ئىشتىن چۈشۈش ئېھتىماللىقى ئەڭ يۇقىرى 8 داڭلىق مەشقاۋۇل !!!~

nayil

                                                            
                ئىشتىن چۈشۈش ئېھتىماللىقى ئەڭ يۇقىرى 8 داڭلىق مەشقاۋۇل !!!



   ھەر بىر ئائىلىنىڭ ئۆزىگە تۇشلۇق غەم-قايغۇسى بولغىنىدەك ، پۇتبول ساھەسىمۇ بۇنىڭدىن مۇستەسنا ئەمەس . ھازىر پۇتبول سەھنىسىدىكى ھەر قايسى زەردارلارنىڭ باش قېتىقچىلىقى ئازمۇ ئەمەس . بۇلارنىڭ ئىچىدە بەزى زەردار كۇلۇبلارنىڭ نەتىجىسىنىڭ كۆڭۈلدىكىدەك بولماسلىقى ۋە كوماندا قۇرۇلمىسىنىڭ قالايمىقانلىشىشى كوماندا گەۋدىسىدە مەلۇم دەرىجىدە تەۋرىنىش ھاسىل قىلدى . ئەلۋەتتە ، بۇنداق ھالەتنىڭ بىۋاسىتە مەسئۇلىيىتى يەنىلا بۇرۇنقىدەك مەشقاۋۇللارغا باغلىنىپ قالدى . مەن تۆۋەندە بۇ پەسىللىك مۇسابىقىلەر ئاخىرلاشقاندىن كېيىن ئىشتىن چۈشۈش ئېھتىماللىقى ئەڭ يۇقىرى 8 نەپەر داڭلىق مەشقاۋۇلنى تونۇشتۇرۇپ ئۆتمەكچىمەن !!~

   1 .  ئەنچىلوتتې      (   خانلىق مادرىد  )



   كۆپىنچە كىشىلەرنىڭ نەزىرىدە مول-ھوسۇللۇق بىر مۇسابىقە پەسلىنى ئاخىرلاشتۇرۇپ ، ئىككىنچى يىلىغا قەدەم قويغان مەشقاۋۇللارنىڭ ئىشتىن چۈشۈش ئېھتىماللىقى ئىنتايىن تۆۋەن بولۇشى مۇمكىن . لېكىن خانلىق مادرىدقا نىسبەتەن ھەر قانداق ئىشنىڭ بولۇش مۇمكىنچىلىكى بار . خانلىق مادرىد كوماندىسنىڭ بىرلەشمە مۇسابىقىدە بېرباخ رىقابەت كوماندىسىغا ئۇتتۇرۇپ قويۇپ ، بىرلەشمە سەركىلىك ئورنىنى تاتقۇزۇپ قويۇشى ۋە ئۇزغۇنلۇق مۇسابىقىسىدە شارېك 04 كوماندىسىغا ساھىبخان مەيداندا 4 —3 نەتىجە بىلەن ئۇتتۇرۇپ قۇيۇشى ، باش مەشقاۋۇل ئەنچىلوتتېنى بۇ بوران ئېغىزىغا تەبئىيلا سۆرەپ ئاپاردى . ئاخبارات ۋاسىتىلىرىنىڭ قارىشىچە ، ئەنچىلوتتېنىڭ بوشاڭلىقى ۋە باشقۇرۇشتا كەسكىن بولماسلىقى خانلىق مادرىد توپچىلىرىنىڭ ئىرادىسىنى بوشتىپ قويۇپتۇ .  ھازىرقى مەسىلە ، خانلىق مادرىد تېخى ئەنچىلوتتېنى ئىشتىن بوشىتىش قارارىنى چىقارمىغان بولسىمۇ ، لېكىن فىلورېنتىنۇنىڭ ئەنچىلوتتىغابولغان ئشەنچىسى ۋە سەۋر تاقىتى توشۇپ بولغان بولۇپ ، ئەنچىلوتتېنىڭ ئىشتىن چۈشۈش خەۋپى ھەر قاچان مەۋجۇت ئىكەن . بەلكىم بۇ ھەپتە ئاخىرىدىكى بارسېلونا بىلەن بولغان دېربى جېڭى ئەنچىلوتتېنىڭ مادرىدتىكى كەلگۈسىنى تېخىمۇ روشەنلەشتۈرۈشى مۇمكىن . ئەگەر بۇ مەيدان دېربى جېڭىدە ئەنچىلوتتې قوشۇنى بارسېلونا ئۈستىدىن غەلىبە قىلسا ، خانلىق مادرىد يەنە بىرلەشمە سەركىلىك ئورنىغا قايتىپ كېلىدۇ . شۇنداقلا ئەنچىلوتتېنىڭ ئورنىمۇ بىر قەدەر مۇستەھكەملىشىدۇ . ئۇنىڭ ئەكسىچە بولسا ، بۇ مۇسابىقە ئەنچىلوتتېنىڭ مادرىدتىن ئايرىلىشىدىكى مۇھىم نۇقتا بولۇپ قېلىشى مۇمكىن .
  

