بۇ يازمىنى ئاخىرىدا بېرنابۇ تەھرىرلىگەن. ۋاقتى 2015-2-26 00:16
ياۋروپا چېمپىيونلۇق لوڭقىسىغا ئېرىشىش ھەر بىر پۇتبول چولپىنىنىڭ ئەڭ چوڭ ئارزۇلىرىنىڭ بىرى. ئەمما پۇتبول ساھەسىدە نام قازانغان بىر قىسىم داڭلىق پۇتبول چولپانلىرىمۇ مەلۇم سەۋەبلەر تۈپەيلى، پۈتۈن كەسپىي ھاياتىدا بۇ كاتتا كوللېكتىپ مۇكاپاتقا ئېرىشىپ باقمىغان. تۆۋەندە بىز بۇلارنىڭ ئارىسىدىكى ئەڭ داڭلىق 10 چولپاننى كۆرۈپ باقايلى.
10. داننىي بېرىگكامىپ
بېرىگكامىپ ئاجاكىس ۋە ئارسېنالدا ئۆچمەس تارىخى ئىزلارنى قالدۇرغان بولۇپ، مەستانىلەر قەلبىدە مەڭگۈ ئۇنتۇلماس چولپان ھېسابلىنىدۇ، ئەمما ئۇ كەسپى ھاياتىدا ياۋروپا چېمپىيونلۇق لوڭقىسىغا ئېرىشىپ باقمىغان.
9. فىرانسىسكو توتتى
توتتى بۇ يىلقى ياۋروپا چېمپىيونلۇق لوڭقىسى گۇرۇپپا مۇسابىقىسدە مانچېستېر شەھىرى كوماندىسىغا توپ ئۇرۇپ، مەستانىلىرىنىڭ قەلبىنى لەرزىگە سالدى، ئەمما ئون نەچچە يىلدىن بۇيان ئىزچىل رىم قورغىنىنى ساقلاپ كېلىۋاتقان سادىق جەڭچى، ھازىرغا قەدەر ياۋروپا چېمپىيونلۇق لوڭقىسىغا ئېرىشىپ باقمىغان.
8. ئوۋىن
ئوۋىن گەرچە لىۋىرپول، مانچېستېر بىرلەشمىسى، خان جەمەتى مادرىد قاتارلىق زەردار كۇلۇبلاردا توپ تېپىپ نام قازانغان بولسىمۇ، ئەمما ئۇ كەسپى ھاياتىدا ياۋروپا چېمپىيونلۇق لوڭقىسىغا ئېرىشىپ باقمىغان.
7. ۋان نىستىلروي
ۋان نىستىلروي ياۋروپا چېمپىيونلۇق لوڭقىسى مۇسابىقىسىدىكى ھۇجۇم كۈچى يۇقىرى پۇتبولچىنىڭ بىرى، ئەمما كىشىنى ھەيران قالدۇردىغىنى، گوللاندىيەلىك بۇ داڭلىق ھۇجۇمچىمۇ ھەتتا ياۋروپا چېمپىيونلۇق لوڭقىسى ھەل قىلغۇچ مۇسابىقىسىگىمۇ قاتنىشىپ باقمىغان.
6. تىياگو سىلۋا
تىياگو سىلۋا بولسا يېقىنقى يىللاردىكى ئەڭ مۇنەۋۋەر ئوتتۇرا مۇداپىئەچى بولۇپ ھېسابلىنىدۇ، ئۇ مىلان ۋە پارىژ سانىت گېرمان كوماندىلىرىدا نۇرغۇن قېتىم ياۋروپا چېمپىيونلۇق مۇسابىقىسگە قاتناشقان بولسىمۇ، بىر قېتىممۇ چېمپىيون بولۇپ باقمىغان. بۇ يىل ئېرىشەلەمدۇ يوق، بىر نېمە دېگىلى بولمايدۇ.
5. ۋان پىرىس
2006-يىلى ۋان پىرىس ئارسىنال بىلەن بىرلىكتە ياۋروپا چېمپىيونلۇق ھەل قىلغۇچ مۇسابىقىسىگە قاتناشقان، ئەمما لوڭقىنى بارسېلوناغا تارتقۇزۇپ قويغان. بۇ پەسىل بولسا ۋان پىرىس مانچېستېر بىرلەشمىسى بىلەن بۇ مۇسابىقىنى ئويناش سالاھىيىتىگىمۇ ئېرىشەلمىدى.
4. رونالدو
رونالدو بولسا پۇتبول دۇنياسىدىكى ئەڭ مۇنەۋۋەر ھۇجۇمچى ھېسابلىنىدۇ، ئۇ بارسېلونا، خان جەمەتى مادرىد كوماندىلىرىدا توپ تېپىپ ئۇنتۇلغۇسىز تارىخلارنى ياراتقان بولسىمۇ، ئەمما ئۇمۇ ئوخشاشلا كەسپى ھاياتىدا ياۋروپا چېمپىيونلۇق لوڭقىسىغا ئېرىشىپ باقمىغان.
3. فابرىگاس
فابرىگاس 2006-يىلى ئارسىنال بىلەن بىرلىكتە ياۋروپا چېمپىيونلۇق لوڭقىسى ھەل قىلغۇچ مۇسابىقىسىگە كىرگەن، كىيىن فابرىگاس ئارسىنالدىن ئايرىلىپ بارسېلوناغا قوشۇلغان بولۇپ، ھازىرغىچە ياۋروپا چېمپىيونلۇق لوڭقىسىغا ئېرىشىپ باقمىغان. ئەمما ئۇ بۇ يىل چېلسى بىلەن بىرلىكتە بۇ لوڭقىغا ئېرىشەلەمدۇ يوق، بىر نېمە دېگىلى بولمايدۇ.
2. ۋىئېرا
ۋىئېرا بولسا ئەڭ مۇنەۋۋەر ئوتتۇرا مەيدان ماھىرى ھېسابلىنىدۇ، ئەمما ئۇ بۇ تۈردىكى مۇسابىقىنىڭ ھەل قىلغۇچىغىمۇ قاتنىشىپ باقمىغان. ئۇ ئىلگىرى ئىنتىر مىلانغا بېرىش پۇرسىتىدىن ۋاز كېچىپ، ئارسىنالغا قوشۇلغان، ئەمما كىيىن ئىنتىر مىلان بۇ تۈردە چېمپىيون بولدى.
1. ئىبىرايىموۋىچ
ئىبىرايىموۋىچ نۇرغۇن شان-شەرەپلەرگە ۋە مەستانىلەرنىڭ قىزغىن قوللىشىغا ئېرىشىپ كەلدى، ئۇ ئاجاگىس، يۇۋىنتۇس، ئىنتىر مىلان، بارسېلونا، ئا س مىلان، پارىژ سانىت گېرمان قاتارلىق دۇنياغا داڭلىق زەردارلاردا توپ تەپكەن بولسىمۇ، ئەمما ھازىرغىچە ياۋروپا چېمپىيونلۇق لوڭقىسىغا ئېرىشىپ باقمىدى، بەلكىم بۇ يىل ئۇنىڭ ئۈچۈن يەنە بىر قېتىملىق پۇرسەت بولۇشى مۇمكىن.
| 
ۋاقتى: 2015-2-25 22:55:43
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2015-2-26 00:23:02
