ياۋۇپا چىمپىيونلۇق تۇنجى ئۇچرىشىشىغا ئالدىن نەزەر

تىروي

ئەسسالامۇ ئەلەيكۇم !
دىيارىمىز ۋاقتى 2-ئاينىڭ 18-كۈنى ئەتىگەن سائەت 1:45  مىنۇت ئۆتكەندە ياۋروپا چىمپىيۇنلۇق بىرلەشمىسى 8 كۈچلۈكنى تاللاش تۇنجى ئۇچرىشىشى چېلسىي بىلەن پارىژ ، بايرىن بىلەن دونستىك كان ئىشچىلىرى ئوتتۇرسىدا ئوينىلىدىغان بۇلۇپ،ھەر قايسى كوماندىلار ئۆز بىرلەشمىللىرىنىڭ زەردارلىرى ھىساپلىنىدۇ.
چېلسىيغا نەزەر سالساق :- ئېنگلاند بىرلەشمىسىدە 18 مەيدان ئۇتۇش، 5 مەيدان تەڭلىشىش ، 2 مەيدان ئۇتتۇرۇش بىلەن بىرلەشمىنىڭ چوققىسىدا كېتىۋاتىدۇ، مانچىستىر شەھىرى، مانچىستىر بىرلەشمىسى ۋە جەنۇبى ئامپىتون قاتارلىق كوماندىلار ئايرىم ئايرىم 3،5،4 نۇمۇر پەرىق بىلەن قوغلاپ كېلۋاتىدۇ، چېلسى 2008-يىلى مانچىستىر بىرلەشمىسى بىلەن ياۋروپا چىمپيۇنلۇق بىرلەشمىسىنىڭ ھەل قىلغۇچىنى ئوينىغان بۇلۇپ تېررىنىڭ نوقتا توپ ئۇرالماسلىقى تۈپەيلى چىمپىيۇنلۇق بىرلەشمىسىنىڭ 2-لىكىنى ئالغان، 2012-يىلى بايرىن مىيۇنخىننى مەغلۇپ قىلىپ تارىخىدىكى تۇنجى يوغان قۇلاقنى كۆتۈرگەن، 2013-يىلى مورىنھو چېلسىينىڭ قامچىسىنى قايتا قولىغا ئېلىپ چېلسىنى قايتا باشتىن تەرتىپكە سالدى، داڭلىقلاردىن كوستا ، فابرېگاس قاتارلىقلارنى كوماندىغا قۇشىۋالدى.


پارىژ سانت گېرمان كۇلۇبى 1970 -يىلى  قۇرۇلغان بۇلۇپ چېلسىيغا سېلشتۇرغاندا بىر قەدەر يېڭى كۇلۇب بۇلۇپ گۇرۇپپىدىكى ئەھۋالىغا نەزەر سالساق بارسىلونا بىلەن بىر گۇرۇپپىغا بۈلۈنگەن، بارسىلونانى بىر ئۇتۇپ ، بىر ئۇتتۇرۇپ قالغان ئاجاكىس ،نىكسىيە قاتارلىق كوماندىلارنى ئۇتۇپ گۇرۇپپىدىن ئىككىنجى بۇلۇپ چىقتى، بىرلەشمىدىكى نەتىجىلىرىمۇ يامان ئەمەس بۇلۇپ 25 مەيدان مۇسابىقىدە 49 نۇمۇر ئېلىپ لىئون ۋە مارسىلدىن كىيىنلا قوغلاپ كىلۋاتىدۇ (لىئون ۋە مارسىلنىڭ نۇمۇرى ئايرىم ئايرىم 51 ۋە 49 )، ئەمما پارىژ ھازىرغا قەدەر يوغان قولاقنى كۆتۈرۈپ باقمىدى، ئوزغۇنلۇق 4 كۈچلۈككە كىرگەن قېتىم سانى بىر ھەمدە ياۋرۇپا ئىتپاق لوڭقىسى 4 كۈچلۈككە كىرگە قېتىم سانى، ئۇنىڭدىن باشقا ياۋرۇپادا كۆزگە كۈرۈنگىدەك نەتىجىلىرى يوق، ئەمما پارىژدا ئۇرايىم نوچى، كاۋانى نوچى قاتارلىق زەردار توپچىلار بار
بۇ ئىككى كوماندا كۈچ جەھەتتە ئازراق پەرقلىندىغان بۇلۇپ چېلسىنىڭ 8 كۈچلۈككە كىرىش ئېھتىماللىقى بىر قەدەر يۇقىرى


