مۇنبەرداشلار سەمىگە

بېرنابۇ

ئەسسالامۇ ئەلەيكۇم مۇنبەرداشلار!
ئەسلىدە بۇ 200-تېمامنى مۇنبەر ئەھلىگە يارىغۇدەك راۋرۇس نادىر تېما يېزىش ئارقىلىق مۇنبەر ئەھلىگە سۇنۇش ئويۇم بار ئىدى. ئەمما يېقىندىن بۇيانقى مۇنبىرىمىزدە ئارقا-ئارقىدىن كۆرۈلىۋاتقان تازا نورمال بولمىغان ئىشلار سەۋەپلىك نېرۋام سەل چېچىلىپ بۇ ئاگاھلاندۇرۇش تېمىسىنى يېزىشقا مەجىبۇر بولۇپ قالدىم.
پۇتبول مۇنبىرى بارلىق ئۇيغۇر پۇتبولخۇمارلارنىڭ مەنىۋى ئېھتىياجىنى قاندۇرۇشنى مەقسەت قىلىپ قۇرۇلغان تور جەمگاھى. قۇرۇلغاندىن تارتىپ ئاز بولمىغان ئىسسىق-سوغۇقلارنى باشتىن كەچۈرۈپ، نى-نى ئېسىل مېنھەتكەشلىرىمىزنىڭ تىنىمسىز ئەجىر تۆھپىسى نەتىنجىسىدە بۈگۈنكىدەك ھالەتكە يېتىپ كەلدى، مۇنبىرىمىز بۇنىڭدىن كېيىنمۇ تەدىرىجىي پىشىپ يېتىلىپ، زور تەرەققىياتلارنى باشتىن كەچۈرگۈسى.
يېقىندىن بۇيان مۇنبىرىمىزدە مۇنداق ئىش سەل ئەۋىج ئېلىپ قالدى. يەنى ئورۇنسىز جېدەل-ماجىرا قىلىپ مۇنبەر قائىدە-تۈزۈملىرىنى كۆزگە ئىلماي ھەدىدىن بەك ئېشىپ كەتكەن ئەزالارنى باشقۇرغۇچىلار ئارقىلىق چەكلىدۇق. ئەمما يەنە شۇ چەكلەنگەن ئەزالار قانداقتۇر چەكلىۋەتكەن باشقۇرغۇچىلارغا قايىل بولماي ياكى جېدەلگە قانماي دېگەندەك سەۋەپ بىلەن مۇنبەردىن ئۆچ ئېلىش مەقسىتىدە ئوخشىمىغان ئىسىم بىلەن يېڭىدىن تىزىملىتىپ كىرىپ ھە دېسىلا ئۇچىرغانلىكى تېمىنى قالايمىقان ئىنكاسلار بىلەن توشقۇزۇپ ئۆزى بىلەن باشقىلارنىمۇ تەڭ ئوتقا ئىتتۈرمەكتە. ئەلۋەتتە كىچىككىنە قان قىززىقلىق سەۋەبىدىن كونا نومۇرى چەكلىنىپ كېتىپ، ئامالسىزلىقتىن يېڭى نومۇردا تىزىملىتىپ كىرىپ ئىلمىي يوسۇندا مۇنبەر ئويناۋاتقانلارمۇ يوق ئەمەس.
ۋاقتىمنىڭ قىس بولۇشى سەۋەپلىك بۇ تېمىنى مۇشۇنداق ئاددىيلا يېزىپ قالدىم. ئەمدى نەق گەپكە كەلسەم، مۇنبەردىكى بارلىق باشقۇرغۇچىلارغا تەكلىپىم: مۇنبەرگە يېڭىدىن تىزىملىتىپ كىرگەن ھەر قانداق ئەزالارغا قارىتا نازارەتنى كۈچەيىتسەك، تىزىملاتقىنىغا بىر ئاي توشماي تۇرۇپ، رونالدو—مېسسى، مادىرىد—بارسا تېمىلىرىدا قالايمىقان ئىنكاس يازغانلارنى، ئوت قۇيرۇقلۇق قىلغانلارنى بىردەك مۇددەتسىز قىلىپ چەكلىسەك، ئوخشاش IP نومۇردا كۆپ قېتىم مۇنبەرگە يېڭى نومۇر تىزىملاتقانلارنىڭ ئارقا كۆرۈنۈشىنى تەپسىلىي تەكشۈرۈپ، ئوخشاش بىر ئادەم ئىكەنلىكىنى جەزىملەشتۈرگەندىن كېيىن شۇ ۋاقىتنىڭ ئۆزىدە ئىككىلەنمەي مۇنبەر زىيارەت قىلىشنى مۇددەتسىز چەكىلۋەتسەك. (بەلكىم مۇنبەر ئىتتىپاقىلىقىنى ئازىراق بولسىمۇ ياخشىلاشقا پايدىسى بولۇپ قالار دەپ ئويلايمەن).