   2 .  بىرۇس      (   خول شەھىرى   )



   بىروسنىڭ ئالدىنقى ئىككى پەسىلدىكى مەشقاۋۇللۇق جەريانىنى ئىنتايىن مۇۋەپپەقىيەتلىك بولدى دېيىشكە بولىدۇ . 2013-يىلى بىرۇس ھول شەھەر كوماندىسىنى يېتەكلەپ ، دەرىجىدىن تاشقىرى بىرلەشمىسىگە ئۆرلەپ چىققان . 2014-يىلى بولسا بىرۇس يېتەكچىلىكىدىكى ھول شەھەر كوماندىسى دەرىجە ساقلاپ قېلىش ۋەزىپىسىنى تولۇق ئورۇندىدى ، شۇنداقلا ئىنگلاند پۇتبولچىلار جەمئىيىتى لوڭقىسىنى تالىشىش مۇسابىقىسىدە ئىزچىل ياخشى ئىپادە كۆرسىتىپ ، ئەڭ ئاخىرقى ھەل قىلغۇچ باسقۇچىغا ئېلىپ كىردى . ھول شەھەر كوماندىسىنىڭ بۇ يىلقى بىرلەشمىدە نەتىجىسى ئانچە كۆرۈنەرلىك ئەمەس ، دەرىجە ساقلاپ قېلىش ھازىرقى ئەڭ چوڭ ۋەزىپە . ئەگەر بىرۇس كوماندىنى يېتەكلەپ بۇ ئۆتكەلدىن ئۆتەلمىسە ، بىروسنىڭ ھول شەھىرى كوماندىسدىكى ھېكايىسى ئاخرلىشىشى مۇمكىن .

  3  .  ئاللاردېس      (   غەربى ھام بىرلەشمىسى   )



   غەربى ھام بىرلەشمە كوماندىسى ھازىر بىرلەشمىدە 10-ئورۇندا تۇرۇۋاتىدۇ . نەتىجىسىنى بەك باچار دېيىشكە بولمايدۇ . لېكىن مەشقاۋۇل ئاللاردېسنىڭ غەربى ھام بىرلەشمە كوماندىسىدىكى مەشقاۋۇللۇق ھاياتى مۇشۇ پەسىل ئاخىرلىشىشى مۇمكىن . ئاللاردېس 2011-يىلى غەربى ھام بىرلەشمە كوماندىسىنى يېتەكلەپ ئىنگلاند دەرىجىدىن تاشقىرى بىرلەشمىسىگە ئۆرلەپ چىقىشىدا ئەڭ چوڭ تۆھپە ياراتقان كۇلۇب تۆھپىكارى . لېكىن بۇ تۆھپىكار ئىزچىل تەنقىدى زەربىلەرگە ئۇچراپ تۇردى . بەزىلەر ئۇنىڭ مەشقاۋۇللۇق قابىلىيىتىنى ئىنكار قىلدى . بۇ مەشقاۋۇل شۇنچە تىرىشقان بولسىمۇ ، ئىزچىل قوللاشقا ۋە ئېتىراپ قىلىشقا ئېرىشەلمىدى . ئۇلارنىڭ قارىشىچە ، ئاللاردېس مەشقاۋۇللۇقىدىكى غەربى ھام كوماندىسى ئۆز ئۇسلۇبىنى جارى قىلدۇرالماپتۇ . ئۆزىنىڭ ئەمگەك مېۋىسىنىڭ ئېتىراپ قىلىش ۋە قوللاشقا ئېرىشەلمەسلىكى بۇ مەشقاۋۇلنىڭ غەربى ھامدىن ئايرىلىشىنى كەلتۈرۈپ چىقىرىشى مۇمكىن .