ئەمدە بايرىن مىيۇنخىنغا نەزەر سالساق گېرمان بىرلەشمىسىدە16 مەيدان ئۇتۇش 4 مەيدان تەڭلىشىش،بىر مەيدان ئۇتتۇرۇش بىلەن 52 نۇمۇر ئېلىپ چوققا ئورۇندا مېڭىۋاتىدۇ، 2013-يىللىق ياۋرۇپا چىمپىيۇنى بۇلۇشتىن باشقا 1974 ,1975 ,1976 ,2001 ,2013-يىللىرى ياۋرۇپا چىمپىيۇنلىقىنى قولغا كەلتۈرگەن،ھەمدە 1982 ,1987 ,1999 ,2010 ,2012-يىللىرى 2-لىككە ئېرىشكەن. 2014-يىلى بايرىن يېرىم ھەل قىلغۇچ جېڭىدا خانلىق مادىرىد بىلەن تۇتۇشۇپ ئالدىنقى مەيدان 4:0 كىيىنكى مەيداندا 1:0 نەتىجە بىلەن ئۇتتۇرۇپ شاللىنىپ كەتكەن، بۇ يىلدىكى گۇرۇپپىدىن چىقىش ئەھۋالىغا قارىساق مانچىستىر شەھىرى، رىم ۋەموسكىۋا قۇرۇقلۇق ئارمىيەسى بىلەن بىر گۇرۇپپىغا بۈلۈنگەن بۇلۇپ 15 نۇمۇر بىلەن بىرىنجى ھالەتتە گۇرۇپپىدىن چىقتى..


دونستىك كان ئىشچىلىرى 1936-يىلى قۇرۇلغان بۇلۇپ 9 قېتىم ئۇكرائىنا چىمپىيۇنلىقىنى، 4 قېتىم سوۋىت لوڭقىسى چىمپىيۇنلىقىنى، 1 قېتىم2009-يىلى ياۋرۇپا ئىتپاق لوڭقىسى چىمپىيۇنلىقىنى ئالغان. 2013-يىللىق سەككىز كۈچلۈكنى تاللاش مۇسابىقىسىدە دورتموند بىلەن 2:2 تەڭلىشىپ دورتموند مېھمان مەيدان ئەۋزەللىكىدىن پايدىلىنپ  ئۇتقان، بۇ قېتىم h گۇرۇپپىغا بۆلۈنگەن بۇلۇپ پورتو، رىقابەت، باتى قاتارلىق كوماندىلار بىلەن بىر گۇرۇپپىغا بۆلۈنۈپ 2-بۇلۇپ گۇرۇپپىدىن چىققان
ئىككى كوماندىنىڭ ئەمەلىي كۈچ سېلىشتۇرمىسى جەھەتتە بايرىن خېلىلا ئەۋزەل ئورۇندا تۇرىدۇ، ئۇكرائىنا ۋازىيىتىنىڭ داۋالغۇشى، دونستىكنىڭ مۇستەقىللىق ئېلان قىلىشى قاتارلىق سىياسىي ئامىللار ئۇكرائېنا پۇتبولچىلىقىنى خېلىلا چېكىندۈرىۋەتتى دېسەك ئۇشۇق كەتمەيدۇ

missi2

مو تەلۋىنىڭ قوشۇنى،
قىستاپ كەلدى پارىژغا.
دىققەت قىلغاي قوشۇنىڭ،
چۈشۈپ قالماي كارىزغا.