مۇنبەردىكى ئالىي ئەزا، پۇتبول لۈكچەكلىرى ۋە باشقا ئادەتتىكى ئەزالارنىڭمۇ مۇشۇنىڭغا مۇناسىۋەتلىك ئۆزلىرى بايقىغان ئەھۋالنى ئەڭ تېز سۈرئەتتە مۇنبەر باشقۇرغۇچىلىرىغا مەلۇم قىلىشىنى سورايمىز!

بۇ تېمىغا تەكلىپ-پىكىر قوبۇل قىلىنىدۇ. مۇشۇ تېمىدىمۇ يەنە  ئۆزى بىلگەننى دەپ جېدەل چىقىرىدىغانلار ئۇچىرىسا بىردەك ئاگاھلاندۇرۇش بېرىلمەستىن قاتتىق بىر تەرەپ قىلىنىدۇ.

تېۋىلغا

مەن ئىككى ئېغىز پىكىر قىلاي
1.تېمىلارغا بىر تۈر قېتىپ سەزگۈر تېما دەپ قويساق بۇنداق تېمىلارغا يېڭى ئەزا ياكى جۇغلانما نومۇرى تۆۋەنلەر (ياكى تېما سانى مۇئەييەن ئۆلچەمگە توشمىغان )ئىنكاس يازالمىسا ..
بۇ ئۇسۇل ئۇششاق نومۇرلارنىڭ ئالدىنى ئالىدۇ ،بەزى مۇنبەرلەردە يېڭى ئەزالار مەلۇم ۋاقىتقىچە ئىنكاس يازالمايدىغان تۈزۈم بار.

2. ئەزالارنى نوقۇل چەكلەشكە ئېسلۋالماي دەرىجە چۈشۈرۈش(جۇغلانما نومۇرىنى تارتىپ ) ياكى جەرىمانە قويۇش( ياۋرۇنى تارتىش) دېگەندەك ئۇسۇللارنىمۇ قوشۇمچە ئىشلەتسەك ،
بۇ ئۇسۇل بەزى كونا ئەزالارنىڭ قىزىق قان بولۇشنىڭ ئالدىنى ئېلىشى مۇمكىن

ئەبرار

بۇ مۇنبەردە قاچانغىچە ئېتىپاقلىقنى تەكىتلەيمىزكىن ، بۇ يەرگە ئەخلەت تۆكمەڭ دېگەن يەرگە قارىسا ئەخلەت تۆكۈگلۈك ، بۇ يەرگە كىچىك تەرەت قىلماڭ دېگەن يەرگە قارىسا ، چۇڭى بىلەن قوشۇپ خەرىتىلەر سىزىلغان ، ئەمدى  بۇ مۇنبەردە جىدەل قىلمايلى دېسەك ، تۆۋەندىكى قاماقخانىدا لىق مەھبۇسلار ھۆكۈم كۈتمەكتە.   قانداق قىلساق بولىدىكىن ، مەن نەچچە مۇنبەرگە كىرىپ ئېنكاس يازاي دېسەم ,سالاھىتىڭىز توشمايدۇ دەپ يازغىلى بولمىدى ، كېيىن يازاي دېسەم ئۇ مۇنبەرلەرنىڭ ئىسىمىنى ئۈنتۇپ قاپتىمەن ، مۇشۇ بىزنىڭ مۇنبەرگە نەق چۈشىدىكەن دەپ قالدىم ، يېڭى كىرگەن ئەزالارنى ئۇچ كۈن ئېنكاس يازالمايدىغان قىلىپ قويساق ، ھەر قانچە نادان ئادەم بولسىمۇ ئۇچ كۈندىن كېيىنكى جىدەلنى يەنە سۆرەپ  يۈرمەس.  ھەممە ئۇسۇلنى قوللاندۇق نەق مۇشۇ ئۇسۇللار كام قالدى.  