   4  .  پېللېرگىنې      (   مانچېستېر شەھەر   )



  مەنچىنى مەشقاۋۇللىقىدىكى مانچېستېر شەھەر كوماندىسى 2013-يىلى كۇلۇب تارىخىدىكى 44 يىلدىن بۇيانقى تۇنجى ئىنگلاند دەرىجىدىن تاشقىرى لوڭقىسىنى كۆتۈرگەندىن كېيىن ، ئىككىنچى يىلىدىكى ئىپادىسىنىڭ ناچار بولۇشىسەۋەبىدىن ، مەنچىنى مانچېستېر شەھەر كۇلۇبى تەرىپىدىن شاللىۋېتىلگەنىدى . ھازىرقى ئەھۋالدىن قارىغاندىمۇ ، پېللېرگېنىنىڭ نەتىجىسى تازا كۆرۈنەرلىك ئەمەس . بىرلەشمىدە چېلسى بىلەن بولغان نومۇر پەرقى 6 نومۇرغا كېڭەيدى . ھازىرقى ھالەتتە مانچېستېر شەھەر كوماندىسنىڭ بىرلەشمە چىمپىيونلۇقى بىلەن بولغان ئارىلىقى ئۆز تىرىشچانلىقى ۋە چېلسى كوماندىسنىڭ مەغلۇبىيىتىگە باغلىق بولۇپ قالدى . ئۇزغۇنلۇق مۇسابىقىسىدە بولسا ، ساھىبخان مەيداندا بارسېلونا كوماندىسىغا 1 : 2 نەتىجە بىلەن ئۇتتۇرىۋەتتى . ئەتە سەھەردە كامپ نو مەيدانىدا بارسېلونادىن نومۇر ئاشۇرۇشنىڭ قىيىنلىق دەرىجىسى بىر قەدەر يۇقىرى . ئەگەر بۇ پەسىلدە مانچېستېر شەھەر كوماندىسى قۇرۇق قول قالسا ، پېللېرگىنېنىڭ مانچىسىتېر شەھەر كوماندىسىدىكى مەشقاۋۇللۇق سەپىرى ئاخىرلىشىشى مۇمكىن .

   5  .   مارتىنېز       (   ئېۋېرتون   )



   كۇلۇب تارىختىكى بىرلەشمە نومۇر رېكورتى 72 نومۇر ، ئۇزغۇنلۇق بىرلەشمىسىگە قاتنىشىش سالاھىيىتى ، مانا بۇ مارتىنېزنىڭ ئالدىنقى پەسىلدىكى رىۋايىتى . بۇ پەسىلدە بولسا ئېۋېرتون كوماندىسى ئالدىنقى پەسىلدىكىدەك سېھرى كۈچىنى نامايان قىلالمىدى . بىرلەشمىدە بولسا 31 نومۇر بىلەن 14-ئورۇندا تۇرۇۋاتىدۇ . دەرىجە ساقلاش سىزىقىدىن پەقەت 6 نومۇرلا يۇقىرى ھالەتتە . بۇ تۆھپىكار مەشقاۋۇلنىڭ ئېۋېرتوندىكى ھەر بىر قەدىمى قىيىنلاشماقتا .