ئۇرايماخۇن پەشۋاسى،
ئىۋانلارنى سىنايدۇ.
كوستا ئاتقان مۇشلارمۇ،
سىلۋالارنى قىينايدۇ.

ئەجەپ بەكمۇ خەتەرلىك،
فابرىگاسنىڭ پاسلىرى.
شىر كەبى يەلپۈنەر،
كاۋانىنىڭ چاچلىرى.

كېلىپ قاپتۇ پارىژغا،
موتەلۋىنىڭ قوشۇنى.
ئۇتسىڭىز گەر قىماردا،
ئايرىپ قويۇڭ چوتۇنى.

جاغىستاي120

ئەسسالامۇ ئەلەيكۇم!!

2015-يىلى 2-ئاينىڭ 18-كۈنى،دىيارىمىز ۋاقتى سەھەر سائەت 1:45 مىنۇت ئۆتكەندە، ئېنگىلاند زەردارى چېلسى بىلەن فىرانسىيە زەردارى پارىژ سانت ژېرمان كۇلۇبى ئوتتۇرىسىدا، ياۋروپا ئۇزغۇنلۇق بىرلەشمىسى سەككىز كۈچلۈككە كىرىش مۇسابىقىسىنىڭ بىرىنچى ئۇچۇرشىشى ئوينىلىدۇ.
                        

               

ئىككى كۇلۇبنىڭ مۇسابىقىدىن بۇرۇنقى ئۇچۇرلىرى

  ئىككى كۇماندا، ئالدىنقى پەسىل ئۇزغۇنلۇق بىرلەشمىسىنىڭ 4 كۈچلۈككە كىرىش جېڭىدە ئۆز-ئارا ئۇچىراشقان، ئالدىنقى ئۇچۇرشىشتا، پارىژ ساھېبخان مەيدانىدا 3:1 نەتىجە بىلەن يەڭگەن، لېكىن كېيىنكى ئۇچۇرشىشتا ئىبىراھىمۇۋىچنىڭ يارلىنىشى تۈپەيلى مېھمان مەيدانىدا 2:0 نەتىجە بىلەن چېلسىغا ئۇتتۇرۋەتكەن، ھەمدە چېلسى مېھمان مەيدانىدىكى بىر توپ ئەۋزەللىكى بىلەن پارىژنى شاللىۋىتىپ تۆت كۈچلۈك قاتارىغا كىرگەن. ئىككى كۇماندا بىربىرىگە ناتۇنۇش ئەمەس، ئالدىنقى پەسىل چېلسىدىن يۆتكۈلۈپ كەلگەن بىرازىلىيىلىك توپچى داۋېي.لويېس بۇ قېتىم چېلسىغا قارشى جەڭگە چۈشىدۇ، ئالدىقى پەسىل ئۆز مەيدانىدا پارىژغا بىردىن توپ ئۇرغان شۇرلى بىلەن دىمبابا چېلسىدىن ئايرىلىپ كەتتى، بىراق چېلسى ئاجىزلاپ كەتمىدى،ئۇلاردا يەنە بىر قاتىل ھۇجۇمچى كوستا، ئېنگىلاند يېڭى پاس شاھى فابرېگاس، يېڭىدىن قوشۇلغان كۇادىرادو بار، ئۇلار ھازىر ئېنگىلاند دەرىجىدىن تاشقىرى بىرلەشمىسىنىڭ چوققىسىدا مەزمۇت كېتىپ بارىدۇ، ئىككىنچى ئورۇندىكى كۇماندىدىن يەتتە نومۇر ئىشىپ كەتتى. مۇرىنىئو ئۇيۇشما لوڭقىسىدىن ۋاز كېچىش ئارقىلىق، ئۇزغۇنلۇق بىرلەشمىسىگە پۇختا تەييارلىق قىلىۋالدى دەپ قارىلىۋاتىدۇ.
  پارىژمۇ كۈچلۈك كۇماندا، ھازىر فىرانسىيە بىرلەشمىسىدە 49 نۇمۇر بىلەن ئىككىنچى ئورۇندا، بىرىنچى ئورۇن بىلەن پەقەت ئىككى نومۇر پەرق بىلەن تۇرۋاتىدۇ، ھەر قاچان بىرلەشمىنىڭ چوققىسىغا چىقىش ئېھتىماللىقى بار. پارىژ تارىختا تۆت قېتىم فىرانسىيە ئا دەرىىجىلىكلەر بىرلەشمىسىنىڭ چىمپىيۇنى بولغان، بىر قېتىم ياۋروپا غالىبلار لوڭقىسىنىڭ چمپىيۇنلۇقىغا ئېرىشكەن، لېكىن بىرلەشمىنىڭ ئالدىنقى ئايلانمىسىدا پارىژ كۇماندىسىدىكى كابايى قاتارلىق تۆت ئاساسلىق ئەزاسى يارلاندى، بۇ قېتىملىق مۇسابىقىگە قاتنىشالمايدۇ، بۇ ئىش كۇماندىغا زور قىيىنچىلىق تۇغدىرىشى مۇمكىن.
  يەنە بىر قىزىق نوقتا، ھازىرقى ئېنگىلاند بىرلەشمىسىنىڭ مەرگەنلىك چوققىسىدا تۇرۋاتقان چېلسى ماھىرى كوستا،  ئۇ ئەزەلدىن ئۇزغۇنلۇق بىرلەشمىسىدە توپ ئۇرۇپ باقمىدى، بۇ قېتىم توپ ئۇرۇپ مەستانىلەرە يەنە بىر قېتىم ئۆزىنى ئىسپاتلىيالامدۇ يۇق؟
         

