پۇتبول مەستانىسى

azgun110

پۇتبول مەستانىسى

    توپ مەستانىسى بولسا، توپ تۈرىدىكى ھەرىكەتلەرنى ئەسەبىيلەرچە ياخشى كۆرىدىغان كىشىلەرنى كۆرسىتىدۇ.  مەستانە دېگەنلىك مەلۇم نەرسە ياكى ئىش- ھەرىكەتكە مەپتۇن بولۇپ كەتكەن كىشىلەرنى كۆرسىتىدۇ. قىسقىسى، توپ مەستانىسى دېگەنلىك ئەسەبىيلەرچە ياخشى كۆرىدىغان، ئەمما بىۋاستە توپ مۇسابىقىسىگە قاتناشمايدىغان تاماشىبىنلارنى كۆرسىتىدۇ.

    پۇتبول مەستانىسىنىڭ بارلىققا كېلىشى
    پۇتبول مەستانىلىرى ئەنگىليە ھازىرقى زامان پۇتبول ھەرىكىتىنىڭ تەرەققىياتى جەريانىدا تەدىرىجىي شەكىللىنىپ، كۈنسېرى زورايغان. شۇنداق دېيىشكە بولىدۇكى، ئەنگىليە ھازىرقى زاماندىكى پۇتبول مەستانىچىلىقىنىڭ پەيدا بولغان ماكانى ھەمدە ھازىرقى زامان پۇتبولىنىڭ تەرەققىيات بۆشۈكىدۇر.
ھازىرقى زامان پۇتبول ھەرىكىتى بارلىققا كەلگەن ئەنگىلىيەدە ئەڭ دەسلەپتە پۇتبول مۇسابىقىلىرىدە تىلغا ئالغۇدەك ھېچقانداق قائىدە بولمىغاچقا، پۇتبولنى قول بىلەن تۇتۇپ، پۇت بىلەن تېپىپ دېگەندەك، لاي- پاتقاق، قۇم- بورانلاردىمۇ ئويناش ئومۇملىشىشقا باشلىغان ۋاقىتلار بولۇپ، ئۇلارنىڭ پۇتبول ئوينىشى پەقەت ئۇرغۇپ تۇرغان ياشلىق كۈچىنى نامايان قىلىش ئۈچۈن ئىدى. شۇ ۋاقىتلاردا ئۇلارنىڭ ئويۇنلىرىنى چۆرىدەپ كۆرىدىغان تاماشىبىنلار ئەنگىليەدىكى ئەڭ ئىپتىدائىي تىپتىكى پۇتبول مەستانىلىرىنى بارلىققا كەلتۈرگەن.
    غەرب دۆلەتلىرىدە پۇتبول مەستانىلىرى ئۇقۇمى
     غەرپ دۆلەتلىرىدە تۆۋەندىكى تۆت سۆز ئارقىلىق پۇتبول مەستانىلىرىنى تۈرگە ئايرىيدۇ.
1.         Fans : بىز دائىم دەيدىغان توپقا ئامراق كىشىلەر ۋە تاماشىبىنلار.
2.         supporters : كوماندىنىڭ سادىق قوللىغۇچىلىرى بولۇپ، كوماندىنىڭ نەتىجىسىنىڭ ياخىشى- يامان بولۇشىدىن قەتئىينەزەر دائىم نەقمەيدانغا بېرىپ، ئۆز كوماندىسىغا مەدەت بېرىدىغانلاردۇر.
3.         ultras : جەمئىيەتنىڭ تۆۋەنرەك قاتلىمىدىن چىققان ياشلار بولۇپ، ئۇلار جەمئىيەتكە بولغان نارازىلىقىنى، تۇرمۇشقا بولغان بىزارلىقلىرىنى توپ مەيدانىدىغا سۆرەپ كىرىپ، قانغۇچە جار سېلىپ، ئاچچىقىنى چىقىرىدىغان كىشىلەردۇر.
4.          hoolgans : توپ مەستانىسىنىڭ تېرىسىگە ئورۇنىۋېلىپ، دائىم مەيداندا قالايمىقانچىلىق چىقىرىپ، زوراۋانلىق قىلىدىغان كىشىلەردۇر.
    پۇتبول مەستانىلىرىنىڭ تۈرلىرى
    پۇتبول لۈكچىكى: مەلۇم كوماندىنىڭ بايرىقىنى كۆتۈرۈۋېلىپ، ئۆزىنىڭ كەيپىياتى بويىچە جار سالىدىغان، ئەمما پۇتبولنىڭ ئۆزى بىلەن ئانچە كۆپ مۇناسىۋىتى بولمايدىغان كىشىلەرنى كۆرسىتىدۇ.
    ساختا مەستانە: شامالغا ئەگىشىپ، ئۆزىنى مەلۇم بىر كۇلۇب ياكى مەلۇم توپچىنى ياخشى كۆرىمەن دەپ تۇرۇۋالىدىغان، ئادەتتە مۇسابىقە كۆرمەيدىغان، توپمۇ ئوينىمايدىغان، مەيدان ئىچى- سىرتىدا نېمە ئىشلار بولۇۋاتقىنى بىلەن كارى بولمايدىغان، ھەتتا كوماندىنىڭ ئىپادىسى ياخشى بولسا ماختاپ، ئىپادىسى ناچار بولسا ئەسەبىيلەرچە تىللايدىغان كىشىلەرنى كۆرسىتىدۇ.