  6  .  ئىنزاگې      (   مىلان    )



  ھازىرقى ئەھۋالدىن قارىغاندا ، ئىشتىن چۈشۈش ئېھتىماللىقى ئەڭ يۇقىرى مەشقاۋۇل دەل ئىنزاگې بولۇشى مۇمكىن . يېقىنقى 10 مەيدان ھەر قايسى تۈردىكى مۇسابىقىلەردە ، ئىنزاگې باشچىلىقىدىكى مىلان كوماندىسى 2 مەيدان ئۇتۇپ ، 3 مەيدان تەڭلىشىپ ، 5 مەيدان ئۇتتۇرۇشتەك ناچار نەتىجە ياراتتى . بۇ نەتىجە ھەر قانداق بىر زەردار كۇلۇبقا نىسبەتەن قوبۇل قىلىش تەس بولغان بىر نەتىجە . بىرلەشمىدە 10-ئورۇنغا چۈشۈپ قالغان مىلان كوماندىسىنىڭ ھازىرقى ئەھۋالدىن قارىغاندا ، كېلەر يىللىق ئۇزغۇنلۇققا قاتنىشىش ئارزۇسىنىڭ ئەمەلگە ئېشىشى ئىنتايىن قىيىن ھالەتتە . بەلكىم ئالدىمىزدىكى ھەر بىر مىنۇتنىڭ قايسى بىرىدە ئىنزاگېنىڭ مەشقاۋۇللۇقتىن بوشىتىلغانلىق خەۋىرى چىقىپ قېلىشى مۇمكىن . ھەر قايسى ئاخبارات ۋاسىتىلىرىنىڭ خەۋەر قىلىشىچە ، ئىنزاگېنىڭ ئورنىغا سىدروف مەشقاۋۇل بولۇپ ، مىلاننىڭ قامچىسىنى قايتا قولغا ئالىدىكەن .

   7  .  كىلوپ      (   دورتموند   )



  ئىلگىرىكى ئۇدا ئىككى يىل بايرېن مىيونخېن كوماندىسىنى ئارقىغا تاشلاپ بىرلەشمە چېمپىيونى بولغان ، ئۇزغۇنلۇق مۇسابىقىسىدە خانلىق مادرىدقا قاقشاتقۇچ زەربە بەرگەن بۇ زەربىدار قوشۇن ، يارىدارلارنىڭ ئارقىمۇ-ئارقا كۆپىيىشى ، كۆزگە كۆرۈنگەن توپچىلىرنىڭ يۆتكىلىش بازىرىدا تالان-تاراج بولۇشى سەۋەبىدىن ھازىرقى قىيىن ئەھۋالغا دۇچار بولۇپ قالدى . بىرلەشمە مۇسابىقە باشلىنىپ دەسلەپكى مەزگىللەردە دورتموند كوماندىسى بىرلەشمىنىڭ ئاخىرىغا چۈشۈپ قالغان ، يېقىندىن بۇيانقى يارىدارلارنىڭ ئەسلىگە كېلىشى بىلەن دورتموند كوماندىسىنىڭ نەتىجىسى بارا-بارا يۇقىرى كۆتۈرۈلۈپ ، بىرلەشمىدە 10-ئورۇنغا چىقتى . يېقىنقى ئىككى مەيدان مۇسابىقىدە دورتموند كوماندىسى رەقىبى بىلەن 0 : 0 نەتىجە بىلەن تەڭلىشىپ قېلىپ ، ئىپادىسىنىڭ تۆۋەنلەۋاتقانلىقىنى ئاشكارىلاپ قويدى . ئالدىدىكى ئۇزغۇنلۇق مۇسابىقىسىدىكى غەلىبە بەلكىم كىلوپنىڭ دورتموندتىكى كەلگۈسىنى بەلگىلىشى مۇمكىن .

   8  .  بىلانك      (   پارىژ سانت-ژېرمان   )



