى  2015-11-1 21:30
چىمبۇلاق ئ‍ەپەندى نىمە ئ‍ۈچۈن شىنجاڭ تىلۋىزىيىسى  پۇت ...

مەنمۇ   شۇنى  سورىماقچى  ئىدىم   ……   ئاران  ئىككى  سان  بېرىپ  توختاپ  قالدى   دېسە  ……  

زەردار007

دانالاخ ياردارمۇ يا باشقا سەۋەپ بارمۇ?  ئالدىنقى ئايلانمىدىمۇ چۈشمىگەنتى ئۇ  

قەشقەرئوغلانى

يارايسىلەئەزمەتلە يىلپزىنىڭ قانداق بولدىغغنى  بىر تونتىپ قويۇڭلا يەرلىك يىلپىزلا ئالغا  بىز سىللە ئۈچۈن ھۇررا تولايمىز .