| ئومۇمى يازمىسى: |
ھوقۇق چېكى: 1 |
| جۇغلانمىسى: 233 |
تۆھپىسى: سەر |
|
بۇ يازمىنى ئاخىرىدا ئاسۇق تەھرىرلىگەن. ۋاقتى 2015-9-15 15:35
ئەسسالامۇئەلەيكۇم ھۆرمەتلىك قېرىنداشلىرىم ئەزىزانە تېنىڭلار سالامەت بولسۇن . قىلغان ئىشلىرىڭلار ئوڭۇشلۇق ، تۇرمۇشۇڭلار كۆڭۈللۈك ، يىگەن تامىقىڭلار سىڭىشلىك بولسۇن. دىيارىمىزدىن چىققان يەنە بىر كاتتا خۇشخەۋەردىن سىلەر بىلەن تەڭ ئورتاقلاشماقچىمەن.
ئاقسۇ « ئاسۇق »كوماندىمىز 80-يىللانىڭ ئاخىرىدا ئاقسۇ ۋىلايەتلىك 1-ئوتتۇرا مەكتەپتە ئەكبەر قاتارلىق بىر تۈركۈم پۇتبول سۆيەر يىگىتلىرىمىزنىڭ ئوتتەك ئىشتىياقى ۋە پارتىلاپ چىققان شىجائىتىنىڭ ئۈستىگە قۇرۇلغان، ئاقسۇنىڭ قەدىمكى ئىسىملىرىدىن بىرى بولغان « ئاسۇق » دىگەن نامنى قوللانغان كوماندا بولۇپ، كوماندا قۇرۇلغان دەسلەپكى ۋاقىتتىلا تېز سۈرئەتتە ئۆز ئورنىنى تىكلەپ مەكتەپ ۋە جەمئىيەتنىڭ دىققىتىنى تارتقان. شۇنداقلا بەلگىلىك تەسىرگە ۋە نەتىجىلەرگە ئېرىشكەن. ئۈچ يىللىق تولۇق ئوتتۇرا ھاياتىدا بۇ كوماندا ئاقسۇدىكى پۇتبولخۇمارلارنىڭ قىلىۋاتقان ئىشىنى تاشلاپ قويۇپ مۇنازىرە قىلىدىغان ئوبېكىتىگە ئايلانغان بولسىمۇ، بىراق ئالى مەكتەپكە بېرىش ۋە باشقا سەۋەپلەر تۈپەيلىدىن ۋاقتىنچە تارقىتىلىۋىتىلگەن. بۈگۈنلۈكتە ئەينى ۋاقىتتىكى ئاسۇقلۇقلارنىڭ رىغبەتلەندۈرۈشى، تەشكىللىشى ۋە ھەر قايسى جەھەتلەردىن قوللىشى ئارقىسىدا قايتىدىن تەشكىللىنىپ ئاقسۇ دىيارىمىزدىكى پۇتبول ئۇچقۇنلىرىدىن بارا بارا پۇتبولنىڭ گۈلخانىغا ئايلانماقتا. 2015-يىلى 9-ئاينىڭ 10-كۈنى ئوقۇتقۇچىلار بايرىمنىڭ تەنتەنىسىگە جور بولۇپ ، كوماندىمىز رەسمى تۈردە ئاقسۇ ۋىلايەتلىك مەدەنىيەت-تەنتەربىيە ئىدارىسى تەرىپىدىن ئاپتونۇم رايون دەرىجىلىك ئىشتىن سىرىتقى پۇتبول كوماندىسى بولۇپ ئەنگە ئېلىندى. يىگىتلىرىمىزنىڭ پۇتبول دەپ سوقۇۋاتقان يۈرىكى ۋە قېرىنداشلىق مېھرى بىزنىڭ بىر ئىزدا توختاپ قېلىشىمىزغا ياكى ۋاز كېچىشىمىزگە رەددىيە بېرىپ، ئاسۇق نامىنى خەلقىمىزگە قايتىدىن تونۇتۇشقا ئېلھاملاندۇرماقتا. ئاقسۇ پۇتبولچىلىقىنى