ئىككى كۇماندىنىڭ سانلىق مەلۇماتلىرى

ئىككى كۇماندا ئۇزغۇنلۇق تارىخىدا پەقەت تۆت قېتىم ئۇچىراشقان، چېلسى ئىككى قېتىم ئۇتۇپ، بىر تەڭلىشىپ، بىر ئۇتتۇرغان، ئالتە توپ ئۇرۇپ، ئۈچ توپ كەتكۈزگەن . بۇنىڭ ئىچىدە مېھمان مەيدانىدا بىر ئۇتۇپ بىر تەڭلەشكەن.
   پارىژ تېرىنىرى بۇلانىك، 2013-يىلى5-ئايدىن ھازىرغىچە بولغان ياۋروپا ئۇزغۇنلۇق ھاياتىدا، 21 مەيدان ئۇتۇپ، تۆت تەڭلىشىپ، يەتتە قېتىم ئۇتتۇرغان، ئۇتۇش نىسبىتىنى 78% كە يەتكۈزگەن.
  پارىژ كۇماندىسىدىكى كىچىك لوكاس بۇ پەسىللىك ئۇزغۇنلۇق بىرلەشمىسىدە، 13 قېتىم پۇرسەت ياراتتى(پاسمىدۇ؟)، يەنى كۇماندىدا ئەڭ كۆپ، گۇرۇپپا مۇسابىقىسىدە ئىككى قېتىم مۇنەۋۋەر ماھىر بۇلۇپ باھالاندى، 32 كۇماندا ئىچىدە مېسسىدىنلا كېيىن تۇرىدۇ(مېسسى 5 قېتىم باھالانغان)، لېكىن ئۇ يارلانغانلىقتىن بۇ قېتىم مۇسابىقىگە قاتنىشالماسلىقى مۇمكىن.
  پارىژ بىرلەشمىدە ئۆ مەيدانىدا سەككىز ئۇتۇپ، ئۈچ مەيدان تەڭلىشىپ، ئۇتتۇرۇپ باقمىغان، ھەر مەيداندا 0.5توپ كەتكۈزگەن، بىرلەشمىدە ئەڭ ئاز.
  پارىژ ئۇزغۇنلۇق بىرلەشمىدە ، پاس توپ يەتكۈزۈش نىسبىتى 88.4%، بۇ جەھەتتىن 4-ئورۇندا تۇرىدۇ.
  پارىژ ئۇزغۇنلۇق بىرلەشمىدە، توپ توسۇش نىسبىتى 19.2 قېتىم بۇلۇپ، رەت تەرتىپىدە 3-ئورۇندا.
  پارىژ ئۇزغۇنلۇق بىرلەشمىدە، قاپقىغا ئۇدۇل توپ تېپىش قېتىم سانى 4.5 قېتىم بۇلۇپ، 8-ئورۇن.
  كاۋانى ئۇزغۇنلۇق بىرلەشىدە 5 توپ ئۇرغان بۇلۇپ، مەرگەنلەر تەرتىپىدە 3 -ئورۇندا.
  