ئۇزغۇن.

/forum.php?m ... &extra=page%3D1    مەن ماۋۇ تېمىنى بىكارغا يازمىغان ئىدىم باشلىق  بۇنى يولغا قويغان ئىكەنمىز چۇقۇم بىخىتەرلىكىگە چۇقۇم كاپالەتلىك قىلىشمىز كېرەك ياكى تىزىملاتقاندا كىملىك نۇمۇرىنىمۇ كىرگۈزىدىغان قىلىپ قويساقمۇ بۇلاتتى

تېۋىلغا

مۇنبەر يېشى دېگەن ئۇقۇممۇ بەك مۇھىمكەن ،مەن خىلى بۇرۇن تىزىملاتقان بولساممۇ ئىنكاسنى ئانچە جىق يازمىغان، كىيىنكى كۈنلۈكتە تېمىمۇ يوللىدىم، ئىنكاسمۇ يوللىدىم ،بەزىدە شاپاققا تېيلىپ باشقا ئەزالار بىلە قېزىرشىپمۇ قالدىم، مۇشۇ كەمگىچە چەكلىنىپ كەتمەپتىمەن. لېكىن ئاشۇ ئۇرۇش جېدەللەرگە ئاز تولا قاتنىشىپ،سىرتتىن كۆرۈپ ھېس قىلدىمكى ھېچنېمىگە پايدىسى يوق ئوقەتكەن، بەزى ئەزالار بىلەن ئۇرۇشۇپ قالغاندىن كىيىن ئۈزلۈكسىز دىققەت قىلىپ كەلدىم بىر ئوبدان ئادەملەر ئىكەن ئۇنىڭ ئۈستىگە بەزىلىرى مەندىن چوڭ، كىچىكلىك قىلغىنىمغا كەچۈرۈم سورىۋالدىم ،قىسقا ئۇچۇرلاردا ئۈندىدارلاردا پاراڭلىشپ بەزى ئىشلارغا پۇشايمان قىلىپ قالدىم ..
ئىشقىلىپ مانا مۇشۇنداق قىلىپ ھازىر ئىككىسى سوقۇشسا قايسىڭ ماۋۇ قولغا تۈكىرەلەيسە دېمەيدىغان بەلكى ياراشتۇرۇپ قويىدىغان بولدۇم ..مۇنداقچە ئېيتقاندا چوڭ بولدۇم .
بىر ھېكايە دەي
بىر كۈنى شىر بالىسىنى ئىلىپ چىقىپتۇ، قارىسا بىر ئىت بىر جەرەن گۆشىنى كۆتۈرۈپ مېڭىپتۇ، شىر ئىتنى كۆرۈپ دەرھال بىر چاتقال كەينىگە يوشۇرنىۋاپتۇ ئىت ئۆتۈپ كەتكەندىن كىيىن شىر بالىسى دادىسىغا ئاچچىقلاپ <<دادا مەن سىنى پادىشاھ دېسەم سەن ئاددىي بىر ئىتتىن قورقۇپ مۆكۈۋالدىڭ، بىز ئەسلى ئىتنى قاچۇرۋىتىپ ئۇ گۆشنى يېسەك بولاتتى >> دەپتۇ ،
شىر بولسا كۈلۈپ تۇرۇپ <<بالام مەن ئىت بىلەن ئېلىشقانغا بىرسى مۇكاپات بېرەمدۇ، بىرسى  بىزنى نوچى ئىش قىلدى دەمدۇ؟ بىز ئۇ ئىت بىلەن ئىتىشمىساقمۇ كىشىلەر بىزنىڭ ئىتنى قورقۇتالايدىغانلىقىمىزنى بىلىدۇ، ھازىر ئۇنىڭ بىلەن تەڭ بولۇشنىڭ زۆرۈرىيىتى نېمە ؟ بىز ئۇ گۆشنى تارتىۋالساق بىز ئىتنى بوزەك قىلغانلىق بولىمىز، ئېسىل نەسلىدىن ئىكەنسەن كىچىك كىشىلەر بىلەن تەڭ بولما، ئۆزۈڭنى ئېسىلار بىلەن سېلىشتۇر، كەمتەر بول >دەپتۇ ..

