مېسسى ھازىر پۈتۈنلەي رىكوت يارتىش باسقۇچىغا كىرىدى

ئارىف

         

مېسسى ھازىر پۈتۈنلەي رىكوت يارتىش باسقۇچىغا كىرىدى، مېسسى نى يەنە قايسى رىكوتلار ساقلاۋاتىدۇ؟

مېسسى ھازىرغىچە نۇرغۇن شەرەپلەرگە ئىرىشتى،گەرچە بۇلتۇر ھېچقانداق چىمپىيۇنلۇق  لوڭقىسىغا ئىرشەلمىگەن بولسىمۇ ئەمما شەخسىي شەرەپلىرىمۇ ئاز ئەمەس،مېسسى ھازىر ياۋرۇپا چىمپىيۇنلۇق بىرلەشمىسىنىڭ 1-مەرگىنى 75توپ بىلەن، ئىسپانىيە A بىرلەشمىسى تارىخىدىكى 1-مەرگەن 270توپ بىلەن، 2015-يىلغا نىسپەتەن مېسسى يەنە بىر رىكوت ياراتتى. يەنى فىگونىڭ 105 قېتىملىق تۆھپە پاس رىكوتىنى بۇزۇپ تاشلىدى،مېسسى نىڭ ئىسپانىيە بىرلەشمىسىدىكى تۆھپە پاس سانى 107گە يەتتى.
ئۇنداقتا 27ياشلىق مېسسى نى يەنە قانداق رىكوتلار ساقلاۋاتىدۇ؟ بىز ئاۋال مېسسىنىڭ بارىسلونادىكى بارلىق سان-سىفىرلىنى كۈرۈپ ئۈتەيلى.

مېسسى ھازىرغىچە بارسېلونا كوماندىسىدا جەمئى 461مەيدان  مۇسابىقىگە قاتناشقان ،321مەيدان غەلبە قىلغان،87مەيدان تەڭلەشكەن،53مەيدان مەغلۇپ بولغان.بۇ 461مەيدان مۇسابىقىدە مېسسى 392توپ كىرگۈزۈپ ،146 تۆھپە پاس چىقارغان.

ئىسپانىيە A بىرلەشمىسى مۇسابىقىدە  مېسسى جەمئى 302مەيدان مۇسابىقىگە قاتناشقان بۇلۇپ 226مەيداندا غەلبە قىلغان ،46مەيدان تەڭلەشكەن،30مەيدان مەغلۇپ بولغان .بۇ 302مەيدان مۇسابىقىدە جەمئى 270 توپ كىرگۈزۈپ 107 تۆھپە پاس چىقارغان.

ياۋرۇپا چىمپىيۇنلۇق بىرلەشمىسى مۇسابىقىسىدە مېسسى جەمئى 93مەيدان مۇسابىقىگە قاتناشقان بۇلۇپ 53مەيدان غەلبە قىلغان،27مەيدان تەڭلەشكەن،13مەيدان مەغلۇپ بولغان.بۇ 93مەيدان مۇسابىقىدە جەمئى 75توپ كىرگۈزۈپ 19 تۆھپە پاس چىقارغان.

ئىسپانىيە شاھلىق لوڭقىسى مۇسابىقىسىدە مېسسى جەمئى 48مەيدان مۇسابىقىگە قاتناشقان بۇلۇپ 30مەيدان غەلبە قىلىپ 11مەيدان تەڭلەشكەن،7مەيدان مەغلۇپ بولغان.بۇ 48مەيدان مۇسابىقىدە جەمئى 32توپ كىرگۈزۈپ 15 تۆھپە پاس چىقارغان.

مېسسىنىڭ ساھىپخان مەيداندا توپ كىرگۈزۈش ئۈنۈمى ئادەمنى ئىنتايىن ھەيران قالدۇردۇ.مېسسى ھازىرغىچە 221مەيدان ساھىپخان بۇلۇپ ئوينالغان مۇسابىقىدە ،180مەيدان غەلبە قىلغان .29مەيدان تەڭلەشكەن،12مەيدان مەغلۇپ بولغان.بۇ  221مەيدان ساھىپخان مۇسابىقىدە جەمئى 281توپ كىرگۈزۈپ 70 تۆھپە پاس چىقارغان.

مېسسىنىڭ بۇ پەسىلدىكى ئىپادىسىمۇ قالتىس بولماقتا.14/15-يىللىق مۇسابىقە پەسلىدە مېسسى ھازىرغىچە جەمئى 36مەيدان مۇسابىقىگە قاتناشقان بۇلۇپ ،29مەيدان غەلبە قىلغان،2مەيدان تەڭلەشكەن،5مەيدان مەغلۇپ بولغان.بۇ 36مەيدان مۇسابىقىدە مېسسى جەمئى 38توپ كىرگۈزۈپ 18 تۆھپە پاس چىقارغان.