مۇرىنىئونىڭ ئۇزغۇنلۇق بىرلەشمىدە، ئۇتۇش نىسبىتى 54% بۇلۇپ، فىرانسىيىدىكى كۇلۇبلار بىلەن بولغان مۇسابىقىدە، 11 مەيدان ئۇتۇپ، ئىككى تەڭلىشىپ، بىر مەيدان ئۇتتۇرغان، ئۇتۇش نىسبىتى 78% كە يەتكەن.
  چېلسى 2011-12-مۇسابىقە پەسلىدە، ئۇزغۇنلۇق چمپىيۇنى بولغان، ئالدىنقى پەسىلدە تۆت كۈچلۈككە كىرگەن.
  چېلسىنىڭ ب پەسىلدىكى ئۇزغۇنلۇق بىرلەشمىسىدىكى پاس يەتكۈزۈش نىسبىتى 86.4% بولۇپ، 6-ئورۇندا.
  چېلسى ئۇزغۇنلۇق بىرلەشمىدە، توپ توسۇش نىسبىتى 10.8 قېتىم بۇلۇپ، رەت تەرتىپىدە،32 كۇماندىنىڭ ئوتتۇرىسىدا.
  چېلسى ئۇزغۇنلۇق بىرلەشمىدە، قاپقىغا ئۇدۇل توپ تېپىش قېتىم سانى 7.8 قېتىم بۇلۇپ، 3-ئورۇندا.
  چېلسى بۇ پەسىل ھازىرغىچە، ئۇزغۇنلۇق بىرلەشمىدە ئەڭ كۆپ توپ كىرگۈزگەن كۇماندا، ھەر مەيدانغا 2.8 توپتىن توغرا كېلىدۇ.
  چېلسى 10 مەيدان ساھېبخان مەيدانىدا، بەش ئۇتۇپ، ئۈچ تەڭلىشىپ، ئىككى ئۇتتۇرغان، ئۇتۇرماسلىق نىسبىتى 80% بولغان، تۆت مەيداندا ئاز بولغاندا ئۈچ توپ ئۇرغان.
  
           

باشقا ئۇچۇرلار   

   پارىژ سانت ژېرمان كۇماندىسىنىڭ بۇ قېتىم مەيدانغا چىقىدىغان ئەزالار تىزىملىكى:

  سېرىگو ، ۋاندېۋېر ، دىياگو سېلۋا، داۋېي لوئىس، ماكسىۋېر، مۇتا، ۋېرادى، رابىئو، راۋېچى ، كاۋانى ، ئىبىراھىمۇۋىچ

  چېلسى كۇماندىسىنىڭ بۇ قېتىم مەيدانغا چىقىدىغان ئەزالار تىزىملىكى:
   
   كورتوۋا، ئېۋانۇۋېچ ، زۇما ، تېررى ، ئاسپىلىكوتا، فابرېگاس، مادېچ ، ۋېللىئان، ئوسكار، خازارد ، كوستا
  
   