مەن دىققەت قىلدىم مۇنبەردە شۇنداق ئېسىل ئادەملەر بار،ئۇرۇش جېدەلدىن يىراق، مەن مۇشۇ ھېكايىنى ئوقۇپلا بۇ ھەقىقەتنى ھېس قىلدىم .

ankar528

يانا دىسەم يانا شۇ،
مۇنبەردە باشقۇرغۇچىلار سوغۇق قان بولۇپ ‹‹ مەڭگۈلۈك چەكلەش ›› دىگەن مەشخۇلاتنى ئازراق قىلايلى.
مەلۇم ئەزانىڭ ئالدىراق سانلىق بىلەن ‹‹ مەڭگۈلۈك چەكلەش›› ئىلىپ بارىدىكەنمىز، بىر مەزگىلدىن كىيىن ئۇ ئەزانىڭ نۇمۇرى ئىچىلىپ قالىدىكەن.
ماندا ئالدى كەينىگە يانىدىغان باشقۇرغۇچىلىقتىن ھەممەيلەن ساقلىنايلى!
ماندا يىڭى ئەزا،ئاندا كونا ئەزا ماندا دەپ  ئۇلارغا پەرقلىق مۇئامىلە قىلماي، قىلساق مۇنبەردە تىزىملىتىپ  مەلۇم مۆھلەت ئىچىدە ئىنكاس يازالمايدىغان  قىلىپ تەڭشەپ قويساق بولىدۇ. ئۇنداق بومايدىكەن ھەممە ئەزاغا ئوخشاش مۇئامىلىدە بولايلى.
مەن كونا ئەزا دەپ يىڭى كىرگەنلەرگە داۋخولۇق قىلىدىغانلارمۇ يوق ئەمەس. يىڭى ئەزالار ئۇزۇن بولمىغان ۋاقىتتا كونا ئەزاغا ئايلىنىدۇ. ئۇلارنى چەلەش ئەمەس، يىتەكلىسەك بولىدۇ.
خۇلاسىلىغاندا:
باشقۇرغۇچىلار نوقۇل ھالدا  باشقۇرغۇچىلىق خزمىتىنى ئەزا چەكلەشكە قارىتىۋالماي، كۆپرەك تىما ئىنكاسلارغا قاراپ، نازارەتچىلىكنى كۈچەيتىپ ، ئوت قۇيرىقى ئىنكاسلارنى ۋاختىدا تازلاپ تۇرساق بولىدۇ.
بەك مەدەنىيەتسىز سۆزلەرنى قىلغان ئەزالارغا نىسپەتەن  مۇددەتلىك ‹‹ زىيارىتىنى چەكلەش››،‹‹ ئىنكاسىنى چەكلەش›› مەشخۇلاتىنى ئىلىپ بارساق بولىدۇ.
پەۋقۇلاددە ئەھۋال بولمىسىلا نۇمۇرنى  مەڭگۈلۈك چەكلەشكە مەن قارشى. ip چەكلەشكە تىخىدىنمۇ شۇنداق .
مەڭگۈلۈك دەپ چەكلەپ ئۇنى كاپالەتكە ئىگە قىلالماي قالىمىز، شۇڭا ئەڭ ياخشىسى ئۇ مەشخۇلاتنى قىلمايلى.
ئۇ مەشخۇلاتنى قىلمايمۇ مۇنبەرنى باشقۇرغىلى بولىدۇ دەپ قارايمەن ئۆزەمچە.

ئالىمجان

يىڭى ئەزالار تىزىملىتىپ 3 كۇن دىن كىيىن مۇنبەرنىڭ ئەلەم تەلمىنى بىلىپ ئىنكاز يازسۇن ، بۇ پىكىرنى قوللايمەن .. بۇغرا ئوغلىنىڭ 1 ئىنكاسىنىمۇ قوللايمەن ،،،ئوتقۇيرۇغلۇق قىلغانلارنى ، جىدەلگە سەۋەپ بولۋاتقانلارنى ،،مەيلى ئوخشاش مەستانە كۇلۇب نىڭ ئادىمى بولشىدىن قەتتى نەزەر ھەممەيلەن تەڭ بىرلىشىپ قارشى تۇرايلى ،،بۇلگۈنچىلەر ئاياغ باسمىسۇن.