    تۆۋەن دەرىجىلىك مەستانە: پەقەت قايسى كوماندىنىڭ يەڭگەنلىكىنى ياكى ئېنىق قائىدىگە خىلاپ ھەرىكەتلەرنىلا پەرق ئېتەلەيدىغان، مەيدان ئىچى- سىرتىدىكى ئىشلارغا ئەمدىلەتىن دىققەت قىلىشقا باشلىغان كىشىلەرنى كۆرسىتىدۇ.
    ئادەتتىكى مەستانە: بىر قىسىم تېخنىكىلىق قائىدە- تەرتىپلەرنى چۈشىنىدىغان، چولپانلارنىڭ ئەھۋالىنى بىلىدىغان، ئەمما توپچىلارنىڭ تېخنىكىسىدىن ھوزۇرلىنىشىنى ئانچە بىلىپ كەتمەيدىغان، مەيدان ئىچى- سىرتىدىكى ئىشلارنى بىلىشكە قىزىقىۋاتقان كىشىلەرنى كۆرسىتىدۇ.
    ھەقىقىي مەستانە: ئىمكانىيەتنىڭ بارىچە نەقمەيداندىن مۇسابىقە كۆرىدىغان، نەقمەيدانغا بارالمىغان تەقدىردە كېچىلەپ تېلىۋىزور ئالدىدىن كەتمەيدىغان، مەيدان ئىچى- سىرتىدىكى مۇناسىۋەتلىك ئىشلاردىن تەسىرات ئالالايدىغان، پۇتبولنى، كوماندىنى ھەقىقىي قوللايدىغان، ئىشتىن سىرىتقى ۋاقىتلاردا دائىم پۇتبول تېپىپ تۇرىدىغان كىشىلەرنى كۆرسىتىدۇ.

    دەرىجىدىن تاشقىرى مەستانە: ھەرقايسى كوماندىلارنىڭ تېخنىكىلىق سەۋىيىسى، توپچىنىڭ ئارتۇقچىلىقى قاتارلىقلارنى پىششىق ئىگەللىگەن، كوماندىنىڭ تاكتىكا ئورۇنلاشتۇرۇشلىرىنى چۈشىنىدىغان، مەيدان سىرتىدا ئۆزىنىڭ خوشاللىقىنى پۇتبولدىن ئىزدەيدىغان كىشىلەرنى كۆرسىتىدۇ.
    پۇتبول سارىڭى: نەقمەيدان مۇسابىقىسى كۆرگەندە، ھاياجاندىن مەيدانغا كىرىۋالىدىغان كىشىلەرنى كۆرسىتىدۇ.

    توپ مەستانىلىرى ھەقىقىي توپنى چۈشىنىدىغان، توپتىن ھوزۇرلىنالايدىغان كىشىلەر توپى بولۇپ، ھەرگىزمۇ كىم توپ كىرگۈزسە شۇ نوچى دەپ قاراپ، بىر- ئىككى مەيدان مۇسابىقىنىڭ نەتىجىسىگە قاراپلا كوماندىغا ھۆكۈم چىقىرىۋالىدىغان، جەرياننى كۆرمەي نەتىجىگىلا قارىۋالىدىغان كىشىلەرنى كۆرسەتمەيدۇ.

