| ئومۇمى يازمىسى: |
ھوقۇق چېكى: 1 |
| جۇغلانمىسى: 3589 |
تۆھپىسى: سەر |
|
بۇ يازمىنى ئاخىرىدا زەربىدار تەھرىرلىگەن. ۋاقتى 2015-8-27 09:54
كەپسىز بالا، مەڭگۈ چوڭ بولـماس بالوتېلى تۇيۇقسىز مىلانغا قېتىلغاندىن كېيىن لىۋېرپول مەستانىلىرىنى ۋە مىلان مەستانىلىرىنى خۇشاللىق ۋە خاپىلىققا تەڭ دۇچار قىلدى.
لىۋېرپول مەستانىلىرى ئىش بۇزار، غەلۋىسى جىق، ئاقماس، مۇئاشى يۈك ھېسابلانغان بالاتېرىدىن قۇتۇلغانلىقىغا خۇشال بولسا، قاراپ تۇرۇپ زور ئىقتىسادىي زىيان تارتقانلىقىدىن، لىۋېرپولنى كۈلكىگە قويغانلىقىدىن خاپا بولۇشتى.
مىلان مەستانىلىرى بولسا بىر يىل بۇرۇنقى مۇشۇ كۈندە 20 مىليون ياۋروغا ئوڭۇشلۇق ساتالىغان بالوتېلىنىڭ ھېچقانداق ئىجارە ھەققى يوق يەنى ھەقسىز ھالدا، ھەتتا مۇئاشىنىڭ %60 ھېسابلانغان 4 مىليون ياۋرونى لىۋېرپول چىقىرىدىغان، كېلەر يىلى سېتىۋالـمىسىمۇ بولىدىغان، ئەگەر بالوتېلىنىڭ ئىپادىسى ياخشى بولۇپ قالسا پەقەت 10 مىليون ياۋروغا قېتىۋالسا بولىدىغان پەۋقۇلاددە ئوڭ ۋە ئەرزان سودىدىن، مىلاندا 54 مەيدان ئويناپ 30 توپ كىرگۈزگەن، مىلاندا خېلى ياخشى تەسىرات قالدۇرغان، ئىتالىيەلىك، ئەڭ مۇھىمى ھەقىقىي سادىق مىلان مەستانىسىنىڭ قېتىلغانلىقىدىن مەمنۇن بولسا، بېرلۇسكونى «سېسىق ئالـما» دەپ تەرىپلىگەن، مېڭىسىدىكى توك سىملىرىنىڭ ھەر ۋاقىت قىسقا تۇتۇشۇپ قېلىش ئېھتىماللىقى چوڭ بالوتېلىنىڭ غايەت زور چىقىم بولغان 2 مىليون 225 مىڭ ياۋرونى زىيانغا ئۇچرىتىشىدىن غەم يېمەكتە.
مىلان بۇ قېتىم مىلاننى چىن يۈرىكىدىن سۆيىدىغان بالوتېلىغا ئاخىرىقى قېتىم پۇرسەت بېرىش ئۈچۈن مۇنداق پىلان تۈزگەن:
مىلان بالوتېلى بىلەن توختام تۈزۈشكەندە داڭلىق بىر ئادوۋكات تەكلىپ قىلىپ ئىتالىيە ھاۋا ئارمىيەسىنىڭ تۈزۈمىگە ئوخشايدىغان مۇنداق بەلگىلىمىنى توختامغا قاتقان.
بالوتېلى مەشىق مەيدانىغا ئەڭ بۇرۇن كېلىدىغان، ئەڭ كېيىن قايتىدىغان، تاماكا چەكمەيدىغان، ھاراقنى ئىنتايىن ئاز ئىچىدىغان، بەزمىخانىغا يوق ھېسابتا بارىدىغان، سىرتقا چىققاندا خەقنىڭ دىققىتىنى ۋە كۈلكىسىنى قوزغايدىغان كىيىم - كېچەك، زىننەت بويۇمى ۋە چاچ پوسۇنى ئىشلەتمەيدىغان، تىۋېتىر قاتارلىق تور ئالاقە سېستىمىلىرىغا بىر نەرسە يوللاشتىن بۇرۇن ئاۋۋال كۇلۇبنىڭ تەستىقىدىن ئۆتكۈزىدىغان، سىرتتا قونۇپ قالـمايدىغان، تىرېنېرنىڭ ھەرقانداق ئورۇنلاشتۇرمىسىغا بويسۇنىدىغان ۋە يۇقىرىقى بەلگىمىلەرنىڭ قۇرۇق قەغەزگە ئايلىنىپ قالـماسلىقى ئۈچۈن ئۇنى 24 سائەت بىر مۇھاپىزەتچى «قوغدايدىغان» يەنى نازارەت قىلىدىغان بولغان. ئەگەر ئۇ بەلگىلىمىلەرگە يېنىك خىلاپلىق قىلسا مۇسابىقىدىن چەكلەيدىغان، ئېغىر ياكى قايتا خىلاپلىق قىلسا توختامنى دەرھال بىكار قىلىپ لىۋېرپولغا يولغا سالىدىغان بولغان.
ئىتالىيە تاراتقۇلىرى بۇنى «ھەربىيچە تۈزۈم» دەپ ئاتىدى. بالوتېلى بۇ بىر يىلنى تولىمۇ ئېھتىياتچانلىق بىلەن تىرىشچانلىق ئىلكىدە ئۆتكۈزۈشكە بەل باغلىغانلىقىنى بىلدۈردى. قېنى، مىلان 2 مىليون 225 مىڭ ياۋرونى قاراملارچە دەسمىي سالغان بۇ «غايەت زور» سودىدا پايدا ئالالامدۇ؟ ئىتالىيە ئۈمىدى دەپ قارالغان بالوتېلى قايتىدىن باش كۆتۈرەلەمدۇ؟ مۇسابىقىلەرگە داۋاملىق نەزەر تاشلايلى. |
|
ئاندرويىدتا يېزىلغان
ۋاقتى: 2015-8-26 22:27:14
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2015-8-26 22:45:41
