پۇتبولچىمىز ئابدۇۋەلى خېنەن قۇرۇلۇش كۇلۇبى بىلەن توختام ئۇزاتتى

qimbulak

يۇقىرىقى سۈرەتتە : پەخىرلىك پۇتبول چولپىنىمىز ئابدۇۋەلى ئابلەت

مۇسابىقە پەسلى باشلىنىش ئالدىدا دىيارىمىزدىن چىققان پۇتبولچى ئەزىمەتلىرىمىزنىڭ يۆتكىلىش توختاملىشىش خەۋەرلىرى ئۈزۈلـمىدى، يۆتكىلىش بازىرىدا دىيارىمىزدىن چىققان پۇتبولچىلىرىمىزنىڭ سەرخىل كۇلۇبلار بىلەن توختاملىشىشى ۋە توختام ئۇزارتىشى ھەممىمىز كۆڭۈل بۆلىدىغان قىززىق نۇقتىغا ئايلاندى.


يۇقىرىقى سۈرەتتە: پۇتبول سۆيەرلەر، سولدىن 1- كىشى نۇرمۇھەممەد پىدا، ئەرافات پىدا، ئابدۇۋەلى ئابلەت، يۈسۈپ ھاجى ئىمىن، بارى مەمەتئېلى ۋە دانىيار (گۇاڭجۇ خىڭدا پۇتبول مەكتىپى تېرىنېرى، شىنجاڭلىق ئۆسمۈر ئوقۇغۇچىلارنىڭ ئەڭ كۆيۈمچان ئۇستازى)

چىمبۇلاق تورى تەنتەربىيە قانىلى مۇخبىرى نۇرمۇھەممەد پىدانىڭ جۇڭگو دەرىجىدىن تاشقىرى پۇتبول بىرلەشمىسىدىكى خېنەن قۇرۇلۇش (河南建业) كۇلۇبى ئورگان تەرەپتىن ئىگەللىشىچە 2012- يىلىدىن باشلاپ خېنەن قۇرۇلۇش كۇلۇبىدا توپ تېپىۋاتقان قاراماي دىيارىنىڭ جۈملىدىن ئۇيغۇر خەلقىمىزنىڭ پەخىرلىك پۇتبولچىسى ئابدۇۋەلى ئابلەت ئۆز كوماندىسى خېنەن قۇرۇلۇش (河南建业) كۇلۇبى بىلەن 2 + 1 شەكلىدە ئىككى يىللىق توختام ئۇزارتتى، جوڭگۇ زەردارلىرىدىن بىرى بولـمىش داڭلىق كۇلۇبنىڭ پۇتبولچىمىز بىلەن توختام ئۇزارتىشى كۇلۇبنىڭ ئۇنىڭ تالانتىغا ۋە تېخنىكىسىغا قايىل بولغانلىقتىن دەپ قارايمىز.


يۇقىرى سۈرەتتە: ئابدۇۋەلى پۇتبول ساخاۋەتچىسى يۈسۈپ ھاجى ئىمىن ئاكا بىلەن شىنجاڭ سۇڭ چىڭلىڭ پۇتبول مەكتىپى ئۆسمۈرلەر كوماندىسىغا سۆز قىلماقتا
ئابدۇۋەلى ئابلەت 2012- يىلى 1- ئايدا ئىلگىركى كۇلۇبى شىنجىن قىزىل ياقۇت بىلەن توختام ئاخىرلاشتۇرۇپ خېنەن قۇرۇلۇش كۇلۇبىغا يۆتكەلگەندىن كېيىن قىسقا ۋاقىت ئىچىدە ئۆزىنىڭ ياخشى ئىپادىسى ۋە مەيداندىكى جان تىكىپ ئويناش ئالاھىدىلىكى، تېزىلىكى قاتارلىق تەرەپلەردە كۆزگە كۆرۈنگەن  ۋە كوماندىنىڭ ئاساسلىق ئەزالىرى قاتارىغا ئۆتكەن.




2013- يىلى شىنجاڭ پۇتبولچىلار جەمئىيىتى كاتتا يايلاق لوڭقىسى پۇتبول مۇسابىقىسىدە ھەرەمباغ كوماندىسىغا ۋاكالەتەن مۇسابىقە ئويناپ ئۆز ئارزۇسى بويىچە ئۆز خەلقىنىڭ ئالدىدا توپ ئويناپ ئۆزىنى نامايەن قىلغان، شۇ يىلىقى پۇتبول مەستانىلىرىنىڭ ئۇنىڭغا بولغان ئورتاق باھاسى تولىمۇ ياخشى بولغان.