راۋاجلاندۇرۇش ، ئاپتونۇم رايونىمىز ۋە ئۇلۇغ ۋەتىنىمىزنىڭ پۇتبول ئىشلىرىغا ئاز بولسىمۇ تۆھپە قوشۇش ، شۇنداقلا دىيارىمىزدىكى پۇتبولنى قوللايدىغان شېركەتلەرنىڭ خىزمەتلىرىنى قوللاش ۋە تەشۋىق قىلىش يۈزىسىدىن كوماندىمىز ھەمكارلاشقۇچىغا موھتاج. ئەزالىرىمىز ئالاھىدە مەشىق كۆرگەن،تېخنىكىدا مەملىكەتلىك سەۋىيەگە يەتكەن بولمسىمۇ ئەمما ئاپتونۇم دەرىجىلىك مۇسابىقىلەرگە قاتنىشىپ بەلگىلىك تەسىر ۋە نەتىجىلەرگە ئېرىشكەن يىگىتلەرنى ئاساسى كۈچ قىلغان . ئەڭ مۇھىمى تاماق ۋە ئارامنى ئۇنتۇغان ھالدا پۇتبولغا ئېتىلىدىغان قىززىقىشى بار 16ياشتىن 25 ياشقىچە بولغان ئوقۇغۇچى ۋە خىزمەتچىلەردىن تەشكىللەنگەن23 نەپەر ئەزادىن شەكىللەنگەن مۇنتىزىم ئىشتىن سىرىتقى كوماندا . رەئىسىمىزنىڭ ئىسمى ئەكبەر ياسىن . . باش تېرىنېر پۇتبول مۇنبىرىمىزنىڭ غوللۇق ئەزاسى،شۇنداقلا ئاقسۇ شەھەر ئايكۆل ئوتتۇرا مەكتەپنىڭ تەنتەربىيە ئوقۇتقۇچىسى مۇختەر . يۇقارىقى ئىسمى چىققان مۆھتىرەملىرىمىزنى بەلكىم مەندىن ياخشى تونۇيسىلەر. شۇڭا ئارتۇق تونۇشتۇرۇش ھاجەتسىز دەپ ئويلايمەن. ئىشقىلىپ ئوڭ تەتۈر توپ تىپىدىغان ، پۇتبولغا نىسبەتەن قارا ساۋات دىگۈدەك باللارنى بىر يەرگە يىغىپ شۇلاردىن بىر پۇتبول كوماندىسىنى ھاسىل قىلالىغان كىشىلەرنىڭ مەسىلىلەرنى بىر تەرەپ قىلىش ئىقتىدارىنى ھەر قانداق بىر كىشى ئويلاپ يىتەلەيدۇ. شۇڭا ھەمكارلىق،قوللاش نىيىتىدە بولۇۋاتقانلارنىڭ ئىككىلەنمەي بىز بىلەن ئالاقىلىشىشىڭلارنى ئۈمىد قىلىمىز. ئىشىنىمەنكى بىزدىكى تىرىشچانلىق يېقىن كەلگۈسىدە خىيالىمىز يەتكەن يەرلەرگە قەدىمىمىزنىمۇ يەتكۈزگۈسى.
كوماندىمىزنىڭ مەشىق ۋە مۇسابىقىلىرىگە قىزىققۇچى قېرىنداشلىرىمىزنىڭمۇ ھەرقاچان بىزنى كۆزدىن كەچۈرۈپ،پىكىر-تەلەپ بېرىشىڭلارنى سورايمىز.
ھۆرمەت بىلەن « ئاسۇق » كوماندىسى كاپىتانى：مەمەتجان
ئالاقىلىشىش نومۇرى：
ئەكبەر ياسىن — 13899271017
مەمەتجان — 15199212304
ئۈندىدار — 599145583
|
 ئاندرويىدتا يېزىلغان
|
ۋاقتى: 2015-9-14 12:01:49
تېما كۆتۈرۈش
تېما چوققىلاش
تېما تاقاش
变色卡