   بىرلەشمە مۇسابىقىسى باشلىنىشتىن بۇرۇن ، بۇ پۇلدار كوماندىنى ھەممىسى چېمپىيون بولۇشى مۇقەررەر دەپ قارىغانىدى . لېكىن ھازىرقى ھالەتتە لىئون كوماندىسى 2 نومۇر ئۈستۈنلۈك بىلەن بىرلەشمە سەركىسى بولۇپ كېتىپ بارىدۇ .  گەرچە بىلانك باشچىلىقىدىكى پارىژ سانت-دېرمان كوماندىسى مورېنھو باشچىلىقىدىكى چېلسى كوماندىسى ئۈستىدىن غالىب كېلىپ ، ئۇزغۇنلۇق 8 كۈچلۈك كوماندا قاتارىغا كىرىپ بولغان بولسىمۇ ، لېكىن چېمپىيون قىزىق نۇقتىسى ئەمەس . كۇلۇب يۇقىرى قاتلىمىمۇ بۇ پەسىل ھەممىدن قۇرۇق قېلىشنى قوبۇل قىلالمايدۇ ئەلۋەتتە . كۇلۇبنىڭ ئەڭ چوڭ ئارزۇسى ئۇزغۇنلۇق چېمپىيونى بولۇش . ئەگەر بۇ پەسىلمۇ دېگەن مەقسىتىگە يېتەلمىسە ، كۇلۇب بەلكىم بىلانكنىڭ ئورنىغا ئۇزغۇنلۇق تەجرىبىسى مول مەشقاۋۇلدىن بىرنى ئەكېلىشى مۇمكىن .

لۇكاس

مۇشۇ ئىنزاگىنىڭ مىلاننى تۇتۇپ تېرىنىرلىق ھاياتى كۆڭۈللۈك بااشلانمىدى

HoPe157

مىنىڭچە بىلانك نىڭ ئىشتىن چۈشۈش ئىھتىماللىقى بەك تۆۋەن دەپ قارايمەن ، پارىژ ھازىر ئۇزغۇنلۇقتا چېمپىيۇن بولۇش ئىھتىماللىقى يۇقىرى بولغان چىلسىنى شاللىۋەتتى ، بىرلەشمىدە بولسا لىئون كۇلۇبىدىن 2نومۇر كەينىدە ، پارىژ ئالدىنقى ئۇزغۇنلۇقنىڭ 2-جى ئۇچۇرشىدا چىلسى بىلەن بولغان مۇسابىقىدە بەك كۈچىۋەتكەنشكىمۇ قانداق بوردو كۇلۇبىغا ئۇتتۇرۇپ قويغان لىكىن ئۇلارنىڭ بىرلەشمىدە لىئون كۇلۇبىدىن 1-جىلىكنى تارتىۋىلىشى تەس ئىش ئەمەس دەپ قارايمەن............................!!

HoPe157

پېللېرگىنې  مانچىستېر شەھەردىن كەتسە ياخشى نامزاتتىن بىرنى تاپماق بەك تەس ياخشىلارنى كۇلۇبلار قويۇپ بەرمەيدۇ ...............................!!

XIRTAYJUN

مىنىڭچە  بۇتېرنىرلار   ئاساسى  جەھەتتىن  بۇ  پەسىل  ئىشتىن چۈشمەسلىكى مۇمكىن

fifaoo7

بۇلار ئالمىشىپ باقسىمۇ بوپتىكەن،چەك تاشلاپلا

خۇشخۇي

ھەممىسنى ئالماشتۇرۇپلا باقسا بۇلدۇ ، بەزىللىرىنىڭ گۇمپىسى يوق كەيگەن قالپىقى چوڭ . بەزىسنىڭ گۇمپىسى بولسىمۇ تۇتقان كۆرسىتىدىغان سەھنە يوق

جانۇزاي

مانچىستىر بىرلەشمىسى بۇلانكنى تەكلىپ قىلدىغاننىڭ گىپى باغۇ خەنچە توربەتلەدە،  پاژىر ھەيدەپ قالسا ئالۋاستىغا كەلسۇن.

ejatkar

بۇلارنىڭ ئىرىشكەن نەتىجىسى، ۋاقتى كەلگەندە نولگە تەڭ بولدىكەن، رەھىمسىز دۇنيا.

تۆگىچاق

بەزىلىرىنىڭ ئىشتىن چۈشۈش مۇمكىنچىلىقى تۆۋەن  بۇلارنىڭ .

كۆسەنى

مۇشۇ ئەنچىلوتى بىلەن كىلوپ بىر ئالمىشىپ باقسىمۇ بۇپتىكەن .