يۇقىرىقى سۈرەتتە : ئابدۇۋەلى ھەرەمباغ كوماندىسىغا ۋاكالەتەن توپ ئوينىماقتا (سولدىن 5- كىشى)


خېنەن قۇرۇلۇش كۇلۇبى ئىقتىساد ۋە ئەمەلىي كۈچ جەھەتتە بىر قەدەر كۈچلۈك كۇلۇب بولۇپ جۇڭگودىكى ئەڭ يۇقىرى دەرىجىلىك پۇتبول بىرلەشمىسى جۇڭگو دەرىجىدىن تاشقىرى بىرلەشمىسىدە مۇقىم ئورىنىنى ساقلاپ كەلمەكتە، مەزكۇر كوماندىدا مىرەخمەتجاننىڭمۇ يەنە 2 يىللىق توختامى بار بولۇپ، بۇ بىر جۈپ ئەزىمىتىمىزگە تېخىمۇ زور ئۇتۇقلار تىلەيمىز !  


يۇقىرىقى سۈرەتتە: خېنەن قۇرۇلۇش كۇلۇبىنىڭ كوللىكتىپ سۈرىتى بولۇپ ئەڭ ئۈستى سولدىن 4- كىشى ئابدۇۋەلى، 6- كىشى مىرەخمەتجان
مەنبە : چىمبۇلاق تەنتەربىيىسى

tagderem

freerunning يوللىغان ۋاقتى  2015-3-3 20:01
قايسى ئورۇننى ئوينايدىغاندۇ ؟

مەيداندىكى  ئورنى ھەم ئەۋزەللىكى سول كىرايدا   ئەڭ روشەن ئىپادىلىندۇ ئابدىۋەلىنىڭ ، سۈرئىتى بەك تىز ،   شنجاڭنىڭ ئۇچقۇر ئېتى .   

خىنەن ئالدىنقى پەسىل دەرىجە ساقلاپ بەك ياخشى ئىش بولغان ،  ماۋۇسى تېخىمۇ كاتتا خوش خەۋەر بوپتۇ . ئابدىۋەلىنىڭ  مىرئەخمەت بىلەن ئاساسلىق ئەزالار قاتارىغا  بىراقلا ئۆتۈپ كىتىشىنى تىلەيمەن .  

مىجەز ھەم ئىتقاد جەھەتتە  باشقىلارغا ئۈلگە بولغۇدەك بالا بۇ  .

pahri

ئىشىلىرى ئۇتۇقىلۇق بۇلىسۇن.........

katalon

ئاللاھ ئىشلىرىنى ئاسان قىلسۇن، مۇشتاق تىمىلارنى ئۈزۈلدۈرمەي يوللاپ تۇرۇڭلار.

ئازىغ

پەخرىمىزنىڭ ئىشلىرى ئۇتۇقلۇق بولغاي، ئۇنىڭ تېخىمۇ كۆپ نەتىجىلەرگە ئېرىشىشىنى ئۈمىد قىلىمەن.

kelos

ئىشلىرى ئۇتۇقلۇق بولغاي، تىخىمۇ چاخنىشىنى ئۈمۇد قىلىمە

freerunning

قايسى ئورۇننى ئوينايدىغاندۇ ؟

تۆگىچاق

تىخىمۇ چاقنىشىنى ئۈمىد قىلىمەن .

XIRTAYJUN

بولسا  ئۆزىمىزنىڭ  خەۋەرلىرىنى  كۆرەك  يوللاڭلا

c.ronaldo123

مۇشۇندا   ئوغلانلىرمىز  كۆپلەپ  چىقسا   بۇلاتتى  ، ئشلىرىڭ  ئوڭشلۇق  بولغاي  

كىرورەن

freerunning يوللىغان ۋاقتى  2015-3-3 20:01
قايسى ئورۇننى ئوينايدىغاندۇ ؟

خوتەنگە كىلىپ مۇسابىقىگە قاتناشقاندا ئوڭ كىراي ئورنىدا ئوينىغان ، توپنى ئاساسەن سول پۇتىدا تىپىدىكەن ، سۈرئەت ۋە شەخسى تېخنىكىسى ئاجايىپ قالتىسكەن .

ejatkar

ئاللا ئىشلىرىڭى ئوڭوشلۇق قىلسۇن قىرىندىشىم.