مېسسى 2015-يىلى جەمئى 14مەيدان مۇسابىقىگە قاتناشقان بۇلۇپ ،12مەيدان غەلبە قىلىپ 2مەيدان مەغلۇپ بولغان.بۇ 14 مەيدان مۇسابىقىدە جەمئى 15توپ كىرگۈزۈپ 9تۆھپە پاس چىقارغان.

ئەمدى مېسسى بۇندىن كىيىن كۇلۇپقا ھەم -دەم بۇلۇپ  بۇزۇدىغان رىكوتلار:

1. رەسمىي تۈردىكى 400مەيدان مۇسابىقىگە قاتنىشىش رىكوتى.    (مېسسى ھازىرغىچە 398 مەيدان مۇسابىقىگە قاتناشتى،بۇ رىكوتقا پەقەت 2مەيدان قالدى)
2.ياۋرۇپا چىمپىيۇنلۇق مۇسابىقىسىدە 100-مەيدان مۇسابىقىنى كۈتۈۋېلىش.(مېسسى ھازىرغىچە 96 مەيدان مۇسابىقىگە قاتناشتى،بۇ رىكوتقا پەقەت 4مەيدان قالدى)
3.ئىسپانىيە A بىرلەشمىسى  مۇسابىقىسىدە سانچىسنىڭ مېھمان مەيداندا ئەڭ كۆپ توپ ئۇرۇش رىكوتى.  (مېسسى ھازىرغىچە 75 توپ ئۇردى .بۇ رىكوتقا پەقەت 4توپ  قالدى)
4.ياۋرۇپا چىمپىيۇنلۇق بىرلەشمىسى مۇسابىقىسىدە 100-مەيدان مۇسابىقىنى كۈتۈۋېلىش.(ھازىرغىچە 93مەيدان مۇسابىقىگە قاتناشقان،پەقەت 7مەيدان قالدى)
5.رەسمىي مۇسابىقىدىكى 400-توپنى كىرگۈزۈش.(ھازىرغىچە 392توپ كىرگۈزۈپ بولدى.پەقەت 8توپ قالدى)
6.بارىسلونا كوماندىسى تارىخىدا ئىسپانىيە A بىرلەشمىسى  مۇسابىقىسىدە مەيدانغا چىقىش سانى جەھەتتە 7-ئۇرۇندا تۇرۇش.(ھازىرغىچە 302قېتىم مەيدانغا چىقتى.پەقەت 9مەيدان قالدى)
7.ئىسپانىيە بىرلەشمىسىدە توپ كىرگۈزگەن مەيدان سانى جەھەتتە 2-ئۇرۇنغا ئۈتۈش.(سانچىسنىڭ 178مەيدان توپ كىرگۈزۈش رىكوتىنى بۇزۇشقا پەقەت 12مەيدان قالدى)
8.ئىسپانىيە ئىچىدە ئۆتكۈزۈلگەن مۇسابىقىگە تەۋە بولمىغان مۇسابىقىلەردە 100 توپ كىرگۈزۈش رىكوتى.(ھازىرغىچە 80توپ كىرگۈزگەن،بۇنىڭغا 20 توپ قالدى)
9.ئىسپانىيە   A بىرلەشمىسى  بىر مەيدان مۇسابىقىدە 2توپ كىرگۈزۈش قېتىم سانى 100گە يىتىش.(مېسسى ھازىرغىچە 78قېتىم 2دىن توپ كىرگۈزگەن. بۇنىڭغا 22قېتىم قالدى)
10.ئىسپانىيە   A بىرلەشمىسى  مۇسابىقىدە ئۆزمەيدانىدا ئەڭ كۆپ توپ ئۇرۇش رىكوتى176 توپلوق ئۆتكەلگە يىتىش.(مېسسى ھازىرغىچە ئۆزمەيدانىدا 152توپ ئۇرغان.بۇنىڭغا پەقەت 24توپ قالدى)
11.ياۋرۇپا چىمپىيۇنلۇق بىرلەشمىسى مۇسابىقىدە 100توپ ئۇرۇش.(بۇنىڭغا 24توپ قالدى)
12.بارىسېلونا كوماندىسىدا 450 توپلۇق ئۆتكەلنى بېسىپ ئۈتۈش( مېسسى ھازىرغىچە 420 توپ ئۇرغان .بۇنىڭغا پەقەت 30 توپ قالدى،دوسلوق مۇسابىقىسىنىمۇ ئۆزئىچىگە ئالىدۇ)
بەك كۆپ ئىكەن بۇ رىكوتلار .مۇشۇنچىلىك بولسۇن.

