ئەسسالامۇ ئەلەيكۇم !!
ھازىرقى ئەھۋالدىن ئېلىپ ئېيتقاندا، ئىتالىيە يۇۋېنتىس كوماندىسىنىڭ ئالدى مەيداندىكى ھۇجۇم لىنىيەسىنىڭ ئىپادىسى ئانچە كۆڭۈلدىكىدەك بولمايۋاتىدۇ، شۇڭا كۇلۇب يازلىق يۆتكىلىش بازىرىدىن پايدىلىنىپ، بۇ ئەھۋالنى ئۆزگەرتىشنى ئۆمۈت قىلىۋاتىدۇ، ئۇلار يازلىق بازازدا يۆتكەپ كەلمەكچى بولۇپ تەييارلانغان، فالكاۋ قاتارلىق بىر نەچچە توپچىنى تىزىملىككە كىرگۈزدى، بۇ توپچىلار تۆۋەندىكىچە :
1. فالكاۋ. (مانچېستىر بىرلەشمىسى)
فالكاۋنىڭ ھازىرقى ئىپادىسى ھەممىگە ئايان، ئۇ مانچېستىر بىرلەشمىسىگە قوشۇلغاندىن بۇيان ئىزچىل ئىپادىسى ياخشى بولماي كېلىۋاتىدۇ، بۇ ھال مەستانىلەرنى قاتتىق ئۆمۇتسىزلەندۈردى، ئۆزىمۇ مانچېستىر بىرلەشمىسىنى تاللىغانلىقىغا پۇشايمان قىلىپ قالدى، ئۇ بىر داڭلىق چولپان ئىدى، ھازىر ھەتتا مانچېستىر تەييارلىق كۇماندىسىدا توپ تېپىدىغان ھالغا چۈشۈپ قالدى، ئۇنىڭ يازلىق بازاردا كۇماندىدىن ئايرىلىش ئېھتىماللىقى بىر قەدەر چوڭ، شۇڭا يۇۋېنتىس بۇ پۇرسەتتە فالكاۋنى يۆتكەپ كەلمەكچى بولۇۋاتىدۇ، لېكىن فالكاۋنىڭ ھازىرقى بازار باھاسى 45 مىليون ياۋرو بولۇپ، يۇۋېنتىسقا نىسبەتەن بۇ باھا سەل يۇقىرى توختايدۇ، يۇۋېنتىس تۈۋەنرەك باھا بىلەن قوشىۋېلىشنى ئارزۇ قىلماقتا.
2. يۇۋېدىچ (مانچېستىر شەھىرى) .
قارا تاغلىق مېسسى دەپ نام ئالغان يۇۋېدىچ مانچېستىر شەھىرىگە كەلگەندىن بۇيان ئۆز ئىپادىسىنى تاپالماي قالدى، ئۇنىڭ ئۈستىگە مانچېستىر شەھىرى بۇ يىل قىشلىق بازاردا كۇتىدېۋۇرلۇق ھۇجۇمچى بونىنى يۆتكەپ كەلگەندىن بۇيان، ئۇنىڭ ئورنى خىرىس ئىچىدە قالدى. يۇۋېدىچنىڭ بازار باھاسى 17 مىليون ئەتراپىدا بولۇپ، بۇ باھا يۇۋېنتىس ئۈچۈن ناھايىتى مۇۋاپىق باھا ھېسابلىنىدۇ، لېكىن يۇۋېدىچ يۆتكىلىش بازىرىدا تالاشتا قالدى، ئىنتىر مىلەن، رىم، مادرىد رىقابەت ۋە لېۋىرپول كۇماندىلىرى قوشىۋېلىشنى ئارزۇ قىلىدىغان ئوبېكىتقا ئايلاندى، بۇنىڭ ئىچىدە ئىنتىر مىلەن بىر قەدەر ئاكتىپ ئورۇندا بولۇپ، ئاللىقاچان يۇۋېدىچ بىلەن بولغان سۆھبەتنى باشلىۋەتكەن، يۇۋېنتىس بۇ سودىنى ئەمەلگە ئاشۇرىمەن دەيدىكەن دەرھال ھەرىكەتكە كېلىشى كېرەك.
3 دېبالا ( پالېرمۇ)
ئارگېنىتىنالىق يېڭى يۇلتۇز دېبالا ئاللىقاچان كۆپلىگەن زەردار كۇلۇبلارنىڭ ئۇۋ نىشانى بولۇپ قالدى، ئۇ 1993-يىلى تۇغۇلغان، پالېرمۇغا ۋاكالىتەن 25 مەيدان مۇسابىقىگە قاتنىشىپ، 12 توپ ئۇرۇپ، 8 قېتىم پاس بېرىشتەك قالتىس ئىپادىسى بىلەن تۇرماقتا ، ئۇ پالېرمۇ كوماندىسى ئۈچۈن ناھايىتى مۇھىم ئەزاغا ئايلاندى، يۇۋېنتىسنىڭ بۇ توپچىنى قىوشۇۋېلىشى ناھايىتى قىيىنغا توختىشى مۇمكىن.
4 روبېئوت (پارىژ سانت ژېرمان)
يۇۋېنتىسنىڭ بۇ يىل يازدىكى يەنە بىر نېشانى بولسا، پارىژ سانت ژېرمان كۇماندىسىدىكى فىرانسىيەلىك ئۈمۈتلۈك ياش روبېئوت، ئو 1995-يىلى تۇغۇلغان، ئوتتۇرا مەيدان توپچىسى. ئۇنىڭ پارىژدىكى مەيدانغا چىقىش پۇرسىرى بەك ئاز، شۇڭا يازلىق بازاردا كۇلۇب ئالمىشىشى مۇمكىن، بازار باھاسى 5 مىليون ياۋرو ئەتراپىدا بولۇپ، يۇۋېنتىس بۇنداق يۇقىرى باھا بىلەن بۇ ياش توپچىنى سېتىۋېلشنىڭ خەتىرى بار دەپ قارىماقتا، لېكىن ئېنگىلانددىكى توتىنھام رېس كۇلۇبىمۇ بۇ توپچىغا كۆز تىكىۋاتقان بولۇپ، 5 مىليون ياۋرو باھانى مۇۋاپىق دەپ قارايدىكەن.
5.جېسسى مورى ( پارما )
يۇۋېنتىس روبېئوتدىن باشقا يەنە پارما كۇلۇبىنىڭ 1996-يىلى تۇغۇلغان، ياش ئوتتۇرا مەيدان توپچىسى جېسسىنىمۇ قوشۇۋالماقچى بولۇۋاتىدۇ، بۇ توپچىنىڭ بازار باھاسى 4 مىليون ئەتراپىدا بولۇپ، نۇرغۇنلىغان زەردار كۇلۇبلارنىڭ دىققىتىنى تارتىپ كەلمەكتە. ئىقتىسادى كىرزىز پاتقىقىغا پېتىپ قالغان پارما كۇلۇبى بۇ توپچىنى تۇتۇپ قىلىشقا ئامالسىز، شۇڭا يۇۋېنتىس پۇرسەتنى چىڭ تۇتۇپ، ھەرىكەت قېلىشى كېرەك.
| 
ۋاقتى: 
تېما كۆتۈرۈش
تېما چوققىلاش
تېما تاقاش
变色卡
ۋاقتى: 