ئالىمجان

بېرنابۇ يوللىغان ۋاقتى  2015-6-28 15:22
مەن بۇ تېمىدا تەكلىپ قىلغىنىممۇ كونا نومۇرى مەلۇم سەۋ ...

مەن بىر تەكلىپ بىرەي! باشقۇرغۇچىلار ،ئالىي ئەزا ،لۈكچەك ئەزالاردىن بىر گورۇپا تەشكىللەپ ،ھەر بىر كۇلۇبغا بىرباشقۇرغۇچى،ياكى ئالىي ئەزا تەشكۈللىگۈچى بولسۇن ئۇلار تەشكۈللىگۈچىلەر ئۆزى مەسۇل بولغان كۇلۇب نىڭ مەستانىللىرگە يىتەك  چىلىك قىلسۇن   ،.مۇنبەر قائىدە تۈزمىگە بوي سۇنمىغان قۇلاق كەستىلەر نى تەربىيە قىلدىغان ، تۇزەيدىغان چەكلەيدىغان   ، بولسا بىر كۇلۇبغا مۇئاۋىن ۋە رەئىس بولسۇن ،،  ئويلۇشۇپ باقارسىلە.

ئۇستاز

تىلفۇندا بوپ قالدىم كۆپ نەرسە يازالمايمەن. كىچىك نۇمۇر ئېلىپ قەستەن يېغىرىڭىزنى تاتلىسا سىزمۇ ئۇنىڭ دېپىغا ئۇسۇل ئوينىسىڭىز ھەر ئىككىلىسى چەكلىنىدۇ. ئەگەر سىزنىڭ كارىڭىز بولماي ئۇ ئىنكاستىن ئەگىپ ئۈتۈپ كىتىپ باشقۇرغۇچىلارغا قىسقا ئۇچۇر قىلسىڭىز سىز ئامان قالىسىز  كىچىك نۇمۇردا كىرگىنىنى بىز چەكلەيمىز. بىر ئېغىز گەپ يولۋاسنى يەڭگىنى ئەمەس ئاچچىقنى يەڭگىنى باتۇر. شۇڭا پىتنىڭ ئاچچىقىدا چاپاننى ئوتقا سالماڭ مومىخانا سۇغۇقراق تۇڭۇپ قالىسىز

بايراق

يەنە بىر پىكىر شىنجاڭنىڭ ھەر قايسى جايلىردا ياش-ئۆسمۈرلەر پۇتبولىنى قوللاش يۇقرى كۈتۈرلىپ ھەرخىل مۇسابىقىلەر ئۇرۇنلاشتۇرلىۋاتىدۇ، مۇنبەردە ھەممە جايلاردىن ئەزالار كۆپ ئىكەن بولسا ناھىيە دەرىجىلىكتىن باشلانغان يۇقرى دەرىجىلىك مۇسابىقىلەردىن خەۋەردار قىلىۋاتقان مۇنبەرداشلارنى رىغبەتلەندۈرۈپ تۇرۇلسا بۇلاتتى
مۇنبەر يۈزىدىمۇ بولسا خەۋەردار قىلىۋاتقانلارنى ئۇنتۇپ قالمىساق

پۇتبولچى

مۇنبەرگە تەكلىپ سەھپىسىنى ئارلاپ كۆردۈم، جىق ئىشلار ئەمىيلەشمەپتۇ. نىجات ئەپەندىم ئۆزى ئويلىنىپ بىر تەرەپ قىلالايدۇ.