دۆلەت كوماندىسىدا مېسسى نىڭ بۇزۇشىنى كۈتۈپ تۇرغان رىكوتلار:
1.  100-مەيدان مۇسابىقىگە قاتنىشىش. (مېسسى ھازىرغىچە ئارگنتىنا دۆلەت كوماندىسىغا ۋاكالىتەن 97مەيدان مۇسابىقىگە قاتناشتى.بۇنىڭغا پەقەت 3مەيدان قالدى)
2.ئارگنتىنا دۆلەت كوماندىسىغا ۋاكالىتەن ئەڭ كۆپ مەيدانغا چىققان 4-پۇتبولچى بۇلۇش.(بۇنىڭغا پەقەت 9مەيدان قالدى.سىمونى 106مەيدان مۇسابىقىگە قاتنىشىپ 4-ئۇرۇندا تۇرماقتا)
3.دۆلەت كوماندىسىدىكى 1-مەرگەن.(مېسسى ھازىرغىچە دۆلەت كوماندىسىدا 45 توپ كىرگۈزگەن.بۇنىڭغا پەقەت 11توپ قالدى)

ئىشقىلىپ بۈگۈندىن باشلاپ مېسسى نىڭ ھەربىر مەيدان مۇسابىقىسى رىكوت يىڭىلاش ئۈچۈن .ئالغا !بۈرگىچاق.

ئىلىم

يەنە  بىر  ئىككى  ئۇمىرى  بولسا  .پۇت قۇلى  ساق بولسا .  رىكوت  دىگەننى  خېلى  بىر  يەرلەرگە  ئاپىرىپ  قۇيدىغاندەك  تۇردۇ    .كىيىن كۇنلەردە  پالانى  توپچى  يەنە  مانچە  توپ  ئۇرسا  مىسسى  بىلەن  تەڭلىشىدۇ  دەپ  خەۋەر  بىرىپ  كەتسە  .مۇنبەردىكى  مىسسى  مەستانىلىرى  پەخىرلىنىپ  ئولتۇرۇپ  كەتسە  ..

كۆسەنى

ۋاي نىمە دىگەن جېق رىكورىتلا بۇ مۇشۇ تاپتا ھېلىقى فارارىي ماشىنىسىنى ھەيدەپ كىتىپ بېرىپ ئارتوسەندىن بىرىگە سۇقۇلۇپ ئۆلسىغۇ مۇنۇ رىكورىتلا مۇشۇ يەردە قالغان بۇلاتتى

kapitan!

  مادىرىتچىلا بىر رونالدونىڭ تىمىسىدىن بىرنى يازسا تەڭلەشكۈدەك..

ئارىف

كۆسەنى يوللىغان ۋاقتى  2015-3-4 16:14
ۋاي نىمە دىگەن جېق رىكورىتلا بۇ  مۇشۇ تاپتا ھېلىقى ف ...

يەنە تېخى 10نەچچە تۈرلۈك رىكوتلا بارئىكەن،يازمىدىم.

freerunning

نىم جىق رىكورتلار بۇ ئەمدى ...

yarkuyi

راس گەپنى قىلسام مۇنبەردىك چوڭ كىچىك توڭ پىششىق ھەممىسى  مېسسىيغا قايىل  مېسسىي ھەقىقەتەن ياخشى بىر قابىل پۇتبولچى ،تالانتىغا ھەممىز قايىل  ،لىكىن مۇشۇ مۇنبەردىكى بەزى بىر مۇنبەرداشلار نۇرغۇنلىغان كىشىلەرنى مېسسىغا ئۆچ قىلۋېتدۇ   ،بەزى ئىشلارغا بەك كۆپ كىرشۋېلىشمۇ ياخشى ئەمەس  بىز دىگەن قېرىنداشلار

laqin1

كاساپەت رىكورىت دىگەن توشىماتىدىغۇ ساڭا بۈرگە.

نوۋكەمپۇ

مېسسى دېگەن مېىسسى دە !  ئ‍ۆھۆ دەپ قويسا رىكوت بۇزىدىغۇ !

كۆسەنى

ئارىف يوللىغان ۋاقتى  2015-3-4 16:15
يەنە تېخى 10نەچچە تۈرلۈك رىكوتلا بارئىكەن،يازمىدىم.[s:7 ...

ئۇنداق ئايرىمىچىلىق قىلماي رونالدونىڭكىنىمۇ يازسىلا ئەمسە

exaniq

دۇنيا لوڭقىسىدا گىرمانغا ئۇدا ئۇتتۇرۇش رىكۇرىتىنىمۇ يارتىدۇ بۇ

ئارىف

كۆسەنى يوللىغان ۋاقتى  2015-3-4 16:23
ئۇنداق ئايرىمىچىلىق قىلماي رونالدونىڭكىنى يازسىلا ئ ...

رونالدوغا مىنىڭ بىلدىغانلىرىم سەل چولتا كىلىپ قالىدۇ. ئالتۇننى زەگە سوقسۇن.