    ھەقىقىي پۇتبول مەستانىسى بىلەن ساختا مەستانىنىڭ پەرقى
1.        ھەقىقىي مەستانە مەلۇم توپچىنى ياقتۇرۇشتىن باشلاپ، بارا- بارا بىر كوماندىنى ياخشى كۆرۈشكە تەرەققىي قىلىدۇ.
ساختا مەستانە كوماندىنىڭ (ياكى توپچىنىڭ) سانلىق مەلۇماتلىرىنى (مۇسابىقە نەتىجە نۇمۇرىنى) ياخشى كۆرۈشتىن باشلاپ كوماندىنىڭ (ياكى توپچىنىڭ) نەتىجىسىنى باشقا كوماندىلار بىلەن سېلىشتۇرۇشقا تەرەققىي قىلىدۇ.
2.        ھەقىقىي مەستانە ئۆز قەلبىدىكى قەھرىماننى قوللايدۇ، گەرچە ئۇنىڭ نۇرغۇن كەمچىلىكلىرى بولسىمۇ ئوخشاشلا ياخى كۆرىدۇ.
ساختا مەستانە ھەرقانداق ئادەمنىڭ كەمچىلىكى بولىدىغانلىقىدىن ئىبارەت ھەقىقەتنى قەلبىگە سىغدۇرالمايدۇ، كۈن بويى ئۆز قەلبىدىكى قەھرىمان ھەممە جەھەتتە مۇكەممەلدەك، باشقىلار ياقتۇرىدىغان توپچىلارنىڭلا كەمچىلىكى باردەك پو ئېتىپ يۈرىدۇ.
3.        ھەقىقىي مەستانە ئۆزى ياقتۇرىدىغان كوماندىنى ياخشى كۆرۈش بىلەن بىرگە قارشى تەرەپ كوماندىنىمۇ ھۆرمەتلەشنى بىلىدۇ.
ساختا مەستانە ئۆزى ياخشى كۆرىدىغان كۇلۇبنى ماختاپ كۆككە كۆتۈرۈش بىلەن بىرگە باشقا كوماندىلارنى ئەخلەت قاتارىغا چىقىرىۋېتىدۇ (ئەخلەت كوماندىلار بىلەن مۇسابىقە قىلغان كوماندىنىڭ نېمىگە ئوخشاپ قالىدىغانلىقىنى بىلمىسە كېرەك).
4.        ھەقىقي مەستانە ئۆزىنىڭ قەھرىمانىغا ئىشىنىدۇ، ئۇنى ھەرگىزمۇ باشقىلار بىلەن سېلىشتۇرۇپ يۈرمەيدۇ.
ساختا مەستانە كۈن بويى باشقىلارنى ئۆزئارا سېلىشتۇرۇش ئارقىلىق، ئۆزىگە تەسەللىي تاپىدۇ.
5.        ھەقىقىي مەستانە مۇسابىقىدە غەلبە قىلغاندىكى خوشاللىقتىن بەھرىمەن بولۇشنى بىلىدۇ.
ساختا مەستانە باشقىلارنى تىللاشتىن خوشاللىق تاپىدۇ.
6.        ھەقىقىي مەستانە گەرچە توپ تەپمىگەن بولسىمۇ، توپتىن خوشال بولىۋېرىدۇ.
ساختا مەستانە ئۆزى توپ تېپەلىگەنلىكى ئۈچۈن ئۆزىنى باشقا مەستانىلەردىن ئۈستۈن تۇتۇۋالىدۇ.
7.        ھەقىقىي مەستانە قوللايدىغان توپچىلار ۋە كوماندىلار ھەرخىل بولىدۇ.
ساختا مەستانە بولسا ئەڭ كۈچلۈك بىرلا كوماندا ياكى توپچىنىلار قوللايدۇ، چۈنكى ئۇ ئادەم تىللىغاندا ئادىمىيلىكىنى يوقىتىدۇ.
8.        ھەقىقي مەستانە ئۆزى قوللىغان كوماندا خاراپلاشقان چاغدىمۇ ئۇنىڭدىن ئۈمىد ئۈزمەيدۇ.

ساختا مەستانە بولسا ئەڭ قالتىس ئورۇندا تۇرۇۋاتقان كوماندىنىلا ياخشى كۆرىدۇ، خاراپلاشقاندا بولسا ئۇنىڭدىن يىراقلىشىدۇ.
    ئاخىرىدا شۇنىمۇ ئېيتىپ ئۆتۈش كېرەككى، ساختا مەستانىنىڭ مەلۇم كوماندا ياكى توپچىنىڭ ياخشى- يامانلىقىغا باھا بېرىش سالاھيىتى يوق.
                        مەنبە: تور دۇنياسى ۋە ئويلىغانلىرىم

تەمكىن

ئېسىل تېما بوپتۇ قولىڭىزغا دەرت كەلمىسۇن

9999999

مۇنبەردىكىلەر مۇشۇ تىمىدىن ئۆزىنىڭ قانداق مەستانە ئىكەنلىكىنى بىلىۋىلسا بولغۇدەك

جانۇزاي

ھەقىقەتەن ياخشى تىما بوپتۇ.

fifaoo7

مەستانىلىق ئۆزنۆۋىتىدە ئەخلاق ۋە مۇئەييەن ساپا تەلەپ قىلىدۇ ،ئۆزئارا ھۆرمەتلەشنى ئاساس قىلغان توغرا رىقابەت مەستانىلىقنى تېخىمۇ گۈزەللەشتۈرىدۇ.قارىسىغا سۆزلەش ئاغرىق ئاداۋەتلا ئېلىپ كىلىدۇ.

ئېلىخو

مەن قايسىنىڭغا كىرەمە؟ ……


تىما  ئىسىل چىقىپتۇ !

ئابلەتجان

بۇ ئايلىق نادىرغا بىر بېلەت كەتتى.
  قانداقلا قىلسام ئۆزۈمنى ھەقىقىي توپ مەستانىسى ئويلاپ قالدىم. بولۇپمۇ ئاخىرىدىكى بىر قانچە تارماقتا...

muhsin

ئېسىل تېما     ………

TORAM7

ھەقىقەتەن ياخشى تىما بوپتۇ.

kunqi

بىز Fans تىپىدىكى توپ مەستانىلىرى قاتارىغا كىرىدىكەنمىز

laqin1

ئومدان تىما.

nur816

ئاۋال تېما ئىگىسىنىڭ ئەجىرىگە كۆپ رەھمەت …لىكىن بۇ تېمىنى نۇر تورىدا ئۇقۇغان ئىدىم خېلى بۇرۇن……لىكىن گەپلىرىمنى خاتا چۈشەنمىگەيسىز…