ئاۋال بىر مەسلىھەت كۆرسىتەي، ئەمىللەشسە باشقا تەكلىپىممۇ بار.
بىرىنچىدىن، يېڭىدىن ئەزا تىزىملىتىشنى ۋاقىتلىق توختىتىش.
ئىككىنچىدىن، سان سىپىر ۋە قاملاشمىغان نام بىلەن تىزىملاتقان ئەزا ئىچىدە ئىنكاس تېما يازمىغان بولسا بىردەك ئارخىپىنى ئۆچۈرۈش.
ئۈچىنچىدىن، سان سىپىر ۋە قاملاشمىغان ئەزا نامى بىلەن ئىنكاس تېما يېزىۋاتقان ئەزاغا ياردەم قىلىپ ئەزا نامىنى ئۆزگەرتىش. رەت قىلسا ئارخىپىنى ئۆچۈرۈش.
تۆتىنچىدىن، چەكلەنگەن كونا ئەزالارنى قۇيۇپ بىرىپ دەلىللەش ئېلىپ بېرىش.
بەشىنچىدىن، باشقۇرغۇچىلار قۇرۇق گەپنى ئاز قىلىش كىرەك.
ئالتىنچىدىن، مۇنبەر تۈزۈمى ئورنىتىش كېرەك.
يەتتىنچىدىن، نادىر تېما يازغانلارنى ئاز بولسىمۇ تىلىفۇن ھەققى بىلەن تەمىنلىشى كېرەك. (بۇنداق دىسەم بىر نادىر تېمىغا دەپ ئويلاپ قالماڭ، بەزى نادىر تېمىلار خىلى پۇلغا يارايدۇ، رىغبەتلەندۈرۈش يەنە بىر نادىر تېمىنى پەيدا قىلىدۇ، ئىقتىساد يوق بولسا، نىجات مۇشۇ بىكەتنىڭ يىللىق چىقىم كىرىمىنى مۇنبەردە ئاشكارلىسۇن، راستىنلا كۆتۈرەلمىگىدەك بولسا بىز قاراپ تۇرمايمىز. )

ھازىرچە مۇشۇنچىلىك دەپ تۇراي.

بېرنابۇ

سۆز قىلىش چەكلەنگەنلەرنىڭ قىسقا ئۇچۇر يوللاش ھوقۇقى بار. ناھەق ياكى خاتا چەكلىنىپ كەتتىم دەپ قارايدىغانلار ھەر قانداق باشقۇرغۇچىغا بىۋاستە قىسقا ئۇچۇر قىلىپ پىكرىڭلارنى بايان قىلساڭلار بولىدۇ.

بىرازىلىيە

خېلى بولدى، ئۇرۇش - جىدەلدىن نېرى تۇرىۋاتىمىز...

بېرنابۇ

بىرازىلىيە يوللىغان ۋاقتى  2015-6-28 12:46
خېلى بولدى، ئۇرۇش - جىدەلدىن نېرى تۇرىۋاتىمىز...

راسىت، خېلى ئوبدان بولۇپ قالغاندەك تۇرىلا

بېرنابۇ

ئۈلكەر- يوللىغان ۋاقتى  2015-6-28 12:49
مەنغۇ يىراق بۇنداق ئىشلاردىن . ئىلمىي مۇنازىرلىشىمەن ھ ...

......................................

بىرازىلىيە

بېرنابۇ يوللىغان ۋاقتى  2015-6-28 12:51
راسىت، خېلى ئوبدان بولۇپ قالغاندەك تۇرىلا

يېڭى تىزىملىتىپ كىرگەن بىر ئەزا سىلىنى تىللاۋاتامدۇ قانداق؟

بېرنابۇ

ماۋۇ مۇنبەردە مەندىن باشقا باشقۇرغۇچىلارمۇ بارمۇ يا؟
بۇ مەسىلىنى ئايرىم مەسلىھەتلىشىشنىڭ ئورنى يوق دەپ قاراپ يىغىن زالىغا يېزىپ يۈرمەي بىۋاستە ئاشكارە تېما سۈپىتىدە يوللىدىم. ئۆز پىكىر-تەكلىپىڭلارنى ئوتتۇرغا قويمامسىلەر؟!

بېرنابۇ

بىرازىلىيە يوللىغان ۋاقتى  2015-6-28 12:52
يېڭى تىزىملىتىپ كىرگەن بىر ئەزا سىلىنى تىللاۋاتامدۇ  ...

ھە، ئۇلۇغ كۈنلەردە گۇناھىمنى يېنىكلىتىشىپ بېرىۋاتقان بىرەرسى بار ئوخشايدۇ.

sarang

ئادەم سېغىنىپمۇ قالىدىكىنا مۇنبەردە ئۇرۇش جىدەل چىمسا ئۇرۇش جىدەلنى  ،ېۇۇ