ئىلىم

ما تىمىنى   يوللاپ  ياخشى  قىلدىڭىز  .دۇنىسىك  سايىپخان   مەيدانى  نەدە   دۇنىسىكتا  ئەمەستۇ  .ئۇ يەردە  بولسا  بىخەتەرلىككە   كاپالەتلىك  قىلغىلى  بولماس  
چېلسخ  توپچىلىرى  3-1  ياكى  2-0  ئۇتىمىز  دەپتۇمىش  دا ۋۇتاخۇنلارنى  

Putbolqak

madtid ka 20tilla katti kilidigan la bolsa

missi0998

ھۆرمەتلىك مۇنبەر باشقۇرغۇچىلىرى.  مىنىڭ بايىقى تىمام نىمە سەۋەپتىن ئۆچۈرۈلدى. ئەسكەرتىشمۇ يوق. تىمىنى يىزۋىتىپ ھازىر قارىسام ھىچيەردە كۆرۈنمەيدۇ.  سەۋەبىنى سورىسام ئوشۇق كەتمەس.....

ئىلىم

missi0998 يوللىغان ۋاقتى  2015-2-17 17:27
ھۆرمەتلىك مۇنبەر باشقۇرغۇچىلىرى.  مىنىڭ بايىقى تىمام ن ...

شىنجاڭ  پۇتبولى  توغۇرلۇق  خەۋەرمۇ  .ئۇ  خەۋەرنى  ئاخشام  بىرسى  ئەكەپتىكەن  نۇردىن  .مۇنبەردە  بار  ئىدى  .شوڭا  ئۇچۇرگەندۇ  .يۇتكەشتىن  بۇرۇن  مۇنبەرگە  قارىۋېتىدىغان  ئىشتى  

باشئەگىم

missi0998 يوللىغان ۋاقتى  2015-2-17 15:27
ھۆرمەتلىك مۇنبەر باشقۇرغۇچىلىرى.  مىنىڭ بايىقى تىمام ن ...

تېمىڭىزنى مەن ئۆچۈرگەن ، تۈنۈگۈنلا مۇنبەرگە يوللانغان تېما ئىدى ، تېلىفۇندا ئۆچۈرگەنتىم ، ئەسكەرتىش بەرسەم بارمىغان ئوخشايدۇ .

missi0998

ئىلىم يوللىغان ۋاقتى  2015-2-17 17:30
شىنجاڭ  پۇتبولى  توغۇرلۇق  خەۋەرمۇ  .ئۇ  خەۋەرنى  ئاخشا ...

ھە ئۇنداق بولسا مەيلى. لىكىن مەن ئۇچراتمىغان ئىدىم.  باشقا بىر تىمىدا ئىنكاس شەكلىدە يىزىقلىق ئىكەن. شۇ سەۋەپلەرنى ئىنىق ئوتتۇرغا قويۇپ تۇرۇپ يوللىغان ئىدىم. ھىچ بولمىسا ئەسكەرتىش بولسىمۇ بىرۋەتسىچۇ ؟؟

totti

ئوزغۇنلۇقنىڭ يامان ۋاختىدا ما تورنىڭ يوقلىقى ھەجەپ بىر ئىش بولدى ، چىلسىغا ئامەت يار بولغاي

missi0998

باشئەگىم يوللىغان ۋاقتى  2015-2-17 17:35
تېمىڭىزنى مەن ئۆچۈرگەن ، تۈنۈگۈنلا مۇنبەرگە يوللانغا ...

ئۇنداق يىرى بولسا مەيلى. مەن مۇنبەردە ئۇچراتمىغان ئىنكاس شەكلىدە يوللاغلىق ئىكەن.   

جانۇزاي

پاژىز ئۇتتۇردۇ ئۆزەمچە.

تىروي

ئاپلا سەل بۇرۇنراق يوللانغان بولسىچۇ...
مەن بايرىن بىلەن دوتسىنىكنىڭكىنى ئايرىم يوللىسام